Laai boek af : PDF

Die Gawes van Die Heilige Gees
is ‘n geskenk van God
F.W.C. Neser, M.Sc.
Transkripsies van Kassette Nr. L011 tot L019
Teksverse uit 1953 Vertaling
1

Die Gawes van die Heilige Gees
Outeur F.W.C. Neser
Kopiereg F.W.C. Neser
Uitgewer F.W.C. Neser
Posbus 31571
Wonderboompoort
0033
Tel / Faks: (012) 379-8954
E-pos: ekklesiakassetfonds.neser@gmail.com
Webtuiste: www.israelmusthear.co.za
Kantoorure: Maandag tot Donderdag,
09h00-12h00
Drukker: Minit Print Pretoria Noord
Tel: (012) 565-5288
Fax: (012) 565-5289
E-pos info@minitprint.biz
Uitgifte 2001 Eerste druk
ISBN 0-620-27657-6
2

Inhoud:
Voorwoord.....................................................................................................4
Hoofstuk 1.....................................................................................................5
Die Gawe van ‘n Woord van Kennis. ........................................................5
Hoofstuk 2...................................................................................................28
Die Gawe van ‘n Woord van Wysheid. ...................................................28
Hoofstuk 3...................................................................................................42
Die Gawe van Onderskeiding van Geeste..............................................42
Hoofstuk 4...................................................................................................67
Die Gawe van Spreek in Tale. ................................................................67
Hoofstuk 5...................................................................................................90
Die Gawe van Uitleg van Tale.................................................................90
Hoofstuk 6.................................................................................................110
Die Gawe van Profesie. ........................................................................110
Hoofstuk 7.................................................................................................132
Die Gawe van Geloof. ...........................................................................132
Hoofstuk 8.................................................................................................155
Die Gawe van Genesing. ......................................................................155
Hoofstuk 9.................................................................................................177
Die Gawe van Werking van Kragte.......................................................177
3

Voorwoord.
Voorwoord tot die Bedieningsgawes van Christus en die Gawes en Vrug
van die Heilige Gees.
Voordat ons Here Jesus vir ons aan die kruis gesterf het, het Hy sy
dissipels beloof dat Hy na sy terugkeer na die Vader vir hulle die Trooster,
die Heilige Gees sou stuur. Hy sou hulle in die hele waarheid lei, en van
Hom (Jesus) getuig, en Hom verheerlik. Hy sou hulle dus nie as
weeskinders en ook nie herderloos agterlaat nie.
Hy sou manne opwek wat hierdie herderskap van Hom (Jesus) sou
voortsit. Die Apostel Paulus noem hierdie herders “bedieninge” wat Hy
(Jesus) as ‘n gawe aan die heiliges sou gee om hulle op te pas, te beskerm
en toe te rus vir hulle dienswerk en hulle te lei tot volwassenheid in
Christus om nie meer heen en weer geslinger te word deur elke wind van
lering nie.
Saam met die Gawe van die Heilige Gees sou daar ook die Vrug van die
Heilige Gees wees. Dit sou na ‘n grondige bekering en die doop kom. Dit
is die grondslag van dissipelskap. Hierdie dissipels moes dan geleer en
toegerus word, soos hierbo genoem.
Ek het die groot behoefte aan lering baie dringend gevoel. In die middel
sewentiger jare het ek toe begin met ‘n paar reekse Bybelstudies oor :
Bekering, die Doop, die Doping in die Heilige Gees, die Gawes van die
Heilige Gees, die Vrug van die Heilige Gees en die Bedieningsgawes van
Christus.
Hierdie Studies is almal op kasset opgeneem.
Suster Rieta Schilling en haar man Jörg het transkripsies daarvan gemaak
(met die hulp van ‘n groot aantal susters uit die gemeente) en het dit
verwerk en op Rekenaar geplaas sodat ons dit kon laat druk. Ons is almal
innig dankbaar teenoor hulle, vir so ‘n groot taak wat met die grootste liefde
gedoen is.
Ons glo vas dat soos dit hierdie Bedieninge, Gawes en Vrug was, wat die
Christelike Geloof gegrondves het en met groot tekens en wonders en
dade van die Heilige Gees die eerste Gemeentes tot stand laat kom het, dit
weer so gaan wees.
Voor die Wederkoms van ons Here Jesus, in hierdie dae van verskriklike
verval, is dit alleenlik so ‘n Bediening wat ons uit hierdie toestand gaan
uitruk en voorberei om ons Koning te ontmoet.
Dit is dan ook ons innige bede dat dit in die hartsbehoefte van menige
gelowiges in Israel sal voorsien.
F. W. C. Neser,
Namens Ekklesia Evangeliegroep,
30 Maart 2001.
4

[Kasset nr. L016]
Hoofstuk 1
Die Gawe van ‘n Woord van Kennis.
Ons het die afgelope twee keer wat ons bymekaar was, die inleidende
gedagtes met u gedeel en ek wil net so ‘n paar daarvan met u herhaal en
dit is van die uiterste belang. Ons moet besef dat dié God wat ons dien, is
die Lewende God. Dit is die God van die Bybel, dit is nie ‘n gedagte, dit is
nie ‘n idee nie. Hy is werklikheid.
Dit wat Hy doen, wat die Bybel sê Hy doen, dit het Hy gedoen en dit doen
Hy ook nog vandag. Maar die mens kan baie maklik, nie net in sonde
verval nie, maar die Christen kan baie maklik in ‘n vorm van doodsheid in
siel verval, deurdat hy maar net aangaan. Hy het ‘n sekere geloof, ‘n goeie
geloof het hy aanvaar en onderskryf. Hy kan selfs na ‘n goeie gemeente
toe gaan maar hy kan ook maar net saam draf en saam dryf, en saam ry
op die wa.
Maar daar is iets positiefs wat ‘n mens in jou gees moet kry. Jy moet
daardie geloof en daardie vonk en daardie vuur in jou hart, moet jy altyd
behou en aanwakker. Dit is waarteen die vyand stry om ‘n mens in jou siel
dood te maak. In baie gebiede van die lewe is dit ook so. Daar is hierdie
ding van inisiatief, jy sal baie mense kry, hy is ‘n doodgoeie mens maar hy
het nie vooruitstrewendheid in hom nie, hy het nie inisiatief in hom nie, jy
kan amper sê soos die mense in Engels sal sê: “he hasn't got go in him”.
‘n Mens moet ‘n geestelike “go” in jou kry. Jy moet God se beloftes sien, jy
moet sy woord sien, jy moet sien wat Hy vir jou beskikbaar gestel het. Dan
moet jy daarna uitreik en jy moet daarna gryp.
Daarom sê die Here: “Nader tot My, en Ek sal tot julle nader.”
In hierdie afgelope twee studies oor die gawes van die Heilige Gees, het ek
die feit beklemtoon dat as ons God, onse Vader noem en jy weergebore is,
is God jou Vader. God is bonatuurlik, dan moet ons ook bonatuurlik wees,
daar behoort meer van die bonatuurlike in ons lewens te wees. In ons
lewens as individue en in ons lewe as die gemeente.
Die gemeente van die Here Jesus, wat sy naam ook al mag wees, daardie
gemeente moet sy natuur, sy geaardheid hê. Ons het vir geslagte groot
geword waar ons nooit ‘n wonderwerk in ‘n diens verwag het nie, waar ons
nooit die Heilige Gees verwag om met ons te praat of vir ons ‘n openbaring
te gee of enigiets nie.
5

O, nee, as jy na die Gypsey toe gaan, of as jy na die waarsêer toe gaan, o,
as hulle jou vertel van die dolosgooier en die toordokter, ja, dit is
werklikheid. Is dit nie ‘n tragedie nie? Is dit nie verskriklik nie? Dat die wat
die duiwel dien en die wat die duiwel se dinge manifesteer is meer
lofwaardig, daar is meer ondervinding daarvan as wat daar is van die
werkinge van die Lewende God, dié God wat ons sê, ons dien. Is dit nie ‘n
verskriklike toestand nie? Behoort ons nie op te spring en te sê; “Here, ek
is skuldig! Here, ons is skuldig! Here, ons is vér agter by wat ons behoort
te hê.”
In daardie trant het ek met u gepraat en dalk daarop vir u gewys, ek het
nog byvoorbeeld vir u die illustrasie gewys van die voëltjie. Die kind van ‘n
voël kan vlieg, hy kan ‘n nes bou, hy weet alles van wat sy pa en sy ma
gedoen het, sonder dat hy ooit sy pa en sy ma dit gesien doen het.
Hoekom? Omdat dit sy natuur is. As ek dan uit God gebore is, moet ek die
goddelike natuur hê.
Toe ek die gawes opgesom het, het ek vir u gesê daar is nege gawes. Ons
gaan weer in die Skrif lees, in 1 Korinthiërs 12, van die nege gawes wat
daar is.
Hulle is verdeel in drie hoofgroepe.
Daar is die drie Openbaringsgawes:
1) Die Woord van Wysheid,
2) ‘n Woord van Kennis,
3) Die Onderskeiding van Geeste.
Ons sal hulle in besonderheid behandel. Hierdie studie gaan juis wees oor
die gawe van die woord van kennis. Wat beteken dit?
Dan is daar die drie Kraggawes:
1) Geloof,
2) Die Werking van Kragte of Wonderwerke,
3) Gesondmaking.
Dan is daar die drie Inspirasie of Vokale Gawes:
(die gawes wat oor jou lippe kom, wat jy praat).
1) Tale,
2) Uitleg van Tale,
3) Profesie.
Nou kom ons lees net daardie gedeelte:
1 Korinthiërs 12:8-11;
8 Want aan die een word deur die Gees ‘n woord van wysheid
gegee, en aan die ander ‘n woord van kennis vanweë dieselfde
Gees;
9 aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees:
6

10 aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
11 Maar al hierdie dinge werk een en dieselfde Gees wat aan elkeen
afsonderlik uitdeel soos Hy wil.
Ja, prys die Here!
Daar het ons nou al nege gawes opgenoem.
In die 7de vers sien ons: (die Engels sê weer “the manifestation”).
Maar aan elkeen word die openbaring van die Gees gegee met die oog op
wat nuttig is.
Nou iets wat jy manifesteer is iets wat jy wys. Dit is iets wat mense kan
sien. Daar is te veel van hierdie ding, wat geslagte deur in ons ingedruk is.
O, jou geloof is iets innerlik, is nie iets wat jy hoef te sien nie, dit is nie iets
wat jy hoef te openbaar nie. Maar wat was dit met die Here Jesus? Kyk sy
wonders, sy tekens, die storm wat Hy stilgemaak het op die see, Hy het
gesê: “swyg, wees stil.” Hy het die brood en die visse vermeerder. Dit was
tasbare dinge, dit was wonderlike dinge. Hoekom nie vandag nie? Dink
julle nie as die wêreld ‘n bietjie meer van die manifestasie van die Heilige
Gees sien, dat die wêreld ook meer die God wat ons dien sal erken nie.
Nou daar in die 7de vers:
Maar aan elkeen word die openbaring (“manifestation”)van die
Gees gegee met die oog op wat nuttig is.
Die manifestasie, met ander woorde, elkeen van hierdie nege gawes is ‘n
manifestasie. Dit is ‘n werking wat mense moet kan sien. Dit is van die
uiterste belang. Ons moet ook ons geloof kan demonstreer. Mag die Here
vir ons genade gee, ook deur die bywoon van die studies, dat u uself as
Christen en as kind van God en as een wat die Heilige Gees liefhet, dat u,
u eie lewe daaraan gedurig sal wei en sê: “Here, ook ek gee myself, ook
ek, Here, stel myself tot u beskikking dat die manifestasie van die Heilige
Gees ook deur my in werking sal kom of deur my toedoen”.
Ons gaan oor na die eerste een van die nege gawes van die Heilige Gees,
om in besonderheid te behandel en ons begin by die gawe van:-
‘n Woord van Kennis.
1 Korinthiërs 12:8;
8 Want aan die een word deur die Gees ‘n woord van wysheid
gegee, en aan die ander ‘n woord van kennis van weë dieselfde
Gees;
7

Maar net by wyse van verduideliking, die gawe van ‘n woord van kennis.
Ons stem almal saam dat God alwetend is, God weet alles, God het alle
kennis omtrent alle dinge. Hier werk die Heilige Gees, dat in die werking
van die Heilige Gees en wanneer die gawe van ‘n woord van kennis
manifesteer, dan is dit wanneer God deur die Heilige Gees dit goed dink
om aan die een of ander ‘n stukkie van daardie kennis mee te deel en te
openbaar. Iets wat jy op ‘n natuurlike manier nooit sou kon bekom nie. Dit
is nie kopkennis nie. Dit is nie kennis wat jy uit ‘n boek leer nie. Ons sal dit
weer netnou herhaal want dit is belangrik. Ek maak dit net vir u só duidelik.
Ek sal vir u netnou baie voorbeelde gee wat u dit sal laat insien.
Hierdie gawes van die Heilige Gees is almal bonatuurlik, “they are supernatural”.
So, dit is nie iets wat jy met gewone talent kan produseer of
voortbring nie, dit kom deur die Heilige Gees. Dit is ‘n deel van God se
kennis wat Hy aan jou meedeel. Laat ek net vir julle so ‘n paar voorbeelde
gee, dan sal julle beter verstaan wanneer ons ook die verskillende tekse
van naderby beskou.
Ek sal nooit vergeet nie, ek moet sy naam noem, ek weet dit is vandag ‘n
naam wat in oneer is, maar dat dié dinge gebeur het, kan niemand betwis
nie. Toe Rassie Erasmus hier in 1963 in Vereeniging sy veldtog gehou het,
sal ek nooit vergeet, een aand, die tent was gepak (die tent kon ± 2000-
3000 mense hou) en die mense het in verskillende rye, diep in sirkels
rondom daardie tent gestaan, so baie mense was daar.
Daar het beslis baie wonderlike dinge plaasgevind, in sekere opsigte dinge
wat nog nooit weer herhaal is nie. Ek het nog nooit weer herhaal gesien,
dat mense by die honderde van buitekant, party van daardie fabriek
werkers nog so in hulle werksklere, party van hulle nog met die swart
vlekke op hulle gesigte soos hulle net uit die fabriek uitgekom het, met
opgerolde moue het hulle in daardie tent ingehardloop, daar voor die
platform, tussen daardie saagsels, op hulle aangesig geval het, die Here
gesmeek het om genade. Daar is vandag nog verskillende predikers in die
bediening wat daardie tyd tot bekering gekom het. Baie jammer dat die
arme man so verskriklik daarna geval het, wat sy rede ook al daarvoor mag
wees.
Een aand, die tent was gepak, daar was ‘n gees van afwagting, alles was
doodstil. Hier by die deur kom ‘n man ingestap. Jy kon sien hy was ‘n
boemelaar, maar hy was skoon en netjies. Voor die platform was daar so
‘n oop gedeelte, die gedeelte was altyd oopgehou vir mense wat daar wil
kniel of die Here wil aanneem of siekes wat vorentoe kom want hulle het by
die honderde vorentoe gekom om voor gebid te word. Toe hy so op hierdie
8

oop gedeelte staan, toe sê Rassie vir hom van die platform af: “Jou naam
is Houtman”, die man draai so om en kyk na die platform, (ek kan nou nog
die verbasing op sy gesig sien) hy sê: “Meneer, wie het vir jou my naam
gesê?” Rassie sê: “Die Here het deur die Heilige Gees vir my jou naam
gesê”. Dit was toe ‘n woord van kennis wat in werking getree het.
Rassie het nie daardie man se van geken nie, en ek weet nie wie in
daardie tent sy van geken het nie, seker maar baie min. Maar God het sy
van geken. Die Here het sy naam geken, nie waar nie, net soos wat hy
elkeen van ons se name ken. Die Here weet die dag en datum van ons
geboorte, die Here weet alles omtrent ons, die Here weet wat ek in my sak
het, die Here weet waar ek netnou was. Enige ding, die Here weet dit. So
het die Here hierdie man se naam geken en die Here het dit goedgedink,
soos julle sal sien, om sy naam deur die Heilige Gees, deur die gawe van
‘n woord van kennis, aan Rassie bekend te maak.
Hy vra vir Rassie, “Wie het vir jou gesê wat my naam is? Rassie antwoord:
“Dit is die Heilige Gees wat vir my gesê het wat jou naam is. Ek sal jou nog
meer vertel, jy het ‘n broer en julle is met twee susters getroud”. Teen
daardie tyd kon jy die verbasing op hierdie man se gesig so lees dat dit
gelyk het of hy oorweldig was. Hy het omgedraai en voor die platform kom
staan en so opgekyk. Hy het nog vir hom ‘n hele paar ander dinge uit sy
lewe vertel wat niemand vir hom sou kon vertel nie as hy hom nie geken
het nie. Teen daardie tyd kon jy natuurlik ‘n speld hoor val in daardie
diens. Jy kon die teenwoordigheid van die Here voel want hier is nou iets
bonatuurliks in werking. Wat ons moet onthou, die gawes van die Heilige
Gees is bonatuurlik. Waar die gawes van die Heilige Gees werk, is daar
altyd ‘n besef van die teenwoordigheid van die Here en dit is God se
bedoeling. Daar het daardie aand magtige en wonderlike dinge
plaasgevind.
Na al daardie dinge klaar plaasgevind het, kan julle julself voorstel dat hy,
die prediker, die gehoor in die holte van sy hand gehad het. Hulle sou
enige ding glo wat hy vir hulle sou sê, hulle sou enige ding doen wat hy vir
hulle sou sê om te doen. Daar het groot wonderwerke daardie aand
plaasgevind.
‘n Volgende aand, net wanneer hulle opgehou het met sing of hy het
opgehou met praat, ek is nie meer seker nie, ek kan dit nie onthou nie, dit
was te lank gelede, maar ek kan dit met sekerheid sê, wys hy skielik so in
die gehoor, hy sê: “Daardie man wat daar sit”, en hy beskrywe hom en sê:
“Jy is hier in verband met jou vrou. Jou vrou is baie ernstig siek, en jy het
gekom vir haar genesing vanaand meneer, vra Rassie vir die man, is ek
reg? Die man staan op en sê: “dit is reg”. Rassie sê: “Jy kom van die
9

Vrystaat af, en hy gee vir hom sy naam”. Hy staan so ‘n rukkie en sê: “Toe
jy ‘n jong man was, was jy ‘n baie bekende atleet”. Weer staan hy ‘n rukkie
en sê vir hom: “in die kort afstand”. Daardie man het opgestaan en het
elke ding bevestig wat Rassie vir hom gesê het.
Nou om uit ‘n paar duisend vir so ‘n persoon so iets te sê, jy kan nie met
jou natuurlike krag dit doen nie, dit is bonatuurlik. Dit is ‘n woord van
kennis. Die Here het vir Rassie kennis gegee omtrent daardie man. Die
idee, ook daarvan, is om die geloof van die mense in die bonatuurlike krag
van God te bevestig en ook in die bediening van sy dienskneg.
Op ‘n ander geleentheid, is ek saam met hom op ‘n veldtog na Port
Elizabeth, ek het vir hom daar gaan “tolk” want hy kon nie in Engels preek
nie. Hy het die dienste gehou in die Veremarksaal, dit is ‘n groot saal. In
die voorste ry het ‘n man gesit. Hy wys so na die man, en sê vir hom: (die
Here het nie aan hom sy naam geopenbaar nie) maar hy sê: “Meneer, jy
wat daar sit, jy woon in die Kaapse weg nommer so-en-so”. Rassie vra; “Is
dit reg?” Die man antwoord; “Ja dit is my adres”. Weereens het dit die
mense se geloof geweldig aangegryp.
Na die diens, vra ek hom: “Rassie, sê jy nou vir my, hoe gebeur dit? Hoe
kry jy dit?” “Vanmiddag, net voor die diens, terwyl ek besig was om te bid
vir hierdie diens, toe gee die Here vir my ‘n gesig. Ek sien hierdie man by
sy hek uitkom op pad na die diens toe, ek sien hoe swaai hy die hek oop,
toe hy die hek so oopswaai, lees ek die nommer op sy hek. Vanaand toe
ek daardie man daar sien sit, toe herken ek hom. Dit is dieselfde man wat
ek in die visioen gesien het”. “Nou is dit net ‘n geloofstap van my kant af,
om vir daardie man te sê waar hy woon, en dit was natuurlik reg”.
Ek het baie onder die ou Pinkster mense, toe hulle nog die Here ernstig
gedien het, in die dae toe Pinkster nog Pinkster was en hulle nog gespot
het daarmee en die mense met eiers en tamaties gegooi het en hulle baie
gemolesteer het in hulle dienste, het van die ou mense my baie keer vertel
dat hulle sal bid, en hulle het baie ernstig gebid. Ek dink ons het baie van
die krag van gebed in ons dae verloor. Hulle sê, as hulle so bid, dat die
Here duidelik vir hulle na ‘n adres stuur, Hy gee vir hulle die straat, die
nommer en Hy sê gaan, daar is ‘n behoefte. Dan gaan hulle op wat die
Here vir hulle gesê het en dan sê hulle: “Meneer, mevrou. julle ken my nie,
maar die Here het my gestuur en gesê hier is groot behoefte in die huis,
hier is groot siekte”, of wat ook al en dan is dit presies so.
Dan doen die Here ‘n groot wonderwerk op daardie plek. Ek hoop dit begin
vir julle ‘n idee gee van die werklikheid van die Heilige Gees en hoe vér
10

agter ons in die dinge van die Here is, en dat ons self die aangesig van die
Here moet begin soek en sê: “Here, ons geloof moet ‘n praktiese geloof
wees, daar moet die openbaring van die Heilige Gees, in ons lewens
wees”.
Ek wil u nog van een geval vertel. Ons was 6 maande in Pinkster (1951).
Die Branham-geselskap het na Suid-Afrika gekom. Dit was drie broers wat
teruggekom het van Amerika af. Broer Branham, Bosworth en Baxter. Die
Here het groot tekens en wonders deur hulle gedoen. Hulle was hier op
Maranatha Park kampgronde van die A.G.S. Dit is lank voordat ek in die
bediening gekom het, nog Navorsingswerk in Pretoria gedoen. Ek het twee
weke verlof geneem en in Johannesburg gaan bly om die dienste daar te
kon bywoon. Dit was vir my soos hemel op aarde, soos die boek van
Handelinge, waarby ‘n nuwe hoofstuk toegevoeg is, al die magtige tekens
en wonders wat ek gesien het, ons was so opgewonde.
Suster Neser het ‘n niggie gehad, haar bynaam was Tiefie. Dié Tiefie was
‘n verpleegster en sy het ‘n ongeluk gehad, sy het geval en haar rug was
op ‘n paar plekke af en was in gips van hierbo van haar skouers af tot
onderkant haar heupe, dik gips. Ons neem haar een aand na die diens
toe. O, daar het ‘n magtige boodskap oor geloof uitgegaan.
Die ou tannie Maritz, sy het daar ook werklik die Here gevind. Sy was so
vol van die geloof en die vreugde toe ons by die huis kom en sy sê: “Tiefie,
jy moet die Here glo, jou rug is gesond, ons moet daardie gips afhaal”.
Hoe gaan jy nou daardie gips afkry? Ons het ‘n saag in die hande gekry en
ons het begin saag. ‘n Vreeslike besigheid, nou begin ons naby die vel
kom. Nou moet ons versigtig wees, as die saag nou deurgaan, dat jy nie
die lyf raak saag nie. Haar een broer het in die myn gewerk, hy het so ‘n
breë myngordel gehad. Hulle neem toe die gordel en ryg dit hier van bo af
in en trek dit deur tot onder, sodat daar beskerming kan wees as die saag
deur die gips gaan. Die gips is deurgesaag, nou moet ons dit ooptrek en af
kry.
Die gips is af; “toe Tiefie, jy is nou gesond”, daar het niks met daardie rug
gebeur nie. Nou is ons in die moeilikheid! Hoe kan sy nou teruggaan
dokter toe? Maar nee, daar is geen bekommernisse nie, die Here gaan vir
jou gesond maak, ons is môreaand weer by die diens en môreaand word jy
gesond. Dit klink omtrent na ‘n storie wat ek julle vertel, maar die
waarheid, die Here hoor my!
Daardie volgende aand, sy kan nou nie loop nie en so’ n af rug kan
gevaarlik wees want hy kan die rugmurg beskadig of afsny en dan is sy
verlam. Ons het haar op ‘n draagbaar gesit en ons is met haar diens toe.
Wat ‘n aandoenlike toneel! Dit wil my laat huil wanneer ek daaraan dink.
Al die, jy kan maar sê, “mislukkings”, (ongeneeslikes) die wat dokters geen
hoop meer voor het nie, mense met kanker, met permissie gesê, die reuk
11

tussen daardie mense, het julle al iemand geruik wat kanker het? Dan so
‘n klomp bymekaar. Kreupeles, verminktes, daar is hulle almal bymekaar.
‘n Verskriklike gesig en ons het vir Tiefie ook maar daar tussenin gesit.
Dié broer Branham het ‘n wonderlike gawe gehad, dit is ‘n lang storie. Ek
het twee boeke gehad:- “A man sent from God”, daar vertel hy hoe die
Here vir hom gesê het; (in 1945 het die Here ‘n engel na hom toe gestuur)
“My dienskneg hierdie boodskap moet jy oor die lengte en breedte van die
wêreld neem, want My koms is naby.
Uit daardie bediening van Branham het daar magtige bedienings gekom,
soos die van Tommy Osborn, die Here het ook groot tekens en wonders
deur hom gedoen. Hier in die vyftiger jare in Amerika, die manne met die
bediening van goddelike genesing was te wonderlik en baie van hulle het
hulle inspirasie en lering vir aansporing gekry deur dít wat die Here vir
Branham gegee het.
In elk geval, die engel het ook vir hom gesê dat die Here vir hom die gawe
sal gee om mense se siektes te kan sien, hy sal vir hulle kan sê: “daar is ‘n
gewas aan jou lewer”, sommer so in die gehoor. Hy het dit ook gedoen,
daardie een wat daar sit, jy het ‘n breuk, en dan is dit so. Daardie man wat
daar sit, jy het kanker in hierdie deel of daardie deel van jou liggaam. Dan
sal hy hom beskryf en sê jy het so ‘n kleur das en so ‘n pak klere aan, dit is
die kleur van jou hare.
Dié aand, terwyl broer Branham besig was om te preek, is dit asof iemand
hom net so aan sy baadjie gryp en hom omruk en hy wys direk na Tiefie
toe. Hy het haar nog nooit in sy lewe gesien nie, hy kom van Amerika af.
Hy kyk reguit na haar en sê: “Jy wat daar lê”, en hy beskryf haar, sy het
sulke pragtige blonde hare gehad. “Jou rug is op drie plekke af”, en hy het
‘n hele paar ander dinge ook van haar gesê. Hy sê: “The Lord has just
healed you, in the Name of Jesus Christ of Nazareth, rise up and walk!”
Die beste beskrywing wat ek kan gee is soos ‘n hark in ‘n tuin wat jy op
trap, so slaan sy regop dat sy voor haar draagbaar op haar voete staan.
Sy het tussen al die mense deurgeloop en het met die trappies op die
platform opgegaan en vir hom ‘n handdruk gegee. Wie het vir hom gesê
wat haar makeer tussen al daardie duisende? Dit is ‘n woord van kennis.
Dink u nie dit is wonderlik nie?
Nou waarom sal ons net van hierdie dinge hoor? Hoekom sal ons hierdie
dinge nie sien nie? Sal u nie met my saamstem, as ons kyk in die tyd wat
ons in lewe, ons sien hoe die heidene besig is om die wêreld in te neem,
ons sien hoe afvallig word die gelowiges. Dink julle nie dit is tyd dat die
bonatuurlike krag van God in Sy gemeente begin openbaar word nie?
12

Waarom moet ons dan net lees van hierdie dinge in die Bybel? Waarom
moet ons dan net lees dat Petrus, Paulus, Johannes, Stéphanus en
Filippus hierdie dinge gedoen het? Nou vertel ek u net van ‘n paar wat dit
gedoen het en daar is baie in die wêreld wat dit ook al gedoen het waarvan
ons net nie gehoor het nie. Ek het maar net hierdie vir u genoem by wyse
van illustrasie dat u kan sien wat dit is.
Gaan ons die uitdaging aanvaar of nie? Gaan ons sê: “Here, ek gaan my
lewe aan u wy, nog meer as ooit tevore en ek gaan U begin loof en prys en
ek gaan U begin aangryp dat ook hierdie heerlike gawes in ons lewens in
werking kom”. Onthou, ons begin nou maar net.
Nou die eerste gawe:-
“Die gawe van ‘n woord van kennis”.
Wag tot ek by die ander gawes kom en vir julle voorbeelde daarvan gee, vir
julle ook wys wat die Here se Woord daarvan sê en julle moet ook onthou,
wat daar ook in vorige Studies gesê is.
Romeine 10:17;
Die geloof is dus uit die gehoor, en die gehoor is deur die woord
van God.
Soos julle die Here se woord hoor, soos ek julle vertel, soos ons dit saam
bestudeer, moet u, u harte oopstel dat geloof in u hart kom, dat u nie sal sê
dit klink mooi en dit was vir daardie mense in daardie tyd. As jy dit sal
toelaat, sal die duiwel dit met jou doen en hy sal altyd die direkte punt, die
fokuspunt, sal hy altyd skuif na ‘n ander persoon of na ‘n ander geleentheid
of na ‘n ander plek. Dit is dieselfde met jou genesing, jy kan siek wees en
jy kan die Here glo vir genesing en die lering van goddelike genesing
aanvaar, “en deur sy wonde het daar vir ons genesing gekom”.
Maar die duiwel sal altyd vir jou sê dit is nie vanaand jou aand nie, liewer
op ‘n ander keer of op ‘n ander tyd, dan is dit jou kans. Het ek dit nie al
baie keer vir julle gesê nie, altyd op die een of ander manier ja, as daardie
een nou vir jou kon bid, of as jy nou hierdie een was of op daardie plek,
dan sal dit gebeur. Maar nie waar jy nou is nie. Dit is net waar sy leuen is,
dit is nie in die eerste instansie die een wat vir jou bid nie, maar die EEN
wat jou gesond maak is die Here Jesus. Dit is die krag van God in Jesus.
Kom ons gaan ‘n bietjie meer op ons studie in en ek gaan vir u so ‘n stukkie
lees wat hier geskrywe is en dan kan ons ‘n paar tekse begin nagaan en ‘n
bestaan tussen die gawe van ‘n woord van wysheid en ‘n woord van
kennis, sal ons eerstens die tweede gawe behandel naamlik; ‘n woord van
kennis.
13

Dit sal vir ons later ‘n beter begrip gee vir die funksie van ‘n woord van
wysheid. Die woord van kennis is ‘n bonatuurlike openbaring deur die
Heilige Gees van sekere feite wat in die alwetendheid van God opgesluit is.
So ‘n openbaring gaan moontlik oor ‘n persoon of toestand van ‘n persoon
of waar hy homself op enige tyd bevind. Daar moet op gelet word dat dit
nie ‘n gawe van kennis is nie, maar wel die gawe van ‘n woord van kennis.
Wanneer ‘n persoon in die moeilikheid sou verkeer en desnoods na sy
prokureur om raad gaan, sal so ‘n prokureur nie ál sy kennis aan sy kliënt
meedeel nie, maar slegs die deel wat vir die kliënt van nut of belang is. Die
woord van kennis is nie ‘n menslike gawe nie, ook is dit nie net in sekere
sin Goddelik nie, maar beslis bonatuurlik. So onthou, ons moet die
bonatuurlike daarvan beklemtoon. Dit kan nie verkry word deur studie nie,
dit is ‘n wonderwerk wat deur Goddelike openbaring en krag geskied.
Dit is ook nie ‘n oombliklike of geleidelike ontdekking van feite omtrent God
of die mens nie, dit is ‘n goddelike en bonatuurlike openbaring van dinge
wat andersins verborge sou wees vir die verstand of vermoë van die mens.
Ek dink u sal met my saamstem dat geen studie of geleerdheid sou vir
Branham gehelp het om na daardie meisie te wys en vir haar te sê jou rug
is af nie.
Die Here het hom die kennis gegee van wat met haar verkeerd is. Dit het
alleen van God gekom, hy het haar nie eers geken nie. Dit is ‘n
wonderwerk van bo met geen inmenging van die natuurlike nie. Die mens
dra in werklikheid niks daartoe by nie, hy ontvang alles en is net ‘n blote
kanaal.
Deur ‘n woord van kennis mag ‘n openbaring omtrent die verblyfplek van ‘n
persoon, sy geaardheid, gedagtes of die toestand van sy hart verstrek
word. Die Here Jesus het deur hierdie besondere gawe te wete gekom
waar Natánael hom onder die boom bevind het, asook dat hy ‘n Israeliet
sonder bedrog was.
Johannes 1:49-52;
49 Natánael sê vir Hom: Waarvandaan ken U my? Jesus antwoord en
sê vir hom: Voordat Filippus jou geroep het toe jy onder die
vyeboom was, het Ek jou gesien.
50 Natánael antwoord en sê vir Hom: Rabbi, U is die Seun van God, U
is die Koning van Israel!
51 Jesus antwoord en sê vir hom: Glo jy omdat Ek vir jou gesê het: Ek
het jou onder die vyeboom gesien? Jy sal groter dinge sien as dit.
52 En Hy sê vir hom: Voorwaar, voorwaar Ek sê vir julle, van nou af
sal julle die hemel geopend sien en die engele van God opklim en
neerdaal op die Seun van die mens.
14

Hoe het die Here Jesus geweet dat Natánael daar onder die vyeboom gesit
het? Onthou, in sy menslike hoedanigheid, Hy het nie in sy Goddelike
hoedanigheid hier opgetree nie, dit is ‘n ander baie belangrike punt wat ons
terloops baie goed van die Here Jesus moet onthou.
Toe die Here Jesus op die aarde was, het Hy Homself ontledig, Hy het sy
Godheid soos ‘n mantel uitgetrek en Hy het soos ‘n mens op die aarde
beweeg. Alles wat Hy gedoen het, het Hy as ‘n mens gedoen in die krag
van die Heilige Gees. Juis om vir elkeen van ons te wys dat, as ek gewas
is in sy bloed en ek Hom waarlik aangeneem het as my Saligmaker en
erken as my Here, en ek is vervul met die Heilige Gees, dan kan ek
dieselfde dinge doen as wat Hy gedoen het. Hy het so gesê.
Johannes 14:12;
Voorwaar, voorwaar Ek sê vir julle, wie in My glo - die werke wat Ek
doen, sal hy ook doen; en hy sal groter werke doen as dit, omdat
Ek na my Vader gaan.
So, of die Here nou ‘n blinde Bartlomëus se oë oopgemaak het, of ‘n
Lasarus roep uit die graf, of ‘n Jaïrus se dogtertjie lewendig maak, of Hy die
melaatse reinig, Hy het dit gedoen as mens in die krag van die Heilige
Gees, dit wat elkeen van ons ook behoort te kan doen. Moenie dat ons sê,
dat dit vér te hoog is vir my nie, laat ons uit kom uit daardie gedagte, eintlik
maak ons die Here Jesus bewoë, Hy het geroep, Hy is getrou, Hy sal dit
doen as ons Hom net vertrou en ons aan Hom toewy.
Dus, Hy kon nie vir Natánael onder die vyeboom sien sit nie, die Heilige
Gees het dit aan Hom geopenbaar deur die gawe van ‘n woord van kennis.
In ‘n flits van ‘n oomblik het die Here Jesus in die gees vir Natánael onder
die boom sien sit, daarom kon Hy vir hom sê soos in Johannes 1:49. Hoe
het Hy hom gesien? Nie met sy blote oog nie, dit was te vêr, heel moontlik
nog agter die bult of agter die bome, maar wel deur so ‘n openbaring van ‘n
woord van kennis. Wat was Natánael se reaksie? Hy sê vir Hom: “Rabbi,
U is die Seun van God, U is die Koning van Israel!”
Dit is een van die wonderlike uitwerkinge van die werking van die Heilige
Gees en in besonder van hierdie gawe van ‘n woord van kennis. Dit bring
altyd oortuiging van die teenwoordigheid en werklikheid van die
waaragtigheid van God. Dit wek geloof op.
Kom ons kyk ‘n bietjie na die vrou by die put van Samaría.
Johannes 4:16-19;
16 Jesus sê vir haar: Gaan roep jou man en kom hier.
17 Die vrou antwoord en sê: Ek het nie ‘n man nie. Jesus sê vir haar:
Jy het reg gesê: Ek het nie ‘n man nie;
15

18 want jy het vyf mans gehad; en die een wat jy nou het, is nie jou
man nie. Dit het jy met waarheid gesê.
19 Die vrou sê vir Hom: Here, ek sien dat U ‘n profeet is.
Die Here sê vir haar: “jy het vyf mans gehad en die een wat jy nou het is
nie jou man nie”. Hoe het die Here Jesus dit geweet? Deur die gawe van
‘n woord van kennis. Hy het daardie vrou nog nooit vantevore ontmoet nie
en Hy kon vir haar presies sê wat die toestand van haar lewe was. Wat
was die resultaat? Dat Hy daardie vrou onmiddellik tot geloof in Hom
gebring het. Dit het daardie vrou laat erken dat Hy die bonatuurlike krag
van God gehad het en wanneer jy verder lees, sal jy sien hoe dit gelei het
tot hierdie vrou se bekering en hoedat sy die mense gaan roep het en gesê
het: “kom kyk, hierdie man wat vir my alles vertel het omtrent myself”. Die
Here Jesus kon toe met haar praat oor die Lewende Water wat Hy vir haar
sou gee, die ewige lewe.
Die woord van kennis is ook nie een van die vokale gawes nie. Dit is een
van die groep van die drie gawes wat openbaar. Klein Samuel het sy
woord van kennis en sy woord van wysheid ontvang nog voordat hy dit aan
iemand anders vertel het. Indien hy dit sou verswyg het, sou dit nog net so
‘n werklike woord van kennis gewees het wat hy van God ontvang het. Die
Here was “Woord” nog voordat daar ‘n woord geskrewe of gesproke was of
nog voordat die Woord in die fisiese liggaam van Jesus Christus
geopenbaar was.
Ons sal die manifestasie van hierdie besondere gawe beter begryp indien
ons ‘n paar verkeerde opvattings aanhoor.
Dit word verwar met natuurlike vermoë, studie of selfs natuurlike
ontdekkings. As dit een van die eienskappe was, sou dit nie ‘n gawe
gewees het nie, maar wel net ‘n gewone talent. Die gawe is ‘n
manifestasie van die Heilige Gees en derhalwe vér bokant die vermoë van
die natuurlike verstand. Die Heilige Gees het die woord van kennis
gemanifesteer deur aan Johannes die toestand van die sewe gemeentes te
openbaar, in die eerste drie hoofstukke van Openbaring, waar Johannes
presies geskryf het wat die toestand van die sewe gemeentes was.
Hoe het hy dit geweet? Deur die gawe van ‘n woord van kennis.
Natuurlike kennis is die vrug van die natuurlike verstand soos toe Gamáliël
vertel het van die inval van Judas van Galiléa en die inligting gebruik het
om sy vriende leiding te gee. Dit was baie slim raad, wonderlike kennis wat
Gamáliël aan die dag gelê het, maar dit was nie die gawe van ‘n woord van
kennis nie.
16

Handelinge 5:34-39;
34 Maar ‘n Fariseër met die naam van Gamáliël, ‘n leraar van die wet
wat by die hele volk hoog in aansien was, het in die Raad
opgestaan en bevel gegee dat hulle die apostels ‘n bietjie buitentoe
moes bring.
35 Toe sê hy vir hulle: Israeliete, pas op wat julle gaan doen met
hierdie manne;
36 want nie lank gelede nie het Theudas opgestaan en gesê dat hy
iets besonders was. By hom het ‘n aantal mense -- omtrent
vierhonderd -- aangesluit. Hy is gedood, en almal wat na hom
geluister het, is uitmekaar gejaag en het tot niet geword.
37 En ná hom het Judas, die Galileër, opgestaan, in die dae van die
inskrywing, en ‘n aansienlike getal mense afvallig gemaak agter
hom aan. Hy het ook omgekom, en almal wat na hom geluister het,
is verstrooi.
38 En nou sê ek vir julle, bly af van hierdie manne en laat hulle staan;
want as hierdie voorneme of hierdie werk uit mense is, sal dit
vernietig word;
39 maar as dit uit God is, kan julle dit nie vernietig nie -- dat dit nie
miskien bevind word dat julle selfs teen God stry nie.
In Handelinge het ons gesien die wysheid en raad van Gamáliël. Maar dit
was nogtans, alhoewel dit goeie raad was, was dit natuurlike raad. U kan
goed die verskil sien? Dit was nie iets wat geopenbaar was wat hy op
geen ander manier kon bekom nie. Johannes het inligting ontvang deur die
Heilige Gees wat hy op die eiland en onmoontlik op ‘n ander wyse kon
bekom. Ek verwys nou weer na die sewe gemeentes van wie hy van
elkeen presies die toestand beskryf het. Gamáliël het bloot
geskiedkundige feite tot sy beskikking gehad wat hy genoem het.
Ek hoop u verstaan teen hierdie tyd die gawe van ‘n woord van kennis, dit
is nie waarsêery nie. Jy kry ook die waarsêer, die fortuinverteller wat ook
dinge omtrent jouself vertel wat daardie persoon van niks vantevore af
geweet het nie. Hy sal na hierdie mense toe gaan, hy het jou definitief
nooit vantevore ontmoet nie en hy sal ook vir jou feite omtrent jouself sê.
Dit is waarsêery, dit is bose geeste wat vir daardie mense daardie feite gee
en dit het gewoonlik geen goeie uitwerking of resultate nie.
Sal ons nie maar nou met hartseer, ‘n besluit in ons harte neem, en sê:
“Here, as die bose geeste dan deur hulle diensknegte sulke gawes kan laat
werk, behoort hierdie dinge dan nie baie meer te werk in die gemeente van
die Here Jesus nie?”. Ons sal meer daarvan sien hoe dit wel in die
17

gemeente gewerk het. Dit was deur ‘n woord van kennis dat die profeet
Elísa die plek van die vyand se magte kon vasstel.
2 Konings 6:9,12;
9 Maar die man van God het die koning van Israel laat weet: Pas op
dat u nie deur daardie plek trek nie, want die Arameërs trek
daarheen af.
12 En een van sy dienaars antwoord: Nee, my heer die koning, maar
Elísa, die profeet, wat in Israel is, kan die koning van Israel die
woorde te kenne gee wat u in u slaapkamer spreek.
Dit is wat die Here bedoel het.
Die koning van Sirië het gedurig invalle gemaak in die gebied van Israel,
hulle beroof en dit vir hulle moeilik gemaak, maar elke keer as Sirië sy
leërafdelings stuur (op ‘n plek wat hulle in die geheim besluit het ) dan het
die manskappe van Israel vir hulle daar gewag, en hy het gesê, nou hoe
kan dit gebeur? Hy begin sy mense te beskuldig: “een van julle is ‘n
verraaier”, Nee, koning, nie een van ons is ‘n verraaier nie. Daar is ‘n
profeet in Israel wat u in u binnekamer hoor spreek”.
Die Heilige Gees openbaar aan hom wat God alreeds weet. God weet
alreeds wat die koning in sy slaapkamer gespreek het, want God is oral,
God hoor alles. Dus, die Here het geweet wat hulle besluit het en toe het
die Here deur die Heilige Gees dit aan Elísa geopenbaar. Elísa het dit toe
weer met sy woorde aan die koning van Israel geopenbaar, sodat die
koning van Israel hom kon gereed maak, om daardie soldate van Sirië te
kon voorstaan, daar waar hulle ingeval het. Dit is ‘n baie duidelike
illustrasie! Dit is die gawe van ‘n woord van kennis.
As ons meer daarvan kan hê, as die Here byvoorbeeld aan ons openbaar,
en u sal sien op verskillende maniere, partykeer ‘n woord van kennis wat
ook nader werk deur die gawe van profesie of selfs deur die uitleg van tale.
Die Here kan vir ons meer openbaar en byvoorbeeld sê: “My dienskneg,
My diensmaagd, wees versigtig, dit wag vir jou, daardie ding is aan die
gang”, dit en dat, watter uitwerking sal dit nie op ‘n gemeente hê nie?
Wat sal dit nie vir ons beteken nie?
Met Elísa was dit ‘n baie goeie illustrasie.
Soos iemand eenkeer gesê het, “as dit kon gebeur onder die Ou Verbond,
hoeveel te meer behoort dit nie te gebeur onder die Nuwe Verbond nie?
Hulle het maar gestaan onder die bloed van bokke en kalwers en lammers,
ons staan onder die bloed van die Here Jesus”.
18

Ons lewe in die dispensasie van die Heilige Gees en kyk hoe vér agter
het ons geraak. Ek glo die rede is omdat hierdie dinge nooit verkondig
word nie. As dit nie verkondig word nie, hoe kan jy geloof daarvoor kry?
Maar as ons op hierdie dinge staan en dit begin verkondig, dan sal ons ook
begin geloof kry daarvoor.
Natuurlike kennis word bekom deur oplettendheid, deur gesprekke en lees
van verslae. In die geval van die Benjaminiet, toe hy die tyding gebring het
aan Eli omtrent sy twee seuns se dood, was dit op natuurlike vlak.
1 Samuel 4:16-17;
16 En die man het vir Eli gesê: Dit is ek wat van die slagveld gekom
het; ja, ek het vandag van die slagveld gevlug. En hy vra: Wat het
daar gebeur, my seun?.
17 En die boodskapper antwoord en sê: Israel het voor die Filistyne
gevlug, en daar was ook ‘n groot neerlaag onder die manskappe,
en u twee seuns, Hofni en Pínehas, het ook gesterwe, en die ark
van God is geneem.
Hy het berig gebring van wat hy gesien het, wat gebeur het, so dit was ‘n
gewone boodskap. Daar was niks bonatuurlik daaraan verbonde nie.
Die woord van kennis kom sonder enige inspanning, soos toe Ananías ‘n
openbaring ontvang het omtrent Saulus se bekering op die pad, selfs in die
fynste besonderhede; naam van straat, die huis en inwoners word verstrek.
Handelinge 9:10-12;
10 En daar was ‘n dissipel in Damaskus met die naam van Ananías;
en die Here het vir hom in ‘n gesig gesê: Ananías! En hy antwoord:
Hier is ek Here.
11 Toe sê die Here vir hom: Staan op en gaan na die straat wat
genoem word Reguitstraat, en vra in die huis van Judas na ‘n man
met die naam van Saulus van Tarsus, want kyk, hy bid:
12 en hy het in ‘n gesig ‘n man met die naam van Ananías sien inkom
en hom die hande oplê, sodat hy weer kon sien.
Nou kyk, hierdie Ananías, hy was ‘n gewone dissipel. Kyk na die
besonderhede wat die Here vir hom hier gegee het. Die Here het dit deur
middel van ‘n gesig gedoen. Dit was deur ‘n woord van kennis wat dit aan
hom meegedeel is, inligting wat hy nie op ‘n ander manier kon bekom nie.
Kyk na die besonderhede: die Here sê vir hom “staan op en gaan na die
straat wat genoem word Reguitstraat.” Wat het hy geweet van
Reguitstraat? Die Here gee vir hom die naam van die straat: Reguitstraat,
en hy praat van die huis van Judas, so die Here gee vir hom die nommer
van die huis, hy ken ten minste die persoon wat daar woon. So het die
19

Here vir hom gesê en wat nog meer is, in die huis van Judas is ‘n man met
die naam van Saulus van Tarsus. Hy gee ook vir hom Saulus se naam en
Hy sê ook nog dat hy besig is om te bid. Al hierdie dinge is kennis, inligting
wat Ananías nie gehad het nie, maar wat die Here vir hom gegee het. Dit
is ‘n wonderlike demonstrasie. Natuurlike kennis is die resultaat van
intellektuele inspanning.
Die woord van kennis is afhanklik van ons gemeenskap met God soos toe
Petrus sy Goddelike openbaring ontvang het, as gevolg daarvan kon
uitroep: U is die Christus, die Seun van die Lewende God! Hoe het Petrus
dit geweet? Die Here Jesus het dít vir hom gesê: “Vlees en bloed het dit
nie aan jou geopenbaar nie, maar My Vader wat in die hemel is”.
Natuurlike kennis is moontlik sonder enige gemeenskap met God soos in
die geval van die goddelose. Jy kry vandag baie mense met hoë
geleerdheid wat niks met die Here te doen wil hê nie. Hy het sy kennis met
gewone studie bekom maar hierdie feite is alleen van die Here, as jy in nou
gemeenskap met Hom leef. Ook word die woord van kennis soms
geassosieer met die kennis wat ontstaan deur jare se ondervinding wat die
Christen opdoen in sy wandel met God. Sulke ondervindings veroorsaak
nie noodwendig wonderwerke nie.
Jong en onervare Christene mag ondervinding met die bonatuurlike deur
hierdie gawe ervaar terwyl die ouer geslag dit nie ondervind nie. Die
priester Eli het baie ondervinding van God se weë gehad, maar geen gesig
nie, terwyl klein Samuel, sonder dat hy op enige ondervinding kon
aanspraak maak, sekere feite bekom het deur hierdie wonderlike gawe van
bó.
1 Samuel 3:7, 11, 14;
7 Maar Samuel het die HERE nog nie geken nie; ook was die woord
van die HERE nog nie aan hom geopenbaar nie.
11 Toe het die HERE aan Samuel gesê: Kyk, Ek gaan ‘n ding doen in
Israel waarvan elkeen wat dit hoor, se twee ore sal tuit.
14 En daarom sweer Ek aangaande die huis van Eli: Waarlik die
ongeregtigheid van die huis van Eli sal tot in ewigheid nie deur
slagoffer of spysoffer versoen word nie.
Hier is Samuel, ‘n klein seuntjie. Sy ma het hom skaars gespeen en
volgens belofte aan God, het sy hom na die tempel gebring en aan die
Here gegee. Hier is Eli, al ‘n ou man, jare van ondervinding, maar die Here
verskyn nie aan Eli nie, Hy verskyn aan Samuel, die jongste een. Die Here
sê nie vir Eli wat gaan gebeur nie, hy sê vir Samuel wat gaan gebeur, en
dat Samuel dit vir Eli moet gaan vertel.
20

So vind jy dit ook baie in die Christelike gemeenskap, dit lyk partykeer na
baie groot jaloesie. Jy kry partykeer in ‘n gemeente, Christene wat baie
jare lank op die pad is, maar een of ander rede, ‘n mens mag nie oordeel
nie, alhoewel ‘n mens die woord van die Here moet ken in die geval, vir
een of ander rede gebeur daar niks nie, dan sal daar miskien iemand kom
wat pas tot bekering gekom het in die vuur van die Here, en die Here
openbaar aan daardie jong bekeerling wonderlike dinge.
Dan sê die ou lede: “hy dink seker hy weet meer as ons” en daardie soort
van dinge. Dit is nie ‘n kwessie van hoe lank jy die Bybel geleer het nie, dit
is wat God aan jou openbaar. Dit gebeur, baie keer gebeur dit juis, mense
wat al lankal op die pad is, maar hy was ongehoorsaam aan die Here soos
Eli.
Op een of ander punt in jou lewe was jy ongehoorsaam, ongelowig of
slordig in jou geestelike lewe, dat daar niks gebeur nie. Ek kan amper sê in
baie opsigte is dit die algemene geval in die gemeente, (met ons almal
maar so), dat die Here sekere dinge sal moet begin doen en dat ons nie
moet ontevrede voel as daar nuwe bekeerlinge kom wat in die dinge vars
is, kom en ernstig is met die Here en die Here openbaar groot dinge aan
daardie persoon, dat ons nie miskien jaloers sal wees nie.
Die Here wys miskien nie aan die predikant of die pastoor of die leier maar
dat Hy dit aan die eenvoudigste in die gemeente, miskien een van die
kinders openbaar. Die Here se weë is nie ons weë nie. Ons moet net
onthou daar is niemand se eer wat gesoek moet word nie, daar is net EEN
se eer wat gesoek moet word en dit is in elk geval die eer van die Here.
Maar ek noem dit net sodat dit nie noodwendig saamgaan met ‘n ervaring
of baie geleerdheid of baie van die dinge nie. Dit is bonatuurlik en die Here
gee aan elkeen afsonderlik soos Hy wil.
Dit word van bó, op bonatuurlike wyse verskaf sonder enige hulp van die
natuurlike verstand. Geleerdheid, studie, opmerksaamheid, jare van
ondervinding speel geen rol nie. Die gawe van ‘n woord van kennis
produseer geen student nie, en ‘n student kan nooit deur sy studie hierdie
gawe bekom nie. Ons sal verder na ‘n paar voorbeelde gaan kyk.
Kom ons kyk na die doel en die nut van ‘n woord van kennis.
In die eerste instansie het ons netnou gesien om ‘n koning te waarsku van
die vyand se stellings. Ons het dit gesien in 2 Konings 6:9-12 waar Elísa
die koning van Israel gewaarsku het oor die invalle van die koning van
Aram.
‘n Dienskneg van die Here wat moedeloos is en vertroos word.
21

1 Konings 19:14-18;
14 En hy antwoord: Ek het baie geywer vir die HERE, die God van die
leërskare; want die kinders van Israel het u verbond verlaat, u
altare afgebreek en u profete met die swaard gedood, sodat ek
alleen oorgebly het; en hulle soek my lewe om dit weg te neem.
15 Maar die HERE sê vir hom: Gaan terug op jou pad na die woestyn
van Damaskus, en gaan heen en salf Hásael as koning oor Aram.
16 En Jehu, die seun van Nimsi, moet jy salf as koning oor Israel; en
Elísa, die seun van Safat, uit Abel-Mehóla, moet jy salf as profeet
in jou plek.
17 En die een wat van die swaard van Hásael vryraak, hom sal Jehu
doodmaak; en wat van die swaard van Jehu vryraak, hom sal Elísa
doodmaak.
18 Maar Ek sal seweduisend in Israel laat oorbly, al die knieë wat nie
voor Baäl gekniel en elke mond wat hom nie gesoen het nie.
Nou al daardie ander opdragte en inligting en die Here sê ook vir hom van
die seweduisend, hy het gereken hy is die enigste een wat oorgebly het.
Hy het nie eers geweet dat daar nog seweduisend was wat die Here
gedien het nie, dit het die Here vir hom gesê en die Here het vir hom gewys
deur die gawe van kennis van die Heilige Gees.
Die geval van die vrou by die put van Samaría om haar behoefte aan ‘n
saligmaker te laat besef. Dit het ons alreeds bespreek. Ons gaan nou kyk
na hierdie baie uitstaande geval van Ananías en Saffíra.
Lees self die gedeelte in u Bybel, Handelinge 5:1-14.
Dit is vir ons so ‘n welbekende verhaal, maar het ons dit al ooit so gesien?.
Hier is hierdie man en vrou, Ananías en Saffíra, in die dae van die eerste
gemeente was die mense so vurig en so toegewyd en hulle was so lief vir
mekaar en vir die Here dat hulle besluit het om al hulle eiendomme te
verkoop en alles wat hulle ingekry het, in te bring en voor die voete van die
apostels te lê.
Die apostels het dan uitgedeel onder elkeen soos hulle nodig gehad het.
Toe besluit Ananías en Saffíra, ons sal ook ons eiendom verkoop, maar
ons sal ‘n deel daarvan agterhou. Jy kan net vir jouself dink hoe die man
en vrou die ding met mekaar saam bespreek het. Ons sal ‘n deel daarvan
agterhou en dan sal ons die ander deel na die apostels bring en vir hulle sê
dit is wat ons gekry het vir ons grond.
Heel moontlik het hulle vir mekaar gesê, kyk ons hou maar hierdie ander
deeltjie agter net ingeval die hele besigheid ‘n mislukking is. Laat ons nou
eers die kat goed uit die boom uitkyk, laat ons eers kyk wat gaan gebeur.
22

Maar ons wil darem getel wees by die ander. Ons wil darem net so
liefdevol en offervaardig lyk, net soos die ander. Ons sê maar vir Petrus en
vir die apostels “dit is alles”.
Hier staan hy voor Petrus en die Heilige Gees wys vir Petrus presies wat
die situasie is, ‘n woord van kennis. Petrus het dit nie geweet nie, hoe sou
hy op natuurlike wyse geweet het? Maar God het geweet, die Here het
gehoor. Die Here het gesien toe hulle daar in die slaapkamer of waar ook
al, die hele ding bespreek en beplan het. Die Here weet alles, Hy hoor
altyd alles wat ons sê, die Here weet alles wat ons dink, maar ons weet nie
wat die een of ander dink nie.
Ons weet nie wat ander bespreek as dit nie binne ons oor val, binne ons
gehoor bereikbaar is nie. Maar die Here, en deur die Heilige Gees, het Hy
vir Petrus presies gesê. Is dit nie ‘n wonderlike illustrasie nie van ‘n woord
van kennis nie? Toe slaan Ananías dood neer, ‘n rukkie later kom sy vrou,
sy weet toe nog nie wat met haar man gebeur het nie.
En Petrus, jy kan sien hy was eintlik baie streng, hy was seker baie kwaai
want hy het nie vir Saffíra kans gegee nie (die 7de vers). Jy kan sê Petrus
het vir haar doelbewus ‘n slagyster gestel, natuurlik vir haar dieselfde
bedrag genoem as wat haar man gesê het, dit wat hulle ooreengekom het.
Petrus sê vir haar: ”Waarom het julle ooreengekom om die Gees van die
Here te versoek? Kyk die voete van die wat jou man begrawe het is by die
deur en hulle sal jou uitdra”, toe val sy onmiddellik by sy voete neer en het
gesterf.
Dit is geweldige dinge hierdie. Kan julle sien hoe die krag van die Heilige
Gees in daardie eerste gemeente gewerk het? Soos iemand eenkeer gesê
het: “As dit vandag nog die posisie moes gewees het in die kerk,
(verskriklike ding om te sê, maar dit het hy gesê), “sal daar seker baie
begrafnisse in ons kerke wees”. Geen wonder dat dit sê;
Handelinge 5:11;
En ‘n groot vrees het oor die hele gemeente gekom en oor almal
wat dit gehoor het.
U kan besef watter eerbied en watter ontsag hulle vir die apostels gehad
het. Van toe af het nie een seker gewaag om ‘n leuen te vertel nie. Nie
een het seker ooit gewaag om iets voor te gee wat hy nie was nie. Die
gevolg wat ‘n suiwerheid, wat ‘n skoonheid, wat ‘n heiligheid was daar nie
in die gemeente nie. Wat het dit teweeg gebring? Hierdie gawe van ‘n
woord van kennis.
23

Kan u sien, en u sal nog meer sien in die weke wat voorlê, watter
wonderlike krag dit aan die gemeentes van die Here sal gee as hierdie
gawe in volle krag in werking is! Die gemeente van die Here waaraan u
behoort, as hy daardie gawes het, sal dit ‘n kragtige gemeente wees waar
jy op die punte van jou tone sal moet wees, maar jy sal nie omgee nie,
want die heerlikheid van die Here sal daar wees.
Laat ons sê: “Here, alles wat verkeerd is in my lewe, of dit ongeloof is of
twyfel of dinge wat ek nog nie laat staan het nie, Here, help my. Dit is my
ideaal.” Dit is die geval van Ananías en Saffíra.
Handelinge 10:19-20;
19 En terwyl Petrus nadink oor die gesig, sê die Gees vir hom: Daar is
drie manne wat jou soek.
20 Staan dan op, klim af en gaan saam met hulle sonder om te twyfel,
want Ek het hulle gestuur.
Hier word Petrus gesê van die mense wat hom kom roep. Petrus kon nie
op ‘n gewone manier geweet het nie, hy het nie daardie mense gesien nie,
niemand het vir hom gesê nie, dit was die Gees van die Here wat hom die
kennis meegedeel het van daardie mense wat daar onder was, om vir hom
te wag.
As u Handelinge 10 goed kan onthou, waar Petrus die gesig gehad het van
die laken en allerhande diere wat afgekom het en terselfdertyd weer aan
die anderkant van Cornelius wat ernstig gebid het en hoe die Here toe vir
Petrus na Cornelius toe wou stuur. Toe hy nou hoor van die manne wat
daar vir hom wag was dit ‘n bevestiging, so, daar is die woord van kennis.
Kyk na hierdie volgende geval waar dit ‘n woord van kennis is. Paulus
skryf aan die ouderlinge van Éfese.
Handelinge 20:22-23;
22 En kyk, ek gaan nou gebind deur die Gees na Jerusalem; en watter
dinge my daar sal oorkom, weet ek nie,
23 behalwe dat die Heilige Gees in elke stad kragtig getuig en sê dat
boeie en verdrukkinge op my wag.
Ek glo dit was natuurlik geprofeteer gewees maar dit was ook feite wat
uitgebring was wat definitief met Paulus sou gebeur. Dit hét ook gebeur.
Handelinge 21:10-11;
10 En onderwyl ons baie dae daar oorgebly het, het ‘n sekere profeet
met die naam van Ágabus van Judéa afgekom.
24

11 En toe hy by ons kom, neem hy die gordel van Paulus en bind sy
eie hande en voete en sê: Dít spreek die Heilige Gees : So sal die
Jode die man wie se gordel dit is, in Jerusalem bind en in die
hande van die heidene oorlewer.
Hier het die Profeet Ágabus presies vir Paulus gesê wat gaan met hom
gebeur en dit aan hom gedemonstreer, dit is presies wat met Paulus later
gebeur het. Die Here het dit deur ‘n woord van kennis aan die profeet
Ágabus gegee en dat hy dit so uit laat manifesteer het.
Nou skryf hy hierso van een, eintlik twee voorbeelde uit sy eie
ondervinding, of ten minste wat hy by ander gehoor het. Die een is nogal
merkwaardig. Ek gaan dit vir u lees en daarmee kan ons verder
verduidelik.
Hedendaagse voorbeelde:
Die geval van die sendeling W. Burton van die Kongo. ‘n Aantal jare
gelede, toe die sendeling William Burton wat by baie van ons goed bekend
is, hy was hoof van die groot Pinkster kerk in die Belgiese Kongo. Hy het
ernstig siek geword, die krankheid het in der mate toegeneem sodat hy
uiteindelik op sterwe gelê het. Mede-sendelinge het alle hoop laat vaar.
Hulle het gemeen dat hy enige oomblik sou sterwe. In hul wanhoop het
hulle reeds begin beraadslaag wie sy opvolger moet wees.
In hierdie tyd het ‘n toegewyde vrou wat in ‘n dorpie Prestin, Engeland
woon en wat besig was om haar huis skoon te maak, ‘n drang gevoel dat
sy onmiddellik alles moet staak en na haar kamer toe moet gaan om te bid.
Toe sy voor haar bed neerkniel, het die Heilige Gees onmiddellik vaardig
oor haar begin word en sy het in ‘n taal begin bid. Terselfdertyd het die
Here deur ‘n woord van kennis aan haar geopenbaar in watter bedenklike
toestand die sendeling in die Belgiese Kongo op sy bed lê. Terwyl die
Heilige Gees so in tale deur haar bid, merk sy in die gesig dat die Here
hom aanraak. Sy sien hoedat hy orent kom en van sy bed afklim, ook
hoedat hy in die rigting waar die ander sendelinge hulle vergadering hou,
stap.
‘n Paar maande later toe hy met vakansie in Engeland kom, het hy toevallig
in die gemeente waar dié suster aanbid sy getuienis gelewer van hoe die
Here hom op wonderbaarlike wyse uit die dood gered het. Na die diens het
die suster na hom gestap en gevra of hy moontlik ‘n dagboek aanhou
waarop sy antwoord ja was. Toe hulle die twee dagboeke vergelyk met
mekaar, vind hulle dat die datum, dag, uur en minuut presies ooreenstem.
Is dit nie wonderlik nie? Maar daar is baie sulke getuienisse waar daar by
die mense ‘n drang gekom het, net ‘n onweerstaanbare drang om te gaan
bid, dikwels in ‘n taal, ‘n vreemde taal, en dat die Here daardeur op ‘n vér
afstand groot en wonderlike dinge gedoen het. Wanneer ons by die gawe
25

van die spreek in tale kom sal ek vir u ‘n paar wonderlike en uitstaande
illustrasies en voorbeelde gee, een daarvan wat in my eie lewe en
ondervinding gebeur het.
Dit is die eerste van die nege gawes wat ek met u behandel het en die was
die gawe van ‘n woord van kennis. Ek hoop en vertrou dat die Here by u
die geloof opgewek het sodat u die Here se aangesig ook sal soek vir die
gawes in u lewe. Die Here gee natuurlik aan elkeen afsonderlik soos Hy
wil en dit beteken ook nou nie as ek eenkeer miskien so iets ondervind het
en dat ek aan iemand op ‘n bonatuurlike wyse iets geopenbaar het omtrent
homself op die manier soos ons nou hier gesien het, dat ek nou daarmee
rondloop en daarmee roem en sê “wel, ek het nou die gawe van ‘n woord
van kennis”, nie.
Die Here gee soos Hy wil en wat ek nou ook al gesien het, en vir my is dit
baie belangrik. In die evangelie, in die saak van die Here moet ‘n mens, as
ek nou maar menslike taal kan gebruik sodat u kan verstaan, moet ‘n mens
bereid wees om jou nek uit te steek vir God.
Hierdie mense wat so versigtig is, “nee ek wil nie ‘n fout maak nie, ek wil
nie die Here vooruit loop nie, ek wil nie die Here voorsê wat Hy moet doen
nie. Ek wil net ‘n vroom lewe lei”, en daardie soort van ding. Dit is met
hulle wat daar dikwels niks gebeur nie.
Die Here wil hê ons moet uitstap in die geloof, “We must launch out in
Faith”. Daar moet jou redelike mate van sekerheid wees en die Here wil
nie hê jy moet nou sommer iets hals oor kop gaan doen nie. Die Here sal
‘n mens ook verder lei as jy aan Hom getrou is, maar nie een van hierdie
gawes sal in ‘n mens se lewe werk as jy nie bereid is om ‘n stap van geloof
te neem nie. Die Here sal vir jou daardie aansporing gee. “The Lord will
give you that measure of prompting”.
Wanneer ons nou met hierdie gawes klaar is, dan sal ons verder gaan
waar ek u sal wys hoe bekom ‘n mens enige van die nege gawes. Nie een
van hulle sal ooit werk as ek nou maar net altyd terugsit nie. Ek moet
vorentoe gaan in die geloof, ek moet myself werp op die Here.
Daar is party mense wat vir jare deurgaan en party van hulle wat selfs
ernstig bid en soek en dan nooit uitkom in ‘n vreemde taal nie. Die rede
daarvoor is dat ons wil hê dat alles skielik en meteens op my bevel uit die
hemel kom. Maar dit werk nie so nie, daar is ‘n deel wat ék moet doen.
Miskien omdat dit so eenvoudig is, is dit seker maar vir ons so swaar en dit
is wanneer jy op daardie plek kom waar jy jouself op die Here werp, dan
26

skakel jy God se masjien aan, dan laat Hy jou vinger sit op die regte
knoppies. Ek loof en ek dank die Here daarvoor. Ek moet u eerlik sê, as
ek na my eie lewe kyk, ek dank die Here, soos ek ook nog sal getuig in die
loop van hierdie studies, van wonderlike gevalle waar die Gees van die
Here verskillende gawes al deur my laat werk het. Maar ek kan nie onthou
dat ek nog ooit hiérdie gawe (die woord van kennis) in werking in my eie
lewe sien werk het nie.
Die gawe van ‘n woord van kennis, die Here gee vir jou inligting wat alleen
uit die hemel kan kom en wat jy nie op ‘n natuurlike wyse kan bekom nie en
dat jy dit dan kan uitspreek en dit dan uitgee en dit is dan ‘n woord van
kennis omdat dit natuurlik so uitsluitlik, werklik, bonatuurlik is, gryp dit
natuurlik dadelik die verbeelding aan in wie se teenwoordigheid jy is. Dan
kan die krag van die Here werk soos dit behoort te werk.
Ons kan maar net saambid en sê “Here, U woord het uitgegaan, U het self
gesê, My woord sal nie leeg na My terugkeer nie, maar dit sal volbring
waartoe Ek dit gestuur het”. Laat die Here nou ook in u lewe toe om dit te
volbring, begin te bid en dank Hom ook daarvoor. Sê, “Here, U gee ook
aan my die gawe van ‘n woord van kennis”.
27

[Kasset nr. L018]
Hoofstuk 2
Die Gawe van ‘n Woord van Wysheid.
My hart voel so bly wanneer ek daaroor praat, want ek glo dit is God se wil
dat die Here se gemeente, ek praat nie van wat die kerk se naam is nie, dit
is nie ter sake nie, die Here se gemeente, sy weergebore kinders, sy bloed
gewaste kinders, waarlik in die volheid van die Here sal kom. As ons so
kyk na die toekoms en ons sien wat vir die wêreld en die kerk voor die deur
staan, is dit aan die eenkant skrikwekkend en aan die ander kant is dit
aangrypend, heerlik, wonderlik en ons dank die Here dat die Here se
Woord vir ons leer dat as God vir ons is, wie kan teen ons wees en dat Hy
wat in ons is, is sterker as hy wat in die wêreld is en dat onse Here Jesus
gesê het: “Niemand sal julle uit my hand ruk nie”. Ek is daar seker van, u is
nou hier vir verskillende redes, maar vir een rede is u hier, en dit is omdat u
‘n klompie mense is wat die volheid van God wil hê in hierdie laaste dae.
Die Here sê in sy Woord, “dat wie soek sal vind, wie klop vir hulle sal
oopgemaak word, die wat bid sal ontvang.”
Ek praat met u sowel as met myself, en ek sê “kom dat ons die Here
werklik ‘n kans gee om sy volle heerlikheid in ons en aan ons te
openbaar”. Ons eerste stap daarvoor is dat ons die Skrif sal ondersoek en
ons harte sal oopstel en sê: “Here gee genade dat daar in my nie mag
bevind word ‘n bose en ongelowige hart nie. Ongeloof is sonde en alles
wat nie in die geloof is nie, is ook sonde. Gee vir my ‘n gehoorsame hart
dat ek gehoorsaam sal wees aan dít wat U vir my sê, maar ook
terselfdertyd wil ek dit ook sê, en ek sal dit sê met afgemete woorde, ek sal
dit net by wyse van so kort inleidingtjie sê, ook terwille van die wat na die
kasset gaan luister.
Ons moet onthou dat ons het met baie sterk en kragtige dinge te doen en
as daar ooit ‘n waarheid is wat die vyand haat, dan is dit die waarheid van
die krag van die Heilige Gees, net soos die krag van die bloed van die Here
Jesus. As hy nie kon keer dat jy weergebore raak nie, as jy in daardie
opsig deur sy vingers geglip het, dit is soos verskillende keerwalle in ‘n ry.
As hy dan nie kan keer dat jy waarlik gered word nie, dan sal hy jou keer by
die volgende stap.
Die volgende stap, en een van daardie stappe is die waaragtige doping in
die Heilige Gees, maar dit is nog nie die einde nie. Na die doping in die
Heilige Gees en die volgende stap en ek voel en glo dit is hier waar selfs
28

God se Pinkster kinders vasgesteek het, ek weet waar ekself in die sin van
die Apostel Paulus kan sê: “nie dat ek dit aI bereik het of dat ek al volmaak
is nie, maar ek jaag daarna asof ek dit kan gryp”.
U kan gaan na Pinkster kerke, u kan gaan na Pinkster kinders van die
Here, u kan gaan na elkeen wat ook nie in die Pinksterkerk is nie, maar wat
‘n Pinkster ondervinding gehad het en u moet kyk, hier steek ons nog vas,
en dit is by die gawes van die Heilige Gees, dat ons die gawes nie in hulle
volheid in werking het, soos ons dit behoort te hê nie. Dink u nie een van
die beste stappe om dit in werking te kry is om te leer wat die gawes is en
dit is waarmee ons nou besig is. Die Here se Woord sê die geloof kom
deur die gehoor. As jy nie weet daarvan nie, hoe sal jy daarvoor glo?
Ons kom nou by die bestudering van die gawe:
“Die woord van wysheid”.
Verlede keer het ons die gawe, woord van kennis behandel. Dit is nou ons
tweede gawe waarmee ons gaan handel en dit is die gawe van die woord
van wysheid en ek voel dit is hier waar ek dit weereens baie, baie sterk by
u wil beklemtoon, wat u baie goed moet onthou, dít is ‘n gawe van die
Heilige Gees. Met ander woorde dit is bonatuurlik, dit het niks met die
menslike verstand te doen nie, dit het niks met die menslike talent te doen
nie, dit het selfs niks te doen met jou Christelike ondervinding as sulks nie.
So met ander woorde jy moet nie na die Here toe kom en sê: “Here ek is ‘n
Christen vir 30-, 40-, 50 jaar nie, Here ek is iemand wat nag en dag bid,
nie, Here ek is iemand wat al baie vir u gewerk het”, of enige iets van die
aard nie. Dit werk nie so nie, om die waarheid te sê, baie mense het ek
gevind in my ondervinding, (ongelukkig is dit een van hulle groot
hindernisse) want sonder dat hulle dit besef, lê hulle dit voor die Here as ‘n
soort van verdienste. Hulle sê vir die Here, Here ek doen dit vir U, bring
nou dit vir my. Dit werk nie so nie, onthou dit is ‘n gawe. ‘n Gawe is
verniet, dit is ‘n genade gawe, dit is waar ons hierdie geleerde woord
vandaan kry; die charismatiese gawe, ‘n charisma is maar net die Griekse
woord vir ‘n gawe, (a gift,) dit is ‘n geskenk.
Nou kom ons by die gawe van die woord van wysheid en ons moet onthou
dit is bonatuurlik.
1 Korinthiërs 12:8;
Want aan die een word deur die Gees ‘n woord van wysheid
gegee, en aan die ander ‘n woord van kennis vanweë dieselfde
Gees;
‘n Woord van wysheid, met ander woorde ek voel ons sal veilig wees, nie
net in hierdie opsig nie, maar in alle opsigte dat ‘n mens jouself so naby
29

aan die Woord hou as wat jy moontlik kan. Dit is altyd die veiligste en dit is
die maklikste en die minste verwarrend. As hy sê aan die een word deur
die Gees ‘n woord van wysheid gegee, is dit belangrik!
Met ander woorde om sommer net in breë trekke vir u te sê, voordat ons in
besonderhede ingaan, dat u dit beter kan begryp. Daar sal momente kom
in jou getuienis vir die Here Jesus, in jou werk vir die Here, die van u wat in
die begin saam met ons was, u onthou toe ek met u die doping in die
Heilige Gees behandel het, het ek vir u gesê, dit is baie belangrik en ek
voel waarlik die salwing van die Here op my wanneer ek dit sê, om dit te
onthou en ek sê dit baiekeer, en dit is ook ‘n term wat Derek Prince
gebruik, hy sê: “you can not follow a parked car”. As jy vir iemand sê:
“volg my”, beteken dit, jy moet beweeg! Jy kan nie gaan stil sit en sê:
“wel Here, gee dan nog vir my die gawe van die woord van wysheid en die
woord van kennis, ensovoorts, en nou sal ek uitgaan en vir u gaan werk
nie. Jy moet in die geloof jou nek uitsteek vir die Here, jy moet gaan en
doen wat Hy vir jou sê, dan sal die Here vir jou op daardie moment en in
daardie situasie, sal die Here vir jou gee wat jy nodig het.
As jy in ‘n situasie beland vanweë die feit dat jy uitgegaan het vir die Here,
dit is belangrik en jy het ‘n woord van wysheid nodig sal die Here dit vir jou
op daardie moment gee, ons sal verder daarop ingaan wanneer ons hierdie
reeks voltooi het en ek wei dan ‘n spesiale studie daaraan, hoe ontvang
ons hierdie gawes en u sal sien hoe wonderlik dit is, moet nou nie dat ons
onsselwers, al is dit miskien nou nie negatief nie, ons tenminste dan
neutraal instel. Kom ons maak hierdie voorneme, anders waarvoor neem
ons hierdie studies? Die Here gaan vir ons hierdie gawes gee, ons gaan
hierdie gawes ontvang. Ons gaan hierdie gawes gebruik.
Kom laat ons positief word, kom laat ons aktief raak in die gees en vir die
Here sê: “Here dit is die tyd, ons praat oor die wederkoms van die Here,
almal praat daaroor, maar hoe gaan ons die wederkoms tegemoet as ons
nie toegerus is nie”. Daar sal ‘n oomblik kom in die lewe van getuienis vir
die Here Jesus waar jy dus ‘n woord, ‘n gawe van die woord van wysheid
gaan nodig hê, jy sal byvoorbeeld in ‘n tyd van uiterste nood kom, van
verleentheid, terwille van die naam en die saak en die getuienis van die
Here Jesus wat jy vir ‘n moment verslae sal wees.
U sal sien uit voorbeelde wat ek vir julle gaan noem, dit is die prinsiep
waarop dit werk. Waar jy verslae gaan wees, waar jy nie gaan weet wat
om te sê nie en met eens sal daar ‘n woord na jou toe kom wat jy net sal
weet wat om te sê. Daar is baie meer variasies en baie daarvan sal ons
sien, maar dit is die hoofsaak as ons dit kan sien, dan het ons die hele
30

etekenis van die gawe van die woord van wysheid klaar gesnap. Ek sal
vir u voorbeelde noem uit die lewe van ons Here Jesus toe Hy op aarde
was, ek sal vir u voorbeelde noem uit die geval van Paulus ensovoorts.
Die woord van wysheid is dus, sal ek sê, ‘n flits van God se alwysheid. Net
soos ons gesien het verlede keer, dat die woord van kennis is ‘n flits van
God se “alkennis”, vir daardie moment waar jy die woord van kennis nodig
gehad het, God weet alles, maar Hy het vir jou net daardie kennis gegee, ‘n
woord van kennis. Nou net so, God is alwys, maar vir die situasie waarin jy
beland, het jy net daardie woord van wysheid nodig en dit sal God dan vir
jou gee, maar dit is die wonderlikheid daarvan, soos met die hele Heilige
Gees, u moet onthou dit is nie ‘n dooie ding nie.
Dit is nie ‘n kop ding nie, dit is nie ‘n formaliteit nie, dit is ‘n vonk, dit is ‘n
flits. Jy sal voel, jy sal weet die mantel van die Here val op jou op daardie
oomblik en jy weet onmiddellik op daardie oomblik, is jy meester van
daardie situasie. Die moment wat jy dit kry weet jy hierdie antwoord, hy
slaan dwarsdeur en hy ontsetel die vyand in daardie opsig wat hy nou
probeer skep het heeltemal en hy gooi sy vesting omvér. Dit sal jy
ondervind en dit is te wonderlik en te heerlik.
Soos ek hier sê, daar is iets wat vonk, “it is something that sparks”. Prys
die Here! Jy sal weet dat op daardie moment het jy die regte ding gesê of
het jy die regte ding gedoen en jy sal ook weet dit was nie uit jouself nie.
Jy was heeltemal ontredderd, jy het nie geweet wat om te doen nie, en hier
kom dit, jy weet dit is van die Here, dit is te wonderlik. Vir my is dít die
avontuur van die geesteslewe.
Jy gaan uit jou eie gehoorsaamheid aan die Woord van God en aan sy
stem, (maar soos jy gaan), besef jy, jy word gedra, jy word gelei, jy word
gestuur en jy word gebruik. Ook so, dat wanneer jy klaar is, hoef jy geen
poging tot nederigheid aan te wend om te sê, wel dit was ‘n wonderlike
antwoord of ‘n wonderlike stap wat ek geneem het nie. Jy sal weet dit was
so vér bokant jouself, dat jy baie onnosel sal moet wees of baie duidelik na
die stem van die duiwel moet luister om te sê, wel, dit was ek, dit was my
slim antwoord, of dit was my slim spel.
Jy sal sommer weet dit was vér bokant my en dit kom net van een plek en
dit is van my alwyse Hemelse Vader, deur die krag van die Heilige Gees.
Loof die Here. Dit maak jou Christelike lewe lewendig! As die kind van
God dit eers gesmaak het, hoef jy nie aangepor te word om God te dien
nie. Dit is jou lewe, jou blydskap, dan lewe jy. Loof die Here!
31

Ek het dit nou onlangs, ek dink toe ek gepraat het oor die demone
ensovoorts en hoe dat dit nasies inspireer, het ek dit sommer maar hier ook
weer opgeskrywe vir wysheid in ‘n noodgeval, byvoorbeeld vir ons
Volksleiers. Ek het in ‘n boodskap, die van u wat in die diens was, het ek
gesê, na hierdie laaste oorlog, wêreld oorlog nommer twee, toe ons
staatsmanne nou rondom die vredestafel gesit het, saam teenoor Stalin en
hier het gesit Churchill en Roosevelt en later Harry Truman en Stalin het
hulle net so om sy vinger gedraai, omdat Stalin duiwel besete was, deur die
duiwel gelei en geïnspireerd was.
God se Woord wys dit vir ons dat die heidense nasies het hulle bose
geeste wat hulle lei en inspireer. Maar ons wat staan aan die ander kant,
as ons nie kom en staan in die krag van die Heilige Gees en dit ken nie, en
ons kom met ons menslike wysheid, hoe ‘n groot staatsman ons ook al
mag wees, is ons soos hulle sê: “We are no match for them”, ons is nie
opgewasse teen hulle nie. Dit was die posisie en presies wat daar gebeur
het.
Kom ons kyk na die beloftes van onse Here Jesus.
Lukas 12:11-12; (waar die Here Jesus die soort van ding belowe het).
11 En wanneer hulle jul sal bring voor die sinagoges en die owerhede
en die gesaghebbers, moet julle jul nie kwel oor hoe of waarmee
julle jul sal verdedig, of wat julle sal sê nie;
12 want die Heilige Gees sal julle in dieselfde uur leer wat julle moet
sê.
Dit is presies wat gebeur. Die beginsel daarin is baie mooi vir ons
daargestel in woorde.
“Want die Heilige Gees sal julle in dieselfde uur leer wat julle moet sê”, met
ander woorde julle hoef julle nie te kwel oor hoe of waarmee julle, julle sal
verdedig of wat julle sal sê nie. Julle hoef nou nie daar te sit en die ding uit
te pluis voor die tyd nie.
Hoe beland jy nou voor sinagoges en daardie soort van ding? Ons sien dit
vandag baie gebeur. Ons het dit nou onlangs gesien gebeur en u sal dit
nog baie kry en in baie ander opsigte. Moet jy nou nie slapelose nagte
deurbring oor hoe gaan ek nou my saak formuleer en dit en dat nie. Nee,
bid, prys die Here, soek sy aangesig. Raak vol met die Gees van die Here
en gaan vol in die Gees van die Here en moet nie eers dink oor wat jy gaan
sê nie, want op daardie moment sal die Heilige Gees vir jou sê wat jy moet
sê en daar sal nooit ‘n beter antwoord wees as dit nie, want wie kan tog ‘n
beter antwoord gee as die Heilige Gees? Jy sal dit op daardie moment
weet. Dit sal jou nog baie sterker maak in die Here.
32

Kom ons kyk na Lukas 21:14-15, hier is ons nou reg in die tyd van die
wederkoms, want Lukas 21 is ‘n “Wederkoms Hoofstuk”. Dit is ‘n hoofstuk
waarin vir ons uiteengesit word, die antwoord van onse Here Jesus oor die
vraag aangaande sy wederkoms, wat die tekens sou wees en so aan.
Lukas 21:14-15;
14 Neem julle dan in jul harte voor om nie vooraf oor julle verdediging
te dink nie.
15 Want Ek sal aan julle woorde en wysheid gee wat al julle
teëstanders nie sal kan teëspreek of weerstaan nie.
Ek dink aan die geval van Stéfanus.
Onthou u dat hoe die krag en die wysheid waarin Stéfanus gespreek het,
kon hulle hom nie weerstaan nie, en hulle het hom toe uiteindelik gestenig.
Lees gerus Handelinge 6 en 7, die geval van Stéfanus, dan sal u sien die
woorde en wysheid waarmee hy gespreek het. Nou, hy wás voor
owerhede gedaag gewees en nou ja, hy het sulke heerlike en wonderlike
woorde gespreek dat niemand dit kon weerspreek of weerstaan nie.
Kom ons kyk ‘n bietjie na ons Here Jesus self. Hoe wonderlik ons Here
Jesus in sulke situasies opgetree het en geantwoord het. Ek wil net hier
onderbreek, iets wat ek ook al ‘n hele paar keer van tevore al gesê het en
nooit genoeg kan sê nie. Moet nooit laat die duiwel of enige iemand vir u
sê: “ja, maar dit was die Here Jesus”.
Een van die groot werke van dié Christus, u moet dit baie goed onthou,
was nie net om te sterf vir ons aan die kruis en ons te was met sy kosbare
bloed nie. Dit was nie net om vir ons ‘n waarborg van die hemel te gee nie.
Dit is vér bokant dit. Dit was ook om aan ons, ons verlore heerskappy te
herstel, om ons, ons verlore plek as seuns en dogters van God te herstel
terwyl ons nog hier op hierdie aarde is. Ons Here Jesus se lewe hier op
aarde, luister baie mooi, dit is baie belangrik, u kan dwarsdeur die vier
evangelies gaan en u sal sien die Here Jesus het nooit opgetree in sy
hoedanigheid as God nie.
Soos Filippense 2 sê: “Hy het dit geen roof geag om aan God gelyk gestel
te word nie, maar Hy het Homself verneder en die gedaante en gestalte
van ‘n dienskneg aangeneem”. So het ons Here Jesus hier op hierdie
aarde beweeg terwyl Hy hier op aarde was. Hy het niks gedoen, Hy het
geen duiwels uitgedryf, Hy het geen siekes gesond gemaak, Hy het nie die
storms stil gemaak nie, Hy het nie die brode en die vissies vermeerder nie,
Hy het nie ‘n Lasarus terug geroep uit die dode in sy hoedanigheid as God
self, as Seun van God nie. Hy het dit gedoen as gewone mens, in die krag
van die Heilige Gees. Juis om vir u en vir my te demonstreer en vir ons te
wys wat ons ook kan doen.
33

Daarom as die Here Jesus sê:
Johannes 14:12;
12 Voorwaar, voorwaar Ek sê vir julle, wie in My glo - die werke wat Ek
doen, sal hy ook doen; en hy sal groter werke doen as dit, omdat
Ek na my Vader gaan.
Op ‘n ander geleentheid het Hy weer vir sy dissipels gesê: “Dit is vir julle
voordeliger dat Ek weggaan, want as Ek nie weggaan nie, kan Ek nie die
Trooster vir julle stuur nie”. Die Here Jesus het in die krag van die Heilige
Gees, het Hy al sy bonatuurlike werke gedoen. Die een rede daarvoor was
om vir u en vir my te demonstreer en die voorganger te wees om te wys
wat Hy ons ook toe in staat stel, want dit werk so, die oomblik wat jy die
Here Jesus waarlik aanneem as jou saligmaker en jy word werklik
weergebore, het jy God se natuur.
Jy word gewederbaar deur die Woord en die Gees. Jy word God se kind
en wanneer jy gedoop word in die Heilige Gees, ontvang jy God se krag.
Jy kan, jy moet in die krag van God optree en jy moet die werk doen
waartoe die Here ons aangestel het. Daarom is ons die liggaam van
Christus, ons is al sy ledemate.
As ons kyk na hierdie twee illustrasies uit die lewe van ons Here Jesus, by
wyse van verduideliking van hierdie gawe van die woord van wysheid, om
te wys hoe die Here Jesus dit gebruik het, moenie dat hulle vir u sê, ja
maar dit was Jesus nie, Hy het dit juis gedoen om dit as een van die vele
voorbeelde te stel vir u en my. Dit is waar dat Hy vir ons ‘n voorbeeld
nagelaat het, dat ons in sy voetstappe moet navolg.
1 Petrus 2:21;
Want hiertoe is julle geroep, omdat Christus ook vir julle gely het en
julle ‘n voorbeeld nagelaat het, sodat julle sy voetstappe kan
navolg;
Prys die Here, dit is as ‘n voorbeeld nagelaat sodat julle sy voetstappe
kan navolg. Hier is ‘n ander baie belangrike ding wat ek vir u wil sê, dit
kom nou maar in die loop van die studies, soos die Here dit ook lei dat ons
sommer rondom ons sentrale tema baie dinge kan leer wat ons vantevore
nie geweet het nie. Die ou idee, vir eeue, waar dit in die kerk verval het,
nadat hy nou juis weer die wonderlike waarheid herontdek het, in die tyd
van Martin Luther, “dat die regverdige sal deur die geloof lewe en uit
genade is julle gered, deur die geloof en dit nie uit julleself nie, dit is die
gawe van God, nie uit werke nie sodat niemand mag roem nie”.
Toe dié reddingsboodskap, nadat Satan hom probeer keer het vir solank
soos hy kon en vasgeval het, self in die tyd van die Rooms-Katolieke era,
34

ensovoorts en toe dit nou deurbreek is dit asof die kerk nou daar
vasgesteek het. Ons idee waarmee ons groot geword het, ek is seker u
het so groot geword, ek het ook so groot geword. As hy dan sê; Christus
het vir ons ‘n voorbeeld nagelaat sodat ons sy voetstappe kan navolg, dan
moet ek in die voetstappe van Jesus navolg, ek moet nie sonde doen nie,
ek moet ‘n skoon lewe lei, ‘n rein lewe. Pragtig, wonderlik, heeltemal reg
genoeg, maar net die idee van die reddingsweg, maar dit is nie al
voorbeeld wat die Here Jesus vir ons nagelaat het nie.
Jesus het nie net ‘n sondelose lewe gelei nie, Jesus het nie net ‘n heilige
lewe gelei en vir ons ‘n voorbeeld nagelaat van sagmoedigheid en
nederigheid en al daardie dinge nie. Jesus het ook vir ons ‘n voorbeeld
nagelaat van gesag, van outoriteit, heerskappy oor die werke van die
duiwel. Oor die duiwel self en oor sy demone en Hy het dit gedemonstreer.
Is dit nie ook ‘n voorbeeld nie? Dit is mos ook ‘n voorbeeld. Ek moet nie
nou sê, nee, dit is nie vir my nie, dit sal dalk selfs Godslasterlik wees om dit
vir my te wil toe-eien, en daarmee is die duiwel dan baie tevrede. Die Here
Jesus het ons aangestel en gesê: “Soos die Vader my gestuur het, só
stuur ek julle”. Presies só, in elke opsig. Daardie voorbeeld wat Hy vir
ons nagelaat het, ook hierin!
Kom ons kyk nou hoe die woord van wysheid gewerk het in die geval van
ons Here Jesus.
Ek gee net vir julle twee voorbeelde, daar is baie meer.
Matthéüs 21:23-25 ook 26-27;.
23 EN toe Hy in die tempel gegaan het, kom die owerpriesters en die
ouderlinge van die volk na Hom terwyl Hy besig was om te leer, en
hulle sê: Deur watter gesag doen U hierdie dinge, en wie het U
hierdie gesag gegee?
24 En Jesus antwoord en sê vir hulle: Ek sal julle ook een ding vra, en
as julle dit vir My sê, sal Ek julle ook vertel deur watter gesag Ek
hierdie dinge doen.
25 Die doop van Johannes, waar was dit vandaan, uit die hemel of uit
mense? En hulle het by hulleself geredeneer en gesê: As ons sê:
Uit die hemel - dan sal Hy ons, vra: Waarom het julle hom dan nie
geglo nie?
Kyk hoe ‘n wonderlike antwoord het ons Here Jesus hier gegee in ‘n
moeilike situasie. Die doop van Johannes, waar was dit vandaan? Uit die
hemel of uit die mense? Toe het die mense onder mekaar geredeneer en
gesê, as ons sê uit die hemel dan sal Hy vir ons sê, waarom het julle hom
dan nie geglo nie?
35

26 En as ons sê: Uit mense - dan moet ons oppas vir die menigte,
want almal hou Johannes vir ‘n profeet.
27 Toe antwoord hulle Jesus en sê: Ons weet nie. Hy sê toe ook vir
hulle: Dan vertel Ek julle ook nie deur watter gesag Ek hierdie
dinge doen nie.
U sien, Jesus was hier in ‘n situasie waar hulle Hom in ‘n val wou lei. Hulle
was daarop uit om iets te kry sodat hulle Hom kon dood maak. Onthou,
hulle het moord in hulle harte gehad, hulle wou Hom dood maak en hierdie
mense was baie, baie slim en uitgeslape.
As ons mooi op die saak ingaan, sal ons sien hulle was baie definitief
satanies geïnspireerd, daarom was hulle nog baie slimmer as gewoonweg
en toe gee die Here Jesus vir hulle daardie antwoord. Hy antwoord vir
hulle deur vir hulle ‘n teenvraag te vra, en Hy stel die vraag so dat hulle nie
durf waag om ja te sê nie en hulle durf ook nie nee, sê nie, hulle sê; ons
weet nie. Toe sê die Here, dan gee Ek julle ook nie ‘n antwoord nie.
Baie, baie slim, ‘n woord van wysheid. Julle sal ook nog in sulke gevalle
kom waar mense vir julle strikvrae sal vra. Die doel, om ‘n antwoord uit
julle te kry om jou die volgende slag te slaan en dit sal moet gebeur in ‘n
breuk van ‘n sekonde, maar die Here sal jou nooit in die steek laat nie. In
daardie breukdeel van ‘n sekonde sal dit kom, onthou, een ding is net baie
noodsaaklik en dit is, ons moet naby aan die Here lewe en ek moet nie in
my eie krag uitgaan nie, ek moet uitgaan (as ek my dag begin) moet ek dit
begin in die Here.
Ons Here Jesus het baie naby aan die Vader gelewe, dit word vir ons baie
duidelik gewys, lank voor dit nog dag was het Hy gebid, nagte deur het Hy
gebid. Hy was in kontak met die Vader. Onthou dit is ook nog ‘n voorbeeld
wat Hy ons nagelaat het. So ons moenie dink dat ons hierdie dinge kan
gaan doen en los lewe van ons kontak met die Here nie.
Dit is een voorbeeld en die ander een is sommer net in die volgende
hoofstuk, iets min of meer in die dieselfde trant, weer ‘n baie, baie slim
antwoord wat die Here Jesus gegee het.
Matthéüs 22:15-21;
15 TOE gaan die Fariseërs saam raad hou hoe om Hom in sy woord te
verstrik.
16 En hulle stuur hul dissipels saam met Herodiane na Hom en sê:
Meester, ons weet dat U waaragtig is en die weg van God in
waarheid leer en U aan niemand steur nie, want U sien nie die
persoon van mense aan nie -
36

17 sê dan vir ons, wat dink U: Is dit geoorloof om aan die keiser
belasting te betaal of nie?
18 Maar Jesus het hulle boosheid bemerk en gesê:
19 Geveinsdes, waarom versoek julle My? Wys My die belastingmunt.
En hulle het vir Hom ‘n penning gebring.
20 En Hy sê vir hulle: Wie se beeld en opskrif is dit?
21 Hulle antwoord Hom: Die keiser s’n. Daarop sê Hy vir hulle: Betaal
aan die keiser wat die keiser toekom, en aan God wat God toekom.
Hier is weer ‘n kwessie van die belasting. Hulle het nou weer vir Hom ‘n
strik gestel. Kyk hoe wonderlik het die Here Jesus hieruit gekom, as ek dit
so mag noem. U sien, weer hulle het Hom probeer verstrik in sy eie
woorde en hulle het vir Hom ‘n baie slim vraag, ‘n slagyster gestel. As die
Here Jesus hier verkeerd geantwoord het, was dit in daardie opsig, hoe sal
ek sê, klaar met Hom. Dit is wat hulle probeer doen het en toe hulle die
asem van hulle laaste woord klaar het, toe het die Here Jesus klaar die
antwoord.
Weer beklemtoon ek, moenie dat hulle vir u sê; ja, maar dit was die Here
Jesus, Hy was wys, Hy het geweet wat om te sê. Nee, onthou Hy het sy
Godheid afgelê vir die doel van redding van die ganse mensdom, ook
hierdie tydjie waarin Hy opgetree het voor Sy kruisiging, dit is ‘n baie
belangrike fase in die Here Jesus se lewe. Dit is ‘n pragtige studie om
daarop in te gaan.
Ek het baie wonderlike geskrifte om vir u te wys, hoe die Here Jesus
absoluut as mens beweeg het in die krag van die Heilige Gees. Hy vra toe
vir daardie muntstuk en Hy gee hulle daardie antwoord en die 22ste vers
sê: “En toe hulle dit hoor, was hulle verwonderd, en het Hom verlaat en
weggegaan”. Hulle was absoluut platgeslaan deur daardie antwoord. Met
ander woorde, hulle kon nie soveel vatplek aan die Here Jesus kry nie. Dit
was ‘n woord van wysheid op daardie moment. Prys die Here!
Ek het van ‘n wonderlike geval gelees, net in ‘n hedendaagse
demonstrasie. In die tyd van geloofsvervolging keer ‘n klomp vyandige
soldate eendag ‘n jong meisie voor wat op pad na ‘n diens toe was en die
strafwet, as hulle haar kon vang dat sy na ‘n diens toe was, was natuurlik
die doodstraf. Hulle keer haar voor, sy was baie mooi en netjies aangetrek,
soos ‘n mens behoort aangetrek te wees as ‘n mens na die Here se huis
gaan. Hulle vra haar; waarheen is jy op pad? Op die moment antwoord
sy: “Ek is op pad om te gaan luister na die aflees van my oudste broer se
testament”. Die antwoord moes kom, sy het nie geweet wat hulle sal vra
nie en sy het nie geweet wat om te sê nie.
37

Hebreërs 9:15-17;
15 En daarom is Hy Middelaar van ’n nuwe testament, sodat, terwyl
daar ‘n dood plaasgevind het vir die verlossing van die oortredinge
onder die eerste testament, die wat geroepe is, die belofte van die
ewige erfenis kan ontvang.
16 Want waar ‘n testament is, moet noodsaaklik die dood van die
testamentmaker aangekondig word;
17 want ‘n testament is geldig by sterfgevalle, aangesien dit nooit van
krag is solank as die testamentmaker nog leef nie.
Sy het nie gelieg nie en sy het gaan luister na die Woord van die Here, al
die beloftes van God is in sy testament. Die Here Jesus het dit aan ons
bemaak. Die verhaal sê, toe sy dit klaar gesê het, sê hulle; nou ja, ons
hoop jy sal ook ‘n goeie deel daaruit kry en hulle laat haar gaan. Dit was of
lewe of dood op daardie moment, dink u nie sy was in ‘n benoudheid nie?
‘n Woord van wysheid, onmiddellik op daardie moment. Dit is ‘n klein
deeltjie uit God se onuitputlike wysheid en dit is vir almal wat waarlik in die
Gees wandel, wat met ‘n probleem te doen kry wat bokant hulle eie kragte
of hulle eie verstand is, en dit werk deur die Gees en nie deur die verstand
nie.
Die Here Jesus het gesê: “Dit is Hy wat van My sal getuig”. Dit is Hy wat
deur sy kinders, dwarsdeur die Christelike dispensasie, totdat die Here
Jesus weer kom, van Hom sal getuig. Dwarsdeur! Dit is Hy wat die werk
doen deur ons natuurlik.
Die Here Jesus het gesê: “Hy sal van My neem en aan julle openbaar”. Hy
sal die dinge wat Hy hoor, sal Hy vir julle sê en sal dan deur julle kom. Dit
is dan ook die hele doel van die gawes van die Heilige Gees en ook so in
ons verband, die woord van wysheid.
Ek wil vir u van nog twee gevalle noem in die Bybel soos ek ‘n woord van
wysheid sien. Die eenkant, beide deur geboorte en deur handelinge en in
albei gevalle, beide deur woord en handelinge:
1) Onthou u van die geval waar Paulus in ‘n baie benoude posisie was, dit
is opgeteken in Handelinge 23:1-7; en toe hy voor die Raad kom en hulle
hom amper uitmekaar wou skeur, toe sien hy ewe skielik dat die Raad
bestaan uit Fariseërs en Sadduseërs, toe begin hy skielik praat van die
opstanding en die twee partye begin om met mekaar te stry. Met ander
woorde, wat hy daar gesê het, het die twee aanmekaar laat spring en op
daardie manier is hy toe vry.
38

Kom ons kyk net na die agtergrond en situasie waarin Paulus hom hier
bevind het:
Handelinge 22:30; Handelinge 23:1-7;
30 EN die volgende dag wou hy met sekerheid weet waarvan hy deur
die Jode beskuldig was; en hy het hom van sy boeie losgemaak en
bevel gegee dat die owerpriesters en hulle hele Raad moes
vergader; en hy het Paulus afgebring en voor hulle laat staan.
1 EN Paulus het die oë op die Raad gehou en gesê: Broeders, ek het
met ‘n volkome goeie gewete voor God gewandel tot op hierdie
dag.
2 maar die hoëpriester Ananías het bevel gegee aan die wat by hom
staan, om hom op die mond te slaan.
3 Toe sê Paulus vir hom: God sal u slaan, gewitte muur! U sit tog om
my volgens die wet te oordeel, en beveel u in stryd met die wet dat
ek geslaan moet word?
4 En die wat daarby staan, sê: Skel jy die hoëpriester van God uit?
5 Daarop sê Paulus: Ek het nie geweet, broeders, dat hy hoëpriester
is nie, want daar staan geskrywe: Van ‘n owerste van jou volk mag
jy nie kwaad spreek nie.
6 En omdat Paulus geweet het dat een deel uit Sadduseërs en die
ander uit Fariseërs bestaan, het hy in die Raad uitgeroep:
Broeders, ek is ‘n Fariseër, die seun van ‘n Fariseër. Oor die hoop
en die opstanding van die dode staan ek voor die gereg.
7 En toe hy dit sê, het daar twis ontstaan tussen die Fariseërs en die
Sadduseërs, en die menigte het verdeeld geraak.
Hier was Paulus ook weer in ‘n situasie van benoudheid en hy het daarin
beland omdat hy besig was om vir die Here te werk. Die vervolging het
teen hom opgelaai en hy is voor die Raad gebring en toe hierdie dinge ook
nog teen hom kom, is alreeds teen die mond geslaan en toe hy nog
daardie ander woorde sê, kan ek sê; die spanning hier teen Paulus het
geweldig opgelaai en as jy uit ander gevalle, soos Stéfanus, kan aflei. Op
verskillende ander plekke waar Paulus al gestenig was, was hy hier weer in
‘n baie gevaarlike posisie en ek voel, skielik het die Here aan hom ‘n woord
van wysheid gegee, om tot die besef te kom, kyk hierdie Raad bestaan uit
twee partye en as ek nou sekere dinge hier noem gaan ek die klomp
aanmekaar sit en dit gaan my redding wees. Die Sadduseërs was soos gif
teen die opstanding en die Fariseërs was daarvoor. Toe hy dit noem,
onmiddellik gebeur dit en dit het tot sy redding gelei!
2) Die ander voorbeeld vind u in Handeling 15, waar die heidene tot
bekering gekom het en nou die kwessie van besnydenis of nie besnydenis,
beslis moet word en so aan. Daar het naderhand ook ‘n situasie ontstaan
39

wat toe skielik ‘n stap van wysheid geverg het. In die 2de vers was al twis
in hierdie Raad. Ek wil vir u hier wys, Jakobus was die voorsitter. Lees
asseblief Handelinge 15 self, om die situasie daar te kan sien. So, dit was
‘n moeilike situasie, dit was ‘n baie groot besluit, die gemeente was in die
begin stadium, daar moes uitsluitsels gegee word oor verskillende dinge.
Tradisies was nog vas en so aan.
Op twee plekke staan daar:
Handelinge 15:2;
Toe daar nou geen klein stryd en woordewisseling van die kant van
Paulus en Bárnabas teen hulle ontstaan het nie, het hulle besluit
dat Paulus en Bárnabas en nog ‘n paar ander van hulle sou
opgaan na die apostels en ouderlinge in Jerusalem in verband met
hierdie vraagstuk.
Selfs hier, soos dit vir my lyk, was Bárnabas en Paulus in daardie situasie
nie eers baie wys nie. Die Here sê: “die kind van die Here moet nie stry
nie” hy moes eintlik nie getwis het nie. Dit lyk of Paulus hier saam getwis
het. Daar het hy nog nie ‘n woord van wysheid ontvang nie. Hulle het die
saak na Jerusalem geneem, na die apostels en ouderlinge toe. Daar het
toe ‘n groot woordewisseling ontstaan en die klomp het weer lekker gestry.
Handelinge 15:7;
En toe daar ‘n groot woordewisseling plaasvind, het Petrus
opgestaan en vir hulle gesê: Broeders, julle weet dat God lank
gelede onder ons verkies het dat die heidene deur my mond die
woord van die evangelie sal hoor en gelowig word.
Toe dit nou alles daar aan die gang was toe spreek Jakobus, nadat hulle
van die wonders daar gehoor het.
Handelinge 15:12-13;
12 En die hele menigte het geswyg en na Bárnabas en Paulus
geluister, terwyl hulle van al die tekens en wonders vertel wat God
deur hulle onder die heidene gedoen het.
13 En nadat hulle geswyg het, antwoord Jakobus en sê: Broeders,
luister na my!
Toe kom Jakobus en gee hulle hierdie woorde uit die profesieë:
Handelinge 15:19-20;
19 Daarom oordeel ek dat ons die wat uit die heidene hulle tot God
bekeer, nie moet bemoeilik nie,
20 maar aan hulle moet skrywe dat hulle hul moet onthou van die
dinge wat deur die afgode besoedel is en van hoerery en van wat
verwurg is en van bloed.
40

Daardie boodskap is so aangestuur en almal was onmiddellik tevrede. Die
oomblik toe Jakobus daardie woorde sê, toe is daar geen stryery meer nie,
almal is tevrede. Dit was ‘n intense situasie. Vir my, was dit ‘n woord van
wysheid wat na Jakobus gekom het op daardie oomblik en die hele saak vir
almal opgelos het.
Opsomming:
Ons Here Jesus het beloof om vir ons ‘n ander Trooster, die Heilige Gees
te stuur. Hy sou ons in die hele Waarheid lei en van Jesus getuig. Hy sou
ons ook bekragtig met Goddelike krag om hierdie taak uit te voer.
Hy sou dit deur die Nege Gawes van die Heilige Gees doen, waarvan een
die woord van wysheid sou wees. Dit sou ‘n woord wees wat ons op die
kritieke oomblik wanneer ons dit nodig het, nie self sou of kon uitgedink het
nie, maar wat altyd effektief sou wees. Dit sou die stempel van Goddelike
Alwysheid dra.
41

[Kasset nr. L015]
Hoofstuk 3
Die Gawe van Onderskeiding van Geeste.
Hierdie drie gawes, die gawe van die woord van kennis, en gawe van die
woord van wysheid en die gawe van die onderskeiding van geeste, word
genoem die drie Openbaringsgawes. Dit is waarmee die Here dinge aan
die mens openbaar wat Hy alleen deur sy Gees kan openbaar wat jy met
jou verstand of op enige natuurlike wyse nie kan bekom nie. Soos al die
ander gawes wat ons ook sal behandel, so ook is hierdie drie
openbaringsgawes vir ‘n mens van toepassing en van onskatbare heerlike
magtige Satans oorwinnende waarde; vir jou as enkeling en ook in
situasies waar jy as enkeling sal beland in die Naam en in die saak op die
weg van die Here.
Maar ons is besig, as u 1 Korinthiërs 12 weer sal lees en u wat die eerste
paar studies met ons meegemaak het, sal onthou dat ek vir u beklemtoon
het dat die hele 1 Korinthiërs 12, vir ons daarop ‘n liggaam wys en die
gemeente is die liggaam van Christus, en ons is almal die lede van mekaar
en ook lede afsonderlik, en tog saam gevoeg. Net soos ons lede een deel
van ons liggaam is, hoe wonderlik hy ook al is, die wonderlike gawe van die
oog of die hart of die hand of wat ook al, is ‘n wonderlike skepping van God
soos hy is, maar afgesny en alleen, wat is hy dan werd? So is die liggaam
saamgestel uit sy lede en die een lid kan nie vir die ander een sê: “ek het
jou nie nodig nie”. Dan ook in daardie selfde gedagte en trant, en dat dit
die groot en magtige idee is wat die wêreld weer moet sien, hy het dit
gesien in die dae van die eerste kerk, en dit is die werklike liggaam van
Christus behoorlik saamgestel en behoorlik in werking as die liggaam. Met
ander woorde, die gemeente van die Lewende Christus, en Hy is self die
Hoof.
Die wêreld moet weer die werklike gemeente sien. Ons weet natuurlik ons
bedoel nie ‘n groot pragtige katedraal of ‘n pragtige konstruksie van mense
hande nie, laat dit sy funksie hê soos dit wil. Die werklike gemeente
waarvan die Grieks, Ekklesia is, (dit is die naam Ekklesia waarvan ons
groepie die naam vandaan gekry het) die werklike gemeente, en voordat
die Here Jesus kom, glo ek wys God se Woord vir ons dat daardie
gemeente die hele wêreld oor weer gaan begin funksioneer, soos hy
behoort te funksioneer.
42

Soos waar ‘n klompie mense bymekaar kom soos ons hier, wat vervuld is
met die Heilige Gees, die kennis van God se wil, God se doel en God se
plan en waar die Here sy gawes in die midde van sy kinders laat opereer.
Gaan dit ‘n dooie liggaam wees, gaan dit ‘n kragtelose liggaam wees?
Nooit nie, in hierdie opsig wat ons al gesien het, waar die gawe van die
woord van wysheid is.
As daar sê byvoorbeeld, by wyse van illustrasie, daar word hier in
VanderBijl beplan om Yskor op te blaas en daar is ‘n groepie van God se
kinders bymekaar, ek sê nie dit kan nie gebeur as een van ons alleen is
nie, die Here kan dit ook vir jou openbaar, maar omdat die Here so lief is vir
sy liggaam en omdat dit God se plan is, sou ek sê, dit is soos ek die Bybel
verstaan, wanneer so ‘n klompie bymekaar kom en die Here aanbid het en
aan die Here gegee het wat Hom toekom, die lofprysing en die aanbidding
van ons harte, dat die Here sal begin praat. Die Here sal begin openbaar,
of dit nou deur profesie is of direk, deur ‘n woord van kennis of deur ‘n
gesig of wat ook al. Die Here sal sê dit en dit is besig om te gebeur.
Skakel maar die Veiligheidsafdeling, die Hoof van die Polisie of stel die
Vaaldriehoek-kommandement in kennis. Dit en dit is beplan vir so en so.
Dit gaan nog die gemeente wees, die liggaam van Christus, wat God se
volk gaan lei.
In die dae van die Bybel was dit so. Dit was die profeet, die profeet wat vir
die Koning van Israel gesê het wat hy moes doen. Ek noem hierdie dinge
om u visier te stel op die merk en die kol wat God vir ons wil hê. Die vyand
sê in u gedagte en my gedagte “Ag, al is dit waar, julle sal dit nooit bereik
nie”. “Hy wat jou roep is getrou. Hy sal dit ook doen.” Dit is God se plan.
Dit is God se doel en dit is God se wil.
Hy is alreeds besig die hele wêreld oor, ook in ‘n studie soos hierdie, soos
ek vir u al van te vore gevra het; hoe kom geloof? Geloof kom deur die
aanhoor van die Woord van God. Jy kan nie in iets glo wat jy niks van
weet nie. Net die feit dat ons besig is om hierdie dinge te bestudeer, is
alreeds God se middel om geloof in u eie hart in op te wek daarvoor.
Moenie kyk na u vermoëns nie. God vra dit nie. God sê:” My seun, my
dogter gee My jou hart”. Dit is wat die Here voor vra.
Ons begin nou alreeds daarmee. Ons moet uitkom uit hierdie ou gedagte
dat die Here ons maar nou net uitgesleep en gered het, sodat ons eendag
hemel toe kan gaan. Dit is ‘n beperkte visie daardie. Die Here het ons
geroep om sy liggaam te wees, sy lewende liggaam. Daarom as die Here
sê: “My seun, my dogter, gee my jou hart” ons ken dit miskien as mense
wat Christelik groot geword het van ons kinderdae, in ons gedagte gee ek
43

my hart vir die Here, ek sal ‘n goeie lewe lei, nie meer slegte dinge doen
nie, dan gaan ek hemel toe. Dank God daarvoor.
Maar, “my seun, my dogter gee My jou hart:
dat Ek daarin kan woon,
dat Ek jou kan vul met My krag,
dat ek jou kan gebruik tot My eer,
dat Ek myself in jou kan openbaar”.
Ken u daardie Skrif wat sê “soos Hy is so is ons in die wêreld”. As ons
genoem word die liggaam van Christus - die hele 1 Korinthiërs 12, gaan
daaroor. As die Here dan figuurlik gesproke, wat ek ook al is, die hand of
die voet en so aan, en ek is die liggaam van Christus, en ek het ‘n dooie
hand, wat help dit? Hoe Christus onterend is dit nie! Dit is die gedagte.
Prys die Naam van die Here.
Nou in die eerste instansie:
Soos ek vantevore beklemtoon het, moet ons onthou dat hierdie gawes
bonatuurlike gawes is. Dit is nie gawes van menslike talent, vermoë of
verstand nie. Dit is bonatuurlik.
In die tweede instansie:
Kan ons nie dink aan die gawes van die Heilige Gees en ook nie aan die
gawe van die onderskeiding van geeste buitekant die doping in die Heilige
Gees nie, dit is vanselfsprekend. Ek kan nie reken; dat ek nou die gawes
vir myself kan toe-eien en ek is nog nooit gedoop in die Heilige Gees nie.
Daarom is die doping in die Heilige Gees, nommer een. Wanneer ek dan
gedoop is in die Heilige Gees, glo ek, het jy alreeds die gawes van die
Heilige Gees in embrio ontvang. Dit is klaar binne-in jou. Jy het hom saam
met die doping van die Heilige Gees ontvang. Jy moet nou net die lig
daarop kry en jy moet daarin begin glo en jy moet dit net begin beoefen.
Ons gaan die Here vertrou dat ons hierdie Reeks gaan deursien en
wanneer ons met hom klaar is, dan gaan ons die Here se aangesig begin
soek en ons gaan dit begin beoefen. Soos iemand eenkeer en ook nog
baie ander mense wat sê: “Ek sal nooit eendag profeteer nie want ek kan
nie profeteer soos Jesaja nie”. Wie sê vir ons dat Jesaja volmaak
geprofeteer het, sommer reg van die begin af? Ons lees in die Bybel in die
tyd van Samuel of in die tyd van Elísa waar daar ‘n skool van profete-seuns
was. ‘n Mens moet dinge leer, jy moet dinge begin beoefen, natuurlik in die
geloof. Ons gaan hierdie dinge in die geloof beoefen en ons gaan die Here
daarvoor vra.
44

Kom ons stel dit vas in ons harte en in ons gedagtes. Ons gaan nie hierdie
Reeks klaarmaak en sê: “Wel dit was basies interessant, goed, nou het ek
dit in my kop, miskien tot ‘n mate in my hart, maar in die praktyk het ek dit
nie”. Dit sal nie vir ons help vir sover dit God se plan betref dat ons hierdie
dinge mooi beskou en u daaroor ‘n baie mooi lesing kan gee, vir andere
daarvan kan vertel en die mense sê; maar werk dit, werk dit in julle midde,
kan ek kom kyk? Dan moet ons as Pinkster mense en ook ons eie
gemeente ingesluit daarby sê; ons staan nog vér, vér agter. Ons dank die
Here vir soms wonderlike dinge wat gebeur maar as jy kyk na die Bybel en
die dae van die eerste gemeente en die ou geskiedenis, daar was nie ‘n
byeenkoms van God se kinders waar die Heilige Gees Homself nie sigbaar
en kennelik geopereer het in hulle midde nie. Dit is die bonatuurlike
openbaring van die Gees van God. Dit is Heilige Gees gawes. Dit is
bonatuurlik en dit is nie losstaande van die doping in die Heilige Gees nie.
Hierdie is een van die drie Openbaringsgawes, en dit is die bonatuurlike
openbaring van die Gees van God wat aan ons openbaar watter gees in
werking is, goed of kwaad of watter gawes. Wanneer jy in ‘n diens is
byvoorbeeld veral met die oog op die liggaam van Christus wanneer die
liggaam bymekaar kom, is dit van die uiterste belang vir ‘n mens dat jy sal
weet watter gees daar in beweging is. Onthou u daardie een geval waar
die verlamde man gebring was na die Here Jesus? Toe hulle daardie
dakpanne verwyder het, toe sê hulle die krag van die Here was
teenwoordig om gesond te maak.
Nou kom jy baie keer in ‘n diens, ons Pinkster mense glo in hierdie dinge,
ons glo in goddelike genesing. Jy is besig om te sing, jy luister na ‘n
boodskap. Daar gaan ook ander operasies wees, maar intussentyd het die
Gees van die Here begin beweeg in die diens en die Gees van die Here wil
gesond maak.
Ek het al baie keer gesien, jy voel die Gees van die Here is daar, maar
nee, daar moet nou eers ‘n preek gebring word, daar moet nou eers ‘n
gebed wees, teen daardie tyd gaan ons vir die siekes bid en teen daardie
tyd het die Gees van genesing alweer verby beweeg. Die Here moet jou
die gawe gee, veral vir die wat die diens lei, daarom moet ‘n mens so baie
bid vir die wat die diens lei, dat die Here hierdie gawe sal gee, dat jy
daardie Gees kan onderskei. Dit is aan die goeie kant. Kyk dit is nie die
onderskeiding van slegte geeste nie, dit is ook die onderskeiding van die
Gees van God. Dit is ‘n gawe wat jy moet kan sien en wat jy moet kan raak
vat.
45

Ons sê dit baie in ons dienste en hoor dit baie in pinksterkringe en in die
ander kringe dat ons is op die vooraand van die wederkoms van Christus
en dat ons nog baie misleidende geeste moet verwag. Die Here Jesus het
self gesê daar sal vals profete wees wat groot tekens en wonders sal doen
en wat, as dit moontlik is, selfs die uitverkorenes sal mislei. Dit is asof die
hel leeggemaak gaan word van al sy demone in hierdie laaste poging om
Christus te weerstaan. Ons sien die opkoms van die spiritisme, die
opkoms van duiwelaanbiddery, van towery oral. Jy begin in jou koerante
en in tydskrifte daarvan lees. Dit is alles bose geeste wat aan die beweeg
is en geeste wat selfs in jou diens kan inkom. Dit is geeste wat so kan
werk. Dit was so in die dae van die Apostel Paulus in die eerste gemeente.
Ons moet onthou dat in daardie tyd was dit mense wat so pas tot bekering
gekom het uit die heiden wêreld. Hulle het met allerhande bose geeste
omgegaan. Hulle het towery beoefen. Kyk Simon die towenaar, en
Élimas, daardie sewe seuns van Skeva wat ook met duiwelbesweerdery
besig was.
Dit is altyd so, in ‘n heidense toestand is dit vol daarvan. Daardie mense
het nou tot bekering gekom en hulle het in die gemeente ingekom maar
daardie mense het nog hulle ou gedagtes. Baie van hulle het nog hulle ou
vrees, hierdie ou dinge in hulle gewete, in hulle gemoed. Nou kom hulle in
die diens. Die Satan kan maklik kom en dinge daar naboots, in die war
stuur en so aan.
Die kinders van die Here moet kan weet watter geeste om daarin te
onderskei. Partykeer voel jy in ‘n diens dit is sommer morsdood. Dit het al
in baie gevalle gebeur en daar sal voorbeelde vir u genoem word. Sulke
mense, veral wanneer die Gees van die Here begin werk, (let daarop, as
daar ‘n kerk of ‘n gemeente kom en hierdie dinge pragtig begin werk), kyk
hoe Satan sy agente gaan stuur om daardie diens te weerstaan en as dit
moontlik is, selfs omver te gooi. Hy sal daar inkom met ‘n vroom gesig.
In daardie gemeente moet daar die gawe van die onderskeiding van geeste
wees dat hy daardie persoon of daardie geeste sal kan onderskei, hom kan
blootlê deur ‘n profesie of direk daardie persoon uit te wys, met hom te
praat, sy naam te noem, om daardie krag te breek. Baie keer voel jy in ‘n
diens hier kom ‘n vlaag van ‘n vreemde ding in. Sommer skielik is daar ‘n
gebrek aan vrymoedigheid. Partykeer is dit amper of mense met mekaar
wil begin twis, sommer oor enige ding ‘n uitval met mekaar te wil hê; soos
‘n wind wat daar inwaai, dit is bose geeste. Dit is die gees van Satan wat
daar inkom en jy moet hom kan onderskei en jy moet hom dan kan
skadeloos stel.
46

Die Here Jesus het gesê:
Markus 16:17-18;
17 En vir die wat geglo het, sal hierdie tekens volg: in my Naam sal
hulle duiwels uitdryf, met nuwe tale sal hulle spreek,
18 slange sal hulle opneem; en as hulle iets dodeliks drink, sal dit
hulle geen kwaad doen nie; op siekes sal hulle die hande lê, en
hulle sal gesond word.
Wat is die eerste?
In my Naam sal hulle duiwels uitdryf.
Ons het nou die laaste tyd al baie gehoor en gesien en gelees van die
uitdrywing van duiwels (of liewer demone dit is ‘n beter naam), van bose
geeste. Maar wat ek nog nie baie van gesien het nie en wat vir my uiters
belangrik is, en so sien ek die Here se Woord, dat jy die gawe moet hê om
daardie bose gees te kan onderskei.
Dit is goed genoeg dat die bose geeste net met jou praat, dat jy hom
uitdaag en dat hy homself openbaar, maar in die dae van die Bybel en
soos ek die Skrif verstaan, moet God se kinders daardie gawe hê om, as ‘n
persoon met so ‘n gees in ‘n diens inkom, dit was so en sal voorbeelde
daarvan sien in die Bybel, of waar jy gaan om vir die Here te werk, en hier
kry jy daardie weerstand, dat die gawe van onderskeiding van geeste jou
presies sal wys wat se gees in ‘n persoon of persone of in ‘n diens is. Dat
daardie gees op daardie manier geïdentifiseer, ontmasker sal word en
natuurlik dan uitgedryf sal word.
Ons moet baie mooi onderskei dat die gawe van die onderskeiding van
geeste is nie ‘n gawe soos baie mense sê van “onderskeiding” nie. “O, ek
kan maklik iemand onderskei”. Dit is onskriftuurlik. Sekerlik het baie
mense ‘n goeie insig maar baie keer het ek al gesien, ek het dit in Pinkster
gesien, ek kon mense onderskei, en as jy dit mooi ontleed is dit meer ‘n
gees van foutvindery, ek kon goed fout vind. Dit het niks met die gawe van
onderskeiding van geeste te doen nie. Baie mense het ‘n goeie gawe van
kritiek en van aftakeling, dit het niks daarmee te doen nie. Ons moet goed
onthou dit is ‘n gawe van onderskeiding van bose geeste, daardie gawe
wat die ander mense het kan hulle maar liewerste begrawe. Ons moet
onthou dit is die gawe van onderskeiding van geeste, dit is nie ‘n gawe van
‘n woord van kennis nie.
1 Samuel 9:19.
Daarop het Samuel vir Saul geantwoord en gesê: Ek is die siener!
Gaan voor my uit op na die hoogte, dan kan julle vandag saam met
my eet; en ek sal jou môre vroeg laat gaan; en alles wat in jou hart
is, sal ek jou te kenne gee.
“En alles wat in jou hart is, sal ek jou te kenne gee”.
47

As ons Samuel se geskiedenis in verband met Saul lees dan sal ons
onthou dat Saul was baie bang vir Samuel want Samuel het hom gelees
soos ‘n boek. Samuel kon presies vir Saul sê wat hy dink. Waarlikwaar,
God moet weer sulke profete opwek. In hierdie geval is dit nie ‘n
onderskeiding van geeste nie, “ek sal jou te kenne gee wat in jou hart is”,
dit is die gawe meer van die woord van kennis.
Samuel het geweet wat in Saul se hart aangaan. Ek wil dit net weer
beklemtoon. In hierdie tyd waar daar so ‘n toename van
duiwelbesetenheid is, van spiritisme, van al die werkinge van die Bose, van
alles wat bonatuurlik is, as die gemeente van die Here Jesus nie die gawes
van die Gees van God kry nie, wat gaan van die mensdom word? Ons kan
nie voortgaan om kerk te hou op ons ou gewone manier nie. In elk geval,
met alle respek en liefde, as jy hom meet by die patroon van God se Woord
is dit nie eers ‘n skriftuurlike patroon nie. Is dit nie waar nie?
In daardie opsig, en die Here ken my hart, dit is geensins hoegenaamd met
die gedagte om afbrekend te wees nie maar om opbouend te wees omdat
ek my eie hart afvra, (dit was al die jare van my lewe van kleins af so),
“Here as ek nie my vinger op hierdie ou boek kan sit van die eenkant na die
ander en sê ek glo hom nie, en ek wil hom in werking sien, wat gaan van
my word? Waar is dan my God, wat het ek? So ook as ons, ons gewone
kerk vandag meet by die grondpatroon van die Bybel dan is ons gebou
hopeloos skeef gebou, en geen kontrakteur of bouaannemer sal so ‘n
gebou ooit in ontvangs neem nadat hy klaar gebou is nie. Ons is so
presies, die venster, die lig, die deur moet wees waar hy op die plan
aangetoon is anders ontvang die eienaar hom nie.
Wat van ons eie lewe? Wat van ons Here? Hoe skeef het ons nie gebou
nie! Met al hierdie bose geeste soos ons dit teëgekom het, soos in die dae
van die handelinge van die apostels. Ons het weer daarmee te doen en
ons sal hulle oorwin en God se plan uitvoer, alleen op God se manier. Ons
sal hierdie goed moet uitken en ons sal hulle moet bestraf en ons sal hulle
moet uitdryf soos dit was in die dae van die Bybel. Ons het ‘n verdediging
meer as ooit tevore nodig teen die bedrog van die Duiwel. Hoe gaan ons
Satan se bedrog die hoof bied as ons nie die gawe van die onderskeiding
van geeste het nie?
Daar is ‘n boek wat geskrywe is deur ‘n persoon wat ‘n spiritis was en waar
hy vir jou wys dat in die spiritisme het hulle nabootsers van al nege gawes
van die Heilige Gees. In die spiritisme praat hulle in tale, hulle lê uit, hulle
profeteer. Ons weet dat hulle gee uit dat hulle gesond maak en al hierdie
ander dinge. As die Satan kom met sy nabootsings en so fyn nageboots
48

dat in baie van ons Pinkster byeenkomste, laat ons eerlik wees, ek wil nie
vir u bang maak nie, ek bring vir u alles uit, soos die Apostel Paulus sê vir
die Efesiërs: “Ek het vir julle niks teruggehou wat nuttig was nie. Ek het nie
nagelaat om aan julle die ganse raad van God te verkondig nie”.
Wanneer jy met die Heilige Gees begin te doen het, gaan Satan ook daar
inkruip. Dit is wat die groot kerke voor bang is, dit wat in ons
katkisasieboeke vir ons teen gewaarsku word, dat ons daardie dinge in die
hande sal kry. As Satan daardie dinge naboots wat heeltemal reg genoeg
is, beteken dit nie dat ek heeltemal moet weghardloop nie. Nee, loof die
Here, ek moet dan hierdie gawes in die hande kry, as Satan met sy
nabootsings kom, en hy sal kom, dat ek hom sal raaksien en hom sal
bestraf en hom dan kragteloos stel. Dus, jou gawe van die onderskeiding
van geeste is jou waarborg teen die verleiding van die Satan. Dit is een
van die wonderlike gawes wat die kerk veilig sal hou.
Ek wil vir u ‘n paar geeste byvoorbeeld noem wat vir u sal snaaks wees
maar dit is die waarheid, ons het nooit so daaraan gedink nie. Byvoorbeeld
geeste van ongehoorsaamheid in mense en in kinders. Baie keer kan jy
net nie sê maar waar kom hierdie ongehoorsaamheid vandaan nie. As jy
die gawe van die onderskeiding van geeste het, sal jy hom sien en jy sal
weet kyk hierdie persoon is ongehoorsaam of hy is koppig. Dit is nie ‘n
natuurlike ding by hom nie, dit is ‘n gees van ongehoorsaamheid. Dit is ‘n
gees van koppigheid. Dit is ‘n gees van hoogmoed. Dit is ‘n gees van twis.
Party mense kan nie leef as hy nie twis nie. Waar kom dit vandaan? Dit is
geeste wat die Satan in mense ingesit het en jy moet die genade van God
hê om dit te kan onderskei. Daar is party mense, en baie ook, miskien was
ons in ons lewe ook daaraan skuldig, u sal weet waarvan ek praat, ‘n gees
van skinder, wat agter ander mense praat.
As jy by mense kom is daar, asof iets jou druk, jy moet van die een praat
en van daardie een. Jy moet die een en daardie een bespreek. ‘n Gees
van skindery. Jy moet agter ander mense se rug praat. Daar is baie
mense, al gehoor van “impulsive eaters”, daar is “impulsive” skindertonge.
Ons glimlag miskien daaroor, maar dit is die Satan se bose gees.
Ons moet hierdie ding kan onderskei en hom dan kragteloos stel.
Hoogmoed, twis, selfbejammering, wellus, mense wat gedurig kerm en kla,
murmureer, onreinheid, onreine geeste, vuilheid, doofheid, ‘n dowe gees.
Moenie dink dat alle mense wat doof is deur ‘n dowe gees gepla is nie.
Party mense het organiese moeilikheid. Daar is ‘n gees van doofheid.
Daar is ‘n gees van blindheid. Daar is ‘n gees van stomheid. Daar is ‘n
gees van swakheid. Daar is ‘n gees van steel.
49

Ek is daar seker van as die kerk op sy regte plek is,( ons lees kort-kort in
die koerant van hierdie wat hulle sê; kleptomanie, mense wat in die OK
Bazaar betrap is, party vooraanstaande mense. Ek het al gehoor party
mense het ‘n ooreenkoms met die winkels. “Kyk maar wat my vrou of my
seun vat, stuur maar vir my die rekening sodat my naam net nie in die
koerant kom nie”) en as daardie persoon met die ware kerk van die Here
Jesus in aanraking kan kom, kan daardie persoon vrygestel word. Wat
gaan dit nie beteken nie? Hoe gaan dit nie die Naam van die Here Jesus
verheerlik nie.
‘n Gees van haat, lawwigheid, ligsinnigheid. Ek sê nie ons moet met suur
gesigte rondloop nie, geensins. Ek dank die Here, as daar ooit ‘n
gebalanseerde, blymoedige, opgewekte mens is, dan is dit ‘n ware,
gereinigde geesvervulde kind van God. Sy geselskap is aangenaam en
gesond en selfs ‘n gesonde grappie kan hy met jou maak wat gesonde
humor in het. Baie mense het sommer ‘n gees van lawwigheid en
ligsinnigheid. Hy kan nie by jou in geselskap wees as hy nie daardie soort
van ding het nie. Dit is alles bose geeste wat die mense in besit geneem
het en wat hulle genade van God moet kry, om te kan onderskei.
Praatsiek, luiheid, vals geeste, geeste van selfmoord, honderd-en-een
ander dinge.
Kom ons kyk hoedat selfs diensknegte van die Here foute kan maak en
baie keer ‘n gees nie reg kan onderskei nie. Kom ons kyk na Handelinge
14 om te kyk hoe raak het Paulus ‘n gees onderskei. Dan sal ons kyk
hoedat Filippus misgetas het. Filippus was ‘n groot evangelis.
Handelinge 14:9-10;
9 Hy het geluister terwyl Paulus spreek; en Paulus het die oë op hom
gehou, en, toe hy sien dat hy geloof het om gesond te word,
10 met ‘n groot stem gesê: Staan regop op jou voete! En hy het
opgespring en begin rondloop.
Daar het ‘n man gesit, kreupel van sy geboorte af. Paulus het gepreek. Hy
het sy oë op hom gehou want hy was vol van die Heilige Gees. Toe hy
sien dat hy geloof het om gered te word, hy het dit onderskei in hom. O, dit
is ‘n wonderlike ding waarvoor jy kan bid, vir jouself maar veral ook vir die
diensknegte van die Here, dat hulle daardie onderskeiding van daardie
gees kan hê, dat hulle op die regte oomblik kan sien dat daardie persoon
se geloof die regte peil bereik het, op daardie oomblik die vrymakende
woord sal spreek, die vrymakende handeling sal uitvoer. Prys die Here.
Dit sal netso gebeur. Dink net wat dit vir die saak van die Here sal
beteken.
50

Handelinge 8:21-23;
21 Jy het geen deel of lot in hierdie saak nie, want jou hart is nie reg
voor God nie.
22 Bekeer jou dan van hierdie boosheid van jou, en bid God of die
gedagte van jou hart jou miskien vergewe mag word.
23 Want ek sien dat jy in ‘n gal van bitterheid en bande van
ongeregtigheid is.
Dit is die geval van Simon, die towenaar, want hy wou toe vir Petrus
omkoop sodat hy ook die gawe kan kry, as hy vir mense kon bid, hulle ook
die gawe van die Heilige Gees kan ontvang, en hy sê toe: “Want ek sien
dat jy in ‘n gal van bitterheid en bande van ongeregtigheid is”. Petrus het
dit gesien maar Filippus het hierdie selfde man gedoop.
Handelinge 8:13;
En Simon het self ook gelowig geword, en nadat hy gedoop was,
gedurig by Filippus gebly; en hy was verbaas toe hy die tekens en
groot kragte sien gebeur.
Filippus het nie daardie gees in Simon geonderskei nie, dit is soos ek dit
verstaan. U kan self oordeel of u met my saamstem of nie. Dit het vir
Petrus gekos om te sien watter gees werklik in hierdie man was. Dit is vir
my asof Filippus nie vir Simon moes gedoop het nie. Hy het wel gelowig
geword maar soos ek dit sien, het hy nie die wedergeboorte ontvang nie.
Hy het homself nie werklik aan die Here oorgegee nie, daarop het Filippus
hom gedoop.
Wat sal hierdie gawe nie vandag vir die gemeente van die Here Jesus
beteken nie? Dink ‘n bietjie daaraan en hoekom sal ons dit nie hê nie?
Johannes 14:12;
Voorwaar, voorwaar Ek sê vir julle, wie in My glo - die werke wat Ek
doen, sal hy ook doen; en hy sal groter werke doen as dit, omdat
Ek na my Vader gaan.
As ons hierdie gawe in die gemeente het, dan sal ons ook soos daar
geskryf is, “hiermee sal die profete die gawes met die uitleg van tale en
profesieë kan toets om te sien of hulle eg is”. Dit sal ons baie help in die
gemeente om te sien of ons eie operasies van die gawes eg is. Ons sal
nog kom by die uitleg van tale en die profesieë. Ek sal vir u wys hoe dit
werk. Hoe jy ‘n uitleg van tale ontvang, maar hoe beide uitleg van tale en
profesie, die Gees van God deur jou gees moet werk, maar ook dat daardie
woorde oor jou lippe moet kom en dat die Gees van God nog deur jou gees
“filtreer” en dat daar die moontlikheid bestaan dat wanneer hy profeteer of
wanneer hy uitlê, dat hy sy eie gedagtes kan gebruik.
51

Daar bestaan daardie moontlikheid, daarom moet ‘n mens nooit
sondermeer, onvoorwaardelik, as daar ‘n profesie uitgaan of ‘n uitleg van
tale dit sommer net absoluut aanvaar as die woord van God nie. Die Here
se Woord sê: “laat die een profeteer, laat die ander een dit beoordeel”, (ons
sal daarby kom) daarom het die Here daardie waarborg. Daarom sê ek
ook vir mense as ‘n persoon ‘n profesie of ‘n uitleg van tale kry en hy voel
oortuig die Here het met hom gepraat, moenie onmiddellik daarmee op
loop gaan nie.
As die Here met jou gepraat het, sal die Here vir jou ‘n bevestiging gee.
Die Here werk altyd soos Hy sê: “Uit die mond van twee of drie getuienisse
staan ‘n saak vas”, en so sal die Here dit vir jou bevestig en daarna moet jy
kyk. Daar is natuurlik baie duidelike gevalle, byvoorbeeld as jy besig was
om ‘n sekere ding te doen, of jy was besig om ‘n sekere ding te dink, of jy is
in ‘n sekere toestand en daardie gedagte of toestand word deur ‘n uitleg
van tale, profesie, haarfyn uitgebring en net jy weet daarvan, goed dan kan
jy dit nie miskén nie, jy weet dit is van die Here.
Ek weet van gevalle van baie mense wat uit die uitleg van tale dan ‘n
sekere ding gaan doen en sê: “Die Here het vir my gesê ek moet so maak
of so maak”. Of ‘n persoon het hom iets verskrikliks aangetrek, daar was
miskien iets baie sterk of kragtig wat uitgegaan het, en dan reken daardie
persoon wel dit is nou maar ek, die ou mens is nou maar so. Nie net in
uitleg van tale of profesie nie, dit is ook so in die prediking. Die ware kind
van die Here, as die sweep klap, sal hy altyd daarop reageer en baie keer
was dit glad nie vir hom bedoel gewees nie. Dit was baie keer bedoel vir
die een wat dit nie eers gevoel het nie. Dit werk baie keer so en al hierdie
dinge moet ons leer en raaksien. Satan sal gedurig probeer naboots,
mislei en verongeluk.
Ek het vir u beklemtoon die belangrikheid van die gemeente wat die
liggaam van Christus is. Ons as gelowiges, moet nooit met die houding na
‘n diens toe gaan: Wel die pastoor, die leraar, is daar, hy sal dit lei, hy sal
wag op die Here en so aan. Dit is nie so nie, dan is u mos nie die liggaam
van Christus nie. As daar iets gebeur wat die diens verongeluk, is dit nie
net daardie pastoor of daardie leier wat lei nie, u as gelowige in die Here
Jesus, het ook op daardie oomblik ook ‘n verlies gelei. Elkeen van ons wat
opgaan na die huis van die Here moet besef wat ons gaan doen. Ons
gaan nou om die liggaam te konstitueer, ons gaan om die Gees van God ‘n
kans te gee om sy liggaam in werking te bring.
Ons is net so deel soos daardie broer, die voorganger, of ouderling op die
platform, daarom moet elkeen ingebid wees, elkeen moet voorbereid wees,
52

elkeen moet onder die bloed van die Here wees, elkeen moet daar op die
punte van sy tone wees. As ons dan so bymekaar kom, sal die ou vyand
nie maklik ‘n kans kry om sy dinge te doen nie. Die fout wat die gevestigde
kerk maak, is om so bang te wees vir so iets van misleiding dat hulle niks
aan die bonatuurlike kant wil toelaat nie. Daarvoor het ons die
waaksaamheid van die gawes nodig, sodat dié dinge nie sal gebeur nie!
‘n Ander belangrike punt omtrent die onderskeiding van geeste. Hierdie
woord “onderskeiding” van geeste, in sy diep betekenis, beteken dit is
indringend van geaardheid net soos God in wie al die gawes van wysheid,
kennis en van onderskeiding gekonsentreer is. God se Gees wat diep
indring tot diep binne in u en in my gees, wat ons hele gees onderskei
omdat Hy ons deur en deur ken.
Nou kom jy, jy het ‘n stukkie van daardie gawe van die onderskeiding van
geeste nodig. Jy het met ‘n persoon of ‘n situasie te doen waar die gees
van Satan deur sy demone onderskei moet word. Die Here gee vir jou ‘n
gawe dat jou gees daardie persoon se gees indring en dat Hy, die Heilige
Gees in jou daardie ding uithaal wat daar was, dit is van die uiterste
belang.
In die geval van ‘n Samuel, in die geval van ‘n Elísa, waar Saul of ‘n Gehási
voor hom gestaan het, dat sy gees nie net ‘n woord van kennis nie maar sy
gees ingedring het in daardie een se gees en presies sy gedagtes in sy
gees wat hy mee besig was te onderskei en kon ontmasker en kon
skadeloos stel.
Wat van ons mense wat die verteenwoordigers van God se volk is? Die
Bybel wys vir ons duidelik dat God se volk nie satanies geïnspireerd is nie,
want ons is veronderstel om geïnspireer en gelei te word deur die Heilige
Gees. Maar nou ken ons mense nie hierdie ding nie. Nou sit hy aan die
konferensietafel. Hy weet nie wat agter daardie swart ogies skuil in daardie
gedagte nie. Hy weet nie en daardie persoon het bonatuurlike vermoëns
wat ons in die krisistyd van die eeue waar die botsing gaan plaasvind
tussen die magte van God en die magte van Satan, in sy
verteenwoordigers op aarde moet kan onderskei.
Ons Christen Nasies, wat glo dat ons die Israel Nasies is, is God se
verteenwoordigers. Ons moet net op die regte plek kom en die ander is die
ander se verteenwoordigers. Nou behoort ons mense daardie diep
indringende onderskeiding van geeste te kan hê dat die Here vir hom kan
wys of kan waarsku, sonder dat hy miskien dit kan definieer, hierdie
persoon is met dit of met dat besig.
53

So u en ek, in hierdie dae; ons vervolging het nog nie begin nie, ons gaan
nog baie meer vervolging ervaar. Ons gaan nog mense teen ons kry wat
ons sal probeer uitoorlê, net soos hulle die Here Jesus probeer vang het op
‘n woord of op ‘n daad. In jou werk en orals vir jou kan kry dat hy jou op ‘n
manier kan manipuleer en sê, jy was oneerlik, of jy het ‘n leuen vertel, ens.
Nou as jy die gawe van onderskeiding van geeste het, sal die Here dit vir
jou wys. Jy sal daardie ding kan sien of jy sal hom kan voel. Jy sal kan
indring in daardie persoon se gees waarmee hy teenoor jou staan en
aankyk. Dit is van die uiterste belang dat ons dit in hierdie dae sal moet
kan ondervind.
Dit is ‘n deel van die goddelike insig om ‘n saak te kan deurkyk. Ek gee vir
u ‘n paar voorbeelde.
1 Kronieke 28:9;
En jy, my seun Salomo, ken die God van jou vader en dien Hom
met ‘n volkome hart en met ‘n gewillige siel, want die Here
deursoek al die harte, en Hy verstaan elke versinsel van die
gedagtes. As jy Hom soek, sal Hy Hom deur jou laat vind; maar as
jy Hom verlaat, sal Hy jou vir altyd verstoot.
En Hy verstaan elke versinsel van die gedagtes. Dit is God se natuur. Ons
het deelgenote geword van die goddelike natuur, God se Woord sê so. Dit
is ons erfenis. Dat jy, wanneer jy met jou vyande in die stryd van die geloof
te doen kry, dat jy elke versinsel van die gedagtes, deur Satan geïnspireer,
sal kan onderskei.
In Psalm 139 wil ek vir u net ‘n paar verse wys, dat u net ‘n idee kan kry en
kan sien hoe wonderlik God se natuur is, en dat dit daardie natuur is wat
God ook vir ons gegee het en wat ons ook sal uitbring in die gawes van die
onderskeiding van geeste.
Psalm 139:1-3, 7, 23-24;
1 Vir die musiekleier. ‘n Psalm van Dawid. HERE, U deurgrond en
ken my.
2 U ken my sit en my opstaan; U verstaan van ver my gedagte.
3 U deurvors my gaan en my lê, en U is met al my weë goed bekend.
7 Waar sou ek heengaan van u Gees en waarheen vlug vir U
aangesig?
23 Deurgrond my, o God, en ken my hart; toets my en ken my
gedagtes;
24 en kyk of daar by my ‘n weg is van smart, en lei my op die ewige
weg!
54

Hier grens dit baie naby aan die gawe van die woord van kennis, maar dit
is meer as dit. Dit is ‘n onderskeiding van die gees van die mens, wat God
ken en wat jy ook in iemand anders kan onderskei. Nie net aan die
negatiewe kant nie, maar ook aan die positiewe kant, wanneer jy met ‘n siel
deel en jy is onder die krag van die Heilige Gees. Daardie persoon het
dikwels ‘n probleem wat hy nie mee wil uitkom nie of nie kan uitkom nie.
Hy is baie keer vasgevang deur ‘n gees, of dit wellus is, of iets in sy
verlede, of wat ook al. As die Here dan vir jou hierdie gawe gegee het dan
sal die Here jou gees, in sy gees laat indring en jy sal hom verstaan, en jy
sal hom sien en jy sal met hom kan deel.
Wonderlik!
Loof die Here!
Hierdie dinge is nie te vér nie.
Dit is vir ons belowe en dit is vir ons gegee.
Hebreërs 4:12-13;
12 Want die woord van God is lewend en kragtig en skerper as enige
tweesnydende swaard, en dring deur tot die skeiding van siel en
gees en van gewrigte en murg, en is ‘n beoordelaar van die
oorlegginge en gedagtes van die hart.
13 En daar is geen skepsel onsigbaar voor Hom nie, maar alles is oop
en bloot voor die oë van Hom met wie ons te doen het.
In die twaalfde vers, die Woord van God doen dit ook en die Here doen dit
en van hierdie onbeperkte bron van indringendheid en van kennis en van
die gedagtes en versinsel van die mensehart, gee die Here vir jou, vir
daardie oomblik wat jy dit nodig het, jou daardie stukkie kennis vir die
situasie as jy met ‘n persoon deel om dit te weet. As iemand vir jou vra,
hoe weet jy dit? Sou jy dit nie kan sê nie, jy sal net kan sê: “Ek weet dit,
die Here het dit vir my gewys”. Hy gee dit vir jou deur sy gees. Dit is
pragtig, dit is wonderlik! Die naaste wat jy daaraan kom, sê amper soos
intuïsie.
Ons kyk na voorbeelde uit die lewe van onse Here Jesus.
Johannes 1:47-50;
Dit is in die geval van Natánael waar daar nie net die gawe van die woord
van kennis daar ingekom het nie, maar ook hierdie gawe.
47 En Natánael sê vir hom: Kan daar uit Násaret iets goeds wees?
Filippus antwoord hom: Kom kyk.
48 Daarop sien Jesus Natánael na Hom toe kom en sê vir hom: Hier is
waarlik ‘n Israeliet in wie daar geen bedrog is nie.
49 Natánael sê vir Hom: Waarvandaan ken U my? Jesus antwoord en
sê vir hom: Voordat Filippus jou geroep het toe jy onder die
vyeboom was, het Ek jou gesien.
55

50 Natánael antwoord en sê vir Hom: Rabbi, U is die Seun van God, U
is die Koning van Israel!
Die Here Jesus het hom gesien onder die vyeboom, die gawe van die
woord van kennis. Maar nou sê die Here iets nog meer. “Hier is ‘n Israeliet
in wie daar geen bedrog is nie”. Jesus se Gees het hierdie man se gees
ingedring en sy gees onderskei en vir hom presies kon sê hoe hy is en wat
hy is. Daardie selfde gawes gee die Here vir ons ook deur sy Gees.
Dit is dieselfde met Nikodémus in Johannes 3. Met die vrou by die put van
Samaría in Johannes 4:16 was dit presies dieselfde. Dit is welbekend, dit
is die illustrasie. Iets van hierdie volk van God moet ook in die
Geesvervulde kind van die Here wees. Begin u nie voel, dit is ‘n
wonderlike opgewondenheid, dit is ‘n wonderlike avontuur nie? Geen
wonder dat die Here praat van die lewe nie. Die kind van God is ‘n
lewendige persoon, die Gees van God maak jou lewendig. Jou hele lewe
moet vol wees van ene opgewondenheid, van die oomblik wat jy wakker
word totdat jy weer gaan slaap. Jy is onder die leiding van die Gees van
God. Jy is gedurig in die geesteswêreld. Jy is gedurig in hierdie stryd
waarvan jy aan die wenkant is. Loof die Here! “Want sterker is Hy wat in
ons is as hy wat in die wêreld is”.
1 Korinthiërs 12:10;
aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
“Aan ‘n ander onderskeiding van die geeste”.
Kan u voel net in daardie woord “onderskeiding” van die geeste; in die
gewone ou weg weer met niks refleksies, bedoelende net uit die gewone
ondervinding. Al die jare wat ek in die Ou Kerk groot geword het, was my
gedagtes nooit eers op so iets bepaal nie, dat daar geeste kon wees nie,
nog minder dat ek hulle moet kan onderskei. Die Bybel praat daarvan en
watter uitwerking het dié goed nie in ons lewens nie, hy verongeluk jou
lewe, hy verwoes jou, dan weet jy nie eers wat dit is nie.
Baie mense beland in die tronk, ander pleeg selfmoord en ander begaan
verskriklike dinge. Daar word van hulle vreeslike slegte dinge gesê. “Ag
hierdie arme man is dit”, “ek het dit maar van haar verwag”, en dan is dit in
‘n geesteswêreld waarteen ons weerloos is, want ons ken hom nie, ons
loop tussen die goed rond, geblinddoek!. Hy kan ons slaan en net doen
wat hy wil, want ons kan hom nie onderskei nie, want ons weet nie daarvan
nie. Hier staan dit in die Here se Woord, Hy gee dit! Hoekom sal ons dit
56

dan nie weet en beoefen nie? Ek kan nie ernstig genoeg raad daaromtrent
gee nie.
Soos die Here sê in; Hosea 4:6, “My volk gaan te gronde weens gebrek
aan kennis”. Ons word vernietig en verpletter omdat ons nie weet nie. Is
dit nie waar nie? Hierdie gawe voltooi die kringloop van die drie gawes wat
openbaar, naamlik ‘n woord van wysheid, ‘n woord van kennis en die
onderskeiding van geeste. Alles wat in God se alwetendheid opgesluit lê
en wat Hy op ‘n spesifieke tyd wou openbaar, kom deur een van hierdie
drie kanale. Onderskeiding van geeste is egter meer beperk wat omvang
en funksie betref en dus net betrekking het op geeste.
Ons het in die lewe te kampe met drie hoof geestes soorte, naamlik:
die Gees van God,
die gees van Satan,
die gees van die mens.
Slegs die eerste en tweede wat vermeld word, val in die kategorie van die
bonatuurlike. Die menslike gees is natuurlik en kan aldus geken en
onderskei word.
1 Thessalonicense 5:23;
En mag Hy, die God van die vrede, julle volkome heilig maak, en
mag julle gees en siel en liggaam geheel en al onberispelik bewaar
word by die wederkoms van onse Here Jesus Christus!
Gees en siel en liggaam, dit is waaruit die mens bestaan. Wanneer dit
egter by bonatuurlike verskynsels kom, vereis dit veel meer as menslike
insigvermoë of selfs rype ondervinding.
a) Die gawe van die woord van wysheid en van kennis kan
bonatuurlike goddelike of natuurlike sake blootlê.
b) Wat onderskeiding van geeste betref, word net bonatuurlike
verskynsels in die geesteswêreld op bonatuurlike wyse
geopenbaar.
Let asseblief daarop, dit is nie ‘n gawe van onderskeiding nie, maar wel die
gawe van onderskeiding van geeste.
Sommige mense eien hulle self ‘n soort van gawe van onderskeiding toe
wat, indien hulle dit net vir eenmaal op hulle self sou toepas, hulle nooit
weer daarna sal wil onderskei nie. Wat hulle wel besit is die verkeerde
gesindheid van, om andere te kan kritiseer. Ons moet liefs daardie soort
gesindheid aan Satan oorlaat. Hy is die een wat baie goed kan fout vind,
mense aankla en ruïneer. Daar is in ieder geval geen bonatuurlike gawe
nodig om ander mense se foute en swakhede raak te sien nie.
57

Wat die gawe nie is nie:
Dit is nie bedoel om gedagtes te lees nie, nog minder die uitkenning van ‘n
gees in beeldspraak vorm nie. Daar word dikwels na ‘n persoon verwys as
‘n mens met ‘n nare gees of ‘n mens met ‘n mooi gees, daarby word nie
iets bedoel nie, maar bloot dat die persoon ‘n onaangename of aangename
gesindheid besit. Hoegenaamd niks bonatuurliks is hier op die spel nie.
Dit is nie psigiatriese of sielsontleding nie, alhoewel dit mag dien om te
onderskei of die persoon ‘n sielsieke is of ‘n besetene. Dr. Viviers van
Pretoria, een van die voorste psigiaters in Suid-Afrika, stem volkome saam
dat ‘n psigiater of sielkundige net kan deurdring tot die sielstoestand van ‘n
mens maar verder nie.
As ‘n persoon in sy gees siek is, is daar net een uitweg en een uitredding
en dit is net God en God alleen. God het egter sy kanale waardeur Hy
werk. Daar is manne en vroue wat geroepe is en wat vervul is met die
Heilige Gees en toegewyde lewens lei wat tot sulke persone kan deurdring
en hulle geestesterreine bereik. Dit is hier waar dit so noodsaaklik is dat
die gawe van onderskeiding van geeste in werking moet tree sodat die
sataniese magte ontmasker kan word.
Onder sulke omstandighede was dit nie “Dr. Lukas” in medewerking van
die Apostel Paulus, wat sy mediese kennis toepas nie, maar wel die
apostel self, wat self vol van die Heilige Gees is wat deur die
geestesgawes so ‘n arme gevangene kan bevry. Geen sielkundige, hoe
bekwaam hy ook al mag wees, sou ooit ‘n geval soos Legio kon behandel
en genees nie. Die man van Nasáret wat vol van die Heilige Gees is, bevry
die arme besetene.
Sien dit van die gawe; om lydende, verdrukte en gepynigde persone
behulpsaam te wees.
a) Die besetene van Gádara:
Markus 5:5;
En altyd, nag en dag, het hy aangehou om te skreeu op die berge
en in die grafte en homself met klippe stukkend te slaan.
Ons ken die verhaal verder. Alleen die Here Jesus kon daardie man
vrymaak deur daardie geeste uit hom te laat uitgaan en die geeste in die
varke laat vaar het.
b) Die maansieke:
Lukas 9:39,42 43;
39 En kyk, ‘n gees gryp hom, en meteens skreeu hy, en hy laat hom
stuiptrekkings kry met skuim in die mond en gaan amper nie van
hom weg nie en verniel hom.
58

42 En toe hy nog aankom, skeur die duiwel hom en laat hom
stuiptrekkings kry. Maar Jesus het die onreine gees bestraf en die
seun genees en hom aan sy vader teruggegee.
43 En almal was verslae oor die majesteit van God - - - - -
Volgens die Skrif was dit ‘n onreine gees. Die vader het maar net gesê ‘n
gees. Dit is duidelik dat die Here Jesus dit onderskei het as ‘n onreine
gees en hom so uitgedryf het.
c) Onrein geeste:
Handelinge 5:16;
En die menigte van die stede in die omtrek het ook in Jerusalem
bymekaargekom en siekes gebring en mense wat deur onreine
geeste gekwel was; en hulle is almal genees.
Die Bybel sê onreine geeste. Hoe kon die Bybel dit sê? Hulle was
onderskei as sulke geeste, deur die gawes van die onderskeiding van
geeste
d) Blind en stom geeste:
Matthéüs 12:22;
TOE het hulle ‘n duiwelbesetene wat blind en stom was, na Hom
gebring; en Hy het hom gesond gemaak, sodat die blinde en die
stomme kon praat en sien.
Is dit nie vir u ‘n wonderlike gedagte as u daaraan dink hoe baie mense
vandag sit in die spreekkamer van oogartse met byvoorbeeld blindheid.
Daar is gevalle van organiese blindheid, mense se oë is beskadig, maar as
dit in die dae van die Bybel was, dat daar mense wat blind was as gevolg
van ‘n gees van blindheid, hoekom sien of hoor jy nooit daarvan vandag
nie? Die rede daarvoor, ons het nie die gawes nie. Ons het nie die gawe
van onderskeiding van geeste nie. Hoe baie blinde mense behoort vandag
te kan sien as daardie gawe in die kerk in volle werking was. As daardie
persoon in die kerk sal kom en die gees van die Here sal wys, as dit ‘n
gees van blindheid is dat hy uitgedrywe word. As dit dan ‘n organiese
probleem is, dat die gawe van genesing dan in werking sal kom en dat die
Here se Naam daardeur verheerlik sal word.
e) Stomme en dowe geeste:
Markus 9:25;
En toe Jesus sien dat ‘n skare bymekaar stroom, het Hy die
onreine gees bestraf en vir hom gesê: Jou stom en dowe gees, Ek
gebied jou, gaan uit hom uit en kom nooit weer in hom nie.
“Jy stomme en dowe gees Ek gebied jou gaan uit hom uit en kom nooit
weer in hom nie”. Die Here Jesus het hom dadelik onderskei en hom op sy
naam genoem en hom uitgedryf.
59

f) ‘n Gees van krankheid:
Lukas 13:11-16;
11 En daar was ‘n vrou wat ‘n gees van krankheid agtien jaar lank
gehad het, en sy was inmekaargetrek en glad nie in staat om regop
te kom nie.
12 En toe Jesus haar sien, roep Hy haar en sê: Vrou jy is van jou
krankheid verlos.
13 En Hy het haar die hande opgelê, en onmiddellik het sy regop
gestaan en God verheerlik.
14 Maar die owerste van die sinagoge, wat verontwaardig was dat
Jesus op die sabbat genees het, antwoord en sê vir die skare: Daar
is ses dae waarop ‘n mens behoort te werk; kom dan op dié dae en
laat julle genees en nie op die sabbatdag nie.
15 Toe antwoord die Here hom en sê: Jou geveinsde, maak elkeen
van julle nie op die sabbat sy os of esel van die krip los en lei hom
weg om hom te laat drink nie?
16 Maar hierdie vrou wat ‘n dogter van Abraham is, wat die Satan -
dink daaraan! - agtien jaar lank gebind het, moes sy nie van hierdie
band op die sabbatdag verlos word nie?
Nou daar sien ons nou op twee plekke die elfde vers sê: “En daar was ‘n
vrou wat ‘n gees van krankheid agtien jaar lank gehad het, en sy was
inmekaargetrek en glad nie in staat om regop te kom nie”. En die
sestiende vers: “Dink daaraan wat ‘n dogter van Abraham is - dink
daaraan!” Wat gaan ons maak met die mense van vandag,
gewrigsontsteking wat dit ook al genoem sal word, seker die arme vrou
opereer, haar in traksie sit. Dalk is baie van ons gevange en ek is seker
daarvan, dit is ‘n gees van krankheid wat daardie persoon bind. As dit
onderskei kan word, hoe wonderlik as daardie gees uitgewerp word en
daar loop daardie persoon regop. Laat dit ‘n bietjie gebeur in die kerk. Kyk
net hoe word die Here se Naam verheerlik. Kan u sien, daar sal ‘n
ontploffing plaasvind van heerlikheid en die verbeelding van die volk sal
aangegryp word. Ek is daar seker van, jou jeugprobleem kan opgelos
word. Jou jongmense sal terugstroom kerk-toe. Jou hele nasie en volk sal
sê; “die Here is werklikheid”! . Waar moet dit begin? Al sal dit net by ‘n
paartjies begin, dit is besig om te begin. Die Here is besig om dit te doen
want God sal Hom nie sonder ‘n getuienis laat nie.
Daar is ‘n wesenlike verskil byvoorbeeld tussen ‘n maansieke en ‘n
duiwelbesetene. ‘n Maansieke is iemand wie se brein of gemoed aangetas
is en kan deur die genadegawe van gesondmaking genees word.
Hedendaagse mediese en psigiatriese wetenskap doen op hierdie gebied
heelwat vir die mensdom om hulle leiding te versag. Duiwelbesetenheid is
60

egter ‘n perd van ‘n ander kleur. Dit is nie die terrein van die psigiater of
medikus nie.
Die gewone dokter kan die menslike liggaam behandel.
Die psigiater het toegang tot die siel van die mens.
Maar wanneer die terrein van die gees van die mens moet betree word, is
die vereistes veel hoër. Dit is dan wanneer ‘n Heilige Gees, vervulde
dienskneg of diensmaagd van die Here, ware hulp wat tot redding lei, kan
aanbied. Ek is seker ‘n mens kan net behoorlik deur die gawe van
onderskeiding van geeste gediagnoseer word. Verlossing kan slegs
daarna deur die krag van God geskied.
Doel of nut van die gawe: deur die manifestasie van onderskeiding van
geeste.
1) Om die werking van die duiwel aan die kaak te stel.
Handelinge 13:9-10;
9 Maar Saulus, dit is Paulus, vervul met die Heilige Gees, het die oë
op hom gehou en gesê:
10 Kind van die duiwel, vol van alle bedrog en alle listigheid, vyand
van alle geregtigheid, sal jy nie ophou om die reguit weë van die
Here te verdraai nie?
Prys die Here! Dit was Élimas, die towenaar, wat die werk van die Here
weerstaan het en Paulus het daardie gees in hom onderskei en hom
bestraf en Paulus was vol van die Heilige Gees, vervul met die Heilige
Gees. Ons moet nie dink ons kan hierdie dinge aanpak wanneer ons maar
sommer in ‘n ontspanne toestand is nie. Ons moet vervuld wees met die
Heilige Gees.
2) Om die voorneme van die duiwel te verydel.
Handelinge 16:16;
En terwyl ons op pad was na die bidplek, kom ‘n slavin met ‘n
waarsêende gees ons teë, wat vir haar eienaars deur waarsêery
groot wins ingebring het.
Ons ken daardie geval van daardie meisie wat so deur daardie waarsêery
gees daar woorde gesê het, en hoedat die apostel Paulus dit bestraf het en
dit uitgewerp het en hoe die meisie daardie gawe verloor het.
3) Om Sataniese leerstelling te openbaar.
1 Timótheüs 4:1-2;
1 MAAR die Gees sê uitdruklik dat in die laaste tye sommige van die
geloof afvallig sal word en verleidende geeste en leringe van
duiwels sal aanhang
2 deur die geveinsdheid van leuenaars wat gebrandmerk is in hulle
eie gewete.
61

As ons daardie gawe van die onderskeiding van geeste het, sal ons sulke
mense kan uitken.
2 Petrus 2:1;
MAAR daar was ook valse profete onder die volk, net soos daar
onder julle valse leraars sal wees wat verderflike ketterye heimlik
sal invoer, en ook die Here wat hulle gekoop het, verloën en ‘n
vinnige verderf oor hulleself bring;
Word hier genoem om ons te wys dit sal openbaar word.
4) Om wonder verrigtende geeste te ontmasker.
2 Thessalonicense 2:9;
hy wie se koms is volgens die werking van die Satan met
allerhande kragtige dade en tekens en wonders van die leuen
Dat dit dan onderskei kan word en ontmasker kan word.
Openbaring 16:14;
Want dit is geeste van duiwels wat tekens doen, wat uitgaan na die
konings van die aarde en die hele wêreld, om hulle te versamel vir
die oorlog van daardie groot dag van die almagtige God.
Geeste van duiwels wat wonders doen, vir daardie doel.
5) Manifestasies van bose geeste te openbaar.
Om boodskappe en manifestasies van bose geeste wat menslik gesproke
so onuitkenbaar is dat selfs die geestelikste Christen daarmee mislei kan
word.
Markus 1:24;
en gesê: Hou op! Wat het ons met U te doen, Jesus, Nasaréner?
Het U gekom om ons te verdelg? Ek ken U, wie U is: die Heilige
van God!
Daardie man met die onreine gees!
Handelinge 16:17-18;
17 Sy het Paulus en ons gevolg en geskreeu en gesê: Hierdie manne
is dienaars van God, die Allerhoogste, en hulle verkondig aan julle
die weg van verlossing.
18 En dit het sy baie dae lank gedoen; maar baie ontevrede daaroor,
het Paulus hom omgedraai en vir die gees gesê: Ek beveel jou in
die Naam van Jesus Christus om uit haar uit te gaan. En hy het op
dieselfde oomblik uitgegaan.
Met alle liefde en respek teenoor elkeen van ons gesê, myself daarby
ingeslote, sou ons nie miskien gesê het: “Prys die Here. Ons is hier in ‘n
vreemde plek. Die mense ken ons nie. Ons is hier met ‘n doel. Hier is ‘n
meisie, sy vertel vir die mense presies wat ons kom doen. Is dit nie
wonderlik nie, laat sy by ons bly, dat ons haar sommer in ons groep
opneem en in ons geselskap. Dit is net die persoon wat ons wil hê”. Sou
ons nie dalk so gemaak het nie? Maar die apostel Paulus het die gawe
62

van die onderskeiding van geeste gehad en hy het geweet dit is nie die
Gees van God wat daar praat nie. Dit is ‘n waarsêers gees. Dit is nou net
besig om ons te bedrieg en om die hele krag van God te bederwe en hy het
hom omgedraai en die gees bestraf.
Die dae toe ons groepie hier, so elf jaar gelede begin het, het daar
wonderlike dinge gebeur. Mense het daar onder die krag van die Here
neergeslaan. As die Here begin werk, kom voëls van allerhande vere en
kom sit in jou boom se takke, en party van hulle het snaakse dinge daar
kom aanvang. Party van hulle het my ook bedrieg tot my groot skade en
skande. Nadat hulle baie groot skade aangerig het, het ons eers gesien,
dit is nie kinders van die Here nie, hy sal vir jou profeteer, getuig, dans,
hande klap en enige ding, maar die Gees van die Here was nie in hom nie
en hy het ons baie groot skade aangedoen.
Om die waarheid te sê, as ek so terugdink oor ons eie geskiedenis, kan ek
nou sien omdat ons self baie van hierdie gawes nie gehad het nie, dat ons
groepie soveel skade aangedoen is en dat dit in baie opsigte, baie mense
van ons afgekeer het. Daarom sê ek; ek dank die Here dit kom weer, maar
hierdie keer sal die Here ons genade gee dat ons hierdie dinge, reg sal
hanteer -- reg sal ken -- reg sal insien!.
6) Duiwelse manifestasies uitken.
Gelowiges wat nie die gawes van onderskeiding van geeste besit nie kan
nogtans deur bemiddeling van Skrifte sommige van hierdie duiwelse
manifestasies uitken. Ek wil net eers verduidelik wat hy hier bedoel. Jy
kan sonder die gawe van die Heilige Gees net deur Skrifkennis en deur
liefde vir die Here en die Gees van die Here wat alreeds in jou is, daar baie
dinge is wat jy al klaar sal kan sien.
1 Johannes 4:1-4;
1 GELIEFDES, glo nie elke gees nie, maar stel die geeste op die proef
of hulle uit God is, want baie valse profete het in die wêreld
uitgegaan.
2 Hieraan ken julle die Gees van God: elke gees wat bely dat Jesus
Christus in die vlees gekom het, is uit God;
3 en elke gees wat nie bely dat Jesus Christus in die vlees gekom
het nie, is nie uit God nie; en dit is die gees van die Antichris
waarvan julle gehoor het dat hy kom, en hy is nou al in die wêreld.
4 Julle is uit God, my kinders, en het hulle oorwin, omdat Hy wat in
julle is, groter is as hy wat in die wêreld is.
As ons die Here liefhet en sy woord ken dan kan ons in daardie dinge ook
in daardie opsig onderskei.
a) Hier is ‘n voorbeeld van John D Lake: Die stigter van Pinkster in Suid-
Afrika, onderskei en werp ‘n duiwel uit een van die destydse
63

vooraanstaandste spiritualistiese mediums in Suid-Afrika. Toe John Lake
in 1908 sy dienste in Johannesburg gehou het, het een van die
vooraanstaandste spiritualitiese mediums in hierdie land die diens besoek,
blykbaar met die sataniese doel om die diens op te breek. Hierdie spiritus
was daagliks vergesel van ‘n engel wat leiding en raad aan hom verskaf
het. Hy het natuurlik onder die indruk verkeer dat dit ‘n engel van God was,
want Satan het homself as ‘n engel van die Lig aan hom geopenbaar.
Terwyl hy die aand in die diens van Lake sit, het Lake meteens sy preek
onderbreek, met sy vinger na hierdie persoon gewys en hom beveel om na
vore te kom.
Selfversekerd het die spiritus opgestaan en na vore gestap maar toe hy by
die verhoog kom, het die prediker onder die salwing van die Heilige Gees
en met die krag van God die duiwel uit hierdie groot man uitgewerp. Soos
‘n dooie het hy op die vloer neergesak. Skuim het uit sy mond gekom. Toe
die diens die aand uitgaan en die man buite kom, het die engel hom daar
voorgestaan, maar vir die eerste keer het hy ontdek dat dit nie ‘n engel van
God was nie maar wel van Satan. Daardie aand is hierdie persoon
wonderbaarlik gered en het later een van die geseënde pastore in die
A.G.S. geword. Hy is al jare reeds oorlede.
b) Weer die geval van Smith Wigglesworth: - Met spiritiste in Engeland.
Smith Wigglesworth, een van die geseënste evangeliste van ons tyd, was
eenmaal met ‘n diens besig in sy tuisdorp, Trestan, Engeland. Terwyl die
diens aan die gang was, het ‘n hele aantal mense die diens binne gestap
en twee rye banke vol gesit. Terwyl Wigglesworth die woord gevoer het,
het die Gees van die Here oor hom gekom en hy het in tale gespreek.
Meteens het hierdie besoekers almal in tale gespreek. Maar deur die gawe
van onderskeiding van geeste, wat in hierdie geval deur ‘n gesig tot
Wigglesworth gekom het, het die Here aan hom getoon dat dit nie Pinkster
mense was nie, maar spiritiste.
Die stelling mag vir u vreemd klink, maar dit is ‘n feit dat spiritiste ook in
tale spreek, satanies geïnspireerd natuurlik. Wigglesworth het onmiddellik
van die verhoog afgestap en hierdie mense in die Naam van Jesus
Christus bestraf en beveel om die diens te verlaat. Hy vertel dat hulle soos
een persoon opgestaan, uitgestap en toe hulle buite kom, gelaster het.
Met ‘n bietjie humor vertel die evangelis dat die lastering buite plaasgevind
het. Hulle was nie daartoe in staat in die diens nie want die Bybel sê mos:
“die goddelose sal nie bestaan in die vergadering van die regverdige nie.”
Prys die Here!
c) Die vallendesiekte geval in Bethlehem. Terwyl die skrywer in
Bethlehem, Oranje-Vrystaat gewoon het, het ‘n bediende hom een môre
kom roep om vir ‘n ou dame oorkant die straat te bid. Sy het ‘n ernstige
64

aanval van vallendesiekte gekry. Terwyl hy oor die straat stap, het die
Heilige Gees hom deur tale gestig en versterk.
1 Korinthiërs 14:4;
Hy wat in ‘n taal spreek, stig homself; maar hy wat profeteer, stig
die gemeente.
“Hy wat in ‘n taal spreek, stig homself.” Daar aangekom, is gevind dat drie
persone die tingerige ou vroutjie op die bed moes vas hou. Sy was
heeltemal buite haarself. Die prediker stel toe aan haar die vraag: “Het
Jesus Christus in die vlees gekom?” Waarop sy antwoord: “Nee! nee!
nee!” Vir diegene wat vallendesiekte ken, weet dat wanneer ‘n persoon in
so ‘n toestand verkeer, hy van niemand notisie kan neem nie en ook nie
kan praat nie. Hier was dit ‘n geval waar die Duiwel bewus was van die
teenwoordigheid van iemand wat vol is van die Heilige Gees van die Here.
Die duiwel is beveel om die vrou se liggaam te verlaat en onmiddellik het
dit toe ook gebeur.
Hier was die kranke gees onderskei deur die toepassing van:
1 Johannes 4:4;
Julle is uit God, my kinders, en het hulle oorwin, omdat Hy wat in
julle is, groter is as hy wat in die wêreld is.
d) Evangelis Grant vertel: - Van ‘n geval waar hy geroep was na ‘n
hospitaal toe om vir ‘n persoon te gaan bid en toe hy in die saal inkom,
onderskei hy die gees van die dood. Dat die gees van die dood daar was
om die persoon te neem. Hy het daardie gees bestraf en hom uitgedryf en
daardie persoon het gesond geword en vir baie lank daarna gelewe.
Om dan op te som:
U besef natuurlik wanneer ons vir God werk en wanneer ons siele wil wen
vir die Here en wanneer daar met siektes of gebondenheid of enige gebrek
van die mens te doene het, is dit definitief in die terrein van die geeste.
Soos die Apostel Paulus ook gesê het, ons worstelstryd is nie teen vlees
en bloed nie, maar teen die bose magte in die lug en die owerhede en die
magte en die wêreldheersers van die duisternis van hierdie eeu.
Hoe kan die kind van die Here, hoe kan die gemeente van die Here Jesus,
ooit daaraan dink om werklik hierdie veldtog te loods, hierdie geveg aan te
gaan en hierdie terrein te betree en nie van hierdie dinge weet nie? Hoe
kan ons hierdie werk doen sonder om toegerus te wees met die krag en
wapen van die Here?
Ek dank die Here, ons lewe in die tyd wat ek glo waar die ontwaking van
die ware gemeente van Jesus Christus weer vinnig besig is om plaas te
65

vind. U moet vir uself of u gemeente in u gemoed, in u gedagte, versterk
en die Here sê ons moet nie die Heilige van Israel beperk nie.
Moenie ongeloof in u toelaat en sê: “hoe kan hierdie dinge wees, sal dit ooit
met my gebeur? Ja, dit sal met u gebeur!. Daarom het die Here vir u
geroep byvoorbeeld om hierdie Bybelstudie by te woon. U is bevoorreg en
so is die Here besig, die hele wêreld oor. Die Here sal Homself, in hierdie
laaste dae, nie sonder ‘n getuienis laat nie. Die Satan gaan rond soos ‘n
brullende leeu om te kyk wie hy kan verslind want hy weet sy tyd is kort.
Sal Satan dan alleen op die voorgrond tree? Sal Satan hom alleen kan
manifesteer? Nog nooit nie! Prys die Here! Die Here sal antwoord. Die
Here sal antwoord met krag en die Here sal antwoord met sy majesteit en
heerlikheid. Hoe? Deur u en deur my, as ons Hom net ‘n kans gee. As
ons dit net glo en as ons dit net waag om hierdie dinge te begin toepas en
beoefen in ons lewens.
Kom laat ons begin om die aangesig van die Here te soek!
66

[Kasset nr. L014]
Hoofstuk 4
Die Gawe van Spreek in Tale.
Die drie Spreekgawes of inspirasie gawes. Dit is die gawes wat jy
uitspreek oor jou lippe, onder die inspirasie van die Heilige Gees; tale,
uitleg van tale en profesie. Die meeste mense het ‘n baie, baie vae idee
van hierdie drie gawes. Ek dink die gawe wat miskien die meeste aangeval
word en onder verdenking kom, is die gawe van die spreek in vreemde
tale. Mense sal nog bereid wees om ‘n wonderwerk te aanvaar; die gawe
van geloof en ‘n woord van kennis, ‘n woord van wysheid en onderskeiding
van geeste, maar wanneer dit kom by die spreek van vreemde tale, dan het
baie mense hulle bedenkinge.
In die eerste instansie, moet ons onthou dit is een van die nege gawes van
die Heilige Gees. Dit is net so bonatuurlik soos enige van die gawes
alhoewel dit die minste van die nege gawes genoem word en dit tog die
meeste voorkom en dit beskou word en ek stem saam met die Skrif; as die
eerste teken van jou doping in die Heilige Gees. Alhoewel dit die minste
genoem word en dit die meeste voorkom en die eerste teken van die
doping in die Heilige Gees is, moet ons gladnie daardeur sê dit is nie nodig
nie, of, as dit dan die minste is, wil ek dit nie hê nie maar liewer een van die
ander.
Ons gaan nou sien hoe ‘n wonderlike gawe die gawe van die spreek in tale
is. Ons gaan nou sien wat ‘n magtige plek dit inneem in die werking van
die Heilige Gees. Ons gaan sien hoe onvermydelik dit is, en dat sonder die
spreek in vreemde tale geeneen van die ander gawes eintlik in werking kan
kom nie. Die Here is so wonderlik! Die Apostel Paulus sê ook dat die lid
van die liggaam wat die minste geag word, die meeste eer ontvang. Dit is
‘n wonderlike diep studie waarop ons nou in besonderhede moet ingaan
want dit is die aspek en die gawe wat die meeste aangeval word van al die
nege gawes.
Ons het die seën van die Here gevra voordat ons met dié studie begin het,
en ek glo die Here gaan dit vir ons tot seën maak en dit ook vir die wat dit
gaan lees. Ons lewe in die laaste dae, ons hoef dit nie te beklemtoon nie,
almal besef dit, maar my hart is opgewonde want ek weet die Here gaan
Homself nie sonder getuienis laat nie.
67

Die Here gaan sy gawes terugbring na sy gemeente. Ons is dankbaar vir
dié wat sover die hele pad met ons saamgekom het in die lering van die
nege gawes. Ek glo dat as u glo, dan gaan die Here vir u in al sy volheid
hierdie gawes in u lewe in werking laat kom, dat die Here vir Homself ‘n
liggaam gaan opbou. Hy is die hele wêreld oor besig daarmee. Waarom
sal u nie deel wees van daardie liggaam nie? Waarom sou die Here ons
tot hiertoe gebring het en u nou laat staan? Ons sal net op een manier
agterbly en dit is as ons ongelowig is. As ons gelowig is sal die Here vir
ons al hierdie volheid laat toekom. Daarom het die Here dit vir ons
moontlik gemaak om sover in hierdie reeks studies te kom.
1 Korinthiërs 12:8-11;
8 Want aan die een word deur die Gees ‘n woord van wysheid
gegee, en aan ‘n ander ‘n woord van kennis vanweë dieselfde
Gees;
9 aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees;
10 aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
11 Maar al hierdie dinge werk een en dieselfde Gees wat aan elkeen
afsonderlik uitdeel soos Hy wil.
Ons onderwerp is allerhande tale. Ek wil die volgende punt baie, baie
ernstig beklemtoon. Hierdie gawe van allerhande tale is nie gegee met
die doel sodat jy daarin kan preek, of gaan getuig sodat ander jou moet
verstaan nie. Dit is ook nie die wonderlike gawe of aanleg vir allerhande
tale nie; soos sommige mense wel het om ‘n taal maklik aan te leer,
ensovoorts. Dit is gladnie die bedoeling van hierdie “allerhande” tale nie.
Dit sal herhaaldelik in hierdie studie uitkom, maar ek wil dit sommer by die
aanvang baie beslis beklemtoon. Dit is natuurlik voor die hand liggend,
soos ons in die laaste gedeelte van vers 10 gesien het; “aan ‘n ander
allerhande tale, aan ‘n ander uitleg van tale”.
So, dit is heeltemal logies dat as hierdie tale bedoel was om verstaan te
word, het jy nie die saamgaande gawe van uitleg van tale nodig nie, dit sou
oorbodig wees. Hier het dit ‘n ander bedoeling. Ek kan u reg van die begin
sê dat een van die wonderlikste betekenisse vir my is; hoekom nou
allerhande tale, hoekom die tong van die mens?
Ek voel dit is omdat die tong die mees onbeheerbare deel is van hierdie
gevalle mens; van sy gevalle natuur. Alle ander dinge kan ‘n mens nog
beheer maar die ding wat die moeilikste onder beheer gebring kan word is
die tong. Daarom voel ek asof die Here vir hierdie nuwe mens wat hy
68

geskep het; hierdie nuwe mens wat weergebore is; hierdie nuwe mens wat
Hy met sy Gees vul en herskep na sy beeld en gebruik tot sy eer; aan wie
Hy sy verlore heerskappy teruggee, dat Hy by die tong begin en dat Hy
daardie tong, as hy werklik oorgegee word aan Hom en Hy vul hom met sy
Gees, glo ons dat dit daardie tong is wat in vreemde tale spreek. As jy
daardie tong in geloof aan die Here gee, sal die woorde wat jy uitspreek
deur die Heilige Gees vir jou gegee word om te spreek.
Net soos ek in verband met die ander gawes al ‘n paar keer gesê het; toe
Petrus op die water geloop het, was die wonderwerk nie dat Petrus op die
water geloop het nie, maar dat Petrus nie gesink het nie. Ons sou ook nie
die wonder van die “loop op water” gehad het as Petrus nie sy bene
gebruik het nie; sy bene nie oor die kant van die boot gesit het en begin
loop het nie, en sou daardie hele wonderwerk nie vandag vir ons bestaan
het nie. Net so, is dit nie die wonderwerk as u, u lippe begin roer en u tong
begin beweeg nie. Die wonderwerk is die klanke wat uitkom. Prys die
Here! Dit is wat die Heilige Gees vir jou gee. Ons sal weer daarop ingaan.
Handelinge 10:46;
Want hulle het gehoor hoe hulle in tale spreek en God grootmaak.
Toe het Petrus begin spreek:
Dit was in Cornelius se huis terwyl Petrus nog besig was om te preek toe
die Heilige Gees op hulle geval het. So, daar was dit definitief nie nodig, dit
was nie ‘n kondisie dat die wat met hulle saamgegaan het, sou verstaan
nie.
Ons gaan nou terug na 1 Korinthiërs 12; (lees weer self)
En: 1 Korinthiërs 14:2;
Want hy wat in ‘n taal spreek, spreek nie tot mense nie, maar tot
God; want niemand verstaan dit nie, maar deur die Gees spreek hy
verborgenhede.
Daar het ons die Skrif wat ons baie duidelik sê dat niemand dit verstaan
nie, maar deur die Gees spreek hy verborgenhede. Met ander woorde, die
bedoeling is nie fundamenteel dat hy verstaan moet word nie. Daar is wel
gevalle waar dit verstaan is soos met die dag van Pinkster. Ek gaan vir u
‘n paar wonderlike voorbeelde gee uit verskillende ondervindinge en
getuienisse waar so `n taal wel verstaan was. Ek voel dit is net om die
mense te oortuig dat dit nie net sommer ‘n klomp klanke en geluide is nie.
Die Here se Woord sê; allerhande tale, nie allerhande klanke nie. Dit is die
wonder van die Heilige Gees en dit is wat so heerlik hieromtrent is. So,
daar is gevalle waar dit verstaan was, maar dit is nie die hoofdoel daarvan
nie.
69

Nou wat is dan die ware aard van tale? Om dit te verstaan moet ons
onthou dat vandat die Heilige Gees op jou kom is dit iets lewendigs, dit is
nie dood nie. Dit is iets wonderlik, iets verruklik. As die Gees van God op
jou kom dan maak dit jou mos lewendig. Hy roer mos in jou hart en in jou
lewe. Daarom, wanneer ‘n mens in tale begin praat is jy in ‘n meerdere of
mindere mate in ‘n toestand van ekstase. Ek bedoel nie daarmee dat ‘n
mens moet rondspring en fratse uitvoer of so nie. Ek sluit dit nie uit dat
daar somtyds snaakse dinge met jou kan gebeur nie.
Die mens wil tog so “prim and proper”, wees en vir die Here voorskryf en vir
Hom ‘n patroon neerlê en al daardie dinge. Daardeur mis ons so baie en
bedroef ons die Heilige Gees in baie opsigte. Maar wanneer hierdie
Heilige Wind oor jou kom is daar definitief ‘n toestand van ekstase in ‘n
meerdere of mindere mate. Daar is ‘n intensiewe felheid in jou hart; jy voel
ook hier begin iets opwel in jou binneste en dit is daar waar jy dan in die
geloof jou mond moet oopmaak dat dit kan uitkom. Dit is dan hierdie
opwelling as gevolg van die vulling van die Heilige Gees wat vir jou daardie
stap moet laat neem.
Nou, ek wil net vir u sê daar is so baie stryd, so baie wanvoorstellings en
kritiek oor hierdie saak; so baie mense sê dit is nie eg nie, en nagemaak,
en dit en dat. Ek ontken gladnie die moontlikheid dat daar namaaksels kan
wees nie. Ek ontken nie die moontlikheid dat selfs Satan dit kan naboots
nie. Maar die punt wat ek wil beklemtoon is dit; gaan jy die egte weggooi
as gevolg van die onegte? As daar ‘n paar onegte geldstukke of note in
omloop is, gaan jy dan sommer jou beursie en jou kas leegmaak en al jou
geld weggooi? Sekerlik nie. Jy sal dit op die proef stel en dit toets om te
sien wat is eg en wat is oneg. My ander punt is dit; as daar nie ‘n egte was
nie, sou daar ook nooit ‘n onegte gewees het nie. Dit is net ‘n egte ding
wat nagemaak word.
Daarom staan ek baie ernstig op hierdie saak en ek voel dit is een van die
redes waarom die kerk, in die algemeen, die heerlikheid van God verloor
het. Hy het so bang geword vir die krag van die duiwel se nabootsing,
vervalsing en onegtheid dat hy God nie genoeg vertrou het om die egte te
bewaar en te beskerm nie. Gevolglik het ons dit verloor en vandag word dit
beveg en weerstaan en word dit nie eers toegelaat nie. Ek kan dit nie met
genoeg beklemtoning in my hart sê nie.
In Openbaring 3:20;
(waar die Here Jesus aan die gemeente van die Laodicense sê):
Kyk, Ek staan by die deur en Ek klop. As iemand my stem hoor en
die deur oopmaak, sal ek ingaan na hom toe en saam met hom
maaltyd hou, en hy met My.
70

Dit is een van die geliefkoosde tekse wat ‘n mens gebruik as jy met ‘n siel
werk om vir hom te sê: Sien jy, die Here klop aan jou hart. Maak oop jou
hart, die Here het belowe om in te gaan. Maar in werklikheid, die eerste
fundamentele verklaring van daardie teks is nie vir die individu nie, dit is vir
die gemeente, want dit kom voor in die laaste brief, die sewende brief aan
die Laodicense.
Maak u Bybels oop by Openbaring 3. Ek wil net vir u wys, in die Afrikaanse
Bybel is dit so afgemerk, as u by Openbaring 2 begin, is die opskrif daar:
Briewe aan die Sewe Gemeentes van klein Asië: Die eerste brief is aan
Éfese, daarna, by die agtste vers, word die Tweede Brief aan die
Gemeente van Smirna geadresseer, en so gaan hy aan en dan sien ons
dat die sewende brief, Openbaring 3:14, Sewende Brief aan die Gemeente
van Laodicéa is, die louwarm kerk!
Die laaste kerk wat ook tiperend is van die kerktydperk waarin ons vandag
is. Dié kerk wat sal bestaan ten tye van die wederkoms van onse Here
Jesus. Dit is aan hierdie kerk, in hierdie brief, aan hierdie gemeente van
Laodicéa, wat Jesus sê: “Kyk ek staan voor die deur en Ek klop, as iemand
oopmaak, sal Ek ingaan en maaltyd hou met hom en hy met My”.
Laat die mense ons dit maar kwalik neem. Ek bedoel dit op niemand nie,
ek bedoel dit op myself, in my gemeente, net soos enigiemand anders.
Mag God vir ons genade gee dat die Here Jesus nie miskien buite ons
gemeente staan nie.
Buitekant; --- en aan ons eie deur klop en vra om in te kom.
Behoort die Here Jesus dan nie binne-in, die kerk te wees nie?
Hy sê vir die gemeente van Laodicéa: Ek klop aan die deur, maak oop.
Hier is ‘n deel van die redes daarvoor; ons het vir die Here Jesus, die
Heilige Gees, gesê: Gaan staan buitekant. Ons sal ons orde van diens;
ons geleerdheid; ons Skrifverklaring; ons manier van dinge doen, in die
kerk inbring, maar dit en dat staan ons nie aan nie; stem ons nie mee saam
nie; sê ons dit was vir daardie dae; sê ons dit is nie meer goed vir dit of vir
dat nie, ons laat dit nie toe nie.
Die gevolg hiervan het ek baie mooi beklemtoon in die boek wat ek geskryf
het waarin die sewe gemeentes in besonder behandel is. Ek gee vir u die
geskiedenis van elkeen, en ek wys vir u hulle toestand waartydens die brief
aan hulle geskryf is. Ek wys vir u hoedat dit ‘n deel en ‘n prentjie vorm van
die verskillende tydperke dwarsdeur die eeue. Dat baie van God se
Geesgevulde manne met ‘n magtige bediening van God, nie toegelaat
word in ons kerke nie. Hulle sal nooit hulle preekstoel vir hulle gee nie.
71

Daar buitekant; ek sal jou nooit toelaat om in my kerk in te kom nie. Jy
gaan nie in my kerk preek nie. Hy het miskien nie `n teologiese graad nie;
het nie sewe jaar op universiteit gesit nie, of een of ander van honderde
dinge. Maar die man wat ‘n waaragtige boodskap van God het, moet
dikwels buitekant die kerk staan.
Een van die dinge wat buitekant die kerk gehou word is hierdie allerhande
tale. Dank die Here, die deurbraak is besig om plaas te vind, maar daar sal
nog groot dinge moet gebeur voordat die volheid bereik is.
Kyk na 1 Korinthiërs 14:28, en dan vergelyk ons dit met Handelinge 10:44.
1 Korinthiërs 14:28;
Maar as daar geen uitlêer is nie, laat hy in die gemeente swyg, en
laat hy met homself en met God spreek.
Handeling 10:44;
En toe Petrus nog besig was om hierdie woorde te spreek, het die
Heilige Gees op almal geval wat die woord gehoor het.
Ons is nog steeds hier besig om vir u die ware aard van tale duidelik te
maak en hier is ons nog steeds besig om u te wys dat dit nie die bedoeling
was dat die tale verstaan moet word nie.
Want in 1 Korinthiërs 14:28 sê dit duidelik dat as daar nie ‘n uitlêer in die
gemeente is nie, moet hy swyg. Maar hier het Petrus navraag gedoen. Dit
is die eerste keer dat hy by hierdie mense kom. Hulle harte was voorberei
deur die Heilige Gees en die Heilige Gees het op almal geval wat die
woord gehoor het en toe het hulle in vreemde tale begin spreek. So hier
was die bedoeling nie uitleg nie, dit was net die teken dat die Heilige Gees
op hulle gekom het.
Nou is daar baie mense wat sê, en dit is een van die verklarings van die
gevestigde kerke, hulle sê; hierdie allerhande tale beteken geheiligde
tonge. Waar ‘n persoon vantevore gevloek en lelik gepraat het, het die
Here nou die siel gered. Nou praat hy met ‘n geheiligde tong. Hy praat
nou met ‘n nuwe taal. Maar, dit is nêrens te verantwoord in al hierdie
gevalle waar die Bybel praat van tale nie, en ook nie waar dit praat van
waar daar nie ‘n uitlêer is nie, dan moet hy swyg. My wêreld, as jy met ‘n
geheiligde tong praat, almal is maar te bly daaroor, en ‘n geheiligde tong
het in elkgeval nie ‘n uitlêer nodig nie. Ons prys die Here daarvoor.
Nou, ‘n ander aspek en ‘n ander punt om op te let.
Wanneer jy spreek in ‘n vreemde taal, is jou verstand onaktief; hy het nie
nodig om enigiets uit te dink nie; jy het nie nodig om daardie woorde uit te
dink nie. Dit is wat so wonderlik is en elkeen wat al in ‘n vreemde taal
gepraat het weet dit is so. Nou terwyl ek met u praat in die taal wat u kan
verstaan, moet ek dink wat ek sê. Ek moet elke woord agtermekaar sit om
72

my gedagte aan u oor te dra. Maar wanneer jy in ‘n vreemde taal praat,
terwyl jy die een woord sê, weet jy nie wat die volgende woord gaan wees
nie. Maar wanneer jy die een woord uiter, is die volgende woord daar.
Partykeer in jou eie gedagte hoor jy dan hierdie woord en jy is verbaas oor
hierdie woord wat uitkom. Dit is wonderbaarlik.
So, die verstand is op daardie oomblik onaktief en daar is net ‘n deurvloei
van hierdie woorde onder die leiding van die Heilige Gees. Maar, en ek
beklemtoon dit, dit is nog jy wat praat. Maar as jy jou mond gaan toehou
en jou tong nie wil oorgee nie, kan jy nie in daardie vreemde taal praat nie.
Jy moet God se medewerker in daardie opsig wees. Net so, as jy nie jou
siel gered wil hê nie, sal God ook nie jou siel verlos nie. Die Here sê: “My
seun, my dogter, gee My jou hart”.
Die Here het dit vir die gemeente gesê en ek glo dit is ook op individue van
toepassing: “Ek staan by die deur en klop; as iemand oopmaak sal ek
inkom.” Maar Hy sal nie inkom as jy nie oopmaak nie. Hy sal nie jou siel
red as jy jouself nie aan Hom oorgee nie. Jy sal ook nie in ‘n taal praat as
jy nie jou tong vir die Here gee nie. Dit is bonatuurlik. Dit is ‘n wonderwerk.
Prys die Naam van die Here!
Nou is daar sommige mense, soos party van ons teoloë en ons kerkmense
wat dit hoor en hulle sê: “Nee dit was nie ‘n wonder van tale gewees op
Pinksterdag nie, dit was ‘n wonder van gehoor”. Die mense het in een taal
gepraat en die verskillende nasies het hulle in verskillende tale gehoor.
Nou, dit is nie net onlogies nie maar dit is heeltemal onskriftuurlik.
Markus 16:17;
En vir die wat geglo het, sal hierdie tekens volg; In my Naam sal
hulle duiwels uitdryf, met nuwe tale sal hulle spreek,
Met nuwe tale sal hulle spreek. Nie; en hulle sal spreek en mense sal
nuwe tale hoor nie, maar, nuwe tale sal hulle spreek. Dit is dus nie ‘n
“hoor” wonder nie, dit is ‘n “spreek” wonder.
Handelinge 2:4;
En hulle is almal vervul met die Heilige Gees en het begin spreek in
ander tale, soos die Gees aan hulle gegee het om uit te spreek.
“het begin spreek in ander tale”.
Praat niks van hoor nie, hulle het begin spreek in ander tale. So dit is nie
‘n hoor wonder nie. Tog is daar teoloë, en julle het dit al self gehoor wat
sê, dit is ‘n wonder van gehoor. Waar kry hulle dit vandaan? Hoe moet jy
die Skrif verdraai om dit te kry?
Ek gee vir u ‘n paar Skrifte want dit is ‘n punt wat taamlik voorkom, sodat
julle dit kan weerlê.
73

Handelinge 10:46; (in die huis van Cornelius)
Want hulle het gehoor hoe hulle in tale spreek en God groot maak.
Toe het Petrus begin spreek:
Weer die woord “spreek”
Handelinge 19:6;
En Paulus het hulle die hande opgelê, en die Heilige Gees het op
hulle gekom, en hulle het met tale gespreek en geprofeteer.
Met tale gespreek.
In elk geval was hier nie ongelowige mense van verskillende nasies wat
verskillende tale moes hoor om te verstaan nie. Hulle was almal dieselfde
mense. Dit was nie ‘n kwessie van dat hulle in verskillende tale moes hoor
sodat hulle tot redding kon kom nie. Selfs in die huis van Cornelius was dit
net daardie klompie gelowige broeders wat saam met Petrus gegaan het.
Hulle het nie nodig gehad om verskillende tale te hoor om daardeur tot
bekering te kon kom nie! Nee, dit was ‘n teken en ‘n wonder met sy eie
spesifieke aard binne die konteks van God se bedoeling waarin ‘n mens
met vreemde tale moet spreek.
Nou kyk ons net na die gemeente en die spreek van vreemde tale in die
gemeente. In die gemeente is die plek wat tale moet vul baie belangrik, en
dit moet daar reg gebruik word.
1 Korinthiërs 12:28-30;
28 En God het sommige in die gemeente gestel: in die eerste plek as
apostels, ten tweede profete, ten derde leraars, daarna kragte,
daarna genadegawes van gesondmaking, helpers, regeringe,
allerhande tale.
29 Almal is tog nie apostels nie, almal is tog nie profete nie, almal is
tog nie leraars nie, almal is tog nie kragte nie?
30 Het almal genadegawes van gesondmaking, spreek almal in tale,
kan almal dit uitlê?
Spreek almal in tale, kan almal dit uitlê? Nou sê mense vir jou: “Sien jy?
Spreek almal in tale? Kan almal dit uitlê? Het almal genadegawes van
gesondmaking? Sien jy dat tale nie so noodsaaklik is nie?”
Hier is ‘n belangrike punt wat ek vir u moet beklemtoon en wat u sal moet
leer sodat hierdie gemeente, wat ek seker is op u hart lê in hierdie laaste
dae, weer God se suiwer gemeente sal wees. Hier het ons die naam van
ons groepie gekry, “Ekklesia” die Grieks vir “gemeente”. Die Engels sê;
“The Church”.
In die gemeente is allerhande tale nie meer so volop soos wat dit eers was
nie as die aanvanklike teken wanneer jy met die Heilige Gees gedoop word
nie. Met ander woorde soos die tipiese regte gemeente behoort te wees,
74

waar elkeen gedoop is in die Heilige Gees; waar elkeen daardie
aanvanklike teken van die spreek in vreemde tale behoort te gehad het.
Maar nou is dit nie noodwendig dat elkeen die gawe van allerhande tale
moet hê nie.
Netso is dit nie vanselfsprekend vir elkeen om die gawe van die werking
van kragte, of ‘n woord van kennis, of die woord van wysheid, of die
onderskeiding van geeste, of van geloof te hê nie. Die Here gee aan
elkeen soos Hy wil. So, jou allerhande tale sal nie so volop soos die getal
van jou gemeente wees nie. Met ander woorde, dit is nie noodwendig dat
elkeen van jou gemeente daardie gawe van allerhande tale sal beoefen
nie. Dit het ek al self ondervind. Jy sal ‘n gemeente vind wat gedoop is in
die Heilige Gees maar jy sal nie almal kry wat dit as ‘n bediening het om in
allerhande tale in die gemeente te spreek nie.
Soos ons sien is daar net een doel waarvoor jy in die gemeente in ‘n
vreemde taal praat, en dit is dat dit uitgelê sal word. Die Heilige Gees
maak uitsonderings, maar dan is dit uitsonderings en dit bly die prerogatief
(die reg) van die Heilige Gees. Ons moet tog nie die Heilige Gees beperk
deur te sê, dit moet net só of net só wees nie. Ons kan algemene reëls
neerlê, en die algemene reël lê die Apostel Paulus baie vas neer. In sy
brief aan die Korinthiërs sal ons verder sien dat as daar nie ‘n uitlegger is
nie, sê hy, moet jy ook nie in ‘n taal praat nie. Maar jy sal gevalle kry waar
die Heilige Gees ‘n sekere persoon sal dwing om onder sekere
omstandighede in ‘n taal te praat selfs as daar geen uitleg is nie.
Maar die betekenis daarvan sal altyd duidelik wees!
Ek het al voorheen genoem van ‘n sekere persoon wat baie hierteen
geskop het; baie skepties en ook vyandiggesind was teenoor Pinkster en
teenoor hierdie mense wat in vreemde tale praat. Hy was ‘n Italianer en
het ‘n hele klomp tale geken. Hy gaan na hierdie diens toe, heeltemal ‘n
vreemdeling. Toe hy by die diens instap, spreek daar ‘n meisie in wat vir
haar ‘n onbekende taal was. Na sy gespreek het was dit doodstil; daar was
geen uitleg nie. Dit was dié môre vir die mense baie eienaardig. Geen
uitleg nie!
Maar weet u wat het gebeur, daardie vreemde taal wat daardie meisie
gepraat het en wat vir haar en vir al die ander in daardie gemeente ‘n
vreemde taal was, was suiwer Italiaans. Daardie man wat ‘n Italianer was,
maar ook baie ander tale geken het en wat gesê het: “Ek gaan om hulle uit
te vang!” Vir hom het die Here sy hele geskiedenis vertel. Van sy jong dae
af tot op daardie oomblik, en selfs die doel waarmee hy na daardie diens
75

toe gekom het. Dit het gelei tot daardie man se kragdadige bekering. Hy
het die heerlikheid en krag van God erken.
U sal met my saamstem dat die suiwer werking van die Heilige Gees mooi
is. Dit is wonderlik; dit is tot God se verheerliking; dit is vir die redding van
kosbare siele en vir die verbreking van die werke van die duiwel. Dit is wat
ons altyd moet onthou. Wat het die Here Jesus vir sy dissipels gesê voor
sy kruisiging toe Hy hulle begin voorberei het vir sy kruisiging en vir sy
weggaan? Hy het vir hulle gesê: “Ek stuur vir julle ‘n ander Trooster wat sal
kom om by julle te bly. Dié sal in My plek kom, en Hy sal My verheerlik”.
En dit moet ons onthou in ons soeke na die gawe van die Heilige Gees.
Die nommer een motief, doel en funksie; - of dit ‘n taal is of ‘n uitleg van
tale, of profesie of genesing, of wat ookal, die hoof motief is om die Here
Jesus te verheerlik. Daarvoor het die Heilige Gees gekom.
Julle sal met my saamstem dat daar niks wonderliker met daardie man kon
gebeur het nie as dat die Heilige Gees dit so beskik het dat daardie meisie
in daardie vreemde taal moes praat en dat daar geen uitleg was nie. U
sien, ek wil nou vir u ‘n ander punt uitlig wat later ook nog sal kom. Ons het
hier ‘n baie ingewikkelde studie en omdat dit so baie aangeval word, moet
ek in besonderhede met u daar ingaan. Kyk, ek sê dit vir u want dit het en
kan weer gebeur.
Die liefde wat die band van die volmaaktheid is, moet die beherende faktor
in ons lewens wees. Mense kan baie maklik die Heilige Gees se krag (ek
kan nie verklaar hoe dit werk nie, ek weet net dit werk) in ‘n slegte sin, dat
die mense die Heilige Gees se krag ook kan gebruik om af te breek, dan is
dit nie van God nie, alhoewel hy die krag nog in hom het, en dit sal ook nie
in hom bly as hy hom nie bekeer nie.
Die Heilige Gees, as ek nou maar ‘n aardse terme mag gebruik, net om dit
vir u te verduidelik (Ek glo die Here sal my verskoon en my vergewe), die
Heilige Gees is ‘n “gentleman”, die Heilige Gees skeur nie stukkend nie.
As hy sny, is dit om heel te maak. Op daardie oggend in daardie gemeente
waarheen daardie man gegaan het, het daardie gemeente nie nodig gehad
om daardie man se slegte verlede te ken nie. Dit was nie nodig vir daardie
gemeente om te weet van al die lelike goed wat hy gedoen het nie. Al wat
daardie môre nodig was, was dat daardie man die bonatuurlikheid van God
moes besef, en dat hy moes sien “hierdie ding” was eg. So het die Heilige
Gees sy hele vuil lewe in sy eie taal vir hom vertel, maar niemand anders
het daarvan geweet nie. Dit was nie nodig nie maar vir hom was dit nodig.
76

Nou moet ons ook onthou dat wanneer jy die gawe van profesie kry, of die
gawe van die uitleg van tale, of die gawe van die woord van kennis wat jy
dan in die gemeente kan uitbring, die Here vir jou sal wys wat Hy wil sê
omtrent iemand se lewe in daardie gemeente. Jy moet onthou, dat in jou
hart en dit is jou redelike godsdiens, dit is wat jy met jou verstand verstaan
en ook met jou gees onthou van die liefde van die Here. U sal verder sien
dat die Heilige Gees hierdie uitwerking het, naamlik in 1 Korinthiërs 14:3,
stigting, troos en bemoediging.
Dit is die doel: Stigting, troos en bemoediging. Nou wys die Heilige
Gees jou, deur ‘n woord van kennis, hierdie man se lewe, ‘n lelike saak.
Nou kan jy dit profeteer, maar gaan dit stig? Gaan dit troos? Gaan dit
bemoedig? Maar daardie persoon het nodig om te weet dat God dit weet.
Nou sal ons sien wanneer ons by profesie kom, dat die geheime van
mense se harte openbaar sal word en dat hy op sy aangesig sal val en
erken dat God in der waarheid in julle midde is.
Die Heilige Gees moet jou in die liefde lei om te weet hoeveel God jou wys
wat jy in die openbaar moet uitbring en hoeveel jy ná die diens of by ‘n
ander geleentheid eenkant, aan daardie persoon sal sê: Broer of Suster,
God het my dit en dat omtrent jou gewys. Die ander mense het dit nie
nodig nie. Die Here gaan nie daardie persoon, om dit so uit te druk “op die
mat sit nie!” Die Here wil daardie persoon se siel red. U sal my woorde
onthou in die dae wat voorlê. God sal u laat groei; God sal u gebruik; die
Here sal nog magtige dinge aan jou openbaar, maar onthou, altyd in die
liefde!
So ook, in die gemeente wanneer ek ‘n uitleg gee, of wanneer ek profeteer
nadat iemand in ‘n taal gepraat het en ek dit dan uitlê, laat ek dan nie
daardie uitleg gebruik (en ek moet versigtig wees, my eie gedagtes kan ook
verstrengel raak met my uitleg) daarom moet profesie en uitleg beoordeel
kan word.
Dit is of die Heilige Gees deur jou gees en jou verstand gefiltreer moet
word. Dit hang af hoe skoon en suiwer daardie filtreertoestel is vir die
water wat onder uitkom, en of daar nie miskien nog ‘n bietjie ander goed
saam uitkom nie. Nou, daardie uitleg van jou moet vir stigting wees; moet
vir troos wees, moet vir bemoediging in die gemeente wees.
1 Korinthiërs 14:23, 26, 33;
23 As die hele gemeente dan saam vergader het en hulle sou almal in
tale spreek en daar kom onkundiges of ongelowiges binne, sal
hulle nie sê dat julle kranksinnig is nie?
77

26 HOE staan die saak dan, broeders? Wanneer julle saamkom, dan
het elkeen van julle ‘n psalm of ‘n lering of ‘n taal of ‘n openbaring
of ‘n uitlegging - laat alles tot stigting geskied.
33 want God is nie ‘n God van wanorde nie, maar van vrede, soos in
al die gemeentes van die heiliges.
Ek sluit nie die gevalle in nie; waar jy, al is dit ‘n persoon wat hakkel, of so
aan, wat werklik in die Gees van God miskien net ‘n sug in ‘n gemeente
kan slaak en dit kan daardie hele gemeente aan die brand steek. Dit het
ek ookal gesien, maar ek bedoel oor die algemeen, en ek dink u sal dit
verstaan. Sekere mense het nie ‘n gawe van openbare gebed nie, andere
het dit weer, maar almal kan bid. Netso, almal behoort in tale te praat en
almal behoort in tale te praat in ons binnekamer om onsself te stig, maar
nie almal het ‘n gawe van allerhande tale vir die gemeente wanneer ons
bymekaar kom nie.
Ek hoop u verstaan maar u sal dit in elkgeval nog leer deur ondervinding.
Dit is nie dieselfde as die aanvanklike teken van die doping in die Heilige
Gees nie. Die spreek in tale, saam met die uitleg daarvan, is natuurlik
gelykstaande aan profesie. Ek dink u verstaan dit.
Ons kyk nou na:
1 Korinthiërs 14:5;
Ek wens dat julle almal in tale spreek, maar nog liewer dat julle
profeteer. Want hy wat profeteer, is groter as hy wat in tale spreek,
of hy moet dit uitlê, sodat die gemeente stigting kan ontvang.
Wanneer ons bymekaar kom en ons spreek ook in tale, moet ons dit
onthou, dit is in die aanbiddingsdiens, en die hoofdoel daarvan is die
stigting van die gemeente. Vir die volwasse gelowiges is ‘n teken nie altyd
noodsaaklik nie. Wanneer jy werklik tot geloof gekom het, het jy nie altyd
‘n teken nodig nie, daarom kan God meer direk deur die gawe van profesie
tot die gemeente spreek.
Daarom sê die Apostel Paulus;
1 Korinthiërs 14:1;
JAAG die liefde na, en beywer julle met die oog op die geestelike
gawes, maar veral om te profeteer.
“Maar veral om te profeteer”.
Die rede daarvoor is die geestelike gawes waar ander tale ook tel en wat
bonatuurlik en `n teken is. Dit is wonderlik! Nou wanneer julle as
gelowiges almal bymekaar kom, dan sal iemand in ‘n taal praat en iemand
sal dit weer uitlê. Maar daardie taal is nie noodwendig nodig nie want
almal is gelowiges. Daarom sal die profetiese gawe die voorrang geniet,
78

want as iemand profeteer kan almal dit verstaan. Dan profeteer daardie
persoon direk om te stig, te troos en te bemoedig.
Waarom moes die tale in Korinthe beheer word? Paulus skrywe ‘n hele
hoofstuk, (hoofstuk 14) oor die beheer van tale. Die een rede daarvoor
was, en dit is ‘n algemene neiging ook vandag, jy vind dit onder jong
bekeerlinge en die nuwe kinders van die Here wat so pas gedoop is in die
Heilige Gees, dat hulle so vol blydskap is, die salwing van die Here kom op
hulle en hulle borrel gedurig oor. Sy eerste neiging is, en dank die Here
dat dit na al die jare vandag nog my neiging is, ek kan waarlik voor die
Here sê daar gaan nie n dag verby in my lewe waarin ek nie baie in tale
praat voor die Here nie. As ek aanbid, as ek in benoudheid is, of wat
ookal, is dit een van die heerlikste ondervindings om met die Here in tale te
praat. Maar nou, onthou, die oogpunt is die gemeente, almal nou saam.
Nou, die Korinthiërs was ook so. Hulle het so oorgeborrel dat wanneer
hulle as gemeente saamkom, wou hulle net in tale praat. Die geestelike
tafel wat gedek is bestaan nie net uit tale nie, daar is baie ander spyse op
die tafel. Die gevaar is dus, dat die saak baie maklik uit balans kan raak.
Nou sê hy nie vir hulle dit is verkeerd om in tale te praat nie. Hy sê
inteendeel hy wil hulle nie verhinder om in tale te praat nie.
Maar Paulus het na die Korinthiërs gegaan en aan hulle geskrywe hoe om
dit te beheer en hoe om dit te hanteer, gladnie om dit dood te maak en
daarmee weg te doen nie. Dit was met ander woorde op hierdie manier
oordryf en verkeerd gebruik in die gemeente van Korinthe.
Eerstens:
Was daar te veel spreking in tale in die dienste en het hy hulle daarop
gewys.
Tweedens:
Die fout wat hulle gemaak het was dat daar teveel spreking in tale was
sonder uitleg.
Derdens: (toe het hy vir hulle mooi uitgewys) dat as hulle in tale praat en
daar is niemand om dit uit te lê nie, watter nut is dit dan?
Voldoen dit aan die drie vereistes van:
1) Stigting? nee, want niemand verstaan dit nie!
2) Troos? nee, want niemand verstaan dit nie!
3) Bemoediging? nee, want niemand verstaan dit nie!
Dit is wat die Korinthiërs gedoen het, en dit is wat die jong bekeerlinge tot
vandag toe nog doen. Die neiging daartoe is nog daar en dit is nie van
waarde nie. Ek bedoel nie daar waar ons saam bid nie, en waar jy in
vreemde tale bid nie. In elkgeval wanneer ons saambid, elkeen in
79

Afrikaans of Engels, hoor hy tóg ook maar nie wat die ander bid nie want jy
is op daardie oomblik besig met die Here. Dit is nie die bedoeling nie.
Maar wanneer jy in die diens is en mense praat nou almal in tale, tot watter
stigting sal dit wees? Dit sal verwarrend wees en die vreemdeling sal heel
moontlik nog sê: “Julle is mal!” Paulus gebruik self daardie woorde.
1 Korinthiërs 14:27-28;
27 En as iemand in ‘n taal spreek, laat dit dan wees twee of hoogstens
drie, en by beurte; en laat een dit uitlê.
28 Maar as daar geen uitlêer is nie, laat hy in die gemeente swyg, en
laat hy met homself en met God spreek.
So, hy beperk dit.
Dit is die algemene reël. Die Here sê weer daar kan uitsonderings gemaak
word. ‘n Mens wil nie nou net die skroef aandraai en meer as net drie
verbied nie. As dit nou ‘n gewoonte word of dit kom herhaaldelik voor, dan
moet jy jou gemeente leer en sê: “Kyk, dit is die reël, dit werk so”.
Wanneer daar nou tot drie in tale gespreek het, en die vierde en vyfde een
voel dit ook, dan moet hy dit vir homself hou en by homself praat, hy kan
saggies in sy gees praat en hy kan met die Here praat en die Here
verstaan, maar hy moet dit dan nie hardop spreek nie, want dan ruk dit uit
verband uit.
1 Korinthiërs 14:39;
Daarom broeders, beywer julle om te profeteer en moenie
verhinder dat daar in tale gespreek word nie.
Sien, beywer julle om te profeteer en moenie verhinder dat daar in tale
gespreek word nie. En dit is wat vandag gedoen word. Tale het heeltemal
doodgegaan. Dank die Here, dit begin nou weer effens terugkom. In jou
algemene kerke is daar niks van tale nie want dit word verhinder en is lank
gelede al doodgedruk, onder verdenking geplaas, weggeredeneer en weg
“geleer”', ensovoorts.
So, dit is gladnie ‘n kwessie van dat tale mee weggedoen moet word nie.
Al wat die apostel Paulus beklemtoon en oor praat is vir die balans
daarvan. Ons moet ook die balans in ons eie dienste bewaar. Daar kom
altyd ‘n oorbeklemtoning na ‘n tyd van verval. Dit is al.
Soos wanneer ‘n nuwe ding ontdek word, word dit oordryf, ensovoorts.
Luister nou mooi, daar moet so ‘n mate van rypheid en orde en liefde in die
gemeente beoefen word dat in daardie diens, in daardie gemeente niks sal
plaasvind wat aanstootlik is nie. Ons moet ons elkeen beywer, dit sê ook
hier; “elkeen moet hom beywer om uit te munt tot die stigting van die
80

gemeente”. Dit is waarop ons almal ons moet toelê en dit is ook my
aandeel daarin.
1 Korinthiërs 14:32, 23;
32 En die geeste van die profete is aan die profete onderworpe;
23 As die hele gemeente dan saam vergader het en hulle sou almal in
tale spreek en daar kom onkundiges of ongelowiges binne, sal
hulle nie sê dat julle kranksinnig is nie?.
Sien, die geeste van die profete is aan die profete onderworpe. Hy
waarsku dus hier, dat as almal in tale praat en onkundiges kom in, sal hulle
sê: “Ons verstaan niks daarvan nie”. So moet ons onsself beheer, en dit
kan jy doen.
Hierdie gawes (ek is daarvan seker dat u met my sal saamstem) moet reg
beoefen word. Wanneer daar reg in tale gespreek word, en daar word reg
uitgelê, of daar word reg geprofeteer, bring dit dan nie die klimaat van die
hemel in daardie diens nie? Voel jy nie die teenwoordigheid van die Here
daar nie? Nou kan jy ook sien waarom die ou duiwel hierdie gawes so
haat.
Ek dank die Here, ons het dit ook vandag nog baie, baie nodig. Nou sê
baie mense: “Maar die tyd daarvoor is verby, die Apostel Paulus het gesê
die spreek in tale sal verbygaan!”
1 Korinthiërs 13:8;
Die liefde vergaan nimmermeer; maar die profesieë - hulle sal tot
niet gaan; of tale - hulle sal ophou, of kennis - dit sal tot niet gaan.
Nou neem mense daardie vers en sê: “Nou sien jy, tale sal tot niet gaan”.
Dan gebruik hulle hierdie teks maar sal baie gou vir jou sê: “Weet julle die
wederkoms van die Here is op hande?” Hoe weet jy dit? Nee, maar dit
staan in die Profete - dit was geprofeteer. Die Here se koms het nog nie
plaasgevind nie maar dit is naby. Die profesie is nog in werking. Met
ander woorde, die profesieë het nog nie verbygegaan nie. Dit staan ook
hierso.
Maar die tale sal verby gaan. Maar dit is nie al wat daar staan nie; of
kennis - dit sal tot niet gaan. Lewe ons dan nie in ‘n tyd wat kennis meer
as ooit tevore vermeerder nie? So, kennis het ook nog nie tot niet gegaan
nie. Hoekom sou tale dan tot niet gegaan het?
Nou ‘n ander punt van tale, ‘n heerlike ondervinding, wanneer jy in jou
binnekamer gaan is dit een van die hoof funksies van die spreek van tale,
dat jy met God spreek! Hoe dikwels het ek nie al die ondervinding gehad
nie, daar is nie een kind van God wat dit nie sal beaam nie, dat tydens ‘n
groot krisis, spanning of benoudheid, wanneer jy in jou binnekamer gegaan
81

en jou hart voor God begin uitstort het in ‘n vreemde taal, het die rus en die
vrede van die hemel in jou siel gekom.
Paulus sê in:
1 Korinthiërs 14:4;
Hy wat in ‘n taal spreek, stig homself; maar hy wat profeteer, stig
die gemeente.
Hy wat in ‘n taal spreek, stig homself. Nou sê vir my wie van ons het nie
stigting nodig nie?
Jesaja 28:11-12;
11 Ja, Hy sal deur lippe wat hakkel, en deur n vreemde tong met
hierdie volk spreek,
12 Hy wat aan hulle gesê het: Dit is die rus, gee rus aan die
vermoeides en dit is die verkwikking. Maar hulle wou nie luister
nie.
Die hoofpunt hier is dit, dit gee rus aan die vermoeides. O, as meer
senuweelyers, as ‘n mens dit so kan noem, gedoop kan word in die Heilige
Gees, en hulle werklik hulle harte voor God in ‘n vreemde taal kan uitstort,
sal hulle sien wat dit vir hulle sal beteken. Geen psigiater of sielkundige sal
naastenby vir hulle kan doen wat die Heilige Gees vir hulle sal doen
wanneer die Here hulle stig sodra hulle in ‘n vreemde taal praat nie. So
kan jy ook in vreemde tale sing, bid en prys sonder dat daar ‘n uitlêer hoef
te wees. Daardeur kan jy die Here aanbid en sy Naam grootmaak en
verheerlik.
Soos dit was in die huis van Cornelius het hulle in allerhande vreemde tale
saamgepraat en ook soos baie keer as jy in ‘n diens is en die Here aanbid.
Dit is ‘n ander saak as jy saam sing in ‘n vreemde taal; saam die Here
aanbid en sy Naam grootmaak. Dan praat jy met God en nie met die
mense nie. Die Heilige Gees tree ook vir jou in deur die praat van vreemde
tale en deur onuitspreeklike versugtinge voor God. Dan word jou siel
getroos en word jy opgebou vir die Here.
Romeine 8:26-28;
26 En net so kom ook die Gees ons swakhede te hulp, want ons weet
nie reg wat ons moet bid nie, maar die Gees self tree vir ons in met
onuitspreeklike sugtinge.
27 En Hy wat die harte deursoek, weet wat die bedoeling van die
Gees is, omdat Hy ooreenkomstig die wil van God vir die heiliges
intree.
28 En ons weet dat vir hulle wat God liefhet, alles ten goede meewerk,
vir hulle wat na sy voorneme geroep is.
Kinders weet nie altyd wat die wil van God is nie. Jy kom baie keer in ‘n
krisis oomblik in jou lewe. Jy staan baie keer voor ‘n hele paar keuses.
82

Daar kom tye van benoudheid. Julle weet nie eers hoe om te bid nie, maar
die Gees ken die wil van God. As jy in jou benoudheid in daardie vreemde
taal bid en jy doen dit en laat jou siel uitvloei voor God in die geloof, sal die
wat dit ondervind het weet waarvan ek praat. Jou siel voor God laat uitloop
soos water, en jy bid in daardie vreemde taal, dan bid die Heilige Gees
volgens die wil van God, sonder dat jy eers weet wat jy bid, maar die
Heilige Gees weet en God hoor daardie gebed van jou.
Judas vers 20;
Maar julle, geliefdes, moet julleself opbou in jul allerheiligste geloof
en in die Heilige Gees bid
Kyk hoe bou jy jouself op, daarin!
1 Korinthiërs 14:14;
Want as ek in ‘n taal bid, dan bid my gees, maar my verstand is
onvrugbaar.
Is dit nie pragtig nie? Die Skrif sê: “Dan bid my gees”. Prys die Naam van
die Here! Jou gees bid wanneer jy in ‘n taal bid. Dit is wat deurgaan na
God toe.
Nou, in verband met hierdie stigting van jouself, wil ek ‘n baie belangrike
punt noem, weer met die oog op die gemeente. God se kinders het so baie
die neiging om oorboord te gaan. Die een rede voel ek is die gebrek aan
lering, daarom gee ek u die lering. Die gemeente, die tyd van
bymekaarkom is iets kosbaars voor God. U moet nou onthou, die
gemeente is die liggaam van Christus - Christus is die Woord. Net soos jy
na jou eie liggaam kyk, hier is jou hoof en hier is jou liggaam en die twee
moet bymekaar wees om volmaak te funksioneer. Jy kan die slimste kop
op jou skouers hê, maar as jy nie die hande en voete het om iets mee uit te
voer nie, is dit nie vir jou veel werd nie. Jy kan die sterkste spiere hê en die
pragtigste geboude liggaam, maar as daar nie ‘n kop op is nie, wat help
dit?
Netso is die gemeente die liggaam van Christus. Christus is kragtig,
Christus is wonderlik, Christus is sterk dat Hy dit so verordineer het dat,
totdat Hy weer kom, Hy sy werk moet doen deur die gemeente wat sy
liggaam is. Die gemeente is dus iets kosbaars in die oë van die Here. Dit
sê ook Hy het sy gemeente gekoop met sy bloed.
Wanneer jy dus in ‘n diens of biduur bymekaarkom, is dit ‘n heilige
byeenkoms. Nou kom julle bymekaar om met Christus die Hoof,
gemeenskap te hou. Nou is die neiging van meeste van God se kinders
om te voel: Ag, ek voel maar ‘n bietjie af in die gees; ek voel maar ‘n bietjie
ongelowig; ek voel maar sleg, dinge het miskien nie te goed gegaan by die
83

huis nie, of by die werk nie, ek sal maar kerk toe gaan, daar sal ek
opgebou word! Die diens sal my wakker maak en my regruk en so aan.
Dit is heeltemal verkeerd, jy moet jouself opbou, jy moet jouself stig voordat
jy na die diens toe gaan. Jy moet jouself inbid in die Heilige Gees, hierdie
Skrifte wat ek u gegee het, jy moet jouself wakker maak, jouself lewendig
maak, dat jy as ‘n lewende lid, of jy nou die vinger of die voet of wat ookal
is vir daardie diens, sorg dat daardie vinger lewendig is wanneer jy soontoe
gaan, sodat daardie vinger by die ander vingers aan die hand kom, of die
tone aan die voet sodat elkeen net só inpas.
As ‘n ingebidde klompie mense daar bymekaar kom in die lig van God se
Woord, wat gaan God nie vir hulle doen nie? Maar wat is die posisie, jy
begin met ‘n diens maar, jy moet eers sing en jy moet druk en jy moet trek
om eers die klomp in ‘n eenheid te kry. Teen die tyd dat jy hulle in ‘n
eenheid het, is die diens al amper verby, of daar het al ander dinge gebeur
omdat hulle nie in die eenheid is nie, wat die eenheid nog verder weer
afbreek. O, vanmôre was die diens maar dood gewees, dit was maar dit
en dit kon maar nie vorder nie. Nou hoe kan jy met ‘n klomp “dooie”
oningebidde lede van daardie liggaam, iets uitvoer? Kan u sien, hoe
noodsaaklik dit is vir elke lid, dit sê mos ook dat elke lid voorsien, “which
every joint supplieth”
U het dit al hier gelees in 1 Korinthiërs 12 en so aan.
1 Korinthiërs 14:18-19;
18 Ek dank my God dat ek meer in tale spreek as julle almal;
19 maar in die gemeente wil ek liewer vyf woorde met my verstand
spreek om ook ander te onderrig, as tienduisend woorde in ‘n taal.
Prys die Here!
Waar het Paulus meer in tale gespreek as almal? In die diens? Nee,
Paulus het homself ingebid. Ek is seker daarvan dat waar Paulus gesit en
tente maak het; die naald deur getrek het en daar waar hy seile reg gesny
het, daar was hy in kontak met God en het in tale gepraat. Daardie lang
ente wat hy te voet moes stap, in tale gepraat, homself gestig, homself
opgebou, sodat wanneer hy by die gemeente bymekaar gekom het was die
krag van God daar. Die Heerlikheid van die Here het gewerk.
Tale en uitleg van tale is die enigste twee gawes wat nie alreeds in die Ou
Testament gemanifesteer het nie. Wat ‘n wonderlike gedagte. Vir u nog ‘n
bewys hoe wonderlik tale en uitleg van tale is. Dit is die twee gawes wat
uniek is tot die Nuwe Testament.
Kom ons kyk na ‘n paar Bybelse voorbeelde.
Ons het so pas na Paulus gekyk en hy bedoel natuurlik as hy tienduisend
woorde moes praat sou daar nie eers tyd vir ‘n uitleg wees nie.
84

1 Korinthiërs14:14-15;
14 Want as ek in ‘n taal bid, dan bid my gees, maar my verstand is
onvrugbaar.
15 Hoe staan die saak dan? Ek sal met die gees bid, maar ek sal ook
met die verstand bid. Ek sal met die gees psalmsing, maar ek sal
ook met die verstand psalmsing.
Ek het hierdie twee verse vir u gegee dat u kan sien hoe Paulus te werk
gaan. As jy al hierdie dinge mooi bymekaarbring, sal jy sien hoe Paulus sy
taal gebruik het in sy privaatlewe om homself te stig. Ons is in ‘n
geloofstryd, ons is in ‘n wrede wêreld. Ons is in ‘n wêreld waar Satan met
allerhande dinge kom. U sê miskien, my posisie is swak, my toestand is
uniek, hierdie een sê ek sukkel met dit en daardie een sê ek sukkel met
dat. Daar is nie een van ons wat nie sy probleme het nie. Daar is nie een
wat nie sy eie dinge het om hom af te druk nie.
Hoe gaan jy daar uitklim? Julle sal moet uitklim deur van God se middele
gebruik te maak. In jou posisie wat jou die seerste maak en wat jou die
meeste onderdruk, gaan daarmee in jou gees voor God. Roep Hom aan.
‘n Mens moet ernstig raak voor God. As jou binnekamer se deur gesluit is
kan jy maar ook ‘n bietjie hard skree voor die Here, maak jou hart ‘n bietjie
oop voor God en jy sal gou op ‘n punt kom waar jy nie meer woorde in jou
eie taal het nie en dan begin jy in vreemde tale praat.
Daar is nog daardie las op jou hart, jy weet wat jou seergemaak het, jy
weet waaroor jy hartseer is, jy weet waaroor jy benoud is, maar nou begin
jy in ‘n vreemde taal te bid. Jou gees praat nou met God. Kyk dan ‘n
rukkie later, as u dit gaan toepas en kom sê vir my, kom bring u getuienis.
Bid het Paulus lewendig en kragtig gemaak.
In Handelinge 10 sal u sien Petrus het op die dak geklim om te gaan bid.
Hulle sê Petrus was in ‘n verrukking van sinne. Ons het nou altyd gedink,
ek sê nie dit kon gebeur het dat Petrus op die dak geklim het en dat die
Here sommer skielik gekom en hom daar platgeslaan het nie. Dat hy in
verrukking van sinne gegaan en ‘n gesig gesien het, dit is moontlik. Maar
soos ek die Skrif verstaan en ek hierdie dinge mooi bymekaar bring en
soos ek die wêreld en ook die mens se gees ken; en ook Satan se planne
ken want Paulus sê ons is nie met sy planne onbekend nie; en ons weet
wat vir Petrus voorgelê het, wat in die huis van Cornelius gebeur het en
met sy mense wat hy in daardie tyd juis na Petrus toe gestuur het. Sou
Satan dit nie probeer dwarsboom het nie? Ek glo Petrus was daar besig
om ernstig voor God te bid. Hoe meer hy homself gestig het en hoe meer
hy die Here aangeroep het, hoe nader en nader het die Gees van God
gekom, totdat Petrus naderhand weggeraak het. Petrus, wat op die grond
85

geval het, was in ‘n verrukking van sinne en daar gee die Here toe ook die
visie.
Sou u nie ook graag sulke ondervindinge wou hê nie? Waarom nie ?
Waarom moet ons net van hierdie dinge lees? God wil vir ons baie dinge
wys maar dit is nie ons metode nie. Ons moet onsself versterk, onsself
stig, want u sien wat ‘n belangrike plek ook vreemde tale het, in die regkry
van jou siel voor God, want die duiwel kan nie verstaan wat jy bid nie.
Daarom kan hy ook nie vir jou sê: “Ag, dit sal tog nie gebeur nie, dan is dit
te swaar, of dat is so”.
Die HeiIige Gees, as jou gees bid deur ‘n vreemde taal en Hy (die Heilige
Gees) vra van God vir jou die wonderlikste dinge, dan hoor God alleen, die
duiwel hoor dit nie en hy verstaan dit ook nie. Wat kan God nie vir jou gee
nie? Die Here Jesus het in verrukking van sinne geraak, Lukas 10:21, hier
was die Here Jesus buite Homself van blydskap oor wat die Vader aan
Hom geopenbaar het.
Markus 3:21;
Toe sy mense dit hoor, gaan hulle uit om Hom in die hande te kry,
want hulle het gesê: Hy is buite sy sinne.
Dit wys wat met ons Here Jesus self gebeur het. Dit was definitief nie in
die slegte sin van die woord nie want ons Here Jesus het nooit buite sy
sinne geraak nie in dié sin dat die oomblik wat Hy buite sy sinne was, dat
Hy nie binne die hand van sy Vader was nie. Loof die Here!
So ook, as ons buite ons sinne raak deur die Heilige Gees hoef u nooit
bang te wees dat daar ‘n bose gees jou sal beetkry soos party mense jou
sal probeer waarsku nie. As jy in die Heilige Gees bid en jy raak buite jou
sinne, of dit gebeur met jou in ‘n diens, moenie bang wees nie, dit is nie ‘n
bose gees wat van jou besit sal neem nie, jy is in die hand van die Gees
van God. As jy daar uitkom is jy gestig, is jou siel vars, is jy vol krag. Die
wat dit ondervind het weet waarvan ek praat.
2 Korinthiërs 5:13;
Want as ons uitsinnig is, is dit tot eer van God; en as ons by ons
verstand is, is dit om julle ontwil.
“Want as ons uitsinnig is, is dit tot eer van God”.
Uitsinnigheid in hierdie sin is ‘n wonderlike ding wat met ‘n mens kan
gebeur. Kan u sien hoe vér ons agterstaan? Dit is hierdie dinge wat jou
sterk maak in die Gees. Dit is hierdie dinge waarna jy moet strewe, dit is
hierdie dinge wat op jou pad langs moet kom en dan sal u sien hoe u sal
groei. Maar u kan ook nou al sien dat jy besig sal moet wees, met God, en
dat jyself sal moet werk maak met hierdie dinge.
86

Openbaring 1:4;
JOHANNES aan die sewe gemeentes in Asië; Genade vir julle en
vrede van Hom wat is en wat was en wat kom, en van die sewe
Geeste wat voor sy troon is,
“Ek was in die Gees op die dag van die Here”.
As dit tenminste op die dag van die Here was, dit is Sondag wanneer ons
meer kans het om alleen met die Here te wees of wanneer jy dan ookal ‘n
kansie het om waarlik in die Gees van God te kom, sal die Here ook vir ons
wonderbaarlike dinge wys. Die gawe van allerhande tale word dan
genoem die minste van alle gawes en in sy manifestasie en as jy hom
langs die ander moet stel, sekerlik die minste, daarom kom die gawe ook
die meeste voor.
Maar u kan nou begin sien, wat gaan jy sonder tale maak? Hoe gaan jy
jouself opbou? Hoe gaan jy in daardie posisie kom dat ook die ander
gawes in hulle mag en majesteit deur jou kan werk? Nou, daar is nog ‘n
belangrike punt wat ek net vir u wil noem en dit is baie belangrik.
1 Korinthiërs 14:3;
3 Maar hy wat profeteer, spreek tot die mense woorde van stigting en
troos en bemoediging.
Nou kry jy die neiging by Pinkster groepe, veral by groepies wat hierdie
ondervinding van die doping in die Heilige Gees gekry het. Hulle het ‘n
wonderlike ondervinding gehad met hulle leraar, of hul leraar stem nie
daarmee saam nie, hulle kom uit, kom bymekaar en wonderlike dinge
gebeur soos, daar het wonderlike profesieë uitgegaan, mense het die uitleg
van tale gekry. Nou speel hulle amper soos ‘n kind met ‘n nuwe speelding.
Hulle kom bymekaar en sê: Ons gaan kyk wat die Here nou weer vir ons
gaan sê. Hulle bid en hulle sing en nou praat iemand in ‘n taal en iemand
lê dit uit en nou begin hulle vir mekaar te profeteer. Hulle begin nou om die
wil van die Here te soek deur tale, uitleg van tale en profesieë. Dit is ‘n
baie gevaarlik ding, want dit is nie hoe dit werk nie. Tale en uitleg van tale
of profesie se primêre funksie is nie om vir jou leiding te gee en vir jou dit,
of dat te wys nie. Die Here sal self vir jou deur die taal of die profesie ‘n
bevestiging in daardie diens of byeenkoms gee, sonder dat jy spesifiek
daarvoor, soek!
Die een wat profeteer of wat uitlê, moet ook nie vir so iets soek nie. Jou
eie gedagte en jou eie verstand kan vir jou maklik ‘n ding gee. Die
bedoeling daarvan is nie in die eerste instansie dat julle bymekaar sal kom
en sê: “Kyk, ek het hierdie groot probleem, kom ons hou nou ‘n diens”,
(baie mense maak so) dalk weet u van sulke mense.
87

Hulle hou ‘n diens, en bid, en sing, en kom in aanraking met die Here en
nou praat iemand in ‘n taal. Ons hou ‘n diens, ek wil nou Ieiding hê omtrent
hierdie saak. Kom ons hoor wat sê die Here. Nou praat iemand in ‘n taal,
iemand lê uit en daar word oor daardie ding geprofeteer. Ek kan u vertel
van die grootste tragedies, en ontnugterings in Pinkster wat al daardeur
gekom het. Daar is groepe en bewegings wat hulle daarop toelê om so te
profeteer. Mense was al uit hulle plase en besittings geprofeteer. Dat
mense se name genoem is, dat jy, Broer so-en-so, die Here sê vir jou jy
moet jou plaas verkoop, jy moet dit of dat doen. Sulke dinge, wanneer dit
gebeur het, as hulle mooi gekyk het in 1 Korinthiërs l4 en gehou het by die
woord, “Maar hy wat profeteer spreek vir die mense woorde van stigting
en troos en bemoediging” dan was hulle van hierdie dwaling gevrywaar.
Die Here gee vir jou definitief leiding.
Handelinge 13:1-2;
(Ek praat nou van groot dinge. Daar is baie Pinkster leraars wat my, “sal
afskiet in vlamme”. U moet self my woorde beoordeel.
1 EN daar was in die plaaslike gemeente in Antiochíë sekere profete
en leraars, naamlik Bárnabas en Simeon wat Niger genoem word,
en Lúcius, die Cirenéër, en Manáen, wat saam met Herodes die
viervors grootgeword het en Saulus.
2 En terwyl hulle besig was om die Here te dien, en te vas, het die
Heilige Gees gesê: Sonder nou Bárnabas en Saulus vir My af vir
die werk waarvoor Ek hulle geroep het.
Hier is nou ‘n geval waar, terwyl hulle besig was om die Here te dien en te
vas, die Heilige Gees gesê het: Sonder nou Bárnabas en Saulus vir My af
vir die werk waarvoor Ek hulle geroep het. Nou is daar bewegings wat
baie sterk daarop staan wat sê: “Hoe het die Heilige Gees gepraat?” Die
Heilige Gees moes tog, seker deur profesie gepraat het, een van hulle het
seker geprofeteer. Wie sê iemand het nie in tale gepraat nie en iemand het
dit uit gelê nie?
Ek kan dit nie weerlê nie, dit is heel moontlik so. En hier is ‘n geval waar
die Heilige Gees baie direk gepraat het. Maar dat Hy dit ook in baie
opsigte vir hulle bevestig het en dat, nadat hulle die Here gedien en gevas
het, het dit gebeur. Maar die reël is nog soos ons hier gesien het, vir
troos, vir stigting en vir bemoediging. So ek waarsku u maar net, dat u
baie versigtig moet wees as die Heilige Gees vir u ‘n boodskap gegee het,
wat sekerlik kan gebeur.
Die Here praat met ‘n mens in ‘n diens, Hy praat met jou deur tale, die
uitleg van tale, stigting deur dit wat Hy vir jou sê. Daardie profesie gaan
byvoorbeeld uit wat vir jou sal wys dat jy verkoel of verslap het in die
88

eoordeling van die profesie, dat jy in jou siel weet God praat met jou. Ek
dank die Here, die Here werk so!
Maar nou sê ek, hier is jou veiligheidsvoorsiening: wag dat die Here dit
bevestig en as daar met jou gepraat is, God dit sal opvolg op ‘n
onafhanklike manier en heeltemal van ‘n ander kant af, sal Hy dit vir jou
bevestig. Wag tenminste vir ‘n bevestiging. Iemand kan vir jou profeteer,
en sê nou maar in hierdie geval, “die Here sê jy moet jou huis verkoop; jou
werk bedank, en jy moet in die sendingveld vir My gaan werk”. Die
persoon kom na jou toe en sê die Here het vir hom gesê om dit vir jou te
sê. Nou jy is die persoon betrokke, nie waar nie? Sou die Here dit dan
nie ook aan jou sê nie?
Mense het al so na my toe gekom. Eendag het iemand van `n beweging
wat baie sterk is op hierdie ding, my spesiaal laat roep. Ek het dit maar oor
die hoof gesien en gesê, goed. As ek wil hê iemand moet vir my iets doen
en die Here het met my gepraat, sal ek na daardie persoon toe gaan. Ek
het dit maar oorgesien en na sy huis toe gegaan. Hy sê vir my:” Broer, ek
het verlede nag; heelnag op hierdie sitkamermat oor jou geworstel. Die
Here het vir my gesê jy moet vir ons in Amerika gaan werk. Die Here het
jou daar nodig”.
Ek sê: “Baie dankie broer, ek waardeer dit dat jy so aan my dink en dat die
Here so met jou praat. Die Here praat met my ook en die Here het dit nie
vir my gesê nie. Ek het niks van die aard van die Here gehoor nie, ek glo
nie dit is van die Here nie.” Ek sê vir hom: “Sal jy vir my sê dat die Here vir
jou sal sê dat ek in Amerika moet gaan werk; ‘n vreemde land en vreemde
mense, terwyl rondom my, my eie mense is wat my taal verstaan en my
gewoontes. Rondom my is my mense besig om te vergaan. Sal die Here
my nou hier wegneem en daarnatoe stuur op dit wat Hy vir jou sê en Hy
praat nie met my daaroor nie? Broer, ek aanvaar dit nie”. Hy sê: ”Nou ja,
goed. As jy nou by die huis kom sal jy sien iemand sal daar vir jou wag van
‘n ander beweging”. Toe ek by die huis kom was daar niemand van ‘n
ander beweging nie. So dit wys net, dit was in elkgeval nie van die Here
nie. In elkgeval, ek waarsku julle maar net oor die gevaar daarvan!
89

[Kasset nr. L013]
Hoofstuk 5
Die Gawe van Uitleg van Tale.
Ons is besig met lewendige dinge, ons is nie besig met ‘n teorie wat nie
bewys kan word nie. Ons is besig met die gawes van die Heilige Gees en
gaan die uitleg van tale nou behandel. Dit is een van die drie wat genoem
word die Spreekgawes, wat val onder die groep van die spreek in ander
tale, die uitleg van tale en profesie.
Ons het nou gekom by die uitleg van tale.
Ons is nie besig met teoretiese dinge nie, wat nie gedemonstreer kan word
nie. Ons dank die Here vir Pinkster byeenkomste, waar mense glo in die
Heilige Gees, is hierdie dinge al in baie opsigte al alledaags. Ons loof en
prys die Here daarvoor. Ons het so pas in ons gemeente ‘n Goddelike
genesing veldtog gehad en ons het wonderlike dinge daar met ons eie oë
aanskou. U sal sien dat dit nie iets teoreties is nie, maar dat dit werk.
Soos met al die ander gawes moet ons onthou, dit is bonatuurlik. Dit is van
God.
Die eerste punt:
Dit het niks te doen met die mens se verstand nie of met enige taalkennis
dat as iemand in ‘n vreemde taal praat dat jy ‘n kennis het om dit te kan
vertaal nie. Dit is nie ‘n kwessie van vertaling nie. Net soos die spreek in
vreemde tale bonatuurlik is, die persoon wat daardie vreemde tale praat
soos ons verlede keer gesien het, hy verstaan nie wat hy praat nie. Dit
kom van die Here. Dit kom deur die Heilige Gees.
Nou net so die uitleg van tale, daardie een verstaan nie wat hy gaan sê nie,
die Heilige Gees gee dit vir hom. Ons moet baie goed onthou, dit is nie ‘n
vertaling nie en ek sal verder in die loop van die Studie vir u verduidelik
presies wat dit is en hoe dit werk. Maar ek wil hier by die aanvang
beklemtoon dat dit nie ‘n vertaling is nie.
Daarom sal u baie keer vind wanneer ‘n persoon in ‘n vreemde taal praat,
is die uitleg partykeer langer. Dit kan langer of korter duur as die taal wat
die ander persoon praat en baie mense het al vir my gevra hoe verklaar jy
dit? Dit is omdat dit nie ‘n vertaling is nie. Dit kan ‘n vertaling wees. Daar
is wonderlike getuienisse daarvan, van mense wat in sulke dienste was
waar daardie taal wat vir die persone wat gepraat het ‘n vreemde taal was,
maar dat daar mense in sulke dienste was wat daardie taal kon verstaan
90

en dat die uitleg deur iemand anders gekom het wat daardie taal nie
verstaan het nie en die wat dit verstaan het en dit kon kontroleer wat
agterna dit kon bevestig het dat dit ‘n absolute juiste korrekte vertaling was.
Dit is heerlik, loof die Here, dit is hoe die Heilige Gees werk.
1 Korinthiërs 12:10;
aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale,
Daar is so baie mense, teoloë en hooggeleerde mense wat sê dat die tale
is bedoel dat jy vreemde tale kan praat sodat jy vir alle nasies kan gaan
preek in hulle tale dat hulle dit kan verstaan; maar nou net die feit dat hy sê
aan ‘n ander uitleg van tale, as die taal dan kon verstaan word, dan het jy
nie ‘n gawe van die uitleg van tale nodig nie. Met ander woorde, dit is vir
jou ‘n bewys dat dit nie die primêre bedoeling is van die spreek in vreemde
tale nie. As dit die bedoeling sou wees, dan het jy nie ‘n uitlêer nodig
gehad nie, want dan sal jy net in ‘n vreemde taal praat en ook in daardie
vreemde taal van daardie vreemde nasies aan wie jy die evangelie
verkondig en dan sal daar geen uitlêer voor nodig wees nie, dit is dan
vanselfsprekend.
Die tweede punt:
In verband met die uitleg van tale wat baie belangrik is en heeltemal “voor
die hand liggend is”, is dat die uitleg van tale moet natuurlik ook altyd
saamgaan met die spreek in vreemde tale. As daar nie iemand spreek in
‘n vreemde taal tydens ‘n diens nie, kan daar ook nie ‘n uitleg van die tale
wees nie, want dan is daar nie ‘n taal om uit te lê nie.
Ook in u privaat aanbidding, alhoewel hierdie gawes in die eerste instansie
uitsluitlik vir die gemeente bedoel is, sluit dit die privaat toepassing daarvan
en die seën wat jy daaruit kan haal, glad nie uit nie. Soos ons verlede keer
vir u gesê het in ons behandeling van die spreek in vreemde tale, wat ‘n
geweldige plek dit inneem in ‘n mens se eie privaat lewe om jou te stig, om
jou op te bou, jou ook voor te berei vir ‘n diens en om jou ook te bemoedig
wanneer jy, wel miskien terneergedruk voel of selfs vér van die Here af
voel.
Net soos in die primêre doel van die vreemde tale in sover dit jou as
individu betref om jouself te stig. Sonder dat jy dit sal kan uitlê is daar tog
heerlike uitsonderinge waar jy op sekere oomblikke ook in jou privaat lewe
in ‘n vreemde taal sal praat of in ‘n vreemde taal sal bid en dat die Here vir
jouself jou eie uitleg ook kan gee. Dat jy partykeer vir die Here kan sê:
“Here, verklaar die geheim aan my”, dat ek ook ‘n bietjie kan deelneem aan
91

hierdie gesprekke tussen u en my. “Wat beteken dit wat ek praat?” en dat
die Here dit vir jou kan sê. Daar is ook heerlike tye en ook getuienisse
daarvan. Maar oor die algemeen is die uitleg van tale vir die gemeente en
dit kan alleen geskied nadat iemand in ‘n vreemde taal in die gemeente
gepraat het.
1 Korinthiërs 14:5-6, 13;
5 Ek wens dat julle almal in tale spreek, maar nog liewer dat julle
profeteer. Want hy wat profeteer, is groter as hy wat in tale spreek,
of hy moet dit uitlê, sodat die gemeente stigting kan ontvang.
6 Maar nou, broeders, as ek na julle kom en in tale spreek, tot watter
nut sal ek vir julle wees as ek nie met julle spreek óf deur ‘n
openbaring, óf deur kennis, óf deur profesie, óf deur lering nie?
13 Daarom moet hy wat in ‘n taal spreek, bid dat hy dit kan uitlê.
Soos u sien, die uitleg van tale gaan saam met die spreek van vreemde
tale. Daar kan geen uitlegger in tale wees nie tensy daar gespreek is in ‘n
vreemde taal nie. Dit is natuurlik “voor die hand liggend”, en dit is logies.
Nou wanneer daar in tale gespreek word deur meer as een persoon in die
gemeente is dit natuurlik dat verskillende persone dit weer mag uitlê en ek
sal hierop terugkom.
Dit is wenslik, en luister mooi na dit en u sal die skoonheid daarvan sien,
wanneer daar in tale gespreek word in die gemeente en jou gemeente
goed en reg onderrig is en hulle is goed saamgevoeg soos ‘n liggaam
behoort te wees, sal daar verskillendes in tale spreek en daar sal, ook dan
(behoort te wees), verskillendes wees om dit uit te lê. Elke lid moet nou nie
sê, veral as jy nuut in ‘n gemeente kom, nou ja, dit is te pragtig en te
wonderlik om daar broers en susters te vind wat baie wonderlik in tale
spreek en uitlê, en dat jy pragtige en heerlike stigting daaruit kry en so aan.
Nou moet jy nie vir jouself sê, ek sal nou maar in my dop inkruip nie. Ek
sal nou maar net luister, ek sal dit nooit waag om myself in te druk in
hierdie gemeenskap nie. Dit moet nooit jou gesindheid wees nie.
In die eerste instansie, as ons mekaar werklik liefhet, soos dit behoort te
wees, die liefde is die band van volmaaktheid, daar moenie agterdog,
jaloesie of kompetisie wees nie. Daar moet net een ding wees, soos ek het
dit nou al ‘n paar keer beklemtoon het, my uitkyk op die saak moet wees,
ek wil uitmunt tot stigting van die gemeente. Dit moet my gesindheid wees,
daarom moet ek myself beoefen. Goed, miskien is dit nie die Here se
bedoeling om aan my die uitleg van tale te gee nie, en ek kan nie aan die
Here voorskryf nie. Hoe sal ek weet as ek myself nie daarvoor beywer en
92

daarvoor glo nie? Nou daarby kom ons ook nog wanneer ek u gaan wys
hoe ontvang jy die uitleg van tale, maar nou hier is my punt.
Verskillendes kan spreek in vreemde tale en dit is ook baie goed en
wenslik en verkieslik dat in daardie gemeente ook verskillendes sal uitlê. ‘n
Mens moenie dit net aan een oorlaat soos byvoorbeeld by ons, ek moet u
eerlik sê, dit is of almal wag vir my of miskien my vrou of partykeer een of
twee ander. Dit behoort nie so te wees nie. Ons moet onsselwers ook tot
beskikking stel. Elkeen moet wag op die Here. Daar kan miskien
verskillendes van ons wees wat die uitleg kry, maar wag ‘n oomblik want
die een wat die werklike drukking van die Gees, die salwing van die Heilige
Gees ontvang, hy sal dit voel en opstaan. As verskillendes dit doen, dan is
jou gemeente gebalanseerd, is jou diens gebalanseerd en daar is nie ‘n
kwessie van selfsugtigheid op die een wat die ander een voorspring en so
aan nie.
Op ‘n ander plek, in ‘n ander verband sê die Apostel Paulus, “die een moet
die ander voorgaan in eerbetoon, die een moet die ander hoër ag as
homself” en so aan. Laat ek sê; dié ideale gemeente moet dit wees waar
daar ‘n hele paar uitlêers is. Die uitleg van tale kom net soos profesie deur
openbaring, dit is bonatuurlik.
Nou hoe kom dit? Hoe kry jy die uitleg van ‘n taal? Iemand spreek in ‘n
taal. Hoe weet jy dat jy die uitleg het? Nou, jy is natuurlik ingestem, jy
moet voorbereid kom na ‘n diens. ‘n Pinkster diens is ‘n diens wat baie van
‘n mens verg. Jy moet in die erns van die Here kom. Goed, jy is alreeds
voorberei. Nou spreek iemand in ‘n taal. Jy sal byvoorbeeld ‘n geweldige
las op jou kry, ‘n drukking in jou siel en die Here sal vir jou ‘n boodskap
gee. Party mense kry ‘n gesig, n visioen, partykeer kry jy ‘n direkte
vertaling. Ek onthou die aand met ons Oujaarsaand diens toe suster Ina in
tale gepraat het en ek die uitleg gegee het. Ek weet nie vir hoeveel van u
het dit getref nie, maar die uitleg was presies dieselfde lengte. Dit was
woord vir woord, waar die stem opgegaan het by haar het die stem in die
uitlegging ook opgegaan en so aan.
Ou dokter Loock wat die aand in die diens was, hy was in sy jonger jare
self ‘n predikant in die Presbiteriaanse Kerk, het na my gekom en my
daaromtrent gevra. Hy sê, is dit nie verbasend, dit het my so getref dat
woord vir woord, was dit die selfde, die stemstyging en buiging, alles was
presies dieselfde. Daar het die Here vir my ‘n woord vir woord vertaling
gegee. Presies wat die Here deur die suster in die vreemde taal gesê het.
93

Toe ek nog gesoek het na die spreek in tale, toe onthou ek een broer saam
met wie ek gedoop was. Die Here het hom sommer byna onmiddellik
daarna gedoop met die Heilige Gees en ek het verskriklik gesukkel, dit het
my lank geneem voordat ek gedoop was met die Heilige Gees. Miskien
was dit my wetenskaplike agtergrond wat my gepla het, waar ek alles wou
uitwerk, ek weet nie. In elkgeval, net so het ek daarna gesukkel met die
uitleg van tale, toe vra ek hom eendag hoe gebeur dit met jou, hy het dit so
gou gekry, hoe het dit gekom. Toe sê hy vir my: “Brother, you just wait on
the Lord and God will give you a word or God will give you a vision or God
will give you an idea and you will know, it is super natural, and then at the
same time (en dit is vir my belangrik) you will feel an overwhelming,
backing up”. ‘n Geweldige stoot van binne, ‘n ondersteuning, en dit het my
baie gehelp sodat kort daarna toe iemand nou weer in vreemde tale praat,
toe kry ek dit en toe het ek in die geloof gepraat. Alles is geloof, die gawes
werk ook net deur geloof. As jy nie geloof het nie, sal dit ook nie werk nie.
So het dit toe begin en dikwels vandag nog as jy uitlê; gee die Here vir jou
net die eerste woord, of die eerste sin, dan moet jy, as jy daardie “backing
up” voel, spreek, die Here sal jou wys. Dit is jou uitleg daardie, jy moet
hom gee, dan moet jy in die geloof soos Petrus oor die boot se kant klim,
dat baie keer van sin tot sin, baie keer van woord tot woord, en andere sal
dit kan beaam, en ek praat van my eie ondervinding en partykeer van
woord tot woord dat jy nie weet wat die volgende woord gaan wees nie, en
dat jy daar kan vassteek en baie mense in die begin steek daar vas, want
hy skrik daarvoor. Terwyl hy hierdie woord sê weet hy nie wat die
volgende woord gaan wees nie.
Ons is gewoond om met die verstand te kyk, terwyl ek nou praat sit ek my
gedagtes agtermekaar, want ek maak nou vir u iets duidelik. Ons het die
Here se seën daarop gevra. Ek praat deur my gewone sinne, jy sit dit
agtermekaar om dit te verduidelik. Maar dit werk nie so met die uitleg van
tale nie, want dit kom deur die Gees. Jy moet God vertrou. Partykeer is
dit, as ek dit kan verduidelik; of jy hyg na jou asem, gaan die volgende
woord daar wees of gaan die volgende sin daar wees? Maar dan net
aanhou glo, dan is die volgende een daar en baie keer, van die woorde wat
uit jou mond uitkom, is jy oor verbaas. Dit is vir jou ‘n openbaring selfs
wanneer jy daardie woord in jou ore hoor wat oor jou lippe gekom het. Dit
is wonderlik! Loof die Here!
Dié wat al uitgelê het, weet dit is so. As jy nou neem toe Josef die drome
van die pottebakker uitgelê het, of toe Daniël die droom van Nebukadnésar
uitgelê het van die beeld en so aan. Baie keer werk dit ook so, dit pas ook
baie goed in by ons Afrikaanse woord van die uitleg van tale, nie die
vertaling van tale nie, want dit is nie die vertaling van tale nie. Dit is die
94

uitleg van tale sodat die Here, baie keer as iemand in ‘n taal gepraat het,
dan gee die Here vir jou die uitleg daarvan; van daardie idee of gedagte of
boodskap of beeld. Net om te beklemtoon, hoe weet jy dat dit nou jy is wat
gaan uitlê. Daar sal ‘n onmiddellike reaksie wees in die gees van diegene
vir wie God wil gebruik. Jy sal dit voel. Jy moet onthou, jy is ingestem.
‘n Ander baie belangrike punt, terwyl ons nou daarmee besig is en wat ek
nie genoeg kan beklemtoon nie, as jy werklik wil gebruik word deur God in
die uitleg van tale, moet jy ‘n diep gebedslewe met die Here lei. Jy moet in
aanraking wees met God, dat jou gees ingeskerp kan wees in die Gees
van God dat jy kan hoor en kan voel en kan weet as die Here vir jou
daardie druk gee en sê dit is jy. Terselfdertyd sal jou uitleg in tale en jou
gevoeligheid sal verskerp word namate jy ook deurdrenk word met die
Woord van God. Jy moet die Bybel baie lees.
Ek is daar seker van u sal met my saamstem, dit is nie net logies nie, maar
dit is ook redelik. Die ou Bybelboek die Woord, weet ons is deur die
Heilige Gees geïnspireer. Die Here Jesus is die Woord wat vlees geword
het en wat onder ons kom woon het. Hoe meer jy vol is van die Woord,
hoe meer raak jy vol van die Here Jesus en hoe meer raak jy vol van die
Heilige Gees. Ek meen, as jy darem ‘n stukkie lekkergoed kan eet wat
toegerol is in sjokolade, dan gaan jy definitief die smaak van die sjokolade
baie prominent proe. As ek dit so mag gebruik, as dit miskien nie baie
goed klink nie, dan moet u my maar vergewe. Maar die Woord van God is
toegedraai in die Heilige Gees. As u daardie woord dan eet, gaan jy
sekerlik ook die Heilige Gees in jou lewe smaak en proe en inneem en
daardeur raak jy ook al meer en meer vol van die Heilige Gees, deur vol te
raak van die Here se woord.
Die uitlêer moet geestelik reg wees met die Here.
1 Korinthiërs 13:1;
AL sou ek die tale van mense en engele spreek, en ek het nie die
liefde nie, dan het ek ‘n klinkende metaal of ‘n luidende simbaal
geword.
Nou wil ek net vir u op ‘n baie belangrike punt wys. Jy moet onthou
wanneer die Heilige Gees deur jou werk, die Heilige Gees is krag.
Romeine 11:29;
Want die genadegawes en die roeping van God is onberoulik.
Jy is nou gedoop in die Heilige Gees. Jy het die gawe van spreek in
vreemde tale, die gawe van uitleg van tale, die gawe van profesie ontvang.
Die Here het dit vir jou gegee. Dit is ‘n gawe, net soos enige van ons iets
vir iemand gee, dan gaan neem jy dit nie by hom terug nie. As jy vir jou
95

kind sy eerste sakmes gegee het en daardie seun gaan nou met daardie
sakmes baie gevaarlike dinge doen, dalk hier op jou huisraad begin kerwe
en daardie soort van ding. Jy sal dit ook nie maklik doen nie, maar jy sal
naderhand daardie sakmes by hom moet gaan vat. Jy gaan dit nie dadelik
neem nie en teen daardie tyd het hy al ‘n hele klompie skade gedoen
voordat jy dit geneem het.
Nou moet ek vir u waarsku, met die Heilige Gees is dit ook so. Dit is
presies wat die Apostel Paulus sê. Hy sê; “al sou ek die tale van mense en
engele spreek en die liefde nie hê nie, dan het ek ‘n klinkende metaal en ‘n
luidende simbaal geword”. Dit kry jy baie onder mense in Pinkster of wat
die pinksterondervinding gehad het. Hy moet onthou, hy het nou ‘n baie
groot voorreg, die Here het vir hom ‘n baie groot gawe gegee maar alles is
in die liefde, God self is liefde. As jy alles van God opsom, dan som die
Bybel dit op in hierdie een ding, GOD IS LIEFDE, dit is wat God is. Alles wat
ek met die Here te doen het moet ook daarin kan gekonsentreer word, die
liefde.
Nou het ek krag. Die Heilige Gees is krag. Daar is krag in tale, daar is
krag in uitleg, daar is krag in profesie. Maar nou moet ek dit in die liefde
gebruik. As ek dit nie in die liefde gebruik nie, ek raak miskien uit voeling
met die Here, ek het miskien geval vir ‘n versoeking, my saak met ‘n
medemens is miskien nie reg nie, maar nou lê ek nog uit, ek profeteer nog,
daar kan ‘n skerpte inkom. Daar kan iets inkom wat die Here in die eerste
instansie weet maar wat die gemeente sal agterkom en wat jy ook
naderhand sal agterkom, hier is iets wat nie reg is nie! Dit klink soos ‘n
klinkende metaal, dit word soos ‘n luidende simbaal en as dit maar al was,
sou dit al sleg genoeg gewees het, maar jy kan ook daarmee kwaad doen.
Jy kan daarmee skade doen net soos die sakmes wat jy vir jou seuntjie
gegee het. Dit is handig by die skool, hy kan sy potlood daarmee
skerpmaak, hy kan vir hom ‘n ou stokkie kerwe en hy kan daardie stukkie
biltong sny wat jy miskien vir hom saamgegee het skooltoe. Maar hy kan
ook kwaad doen daarmee, u sal dit nog sien in u lewe of in ander se
lewens of u het dit al gesien. Ek moet u baie prominent daarop attent
maak.
Tale, en dit is nogal iets wonderliks. Tale en die uitleg van tale is die
enigste twee gawes wat enig is in die huidige dispensasie. Al die ander
sewe gawes, kan jy voorbeelde van noem in die Ou Testament. Daar was
genesing in die ou Testament, ‘n woord van wysheid, van kennis, werking
van kragte ensovoorts. Maar in die Ou Testament was daar nie spreek van
vreemde tale en uitleg van tale nie. Dit is die enigste twee gawes wat
96

gekom het met die Nuwe Testament en vir my nogal iets wonderliks, dit is
die nuwe teken. Dit is pragtig, waarom moes die tale juis in die tong kom?
Hierdie twee tekens wat enig is in die Nuwe Testament!
Die tong, wat die grootste kwaad van alles in die mens kan doen en dat dit
juis die tong is wat die Here die pinksterwonder mee moes verklaar en
openbaar, dat dit deur die tong die wonder van die uitleg daarvan kon kom.
Jakobus 3:6;
Die tong is ook ‘n vuur, die wêreld van ongeregtigheid. Net so ‘n
plek neem die tong onder ons lede in; dit besmet die hele liggaam
en steek die hele lewensloop aan die brand en word uit die hel
aangesteek.
Dit handel oor die tong, is dit nie verskriklike woorde nie, kragtige woorde!
Woorde deur die Heilige Gees geïnspireer “is uit die hel aangesteek”, sal
dit dan nie logies wees dat in hierdie nuwe dispensasie waar die Here sy
liggaam saamstel waar die Here die mens werklik gebruik om die
heerlikheid en wonderdade van God te verkondig en te demonstreer, dat
Hy daardie lid van jou liggaam gevat het om die wonderwerk daardeur te
doen, die wonderwerk om te spreek in ‘n vreemde taal en die wonderwerk
om met daardie tong ‘n uitleg te kan gee wat nie deur die verstand kom nie,
maar wat direk van die Gees deur die tong kom. Dit is tenminste vir my
die verklaring van die oorwinning van die genade oor die menslike
verstand. Dat Hy die tong geneem het, die verstand uitgeskakel het en die
tong gebruik om sy lof te verkondig.
Die volgende punt waar baie teoloë nie oor saamstem nie, maar dit lyk asof
hulle begin regkom. Die uitleg van tale, net soos dus die spreek in
vreemde tale, is nog nooit van die kerk weggeneem nie. Net soos die
spreek en uitleg was in die dae van ‘n Paulus, soos die spreek en uitleg
was in die dae van die Nuwe Testament, so is dit nog vandag! Net so
nodig as wat dit was vir toe, so nodig en dalk nog nodiger is dit vir vandag.
Daardie twee gawes is nog nooit weggeneem nie, en soos ons gesien het
in 1 Korinthiërs 14:5, dat die uitleg van tale is gelyk aan profesie. Ons
moet ernstig daaroor bid.
1 Korinthiërs 14:5,13; (vers 13 net weer beklemtoon)
5 Ek wens dat julle almal in tale spreek, maar nog liewer dat julle
profeteer. Want hy wat profeteer, is groter as hy wat in tale spreek,
of hy moet dit uitlê, sodat die gemeente stigting kan ontvang.
13 Daarom moet hy wat in ‘n taal spreek, bid dat hy dit kan uitlê.
Daar is baie mense wat in tale spreek en ek wonder hoeveel van hulle bid
dat hulle dit kan uitlê. Hulle moet die Here vra dat hulle dit kan uitlê.
97

Kom ons kyk na Lukas 11:5-13, die gelykenis van die onbeskaamde vriend
wat nie ‘n “nee” wou aanneem nie. Jesus het dit gebruik om vir ons
daardeur te wys dat as die aardse vader dan goeie dinge vir sy kind sal
gee, hoeveel te meer sal ons Hemelse Vader die Heilige Gees gee vir die
wat Hom bid;( sien ons in vers 13).
As ons dan so aangemoedig word dat onse Hemelse Vader vir ons die
Heilige Gees sal gee as ons vir Hom bid. Net so as ons dan bid en sê:
“Vader gee my die uitleg van tale”, jy vra mos die Vader, net soos die kind
wat vir sy vader brood vra, hy nie vir hom ‘n klip sal gee nie ensovoorts.
Ons ken daardie gelykenis, as hy vir hom ‘n vis vra, sal hy nie vir hom ‘n
slang gee nie, en as hy ‘n eier vra, hy hom nie ‘n skerpioen sal gee nie; dan
maak Jesus die gevolgtrekking dat as ‘n aardse vader dan nie sulke dinge
sal doen nie, hoeveel te meer dan hulle Hemelse Vader!
Sal u nie met my saamstem nie, dat ons baie skade ly in onse Christelike
lewe omdat ons, ons hemelse se Vader nie in die geloof vir spesifieke
dinge vra nie en werklik daarop staan soos daardie kind wat honger is en
vra vir ‘n stukkie brood en mammie dit vir hom sal gee. Partykeer is
mammie besig, maar hy hou aan. Hy trek haar aan haar rok, val haar
lastig totdat sy tog maar gou daardie broodjie smeer en vir hom gee. Prys
die Here!
Ek voel ons is sulke vreemdelinge vir onse Hemelse Vader. Ons is nie in
‘n diep genoeg intieme verhouding met Hom nie. Ek voel, daar uit die
gryse verlede, in ons bloed is nog hierdie vreeslike ding wat die Kerk van
die eeue getref het naamlik dat God ‘n tiran is. God is ‘n wreedaard, God is
‘n wreker, God is die een wat dinge van jou wil weghou.
Het ons Here Jesus ons dan nie geleer dat God is ons Vader en Hy het ons
ook geleer bid in die modelgebed en gesê; so moet julle dan bid, “Onse
Vader wat in die Hemele is” ensovoorts? Vra die Vader vir die gawe van
uitleg van tale.
Hierdie gawes, en ons kan uit ondervinding praat, as die gemeente
bymekaar is en die Gees is reg en die spreek in tale is reg en die uitleg van
tale is reg, sal u met my saamstem dit bring die atmosfeer van die hemel in
daardie diens. Dit bring die atmosfeer van die liefde en van die krag en die
alomteenwoordigheid van God in daardie vergadering. Loof die Here!
Geen wonder dat die Satan hierdie dinge so beveg en ek kan nie verklaar
waarom dit ooit van die kerk af moes verdwyn nie. Maar ek dank die Here
dit is vinnig besig om terug te kom. Loof die Here!
98

Soos ek verlede keer alreeds gewaarsku het toe ons gepraat het oor die
spreek in vreemde tale, ons moet baie versigtig wees om persoonlike
leiding deur die spreek in vreemde tale in die uitleg te soek. In die eerste
instansie is die spreek in vreemde tale met die uitleg daarvan bedoel vir die
stigting van die gemeente. ‘n Mens moenie ‘n speletjie daarvan maak en
sê kom ons kom nou bymekaar en hoor wat sê die Here of ek wil leiding hê
van die Here. Kom ons bid tot iemand spreek in ‘n vreemde taal en iemand
dit uitlê. Daar kan baie maklik verwarring ontstaan en dit kan ook baie
maklik misbruik word vir verkeerde bedoelinge en ons het al van baie sulke
dinge gehoor.
As ek persoonlike leiding van die Here wil hê, die hele hoofstuk van
Johannes 16 sê die Here, die Heilige Gees het in elkgeval gekom om vir
ons in die hele waarheid in te lei.
Johannes 16:13;
Maar wanneer Hy gekom het, die Gees van die waarheid, sal Hy
julle in die hele waarheid lei; want Hy sal nie uit Homself spreek
nie, maar alles wat Hy hoor, sal Hy spreek en die toekomstige
dinge aan julle verkondig.
“Die toekomstige dinge aan julle verkondig”.
Die Here kan ook deur uitleg van tale of deur profesie jou waarsku oor
toekomstige dinge. Dit kan gebeur. Maar ek sou sê dit moet meer die
uitsondering wees as die reël. Maar my punt is vir persoonlike leiding, ons
moet baie, baie versigtig wees dat daar nie misbruik gemaak van word nie.
Tale en uitleg van tale in bidure is (my ondervinding), ‘n magtige seën.
Waar tale en uitleg kom wil ek van my ondervinding praat. Ek wil vir u iets
vertel. As dit ‘n herhaling is moet u my maar vergewe. Ek glo dit sal weer
vir u tot groot seën wees!
‘n Hele klompie jare gelede het daar eenkeer ‘n jong getroude paar by ons
tot bekering gekom onder moeilike en tragiese omstandighede. Hulle het
hulle kindjie verloor en so aan en hulle het begin om ons dienste by te
woon en is naderhand gedoop by ons. Eendag toe skakel die vroutjie my
en sy is in trane en ek sê, suster, wat gaan aan. Sy sê. “Pastoor Frans is
gevang en in die tronk”. Ek gaan toe na die polisiestasie en kry hom daar
in die selle. Ek sê toe, “Broer, wat maak jy hier”? Hy sê, “my slegte
verlede het my ingehaal”.
Toe vertel hy vir my wat ‘n vreeslike lewe hy gelei het. Hoedat hy
motorkarre en huisraad gekoop het, dan verdwyn hy daarmee ensovoorts.
99

Naderhand is hy uit op borg, en toe begin die groot hofsake. Dit is bedrog
en dit moes dien voor die hooflanddros in Johannesburg.
Ek moes hom natuurlik neem want hy het nie ‘n motorkar gehad nie, en het
al die hofsittings deursit. Toe kon ek naderhand begin sien dat die mense
wat die dinge teen hom het, besig is om die man vas te draai in ‘n hele web
wat hom probeer beskuldig van baie ander dinge waaraan hy definitief nie
skuldig was nie.
As hy daaraan skuldig was, sou hulle hom definitief toegesluit het vir ‘n
hele paar jaar. Teen daardie tyd het hulle 2 kinders gehad. Die saak het
aangehou en aangehou. Die dag voor die volgende sitting was dit biduur.
Dit was ‘n baie belangrike stadium in die verhoor. Die dag skakel sy vrou
en sy is weer in trane. Sy sê, “Pastoor, Frans se saak lyk baie sleg. Die
advokaat het hom onttrek aan die saak. Die hoofgetuie wat vir hom sou
getuig tot sy guns, wil nie meer getuig nie”.
Ek was so vol van die Gees en so in die dinge in gewees en ek sê, “Wel
suster, ek weet Frans is skuldig, maar nie in alles skuldig wat hulle teen
hom het nie. Ek weet nie eers of dit hofprosedure is nie, ek sal môre al die
dokumente gaan haal en as die landdros my sal toelaat sal ek vir hom pleit.
Ek sal die saak verder voorlê”.
Ek het alles so op my vingerpunte geken deur al die bywoning. Ek sê toe
ons moet die volgende oggend ekstra vroeg ry. Parkeer reg oorkant die
advokaat se kamers. Mens kan net tot ‘n sekere tyd daar parkeer. As ek
moet wegtrek, waar kry Frans my en as hy nog laat is vir die hof, tel dit ook
teen hom. Ek het vreeslik benoud begin word en net toe ek voel ek moet
die karretjie begin aansit toe kom Frans aangehardloop en ek sien net so ‘n
breë glimlag op sy gesig.
Laat ons net so ‘n bietjie teruggaan, die aand vantevore het ons biduur
gehad. Ons bid en die Gees van die Here was teenwoordig en iemand
spreek in tale op ‘n magtige wyse en die uitleg kom net so magtig en ‘n
deel van die uitleg was dit: “The Lord will comfound, the councel of the
enemy.” Die Here sal die raad van die vyand in verwarring bring! Nou moet
u dit onthou, dit was ‘n direkte profesie uitleg.
Wel, oor hierdie ding, wie se “enemy” kon dit wees? Wie se raad wat nou in
verwarring gebring word? Geen name was genoem nie maar dit is wat die
Here toe sê! Nou sit ek en wag dat Frans die dokumente moet bring dat ek
nou daarmee voor die magistraat kan gaan staan. Maar toe hy nou oor die
straat kom en ek sien hierdie breë glimlag van hom, toe voel ek hier is nou
ander dinge en hy kom en sê, “Pastoor, daar het wonderlike dinge gebeur”.
Hy sê daar het nuwe getuienis ingekom en die hoofgetuie vir Frans het ewe
skielik besluit om te getuig en die advokaat is vuur en vlam en vol moed en
die advokaat gaan aan. Ons is in die hof in en alles staan reg en die
hoofgetuie teen Frans word weer ingeroep. Maar jy kon met ‘n stok
aanvoel dat hy leuens vertel. Hy staan weer op en die advokaat vra hom ‘n
100

paar vrae en hy begin toe getuig. Ek weet nie of hy vir vyf minute getuig
het nie toe staan die aanklaer op. Hy sê, “Your worship, on a point of
order, the crown witness is embarassing the crown and I submit that we
withdraw the whole case”. Die magistraat slaan met sy hamer op die tafel
en sê, “Case withdrawn, case thrown out”. ( Dit was nog voordat ons ‘n
Republiek geword het.)
Toe is dit nie net ‘n kwessie van dat hy skuldig bevind gaan word nie, of dat
hy werklik skuldig is nie, die hele saak word uitgegooi, en Frans stap daar
heeltemal vry uit. Die Here het daardie man, (die hoofgetuie teen Frans) sy
hele getuienis was heeltemal in verwarring, presies soos die Here die aand
vantevore deur die uitleg gesê het.
Frans was skuldig, maar intussen het die man tot bekering gekom en hulle
was besig om dinge teen hom op te kook wat ver bokant was wat hy aan
skuldig was. Ek voel die Here het daarop ingegryp. Party mense sal sê
die Here is onregverdig, nee, daardie mense was onregverdig. Hulle wou
‘n ding op hom afdruk waar hy ‘n groot deel nie aan skuldig was nie. Dit is
presies wat die Here die vorige aand in die uitleg van tale gesê het.
Hierdie dinge is wonderlik! Ek het gevoel ek wil graag dit met u deel, dit
was ‘n ondervinding in my lewe wat niemand ooit kan wegneem nie want
dit het werklik gebeur.
Net soos deur ‘n profesie kan dit natuurlik ook die toestand van ‘n persoon
se hart openbaar soos dit sê in profesie. As daar geprofeteer word en daar
kom ‘n ongelowige in, en die toestand van sy hart word geopenbaar, dan
sal hy op sy aangesig val en erken dat God in julle midde is. Dit kan ook
geskied deur uitleg van tale.
Ons moet onthou, dat elkeen van ons, jy kan nie tot bekering gekom het as
jy nie geglo het nie. Dus, elkeen het alreeds ‘n mate van geloof en daarby
staan ek, so verstaan ek dit vir myself. As jy gedoop is in die Heilige Gees
dan het jy ‘n embrio, in die kiem het jy daardie gawes alreeds ontvang. Dit
moet nou net tot ontwikkeling kom. Jy moet nou net daarin glo en die Here
vra om dit uit te bring in jou lewe en wat die Here in jou lewe wil laat
opereer. Want die Here deel aan elkeen uit soos Hy wil.
Romeine 12:3;
Want deur die genade wat aan my gegee is, sê ek vir elkeen wat
onder julle is, dat hy nie van homself meer moet dink as wat ‘n
mens behoort te dink nie; maar dat hy daaraan moet dink om
besadig te wees na die maat van geloof soos God dit aan elkeen
toebedeel het.
101

Na die maat van geloof soos God dit aan elkeen toebedeel het. “God had
given to everyone a measure of faith”. Aan elkeen het die Here ‘n mate
van geloof gegee.
2 Thessalonicense 1:3;
ONS moet God altyd oor julle dank, broeders, soos dit billik is,
omdat julle geloof grootliks toeneem en die wederkerige liefde van
elkeen van julle almal groter word,
“Omdat julle geloof grootliks toeneem”.
‘n Mens se geloof kan en moet toeneem, iets wat lewe, het groei. U
moenie mismoedig word nie. ‘n Mens se geloof groei. Jou geloof groei
deur God se Woord.
Romeine 10:17;
Die geloof is dus uit die gehoor, en die gehoor is deur die woord
van God.
As jy God se Woord gelowig en eerbiedig lees, aanvaar en aanneem, dat
dit die woord van God is, en jy neem die woord in, sal jou geloof groei. Net
soos daardie kindjie groei, deur die kos en die lug wat hy inasem en soos jy
kom onder die geklank van God se Woord en deur jou gebedslewe en so
aan, so kan jou geloof groei! Baie mense sê: “ag ek het nie geloof nie”. Dit
is nie so nie. Baie mense se geloof groei nie want hulle doen niks daaraan
nie. Hulle lees nie genoeg hulle Bybel nie. Hulle bid nie genoeg nie, hulle
kom nie genoeg onder die geklank van God se Woord nie. Hulle meen nie
genoeg besigheid met die Here nie.
So ook in hierdie dinge sal ons geloof groei. Vir die uitleg van tale, omdat
uitleg van tale ‘n groter gawe is as die spreek in tale self, as jy spreek in
vreemde tale, dit het al geloof geneem om dit te doen. Goed, niemand
verstaan dit nie en al is dit net ‘n woord of drie waarmee jy begin, gaan
daarmee aan. Dit is jou begin.
Maar as jy nou kon uitlê, kan jy nie by een of twee woorde stop nie. Jy
gaan darem baie in die verleentheid voel as jy daar gaan vassteek. Dit
verg dus meer geloof vir die uitleg van tale as vir die spreek in vreemde
tale. Hoe groter die gawe, hoe groter die geloof wat vereis word. As jy
getrou is in die mindere dan sal die Here ook vir jou die meerdere gee, as
jy getrou is in die kleinere sal die Here ook vir jou die grotere gee. Dit is
tog maar met enige ding so.
Dit begin klein en word groter. Loof die Here, soek die Here, word gedoop
in die Heilige Gees. Begin spreek in vreemde tale en bid dat jy dit kan uitlê
102

en die Here sal dit vir jou gee. Dit verg ‘n diep gebedslewe, dit verg ‘n lewe
in die Woord en daardeur leer jy om die gedagte van die Gees te leer ken.
1 Korinthiërs 14:26;
HOE staan die saak dan, broeders? Wanneer julle saamkom, dan
het elkeen van julle ‘n psalm of ‘n lering of ‘n taal of ‘n openbaring
of ‘n uitlegging - laat alles tot stigting geskied.
Kan u sien wat die Apostel Paulus en wat die Heilige Gees dus deur hom
van die gemeente verg. Hy sê wanneer julle saamkom, met ander woorde,
elkeen, elke broer, elke suster, elkeen wat na die gemeente toe gaan wat
die diens bywoon, elkeen, “hoe staan die saak dan, broeders wanneer julle
bymekaar kom, het elkeen ‘n psalm, ‘n lering of ‘n taal of openbaring”
ensovoorts.
Kom ons bely voor die Here ten minste in ons gedagtes deur dit te erken.
Is dit altyd so met ons wanneer ons na die plek van samekoms kom, is ek
so voorbereid dat ek iets het wat ek saamvat. Vat ek iets met my saam na
die diens, ‘n taal, ‘n uitleg, ‘n openbaring, ‘n psalm, ‘n lering of wat ookal?
Dit is nie te sê dat jy dit dan juis moet gaan uitgee nie. Die feit net dat jy
iets het en elkeen iets het. Dink net hoe bekragtig dit daardie byeenkoms,
hoe maak dit al klaar ‘n tuiste vir die Heilige Gees sodat wanneer die
Heilige wind begin waai oor die gemeente dan (as dit geoorloof is om
hierdie illustrasie of beeld dan te gebruik), is die instrument, elke snaar, is
gespan en waar die Heilige Musikant dan sy vinger wil druk, of dit op die
broer is wat met ‘n openbaring gekom het of die suster met ‘n taal of die
ene met ‘n lering, dan het die Heilige Gees dit om te gebruik. Loof die
Here!
Kan u sien die verantwoordelikheid wat elkeen het. As ons gemeente dan
nie kom om die dinge geleer te word nie, dan gaan dit nie werk nie. Ek
moet u eerlik sê, dit is waarom dinge nie by ons werk soos dit moet nie.
Baie van ons eie mense, ons ou lede kon ek nog nooit kry om in ‘n
Bybelstudie te kom sit nie, dat hulle hierdie dinge kan leer en hoe hulle dit
kan weet en daaraan kan deelneem nie. Daarom is dit vir my ‘n groot
voorreg om mense soos u te hê maar nou moet julle ook onthou, julle
verantwoordelikheid, waar julle ook al gaan en waar julle bymekaar kom,
julle het nou die lering gekry. Onthou dit is ‘n verantwoordelikheid dat julle
ingestem sal wees wanneer julle na ‘n diens toe kom. Maak moeite om in
so ‘n posisie te wees.
Sover dit nou die uitleg is, het ek alreeds gesê, dit kan óf ‘n letterlike
vertaling wees óf ‘n vertolking wees, dit kan of langer wees of netso lank of
103

korter wees as die taal self. Ek het dit in die begin verduidelik. Hier is ‘n
ander wonderlike gedagte, het u al ooit gedink sover dit die spreek en
uitleg van vreemde tale betref; Ons Hemelse Vader ken al die tale wat in
die wêreld gepraat word soos Paulus sê, of dit tale van mense of engele is,
ons Hemelse Vader verstaan hulle almal en Hy ken hulle almal en Hy kan
verkies om deur sy Gees deur watter taal te praat wat Hy wil. As ons nou
byvoorbeeld in die dae van die Bybel praat, daar is gevalle, insidente waar
God gepraat het.
God het gepraat op die berg Sinai. God het met ‘n hoorbare stem gepraat
op Sinai. In watter taal het God gepraat? Ons neem aan Hy het in
Hebreeus gepraat. God het deur een van sy engele met Nebukadnésar
gepraat. Watter taal? Ons neem aan Chaldeës. Die Here het ook deur
een van sy engele, met Kores gepraat. Kores wat vir Babilon tot ‘n val sou
bring. Hy was die groot generaal. In watter taal? Heel moontlik in Persies
gepraat want hy was ‘n Pers. So verstaan die Here en kan die Here in alle
tale praat. Het u daaraan gedink, ek sê dit in alle liefde, God het deur ‘n
donkie gepraat met ‘n koppige Bíleam, ek neem aan in Hebreeus. Dat die
Here ‘n donkie Hebreeus laat praat, ‘n werklike taal. Is dit dan so vreemd
dat ons as mense in ‘n taal kan praat? Dat die Here ons dit kan laat doen,
as Hy ‘n donkie dit kon laat doen, kan Hy sekerlik vir ons dit laat doen. Hoe
almagtig en groot is ons God nie, kan Hy dan nie ons ook maklik laat uitlê
nie?
Kan Hy dan nie hierdie tong en mond van my neem om hulle te laat praat
soos Hy met die donkie gemaak het nie? U sal sien die Heilige Gees is
wonderlik, kan Hy dan nie in enige taal deur my praat en jou dit laat uitlê
nie? Kom ons glo die Here. Of ons nou geleentheid het of nie, kan Hy ons
verskillende woorde laat gebruik maar met dieselfde betekenisse.
Wat ek daarby bedoel is dit, hier is ‘n ander saak, baie mense struikel
daaroor. Hulle sê, wanneer hierdie broer uitlê, dan is dit in ‘n vreeslike
geleerde taal. Kyk, u moet hierdie saak baie goed verstaan, die Heilige
Gees verander nie jou natuur en jou geaardheid nie, ek bedoel nie sover
dit die wedergeboorte betref nie. Mense sê dat as dié broer in ‘n taal praat
is dit geleerde woorde. As jy ‘n professor in tale is, dit is jou gewone
gebruik, jy is so geleer, om verhewe taal te praat en te gebruik. Nou
gebruik die Here die professor om uit te lê. Nou gaan jou uitleg ook in ‘n
verhewe Afrikaans getooi wees. Nou gebruik die Here daardie ander ou
broertjie wat miskien maar std. 6 gehaal het, dan lê hy nou weer uit, sy taal
gaan nie so ‘n verhewe Afrikaans wees soos die professor sin nie. Dit mag
miskien ander woorde wees wat die twee sal gebruik maar as die Here die
boodskap bring, sal dit dieselfde betekenis hê.
104

As u nou lees en u daarop gaan instel, is dit een van die interessante
studies wat mense maak op Teologieseskool. As hulle byvoorbeeld Amos
wat ‘n beesboer was, se profesieë lees en vergelyk dit met die Spreuke van
Salomo, wat die slimste man was wat ooit geleef het, hy het sy slimheid
van God ontvang. Dan is dit wonderlik om die verskil in taal gebruik te
sien, al is albei in ons Bybel in Afrikaans vertaal. Maar Amos se manier
van praat en Spreuke en Hooglied se taal is heeltemal ‘n ander ding maar
dit is albei die boodskap van God.
Moenie vir u daaroor laat struikel as u partykeer byvoorbeeld sê, ‘n broer of
‘n suster in hulle gebroke Afrikaanse uitleg of profesie kom nie, luister na
die inhoud, luister wat is die boodskap en moenie vir u oor die taal gebruik
laat struikel nie, ek het dit maar net genoem want sulke gevalle kom voor.
Iets kostelik wat ek op ‘n kasset van D. Prince gehoor het, ek wil dit graag
net vir u uitbring:
Die Heilige Gees verander nie jou geaardheid nie. Jy moenie dink as jy
nou in ‘n vreemde taal gaan praat of uitlê of profeteer, dat jy nou eers in ‘n
beswyming moet kom nie, jy eers in ‘n verrukking van sinne moet wees en
jy weet nie wat jy sê nie. Jou verstand is baie aktief en dit is juis daar waar
baie keer die fout dan kom. Jou verstand kan meng met dit wat die Gees
sê. Die duiwel met sy bose geeste, as hy praat neem hy jou persoonlikheid
heeltemal oor. Sodat as mense met byvoorbeeld ‘n spiritistiese verrukking
of beswyming praat, dan het jy dit al baie gehoor (dank die Here ek was
nog nooit in so ‘n ding gewees nie en wil ook nie ) mense sê wat in ‘n
seance was, dat daardie medium, wanneer sy of haar leidende gees kom,
dan praat daardie persoon heeltemal in ‘n ander stem, ‘n stem wat hy sal
herken as dit sy pa of oupa sin of iets van die aard is, dit is ‘n ander stem,
die duiwel doen dit met jou. Die Heilige Gees doen dit nooit nie. Dit is die
groot verskil tussen die twee. Wanneer jy praat of uitlê of profeteer is dit
jou gewone stem, jou gewone temperament selfs.
‘n Petrus was vurig, hy was voortvarend. Die Here het nie daardie
temperament verander nie, die Here het dit gebruik en ingespan.
Johannes was sag van geaardheid, die Here het dit nie verander nie, die
Here het dit gebruik, geheilig, aangewend, dit sal ook uitkom in die uitleg
van tale en in profesie.
Dit is belangrik om dit te noem.
1 Korinthiërs 14:27;
En as iemand in ‘n taal spreek, laat dit dan wees twee of hoogstens
drie, en by beurte; en laat een dit uitlê.
105

Die Here wou nie tale en ook die uitleg beperk nie, maar die Here wou dit
ook reg gebruik. Die Here wou nie hê dat enige van die gawes die ander
moet oorheers nie of dat in ‘n diens, een ding oorheersend moet wees ten
koste van die ander nie. As jy iets ontvang het, veral ‘n groep wat jonk in
die dinge is, dan kan mens maklik in die versoeking val om uit balans uit te
raak. So moet ons, dit sê hier; “as die een praat in ‘n taal, laat ‘n ander een
dit uitlê, by beurte”. Die gedagte is hier, wat ek vroeër gesê het, ons
moenie vir onsself in ‘n posisie stel en sê, broer so en so is die uitlêer in die
gemeente, ander praat in tale, ek sal maar terug sit. Dit moenie so wees
nie. Elkeen moet ingestem wees. Elkeen moet op die Here wag, dat die
Here die een en die ander kan gebruik. Dit is jou gebalanseerde gemeente
en gebalanseerde diens, dit gee ook vir jou verskeidenheid, gee elkeen ‘n
kans om in die Gees geoefen te raak. Dit ook in so ‘n gemeente, moenie
hiervoor skrik nie, en dit vir u in u dop laat kruip nie.
Ons moet ook versigtig wees, jy kry ‘n tipe persoon wat voor op die wa is,
wat altyd eerste wil wees. Die Bybel praat ook daarvan. Jy sal uitleg van
tale en profesie van tale kry waar die hele gemeente sal voel dit is nie van
die Here nie. Dit is uit daardie persoon self. As ons almal op die Here
wag, sal jy daardie onderskeiding hê, maar dit sal ook op jou van
toepassing wees, dat jy nie dalk naderhand so gekonfyt sal wees met
profesie of uitleg, dat jy naderhand ‘n slordige geestelike lewe lei nie. Ek
gaan kerk toe, dit is mos ‘n gawe, dit werk. Nou praat iemand in ‘n taal en
sonder dat jy baie mooi op die Here gewag het, is jy sommer daar met die
uitleg, met die profesie en dan is dit nie in die gees nie en dit sal definitief
wys.
Jou gees gevulde broers en susters in die gemeente sal weet, sal voel,
daardie een was te lig, dit sal jou ook op jou hoede hou en op die punte
van jou tone dat jy nie sommer voortvarend met die saak is nie. Dit is ‘n
ernstige saak want dit is die Here wat daar moet praat in die gemeente.
Wat van die kwessie om self jou tale uit te lê? (Vers 27). Dit maak ruimte
dat daar nie altyd net een in ‘n taal praat en dat daar net een uitlê, dat dit
‘n kans gee vir meer as een om in ‘n taal te praat. As daar drie mense in ‘n
taal gepraat het en ‘n vierde een praat in ‘n taal al het jy dan ook die uitleg
of die gawe van uitleg dan as ‘n reël, die Here sal vir jou wys as daar
uitsondering is, moet jy nie daardie uitleg gee nie, dan sal jy daardie
persoon aanmoedig en jy sal die balans en die orde van daardie diens
omvergooi. Dit sal ook daardie een leer wat in ‘n taal praat, en party
mense wat te veel in tale wil praat om orde te handhaaf. Dit is die reël dat
daardie byeenkoms nie uit balans gegooi word nie.
106

Iemand wat in ‘n taal praat, kan iemand sy eie taal uitlê? Sou dit
onskriftuurlik wees? Nee. Daar kan oomblikke wees waar jy in die taal
praat en dit ook self uitlê. Dat om een of ander rede die Here dit óf
weerhou van andere wat die gawe het óf dit kan wees dat die Here ‘n
boodskap wil gee en dat daar nie ‘n uitlêer is nie en jy wat self in die taal
praat, jy dit self moet gee.
Nou kan gesê word waarom jy dan nie sommer direk geprofeteer het nie?
Dit is ‘n ander diep saak. Jy sal vind dat die spreek in vreemde tale, dit is
wat wonderlik is, hierdie geringste gawe van die gawes, dat dit nie verag
moet word nie. Dit is asof die spreek in tale die stimulus is vir die ander
gawes. Daar is partykeer ‘n traagheid in ‘n diens, daar kan nie koers gekry
word nie, selfs in jou eie gees. Hy wat in ‘n taal spreek stig homself en dat
jy dan in ‘n taal praat en dat die Here eers dan vir jou ‘n uitleg gee, as jy nie
in ‘n taal spreek nie, het jy ook nie ‘n profesie gehad nie. Dit werk baie
keer so. So, jy kan ook jou eie uitleg gee.
Kom ons kyk na die Skrif daarvoor.
1 Korinthiërs 14:5,13;
5 Ek wens dat julle almal in tale spreek, maar nog liewer dat julle
profeteer. Want hy wat profeteer, is groter as hy wat in tale spreek,
of hy moet dit uitlê, sodat die gemeente stigting kan ontvang.
13 Daarom moet hy wat in ‘n taal spreek, bid dat hy dit kan uitlê.
“Is groter as hy wat in tale spreek of hy moet dit uitlê”.
So, hy wat in tale spreek moet dit kan uitlê sodat die gemeente stigting kan
ontvang. Sien u, hy wat in tale spreek kan dit ook uitlê. Daar is partykeer
‘n traagheid in die diens, selfs in jou eie gees. Hy wat in ‘n taal spreek stig
homself. As jy nie in die taal spreek nie, het jy ook nie die profesie gehad
nie. Jy kan ook jou eie uitleg gee, dit kan in die gemeente geskied, en dit
sal nie buite orde wees nie, maar oor die algemeen verkies die Here dat
die een in ‘n taal spreek en die ander dit moet uitlê sodat jy hierdie idee van
mededeelsaamheid kan kry.
Soos jou liggaam, van jou hoof tot jou voetsole, hoeveel ledemate het jy.
Elkeen het sy funksie om te vervul en die een kan nie die ander verag nie
en die een kan nie vir die ander sê ek het jou nie nodig nie. Net so wil die
Heilige Gees nie hê dat daar een dominerende persoon in ‘n gemeente
moet wees nie. Al het hy ook al nege die gawes dat hy sommer nou almal
in werking moet stel nie. Al kan daardie nege gawes, sê veral in ‘n jong
groep, miskien in die een wat daardie groep gestig het baie beter
funksioneer as in enige een van die jongklomp wat nou net begin het.
107

Die uitleg kom miskien stamelend, om enige van die ander dinge te
beoefen, is miskien huiwerig, maar dit moet geskied. Ons moet op daardie
manier die liggaam as ‘n liggaam laat funksioneer! Dit is God se bedoeling
met die liggaam, die gemeente is die Here se kosbaarste skat op aarde.
Net soos ons eie liggame, ook ons kosbaarste skat is.
1 Korinthiërs 14:12,26; (ons moet met mekaar deel)
12 So moet julle ook, terwyl julle streef na geestelike gawes, probeer
om uit te munt tot stigting van die gemeente.
26 HOE staan die saak dan, broeders? Wanneer julle saamkom, dan
het elkeen van julle ‘n psalm of ‘n lering of ‘n taal of ‘n openbaring
of ‘n uitlegging - laat alles tot stigting geskied.
Moenie dink jy is nou die uitsondering, jy kan nou net sit nie, en dink jy is
nikswerd of jy kan niks doen nie. Soek die Here en kyk wat die Here vir jou
het om te bring. As dit aan ‘n stille gebed is, dan bid jy daardie gebed. As
dit dan is terwyl een in ‘n taal praat en jy moet uitlê, dat jy die bloed van die
Here pleit, maar werk saam! Wees lewendig, wees aktief in daardie
byeenkoms.
Laat ons dan in hierdie laaste dispensasie almal preek. Almal waarsku, die
koms van die Here is naby. Hoe lank word daar nog vir ons gegee, weet
ons nie. Die Here wil nog voor sy koms aan die wêreld sy volmaakte
gemeente openbaar. Die Here wil nog sy gemeente laat sien. As die Here
se gemeente in werking is gaan u nog sien watter magtige herlewing daar
gaan kom en hoe ‘n magtige en heerlike bekering daar nog gaan wees.
Ons wat gelowig geword het, ons glo en ons wil die Here Jesus se
heerlikheid nog aan die wêreld geopenbaar sien voordat dit te laat is. Laat
ons dan gebruik maak van hierdie geleentheid, laat ons onsselwers gee
aan die Here, laat ons nie ongelowig wees nie. Laat ons nie sê, hierdie
dinge verwerp ek nie want dit staan in die Bybel, maar dit lyk vér bokant
my, moenie so sê nie, dit is die duiwel se leer. Net die feit dat die Here u
hierdie dinge laat hoor, is vir u al genoeg bewys dat die Here dit vir ons wil
gee.
Loof die Here dat ons liefde sal hê vir mekaar, verdraagsaamheid teenoor
mekaar; daar sal baie foute kom, ook in ‘n pinksterdiens, moenie sê;
hierdie klomp is nou ‘n klugspel, of dit of dat nie. As u oortuig is dat die
saak eerlik bedoel is, dat daar probeer word om volgens God se woord te
handel, gee dan u krag, u liefde, u energie, van u tyd, u verdraagsaamheid,
gee u samewerking. Sê: “Here, vir hierdie saak gaan ek staan en deur U
genade sal ons Here Jesus in sy liggaam verheerlik en geopenbaar word
voordat Hyself in sy eie liggaam op die wolke verskyn.
108

Laat ons dan deur sy genade wag vir daardie dag dat Hy ook vir ons sal sê,
mooi so, goeie en getroue dienskneg / maagd, oor weinig was jy getrou oor
veel sal ek jou aanstel.
109

[Kasset nr. L012]
Hoofstuk 6
Die Gawe van Profesie.
Ons gaan nou die gawe, die woord van profesie behandel. Dit is die derde
gawe wat ons behandel in die groep in die drie spreek gawes of inspirasie
gawes soos hulle ook genoem word. Die ander twee is die spreek in tale
en die uitleg van tale.
Die spreek in tale en die uitleg van tale is ekwivalent aan profesie, maar
profesie is ‘n groter gawe in daardie opsig as spreek in tale of uitlê van tale.
Ons glo en vertrou soos ons die Here se seën gevra het, die Here ons
ryklik gaan seën in die bespreking van hierdie wonderlike onderwerp, want
dit is ‘n magtige gawe om te hê. Soos ek al vir u gesê het, in hierdie laaste
dae waar almal sê die wederkoms van Jesus Christus is op hande. As ons
kyk na wêreldgebeure is dit donker en duister.
Menslik gesproke volgens die profete is dit presies hoe die toestand sal
wees kort voor die wederkoms van ons Here Jesus, wat vooraf gegaan sal
word deur verskriklike dinge wat oor die aarde gaan kom, maar Jesus het
gesê as julle hierdie dinge sien gebeur hef dan julle hoofde op want julle
verlossing is naby.
Dit alles, as ons kyk na die toestand van die kerk oor die algemeen, ons
gemeente ingeslote, dan moet ons erken, as ons, ons ondervinding en
stand van sake vergelyk net soos ons dit in die Bybel sien, moet ons erken,
sien ons onsself maar nog baie krom en skeef en onvoldoende. Het ons
Here Jesus dan nie gesê: “Ek sal my gemeente bou en die poorte van die
doderyk sal dit nie oorweldig nie”. Het Hy dan nie gesê Hy sal sy
gemeente hê sonder vlek en sonder rimpel nie?
As die gemeente dan in die toestand is wat hy vandag is en die wederkoms
van die Here Jesus is net om die draai, is daar dan nie wonderlike
verwagtinge wat ons behoort te hê aangaande die gemeente nie? Is dit
dan nie tyd vir ons om van harte in te stem en te sê: “Here, hierdie dinge
moet dan nou spoedig begin plaasvind en ek wil geen remminge in my eie
lewe hê nie”. Want onthou, die gemeente bestaan uit die lede afsonderlik,
daar is geen gemeente sonder die lede van die gemeente nie. Die
gemeente is u, is ons, en as elke lid, veral die wat die lig ontvang het nie sy
funksie vervul nie, is daar nie ‘n gemeente nie.
110

Ons is nou by die gawes van die Heilige Gees. Ons het die Lig en die
Woord van die Here ontvang. Daarom is daar ‘n groot verantwoordelikheid
maar daar is ook ‘n groot gebeurtenis wat vir ons voor die deur staan. Dit
is tog die Here se belofte.
Nou die gawe van die woord van profesie.
Ek wil hê u moet net weer hierdie belangrike punte onthou.
1) Hierdie gawe, die woord van profesie, en let daarop dit is vir die
gemeente en dit het natuurlik dan sy baie belangrike implikasie wat
daaruit voortvloei vir die gemeente.
2) Dit is ‘n woord wat jy uitspreek onder inspirasie, maar dit is
bonatuurlik. Maar soos wat jy in tale ook woorde uitspreek onder
inspirasie, maar jy praat in ‘n taal wat jyself nie verstaan nie, dit is vir jou
‘n vreemde taal waarin jy praat. Profesie is net so bonatuurlik en
wonderbaarlik. Dit kom ook by wyse van inspirasie, maar jy praat in ‘n
taal wat jy verstaan en dit word ook netso bonatuurlik vir jou gegee soos
met die gawe van die spreek in tale of die gawe van uitleg in tale en het
jou intellek of verstand niks daarmee te doen nie, in die sin van die
bonatuurlike uitspraak.
U sal dit verderaan sien en dit gaan een van my waarskuwings wees. Jou
intellek, dit het daarmee te doen, dat hy hom hinder en kan vertroebel want
terwyl jy praat verstaan jy wat jy praat, en as jy verstaan en enigiets wat jy
kan verstaan is vir jou verstand dan duidelik en kan jou verstand daardeur
in werking kom en dit is waar daar fout kan kom met hierdie gawe en dit is
daarom dat ons ook sal sien dat die Apostel Paulus skryf aan die
Korinthiërs, dat as een profeteer dan moet die ander een dit beoordeel
want dit kan foutief wees.
Die fout lê nie by die inspirasie van die Heilige Gees nie, in die mate van
waar dit suiwer deurkom, is dit suiwer, maar dit moet dan filtreer deur jou
verstand. Die moment wat jy die woord hoor verstaan jy dit. Dit beïnvloed
jou gedagte en dit kan dan weer jou spreek beïnvloed. Dit is net iets wat
ek u aandag op wil vestig en wat u prominent in gedagte moet hou, by die
behandeling van hierdie gawe. Dit is baie, baie belangrik. Onthou dit is
bonatuurlik. Dit is ‘n wonderwerk net soos enige van die ander gawes.
Ons moet meer ons oog gevestig kry op die God van wonderwerke.
Ons God is ‘n bonatuurlike God, hou die feit in gedagte. So, die gemeente
behoort ‘n bonatuurlike organisasie te wees. In die gemeente moet die
bonatuurlike van God tasbaar wees. Die ongelowige, wat in jou gemeente
inkom moet dadelik die bonatuurlike, die werklikheid van God gewaar word.
U moet onthou ons is die verteenwoordigers van die Lewende God hier op
aarde. Jesus het gesê: “Soos wat die Vader My gestuur het, so stuur Ek
111

julle”. Die gemeente wat sy liggaam is, is in sy plek hier op aarde en
daardie gemeente, gelei en gevul en deurdrenk met die Heilige Gees, bring
die teenwoordigheid van God in hierdie ou wêreld. Daarom behoort dit so
te wees dat as ons bymekaar kom en ‘n behoeftige of ongelowige kom in
die gemeente, behoort hy in aanraking met God te kom.
Daar is ‘n boek (onverkrygbaar) Darkness and Dawn geskryf deur F.W.
Farral. Daar beskryf hy (Hy het ‘n diep navorsing gedoen oor die eerste
gemeente wat daar in gebeur het, in die katakombes van Rome en daardie
plekke, en hoe daardie gemeente bymekaar gekom het. Hy beskrywe dit
pragtig in die een plek waar een van die prinse van die huis van die Keiser
(Paulus skryf mos van die mense in die keiser se huis in sy sendbriewe)
deur een van die bediendes een aand na die katakombe geneem is waar
die klompie in die geheim die Here aanbid het. Toe hy daar inkom was
iemand besig om in ‘n vreemde taal te praat. (Dit is alles uit die
geskiedenis wat hy hierdie feite versamel het en in sy voorwoord sê hy al
hierdie feite is outentiek) Die teenwoordigheid van die Here was so kragtig
dat hy daar amper onmiddellik in ‘n beswyming geval het.
Ons het die dinge ook al gesien in die begin stadium van ons eie groepie,
dit was aan die orde van die dag. Mense het skaars by ons byeenkomste
ingekom dan was hulle platgeslaan en ek sê dit tot eer van die Here. Ek
dank God ons het hierdie dinge gesien en ondervind. Terwyl ek die Here
se woord verkondig het, het mense van hulle stoele afgeval onder die krag
van die Heilige Gees. Vreemde mense het nie geweet wat gebeur met
hulle nie.
Ons kan ook net sê:
Lord bring back those happy days
When the Holy Ghost fell in every place
And the love of God shone on every face
Lord bring back those happy days.
1 Korinthiërs 12:10, 31;
10 aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
31 Maar beywer julle met die oog op die beste gawes; en ek wys julle
‘n nog uitnemender weg.
Daar is baie besprekings en meningsverskille oor wat is nou die beste
gawes. Ek voel die beste gawe is die gawe wat vir daardie spesifieke
oomblik nodig is. As jy onderskeiding nodig het in ‘n sekere geval dan is
jou beste gawe op daardie oomblik die gawe van onderskeiding van geeste
112

en as daar genesing nodig is, dan is jou beste gawe op daardie oomblik die
gawe van die genesing van siekes. Net so met profesie, ons sal sien wat is
een van die funksies van die gawe van profesie soos wanneer ons daarby
kom dan sal ek u daaraan herinner omdat dit daardie funksie is wat ons sal
by kom, is vir daardie oomblik vir daardie situasie, dan is daardie gawe dan
die beste want daardie gawe kan weer lei na ander gawes en ander
openbaringe.
1 Korinthiërs 12:10;
aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
“En aan ‘n ander profesie” -- die woord profesie in Hebreeus is “naba” wat
beteken om voort te vloei, ‘n druppel te laat val of om op te hef. In Grieks
van die Nuwe Testament is die betekenis om namens iemand anders te
praat, om iemand anders se mond te wees, “To be someone else's
spokesman”. Profesie is een van die 3 vokale gawes van inspirasie.
Blykbaar is die gawe van profesie die belangrikste van die 3 vokale gawes
aangesien dit in die Woord nie minder as 22 keer gevind word vanaf
Hoofstuk 11 tot 14 van 1 Korinthiërs nie. Nie net dui dit daarop dat dit die
belangrikste inspirasie gawe is nie, maar ook dat die regulasie daarvan
uiters noodsaaklik is.
Hoe skerper die stuk gereedskap is, hoe versigtiger moet dit gehanteer
word. Profesie is die uitspreking van die goddelike sin en nie die verstand
van die mens nie. Dit is geheel-en-al bonatuurlik.
1 Korinthiërs 12:7; 1 Kor. 14:31;.
7 Maar aan elkeen word die openbaring van die Gees gegee met die
oog op wat nuttig is.
31 Want julle kan almal een vir een profeteer, sodat almal kan leer
en almal bemoedig word.
“Want julle kan almal een vir een profeteer”, verklaar dat almal kan
profeteer. Daar sien ons al klaar ‘n groot betekenis. Dit is bedoel nie net
vir die teoloog nie, maar ook vir die eenvoudigste lidmaat in die gemeente.
(Dit is baie belangrik)
Dit is juis ons probleem vandag. Ek het niks daarteen om geleerd te raak
nie, dit is ‘n groot voorreg en ook ‘n groot aanwins solank as ons
geleerdheid dan nie staan in die plek van die Gees van God nie. Jy kan in
jou gemeente die slimste geleerde hê in teologie of wat, jy kan die mees
ongeletterde persoon in die gemeente hê en dit sal vir die Heilige Gees
geen verskil maak deur wie Hy gaan praat sover dit sy gawe betref nie
113

want Hy het nie ons verstand nodig nie. Maar aan die ander kant sal dit in
baie opsigte vir die Heilige Gees makliker wees om deur die ongeletterde
te praat en ‘n suiwer boodskap te bring as juis deur die hooggeleerde.
Want juis omdat dit nie ‘n saak van die verstand is nie, is ons so geneig om
ons eie idees en opinies te hê en dit dan in teenstand te bring teen die van
die Gees van God. Die bedoeling hier is dat jy nie ‘n teologiese opleiding
nodig het of geleerd te wees om te kan profeteer nie want jou verstand is
nie ter sprake nie. Dit is die Heilige Gees wat deur jou gaan praat, jy moet
net die kanaal wees.
Ek wil dit ook nog graag hier inbring, daar is so baie wonderlike aspekte en
ek wil nie graag daarvan verloor nie. U moet ook baie goed onthou ek het
dit ook beklemtoon toe ek gepraat het oor die uitleg van tale. Die Heilige
Gees gooi nie jou temperament of geaardheid weg nie. Jy word
terselfdertyd, alhoewel jou verstand uitgeskakel word, nie ‘n hulpelose,
onaktiewe pion in die hand van die Heilige Gees nie. Onthou dit is juis hoe
die spiritisme werk (bose geeste) - om so oor te neem dat jy geen beheer
het nie. Soos jou mediums wat self met die stem praat van sy “guiding
spirit” en daardie soort van ding, dit is wat met hulle gebeur, dat daardie
persoon se persoonlikheid heeltemal uitgeskakel word.
Wanneer jy profeteer word jou geaardheid nie uitgeskakel nie. Die Heilige
Gees sal nie deur die teoloog op dieselfde manier spreek as deur die
ongeletterde persoon nie. Die teoloog en die geleerde persoon het ‘n
goeie woordeskat en taal teenoor die ongeletterde persoon, die het ‘n
eenvoudige woordeskat, die Heilige Gees sal nie daardie deel uitskakel nie
maar sover dit die inhoud van die boodskap betref is dit bonatuurlik. U
moet dit goed verstaan, sodat u nie miskien daaroor struikel nie as jy
miskien in die gemeente hoor die een wat profeteer praat in ‘n pragtige
wonderlike taal en ‘n lieflike woordeskat en die een in ‘n gebrekkige
woordeskat. Dit is nog jou mond, jou taalkennis en jou temperament, die
Heilige Gees gebruik dit Hy gooi dit nie oorboord nie.
Dieselfde met die uitleg van tale, is in baie opsigte ook van toepassing op
profesie. Partykeer sal die boodskap direk kom dat jy sal praat onder die
ontploffingskrag binne in jou van die Heilige Gees. Op ‘n ander moment
sal die inspirasie op jou kom en die Here sal vir jou ‘n visioen gee wat jy
dan self moet uitbring en sekerlik sal die geleerde daardie visioen op een
manier vertel en die ongeleerde op ‘n ander manier van taalgebruik maar
die idee sal dieselfde wees. Met so ‘n lieflike gawe wat bedoel is om
stigting en troos aan die gemeente te bring kan ‘n mens verwag dat die
vyand alle pogings sal aanwend om dit sy skyf te maak.
Derhalwe wil ek ‘n paar verkeerde begrippe hier duidelik stel.
114

Punt 1
Die gawe van profesie word verwar met die profetiese bediening.
Dit is noodsaaklik dat die verskil vasgestel moet word. Ons het reeds in 1
Korinthiërs 14:31 gemerk “ dat julle almal kan profeteer”, dit beteken tog
egter nie dat alle lede profete word nie. Die eenvoudige gawe van profesie
wat bedoel is om woorde van stigting en troos en bemoediging aan ‘n
gemeente te verskaf, maak sekerlik nie van ‘n eenvoudige lid, ‘n Jesaja,
Eségiël, Daniël of Dawid nie. Veel meer kwalifikasies word benodig om
aan ‘n persoon die bediening van ‘n profeet te verskaf.
As ons kom by die bedieninge, “offices”, is daar 5 bedieninge:
Apostel, Profeet, Herder, Leraar en Evangelis.
Een van die bedieninge is die van profeet. Wanneer jy profeteer deur die
gawe van profesie, maak dit nie van jou noodwendig ‘n profeet nie. Dit is ‘n
bediening wat deur die Here self daar gestel is.
‘n Lieflike wyse om dit te stel is;
Die bediening is die gawe van die Here Jesus aan die gemeente.
‘n Gawe is die gawe van die Heilige Gees aan die individu.
Jou bediening is die gawe van die Here Jesus. Hy gee daardie bediening.
Hy sal sy persoon uitkies wat Hy aan die gemeente sal gee as apostel,
profeet, herder leraar of evangelis, maar jou gawe is ‘n gawe van die
Heilige Gees aan die individu, aan die enkeling en dit moet jy ontvang deur
die geloof. Dit is duidelik volgens Efésiërs 4:11 dat almal nie profete in die
groter sin van die woord kan wees nie.
Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
Daar kan u sien wat ek nou net genoem het, “en Hy het gegee sommige as
apostels, ander as profete”.
Verder vestig ons die aandag daarop dat die bedieninge, gawes is wat deur
Jesus aan sy gemeente gegee word. Profesie as ‘n gawe van die Heilige
Gees is wel iets anders. Ons lees in die Nuwe Testament dat Filippus 4
dogters gehad het wat die profetiese gawe besit het.
Handelinge 21:9;
En hy het vier ongetroude dogters gehad wat die profetiese gawe
besit het.
Net in die volgende vers word gepraat van ‘n sekere Profeet Ágabus (vers
10). In die vorige vers praat hy van die 4 dogters wat die profetiese gawe
van die Heilige Gees besit het. Die dogters het die profetiese gawe van die
115

Heilige Gees besit terwyl Ágabus afgesien van die Heilige Gees gawes ook
as ‘n profeet deur Jesus aan sy gemeente toevertrou was.
‘n Profetiese amp het dus ‘n veel groter omvang as die gawe van profesie
soos behandel in 1 Korinthiërs 14. By wyse van aansporing, ek spreek
myself net soveel aan soos enige van u, stem u saam, hierdie dinge moet
terugkom na die gemeente. Gaan u uself dan waarlik aan die Here wy?
Laat ons, ons dan aan die Here wy en sê: “Here, hierdie dinge gaan
terugkom na U gemeente en die deel wat ek daarin het om te vervul deur U
genade en U krag gaan ek vervul.” En Hy wat jou roep sê: “Die Here se
woord is getrou, Hy sal dit self ook doen”. Laat u vir uself as visioen stel
die gemeente, ek bedoel nie jy moet eng wees nie, ek bedoel nie net ons
gemeente nie, ek bedoel die gemeente die Here se kerk, die Here se
liggaam, dat ons hom sal sien en daarvoor sal bid en beywer vir ‘n
gemeente met die nege gawes, die vyf bedieninge en waarvoor sal ons
skaam wees?
Die Bybel het gesê Ágabus was ‘n profeet. Ons sal sien waar hulle praat
van die ander wat leraars was, evangeliste ensovoorts. Dat daardie man in
daardie bedieninge so uitkenbaar was dat jy sal sê daar is ‘n apostel, daar
is ‘n leraar. Hoe het ons hulle nie nodig nie! Waarom sal die Here hulle nie
vir ons gee nie?
Dan die 3de van die wonderlike groep en miskien die sement wat dit alles
aanmekaar sal hou is die nege vrugte wat ons sal behandel. Die nege
vrugte vloei almal uit een vrug naamlik die liefde. Die Apostel Paulus sê
aan die Kolossense, die liefde is die band van volmaaktheid. Die liefde in
die gemeente, die ware goddelike liefde, die “agape” liefde, is die liefde wat
al hierdie dinge sal vasbind. Dit is jou ware ideale gemeente.
Punt 2.
Nog ‘n wanopvatting is dat daar deur dié besondere gawe van die
Heilige Gees noodwendig voorspellings moet geskied.
Dit is ‘n belangrike punt hierdie. Dit is ‘n dwaling wat na die tyd van die
apostels by sommige posgevat het. Voorspelling kan geskied maar slegs
wanneer die gawe van ‘n woord van wysheid gepaard daarmee in werking
tree. ‘n Pragtige voorbeeld van die gewone en eenvoudige gawe van
profesie volgens 1 Korin-thiërs 14 word gevind in Lukas 1:46-55. Dit is in
verband met die geboorte van Jesus toe die Heilige Gees op Maria gekom
het en toe sy begin profeteer het. Net by een geleentheid in hierdie
gedeelte neem die groter profesie deur ‘n woord van wysheid oor toe Maria
voorspel het dat alle geslagte haar in die toekoms sal salig noem soos in
vers 48. Wanneer hierdie voorspellings dikwels in ‘n profesie voorkom,
116

mag dit wees dat so ‘n persoon deur Christus geroep en aangestel word tot
die amp van profeet.
Punt 3
‘n Derde dwaling is dat ‘n profesie leiding verskaf.
Volgens: 1 Korinthiërs 14:3 verskaf die gawe van profesie geen leiding nie.
Maar hy wat profeteer, spreek tot die mense woorde van stigting
en troos en bemoediging.
Die hoofdoel van profesie is om woorde te spreek van stigting en troos en
bemoediging.
In die Ou Testament het die profete voorspellings gedoen en ook leiding
verskaf.
In die Nuwe Testament mag ‘n profeet, soos in die geval van Ágabus, ‘n
voorspelling doen maar verskaf geen leiding nie.
Handelinge 21:10-14;
10 En onderwyl ons baie dae daar oorgebly het, het ‘n sekere profeet
met die naam van Ágabus van Judéa afgekom.
11 En toe hy by ons kom, neem hy die gordel van Paulus en bind sy
eie hande en voete en sê: Dít spreek die Heilige Gees: So sal die
Jode die man wie se gordel dit is, in Jerusalem bind en in die
hande van heidene oorlewer.
12 En toe ons dit hoor, het ons saam met die broeders van die plek
hom gesmeek om nie op te gaan na Jerusalem nie.
13 Maar Paulus het geantwoord: Wat doen julle dat julle ween en my
hart week maak? Want ek is bereid nie alleen om gebind te word
nie, maar ook om in Jerusalem te sterwe vir die Naam van die Here
Jesus.
14 Toe hy dan nie oor te haal was nie, was ons tevrede en het gesê:
Laat die wil van die Here geskied!
Die punt hier is dit:
In dié gevalle van die Ou Testamentiese Profete, het hulle nie net alleen
die toekoms voorspel nie, maar ook leiding geneem, raad gegee, die
mense gesê wat hulle moes doen.
Hier het Ágabus gekom en hy het deur daardie simboliese wyse, deur die
gordel te neem en homself te bind daardeur voorspel hoedat die man aan
wie hierdie gordel behoort het (Paulus) so gebind sou word. Dit is ‘n
definitiewe profesie aangaande die toekoms. Hy het die profesie gegee en
die res oorgelaat aan Paulus self en die ander soos ons dit hier sien en dit
is ‘n belangrike aspek van die Nuwe Testamentiese profeet.
As die Here dan werklik van ‘n persoon ‘n profeet maak of deur hom en ook
deur die profetiese gawe die toekoms openbaar, dat dit dan daarby sal bly
en dat persone wat dit gehoor het hulle eie gevolgtrekking moet maak en
eie handeling toepas.
117

Punt 4.
Nog ‘n verkeerde begrip is, dat profesie gewone prediking is.
Dit was tot onlangs, tenminste, vry algemeen deur die groot kerke gehuldig,
die wat die gawes verwerp. Hulle sê daar is nie so iets soos profesie soos
julle Pinkster mense verstaan nie. Profesie is maar net soos gewone
prediking van die Woord. Dit is heeltemal ‘n verkeerde begrip. Mense wat
die oorspronklike tale ken en daarop ingegaan het wys ook daarop dat dit
heeltemal twee verskillende woorde is wat in die oorspronklike Grieks
daarvoor gebruik word. Profesie is geen gewone prediking nie.
Om dit so te stel beteken om dit te beroof van die bonatuurlike karakter.
Elke vertaler is daarvan bewus dat die woorde “preek” in die oorspronklike
tale waarin die Bybel geskryf is, heeltemal ander woorde is as dié wat
gebruik word van profesie. “Prediking” is volgens die Griekse woord asook
die Hebreeuse woord “om die Skrifte te verklaar en die evangelie te
verkondig”. Prediking en profeteer is verskillend. Preek is nie profeteer nie
en profeteer is nie preek nie.
Preek mag goddelik wees veral as dit onder die salwing van die Heilige
Gees plaasvind, maar profesie is net so bonatuurlik van aard as die spreek
in vreemde tale of die uitleg daarvan. Jou werklike ware prediking behoort
in elke geval altyd in die krag van die Heilige Gees te wees.
Die salwing van die Heilige Gees behoort altyd op die prediker te rus en jy
behoort altyd die Heilige Gees daarin te kan gewaar word en daarom moet
ons ook so baie vir ons predikers bid want dit is alleen genade van die
Here wat dit vir hulle kan gee want jou prediker is ook maar ‘n mens net
soos jy. As jy dink aan al die storms wat baie keer in jou aangaan, as jy in
diens is of voordat jy na ‘n diens toe kom of wat jy mee te doen het moet jy
nie dink die persoon wat op die preekstoel staan is uit ‘n ander wêreld nie,
en hy het nie ook maar met dieselfde dinge te doen nie, daarom het jou
prediker baie gebede nodig sodat sy prediking altyd onder die salwing van
die Heilige Gees is.
Maar dit is nie profesie nie, maar ‘n wonderlike ding wat tog gebeur is dat
baie keer terwyl ‘n persoon besig is om te preek, kom die salwing van die
Here so op ‘n prediker dat hy sekere gedeeltes van sy boodskap nie meer
preek nie maar begin profeteer. Dan neem die Heilige Gees so oor dat
wanneer hy praat, is dit glad nie eers deel van sy voorbereide boodskap
nie. Dit wat hy nou met sy gesalfde verstand onder leiding van die Heilige
Gees bring, is iets heeltemal buite homself. Daarvan kan ek ook getuig wat
baie met my ook gebeur het, dat jy self verbaas is, dat terwyl jy preek hier
nou dinge uitkom wat jy nooit aan gedink het of beplan het, of enige
118

gedagte omtrent gehad het nie. Dat dit vir jou as prediker net so ‘n
openbaring is terwyl jy dit praat as vir die wat daarna luister. Die punt is,
onthou profesie is nie prediking nie en prediking is nie profesie nie.
Punt 5
By sommige is dit die gewoonte om tekse uit die Bybel te kwoteer en
dit dan uitleg of profesie te noem.
Dit kan egter sonder enige bonatuurlike gawes geskied. Dit is ‘n kort punt
wat hier genoem is maar ‘n baie belangrike punt.
Wanneer jy met die Gees en die dinge van die Here te doen kry, kry jy met
snaakse dinge te doen. Die mens is ‘n gevalle wese. Jy is ‘n gevalle wese
selfs nadat jy tot bekering gekom het. Jou siel is gered, maar jou
heiligmaking het nog ‘n lang pad om te gaan. Een van die groot dinge by
die mens, “die ou mens” is hierdie neiging om ‘n indruk te maak op ander,
selfs in jou geestelike lewe. Dit is een van die grootse slagysters wat die
duiwel vir jou stel.
Nou is daar mense wat baie Skrifte ken, want hy het die Bybel gelees en is
lief daarvoor en ken dit en hy kry ‘n salwing op hom, maar nou staan hy op
en volgens soos hy nou voorgee of self dink profeteer hy nou, maar hy
profeteer nie. Hy herhaal net Skrifte. Dit gebeur nie baie nie, maar ek
waarsku u, wanneer dit gebeur sal u dit agterkom. Persone wat net die
een teks na die ander herhaal, dit is nie profesie nie. Enigeen kan ‘n paar
tekse agtermekaar opsê as hy dit ken, en voorgee dat dit uitleg van tale is.
Nou ter selfdertyd moet julle nie ook hierdie verband uit die oog verloor nie.
‘n Persoon wat profeteer of uitlê, dit is amper noodsaaklik dat hy die Skrif
ken en naby aan die Here lewe. ‘n Persoon sal nie maklik die gawe van
profesie in sy volheid ontvang of die uitleg van tale as hy nie ook goed
onderleg is in die Skrif nie, want die Heilige Gees, wanneer Hy praat, het
ook die Skrif geïnspireer en die Heilige Gees sal Homself nie weerspreek
nie. Die Heilige Gees sal geen geïnspireerde uitspraak gee wat in konflik is
of teenstrydig is met die geskrewe woord nie.
Daarom, die persoon, as hy die gawe van profesie ontvang of uitleg van
tale en jy voel dit is maar nog net druppels gewys, dit is maar net die begin,
moet nie daaroor ontmoedig word nie, hoe meer jy die Woord van die Here
in jou hart inkry hoe meer sal daardie gawe om te profeteer of om uit te lê,
ontwikkel! Die Woord en die Gees binne in jou sal dit vir jou ontwikkel.
Ek wil graag uitwei op hierdie 3de dwaling waar mense profesie leiding
verskaf. Ek sê dit met alle respek teenoor sekere bewegings wat hulle hele
profeteerdery daarin stel om soos hulle sê, mense se sondes uit te
119

profeteer, dinge aangaande hulle lewens te profeteer en dinge aangaande
die toekoms en die een ding na die ander uit te bring. Ek kan dit nie sien in
1 Korinthiërs 14 nie, waar dit veral handel oor die gawes van die Heilige
Gees nie. Daarom voel ek moet ons baie versigtig wees daaromtrent dat
ons die doelstelling van die gawes nie uit die oog verloor nie. Die
doelstelling is soos dit hier sê dat profesie is vir stigting en troos en
bemoediging - (1 Kor. 14:3). Ek sê nie dat die Here dit glad nie sal doen
nie maar ek sal sê in vergelyking met die volume sal dit meer die
uitsondering as die reël wees van die gawe van profesie.
Daar is sekere bewegings wat spesiaal die bediening of die amp van ‘n
profeet het, wat sekere dinge moet doen en ek het al reg hier in die begin
van die besprekings van die gawes vir u gewys en hoedat dit daar misbruik
word en hoedat daar verongeluk is op die geestelike pad deur daardie
gebruik, of ek sou sê deur die misbruik van daardie bediening.
So, ons moet baie versigtig wees daaromtrent. Jy kry partykeer mense,
groepies wat bymekaar kom wat nuut en vars hierin is, vol
opgewondenheid, vol kinderlike eenvoudige geloof en dit word amper
gebruik as ‘n “speelding”, dat hulle bymekaar kom om vir mekaar te
profeteer aangaande dinge wat gaan gebeur, dinge waaroor hulle versigtig
moet wees. Om te profeteer oor watter werk ek nou moet kies, waarheen
ek moet gaan ensovoorts.
Kom ons kyk wat is die bedoeling:
Wat is die doelstellings en die nut van die gawe van profesie?
Punt 1.
Deur profesie word daar op bonatuurlike wyse tot mense gespreek. Deur
tale spreek die persoon bonatuurlik tot God. Hoe dikwels het ons
ondervind dat die atmosfeer in ‘n “taai” diens saai en na aan dood is en dat
daar meteens deur die manifestasie van hierdie profetiese gawe
opheldering en verkwikking kom.
Dit is werklik ‘n feit, dat baie keer kan ‘n diens nie aan die gang kom nie en
dat die inspirasie van die Heilige Gees op ‘n persoon sal kom en die
persoon die profetiese gawe sal beoefen en tot daardie gemeente sal
spreek deur die krag van die Heilige Gees. Met ander woorde dat dit die
Heilige Gees is wat sal spreek en miskien dinge in daardie diens sal
oopbreek en aan die gang sal kry. Ek het dit vir u genoem in verband met
die spreek van vreemde tale, partykeer is tale daardie vonk wat aan die
brandsteek en dan die uitleg wat daardeur kom en daardeur dan die ander
gawes aan die gang sit. Dat daar miskien ‘n bindende gees in daardie
diens was, dat daar miskien iets was wat die oorhand het en dat daardeur
die pad gemaak kan word vir die gawe van onderskeiding van geeste in
120

daardie diens. Dat dit aan die gang gesit kan word deur die gawe van
profesie.
Punt 2.
Tot stigting van die gemeente.
1 Korinthiërs 14:4;
Hy wat in ‘n taal spreek, stig homself; maar hy wat profeteer, stig
die gemeente.
“Maar hy wat profeteer stig die gemeente”, so hier is weer ‘n doel van jou
gawe van profesie. Dit is om die gemeente te stig.
[U sal met my saamstem wat ‘n wonderlike doel dit is want jou gemeente
het werklik stigting nodig.]
Wanneer jy hierdie gawe in sy kragtige werking het, en daardie persoon
werklik onder die salwing van die Heilige Gees, daardie profetiese gawe
laat opereer, wel, dit is soos elektrisiteit vir so ‘n diens. Dit steek die
gemeente werklik aan die brand. Dit bedoel letterlik om op te bou. Dit is ‘n
stappie verder as om in tale te spreek en slegs jouself op te bou.
Die bediening van die profetiese gawe word beperk tot die gemeente terwyl
die invloedsfeer van die amp veel verder strek, moontlik buite die
gemeente grense.
Punt 3.
Bemoediging. (Die betekenis van die woord is om nader te roep).
Teregwysing en bestrawwing geskied in die Nuwe Testament altyd deur die
Woord van God en nooit deur een van die drie vokale gawes nie. Die
Apostel Paulus het nooit sy vermaning as profeet tot die gemeentes gerig
nie, maar wel as ‘n leraar en herder.
Hy was ‘n profeet maar as sulks het hy nooit in die gemeente met
bestrawwings opgetree nie. Hy het altyd pastorale raad aangebied en
onder alle omstandighede die Woord van die Here ten opsigte van alle
probleme toegepas. Wanneer hy geprofeteer het, was dit geseënde
woorde van hulp en bemoediging.
Dit is ook belangrik, wanneer daar geprofeteer of uitgelê word, dan moet
die persoon wat die gawe in beoefening bring, miskien het hy deur die
gawe van onderskeiding of die gawe van kennis wat hy nie dalk mooi kan
onderskei nie, dat die Here vir hom deur die gawe die woord van kennis of
onderskeiding of selfs wysheid dinge in die gemeente openbaar. ‘n
Persoon wat in ‘n baie slegte toestand is en met verkeerde dinge besig is,
dat die Here dit vir hom in sy gees openbaar en dit nou deur ‘n profetiese
woord uitbring. Maar dat hy versigtig moet wees in die gemeente dat
daardie woorde, woorde van stigting, bemoediging en van troos moet wees
en daar nie in daardie gemeente en diens waar die gawe nou opereer, die
121

estrawwings, jy kan amper sê soos sweepslae moet val en tot verdoeming
moet uitkom nie. Daarmee moet ons baie versigtig wees. Jy sal vind,
wanneer sulke dinge dan uitgaan, dat dit dan daardie diens nie stig nie.
Dat dit die diens aftrek en bind. Laat ons liewerste vir die Here vra
wanneer die Here met ons so iets doen, dat die Here dit vir ons moet
duidelik wys, of daar ‘n persoon is wat met iets leliks besig is, dat die Here
vir ons daardie persoon duidelik sal wys en die Here sal vra vir wysheid,
leiding en liefde om met daardie persoon direk te praat.
In 1 Korinthiërs 5 trek die Apostel Paulus baie heftig te velde teen hierdie
gemeente van Korinthe en hy bestraf hulle vir lelike dinge wat hulle doen
en ook vir hulle opgeblaasheid, hoogmoedigheid omdat hulle nou al die
gawes besit en tog liederlike dinge in hulle midde toelaat. Die sterkste
geval waaroor hy hulle bestraf is van die persoon in daardie gemeente wat
sy eie vader se vrou het. Dit is een van die grofste sondes wat gedoen kan
word.
Maar die Apostel Paulus bring dit nie nou uit in ‘n diens nie waar hy nou sal
begin profeteer en sê; jy daar, so of so, wat besig is met jou vader se vrou
nie. Hy sê dit nie in ‘n woord van profesie of uitleg van tale nie, hy skryf
aan hulle direk in ‘n brief. Julle in die gemeente moet werk maak van
daardie persoon, julle moet hom self bestraf, julle moet met hom handel
soos daar met hom behandel behoort te word. Dit is vir ons ‘n baie goeie
les en goeie illustrasie.
Punt 4.
Om die gemeente te troos.
1 Korinthiërs 14:3,31;
3 Maar hy wat profeteer, spreek tot die mense woorde van stigting en
troos en bemoediging.
31 Want julle kan almal een vir een profeteer, sodat almal kan leer
en almal bemoedig word.
“Sodat almal kan leer, almal bemoedig kan word”
2 Korinthiërs 1:3-4;
3 GESEËND is die God en die Vader van ons Here Jesus Christus,
die Vader van ontferminge en die God van alle vertroosting,
4 wat ons troos in al ons verdrukking, sodat ons die wat in allerhande
verdrukking is, kan troos deur die vertroosting waarmee ons self
deur God getroos word.
Om die gemeente te troos, 1 Korinthiërs 14:3,31; en in 2 Korinthiërs 1:3-4
vind ons - “wat ons troos in al ons verdrukkings”.
122

Hoe nodig is dit nie dat hierdie gawe in werking moet kom waar gemeentes
soms soveel teëstand en vervolging moet verduur nie.
Punt 5.
Dat die gemeente kan leer.
Ons het dit alreeds gesien, dat wanneer ons almal profeteer, almal kan leer
en bemoedig word. Dat die gemeente kan leer. Hier dink ons nie aan die
lering wat deur die leraar verskaf word nie, maar lering in die sin van die
lieflike werkinge van die Heilige Gees.
Punt 6.
Dat ‘n ongelowige onder oortuiging kan kom.
1 Korinthiërs 14:24-25;
24 Maar as almal profeteer en daar ‘n ongelowige of ‘n onkundige
binnekom, dan word hy deur almal oortuig, deur almal beoordeel;
25 en so kom die geheime van sy hart aan die lig. En so sal hy op sy
aangesig val, God aanbid, en verkondig dat God werklik onder julle
is.
Hier wil ons daarop wys dat jy nie noodwendig aan iemand moet sê daar is
plekke en letsels aan hom om hom sodoende van sy voorkoms te oortuig
nie. Dit is veel beter om so ‘n persoon net in ‘n spieël te laat kyk. Dit is
presies soos hierdie gawe funksioneer. Terwyl julle almal profeteer,
volgens die resep van vers 24 en daar ‘n ongelowige of ongeleerde inkom
sal hy in daardie heilige atmosfeer, die toestand van sy hart deeglik
agterkom.
Die Heilige Gees sal self, dit gebeur dikwels, u moet net daarop let, baie
keer sal die mense sê; die Here het net met my gepraat, hy sê dit op so ‘n
manier dat daardie persoon daaruit die stigting en die lering sal ontvang om
hom tot oortuiging te bring. Het u dit nie al dikwels gevind nie, dat selfs
wanneer u onder die prediking van die Here se Woord sit, dat terwyl die
prediking uitgaan en die Heilige Gees aan die werk is, dat die Heilige Gees
dinge uit jou eie lewe en jou eie hart uithaal en prominent voor jou stel wat
nooit eers direk in daardie boodskap genoem is nie maar onder daardie
prediking is dit wat die Heilige Gees doen.
So maak die Heilige Gees skoon deur die gawe van profesie of die uitleg
van tale wat gelykstaande daaraan is. Wanneer daar so ‘n persoon in die
diens kom, ek het dit al baie gesien, dit is een van die wonderlikste dinge in
getuienisse dat so ‘n persoon se hart, se geheime geopenbaar word en dat
hy daarmee erken dat God in die midde is.
123

Finale opmerkings:
a) Ons word beveel om die gawe te begeer en ons daarvoor te
beywer.
1 Korinthiërs 14:1,39;
1 JAAG die liefde na, en beywer julle met die oog op die geestelike
gawes, maar veral om te profeteer.
39 Daarom broeders, beywer julle om te profeteer en moenie
verhinder dat daar in tale gespreek word nie.
So, ons word beveel om die gawe te begeer en ons daarvoor te beywer.
Laat ons dit dan doen. Sal u met my saamstem, as u nou moet dink aan u
vorige lewenswandel watter gemeente jy ook al in was, in die eerste
instansie het jy niks geweet van hierdie gawes nie. Hoeveel minder jou
nog daarvoor beywer? Geen wonder dat dit feitlik doodgegaan het nie, dat
dit nie eers in werking is nie. Maar dan vind jy ook en hier sê ek dit, met
alle rondborstigheid, omdat ekself in Pinkster is, nie dat hulle kan sê ek
gooi met klippe na ander gemeentes nie, ek praat as Pinkster mens self.
In baie van ons Pinkster Gemeentes het ons hierdie ding as ‘n teorie, ons
sê ons staan daarvoor, ons glo daaraan maar hoeveel daarvan het ons?
Wat is die rede? Die een rede is, ons beywer ons nie daarvoor nie. Dit is
soos enige ding in die lewe, daar is baie dinge waarvan jy kan weet maar jy
het dit nie, waarvoor jy baie mense sal beny, daardie een het dit en daardie
een dat. Maar as jy dit nie het nie is dit miskien omdat jy nog nooit
daarvoor geywer het nie.
Ons moet onthou, hierdie dinge sal nie net sommer uit die lug val nie.
Daarvoor het die Here ons te veel ons eie individualiteit en ons eie wil
gegee. Ons is mos nie pionne nie, ons is medewerkers met God. Daarom
wil die Here hê jy moet jou toestemming daaraan gee. God se Woord word
vir jou gebring. Is dit waar, aanvaar jy dit óf nie? Ek aanvaar dit, want dit
staan in die Bybel. As ek dit aanvaar, laat ek dan as ‘n redelike wese my
daarvoor beywer. Sê: “ Here, ek glo dit en nou gee ek myself daaraan”.
Nou sal die Here dit vir jou gee. Maar as jy jou nie daarvoor beywer nie,
beteken dit of jy glo dit nie of jy stel nie genoeg belang daarin nie. Dit is
ons probleem en ook ons uitdaging.
b) Dit behoort die mees algemene gawe te wees.
Ons sien dit volgens 1 Korinthiërs 14.
Hoeveel keer het ons dit nie gesien hoe min het ons dit, selfs in ons eie
gemeente. Dit is ons gebrek, ons erken dit. Daar behoort baie meer
profesie te wees. Nie meer as drie mag profeteer nie, net soos met die
tale, anders sal profesie naderhand die hele diens oorheers. Dit is die
124

gedagte, dit is jou “safeguard”, jou veiligheidsklep, maar as jy ‘n diens het
en daar is in elke diens, hierdie gawe is prominent, elkeen is ingestem en
ingestel en jou profetiese gawe werk, dit het ‘n magtige uitwerking op ‘n
gemeente. ‘n Magtige aansporing en stimulus. Kom laat ons dan nou nie
net teoretiese mense wees nie, ons hoor nou hierdie dinge en laat ons nou
ons daarvoor beywer en laat dit prominent wees in die gemeente waar u is.
c) Profesie is duidelik vir die verstand maar is nie spreke met die
verstand nie.
d) Profesie is goddelik en bonatuurlik;
Maar dit is nie afhanklik van ‘n persoon se welsprekendheid soos in die
geval van Jesaja, Amos, Jona, Anna, Filippus se dogters.
e) By die doping in die Heilige Gees wat soos voorheen gesien is,
noodwendig gepaard moet gaan met spreek in ander tale.
Mag dit gebeur dat die Here aan so ‘n persoon ook die gawe van profesie
skenk, soos in die geval van die 12 dissipels van Éfese.
Handelinge 19:6.
En Paulus het hulle die hande opgelê, en die Heilige Gees het op
hulle gekom, en hulle het met tale gespreek en geprofeteer.
“Hulle het met tale gespreek en geprofeteer”. So dit kan gebeur, gelyktydig
met jou doping in die Heilige Gees.
f) Die gawe mag nooit die plek van die geskrewe Woord inneem nie.
Daar is diegene wat op ‘n dwaalpad gekom het omdat hulle die geskrewe
Woord opsy gesit het ten gunste van ‘n gesproke woord. Die mens is ten
alle tye feilbaar en profesie sal ook ophou
1 Korinthiërs 13:8;
Die liefde vergaan nimmermeer; maar profesie - hulle sal tot niet
gaan; of tale - hulle sal ophou; of kennis - dit sal tot niet gaan.
1 Petrus 1:25;
maar die woord van die Here bly tot in ewigheid. En dit is die
woord wat aan julle verkondig is.
“Maar die woord van die Here bly tot in ewigheid”.
Weereens, daar is die neiging veral in groot herlewings waar die mense die
gawes baie vinnig en wonderlik, skouspelagtig deelagtig word. Dit was ook
so met ons in die begin as ‘n groep. Die Here het sulke groot wonderwerke
gedoen. Daar was sulke magtige manifestasies, ek sê dit nou met alle
liefde en respekte van ons ouer mense wat saam met my begin het,
wanneer hulle nou hier lees, moet hulle mooi oplet, hulle moet my nie
kwalik neem nie, hulle moet hulle eie lewe ondersoek, die Here het so
wonderlik gewerk maar hulle wou nie in ‘n Bybelstudie sit nie, so iets soos
hierdie was vir hulle te dood, daar moes net “vuurwerke” plaasvind. Daar
hét en dit hét wonderlik gebeur en daar was die Woord opsy geskyf tot ‘n
125

groot mate in hulle eie verlange terwille van die gawes waaronder profesie
ook was.
Wel, ek voel dit is een van die redes waarom ons vandag, ek sê dit met
hartseer, nie naby is waar ons daardie tyd was nie!
Die Here se Woord is altyd eerste en altyd bokant die gawes;
Uit die Woord vloei die gawes;
Die Woord reguleer die gawes;
Die Woord wys vir jou hoe om die gawes te gebruik;
Die gawes moet nooit die plek van die Woord hê nie!
As ons vir mense vertel wat daardie tyd gebeur het, klink dit ongelooflik.
Jong kinders en jongmense wat jy so mee sukkel om in ‘n diens te kry, hier
vroeg in die middag is hulle al gereed vir die diens. Daar was nie praat van
anderplekke toe te gaan nie. Ook nie soos ons jongmense van nou in die
agterste banke sit nie, hulle wou net voor sit want hulle wou sien wat daar
gebeur. Daar hét wonderlike dinge gebeur. So was ons dienste gewees
maar het gesukkel om hulle in ‘n Bybelstudie te kry. Ek moes die
Bybelstudie opgee, niemand het gekom nie. Dit is waar die tragedie van
die saak ingekom het. Dit mag nie gebeur nie!
g) So onfeilbaar is die Woord van God, en so onbesproke as middel
om enige toets te doen dat ander profete wat teenwoordig is, oordeel
kan vel oor die profesie van ‘n spreker.
Dit is belangrik.
1 Korinthiërs 14:29;
Laat twee of drie profete spreek en die ander dit beoordeel.
“Laat ander dit beoordeel”.
Wanneer ek profeteer moet ek nie my medebroers of susters kwalik neem
as hulle my profesie beoordeel want my profesie kan feilbaar wees daar is
net een Woord wat onfeilbaar is en dit is hierdie WOORD, die Bybel; maar
my woord kan feilbaar wees. Die profesie wat deur my kom, daar is
verskillende redes daarvoor soos ek alreeds genoem het, die oomblik wat
ek dit uitspreek hoor en verstaan ek dit, en dit beïnvloed my verstand, ek
kan my emosies partykeer of my gedagtes wat na my kom verkeerd
beoordeel, ek kan reken dit is alles van die Gees van God, party kan dit
dalk van my eie gees wees. Die punt is: - Dit kan feilbaar wees, daarom
moet dit beoordeel word. Elkeen wat die gawe van profesie het, kan ‘n
ander se profesie beoordeel maar meer nog as dit, elke weergebore kind
van die Here, het alreeds die Heilige Gees. Hy kan nie wedergebore raak
sonder die Heilige Gees nie.
126

Elkeen wat gedoop is in die Heilige Gees, het die Heilige Gees in die sin,
dit sal u almal kan beaam, dat jy in jou gees al dadelik kan voel wanneer ‘n
ding reg of verkeerd is! Jy moet jou gees daarop instem en inskerp dat jy
in jou gees ‘n saak al klaar kan beoordeel. So ook te meer ‘n profesie.
‘n Profesie wat nie in die grense van Gods Woord val nie moet onmiddellik
as onskriftuurlik en waardeloos verwerp word sonder enige vrees. Die
profeet wat uit homself profeteer, daardie profesie is nie van God nie.
Eségiël 13:1-9;
1 EN die woord van die HERE het tot my gekom en gesê:
2 Mensekind. Profeteer teen die profete van Israel wat profeteer, en
sê aan die wat profete uit hulle eie hart is: Hoor die woord van die
HERE!
3 So spreek die Here HERE: Wee die dwase profete wat agter hulle
eie gees aan wandel en agter dinge wat hulle nie gesien het nie.
4 Jou profete, o Israel, is soos jakkalse in puinhope.
5 Julle het in die bresse nie opgegaan nie en die muur nie gebou om
die huis van Israel, om in stryd pal te staan in die dag van die HERE
nie.
6 Hulle het nietigheid gesien en leuenagtige waarsêery, hulle wat
daar sê: Die HERE het gespreek -- terwyl die HERE hulle nie
gestuur het nie; en dan wag hulle op vervulling van die woord!
7 Het julle nie ‘n bedrieglike gesig gesien en leuenagtige waarsêery
gespreek nie deurdat julle sê: Die HERE spreek, terwyl Ék nie
gespreek het nie?
8 Daarom, so spreek die Here HERE: Omdat julle valsheid gespreek
en leuenagtige gesigte gesien het, daarom kyk, Ek het dit teen
julle, spreek die Here HERE.
9 En my hand sal wees teen die profete wat bedrieglike gesigte sien
en leuens waarsê: hulle sal in die vergadering van my volk nie
wees nie en in die boek van die huis van Israel nie opgeskryf word
nie en in die land van Israel nie kom nie; en julle sal weet dat Ek
die Here HERE is.
‘n Profeet kan dit doen en hier lê jou gevaar, mense kan uit hulleself
profeteer. Daar is baie sulke gevalle in Jeremia, Eségiël se tyd, waar die
Here vir sy profete gesê het, die profete profeteer uit hulleself en daardie
profesie is nie uit God nie. Dit kan gebeur met ‘n profesie, u moet dit weet,
alles wat moontlik is en daardeur gewaarsku wees maar nie terselfdertyd
sê, “dan kom ek nie daar naby nie”, want dan is u weer ongelowig. Dan
vertrou u nie die Here nie. As u die Here vertrou en sê: “Here, ek wil alleen
hê wat eg is en ek gee myself daarvoor”. Dan sal die Here jou eer. Ons
moet dit weet sodat ons die valse, as dit kom, kan uitken!
127

h) Die besitter van die gawe is ten volle verantwoordelik vir die
gebruik, misbruik of onderdrukking of kontrole daarvan.
1 Korinthiërs 14:31-33;
31 Want julle kan almal een vir een profeteer, sodat almal kan leer en
almal bemoedig word.
32 En die geeste van die profete is aan die profete onderworpe;
33 want God is nie ‘n God van wanorde nie, maar van vrede, soos in
al die gemeentes van die heiliges.
Sodat as iemand vir jou sê, hy het iets gesê of iets uitgebring, iets gedoen
het of dit met profesie of manifestasie of wat ookal, as hy vir jou sê, en jy
sê, broer of suster, dink jy dit was nou reg? En hy sê, (party nogal baie
verontwaardig) maar die Gees van die Here was op my en die Gees het my
dit laat doen, dit laat sê, moet jy dit nie aanvaar nie. Die gees van die
profeet is aan die gees (van jou) onderworpe. Jy het, of behoort tenminste
beheer daaroor te hê. Dit is alleen bose geeste wat vir ‘n mens dinge laat
doen waaroor jy nie beheer het nie. Dit is baie belangrik.
Die Heilige Gees sal jou nooit iets laat doen waaroor jy nie ook in beheer is
nie, dit is baie belangrik omdat God jou gees respekteer, net soos die Here
jou nie sal red teen jou wil nie. Hy sê: “My seun, my dogter, gee my jou
hart.” God sal geen mens red teen sy wil nie. As jy die Here nie wil
aanneem nie, sal die Here jou nie red nie, met ander woorde, daar is jou
deel wat jy moet doen.
Dit is dieselfde met die werking van die Heilige Gees. Jy kan dan ook, net
soos jy jou tale kan beheer, wanneer dit buite orde is om in tale te praat en
jy voel dit tog op jou kom, met jouself praat om jouself te stig.
Dieselfde met profesie. Ons het al gevalle gehad terwyl die prediker besig
is om te preek, nou goed, elkeen voel die salwing van die Here so magtig,
die persoon bring ‘n magtige boodskap, dit roer jou siel, jy voel of jy
bolmakiesie kan slaan op daardie oomblik, en jou weer opnuut tot God kan
bekeer.
Ek voel baie keer so onder die geklank van die Here se Woord, jy voel of jy
allerhande dinge kan doen maar jy gaan dit nie doen nie want dit sal nie
daardie diens stig nie! Jy voel of jy kan uitbars in tale terwyl die persoon
preek, jy doen dit nie! Jy beheer dit, jy voel die Here gee vir jou nou so ‘n
magtige openbaring, so ‘n salwing dat jy wil profeteer terwyl daardie
persoon preek maar jy doen dit nie!
Ons het sulke gevalle gehad, waar ‘n persoon dan sommer in die middel
van die preek uitbars en begin praat in tale en profeteer. Hier preek die
prediker en hier praat die persoon, daar is twee persone wat praat,
128

onmiddellik is dit verwarrend, na wie luister jy, so die gevolg is die prediker
bly dan stil.
Die Heilige Gees is soewerein, daar kan uitsonderlike gevalle wees, ek
weet van sulke gevalle waar dit gebeur het, waar dit magtig tot stigting was
en dat die Heilige Gees dit bevestig het. Maar dit is baie, baie seldsaam en
dit sal die uitsondering wees en nie die reël nie anders gaan jy chaos kry
want almal voel dan om ook te profeteer. Dit is so ontroerend en almal
voel aangevuur, so vol van blydskap of vol oortuiging of wat ook al. Ons
moet dit beheer!
j) Alhoewel boodskappe en profesie aan beheer onderworpe moet
wees, moet daar nogtans geen rede bestaan dat ware profesie verag
word nie
1 Thessalonicense 5:19-21;
19 Blus die Gees nie uit nie.
20 Verag die profesie nie.
21 Beproef alle dinge; behou die goeie.
“Beproef alle dinge; behou die goeie”.
Dit is nou jou probleem wat jy in Pinkster kry, ons het hierdie
ondervindinge, nie net in profesie nie, jy kry dit partykeer met
manifestasies, lofprysing, om te huppel en te dans in die gees. Partykeer
te manifesteer, dat daar mense was wat dan op ‘n sekere oomblik hierdie
dinge doen wat nie pas op daardie oomblik nie. Dan is daardie diens
daardeur ontstig. Die gevolg daarvan is dat jou hele gemeente voel en
onderskei die ding dat dit nou nie in die gees op daardie oomblik was nie.
Nou is die neiging van daardie diens om styf, bang te wees vir wat die of
daardie persone sal doen. Die gevolg is jou vryheid raak weg. Dit is een
van die dinge wat met ons groepie gebeur het. (Moenie dink dit is omdat
julle nie Bybelstudie toe gekom het nie, as julle gekom het sou julle dit
geweet het.) Daar het ook ander dinge gebeur wat dan daardie
vrymoedigheid van daardie hele diens weggeneem het dat jy onder ‘n
spanning was met die gevolg jy wil niks doen nie en die gevolg was dinge
het net so begin afneem. Dit het jy gevind in die hele pinksterbeweging.
Die rede waarom dinge so styf is in baie pinksterbewegings en in baie
gebeur daar absoluut niks nie omdat die beheer so styf gehou word. Hulle
is bang dat daardie dinge uit orde en uit die gees sal gebeur. Dit is een
rede daarvoor. Maar as ons nou liewerste lering het soos ek nou probeer
om vir u te gee en in liefde aanvaar en elkeen waarlik die Here se aangesig
soek sodat ons al hierdie wonderlike dinge kan hê.
129

Altyd op die regte tyd en regte manier sodat die hele diens tot stigting sal
wees en wanneer daar gepreek word dan luister jy met blydskap daarna.
As jy juig, dan juig almal saam, hande klap of wat ook al, almal doen mee.
As dit klaar is en daar is iemand wat profeteer dat daar nie so ‘n beaming
sal wees dat dit steur nie. Of as iemand in tale praat dan saggies by
homself dat dit nie steurend sal wees terwyl daar geprofeteer word nie. Of
as iemand bid dat almal dan nie so hard saam bid in ‘n diens dat niemand
kan hoor wat gebid word nie! Daar is oomblikke van gesamentlike gebed,
soos ons dit partykeer in ons bidure het, maar wanneer die persoon dan
uitbid, dat die ander dit tog kan hoor wat daar gebid word sodat jy daarop
kan amen sê! Dan kom die stigting en die vryheid en die seën van die
Here in die saak.
Juis nou, omdat dinge partykeer gebeur het, het dit nou al tot ‘n punt
gekom waar profesie verag word. Miskien het baie mense so uit die vlees
geprofeteer dat jy dit met ‘n stok kon voel en dat mense die profesie dan
heeltemal in diskrediet gebring het. Soos in ‘n geval waar ‘n persoon
geprofeteer het en iemand sê agterna van hom; ek het nou net gehoor
watter taal hy gebruik, of ek weet wat hy doen, of ek werk saam met hom
en hoor hoe hy leuens vertel, dan profeteer hy nog. Ek is heeltemal eerlik,
hierdie dinge gebeur. Dit is nie die skuld van die Heilige Gees nie, ook nie
die skuld van die gawes nie. God se gawes is onberoulik. Daardie
persoon wat dit doen sal hom gou vasloop. Intussen het hy ‘n skoon en ‘n
wonderlike ding bederwe. Moenie as u so iets teëkom, dat u daardeur die
gawe van profesie verag nie. Dat u daardeur sal sê profesie is vals of
uitleg van tale is vals, nee daardie persoon wat so profeteer is vals. Hy
behoort dan beoordeel te word en in die liefde behoort ons met mekaar die
waarheid te praat en so ‘n persoon reg te help, die Here keur dit nie goed
nie, dit doen skade aan die gemeente en dit is nie goed vir die saak van
God nie. Laat ons saam bid oor die saak! Maar moenie daardeur die
gawe gaan weggooi nie, dit is wat baie keer gebeur.
k) Soos in die geval van al die ander gawes is dit noodsaaklik dat dit
deur die geloof beoefen word.
Ek kan ‘n groot AMEN daarop sê! Jou ander rede waarom die gawes nie in
werking is in jou gemeente nie of as dit in werking was verdwyn het, is
ongeloof. Ongeloof is natuurlik sonde! Ons maak God daardeur tot
leuenaar. Moenie dat ons dit as verskoning gebruik nie en laat ons, ons
eie harte, bewegings en kerke ondersoek! Sodat ons daardie ongeloof kan
laat staan.
In Romeine 12 vind ons dat die profesie geskied volgens die mate van
geloof. Hoe meer toegewyd die gelowiges is, hoe voller sy vertroue in die
130

Here is hoe heerliker en ryker en meer volledig sal die gawe opereer. (Dit
is die waarheid)
Romeine 12:6-8;
6 En ons besit genadegawes wat verskil volgens die genade wat aan
ons gegee is:
7 is dit profesie, na die maat van die geloof; of bediening, in die werk
van bediening; of wie leer, in die lering;
8 of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met
blymoedigheid.
“Is dit profesie; na die maat van geloof”.
Soos iemand eenkeer gesê het van ‘n persoon wat eenkeer groot
herlewings in sy gemeente geprofeteer het maar dit het nie gebeur nie.
Daardie persoon het seker groot hoop en verwagtings gehad vir die
herlewing maar ek dink sy geloof was seker nie sterk genoeg nie of wat
ookal. Dit het nie gebeur nie, daardie profesie was nie waar nie want dit
het nie uitgekom nie. So, ons moet ook profeteer na die mate van ons
geloof.
l) Daar bestaan ’n moontlikheid dat geestes gawes verwaarloos kan
word;
Soos in die geval waar Timótheüs deur die apostel Paulus gewaarsku
word. Ons gaan hierdie paar Skrifte lees want dit is baie belangrik.
As die Here vir u ‘n geeste gawe gee, ontwikkel hom, bid daaroor, gebruik
hom maar moet die gawe nie verwaarloos nie.
1 Timótheüs 4:14;
Verwaarloos nie die genadegawe wat in jou is nie, wat jou gegee is
deur die profesie met die handoplegging van die ouderlinge.
“Verwaarloos nie die genadegawe nie”.
2 Timótheüs 1:7;
Want God het ons nie ‘n gees van vreesagtigheid gegee nie, maar
van krag en liefde en selfbeheersing.
“Want God het ons nie ‘n gees van vreesagtigheid gegee nie”.
So baie keer verwaarloos ons, ons genadegawe deur vreesagtigheid, deur
wat sal ander daarvan dink of dalk sal hulle sê ek is vals. Moenie laat die
ou duiwel met jou speel nie. Ondersoek jou hart voor God. As jy opreg is
en jy voel daardie stoot, laat hom gaan tot die eer van die Here. Sorg en
kyk dat jou lewe reg is met die Here, reg is met jou medemens en laat God
jou gebruik. Prys die Here!
131

[Kasset nr. L017]
Hoofstuk 7
Die Gawe van Geloof.
Dit is ‘n voorreg om bymekaar te kom vir die Bybelstudie en ons is besig
met die nege gawes van die Heilige Gees. Ek glo die Here gaan ons ryklik
en wonderlik seën, want ons is waarlik, ek glo in die tyd van ons laaste
geleentheid, die wêreld se laaste geleentheid om werklik hulleself gereed
te maak vir die klimaks van die eeue, om die krag van God in hulle lewens
deelagtig te word.
Oral oor die wêreld is die mense besig om belang te stel in die Heilige
Gees, die werkinge en so aan en ons kan sien wat in die wêreld aangaan.
Ek het van my jong jare af geglo dat die Here Jesus nie sal terugkom
voordat Hy die wêreld nie nog een kans gegee het, om werklik die krag en
heerlikheid van God in volle demonstrasie te sien nie.
Daarvoor is dit alleen die aandoening van krag uit die hoogte, die werking
van die Heilige Gees in sy volle krag en glorie wat die Here Jesus sal
verheerlik. Dit is waarlikwaar vir dié wat hulle wil en sal gereed maak om
die Heer te ontmoet met sy wederkoms.
U kan onthou ons het vir u genoem die nege Gawes van die Heilige Gees
en ons het nou drie daarvan klaar behandel, wat genoem word die drie
openbarings gawes. Die gawe van die woord van kennis, waarmee ons
begin het, die gawe van die woord van wysheid en verlede keer het ons
met mekaar behandel die gawe van die onderskeiding van geeste. Dit is
die drie openbarings gawes.
Ons gaan begin met die eerste van die drie krag gawes naamlik; die gawe
van geloof. Daar is die drie krag gawes soos dit in gedeel word, net om dit
beter te begryp.
Die drie krag gawes is:
1) Die gawe van die geloof,
2) Die gawe van die werking van kragte / wonderwerke
(the working of the gift of miracales)
3) Die gawe van genesing / gesondmaking.
1 Korinthiërs 12:9;
aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees;
132

Daar sien ons van die gawe van geloof.
In die eerste instansie is my eerste punt wat ek wil beklemtoon, dat net
soos die ander gawes is dit bonatuurlik, dit is baie belangrik, ons moet baie
mooi daarop let. Hier is ‘n paar baie fyn punte wat hier gaan uitkom wat u
mooi aan moet dink. Ek is daarvan seker dit sal u siel bekoor wanneer die
lig vir u daaroor opgaan. Net soos die ander gawes, kom hierdie gawe van
geloof in werking, wanneer jy gaan op die Here Jesus se bevel en jy dít op
daardie oomblik nodig het, dit is baie belangrik.
Ek moet nou nie dink, wel ek moet nou die Here soek vir ‘n gawe van
geloof nie. Mense maak ‘n baie groot fout daarmee en sê, “ek sal vir die
Here vra, om aan my hierdie gawe te gegee”. Daardie een sê die Here het
aan my daardie gawe gegee. Ek glo nie dit werk so nie. Ek glo nie mense
kan vir mense gaan sê ek het hierdie gawe of ek het daardie gawe nie.
Die Here gee vir jou die gawes op die oomblik en op die plek waar jy dit
nodig het. Die bedoeling daarvan is nie, as ek nou maar hierdie illustrasie
kan gebruik, verskoon maar as dit nie ‘n goeie een is nie. Ek kan nie my
gawes neem en soos ‘n blompot op my klavier gaan neersit en sê dit is my
gawe daardie nie.
Die HERE gee die gawes:
1) Om vir Hom te werk;
2) Om vir Hom mee te getuig;
3) Om die verslaafde mensdom mee vry te maak.
Daarom het die Here Jesus gesê: “soos die Vader My gestuur het so stuur
ek julle”. Die Here sal nie gawes gee aan mense wat stil sit nie. Jy moet
uitgaan in Satan se gebied en koninkryk, jy moet aanval in die naam van
die Here. Jy moet gaan om vry te maak. Dan sal die Here vir jou op
daardie oomblikke waar jy die gawe nodig het, vir jou gee wat jy nodig het.
Dit is wat so wonderlik is.
U gaan ook nou mooi die verskil tussen algemene geloof en die gawe van
geloof sien. U moet ‘n baie groot, fyn verskil maak tussen die twee. Ons
het almal algemene geloof nodig om gered te word. Jy het algemene
geloof nodig om enige iets van God vir jouself toe te eien. Dit moet elkeen
hê. Sonder geloof sê die skrywer aan die Hebreërs is dit onmoontlik om
God te behaag. Die Bybel sê op ‘n ander plek, alles wat nie uit die geloof
is nie, is sonde.
Die gawe van geloof is iets anders.
Dit is een van die gawes van die Heilige Gees.
Daarom moet ons ook onthou dit gaan saam met die doping in die Heilige
Gees.
133

Wanneer ek die gawe nodig het, sal die Here dit vir my gee, op die
oomblik wat ek dit nodig het.
U sal sien uit die voorbeelde wat ek vir u gaan gee en verdere illustrasies,
ook voorbeelde uit die Bybel. Asook my eie beskeie ondervindinge,
waarvan ek kan getuig en met baie groot beslistheid kan ek vir u sê, hoe dit
in my eie lewe gewerk het en van tyd tot tyd baie definitief werk.
Een van die baie belangrike en wonderlike aspekte van hierdie gawe,
wanneer hierdie gawe op daardie oomblik op jou kom, sal jy dit weet. Jy
sal onmiddellik in die “rus van die Here ingaan”. In jou grootste intense
situasie waarvoor jy die gawe gaan nodig hê, sal jy nie hoef te spartel nie.
Jy sal nie hoef te sê, nou moet ek geloof hê nie. Daar kom so ‘n heerlike
versekering dat die Here nou ingegryp het, dat te midde van dit alles, kan jy
sê as die wêreld miskien sal vergaan, sal jy in die grootste rus wees.
Ek sal weer daarby kom, maar net ‘n voorbeeld, daar waar die Here Jesus
gelê en slaap het in die bootjie gedurende die storm. Hoe sy dissipels
geworstel het en Hom naderhand gaan wakker maak het en gesê het, Here
gee u nie om dat ons vergaan nie? Die Here Jesus was in die rus van die
gawe van geloof. Hy het vir hulle gesê kom laat ons oorgaan na die
anderkant. Hy het homself aan die Vader oor gegee en Hy was in die rus
van die geloof. Daar is geen sparteling nie, daar is geen inspanning
wanneer die Here vir jou die gawe in daardie situasie gee nie. Dit is een
van die wonderlikste ondervindinge wat ‘n mens ooit kan hê. Prys die Here
daarvoor, onthou dit is ‘n gawe van die Heilige Gees.
Baie mense sal vir jou sê, (as jy hierdie gawe in werking in jou lewe het) jy
is nou maar sommer net ‘n gebore optimis. Maar dit is nie die punt nie. Dit
kom heerlik, natuurlik! Al sal almal miskien rondom jou paniekerig of
miskien verskriklik vreesagtig wees, jy sal in die rus van die Here wees.
Dat mense partykeer vir jou sal sê, maar lyk vir my dit steur jou nie, jy
besef nie hoe ernstig is hierdie posisie nie. Jy besef dit goed genoeg maar
jy het ‘n boodskap uit die hemel ontvang. Jou hart weet, “it is going to be
alright”. Loof die Here, dit is te wonderlik. Dit is een van die drie krag
gawes, saam met genesing en die werking van kragte. Geloof is
essensieel in alles.
Efesiërs 2:8; (ons het geloof nodig, om gered te word).
Want uit genade is julle gered, deur die geloof, en dit nie uit
julleself nie: dit is die gawe van God;
Dit is natuurlik ‘n baie wonderlike teks hierdie en as ‘n mens nou met siele
deel, is dit een van jou tekse wat jy definitief nie moet vergeet nie. “Want
134

uit genade is julle gered, deur die geloof en dit nie uit julle self nie, dit is die
gawe van God”. Met ander woorde, hierdie geloof waarmee jy gered was,
dit het jy ook van God gekry. Dit sê in die negende versie; “nie uit die
werke nie sodat niemand mag roem nie”. Selfs jou geloof wat jy gekry het
om die Here Jesus aan te neem, daardie eerste werking in jou siel wat jy
gevoel het, jy moet God soek, selfs oor dit kan nie een van ons roem nie.
Die Here het dit ook vir jou gegee.
Maar dit is nie die gawe van geloof nie, wat een van die gawes van die
Heilige Gees is nie.
Hebreërs 11:1-6; (let op vers 6)
1 DIE geloof is ‘n vaste vertroue op die dinge wat ons hoop, ‘n bewys
van die dinge wat ons nie sien nie.
2 Want daardeur het die mense van die ou tyd getuienis ontvang.
3 Deur die geloof verstaan ons dat die wêreld deur die woord van
God toeberei is, sodat die dinge wat gesien word nie, nie ontstaan
het uit sienlike dinge nie.
4 deur die geloof het Abel ‘n beter offer aan God gebring as Kain,
waardeur hy getuienis ontvang het dat hy regverdig was, omdat
God oor sy gawes getuienis gegee het; en deur dieselfde geloof
spreek hy nog nadat hy dood is.
5 Deur die geloof is Henog weggeneem om die dood nie te sien nie;
en hy is nie gevind nie, omdat God hom weggeneem het; want voor
sy wegneming het hy getuienis ontvang dat hy God behaag het.
6 En sonder geloof is dit onmoontlik om God te behaag; want hy wat
tot God gaan, moet glo dat Hy is en ‘n beloner is van die wat Hom
soek.
Die hele elfde hoofstuk van Hebreërs, soos u natuurlik weet gaan oor die
geloof. Die aard van die geloof (sê onse Afrikaanse Bybel hier) en
voorbeelde uit die Ou Testament.
Die sesde vers; “En sonder geloof is dit onmoontlik om God te behaag,
want hy wat tot God gaan moet glo dat Hy is; en ‘n beloner is van die wat
Hom soek”
Ons het geloof nodig in alles om die Heer te behaag. Maar dit is nie die
gawe van geloof wat in kombinasie met die ander gawes werk nie. Om die
gawe van geloof te kan ontvang vir die oomblik wat jy die gawe nodig het,
is dit een van dié gawes wat van jou vereis dat jy naby aan die Here moet
lewe. Dat jy in noue kontak met God moet wees. Want dit is een van die
krag gawes.
Dit is die tipe van geloof wat die Here van gepraat het waarmee jy ook
berge kan versit. Hierdie gawe van geloof is die geloof wat in Daniël se
135

geval, die bek van die leeu toe gehou het, wat Sadrag, Mesag en
Abednégo deur die vlamme laat stap het, en so aan. Maar om dit in
werking te kan hê en al die ander gawes ook, maar hierdie een by uitstek,
moet jy baie naby aan die Here lewe. Want jy is uit op die frontlinie teen
die magte van Satan om hulle te verbreek.
Sekerlik, as daar een element is, as ek dit so mag noem, wat weet of jy
kom om besigheid te meen, jy kan ‘n mens nog bluf, maar jy kan nie die
duiwel oor hierdie dinge bluf nie. Hy weet dit. Maar dank die Here hy weet
ook as die Here vir jou daardie gawe gegee het. Dan vlug hy en neem hy
die wyk en is jy in outoriteit. Dank die Here daarvoor.
Een van die vertalers van die Bybel, Weymouth, hy vertaal 1 Korinthiërs
12:9, soos volg, “to a third man by means of the same spirit special faith”.
Hy noem die gawe van geloof “special faith”, dit is nie sommer net gewone
geloof nie, dit is “special faith”. Dit is ‘n baie goeie vertaling.
Laat ek dit sommer so afwissel met ‘n paar lieflike voorbeelde. Kom ons
kyk na Elía op berg Karmel en ook waar hy besig was om met Agab eers
oor die droogte te praat en toe oor die reën wat sou kom.
1 Konings 17:14;
Want so die HERE, die God van Israel: Die meel in die pot sal nie
opraak en die olie in die kruik sal nie minder word nie, tot op die
dag dat die HERE reën op die aarde sal gee.
Dit is nou hier waar hy daardie wonderlike voorspelling gemaak het omtrent
die olie en die meel. Loof die Here, dit het baie ander verklarings ook,
maar hier het Elía met baie groot beslistheid daardie woord gespreek. Dit is
‘n profesie wat hy gemaak het, maar jy kan sommer as jy hom in die gees
lees en veral as jy die ondervinding gehad het van hoe die Here met jou
werk, dan kan jy sommer voel hier was ‘n versekering in Elía wat hom dit
met die grootste gemak, maar ook met die grootste beslistheid laat sê het.
Daar was nie die minste inspanning dat hy vir hierdie vrou gesê het wat
sou gebeur en dit het presies net so gebeur nie.
1 Konings 18:15;
Maar Elía sê: So waar as die HERE van die leërskare leef, voor wie
se aangesig ek staan, ek sal my seker vandag aan hom vertoon!
Om te sien wat se soort lewe Elía gelei het met die Heer. 1 Konings 18 is
daardie lieflike hoofstuk waar Elía gesê het en die uitdaging aangegaan het
met die priesters van Baäl dat dié God wat met vuur antwoord Hy is die
ware God. Hoedat hy die altaar gebou het en hy vir die Baälpriesters gesê
het, julle kan maar eerste tot julle god roep. Hulle het van die oggend
vroeg tot die middag laat geroep. Elía het naderhand met hulle begin spot.
Jy kan sien hier was geweldige dinge op die spel. As Elía daardie dag nie
136

geslaag het nie, met Isébel wat so hatig op hom was en met hierdie
vierhonderd Baälpriesters daar nie iets daardie dag gebeur het nie was dit
klaar met Elía. Hulle sou Elía dood gemaak het en kyk hoe sou die Here
onteer gewees het. As u daardie hoofstuk 1 Konings 18, mooi biddend
deur lees, dan sal u sien die groot vertroue en versekering, u kan amper sê
die gemak, waarmee Elía die Baälpriesters begin spot het, en gesê het
miskien is hy aan die slaap of in gedagte of op reis, roep maar ‘n bietjie
harder. Toe kom Elía en hy laat nog water opgooi op die offerande en hy
laat nog die sloot ook vol maak met water. Toe roep hy die Here aan en u
kan sien dit was sommer maar net ‘n baie kort gebedjie wat hy tot die Here
geuiter het.
1 Konings 18: 36-38;
36 En op die tyd dat hulle die spysoffer bring, het die profeet Elía
gekom en gesê: HERE, God van Abraham, Isak en Israel, laat dit
vandag bekend word dat U God in Israel is, en ek u kneg, en dat ek
al hierdie dinge op u woord gedoen het.
37 Antwoord my, HERE, antwoord my, sodat hierdie volk kan erken dat
U, HERE, God is, en dat U hulle hart tot U laat terugkeer.
38 Daarop het die vuur van die HERE neergeval en die brandoffer en
die hout en die klippe en die stof verteer, ja, die water wat in die
sloot was, opgelek.
Prys die Here! Ek wil hê u moet nou iets baie moois en wonderliks hier
sien en wat vir u ‘n baie wonderlike illustrasie gaan wees. Ek dink u kan in
die gees voel, daar staan hierdie profeet van die Here alleen, die volk self
was afvallig, die koning is afvallig, sy vrou is eintlik ‘n heidense vrou met
haar heidense priesters. Hier staan hy man alleen en hy praat met die
Here en die vuur val uit die hemel uit en doen daardie groot wonderwerk.
Jy kan vir Elía daar sien in kalmte en in die rus en in die krag van God. Hy
was meester van daardie situasie.
Maar was dit nou Elía se sterk geloof, was dit nou maar amper sê inherent
in hom? Nee, Jakobus sê Elía was ‘n mens net soos ons, en die bewys
daarvan is in die volgende hoofstuk, 1 Konings 19, daar hardloop Elía weg
en hy gaan lê onder die besembos! Hy sê, Here laat ek maar liewerste
sterwe. Pap, sonder krag en is niks werd nie! Hoekom? U kan sê die
salwing was af, die gawe van geloof was weg.
As hy dan nou sommer maar daardie geloof as aanhoudende fontein
gehad het as ‘n gawe, soos baie mense die gawes wil uitlê, (ek het nou die
gawe en dit is nou myne). Ek kan dit onder my arm sit en vir die wêreld sê;
ek het die gawe van geloof. Ek kan daarmee rondloop en ek het die gawe
altyd. Dit is nie waar nie! Hier in 1 Konings 18, was dit op Elía en loof die
137

Here, hy het teen die hele Israel, teen al die Baälpriesters gestaan. Die
Here het geantwoord met vuur. In die volgende hoofstuk hardloop hy weg
vir Isébel en hy is bang vir haar en is moedeloos, klaar. Wat ‘n wonderlike
illustrasie. Dit is presies so met ons!.
Elía het natuurlik op daardie oomblik as jy dit mooi ondersoek, ‘n baie groot
fout gemaak wat vir ons ‘n goeie les is. Elía het toegelaat dat hy
ontmoedig geraak het. Heeltemal natuurlik, hier het die Here geantwoord
met vuur, die mense het almal uitgeroep, “die Here is God, die Here is
God”! Want die uitdaging was juis dit, die ene wat antwoord met vuur was
die ware God. Hier antwoord die Here met vuur! En tog, na dit alles verby
was het die volk hulle nog nie tot God bekeer nie! Genoeg om enige mens
te ontmoedig. Verskriklik ontmoedigend en Elía het dit toegelaat en in
daardie toestand geraak.
So ons moet ook onthou, ons moet onsself altyd versterk in die Here. Ons
moet onsself altyd bemoedig in die Here. Hier êrens in 1 Samuel 30 of
daar rond, ek weet nie of u kan onthou nie die een keer toe Dawid nog,
voordat hy koning gemaak was, toe gaan veg hulle teen die Ámalekiete, en
toe hulle die bende agterna sit, en in hulle afwesigheid het of die
Ámalekiete of die ander bende hulle kamp aangeval, alles verbrand en
hulle vroue en hulle kinders weggevoer. En dit sê, die manne was almal
verskriklik ontmoedig en hulle wou vir Dawid stenig op daardie oomblik.
Toe het Dawid homself in die Here versterk! Hulle het een raakgeloop wat
uit die bende agter gebly het, hy het toe vir hulle gesê waarheen hulle is en
Dawid het hulle agterna gesit en verslaan en het hulle vroue en kinders en
alles terug gekry. Maar op daardie oomblik het Dawid hom in die Here
versterk.
Een van die groot dinge wat die kind van God moet leer is om in hulle tyd
van hartseer, teleurstelling en van teëstand, wanneer daar niemand anders
is wat jou skynbaar kan help nie, moet jy jouself in die Here versterk. Dit is
hier, een van die wonderlike dinge van die spreek in vreemde tale is dat jy
jouself daarmee in die Here kan stig. Jy kan jouself in die Here versterk
deur die spreek in vreemde tale en dan God daarin aan te roep!.
Hier is ‘n goeie illustrasie van hoe, in die een geval was Elía sterk gewees
om almal uit te daag en net die volgende oomblik toe was hy heeltemal
swak. So werk die gawe van geloof.
Markus 11:22-24 en dan vers 21;
22 Jesus antwoord en sê vir hulle: Julle moet geloof in God hê.
138

23 Want, voorwaar Ek sê vir julle dat elkeen wat vir hierdie berg sê:
Hef jou op en werp jou in die see - en nie in sy hart twyfel nie,
maar glo dat wat hy sê, sal gebeur - hy sal verkry net wat hy sê.
24 Daarom sê Ek vir julle: Alles wat julle in die gebed vra, glo dat julle
dit sal ontvang, en julle sal dit verkry.
Hierdie het gevolg op waar die Here Jesus daardie vyeboom bestraf het.
21 En Petrus het onthou en vir Hom gesê: Rabbi, kyk, die vyeboom
wat U vervloek het, is verdroog.
Hulle was baie daaroor verbaas, want die Here Jesus het hom bestraf en
gesê daar sal niemand meer enige vrugte van jou eet tot in ewigheid nie.
Die volgende dag toe hulle daar kom is dit so, en toe was hulle baie
verbaas! En toe sê die Here Jesus in vers 22; “en die Here antwoord sê
vir hulle julle moet geloof in God hê.” Nou, daardie vertaling is nie
heeltemal ‘n korrekte vertaling in ons Afrikaanse Bybel nie. Wat die Here
Jesus gesê het is; “julle moet die geloof van God hê”. In die “Engelse
Revised Ver-sion” sê dit, die Here Jesus sê: “ye must have the faith of
God”. “In other words, you must have God's faith”. Met ander woorde, wat
die Here Jesus vir hulle gesê het om dit te kan doen moet jy God se geloof
hê. Jy moet die geloof hê wat van God af kom!
Hier is ‘n volgende belangrike punt omtrent hierdie gawe wat ek vir u wil
verduidelik. Onthou u toe ons begin het met die gawe van die woord van
kennis, toe het ons vir u gesê, God het alle kennis, God is alwetend.
Wanneer Hy nou vir jou, die gawe van die woord van kennis in jou laat
opereer dan gee Hy vir jou vir daardie moment, daardie fraksie, daardie
gedeeltetjie van Sy alkennis net vir daardie situasie. U verstaan dit goed.
Net so, toe ons met u behandel het die gawe van die woord van wysheid.
God het alle wysheid maar vir daardie oomblik om sê, ‘n sekere situasie te
red, (onthou hoe ons dit met u behandel het), gee God vir jou, vir daardie
oomblik, situasie en behoefte, gee Hy vir jou daardie stukkie van sy woord
van wysheid. So met die onderskeiding van geeste, God ken alle geeste.
God ken alle mense se geeste. God ken alle demoniese geeste. God
weet presies alles wat in die geestes wêreld aangaan. Maar vir jou
behoefte, vir daardie oomblik as jy miskien, ‘n demoon in iemand moet
uitken of ‘n sekere gees in ‘n sekere situasie moet onderskei.
Of soos ek ook vir u gesê het waar jou gees nodig het om ‘n ander persoon
se gees in te dring, om daardie persoon se gees van “binne” te sien, wat
wonderlik is! U sal verstaan hoe u daardie persoon dan sal kan help, om
daardie persoon te kan bevry, gee God vir jou daardie fraksie van die
onderskeiding van daardie persoon se gees. Netso met die gawe van
139

geloof. God, as ons dit so mag noem, het alle geloof! God het die oseaan
van geloof. Maar vir jou situasie, soos in die geval waar die Here Jesus
nou vir die vyeboom gesê het, het die Here Jesus genoeg geloof nodig
gehad om daardie vyeboom te laat verdroog. Hy het daardie gawe op
daardie oomblik van God ontvang. Toe hulle so verbaas was, sê Hy, julle
moet die gawe van God hê.
So kry jy dan vir daardie situasie, vir daardie oomblik, daardie gawe van
God se geloof wat genoeg sal wees om jou sekere situasie te hanteer. Op
‘n ander plek het die Here Jesus gesê; as jy die geloof het van ‘n mosterd
saad, sal jy vir hierdie berg sê word ontwortel en in die see geplant, as dit
nodig is. God se geloof kan alle berge versit! Maar as dit nodig is om net
daardie een berg te versit, sal God jou genoeg, sal ek sê, gewig van geloof
gee om daardie berg te versit.
Moenie dat hierdie dinge vir ons te wonderlik klink nie. Ons het nie iets
wonderliks nodig nie. Jy het nie nodig om jou hart in mekaar te laat trek of
enige iets te doen nie. Dit is net ‘n eenvoudige opkyk na God vir daardie
oomblik en daardie situasie. Ek sal vir u verdere voorbeelde nog gee. Kyk
hoe sê die Here Jesus, ons is nog by Markus 11; “En Jesus antwoord en
sê, julle moet God se geloof hê, (You must have the faith of God) want
voorwaar ek sê vir julle elkeen wat vir hierdie berg sê lig jou op en gooi jou
in die see en nie in sy hart twyfel nie, maar glo dat wat hy sê sal gebeur, hy
sal verkry net wat hy sê”. Nou as hy die gawe van God se geloof op
daardie oomblik ontvang het, sal hy presies kry wat hy sê. Soos toe die
Here Jesus vir daardie boom gesê het word verdroog. In vers 24, -
“Daarom sê Ek vir julle alles wat julle in die gebed vra, glo dat julle dit
ontvang en julle sal dit verkry”. Dan volg Hy met sy voorwaarde verse 25
en 26 wat ek nie nou wil op ingaan nie want dit sal ons ‘n bietjie van ons
onderwerp aflei vir die oomblik.
Ons kyk nou ook nog in hierdie selfde verband na:
Matthéüs 17:18-20;
18 Daarop bestraf Jesus hom; en die duiwel het van hom uitgegaan,
en die seun het gesond geword van daardie uur af.
19 Toe kom die dissipels na Jesus afsonderlik en sê: Waarom kon ons
hom nie uitdryf nie?
20 En Jesus antwoord hulle: Deur julle ongeloof; want, voorwaar Ek sê
vir julle, as julle geloof het soos ‘n mosterdsaad sal julle vir hierdie
berg sê: Gaan weg hiervandaan daarnatoe! en hy sal weggaan, en
niks sal vir julle onmoontlik wees nie.
“En niks sal vir julle onmoontlik wees nie”
Nou weet ons hoedat die Here Jesus vir hulle gesê het, hulle moet vertoef
in Jerusalem totdat hulle aangedoen is met krag uit die hoogte, daardie
140

krag, daardie gawe, die koms van die Trooster, was van die uiterste
belang.
Ek het vir u in die begin gesê, die wat by was met die behandeling van die
Reeks oor die “Doping in die Heilige Gees”; wanneer jy gedoop word in die
Heilige Gees dan ontvang jy in sy kiem, in sy kern, ontvang jy elkeen van
hierdie nege gawes. Maar alleen kom dit dan uit in werking, wanneer jy
dan uit gaan op die bevel, want dit is wat die Here jou voor gestuur het. Vir
daardie oomblik en in daardie situasie met jou gewone geloof, dan in die
Here wat baie nodig is, sal die Here dan vir jou vir daardie oomblik soos
Weymouth dan gesê het, hierdie “special” geloof gee. Dit is die gawe van
geloof wat dan in werking tree. “En niks sal vir julle onmoontlik wees nie”.
Het u al ooit daaraan gedink, het u al in u eie siel, (ek hoop u verstaan die
woord wat ek bedoel) “slaags” geraak met Skrifte soos hierdie? Het u ‘n
Skrif al gegryp, gepak en met dit geworstel in u siel? --- “En niks sal vir julle
onmoontlik wees nie.”
Kyk ‘n mens, en u sal miskien weet waarvan ek praat; ‘n mens maak maklik
so met God se Woord, jy verwerp dit nie, maar jy bly net neutraal. Dit is of
jy bang is om dit te pak, want jy voel die konsekwensies daarvan. Miskien
begryp u wat ek bedoel. Dit is baie keer soos ‘n eksamen wat jy moet
skrywe, as u miskien nog onthou toe u vir ‘n eksamen moes leer. Ag, nou
ja wat, ek moet agt uur, dit is nou sewe uur en ek moet eintlik nou al begin
leer maar ek sal maar nou nog so bietjie rondloop buitekant. Miskien so
half agt sal ek dalk begin. Verstaan u? Ek hoop u verstaan.
So ook met die dinge van die Here. Daar is ‘n punt in jou lewe wanneer jy
hierdie dinge moet vat en sê: “Here dit is die waarheid, as U dan sê niks sal
vir my onmoontlik wees nie, Here dan wil ek nou hê, dat hierdie dinge in my
siel gebrandmerk moet word”.
Nou kyk jy; nou gaan jy; nou luister jy na die stem van God!
Jy begin nou om vir die Here te werk. Die Here sal vir jou wys op watter
manier en op daardie oomblik wanneer jy ‘n gawe nodig het sal God dit vir
jou gee. Ek sal wanneer ek by my eie ondervindings kom, sal ek vir u baie
beter kan illustreer want ‘n mens weet meer waarvan jy praat as jy oor jou
eie ondervinding praat. Soos ek vir u gesê het, weer soos in die ander
gawes, ‘n druppeltjie van God se oneindige, onuitputlike voorraad wat op
daardie oomblik in jou menslike hart uitgestort word. Dit is ‘n druppel van
daardie voorraad wat uit die hemel binne in jou hart val en jy voel hom, en
jy weet dit! Dit is te wonderlik! Loof die Here!
Uit my eie ondervinding; laat ek nou vir u ‘n paar illustrasies noem. Jy
verkondig die Here se woord, jy preek vir die mense. God maak vandag
141

nog gesond, God doen nog wonderwerke. Daar staan jy voor die gehoor.
Ek sal onmoontlik, ooit in myself, God se Woord maar net kan preek en
preek en dan nooit tot die punt kom en vir mense sê; nou gaan ons dit op
die proef stel. Wat help dit om die Here se Woord te verkondig as jy dit
dan nie gaan toepas nie. Daar is dan ‘n sieke, ‘n dowe of selfs ‘n blinde of
wat ook al.
Die Here sal ook vir jou wys, die salwing van die Here sal daar wees.
Gaan jy altyd net preek en nou nie iets waag nie, gaan jy nie nou die ding
na die man toe bring nie? Dit is die punt. Dit is nou hier waar jy jou nek
gaan uitsteek. Mense kyk, die mense is ongelowig, die wêreld is krities.
Ons gaan nou ‘n bietjie kyk wat met Gerald McCallum gebeur het.
Ek weet nie wie daardie oggend in die diens van ‘n paar jaar gelede was
nie, maar broer Ben, en Francois was ten minste daar. Die meeste van
julle ken teen hierdie tyd vir Gerald McCallum. Hy was een van ‘n
tweelingboeties, Gerald en Brian, nie ‘n identiese tweeling nie. Brian was
‘n wonderlike kind met ‘n lieflike geaardheid. Nie dat daar iets met Gerald
verkeerd was nie, maar hulle was heeltemal verskillend in geaardheid.
Hulle ouers het hulle na twee verskillende skole gestuur, want Brian het
baie vér bokant Gerald uitgeblink. Hulle wou nie vir Gerald laat
minderwaardig voel teenoor Brian nie. Gerald het na die Milton skool en
Brian het na die Drie Riviere skool toe gegaan.
Eendag het hulle ‘n funksie gehad by die Drie-Riviere laerskool. Hulle het
vlaggies gekry en Brian was verskriklik opgewonde en toe hy van die bus
af klim, het hy seker net eending in gedagte gehad, hy wil vir sy mammie
hierdie vlaggie gaan wys. Toe hy om die bus spring, kom ‘n motor
afgejaag in die pad en skep vir Brian en ry hom dood.
Dit het ‘n verskriklike uitwerking op Gerald gehad wat oor die jare
aangehou het. Gerald het alllerhande soorte van komplekse ontwikkel wat
ons baie voor gebid het en oor gepraat het nadat hulle selfs gedink het om
miskien ‘n sielkundige te gaan raadpleeg. Die laaste kompleks of soos
hulle gedink het wat ‘n kompleks was, het Gerald altyd gekla oor sy voete,
sy voete is so seer, hy kan nie meer loop nie. Hy het ook opgehou om met
ander kinders te speel. Die sielkundiges het gesê Gerald mis vir Brian, en
probeer nou aandag op hom trek. Hulle het naderhand plate laat neem en
het baie beslis vasgestel, Gerald is werklik siek aan sy voete. Die bene in
Gerald se voete is besig om bros te word en te verbrokkel en daar is niks
wat hulle daaraan kon doen nie en oor ‘n paar jaar sal Gerald glad nie
meer kan loop nie.
Een oggenddiens, die Here se Gees was wonderlik teenwoordig, het ons
almal op ons voete gestaan en die Here geprys. Dit was net asof die Here
vir my sê: “dit is nou Gerald se tyd”. Hulle het heeltemal daar agter gesit,
142

en ek sê: “Gerald kom vorentoe die Here gaan jou gesond maak”. Nou
goed, ek het ‘n versekering van die Here gekry maar die vyand het my
verskriklik aangeval, soos hy altyd doen. U het geen idee wat ‘n oomblik
dit in ‘n mense se lewe is nie. Dit is ‘n breuk van ‘n sekonde se besluit wat
jy moet maak op ‘n boodskap uit die hemel en dit in die aangesig van
geweldige teenstand in die geestes (onsienlike) wêreld.
Ek sê: “Gerald kom vorentoe (en almal staan op hulle voete) die Here gaan
jou gesond maak!” Nou, dit in die aangesig van wat die Satan toe in my
gemoed op daardie oomblik sê; “jy vat nou ‘n groot kans”. Regtig waar, dit
is wat hy aan jou doen, hy sê hierdie diens was nou so wonderlik,( net om
vir u te sê, tipies soos hoe Satan praat) jy gaan nou ‘n baie groot “flop”
maak en dit gaan die Here belaglik maak.
Jy sien hy wil altyd hê, dat jy nie tot ‘n punt moet kom nie. Nou wat help dit
as dinge dan nie tot ‘n punt kom nie. Nie net in die godsdiens nie maar in
enige ding is dit so. Baie mense maak nooit ‘n ding klaar nie, dit is jou
moeilikheid. Baie mense is baie slim maar hy kan nooit ‘n eksamen skryf,
of deurkom, of daardie soort van ding nie. Jy moet ‘n ding deursien en God
sal jou help. Hy sê, nou gaan jy die hele ding verongeluk, daar gaan niks
gebeur met Gerald nie.
Al hierdie dinge gaan vir ‘n breukdeel van ‘n sekonde in jou gedagtes aan.
Ek sê hier binnekant: Wyk Satan, God is waaragtig en elke mens
leuenagtig, en jy ook. Ek sê vir Gerald: “Gerald kom sit hier voor”. Teen
daardie tyd is die salwing van die Here op my en ek sê: “Gerald steek uit
jou voete”, en hy steek sy voete uit en ek gryp hom aan sy voete, ek voel
die Here is daar. Ek vat hom aan sy voete en ek sê: “die Here maak nou
hierdie voete gesond”, en ek sit hulle af en ek sê: “Gerald loop!”
Daardie oomblik toe ek sy voete gryp toe ontspan ek onmiddellik. Dit was
nie meer nodig om te stry of te redeneer nie. Op daardie oomblik toe val
die druppel geloof uit die hemel binne in my hart. Ek weet toe ek vir Gerald
sê: “staan op en loop,” het ek geen fout gemaak nie, Gerald gaan loop!
Gerald het daar op en af geloop en dit is nou ‘n goeie drie jaar gelede.
Gerald was nog nooit weer siek nie. Gerald het gespeel. Daar was nog
nooit weer ‘n woord omtrent Gerald se voete nie, absoluut niks verkeerd
nie. (Ek kan net sê toe ek 15 jaar later uit Vereeniging weg is, was Gerald
nog al die tyd gesond: - F.W.C.N.)
Op daardie oomblik, kyk nou na my illustrasie, op daardie oomblik toe
Gerald nog aankom, toe die duiwel hierdie dinge sê, was dit nog gewone
geloof wat ek moes toepas. Ek moes toe staan, ek het myself nou in ‘n
situasie gestel, nie waar nie?. In ‘n moeilike situasie, menslik gesproke ‘n
situasie van verleentheid. Ek het my nek uitgesteek terwille van die Naam
en die saak van die Here, maar op daardie oomblik toe gooi die Here
daardie druppel van geloof binne in my hart.
143

Nou sal ek u van nog ‘n geval vertel. Dit is my eie ondervinding, en ek
dank die Here soos enige ander getuienis, mense kan maar sê daarvan
wat hulle wil. Hulle kan spot daarmee. Hulle kan sê jy jok maar hulle kan
dit nie van jou wegneem nie, want dit het met jou gebeur. Dit was weer in
‘n aanddiens, daar het ‘n broer en suster Jackson gekom, hulle was met
hulle twee kinders daar. Daar was twee mense die aand wat ek voor gebid
het. Vir die een persoon, het die Here my die gawe van die geloof gegee,
ek het die versekering gehad. Met die ander persoon het ek nie daardie
versekering gehad nie. Ek bid toe eerste vir die vrou, sy het verskriklike
maagpyn gehad, want sy het maag swere gehad en sy moes ‘n groot
operasie ondergaan. Sy was in verskriklike pyn en het ook daar bly sit in
die bank. Ek het na haar toe gegaan en vir haar gebid. Dit het dikwels al
gebeur, die van u wat nou al lank met my saam was sal dit onthou, baie
keer, in die middel van ‘n gebed, dan hou ek op, en dan sê ek: “die Here
het jou nou net gesond gemaak”.
Dit is nie ‘n kans wat jy neem nie, dit is op daardie oomblik wanneer die
Here daardie druppel in jou hart in gooi dan weet jy. Ek het vir haar gebid,
in die middel van my gebed toe sê ek: “Suster, die Here het jou nou net
aangeraak, wees heeltemal eerlik, en sê as dit nie gebeur het nie! As dit
gebeur het, sê dit ook”. Sy het op gestaan en gesê die pyn het nou net
onmiddellik opgehou, op hierdie oomblik!
Hulle is toe die aand weg en hulle het nie terug gekom nie. Omtrent meer
as ‘n jaar daarna, loop ek broer Jackson weer raak, en ek sê broer, ek wil
jou ‘n vraag vra: “Het jou vrou daardie aand gesond geword”? Ek sê, “want
ek het jou dan nooit weer daarna gesien nie. Het julle miskien geskrik of
wat ook al dat julle nooit weer gekom het nie”. Hy sê: “Pastoor ek is eintlik
skuldig ons moes kom getuig het. Hy sê my vrou was nog nooit weer siek
van daardie aand af nie”. Onmiddellik genees, ek het nog nie een keer,
waarvan ek weet, ‘n fout gemaak wanneer ek dit gesê het nie, want jy weet
dit!
Ek dink ek moet vir u nog van hierdie geval vertel. Eendag kom daar ‘n
man en twee dames, sy vrou en skoonmoeder. Die skoonmoeder, ou
mevrou Smit, het my hier na VanderBijl toe laat kom. Haar dogter se
dogtertjie is dood aan bloedkanker, en toe die ander dogtertjie nou min of
meer dieselfde ouderdom bereik, toe begin die dogtertjie presies dieselfde
simptome toon en hulle was toe baie bang. Die ou mevrou Smit vra my toe
om vir die dogtertjie te kom bid. Ek onthou nog die dag, die dogtertjie was
baie skaam en bang. Sy het toe na my gekom en ek het mooi met haar
gepraat en toe vir haar die hande opgelê en gebid. Die Here het daardie
kind volmaak gesond gemaak.
Daar het ek nie ‘n druppel gevoel nie, jy het dit nie altyd nie, jy het nie dit
alleen nodig nie. Die Here eer sy Woord, die Here eer geloof. As jy die
144

hande op die siekes lê, partykeer is dit in koue blote geloof, terwyl jou eie
hart (soos die duiwel maar vir jou wil laat verstaan )vol van twyfel voel. Dat
jy nogtans op God se Woord staan en dit doen. Dit is baie keer, ‘n harde
stryd. Soos selfs wanneer jy vir die siekes ook bid. Jy moet God se Woord
eer en die Here sal jou eer.
Eendag toe kom ou mev Smit daar. Sy sê: “Pastoor ek het my skoonseun
gebring, Roy van den Bosch. Die man was in ‘n verskriklike toestand, hy
kon skaars loop. Hy het soos ‘n krap daar teen die trappies van die huis op
gekom. Hy sê vir my toe, hy het by die werk geloop en op ‘n stukkie pyp
getrap wat op die vloer gelê het en dit het onder sy voet uit gerol. Hy het
op sy stuitjie geval, een of twee van sy rug werwels gekraak en van daardie
tyd af het hy ‘n verskriklike tyd met sy rug, die dokter wil hom opereer.
Sy skoonmoeder stel toe voor hulle moet eers hierheen kom. Ek begin toe
by hulle getuig en ek maak die Here se Woord vir hulle oop. Terwyl ek die
Here se Woord oopmaak, dit is wat die Here so wonderlik doen, toe voel ek
hier is die Here, en Hy gee weer daardie heerlike versekering in my hart,
wat te wonderlik is, jy kan net nie twyfel nie.
Ek sê, “nou goed, ek het nou klaar die Here se Woord vir jou oopgemaak,
ek gaan nou bid, dan gaan ons bid”. Hy sê pastoor ek kan nie kniel nie, ek
sê, as jy nie kan kniel nie, gaan ons staan, kan jy mooi regop staan? Hy sê
ja. Dan kan jou vrou en jou skoonmoeder kniel, om die Here te eerbiedig,
ons twee sal staan.
Hy is ‘n hele entjie langer as ek en ek staan toe so langs hom en sit my
linkerhand op sy kop en ek sit my regter hand hier op sy rug en ek bid vir
hom. Teen daardie tyd toe weet ek al die Here het hom gesond gemaak.
Ek meen die versekering was so wonderlik. Toe ek klaar vir hom ‘n kort
gebed gedoen het, sê ek vir hom, doen nou iets wat jy nie van te vore kon
doen nie. Hy staan so en hy buk so ‘n entjie af en hy kom terug. Ek sê,
was dit seer? Hy sê niks nie. Ek sê, buig nou ‘n bietjie verder, hy buig ‘n
bietjie verder af en kom terug. Toe hang sy mond oop van verbasing. Ek
sê wat is dit? Hy sê daar is geen pyn nie. Ek sê buig nou af so ver as jy
kan, hy gaan heeltemal af, hy kon toe nou nie sy tone raak nie, maar sover
as wat hy kon. Toe hy opkom, toe bars daardie man in trane uit en huil
soos ‘n babatjie. Nie ‘n stukkie pyn nie. Ons stap na sy motor toe, hy
maak die deur oop, hy sê: “Pastoor as ‘n mens wil weet watter kontorsies,
watter verbuigings ‘n mens se rug deurmaak om agter ‘n motorkar se
stuurwiel in te klim, laat ‘n mens se rug net seer wees”. Hy maak die deur
oop en hy glip agter daardie stuurwiel sommer net so in. Ek vra hoe voel
dit? Nie ‘n stukkie pyn nie. Dit word dus in jou hart gegooi nog voordat
jy dit met jou oë sien gebeur. Dit is wat so wonderlik is, jy kan dit verklaar,
voordat jy dit nog gesien gebeur het. Voordat ek vir Gerald gesien loop
het, op daardie oomblik toe ek sy voete los en sê Gerald loop, toe het ek dit
145

al klaar geweet in my hart, en toe het my oë dit gesien gebeur. Dieselfde
met meneer van den Bosch en so aan.
Hier is die volgende belangrike maar wonderlike punt. Jy tree op daardie
oomblik onverskrokke op, sonder om onverantwoordelik te wees. Jy is nie
roekeloos nie, jy vat ook nie ‘n kans nie maar jy tree onverskrokke op. Dit
moet jy doen, jy moet nou reageer op dit wat God vir jou gegee het.
Anders gaan jy die Here onteer. Moet nou nie in u gedagtes dink, pastoor
Neser is nou ‘n besonderse persoon nie. Nee, dit is nie so nie, dit is vir
elkeen van u, maar u sal ten minste dit moet nakom, u sal nie moet skrik op
daardie oomblik nie.
Satan sal vir jou sy tande wys, hy sal enige ding doen om op daardie
oomblik vir jou uit daardie ding te kry. En as jy daar gaan omdraai, gaan jy
so teleurgesteld wees in jouself. Jy gaan, ek voel die Here se hart so
seermaak. Moenie skrik nie, die Here sal jou nie in die steek laat nie. Dit
is die wonderlikste oomblik in jou lewe, op daardie oomblik. Jy is
onverskrokke, sonder om onverantwoordelik te wees. Dit is avontuur, wat
in die diepte van jou wese bekoor.
Ek voel, as ons, ons jeug veral, weer kan bekeerd kry deur die genade van
God, en hulle vervuld kan kry met die Heilige Gees, en hulle kan begin
werk en die gawes van die Heilige Gees in hulle lewe laat werk, sodat hulle
nie na al hierdie ander dinge gaan soek net om ‘n “thrill” en ‘n “kick” te kry
nie. Daar is geen “thrill”, (ekskuus, maar ek noem dit want dit is die taal
wat gebruik word), en geen 'kick” wat met hierdie “kick” vergelyk kan word
nie. Loof die Here, dit is die waarheid, want dit is uit die hemel uit.
Ek kan dit uit my eie ondervinding sê. Luister weer mooi, dit is nie
natuurlike geloof nie, dit is bonatuurlike geloof. Elkeen van ons het geloof
nodig, jy het ook selfs moed nodig, die wêreld kan nie daarsonder bestaan
nie. Byvoorbeeld, mense wat ‘n besigheid oopmaak. Hy het geloof in sy
besigheid en ook moed. Hier maak hy ‘n winkel oop en hy lê duisende
rande aan kapitaal uit. Hy sal dit nie doen as hy nie geloof gehad het dat
hy ‘n sukses daarvan sal maak nie, of die moed gehad het nie, dit het jy,
maar dit is nie daardie soort van geloof of moed nie.
Kom ons kyk net na hierdie volgende paar Skrifte.
Romeine 12:3;
Want deur die genade wat aan my gegee is, sê ek vir elkeen wat
onder julle is, dat hy nie van homself meer moet dink as wat ‘n
mens behoort te dink nie; maar dat hy daaraan moet dink om
besadig te wees na die maat van geloof soos God dit aan elkeen
toebedeel het.
146

So, die Here gee geloof aan elke mens. Jy kon nie gered geword het as jy
nie geloof gehad het nie. So het jy geloof vir baie dinge, maar dit is nie die
gawe van geloof nie.
Jakobus 2:26;
Want soos die liggaam sonder gees dood is, so is ook die geloof
sonder die werke dood.
“Geloof sonder die werke is dood”.
Hy bedoel dit in die sin van, jy moenie net vir die Here sê: “Here, Here, en
dan ook nie doen wat Hy vir jou sê nie”. As jy sê jy glo die Here, dan moet
jy ook daarvolgens handel. So is dit dan ook die uitdaging vir ons. As ons
dan sê, dat ons glo dat die Here vandag nog dieselfde Here is, kom dat ons
daarvolgens handel. Laat ons dit dan waag om die Here op sy Woord te
neem.
2 Thessalonicense 1:3; (N.A.V.)
ONS moet God altyd vir julle dank, broeders. En dit is ook reg,
want julle geloof neem sterk toe, en sonder uitsondering word julle
liefde vir mekaar altyd meer.
Dit is wonderlik, dit is nou die nuwer vertaling. My ou Bybel sê nog: “Ons
moet God altyd oor julle dank broeders soos dit ook billik is, omdat julle
geloof grootliks toeneem en die wederkerige liefde van elkeen van julle
almal groter word,”. So, die geloof wat grootliks toeneem, ons weet ons
geloof neem ook toe deur die lees van God se Woord.
Romeine 10:17;
Die geloof is dus uit die gehoor, en die gehoor is deur die woord
van God.
Geloof kom deur die gehoor van die Woord van God.
Hierdie geloof, hierdie gawe van geloof, hier moet u ook nou mooi kyk. Dit
is nie iets wat u nou opwerk nie, dit is nie ‘n toestand wat jy jouself inkry nie
deur jou verbeelding te gebruik of selfs miskien aan die skree te raak of
rond te spring of wat ook al nie. Dank die Here, om die Here te prys en jou
hande te klap, dit is ‘n ander aspek. ‘n Mens moenie dink daardeur wek jy
geloof op nie. Geloof kom deur God se Woord, kom deur die
teenwoordigheid van die Here, reg genoeg. Maar die gawe van geloof is
op daardie oomblik wat die Here uit die hemel in jou hart ingooi.
Die volgende aspek van hierdie gawe van geloof en dit is baie belangrik:-
Die gawe van geloof se resultaat is nie altyd onmiddellik sigbaar nie! Ons
sal daarby kom, wanneer ons kom by die werking van kragte. Soos die
147

Engelse sê: “the working of miracles”, wanneer jy ‘n wonderwerk doen, die
Here het vir ons daardie gawe ook gegee.
a) Die doen van ‘n wonderwerk is iets onmiddelliks en dit is iets wat
jy kan sien.
b) Die uitwerking, die resultaat van die gawe van geloof is nie altyd
onmiddellik sigbaar nie. Dit is belangrik!
Hier is ‘n illustrasie en ek sal ook vir u illustrasies gee uit die Woord.
‘n Sekere moeder het gebid vir die redding van haar kinders, vir die twee
seuns van haar wat baie roekeloos was. Sy het gebid en sy het deur
gebid. Baie van ons, ons bid nie deur nie. Jy bid ‘n rukkie en dan hou jy
op. Daar kom ‘n oomblik in jou gebed waar jy voel jy maak kontak met
God. Die moeder het deur gebid en die Here het vir haar die versekering
uit die hemel uit gegee dat Hy haar kinders gaan red.
Sy het daardie gawe ontvang op daardie oomblik. Toe sy deur gebid het
en die Heilige Gees op haar gekom het, het sy nie weer vir haar kinders
gebid nie. Sy het gerus en sy het die Here begin prys. Sy het dit geweet
alhoewel daardie kinders nie onmiddellik gered was nie. Omtrent ‘n jaar
daarna is sy toe oorlede, en sy het dit nie eers gesien nie. Na haar dood,
toe is daardie twee seuns albei wonderbaarlik gered. Die Here het haar
daardie gawe op daardie oomblik gegee en sy was tevrede, sy het
heeltemal gerus. Dit was klaar en gedaan en dit het gebeur en sy het dit
nie eers in haar lewe gesien nie!
Kom ons kyk hoe werk dit in die Bybel, dat dit daar ook so gebeur het. Dit
is ‘n wonderlike gedeelte.
Hebreërs 11:8-20;
8 Deur die geloof het Abraham, toe hy geroep is, gehoorsaam
weggetrek na die plek wat hy as ‘n erfenis sou ontvang; en hy het
weggetrek sonder om te weet waar hy sou kom.
9 Deur die geloof het hy as vreemdeling gaan woon in die land van
belofte soos in ‘n vreemde land en in tente gewoon met Isak en
Jakob die mede-erfgename van dieselfde belofte.
10 Want hy het die stad verwag wat fondamente het, waarvan God die
boumeester en oprigter is.
11 Deur die geloof het Sara self ook krag ontvang om bevrug te word;
en toe sy oor die leeftyd was, het sy gebaar, omdat sy Hom getrou
geag het wat dit beloof het.
12 Daarom is daar ook gebore uit een vader, en dit ‘n verstorwene,
kinders soos sterre van die hemel in menigte en soos die sand aan
die strand van die see, wat ontelbaar is.
148

13 In die geloof het hulle almal gesterwe sonder om die beloftes te
verkry, maar hulle het dit uit die verte gesien en geglo en begroet,
en het bely dat hulle vreemdelinge en bywoners op aarde was.
14 Want die wat sulke dinge sê, verklaar dat hulle ‘n vaderland soek.
15 En as hulle bly dink het aan dié vaderland waaruit hulle weggetrek
het, sou hulle geleentheid gehad het om terug te keer.
16 Maar nou verlang hulle na ‘n beter een, dit is ‘n hemelse. Daarom
skaam God Hom nie vir hulle om hulle God genoem te word nie,
want Hy het vir hulle ‘n stad berei.
17 Deur die geloof het Abraham, toe hy op die proef gestel is, Isak
geoffer; ja, hy wat die beloftes ontvang het, het sy eniggeborene
geoffer
18 aan wie gesê is: In Isak sal jou nageslag genoem word - want hy
het gereken dat God mag het om selfs uit die dode op te wek;
19 daaruit het hy hom ook, om so te spreek, terug ontvang.
20 Deur die geloof het Isak vir Jakob en Esau geseën met die oog op
die toekoms.
“met die oog op die toekoms” en vers dertien, “in die geloof het hulle almal
gesterwe sonder om die beloftes te verkry maar hulle het dit uit die verte
gesien en geglo en begroet en het bely dat hulle vreemdelinge en
bywoners op aarde was”. So ook, aangaande die toekoms.
Dit mag wees aangaande jou eie kinders, ‘n familielid, of omstandighede.
As jy daaroor deurbid dan sal daar ‘n oomblik kom, as die Here dit dan so
beskik, dat jy ‘n versekering daaroor kry, die Here sal dit in jou hart ingooi,
en jy sal dit net weet, en jy sal die versekering hê dat dit sekerlik so sal uit
kom.
Al sterwe jy voordat dit gebeur, kan jy werklik in jou rus in wees. Dit is wat
so wonderlik is, as daardie gawe in jou gekom het, dan rus jy. Jy rus en jy
is heeltemal ontspanne aangaande daardie saak. Dit is so ‘n heerlike
versekering dat jy net nie kan twyfel nie. Party mense definieer selfs geloof
so, sonder dat hulle dit besef, is dit eintlik die gawe van geloof. Dit is ‘n
versekering wat jy kry, wat so is, dat jy net nie meer kan twyfel nie. Die
Here het vir jou die gawe van geloof aangaande daardie spesifieke saak
gegee.
Die gawe van geloof glo vir ‘n wonderwerk!
Die gawe van kragte, of die gawe van wonderwerke, bewerk wonderwerke!
Nog voorbeelde:
1) Abraham is nou al reeds van gepraat. Ons ken natuurlik Abraham se
geskiedenis. Voordat die Here vir Abraham geroep het en hom belowe het
dat hy die vader sou wees van hierdie nageslag was sy naam Abram.
149

Nadat die Here vir hom die belofte gegee het, het sy naam Abraham
geword. Abraham beteken:- die vader van baie nasies; en dit is nie wat
Abram beteken nie. Net nadat die Here hom eers die belofte gegee het toe
verander die Here sy naam na Abraham: die vader van baie nasies. Van
toe af, noem Abraham homself ook so: Abraham, al het hulle ook hoe met
hom gespot.
2) Met die inname van Jérigo; het die Israeliete daardie geskree
aangehef, nog voordat die mure geval het, en die mure hét geval. Ons
natuurlike manier is, ons sal eers skree en juig wanneer die mure geval
het! Die Israeliete het gejuig en geskree voordat die mure geval het. Dit
het juis die mure laat val. Dit is hoe die gawe van geloof werk. Die Here
het vir hulle die stad gegee.
3) Petrus, in Handelinge 12; sal u sien Petrus was in die tronk gegooi, en
sou die volgende oggend dood gemaak gewees het. Daardie nag slaap hy
tussen die wagte en daar het die engel hom uit gelei. Toe die diensmeisie,
Roda die deur oopmaak toe skrik sy en sy dag dit is sy gees, terwyl hulle
besig was om binnekant te bid. Nou ‘n man wat ‘n dood vonnis oor hom
het, ek dink nie hy sal daardie nag slaap nie. Petrus, die Bybel sê, hy het
geslaap. Ek glo die Here het hom so ‘n versekering gegee dat hy daarin
gerus het. So ook in ons stryd van ons lewens.
Raak vervul met die gees van God. Kry die lewe van die Gees van die
Here in jou lewe, en bid! Die Here sal vir jou, omtrent jou probleme, sake
of moeilikheid, sal die Here vir jou ‘n druppel geloof, aangaande daardie
saak in jou hart ingooi. As die Here dan nie vir jou ‘n sekere ding wil gee
nie, sal die Here dit ook vir jou wys!
4) Soos Paulus in verband met die doring in sy vlees. Laat daardie
doring nou wees wat dit wil vir die oomblik. Want Paulus het vir die Here
drie keer gebid, en die Here het dit nie van hom weggeneem nie. Die Here
het gesê; dit gaan bly. My krag sal in jou swakheid volbring word. So het
Paulus dan ook daar die antwoord gekry.
As jy dan ‘n doring het, ‘n probleem of wat ook al het, bid deur omtrent die
saak en die Here sal vir jou wys of Hy dit vir jou gaan oplos. Dan sal Hy
die druppel van geloof in jou hart ingooi. As die Here dan vir een of ander
rede, soos Hy vir Paulus gesê het, dat hy nie vanweë die baie
openbaringe, dalk hoogmoedig sou word nie, die doring dan moes bly en
dat in sy swakheid, sou hy dan roem sodat die krag van Christus in hom
volbring word, sal die Here dit ook wys.
5) Jesus wat in die boot gelê en slaap het in Markus 4:35. Hoe het ons
dit nie nodig in hierdie dae nie. Ek het dit alreeds genoem en u ken die
150

verhaal. U moet maar daardie hele geval lees hoedat hulle in ‘n storm was
en die Here Jesus gelê en slaap het, terwyl die dissipels so worstel. So
kan ek sê, is die kind van God wat die gawe van geloof ontvang het, terwyl
die ander om hom worstel en angstig word en tekere gaan, rus hy. Hy rus
in die Here. Die Here het hom ‘n versekering gegee en hy sal dit weet.
Ek glo dit is die gawe ook van geloof, een van die gawes van die Heilige
Gees, en daarom kan jy ophou om te bid vir die saak! Dit is wonderlik om
uit te stap op die versekering in jou hart oor dit wat gaan gebeur.
2 Kronieke 16:9;
Dit is een van die wonderlikste tekse in die Bybel u kan dit regtigwaar uit u
kop uit leer, om dit te kan opsê miskien in baie tye van gevaar en
beproewing.
9 want die HERE - sy oë deurloop die hele aarde om diegene kragtig
te steun wie se hart onverdeeld op Hom gerig is;---
U sal sien in die vorige versie, die laaste gedeelte: “omdat u op die HERE
gesteun het”, want die HERE se oë swewe rond oor die hele aarde om Hom
sterk te bewys by hulle wie se hart onverdeeld op Hom gerig is.
Dit is wonderlik die klamte en die versekering waarmee jy jou weg kan
bewandel, wanneer die Here vir jou daardie gawe gee. O, mag mense leer
om op die Here te wag! “Ek sal jou groot en wonderlike dinge toon”.
Dit verskil ook hierin, van die gawes van kragte en van genesing, dat die
werking daarvan nie altyd onmiddellik of self algemeen waarneembaar is
nie.
Die gawe van geloof maak dit nie onmoontlik om ooit weer te twyfel nie, o,
nee, dit is ‘n gawe vir ‘n spesifieke oomblik en geleentheid. Dit is vir
hierdie kant van die hemel!
Die algemene geloof is vir hier en vir hierna.
Nou laat ek dit net vir u duidelik maak. U moet nou nie dink as die Here vir
u op ‘n spesifieke oomblik vir ‘n spesifiek saak die gawe van geloof gegee
het en dit het gewerk, of iemand anderste vertel vir jou van dit wat met hom
gewerk het, soos ek vir u van Gerald vertel het. Moenie dink dat daardie
man of u nooit weer gaan twyfel daarna nie.
Onthou dit is die punt:-
Die gawe van geloof is vir daardie oomblik en vir daardie geval!
Jy moenie dink jy het dit nou vir altyd nie. Die oomblik dat dit verby is, is jy
weer ‘n gewone mens. Dit is nie iets waarmee ‘n mens kan rondloop in sy
sak nie. Jy hoor dit baie onder Pinkster mense. Die een sê ek het hierdie
gawe, daardie een sê ek het daardie gawe.
151

Ek weet ander Pinkster leraars verskil met my hieroor, ek gee u wat ek kan
gee en u moet maar self oordeel. U moet maar self voel hoe u dit ontvang.
Daar is baie verskillende leringe. Maar sover ek die gawes kan sien, (baie
mense sê ek het die gawe van genesing, goddelike genesing); die Here het
jou miskien gehelp om ‘n groot geloof te hê, gewone groot geloof, wat jy
deur toewyding, deur die lees van die Here se Woord deur getrouheid
bekom het, en dat jy die Here dan glo.
Die Here maak nie net gesond deur die gawe van genesing nie. Die Here
maak ook gesond op gewone geloof. Die Here maak gesond deur die
oplegging van hande, wat nie noodwendig ‘n gawe van genesing is nie.
Die Here eer sy woord, die Here beantwoord sy beloftes!
Ek glo soos ek dit verstaan; die gawe is vir ‘n spesifieke geval en vir ‘n
spesifieke oomblik en dit is ‘n deeltjie van God se alles besittende oseane
van al hierdie dinge of dit kennis is of wysheid of geloof of genesing of wat
ook al! Dus, hierdie gawe van geloof is nie vir redding nie.
Jy sal party mense kry, en dit kan baie mense nie verstaan nie, dat ‘n
sekere persoon vir daardie oomblik daardie gawe het en die wonderlikste
dinge kan doen en die volgende oomblik iets doen wat jou kan skok. Jy sal
sê ek het dit nie van daardie man verwag nie. Daardie pastoor is nou so
wonderlik, of die broer of suster, daar het ‘n wonderwerk gebeur en nou
hoor ek dit.
Elía het seker ook ‘n mens geskok: in 1 Konings 18 daar kom vuur uit die
hemel en in 1 Konings 19 gaan lê hy onder die besembos. Onthou Elía
was net so ‘n mens soos ons. Ook met u en met my kan dit gebeur. So
moenie nou sê; nee wat, kyk hier is ‘n bluf, of daardie wonderwerk het
miskien nie gebeur nie want as ek nou na hierdie man se lewe kyk, dan
rym dit nie vir my nie.
In die geloofslewe, in die geestelike lewe, is daar baie dinge wat vir die
verstand nie rym nie. Laat ek dit vir u sê; jy verstaan hom nie met die kop
nie, u verstaan hom met die hart. Die gawe van geloof kom dus veral te
pas, in situasies van onvermydelike gevaar of nood. Selfs in gevalle van
hongersnood, waar u selfs miskien deur wilde diere of die elemente van die
natuur of gevare of in onmoontlike toestande verkeer.
6) Byvoorbeeld George Müller; Party het dalk al sy boek gelees. Hy het
duisende weeskinders grootgemaak op geloof. God het vir hom duisende
van tienduisende Ponde gegee, op geloof, om op die wonderbaarlikste
wyse daardie weeskinders groot te maak.
152

Een geval wat in sy boek beskrywe word, waar daar geen kos was nie, en
daardie nag het hy by die Here deurgebring. Die oggend toe dek hy die
tafels vir die kinders, sit alles reg, en die kinders kom sit aan tafel, daar is
geen pap, suiker of melk op die tafel nie. Hy vra die seën van die Here ,
toe hulle klaar die seën van die Here gevra het, toe gaan die deur oop en ‘n
man kom in met brood en melk.
Die Here het daardie nag vroeg, terwyl Müller geworstel het met God, het
die Here die bakker wakker gemaak nog lank voor sy opstaan tyd. Hy sê
vir sy vrou hy is onrustig. Hy sê ek moet brood bak. Sy vrou sê dit is nog
te vroeg. Hy sê, ek moet ekstra brood bak, en ek moet dit vir George
Müller se kinders neem. Hy het sy wa gelaai en die Here het dit, sal ons
maar sê; die tyd so bereken, dat toe Müller amen sê, toe stap hy in met die
brood. Nou dink net wat het dit aan die kinders gedoen.
So werk God! Die Here werk dan altyd as jy dit waag tot op die punt. Die
Here werk altyd ‘n dubbele ding, die Here doen vir ons vér bokant wat ons
dink of verwag. U weet ons het vervreemd geraak van die krag van God.
Die mens het afgesny geraak van die dinge van die Here. Al hierdie dinge
staan in die Bybel. Maar ons God, is nie vir ons die God van die Bybel nie,
dit is ons moeilikheid! As ons dit weer sal doen, dan sal hierdie dinge
gebeur!. As u ‘n goeie boek wil lees, kry George Müller van Bristol se
boek.
Dan net my laaste gedagte; Dit werk natuurlik in kombinasie met die ander
gawes ook. Dit moet u nie vergeet nie. Ten minste dit sal u my tog toegee,
dit is een van die nege gawes. Soos ek vir u in die begin verduidelik het,
net soos gewone lig, as jy nou die son se lig neem, dit is saamgestel uit die
kleure van die reënboog. As jy ‘n prisma daar sal sit wat daardie lig skei,
dan sal jy al die verskillende kleure sien. As jy nou ‘n reënboog neem, kyk
of jy ‘n fyn strepie van waar die een kleur ophou en vanwaar die ander
kleur begin, kan trek, jy kan dit nie doen nie. Die een vloei in die ander.
Nou so is die gawes van die Heilige Gees ook. Jy kan die gawes nie altyd
fyn afsny en sê hier is die gawe van geloof en daar is die gawe van die
werking van kragte en hier is die gawe van genesing nie! Neem nou weer
in Gerald se geval. Gerald se behoefte was genesing nie waar nie? Sy
voete moes gesond word. Maar sy voete sou daardie môre nie gesond
geword het as die Here nie op daardie oomblik ‘n gawe van geloof in my
hart gegooi het nie. As ek dit dan nie op daardie oomblik gevat het en
gesê het nie, “loop Gerald”! Die dinge gaan met mekaar saam.
Dieselfde doen Petrus en Johannes vir die man by die skone poort toe hy
gebedel het. En toe sê hy: “silwer en goud het ons nie maar dit wat ons het
in die Naam van die Here staan op en wandel”. Die man het gesond
153

geword, so daar was genesing. Maar daar was ook, ek voel seker daarvan
die gawe van geloof, dat hy hom kon gryp en oprig en terselfdertyd was dit
ook ‘n wonderwerk. Ek sou sê aldrie krag gawes het daar saam gewerk.
Die genesing, die gawe van die geloof en die gawe van die werking van
kragte of “the working of miracles” soos die Engelse Bybel sê.
Nou wil ek net eindig met:
1 Korinthiërs 14:1; (waar ons aan iets wonderliks herinner word.)
J AAG die liefde na, en beywer julle met die oog op die geestelike
gawes, maar veral om te profeteer.
“Jaag die liefde na” en hy het nou net die liefde behandel in 1 Korinthiërs
13. Hy sê: “jaag die liefde na maar beywer julle met die oog op die
geestelike gawes.
Nou vir die afgelope geslagte is dit nie eers ‘n kwessie van beywer nie, ons
het net nie eers daarvan geweet nie. Daar is nooit eers van gepraat nie.
Nou, as ons die geestelike gawes en dus ook die gawe van geloof, weer wil
terug hê, sal ons onsself daarvoor moet beywer. Daarom leer ons dit vir u,
ek leer dit ook vir myself.
Daar is groot veld, ek glo ons gaan weer ‘n wonderbaarlike oplewing
daarvan sien.
154

[Kasset nr. L011]
Hoofstuk 8
Die Gawe van Genesing.
Inleiding.
1 Korinthiërs 12:8-9.
8 Want aan die een word deur die Gees ‘n woord van wysheid
gegee, en aan die ander ‘n woord van kennis vanweë dieselfde
Gees;
9 aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees;
Aan ‘n ander genadegawes van gesondmaking deur dieselfde Gees.
Opmerklik, as u dit raakgesien het, is dit die enigste van die nege gawes
waar dit praat van genadegawes van gesondmaking. Daar is ook
verskillende verklarings deur dierbare Geesvervulde leraars van die Heer in
verband daarmee. U moet self besluit presies wat dit beteken. Maar vir
my is dit baie eienaardig, interessant en baie opmerklik; in my ondervinding
die afgelope klompie jare wat ek in Pinkster was, van andere gehoor het en
in wat ek gelees het, dat dit lyk asof in persone in wie die genadegawe van
gesondmaking werk, asof die een persoon meer spesifiek gebruik word om
te bid, sê vir mense met kanker, ander weer met rug gevalle, ander weer
vir blinde oë, ander vir dowe ore en so aan. Dit klink net vir my eienaardig
oor die jare, of dit nou die verklaring is vir hoekom dit genadegawes is, sou
ek nou nie heeltemal sommer baie beslis kon sê dat dit so is nie, en of dit
op ‘n ander manier werk sal ons nog sien.
Dit lyk vir my of dit een van die belangrikste gawes van die Heilige Gees is.
Dit is seker die belangrikste gawe soos dit gewerk het in die bediening van
ons Here Jesus. Soos dit gewerk het in die bediening van die apostels in
die dae van die Bybel, en dit is ook merkwaardig dat in hierdie noem van
die gawes hier in 1 Korinthiërs 12 die gawe van gesondmaking op drie
plekke in hierdie 12de hoofstuk genoem word.
1 Korinthiërs 12:28, 30-31;
28 En God het sommige in die gemeente gestel: in die eerste plek
apostels, ten tweede profete, ten derde leraars, daarna kragte,
daarna genadegawes van gesondmaking, helpers, regeringe,
allerhande tale.
Daar weer, genadegawes van gesondmaking saam met daardie ander
bedienings soos apostels, profete, leraars, kragte, helpers, regerings en
allerhande tale, ook genadegawes van gesondmaking.
155

30 Het almal genadegawes van gesondmaking, spreek almal in tale,
kan almal dit uitlê?
Daar word dit nou vir die derde keer genoem.
Dan sê hy;
31 Maar beywer julle met die oog op die beste gawes en ek wys julle
nog ‘n uitnemender weg.
Loof die Here! Laat ons die Here altyd vra in ons lewens dat ons altyd die
vonk en die aanraking van die Heilige Gees sal hê.
U weet een van die mooiste gedeeltes in die Bybel vir my is Psalm 51. Dit
is Dawid se boetelied, toe Dawid tot die besef gekom het van sy sonde met
Bátseba, nadat die profeet vir hom gesê het; “Jy is die man”. Dan vind ons
in Psalm 51 die uitstorting van Dawid se hart voor God in die besef van sy
sonde.
Weet u wat so mooi is, wat vra hy van God? Hy sê: “Neem tog U Heilige
Gees nie van my weg nie”. Hy soebat nie; “Here moet my tog nie te swaar
straf nie, of Here moet tog nie dit of dat doen nie; maar “Neem tog U
Heilige Gees nie van my weg nie”. U kan tog vir uself dink hoe daardie
krag van God was wat vir Dawid ‘n Goliat laat stormloop het en laat
verslaan het; wat die bokkie uit die leeu se bek geruk het, en daardie Gees
wat vir hom laat sê het; “Met my God spring ek oor ‘n muur en met my God
loop ek ‘n bende storm”.
Dit is soet, dit is heerlik en dit is wonderlik! Laat die kind van God tog sy
erfenis, en dit is die Heilige Gees in sy Iewe, laat hy dit tog nie verbeur nie.
So, wanneer ons God se Woord ondersoek en na hierdie dinge kyk, laat
ons tog altyd in gedagte hou ons is besig met die Gawes van die Heilige
Gees, en daarom is ons nié nou besig met ‘n baie slim ondersoek van die
Bybel nie.
Ons gaan baie tekse nagaan en baie dinge leer, ek glo dit en ek dank die
Here daarvoor. Ons hoof motief moet nie wees om te kyk hoe slim ek kan
word in die Bybel nie, maar my hoofmotief moet wees om te kyk hoeveel
van die krag van die Heilige Gees ek in my Iewe kan hê, Hy sal in elk geval
vir my die Woord oopmaak en laat verstaan.
Daarom wil ek u weer herinner, soos ek by elk van die ander studies u aan
herinner het, onthou, net soos enige van die ander gawes is die gawe van
gesondmaking ‘n bonatuurlike gawe. Ons sal nou-nou weer daarby kom as
ons dit deurlees, maar ek beklemtoon dit maar net.
156

Dit het niks met mediese of wetenskaplike kennis of met enige natuurlike
kennis te doen nie. Dit kom van BO, dit is bonatuurlik. U moet baie goed
onthou, soos enige van die ander gawes, selfs die gawe van geloof kan nie
in werking kom in ons lewens sonder geloof nie. Ons moet God glo. Ons
moet God se Woord glo.
Geloof is so eenvoudig dat hy so swaar is om te verstaan. Onthou, of dit
nou die genadegawe van gesondmaking is, of wat ook al, u gaan dit nie kry
met u eie krag nie; u gaan dit nie kry met u eie aanwending nie, al sal u
nou ook dag en nag aanmekaar bid.
Ek sê nie u moet dit nie doen nie. Dit is goed as die Here ‘n mens so lei.
U moet nie dink u gaan dit voor die Here lê en sê: “Here ek het nou dag en
nag aanmekaar gebid en ek wil nou die genadegawe van gesondmaking
hê nie”. Party leraars leer dit so, jy kan vir die Here vra wat jy wil hê.
Ek verstaan dit só: Die Heilige Gees gee soos Hy dit wil en dat ek nie
daarvoor moet vra nie, maar dat Hy my die genade en die gawe moet gee
om die gawe wat die Here vir my gegee het vir die oomblik wat ek dit voor
nodig het, dat ek dit sal raaksien en raakvat.
Ek het dit al ‘n hele paar keer duidelik gemaak dat wanneer jy in ‘n situasie
is waar jy byvoorbeeld die gawe van ’n woord van kennis nodig het, sal dit
nie vir jou help om nou te vra vir ‘n gawe, sê, van genesing nie. Jy het daar
‘n woord van kennis nodig en jy moet die Here vra om jou ingestem en
gelowig genoeg te maak om op daardie oomblik wanneer dit nodig is, dit te
kan raakvat.
Maar in elk geval, wanneer ons met hierdie Reeks klaar is, soos ek belowe
het in die begin, gaan ons die Here hierdie kans in ons lewens gee. Ons
gaan ‘n tydjie maak en ons gaan onsself waarlik voor die Here afsonder en
ons gaan vir die Here vra, ons gaan leer om dit te beoefen.
U sal met my saamstem, die tyd het gekom vir die kind van die Here om sy
land in besit te neem. Dit sal nie vir ons help nie, en die Here sal ons dit
kwalik neem, as ons nou hierdie wonderlike studies gedoen het en ons
gaan nie iets daaromtrent doen nie. Ek gaan sê: “Here, ek gaan U
aangesig soek en hierdie dinge gaan nou in werking kom.” Die Here sal vir
ons help om dit te doen.
Genadegawes van Gesondmaking.
(1 Korinthiërs l2, het ons reeds met mekaar gelees in ons Bybels)
Die gawe is een van die groep van nege, en een van die drie waardeur
God sy almag manifesteer. Let asseblief daarop dat dit die enigste van die
157

nege is wat deur die meervoud aangedui word. “Genadegawes” van
gesondmaking. Dit moet in gedagte gehou word dat daar net een
Goddelike Geneesheer is, net Een wat sonder enige mediese hulp of
middele op bonatuurlike en wonderbaarlike wyse, kwale en siektes kan
genees, en dit is die Groot Geneesheer, Jesus Christus.
Markus 16:20,17-18;.
Maar hulle het uitgegaan en oral gepreek, en die Here het
saamgewerk en die woord bevestig deur die tekens wat daarop
gevolg het. Amen.
(Die Here het saamgewerk deur die tekens wat daarop gevolg het).
17 En vir die wat geglo het, sal hierdie tekens volg: in my Naam sal
hulle duiwels uitdryf, met nuwe tale sal hulle spreek,
18 slange sal hulle opneem; en as hulle iets dodeliks drink, sal dit
hulle geen kwaad doen nie; op siekes sal hulle die hande lê, en
hulle sal gesond word.
Die rede waarom die gawes in die meervoud gestel word kan blykbaar
daaraan toegeskryf word dat die Groot Geneesheer deur verskillende van
sy diensknegte verskillende kwale en soorte siektes genees, byvoorbeeld
waar die een persoon besonder suksesvol sal wees wanneer hy vir
persone bid wat aan kanker ly, die ander weer groter welslae behaal in die
geval van asma, of ander gevalle.
Weereens wil ons die klem duidelik en sterk daarop laat val dat die gawe ‘n
Goddelike en bonatuurlike openbaring van die Here se ALMAG is. Dit het
totaal niks met die natuurlike te make nie.
Ongelowige Thomasse, wat hierdie saak betref, gaan selfs sover om te
beweer dat die Apostel Paulus vir Lukas, wat ‘n geneesheer was, met hom
saamgeneem het om die siekes te behandel. Niks is verder van die
waarheid af nie. Paulus was juis die een wat deur handoplegging die
krankes genees het. Selfs van sy kledingstukke en doeke is op siekes gelê
en hulle het gesond geword.
Handelinge 19:11-12;
11 En God het buitengewone kragte deur die hande van Paulus
gedoen,
12 sodat selfs wanneer doeke of voorskote wat aan sy lyf was, op die
siekes gelê is, die siektes van hulle gewyk en die bose geeste van
hulle uitgegaan het.
Die mense sê dat Lukas wat die geneesheer was het met die Apostel
Paulus saamgegaan om na die ander gevalle te kyk. Maar daar is baie
gevalle waar die Apostel Paulus genees het (soos ons nog verder ook sal
sien toe hy op die eiland Malta uitgespoel het) en Lukas niks van sy
158

mediese kennis daar toegepas het nie. Dit word gladnie eers vermeld dat
hy enige sieke daar behandel het nie. Lukas het saamgegaan, glo ek,
sodat hy ooggetuie van hierdie dinge kon wees en hierdie dinge vir ons kon
neerskrywe sodat ons dit kan lees, en ons laat sien wat God vir ons in ons
Here Jesus laat erf het.
Goddelike Genesing is ‘n deel van die versoeningswerk van Christus.
Toe Adam en Eva in die hof van Eden tot ‘n val gekom het, het drie dinge
vir die mensdom verlore gegaan:
1) Die inwendige mens het gesterf
2) Die uitwendige het begin sterf; sy liggaam.
3) Die aarde was met dorings en distels vervloek.
Die Here Jesus moes in aldrie gevalle met sy bloed die saak regstel.
1) Sielsgenesing.
Kolossense 2:13-15;
13 En julle, wat dood was deur die misdade en die onbesnedenheid
van julle vlees, het Hy saam met Hom lewend gemaak deur dat Hy
julle al die misdade vergeef het,
14 en die skuldbrief teen ons, wat met sy insettinge ons vyandig was,
uitgedelg en weggeruim het deur dit aan die kruis vas te nael,
15 nadat Hy die owerhede en magte uitgeklee en hulle in die
openbaar tentoongestel en daardeur oor hulle getriomfeer het.
Loof die Here!
Ons weet dat die Here Jesus het deur sy dood en sy opstanding hierdie
heerlike oorwinning behaal; ook die owerhede en magte uitgeklee en hulle
in die openbaar tentoongestel het, en daardeur oor hulle getriomfeer het.
Die kerk en die kinders van die Here, weet nog glad te min van daardie
oorwinning oor die owerhede en die magte. Dit is wat aan die lig moet kom
in hierdie dae dat ons, ons erfenis en ons posisie sal sien en dat ons
daaroor in Christus alreeds getriomfeer het.
In ons gewone lering, soos ons vir geslagte groot geword het, weet ons
daar absoluut niks van nie. Ek sê dit in alle respek, maar ek glo dit en sê
dit ook met alle beslistheid. Ons sal nog baie meer daarvan sien in die
loop van ons studies.
2). Liggaamlike Genesing.
1 Petrus 2:24;
wat self ons sondes in sy liggaam op die kruishout gedra het, sodat
ons die sondes kan afsterwe en vir die geregtigheid lewe; deur wie
se wonde julle genees is.
159

Daar is geen twyfel daaromtrent nie soos ons verder sal sien waar ons by
Jesaja 53 kom en hoe dit deur die Here Jesus toegepas is en dat dit baie
definitief dui, nie soos baie mense sê op ons geestelike siektes van ons
sondes nie, maar dat dit baie definitief dui op ons liggaamlike siektes ook
en dat die Here Jesus ook daardeur vir ons versoening gedoen het.
3) Die Aarde van die vloek verlos.
Matthéüs 27:29;
en hulle vleg ‘n kroon van dorings en sit dit op sy hoof, en ‘n riet in
sy regterhand; en hulle val op hul knieë voor Hom en bespot Hom
en sê: Wees gegroet Koning van die Jode!
Hier sien ons dat ons Here Jesus selfs die vloek van die natuur gedra het.
Die dag sal kom dat selfs die natuur bevry sal word van die bande
waarmee dit gebind is soos ons sien in:
Romeine 8:19-23;
19 Want die skepping wag met reikhalsende verlange op die
openbaarmaking van die kinders van God.
20 Want die skepping is aan die nietigheid onderworpe - nie gewillig
nie, maar terwille van Hom wat dit onderwerp het -
21 in die hoop dat ook die skepping self vrygemaak sal word van die
slawerny van die verganklikheid tot die vryheid van die heerlikheid
van die kinders van God.
22 Want ons weet dat die hele skepping tesame sug en tesame in
barensnood is tot nou toe.
23 En nie alleen dit nie, maar ons self ook wat die eerstelinge van die
Gees het, ons sug ook in onsself in afwagting van die aanneming
tot kinders, naamlik die verlossing van ons liggaam.
Dit is ‘n lieflike gedeelte wat ‘n mens maar moet lees tot aan die einde
daarvan. Maar hier sien ons hoedat, deur ons Here Jesus se versoening
daar nie net genesing gekom het nie, dat daar voorsiening gemaak is vir
die genesing van ons liggaam, selfs vir die genesing van die natuur. Dit is
die heerlike feit wat deur die Here Jesus vir ons verwerf is aan die kruis.
Die dag dat alle gelowiges die volle liggaamlike verlossing sal ondervind
deur die opstanding is blykbaar nie meer vêr nie.
Romeine 8:11;
En as die Gees van Hom wat Jesus uit die dode opgewek het, in
julle woon, dan sal Hy wat Christus uit die dode opgewek het, ook
julle sterflike liggame lewend maak deur sy Gees wat in julle woon.
Hierdie feit van die Heilige Gees wat in ons woon, ons sal laat sien dat
alles wat die Here Jesus gedoen het, al sy wonderdade, al sy genesings,
160

het Hy gedoen in die krag van die Heilige Gees. Nie dat Hy dit nie in
Homself kon doen nie want in Homself is Hy ook God. Maar toe Hy op
aarde was het Hy vir die doel van die verlossingsplan van God, volkome
mens kom word. Alles wat Hy gedoen het, het Hy gedoen in die krag van
die Heilige Gees. Ek glo, dat as ons deurdrenk is met die Heilige Gees
soos ons behoort te wees, die Heilige Gees genesingskrag in ons liggame
het.
Nou wil ek ‘n voorbeeld gee, ek het dit al genoem in dienste of u het
daarvan gelees, maar miskien is daar party van u wat dit nog nie gehoor
het nie.
Die stigter, en vader sou ek sê, van Pinkster in Suid Afrika, is ene John G.
Lake wat van Amerika gekom het, hier in die jaar ±1908. Uit sy bediening
het die ganse Pinkster Beweging in Suid Afrika begin. Die man was magtig
gebruik deur die Heilige Gees. Magtige wonders en tekens het in sy
bediening geskied sodat Pinkster waarlik met tekens en wonders en
magtige dade van God ook in Suid-Afrika sterk gefundeer en gevestig is.
So het John Lake in Suid Afrika gebly en soos ons kan onthou uit die
geskiedenis hier in die jaar 1918 met die groot Griepepidemie wat ook in
Suid Afrika uitgebreek het en duisende mense afgemaai het. So baie
mense het in Johannesburg gesterwe dat die lykbesorgers nie kon voorbly
om die lyke op die waentjies te laai om hulle te begrawe nie. Die mense
was ook bang om aan die lyke te raak, want u kan uself voorstel die paniek
en die vreesbevangendheid wat seker laag soos ‘n miswolk oor die land
gehang het oor die verskriklike griep en die simptome daarvan.
John Lake het ‘n uitdaging gerig aan die dokters van daardie tyd en vir
hulle gesê: “Die griep kan nie aan my liggaam vat nie, ek sal dit vir julle
bewys”. John Lake het die dokter met ‘n mikroskoop laat kom en ‘n
persoon wat besig was om te sterf aan die griep, se skuimbolle wat uit sy
mond uitgeloop het, het John Lake opgeskep met sy hand en dit dadelik
onder die mikroskoop gesit sodat die dokter daarna moes kyk. Die oomblik
wat dit op sy hand geval het, het die kieme gesterf. John Lake het niks
oorgekom in daardie griepepidemie nie.
Dit word verhaal dat hy en ‘n kleurling wat tot bekering gekom het en ook
hierdie waarhede aanvaar het, dat hy en die kleuring, in die huise ingegaan
het en die lyke uitgehaal het en vir die mense gehelp het om dit op die
waentjies te laai, want baie was bang om aan die lyke te vat.
John Lake het gesê dat die Gees van God is in my liggaam, en die Gees
van God is die Gees van lewe. Hierdie kieme is die draers van die dood.
Die dood en die lewe kan nie langs mekaar bestaan nie. Net soos die lig
en die duisternis nie langs mekaar kan bestaan nie. Daarom het hy geglo
161

dat die Gees van God wat in sy liggaam was, nie sou toelaat dat daardie
kieme in sy liggaam leef nie. So het John Lake dwarsdeur die
griepepidemie gegaan sonder dat iets met hom gebeur het.
Ek was natuurlik self nie daar nie, dit is wat ek gelees het, maar soos ek
God se woord verstaan wil ek my verstout om dit te glo en die moontlikheid
daarvan vir myself aan te neem. Vir my klink dit logies dat dit so moet
wees.
Genadegawes van gesondmaking in hierdie lewe is net ‘n voorsmaak van
die liggaamlike verlossing wat op die kind van die Here wag. In Jesaja
staan dit, dat dié dag wat die Here op die aarde sal regeer, dan sal hulle
nie meer sê ek is siek nie, want die Here het al hulle sondes vergewe.
Talle ongelowige Christene verkeer onder die indruk dat die mediese
wetenskap aan dié gawe toegeskryf moet word, maar hulle vergeet dat dit
‘n Heilige Gees gawe is, dat ‘n onbekeerde persoon nie die Heilige Gees
kan ontvang nie. Daar stem ons tog mee saam nie waar nie?
Johannes 14:14, 16-17;.
14 As julle iets in my Naam vra, sal Ek dit doen.
16 En ek sal die Vader bid, en Hy sal julle ‘n ander Trooster gee om by
julle te bly tot in ewigheid:
17 die Gees van die waarheid wat die wêreld nie kan ontvang nie,
omdat dit Hom nie sien nie en Hom nie ken nie; maar julle ken
Hom, omdat Hy by julle bly en in julle sal wees.
Hier praat Hy van die Heilige Gees, die Gees van die waarheid en die
wêreld kan tog nie die Gees van die waarheid ontvang nie. Hoe kan ‘n
dokter dan wat nie ‘n Christen is nie, ‘n Heilige Gees gawe besit?
Ons twyfel nie daaraan dat die helder gesonde verstand wat die
onbekeerde medikus besit van die Here afkomstig is nie. ‘n Gesonde
verstand waarmee ‘n persoon navorsing doen is seer sekerlik van die Here,
maar dit is beslis geen bonatuurlike eienskappe nie. Daar is wonderlike
dinge wat dokters doen met hulle natuurlike kennis en verstand en die
vaardigheid van hulle hand en die mes wat hy hanteer en so aan.
Ons sal die laaste wees om dit te ontken, maar moet tog nooit dat iemand
vir u sê dit is die werk van die Heilige Gees nie. Moet tog nooit vir u laat sê
dat dit is hoe die gawe van genesing vandag werk nie. Nee, dit is
dieselfde gawe wat gewerk het deur ‘n eenvoudige ou visserman. Die
Apostel Petrus, wat gesê het: “Silwer en goud het ons nie, maar dit wat
ons hét, gee ons vir jou. In die Naam van die Here Jesus staan op en
162

wandel.” En daar spring die man op wat oor die 40jaar oud was en nog
nooit geloop het nie en hy wandel. Dit was die krag van die Heilige Gees.
Daardie krag van die Heilige Gees wat vandag nog dieselfde is en wat
werk.
Dit het niks met natuurlike mediese kennis te doen nie. Niemand wil die
goeie werk wat die geneeshere verrig in diskrediet bring nie, maar
terselfdertyd moet dit duidelik gestel word dat dit nie die verrigtinge van die
Heilige Gees is wat deur sulke manne en vroue plaasvind nie. Ek dink dit
is duidelik genoeg.
Verskillende soorte genesings:
1) Deur aardse geneeshere:
Die wat deur middel van die toedoen van aardse geneeshere plaasvind.
Daar is sulke genesings. Partykeer gee die dokter vir jou medisyne, en dit
is goed vir jou en jy word gesond. Die wetenskap het die liggaam genoeg
bestudeer om baie dinge uit te vind omtrent die liggaam. Miskien ‘n
toestand van jou maag, teveel suur of te min suur wat vir jou pyn gee. Dan
gee hy vir jou medisyne wat dit neutraliseer of wat dit aanvul en die pyn
verdwyn, of hy opereer soos ons gesê het, ensovoorts en jy word gesond.
Dit is een soort genesing maar dit is ‘n natuurlike genesing.
2) Die wat deur die natuur geskied:
Hieronder plaas ons gevalle soos ‘n been wat breek en met tyd deur die
natuur genees word, of selfs waterbronne en middele van die aarde wat vir
dosyne al verligting en moontlik genesing gebring het. Daar is sulke
genesings en ek sal netnou ter aanvulling daarop wil terugkom en sal ek
ook ‘n paar lesse, wat ek glo waardevol kan wees, vir u leer.
Ek sal net noem wat ek netnou vir u gaan sê. Ons mense, deur onkunde,
en ek sou sê deur onbeheerstheid, lewe baiekeer ‘n baie ongesonde soort
lewe deur verkeerde soorte kos te eet en deur verkeerde lewens en
eetgewoontes. Daar is baie soorte van dinge en as jy by ‘n goeie
dieetkundige kom wat vir jou kan sê hoe jy moet eet en wat se soort kos jy
moet eet, kan dit ook baie kwale genees. Daar is geen twyfel daaromtrent
nie.
Ons moet tog nooit die fout maak soos baie van God se Pinkster kinders in
die verlede gemaak het en vandag nog maak nie, om alles wat van die
wetenskap kom, alles wat van die natuurlike kom, te verwerp as vanuit die
Bose, ons moet nie só dom wees nie. Het God dan nie ook die natuur
gemaak nie? Hy is tog die God van die natuur. God het vir ons sekere
kosse gemaak om te eet en sekere kosse om nie te eet nie en die natuur
163

kan dit vir ons leer, die mediese en wetenskaplike kennis kan dit vir ons
leer. Sekerlik, laat ons dit leer en baie van ons kwale sal verdwyn.
Laat ons weer leer om die regte soorte oefeninge te doen. Ons lei reeds
so ‘n verskriklike onnatuurlike lewe. Ek is seker daarvan dat die Here nie
bedoel het dat van ons mans hulle lewe moet deurbring, partykeer in ‘n ou
fabriek wat gedurig vol van gas is en daardie soort van ding nie. Die Here
het nooit bedoel dat ons van ‘n dag, ‘n nag moet maak en van ‘n nag ‘n dag
nie, skofte werk en al hierdie dinge. Die mens het van sy eie uitvindings ‘n
slaaf geword en van sy eie gulsigheid en geldgierigheid. Ons ly daaronder,
daar is geen twyfel daaromtrent nie.
3) Verskillende soorte van Geloofsgenesing:
Deur die geloof en selfs wilskrag word genoem geloofsgenesing. Ons
moet dit nie verwar met goddelike genesing nie. Daar is geen twyfel nie,
daar is sulke gevalle soos wat hulle noem “mind over matter”; daar is sulke
gevalle soos “positive thinking” daar is gevalle waar die mens homself
gesond kan dink. Ek sal daarop ook nog terugkom. As jy gedurig
swartgallig is en gedurig kla en murmureer en gedurig die lewe maar net
van die swart kant af sien, dan moet jy nie verbaas wees as jy dalk siek
word nie.
Net soos iemand vir jou daarop kan wys en jy neem sy raad aan om ook ‘n
bietjie aan die blink kant van die lewe te dink en daarvolgens lewe en begin
positief dink, sal dit ook van jou kwale wegneem. Die mens se verstand en
sy liggaam is baie nou aanmekaar verbonde. Dit het iets daarmee te doen,
byvoorbeeld, glo ek dat bewegings ontstaan het soos “School of Truth” /
“Die pad van Geluk”. U sal verbaas wees in hoeveel duisende huise in
S.A. daardie boekies van “The Plain Truth” of die “Pad van Geluk” gevind
word. Dit is ‘n baie groot misleiding van die Satan, daardie boekies.
Ek wil vir u sê waar u dit ookal teëkom, gebruik takt, die liefde van die
Here, maar probeer om daardie dinge uit mense se lewens te ontwortel. U
kan hom deurblaai, u kan na Nico Campbell luister wat dit uitgee, u kan by
enige van daardie mense hierdie “positive thinking”, hierdie “School of
Truth” besigheid soek na die bloed van Jesus Christus, u sal dit nie daar
kry nie.
Soek na die stelling en die leer dat die mens ‘n sondaar is en dat hy hom
tot God moet bekeer en jy sal hom nie daarin vind nie. Alles is liefde, alles
is positiewe denke, alles is geloof. Jy kry sekerlik soos die Engelse sê,
goeie “tips” daarin, maar duisende, ek sou sê tienduisende mense in ons
164

land lees daardie boekie in plek van hulle Bybel en hulle het nog nooit by
die kruis uitgekom nie.
Die Here se Woord wys ook vir jou dat as jy in God glo, as jy glo dat die
Here jou gesond gemaak het, moet jy nie weer nadat daar vir jou gebid is,
oor jou siektes en jou ellendes praat en daardie goed nie. Jy moet nou die
Here begin prys en die Here begin dank en jy moet jouself gesond sien.
Nie deur “positive thinking” nie, maar jy moet in God se Woord glo, jy moet
sê wat God sê omtrent jou en nie wat jou oë sê of wat die dokter sê nie.
Die duiwel kom baie naby daaraan.
Nou om hierdie mense te kry, daardie man wat nou weer loop, om vir hom
te sê die “School of Truth” is verkeerd, dit kos genade van God. So maak
die duiwel vir daardie vrou, Mev Ross, (sy woon daar naby waar ek
grootgeword het), baie vooraanstaande mense, sy het van kanker gesond
geword deur “School of Truth”. Gaan sê vir haar Nico Campbell was
verkeerd en dat Nico Campbell jou mislei het. Hy het jou miskien gehelp
met “positive thinking” en jou liggaam het gesond geword, maar jou siel is
op pad hel toe. Gaan sê dit vir haar en dit sal baie swaar gaan.
Kyk hoe lank is Nico Campbell al besig. Kyk in hoeveel huise het Nico
Campbell al gekom. Ons met die leer dat die Here gesond maak? In
hoeveel huise het ons met ons boodskap al gekom? Ek bedoel nie ons
groep nie, ek bedoel die Here se kinders. Die Here se Woord, die Bybel,
hoeveel mense het dit? Kyk hoe ver is ons agter by die werke van die
duiwel. Dit is tyd dat ons wakker word, dat ons waarlik die Here se Woord
aanneem en die werke van die duisternis vernietig. Ons sal daardie mense
van Nico Campbell kan oortuig.
Filippus het in Samaría vir Simon die Towenaar wat vir geruime tyd die
mense verbyster het met sy towerkunste, oortuig. Toe Filippus kom in die
krag van die Here, toe loop Simon die Towenaar soos ‘n hondjie agter
Filippus aan. Vir my is dit wonderlik, hierdie man wat so groot was, onder
die Here se krag moes hy terugsak, toe staan die Here se krag bokant
syne uit. So behoort ons daardie uitdaging te aanvaar.
4) Goddelike Genesing:
Wat deur die genadegawes van gesondmaking en die werkende krag van
die Heilige Gees bewerkstellig word. Dit is die soorte genesings wat deur
die Here bewerk word.
Ons kom nou by die doel van die gawe.
Om krankes te verlos en die werk van die Bose te verbreek.
165

Handelinge 10:38;
Met betrekking tot Jesus van Násaret, hoe God Hom gesalf het met
die Heilige Gees en met krag. Hy het die land deurgegaan, goed
gedoen en almal genees wat onder die mag van die duiwel was,
omdat God met Hom was.
Prys die Here! Is dit nie lieflik nie?
Met betrekking tot Jesus van Násaret, hoe God Hom gesalf het met die
Heilige Gees en met krag. Nou wil ek hier, voordat ons nog ‘n paar Skrifte
nagaan, vir u ‘n wonderlike verhaal vertel wat ‘n werklike feit is. Ek kan
amper sê die verhaal van hoe die waarheid van goddelike genesing in
hierdie geslag in hierdie tyd weer herontdek is.
Hier teen die einde van die vorige eeu het daar in Australië ‘n predikant
gewoon met die naam van Dr. John Alexander Dowie. Hy was ‘n predikant
in die Congregational Kerk, ek dink daar in Sydney. Daar het ook so ‘n
soort van griepepidemie uitgebreek en die mense het gesterwe, een na die
ander. Hy was ‘n ware dienskneg van die Here, hy het die kinders van die
Here liefgehad, en so aan. Hy het gegaan en getroos, begrawe, getroos
en begrawe.
Eendag word hy geroep na die huis van ‘n baie dierbare familie in die kerk,
een van sy steunpilare, baie liefdevolle mense en hulle het ‘n dogter gehad.
Die dogter lê op sterwe. Die kenmerkende skuimbolle staan by die mond
uit, en so aan. Die moeder neem hom na die kamer.
Hy gaan in die kamer in en sê “Here, ek kan nie langer vir hierdie mense
sê dit is God se wil nie, onderwerp jou aan die wil van God. Ek kan dit nie
meer sien nie, ek kan dit nie meer sê nie. U moet my help”! Daardie
oomblik, soos op ‘n doek in ‘n bioskoop, gooi die Here:
Handelinge 10:38 voor hom:
met betrekking tot Jesus van Násaret, hoe God hom gesalf het met
die Heilige Gees en met krag. Hy het die land deurgegaan, goed
gedoen en almal genees wat onder die mag van die duiwel was,
omdat God met hom was.
Hy sê: “Here, hier loop ek al die tyd vir die mense en sê, wees tevrede, dit
is die wil van God. Nou sien ek dit is nie U werk nie, dit is die duiwel se
werk, hierdie griep en die sterftes”. Hy sê vir die moeder: “Kom ons bid” en
hulle gaan op hulle knieë en instede daarvan om weer vir die Here te sê:
“Laat u wil geskied, gee haar sterwensgenade”, en so aan, toe bestraf hy
hierdie ding en hy weerstaan hom en hy trek teen hom te velde in die naam
van die Here Jesus.
Onthou, nog nooit tevore het hy geweet van goddelike genesing nie. Vir
eeue was dit dood in die kerk. Wanneer laas het die kerk geweet van
goddelike genesing, tot ± die jaar 1890. Die skuimbolle het verdwyn, die
166

koors het gesak en die dogter het aan die slaap geval. Sy het vir 8 ure
aanmekaar geslaap. John Dowie het daar gebly en gewag tot sy wakker
geword het. Toe sy wakker word, het sy vir kos gevra. Dit is altyd die
geval, as iemand waarlik gesond geword het, raak hy aan die slaap en as
hy daar wakker word is hy honger.
Die Here Jesus het met Jaïrus se dogtertjie, toe hy haar opgewek het en sy
vir kos gevra het, vir die moeder gesê: “Gee vir haar kos” Sy het geëet en
daar opgestaan, volmaak gesond.
Van toe af het John Dowie van die een huis na die ander gegaan en die
duiwel bestraf, en een na die ander het die Here gesond gemaak. Vir die
res van die tyd, hy het nog vir ‘n jaar of twee daar gebly, al mense wat hy
begrawe het, was ou mense, wat dood is van ouderdom. Nooit het hy weer
iemand begrawe wat siek geword het nie.
Daarvandaan is hy Amerika toe. Die Here het hom magtig gebruik. Dit
was vreemd. Hulle het hom ‘n paar keer gearresteer en in die tronk gestop
maar hom weer laat uitkom. Die man het gegroei en het vir homself ‘n
magtige beweging opgebou. Ek onthou nie die presiese naam nie, maar
dit is iets soos “Faith of Zion” en uit hierdie “Faith of Zion” het John Lake
gekom wat na Suid Afrika gekom het en ander herlewings het plaasgevind.
So magtig het John A. Dowie geword dat hy vir hom ‘n stad gebou het in
Amerika en dit “The City of Zion” genoem het.
In hierdie stad het hy sy eie reëls neergelê. Geen tabak, geen drank of
verdowingsmiddels mag in daardie stad van hom verkoop word nie. Die
mense moes daar lewe volgens die wette en reëls van God.
Om ook vir u die ander kant van die prentjie te wys en vir u te leer wanneer
die Here vir u magtig gaan gebruik, julle moet glo dat God julle magtig gaan
gebruik. Julle moet glo dat die Here nog uit julle uit groot en heerlike dinge
gaan doen. Moenie die Heilige van Israel beperk nie.
Ook ons vriende wat na die kasset luister en die boek lees, moenie die
Heilige van Israel beperk nie. Die boodskap kom ook na julle toe. Maar
kyk nou ook na die les, dieselfde ding wat Satan mee geval het, trots en
hoogmoed, het ook na John A. Dowie gekom. Naderhand het die mense
hom so geëer dat hulle vir hom werklik die rooi tapyt uitgerol het en hy het
dit aanvaar. Naderhand het die duiwel vir hom gesê hy is Elía.
Kyk, die Bybel sê mos “Ek stuur vir julle die profeet Elía voor die groot en
deurlugtige dag van die Here kom”. Hy het geglo hy is Elía. Net soos
iemand wat later gekom het van wie ek julle vertel het, William Branham.
Hy het naderhand geglo dat hy Elía is, is nou ‘n paar jaar gelede tragies
dood in ‘n ongeluk. Sy volgelinge het vir dae en nagte by sy graf gesit.
Hulle het geglo dat hy gaan opstaan uit die graf uit, want hulle het geglo hy
is Elía wat weer moes kom.
167

Matthéüs 8:3, 7;
3 Daarop steek Jesus die hand uit en raak hom aan en sê: Ek wil;
word gereinig! En dadelik is hy van sy melaatsheid gereinig.
7 Daarop sê Jesus vir hom: Ek sal kom en hom gesond maak.
Die 1ste doel van hierdie Gawe:
Is om kanker te genees en die werke van die Bose te verbreek.
Soos ons alreeds gesien het in Handelinge 10:38. Ek wil hierby aanvul, dit
is God se wil om ons gesond te maak.
Psalm 103:3;
Wat al jou ongeregtigheid vergewe, wat al jou krankhede genees,
So, dit is die doel om die krankes te verlos. Die Here wil hê dat die krankes
gesond moet word.
Jesaja 53:3-5;
3 Hy was verag en deur die mense verlaat, ‘n man van smarte en
bekend met krankheid; ja, soos een vir wie ‘n mens sy gelaat
verberg; Hy was verag en ons het Hom nie geag nie.
4 Nogtans het Hy óns krankhede op Hom geneem, en óns smarte -
dié het Hy gedra; maar óns het Hom gehou vir een wat geplaag,
deur God geslaan en verdruk was.
Maar Hy is ter wille van ons oortredinge deurboor, ter wille van ons
ongeregtighede is Hy verbrysel; die straf wat vir ons die vrede
aanbring, was op Hom, en deur sy wonde het daar vir ons
genesing gekom.
Prys die Here! “Deur sy wonde het daar vir ons genesing gekom. Nogtans
het Hy ons krankhede op Hom geneem en ons smarte, (daardie woord
“smarte” beteken in die oorspronklike, “ons pyn”) die het Hy gedra”.
Hy het dit vir ons gedra, waarom moet ons dit dan dra.
Maar kom ons gaan nou maar weer terug na:
Matthéüs 8:16-17;
16 En toe dit aand geword het, het hulle baie na Hom gebring, wat van
duiwels besete was; en Hy het die geeste met ‘n woord uitgedrywe;
en almal wat ongesteld was, het Hy gesond gemaak,
17 sodat vervul sou word wat gespreek is deur Jesaja, die profeet, toe
hy gesê het: Hy het ons krankhede op Hom geneem en ons siektes
gedra.
“Ons siektes gedra”.
Daar het die Here Jesus genees sodat vervul sou word wat geskrywe is
deur Jesaja, die profeet. So, dit is die Here se doel en wil om ons gesond
te maak en die magte van die Bose te verbreek.
168

Ek het vir u vertel van Broer Bosworth se diens waar die vrou weer nuwe
oordromme gekry het. ‘n Paar maande gelede, dieselfde het gebeur met
klein Fanie Goosen wat die gat in sy oor gehad het. Die Here doen hierdie
dinge en ons prys sy Naam daarvoor.
Die 2de doel van hierdie Gawe:
Om Jesus se aanspraak dat Hy Seun van God is, te bevestig.
Johannes 10:36-38;
36 sê julle vir Hom wat die Vader geheilig en in die wêreld gestuur het:
U spreek godslasterlik - omdat Ek gesê het: Ek is die Seun van
God?
37 As Ek nie die werke van my Vader doen nie, moet julle My nie glo
nie;
38 maar as Ek dit doen, al glo julle My nie, glo die werke, dat julle kan
erken en glo dat die Vader in My is, en Ek in Hom.
As Jesus na sy werke verwys het en Hom op sy werke beroep het, hoeveel
te meer het ons dit nie vandag nodig nie. Ook voor ‘n ongelowige,
goddelose en spottende wêreld. As die Here hierdie dinge in ons dienste
of in ons eie persoonlike getuienis doen, sal ons nie ook vir die wêreld kan
sê: “Sien julle, Jesus is die Seun van God en dit is Hy in sy
opstandingskrag wat hierdie dinge deur ons doen nie”?
Die 3de doel van hierdie Gawe:
Om die evangelie wat deur die Here se diensknegte verkondig word te
bevestig.
Prys die Here!
Markus 16:20;
Maar hulle het uitgegaan en oral gepreek, en die Here het
saamgewerk en die woord bevestig deur die tekens wat daarop
gevolg het. Amen.
So dit dien as bevestiging van die verkondiging van die Here se Woord.
Handelinge 4:29-30;
29 En nou, Here, let op hulle dreigemente en gee aan u diensknegte
om met alle vrymoedigheid u woord te spreek,
30 deurdat U u hand uitstrek tot genesing, en tekens en wonders deur
die Naam van u heilige Kind Jesus plaasvind.
Prys die Here!
Die apostels het daarvoor gebid dat die Here sy hand sal uitstrek tot
genesing en tekens, en wonders deur die Naam van onse Here Jesus
sodat die evangelie daardeur bevestig kon word.
169

Kyk ook na:
Verse 12, 33;
12 En die saligheid is in niemand anders nie, want daar is ook geen
ander naam onder die hemel wat onder die mense gegee is,
waardeur ons gered moet word nie.
Hulle het natuurlik die geleentheid gehad want hierdie is nog alles ‘n
uitvloeisel uit daardie verlamde man wat gesond geword het. U sal sien as
u dit lees. Dit het vir Petrus ‘n geleentheid gegee om vir die mense te wys
op die Here Jesus, dat die saligheid alleen deur Hom te vinde is.
33 En met groot krag het die apostels getuienis gegee van die
opstanding van die Here Jesus, en groot genade was oor hulle
almal.
Met grote krag het die apostels getuienis gegee. Die bedoeling daar was
dat daardie krag ook geopenbaar is in tekens en wonders en genesing,
natuurlik, en so kon hulle getuienis gee van die opstanding van die Here
Jesus.
Handelinge 8:6-7;
6 En die skare het eendragtig ag gegee op die woorde van Filippus
toe hulle dit hoor en die tekens sien wat hy doen.
7 Want uit baie van die wat onreine geeste gehad het, het die geeste
uitgegaan terwyl hulle met ‘n groot stem skreeu; en baie wat lam en
kreupel was, het gesond geword.
Die 6de vers sê: Die skare het eendragtig ag gegee op die Woord. Hoe sal
ons tog nie vandag wil hê dat die skares ook na ons moet luister en dat
hulle moet ag gee op die woorde wat ons praat. Laat hulle bietjie genesing
sien; laat hulle die krag van die Here gedemonstreer sien en hulle sal ag
gee op jou woord. Hulle sal uit jou hand uit eet. Jy sal die geleentheid hê
om hulle te wys op die redding van hulle siele.
Ek weet mos uit ondervinding van heerlike en groot genesingsveldtogte
waarin ons was, wat ‘n wonderlike geleentheid daar dan was om vir die
mense te wys dat hulle, hul tot God moet bekeer. Hoe bereid hulle dan
was om dit te doen want hulle het mos die demonstrasie van die krag van
God gesien. Ek het ook nog hier twee verse bygesit by die derde punt wat
ek graag wil hê u ook na moet kyk.
Handelinge 28:8-9;
8 En die vader van Públius het siek gelê aan koors en buikloop. En
Paulus het ingegaan na hom toe, en nadat hy gebid het, hom die
hande opgelê en hom gesond gemaak.
9 En hierna het ook die ander wat siektes gehad het op die eiland, na
hom gekom en is genees.
170

En dit het ook weer vir Paulus hulle die geleentheid gegee om die Here se
Woord daar te verkondig omdat hulle die outoriteit gehad het van tekens en
wonders wat ook genesing ingesluit het.
Die 4de doel van die Gawe:
Om te bewys dat Jesus opgestaan het.
Handelinge 3:15-16;
15 en die Leidsman tot die Iewe het julle gedood. God het Hom uit die
dode opgewek, waarvan ons getuies is.
16 En deur die geloof in sy Naam het sy Naam hierdie man, wat julle
sien en ken, sterk gemaak, en die geloof wat deur Hom is, het hom
volkome gesondheid gegee in die teenwoordigheid van julle almal.
Daar is geen beter bewys vir die heiden van die opstanding van die Here
Jesus as genesing nie. Byvoorbeeld, as jy nou na Vereeniging moet gaan,
daar is seker van u wat al ou Saley ontmoet het, ou Saley is ‘n vurige
Moslem. Selfs as hy met jou praat, kry hy ‘n salwing oor hom. Sy oë begin
blink, trane loop oor sy wange. Dit is natuurlik nie ‘n salwing van God nie.
So vurig is hy oor sy Moslem geloof.
Dan praat jy met hom oor Jesus. O, ja, ek glo aan Jesus, maar Jesus was
maar net so ‘n profeet soos Mohammed. Hy was maar net so ‘n profeet
soos Moses of so ‘n groot man soos Abraham. Maar dat Jesus die Seun
van God is en dat Jesus opgestaan het uit die dode, dit wil hulle nie
aanvaar nie. Maar wys vir hulle die tekens en die wonders, laat hulle die
genesende krag van God sien en hy sal dit erken, soos hulle dit hier aan
die mense kon wys.
Nou wil ek vir julle vertel van Tommy Osborn. In 1954 toe gaan luister ek
na hom op Hoy Park in Durban. Hy was ‘n sendeling vir baie jare. ‘n Paar
jare tevore het hy teruggekom van Indië af, heeltemal ontmoedig,
heeltemal verslae. “Onder daardie Hindus en daardie heidene het ek
gepreek, ek het gearbei maar ek kon nie hulle tot bekering bring nie. Ek
kon nie vir hulle bewys dat die Here wat ek vir hulle bring die lewende God
is en dat Hy opgestaan het uit die dode nie. Ek het teruggegaan Amerika
toe, heeltemal ontmoedig”, het hy gesê.
“Ek gaan sit een aand in ‘n diens van Broeder Branham”. Hy sê: “I sat
there, right at the back of the Auditorium” Reg daar agter, daar op die
platform het ek gesien hoe Broeder Branham duiwels uitdryf in die Naam
van die Here Jesus en hoedat Broeder Branham magtige dinge doen en
groot genesings gedoen het in die Naam van die Here Jesus omdat die
Here Jesus lewe. Hy sê; “Ek het huistoe gegaan en myself afgesonder
171

voor God, en die Here het aan my verskyn en die Here het vir my gesê:
“Jy sal ook dieselfde werke doen”. Hy het begin adverteer en uitnodigings
uitgestuur.
Hy sê die mense het begin voetpaadjies trap na sy huis toe dat hy vir hulle
moes bid en hoe die Here hulle gesond gemaak het. So het hy ‘n groot
evangelis geword. Toe hy in 1954 hier was, toe was hy juis op pad na
Java en Sumatra. Sy skip het geland in Kaapstad en die skip sou weer
aandoen in Durban. Dit sou ‘n paar dae neem maar hulle het hom toe
oorland geneem per motor. Op daardie manier het hy toe twee dae gewen
en kon dus 2 dae spesiale dienste in Durban hou.
Hy het die platform in die middel van die veld gehad en hulle het die
pawiljoen in drie blokke gedeel, een deel vir die Bantoes, een vir die Indiërs
en een vir die blankes. Hy het die Here se Woord verkondig en gesê: “Nou
gaan ek terug lndië toe en nou sal ek vir hulle wys dat my Here Jesus
opgestaan het. ‘n Dooie Here Jesus kan nie die blindes laat sien nie; kan
nie die dowes laat hoor nie”.
Die man het so ‘n versekering gehad, ek sien hom nou nog daar staan en
met die grootste gemak sê: “And you Hindus”, dit is na die Indiërs waarna
hy verwys, “The miracles you are going to see this afternoon will prove to
you that Jesus is alive.” Hy het gepraat en sommer ‘n massagebed
gedoen. Voordat hy gebid het, het hy gesê: “Almal wat siek is moet hulle
sakdoeke of iets wat wit is waai” Toe hy klaar gebid het, sê hy, die wat
genesing ontvang het, moet weer hulle sakdoeke waai, en die plek was wit
soos die sakdoeke gewaai het.
Hy nooi hulle toe om te kom getuienis gee, en ek sien nog hoe stroom hulle
soos miere van die verskillende pawiljoene na die platform om hulle
getuienis te kom gee.
Ek sal u net van drie vertel. Die een was so ‘n jong Zulu seun, so van 14-
15jaar, wat heeltemal doofstom gebore was. Hy het daar gestaan en
Tommy Osborn het met hom gepraat en hy kon alles hoor, maar hy moes
natuurlik eers leer praat. Hy sê toe vir hom om agter hom aan te tel, en ek
onthou nou nog die jong wat sê: “Wwwhhaan, Tthooo” soos hy sy mond
draai, en alles wat Tommy Osborn vir hom gesê het, het hy agter hom aan
gesê.
Daar was twee mans, albei het daar naby my gesit, die een man het ‘n gat
in sy oordrom gehad, soos klein Fanie gehad het toe ons nou die aand vir
hom gebid het en die Here hom gesond gemaak het. So, ek het die
voorreg gehad om van hierdie dinge te sien toe ek nog self jonk was in my
geloof. Die man vertel toe: “Toe ek ‘n jongman was, het ‘n vriend en ek
eendag gaan swem in ‘n rivier en daar was baie biesies langs die rivier.
Ons twee het met mekaar gestoei, sommer vir die pret lekker sterk gestoei
172

soos mans maar doen. Ons het omgerol en met die omrol het ‘n biesie ‘n
gat in my oordrom gesteek en van daardie tyd af (dit was baie jare gelede
want hy was toe al in sy middeljarige leeftyd) was ek stokdoof in my oor.
Toe Tommy Osborn vir my bid toe hoor ek net hoe kom die gehoor weer
terug”, onmiddellik, volmaakte gehoor in daardie oor.
‘n Ander man se oordrom weer het heeltemal opgedroog as gevolg van
suikersiekte wat hy gehad het. Daardie oor het volmaakte gehoor
teruggekry.
Hy sê toe vir hulle: “Now, I have proved that my Jesus has risen from the
dead and my Jesus is alive”. Dit is ons roeping en plig om aan die wêreld
te bewys dat onse Here Jesus opgestaan het uit die dode. Waar sal jy dit
beter kan bewys as deur die gawe van goddelike genesing? Dit was my
ondervinding daar.
Die 5de doel van die Gawe:
Om mense te lok na die prediking van die Woord.
Ek kan u ook daar die versekering gee dat die groot genesingsveldtogte
wat ek gesien het, mense het by die hope en strome kom luister na die
evangelie. Dit is wonderlik, dit trek die mense en dan kan hulle onder die
geklank van God se Woord kom.
Johannes 6:2;
en ‘n groot menigte het Hom gevolg, omdat hulle sy tekens gesien
het wat Hy aan die siekes doen.
Hoekom sal ons dan nie vandag, ook groot menigtes na ons byeenkomste
wil trek nie? Nie om ons te verheerlik nie maar sodat ons aan hulle die
evangelie kan bring. Mens sukkel vandag so om die mense van die
viswaters af weg te kry en sportvelde en al die goed. Laat ons hulle bietjie
die tekens en wonders en krag van die Here wys, en dan sal hulle kom
luister. Dan kan ons aan hulle die evangelie verkondig. Dit sal ons ook
help om geloof te bou en siele te red, om die Here se Woord te bevestig.
Die 6de doel van die Gawe:
Om mense tot God te bekeer.
Handelinge 9:32-35;
32 En onderwyl Petrus oral rondgaan, het hy ook gekom by die
heiliges wat in Lidda woon;
33 en hy het daar ‘n man gevind met die naam van Enéas wat al agt
jaar bedlêend en verlam was.
34 En Petrus sê vir hom: Enéas, Jesus Christus maak jou gesond;
staan op en maak jou bed op! en hy het dadelik opgestaan.
173

35 En al die inwoners van Lidda en Saron het hom gesien en hulle tot
die Here bekeer.
“Al die inwoners van Lidda en Saron het hom gesien en hulle tot die Here
bekeer”.
Dink julle nie dit is ‘n magtige boodskap nie? Hulle het daardie man geken
en van hom geweet. Hier is hy nou gesond en hulle het hulle tot die Here
bekeer. Wat ‘n wonderlike geleentheid om die evangelie te verkondig!
Hoekom sal ons nie die Here vra om ons te gebruik, ook in daardie opsig
nie?
Waarom is dit dat baie wat die volle Evangelie vir die eerste keer hoor,
dikwels makliker genesing ontvang as diegene wat al lank op die pad is?
Ek het al baie in ons dienste gesien en in die dienste van groot
samekomste van Broers Branham, Tommy Osborn, Oral Roberts
ensovoorts. Dat baie wat vir die eerste keer in so ‘n diens kom, mense van
die straat af, word nét so gesond.
Dan kry jy baiekeer gelowiges, ou Pinkster gelowiges, ander ou gelowiges,
teer kinders van die Here, daar word vir hulle gebid en niks gebeur nie. Die
ongelowiges, of wat voorheen ongelowig was, netso, en hy word gesond.
Wat is die verklaring? Een verklaring is seker dat die Here dit gebruik as ‘n
teken om ook die ander te trek.
Maar ek het die Here se aangesig baie gesoek. Ek sal u sê, sommige van
u is vars en nuut in die geloof. Miskien het julle ookal met so iets te doen
gehad. Ek het byvoorbeeld kort nadat ek in dié dinge gekom het, in ‘n
vreeslike stryd geraak. Juis omdat ek hierdie dinge nie kon verstaan nie.
Ek het van sekere mense geweet wat die Here baie nodig gehad het vir
genesing. Ons het hulle na die veldtogte geneem. Ons het groot moeite
gehad om hulle daarheen te neem.
Hulle word oor gebid en hulle word nie gesond nie. Dan neem ons een,
soos daardie niggie van my vrou, wat ons op die draagbaar ingedra het,
wat eintlik in sonde geleef het, sy het net so gesond geword. Ek het in ‘n
groot stryd geraak. Hoe kan dit wees? Die Here het my ‘n antwoord
gegee. In die eerste plek het ek ‘n stryd gehad waar ek gereken het
daardie ou Christen moet gesond word, het ek die idee van werke
ingebring. Kan u sien? Ek het gereken hulle het dit verdien om gesond te
word omdat hulle die Here so getrou gedien het.
Ons word nie gesond op daardie basis nie. Net soos ons ook nie gered
word op ‘n basis van werke nie. Ons word gered deur die geloof uit
174

genade. Nou, hoekom het daardie mense dan nie gesond geword nie en
hierdie mense van die straat af het gesond geword?
Omdat God ook vra vir geloof.
Nou wat is geloof?
Geloof is om God op sy Woord te neem.
Nou wat is dit om God op sy Woord te neem?
Ek kan God nie op sy Woord neem as ek nog nooit sy Woord gehoor het
nie.
Nou kom ek as ‘n ou Christen. Ek het God se Woord nou miskien al
deurgelees vanaf Genesis tot Openbaring. Ek het in baie preke gesit; baie
genesingsdienste; baie lering omtrent genesing en geloof, maar daar is
sekere punte in my lewe wat die Here van weet, en party waarvan ek ook
weet; waar ek nie lewe in die volle lig van my kennis nie en waar ek nie
volg in die volle openbaring wat ek het nie. God weet dit, die Heilige Gees
weet dit en God vra van my geloof volgens my lig wat ek ontvang het. Nou
kom daardie persoon van die straat. Hy het sonder God geleef want hy
weet niks van die Bybel af nie. Nou kom hy en luister na daardie sprekers,
dit is al van God wat hy nog weet maar dit wat hy daar hoor, glo hy. Hy het
miskien al ‘n genesing gesien. Alles wat die prediker daar gepreek het, glo
hy, met ander woorde, hy glo tot die maksimum van die lig wat hy ontvang
het. Volgens God se standaard het hy 100% geloof in dit wat hy weet. Die
Here antwoord hom en hy word netso gesond.
Ek wat lank op die pad is het nie 100% geloof nie, volgens die standaard
wat ek gebruik het. Daarom, moet ek u ook waarsku soos ek myself
waarsku. Dit is ‘n groot voorreg om te sit in ‘n Bybelklas soos hierdie. ‘n
Groot voorreg om ‘n Bybel te hê, om te kan kerk toe gaan. ‘n Groot
voorreg om te kan hoor van hierdie wonderlike dinge maar ook ‘n groot
verantwoordelikheid. God eis nou van ons dat ons sal glo en dat ons sal
lewe volgens die lig wat ons ontvang het.
Volg u dit? Dit is baie belangrik vir ons want as ek dit nie doen nie beteken
dit, dat daar sekere dele van God se Woord is wat ek gehoor het, maar dit
of verwerp of wat ek minag, want ek reageer nie daarop nie. Die Heilige
Gees kan bedroef raak daardeur. Moenie dat dit u in ‘n stryd bring nie, laat
dit vir u tot aansporing wees.
Die 7de doel van die Gawe:
Om eer en lof aan God te bring.
Markus 2:11-12;
11 Ek sê vir jou: Staan op, neem jou bed op en gaan na jou huis toe.
175

12 En dadelik staan hy op en neem sy bed op en gaan voor die oë van
almal uit, sodat almal verbaas was en God verheerlik en sê: So iets
het ons nog nooit gesien nie!
“Sodat almal verbaas was en God verheerlik”.
Prys die Here! Verblydend! Ons moet altyd God verheerlik en altyd die
mense daarop wys. Dit is nie ons nie, dit is die Here en dit is Hy wat die
eer moet ontvang.
Lukas 13:17;
En toe Hy dit sê, het al sy teëstanders beskaamd geword; en die
hele skare was bly oor al die heerlike dinge wat deur Hom gebeur
het.
In vers 16 sien ons dat hierdie vrou wat ‘n dogter van Abraham is, wat die
Satan, dink daaraan, al agtien jaar lank gebind het, moes sy nie van hierdie
band op die sabbatdag verlos word nie?
Lukas 5:25-26;
25 Hy staan toe onmiddellik voor hulle op, neem die bed op waar hy
op gelê het, en gaan na sy huis, terwyl hy God verheerlik.
26 En verbasing het almal aangegryp, en hulle het God verheerlik en
is met vrees vervul en het gesê: Ons het vandag ongelooflike dinge
gesien.
Ja, “verbasing het almal aangegryp en hulle het God verheerlik en is met
vrees oorval”.
Dit is ook nog ‘n wonderlike doel wat hierdie gawe dien.
Die 8ste doel van die Gawe:
Om God se volk met geloof en moed te inspireer.
As ons hierdie dinge sien, sal dit ons met moed en geloof inspireer. Ek wil
vir u sê, een bonatuurlike wonderwerk van genesing sal net soos in die dae
van die Bybel meer demone wakker maak en meer siele red as ‘n dosyn
preke sonder wonderwerke. Is dit nie waar nie?
Een wonderwerk sal meer verrig as ‘n dosyn preke; sal ook meer duiwels
wakker maak wat jou sal begin aanval. Maar dit is goed, as hulle dit doen
kan jy hulle sien, dan kan jy hulle ook uitwerp in die Naam van die Here.
Net iets hier wat ek wil noem voordat ons verder gaan: Onthou, dit is so
belangrik, óf ek nou die siekekamer ingaan om vir die sieke te bid, óf dit
nou in ‘n diens is, soek tog die vónk; die vónk van die Heilige Gees moet
daar wees. Ek sê nie daar moet altyd opgewondenheid wees, of so nie,
maar in jou stilligheid, moet jy weet Hy is hier.
Die Here het mos gesê:
“Ek is met julle, Ek sal saam met julle gaan”.
Laat ons Hom gewaarword, laat ons daarvoor soek. Prys die Here!
176

[Kasset nr. L019]
Hoofstuk 9
Die Gawe van Werking van Kragte.
Ons dank die Here vir die Gemeente wat die Here Jesus vir Hom gekoop
het deur sy kosbare bloed. Daarom wil ek weereens op myself en op u ‘n
beroep doen: “Moenie dat ons die Heilige van Israel beperk deur ongeloof
nie”. Wat God vir ons in sy Woord gegee het, is vir ons en ons moet dit in
besit neem. Ons moet nie kyk na ons eie kragte of verlede of
omstandighede of omgewing nie.
Ons moet die oë gevestig hou op die Here Jesus wat die Opperste
Leidsman en die Voleinder van onse geloof is. Soos die Engelse Bybel sê;
“The Author and the Finisher of our Faith”. Dit is Hy wat dit begin het; dit is
Hy wat dit sal klaarmaak.
Die gedeelte wat ons nou met mekaar gaan behandel is vir die menslike
verstand en die menslike begrip wonderlik, onmoontlik. Maar die Here
Jesus het deur sy dood en sy opstanding en met die doping van sy Heilige
Gees, van ons wonderlike wesens gemaak. Die heerskappy wat Hy aan
Adam gegee het, en wat Adam aan die Satan afgestaan het, het die Here
Jesus vir ons waaragtig herstel.
Ons moenie vir ons laat mislei om, as ons dan nog aan wonderwerke glo,
en aan die bonatuurlike glo, dit te projekteer in ‘n eeu wat kom nie. Ek
dank die Here vir wondere in die eeue wat kom. Die Here sê: “Ek maak
alles nuut”. Maar as ons na die bediening van ons Here Jesus kyk; ons kyk
na die bedieninge van die apostels; ons lees die handelinge van die
apostels, van die eenvoudigste manne en vroue, dan sien ons die
bonatuurlike dwarsdeur in hul lewens; in hul bediening en in die Ou
Testament.
Die Here het die aarde geskape met ‘n wonderwerk. Met ‘n woord wat Hy
gespreek het dwarsdeur die bediening van die Profete; van ‘n Elía; of ‘n
Elísa, en baie andere. Is dit nie ‘n wonderwerk as Elísa ‘n byl op water kon
laat dryf nie? Loof die Here! Laat die moderniste sê wat hulle wil. Laat
hulle dit vergeestelik. Laat hulle wat ookal sê, maar God se Woord sê
daardie byl het gedryf. Loof die Here, en so moet ons God se Woord glo.
Dit is God wat Homself, deur sy behae om Homself wonderbaarlik, nie net
aan ons te betoon nie, maar ook in ons, en dit is waaroor ons studies gaan.
177

Ek kan nie genoeg ‘n beroep op myself en op u doen nie, dat ons nie
beperk moet wees in ons visie nie. Die Here roep ons in hierdie laaste
dae. Daar is ‘n groot stryd aan die gang en die stryd gaan nog al groter
word, maar ons is aan die wenkant. Ons is meer as oorwinnaars deur
Jesus Christus onse Here wat ons krag gee. As Hy gesê het: “Ek gee vir
julle krag, en ek gee vir julle mag oor al die magte van die vyand”, dan het
Hy dit vir ons gegee!
Dan moet ons dit nie as net ‘n stukkie teorie of as net ‘n Bybelteks beskou
nie. Ons moet dit in werking bring. Daarom moet ons bid. In baie opsigte
is party van die dinge wat ek aan u verkondig vir my ook nog nuwe terrein.
Daar is nog hoër gronde om van besit te neem. Ek dank die Here vir dit
wat ek al kon sien en belewe. Maar daar is baie, baie meer land nog om in
besit te neem.
Die Here moet ons help om as ‘n klompie saam, daardie land in te stap; vir
mekaar te bid en mekaar te bemoedig as ons miskien kleinmoedig word,
dat ons mekaar aanspoor. Laat ons mekaar aanhelp en as dit nodig is,
mekaar selfs vermaan. Hoe lyk dit dan nou? Laat ons die land in besit
neem.
Ons het nou gekom by die gawe van die werking van kragte / of die gawe
van wonderwerke. Soos in Engels: “The gift of the working of miracles”.
Ons gaan nou-nou sien, as ons die tekste met mekaar lees, daar is selfs
wonderwerkers, “Workers of miracles”. Ons lees dan 1 Korinthiërs l2 van
die werkinge van kragte, of ·”miracles”·soos dit in Engels heet. Ons lees
net eers ‘n paar Skrifte, dan sal ek verder praat.
1 Korinthiërs 12:8-11;
8 Want aan die een word deur die Gees ‘n woord van wysheid
gegee, en aan die ander ‘n woord van kennis vanweë dieselfde
Gees;
9 aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees;
10 aan ‘n ander werkinge van kragte, aan ‘n ander profesie, aan ‘n
ander onderskeiding van die geeste, aan ‘n ander allerhande tale,
aan ‘n ander uitleg van tale.
11 Maar al hierdie dinge werk een en dieselfde Gees wat aan elkeen
afsonderlik uitdeel soos Hy wil.
U moet die heerlikheid van God laat uitbrei in hierdie dae, en loof die Here
die lig het in die duisternis geskyn en die duisternis het dit nie oorweldig
nie. Prys die Here!
178

1 Korinthiërs 12:28-29;
28 En God het sommige in die gemeente gestel: in die eerste plek
apostels, ten tweede profete, ten derde leraars, daarna kragte,
daarna genadegawes van gesondmaking, helpers, regeringe,
allerhande tale.
29 Almal is tog nie apostels nie, almal is tog nie profete nie, almal is
tog nie leraars nie, almal is tog nie kragte nie?
Daarna kragte!
Dit word in sowel vers 28 en 29 genoem.
Hierdie woord “kragte” in die “Authorised Version”, dit is die “King James”,
die gewone Engelse Bybel is dit - “miracles”; en in Weymouth se vertaling -
“miraculous powers”, in die “Amplified NT” word dit vertaal as - “wonderworkers”.
Is dit nie magtig nie, is dit nie wonderlik nie, “miraculous
powers”!
Ons moet dit dan mos sien en dit ondervind! Loof die Here: en laat dit aan
die twyfelaars en ongelowiges waarlik die heerlikheid van die Here
openbaar. Ek wil dit weer beklemtoon soos in al die ander studies, ons
moet onthou, ook hierdie gawe is bonatuurlik, dit het niks met die natuurlike
te doen nie.
Ons hoor vandag baie keer die woord “wonderwerke” in die gewone lewe.
‘n Mens sal byvoorbeeld praat van die wonderwerk van Yskor. ‘n Mens sal
praat, aan die slegte kant, van die wonderwerk van die opkoms van die
Kommunisme. Binne omtrent 60jaar (dit was in 1975) het dit gegroei van ‘n
ledetal van so 17 tot ‘n ledetal van meer as ‘n derde van die wêreldbevolking.
Ons sien waar staan hy vandag. Dit is ‘n wonderwerk, ‘n sinistere
wonderwerk. Maar dit is nie die wonderwerke waarvan ons praat nie.
Ons praat van die wonderwerke van die Gees van God, want ons is besig
met die Geestelike gawes, en ons moet daarop die klem lê. Dit sal werk
deur die Heilige Gees en dit sal werk in ons private lewe as Geesvervulde
mense, en ons sal vir u ‘n hele paar voorbeelde noem; beide uit die Bybel
en ook uit wat ons gesien het.
Maar ek voel, weereens, en dit moet ek ook aan die begin vir u stel, dat dit,
soos die ander gawes essensieel gegee is vir die gemeente. Wanneer die
kinders van God bymekaar kom, en hulle kom in eendragtigheid in die
Gees van God bymekaar, (ek kyk nog uit na daardie dag), dit sal ‘n
gemeenskap wees waar nie sommer elkeen sal waag om by in te stap nie.
Die sondaar, die spotter; ek onthou nog baie goed hoe baie van die
oumense (in die begin van Pinkster), toe die mense nog gewillig was om
179

met eiers en tamaties gegooi te word, en uitgeskel te word vir wat dit wil;
my vertel het dat sondaars daar ingekom het om te spot en sodra hy sy
voet oor die drumpel sit; (party van hulle in hul “grand suits”) dan word hy in
die stof ingerol. Die Heilige Gees gryp hom en gooi hom net daar neer en
Hy draai hom deur die wasmasjien van die Heilige Gees. As hy anderkant
uitkom is hy skoon, hy is mak en hy is gelowig. Prys die Here!
Hoe moet ons harte nie smag en soek na die bonatuurlike nie! Soos so
baie mense sê: Julle vervul nou die woorde van die Here Jesus wanneer ‘n
bose en owerspelige geslag soek na ‘n teken.
As u daardie Skrif mooi ontleed sal u sien vir watter soort teken daardie
Jode gesoek het, ‘n soort van ‘n uitdaging aan God. Amper die tipe van
persoon wat baiekeer sê: Nou goed, as daar dan ‘n God in die hemel is,
laat daar dan ‘n weerligstraal uit die hemel uitval, en so aan.
Dit is nie die tekens waarvoor ons vra nie. Nee, as God se kinders reg is,
behoort dit die spontane, natuurlike ondervinding te wees van God se
kinders wat bymekaarkom in die bonatuurlike atmosfeer van die Heilige
Gees deurdrenkte lug, soos dit was in daardie geval van die Here Jesus,
toe daar gesê is “en die krag van God was teenwoordig om te genees”.
Die definisie van ‘n wonderwerk:
‘n Wonderwerk in die sin wat ons behandel is dit:- Die skielike en
onverklaarbare omkering van die gang van die natuur. Met ander woorde
‘n wonderwerk is ‘n bonatuurlike ingryping in die gewone gang van die
natuur. Hierdie woord “kragte” of “wonderwerke” kom weer van die
oorspronklike Griekse taal waarin dit geskryf is, van die woord “dunamis”,
wat eintlik “ontploffingskrag” beteken of,·”explosive power”, waarvandaan
ons Afrikaanse woord “dinamiet” en die Engelse woord “dynamite”·direk
vertaal is. Dit is die ontploffingskrag van die Gees van God wat hierdie
gawe ten grondslag lê en waarmee hy ook altyd gepaard sal gaan.
Net ‘n paar Skrifte om vir ons te wys dat ons heeltemal op die spoor is, en
wat ons moet verwag wanneer ons hieroor praat, en wanneer ons sê dit
moet terugkom in die kerk.
Johannes l4:12; ( wat die Here Jesus ons belowe het).
12 Voorwaar, voorwaar Ek sê vir julle, wie in My glo - die werke wat Ek
doen, sal hy ook doen, en hy sal groter werke doen as dit, omdat
Ek na my Vader gaan.
“Hy sal groter werke doen as dit omdat ek na my Vader gaan”.
Nou, het die Here Jesus nie baie wonderwerke gedoen nie? Uitstaande
wonderwerke! Loof die Here! Die storm met ‘n woord stil gespreek; die
brood en die visse vermenigvuldig; vir Lasarus uit die dode laat opstaan;
180

die geldstuk in die vis se bek geplaas; die opwekking van die seun van die
weduwee van Nain; die opening van die blindes se oë; ag, so baie meer.
Die Here Jesus se bediening was deurdrenk van wonderwerke. Wat vir my
‘n bewys was dat die Jode van daardie tyd nie tevrede was met daardie
tipe van wonderwerke nie. Hulle wou speel met die heerlikheid van God.
Die wonderwerke het voor hul oë plaasgevind. Tog het hulle nog gevra vir
wonderwerke, met ander woorde, hier is ook ‘n ander baie ernstige aspek,
en jy vind dit veral onder godsdienstige mense. Dit is Sondagaand in ons
diens gesê: “Wys vir ‘n heiden ‘n wonderwerk en hy glo. Maar wys vir
kerkmense ‘n wonderwerk en hy soek miskien vir ‘n ander ding en sê: “Is
daar nie miskien ‘n bedrogspul aan die gang nie, of dit, of dat, of
oëverblindery?” Dit is jou kerkmense wat so sê. Weet jy wat is die rede?
Dit is ‘n waarskuwing vir jou en vir my.
Wanneer God met jou praat, op watter manier ookal, en jy luister nie na die
stem van God nie, verhard jy jou hart op daardie plekkie waar God sy
vinger gedruk het. Volgende keer moet God op ‘n ander plek druk as Hy
jou wil aanraak. Verhard jy jou hart weer, kry jy daar ‘n harde kol, in jou
geestelike liggaam.
So is daar baie mense vandag in ons kerke, in hierdie bevoorregte geslag
met oop Bybels, oop kerkdeure, mense wat gepantserd is, wat sit met
skubbe van hulle kop tot hul tone waar God sy vinger op hul lewens gedruk
het en waar hulle hul verhard het. Dit is daarom dat hulle nie meer kan
luister na die stem van God nie. Dit is tragies, maar dit is waar!
“Voorwaar, voorwaar”· Nou ek wil dit ook net vir u verduidelik, die Bybel sê,
uit die mond van twee en drie getuie staan ‘n saak vas, en waar die Here
Jesus in ‘n hele paar plekke in sy bediening hierdie spreekwyse gebruik
van “Voorwaar, voorwaar”, is dit ‘n dubbele beklemtoning en beteken dit Hy
is dubbel ernstig oor die saak. “Voorwaar, voorwaar Ek sê vir julle die
werke wat Ek doen sal julle ook doen, en groter werke as dit”.
Ons het dit gesien in die handelinge van die Apostels byvoorbeeld Petrus
se skaduwee het net nodig gehad om op die mense te val en hulle het
gesond geword. Iets meer nog en groter as wat ons van weet in die
bediening van die Here Jesus. Maar ek glo natuurlik dat menigvuldigheid
ook daarby ingeslote is. Waar Hy net nog die een liggaam was, het Hy
deur sy dood en sy opstanding en die uitstorting van die Heilige Gees, vir
die Vader baie kinders gegee, en baie tot geboorte gebring. Oral waar
hulle is en waar daardie een sal staan, sal die krag van God werk en op
daardie manier die Here se heerlikheid uitbrei. Daar is baie beskouinge
daaromtrent, ek maak dit maar net duidelik.
181

Handelinge 1:8; (ons welbekende vers m.b.t. die Heilige Gees)
maar julle sal krag ontvang wanneer die Heilige Gees oor julle kom,
en julle sal my getuies wees in Jerusalem sowel as in die hele
Judéa en Samaría en tot aan die uiterste van die aarde.
“Julle sal krag ontvang” - julle sal “dunamis”, julle sal “dinamiet” ontvang.
As u gedoop is in die Heilige Gees het jy daardie krag as ‘n saad, as ‘n
kiem in jou hart. Ek glo dat die Woord van God nie genoeg gepredik word
nie, omdat ons dit nie genoeg glo nie en ons nie daarop reageer nie, wie
weet, miskien selfs minag. Maar dit wat die Here Jesus belowe het, dat as
die Heilige Gees werklik in jou kom, het jy ontploffingskrag binne-in jouself,
ter ere van God en tot die oorrompeling van die koninkryk van Satan en dít
is ons ERFENIS. Prys die Here! Maar alles werk deur die geloof! As jy dit
nie glo nie, as jy dit nie in werking bring deur die geloof nie, sal dit nooit tot
werking kom nie. Goed, julle sal krag ontvang.
Markus 16:16-20;
16 Hy wat glo en hom laat doop, sal gered word; maar hy wat nie glo
nie, sal veroordeel word.
17 En vir die wat geglo het, sal hierdie tekens volg: in my Naam sal
hulle duiwels uitdryf, met nuwe tale sal hulle spreek,
18 slange sal hulle opneem; en as hulle iets dodeliks drink, sal dit
hulle geen kwaad doen nie; op siekes sal hulle die hande lê, en
hulle sal gesond word.
19 Nadat die Here dan met hulle gespreek het, is Hy opgeneem in die
hemel, en het gaan sit aan die regterhand van God.
20 Maar hulle het uitgegaan en oral gepreek, en die Here het
saamgewerk en die woord bevestig deur die tekens wat daarop
gevolg het. Amen.
“En die Here het saamgewerk en die woord bevestig deur die tekens wat
daarop gevolg het”. Die tekens is ‘n bewys van samewerking van die Here.
Hier is, as u dit mooi ontleed, die belofte van wonderwerke. Iemand wat
duiwels uitdryf, in daardie opsig is dit ‘n wonderwerk; nuwe tale wat jy
spreek is ‘n wonderwerk, ek sê nie dit is die werking van kragte nie, dit lei
maar net daarheen; slange opneem en jy nie gebyt word nie, dit is ‘n
wonderwerk; iets dodeliks drink en dit jou geen kwaad doen nie, dit is ‘n
wonderwerk. Dit bewys die bediening, die lewe van die kind van God, die
belofte daarvan. Jou hele lewe is ‘n bonatuurlike lewe en is ‘n lewe van
wonderwerke.
Hebreërs 13:8; (ons laaste teks in verband hiermee )
8 Jesus Christus is gister en vandag dieselfde en tot in ewigheid.
Hierdie onveranderlike Here Jesus wat dit dan in sy dissipels gedoen het,
deur sy opstandingskrag en deur die krag van die Heilige Gees, en in die
182

handeling van die Apostels. Waarom sal Hy nie dieselfde doen vandag
nie? Dit is dieselfde Here Jesus. Prys die Here! Ek kan sê: “Come let us
bring back the King!” Kom laat ons die Koning terugbring soos hulle
gepraat het met Dawid, ook toe Dawid daardie keer weggegaan het. Kom
ons bring die Koning terug! Halleluja! Sy Heerlike Majesteit, en gee Hom
weer ‘n kans in sy gemeente. Laat ek net vir u ‘n illustrasie gee van wat ek
voel, is wonderwerke.
Van die diens waarin ek was, toe ek so pas in Pinkster ingekom het, so 24
jaar lede, in die diens van ou broer Bosworth, (hy is nou al by die Here) hy
het ‘n pragtige boek geskryf wat vandag weer beskikbaar is, naamlik;
“Christ the Healer”. As u net wil lering kry omtrent wat dit is om God
werklik te glo, dit is nou veral in verband met Goddelike genesing, dit is om
God heeltemal op sy Woord te neem en te dien en om God se beloftes te
laat werk in jou lewe, kry u dit in daardie boek. Waar hy vertel het van die
vrou wat deur ‘n operasie in Amerika albei haar oordromme laat verwyder
het. In ander woorde, sy was stokdoof, sy kon gladnie hoor nie. Hy het toe
vir haar hierdie boek “Christ the Healer” gegee om te lees en vir haar gesê:
“Wanneer jy die boek klaar gelees het, kom dan na een van my dienste toe
dat ek vir jou kan bid”. Sy het ook so gemaak en hy het vir haar die aand in
Chicago, soos hy vertel het, gebid en sy het onmiddellik haar gehoor
teruggekry in albei ore. Die volgende dag was dit voorbladnuus in die
Chicago se koerante. Die dokter, ‘n Joodse sjirurg, het dit gelees en gesê:
“Ek gaan hierdie “Faith healers”, ontmasker. Ek het self die operasie op
daardie vrou uitgevoer. Hulle is besig om die publiek te bedrieg en hierdie
dinge moet end kry, ensovoorts. Hy skakel toe die vrou en sy antwoord
hom self oor die telefoon, en hy sê: “Sal jy na my spreekkamer toe kom dat
ek jou kan ondersoek?” Sy sê met plesier. Sy het gegaan en hy het haar
ondersoek en gevind dat die Here vir haar twee splinternuwe oordromme
gegee het! Onmiddellik het daardie man so onder die oortuiging gekom dat
hy sy praktyk net daar verkoop het, tot bekering gekom en sendeling vir die
Here Jesus geword het.
Nou sal u vir my sê: “Ja, Pastoor, dit is wat Broer Bosworth vir julle vertel
het. Maar nou wil ek u vertel wat ek met my eie oë gesien het. Toe hy dit
nou vir ons klaar vertel het, en die stadsaal van Johannesburg was
volgepak, toe sê hy: Ek soek nou vanaand in hierdie vergadering na sulke
mense, wat so ‘n operasie gehad het in die een oor, sodat daardie persone
kon hoor met die ander oor wat ek sê. Want sy een prinsiep waarop hy
werk, en wat ek voel basies goed en gesond is, is dat hy sê, God werk deur
sy Woord.
Hy sê die Woord is die lewende saad van God. In die Woord is God se
belofte, in die Woord is God self, want Jesus is die Woord wat vlees
geword en onder ons kom woon het. Dus as jy die lewende Woord in jou
183

hart inneem en jy neem daardie Woord as God self, sal daardie Woord
Godself in jou wees, as jy dit kan begryp. In elk geval, hy sê toe hy wil
sulke persone hê en daar gaan toe twee persone na hom toe, ‘n man en ‘n
dame.
Hy het sy vinger in die man se oor gesit en driekeer vir hom gebid maar
daar het niks gebeur nie. Toe sê hy vir hom hy moet eenkant wag. Toe
kom die dame en hy sit sy vinger in die oor waarvan die oordrom verwyder
is deur die mastoldoperasie en toe hy klaar gebid het, sê sy, sy kan hoor,
volmaak hoor en hy toets haar. Sy moes omdraai en self met haar vinger
die gesonde oor so goed toestop as wat sy kon, en met haar rug na hom
toe staan, sodat niemand kan sê sy lees sy lippe of enigiets, nie. Hy het ‘n
hele ent agter haar op die platform gestaan en vir haar dinge voorgesê. Hy
het getel en ander woorde vir haar voorgesê wat sy alles haarfyn agterna
gesê het. Hy het naderhand agter haar gaan staan en sy sakhorlosie uit sy
sak gehaal en dit so agter haar kop gehou. Hy vra vir haar “Can you hear
my watch ticking?”en sy sê: “Yes, I can hear it perfectly”. Loof die Here!
Nou my eie beskeie getuienis, van klein Fanie Goosen wat in ons
Sondagskool was. Hulle het na ‘n vakansieoord toe gegaan gedurende die
Desember vakansie. In die swembad het ‘n seun hom op die oor geskop
en die oordrom het gebars. Hy het stokdoof in die oordrom geword en ‘n
Dokter het hom ondersoek en gesê daar is niks medies wat daaraan
gedoen kan word nie. Dit kan miskien later in sy lewe toegroei, dit is die
enigste hoop. Ek het die aand nie ‘n beroep gedoen vir siekes nie en daar
het ‘n hele paar mense uitgekom vir redding, veral een jongman Lourens
van der Spuy. Hy het self bely dat hy daardie aand na die diens gekom
het, meer om te spot as iets anders. Maar in die diens, terwyl die Here se
Woord uitgegaan het, toe sien ek die trane loop oor hierdie jongman se
wange. Toe ek die beroep doen was hy die eerste om sy hand op te steek
om homself aan die Here oor te gee.
Daardie aand het ek gesê ek sal self met die bekeerling werk in die
bidkamer, iets wat ek selde gedoen het, hulle moet daar wag tot aan die
einde van die diens. Gewoonlik as ek hulle vra om bidkamer toe te gaan,
vra ek van ons Broers om saam met die mans te bid, en van die Susters
om saam met die dames te bid.
Toe ek in die bidkamer inkom, toe hardloop klein Fanie in en sê: “Pastoor,
bid vir my vir hierdie oor, asseblief. Op daardie oomblik sê die ou duiwel vir
my, hy is mos altyd met ons besig. Sê vir Fanie hy moet net ‘n bietjie wag.
Deel nou eers met die siele, die siele kom tog eerste. Is sy logika nie baie
goed nie?
Maar ek het geweet wat in my hart sou aangaan, dan sou ek bang gewees
het (dit is wat die duiwel in my hart wou sit) om vir hierdie jong bekeerling
184

te bid wat ernstig onder oortuiging was, omdat, as daar dalk nou niks
gebeur met Fanie nie, sal dit hom nou teleurstel in die evangelie. ‘n Baie
goeie argument. Maar toe sê ek in my hart, wyk Satan.
Ek sal eerste vir Fanie bid. Ek sê toe vir Fanie, goed ek sal vir jou bid. Ek
sit toe my vinger in sy oor en ek bid vir hom. Toe ek klaar gebid het sê ek
vir hom, nou staan met jou rug na my toe, laat ons sien of jy kan hoor.
Druk jou gesonde oor toe en hy het onmiddellik volmaak, alles agter my
aangesê. Hy het Dokter toe gegaan en die Dokter het sy verbasing
uitgespreek en gesê daar is geen gat meer in sy oordrom nie! Volmaak
gesond! Ek dank die Here, ek glo dit is ‘n demonstrasie van ‘n
wonderwerk. Ek sal vir u nog meer voorbeelde daarvan gee.
Net kortliks wat dit NIE is nie:
Soos ek aangedui het in die begin. Dit is nie ‘n wonder van die wetenskap
nie, watter wonderlike wetenskaplike prestasies daar ookal mag wees. Toe
die mens op die Maan geland het, het baie mense gesê dit is ‘n
wonderwerk. Goed, dit is ‘n wonderwerk van wetenskaplike prestasie. Dit
is ‘n wonder van die menslike vernuf; maar dit is nie ‘n wonderwerk van die
Heilige Gees nie, dit is tog vir u duidelik. Dit is nie ‘n wonderwerk van
spiritisme nie; of van “Christian Science” nie, dit is ook nie sielkunde of
enigiets wat deur die mens in die natuurlike voortgebring kan word nie.
Wat dit is:
Die werke van kragte is die werking van tekens en van wonders. Dit is
altyd bonatuurlik en teenstrydig met die natuur. Dit moet ons onthou, dat
dit altyd teenstrydig sal wees met die natuur.
Byvoorbeeld:
Dit was ‘n wonderwerk toe Petrus op die water geloop het. Die natuurlike
is, as jy op water probeer loop, sink jy. Petrus het op die water geloop en
nie gesink nie, dit was ‘n wonderwerk. Die wonderwerk was nie dat Petrus
geloop het nie, maar dat hy nie gesink het nie. Dit word gebruik om God se
Woord te bevestig, soos deur sy dienskneg verkondig. Dank die Here, dit
is een van die groot dinge wat die Here gebruik om sy Woord te bevestig.
Dit is wat die Here Jesus self gebruik het. God gebruik wonderwerke om
geloof in sy Woord op te bou.
Johannes 5:36;. (in die bediening van ons Here Jesus self)
Maar Ek het ‘n groter getuienis as dié van Johannes want die
werke wat die Vader My gegee het om te volbring, die werke self
wat Ek doen, getuig van My dat die Vader My gestuur het.
“Die werke self wat Ek doen getuig van My dat die Vader My gestuur het”.
Op ‘n ander geleentheid het die Here Jesus gesê: “Soos die Vader My
gestuur het, so stuur Ek julle”.
Daarom moet ons ook vir die wêreld kan sê: “Die werke wat ek doen, en
die werke wat ons doen, getuig van ons dat die Here Jesus ons gestuur
185

het. Die tekens en die wonders is die getuigskrifte van die gesante van die
Here Jesus. Dit is die getuigskrifte van die kerk van Jesus Christus. Soos
ons gesien het in Markus 16, hulle het oral gegaan en gepreek en die Here
het met hulle saamgewerk en die Woord bevestig deur die tekens wat
daarop gevolg het. Hoekom sal die Here Jesus dit nie vandag doen nie?
Nog net een geval uit die bediening van ons Here Jesus.
Johannes 10:25;
Jesus antwoord hulle: Ek het dit vir julle gesê, en julle glo nie. Die
werke wat Ek doen in die Naam van My Vader, dié getuig van My.
“Die werke wat ek doen in die Naam van My Vader die getuig van my”. Ons
moet vandag dieselfde kan sê. Ek gaan welbekende gevalle vir u noem.
Dit sal vir u bekend wees en u kan dit vir uself naslaan.
Moses: Toe die Here vir Moses gestuur het om vir Israel te gaan uitlei, het
hy die Here gevra vir tekens. Hy het gesê: “Here, die volk sal in my nie glo
nie”. En hy het vir die Here gevra vir tekens en die Here het vir hom tekens
gegee. Onthou u die teken waar hy sy hand in sy boesem sou steek? Dan
sou dit melaats word as hy dit uittrek, en as hy die melaatse hand weer in
sy boesem sou insteek en dit weer uittrek, dan is dit skoon. Dit was ‘n
teken.
Die Here het hom die teken van sy staf gegee wat hy op die grond moes
gooi en dit het in ‘n slang verander, en as hy hom by die stert optel is dit
weer ‘n stok. Ons weet self hoeveel tekens en wonders deur Moses vir
Farao later oorrompel het en vir Israel uitgelei het uit die slawehuis.
Gideon: Gideon het gevra: “Waar is die wonderwerke wat ons vaders ons
van vertel het”? Toe het die Here vir hom ‘n paar wonderwerke gewys, en
die Here het ook wonderwerke in die lewe van Gideon gedoen.
Elísa: Elísa se bediening is een van die pragtigste bedienings. U moet
onthou Elísa het gevra vir ‘n dubbele mate van die gees wat op Elía gerus
het. Doen ‘n studie, dit sal u hart bekoor en goed wees vir u siel. As u
soek na ‘n deeltjie om in die Bybel te lees, soek dit op en u sal sien dat
Elísa se wonders en tekens nog baie meer was as die van Elía. Prys die
Here! Toe Elísa daardie mantel optel toe sê Elísa op een geleentheid:
“Waar is die God van Elía?” - en slaan die waters en die waters kloof en hy
stap deur.
Josua: God het aan Josua gesê: “Soos Ek met Moses was, sal Ek met jou
wees”. En dit was ‘n Josua wat gesê het: “Son en maan staan stil!” En
hulle het stilgestaan. Die Here se Woord sê: Nog nooit het so iets gebeur
dat die son op die bevel van ‘n mens sou stilstaan nie.
186

Die ongelowige spot daarmee, maar dit is net ‘n beklemtoning van wat ek
aan die begin van hierdie Studie aan u gesê het. Dit is wat God vir ons
gedoen het deur Jesus Christus. Hy het waaragtig ons verlore heerskappy
aan ons herstel. Lees wat die Here aan Adam gesê het: “Ek gee vir jou
heerskappy oor my ganse skepping”. Die Here het Adam aangestel oor die
werke van sy hande.
Teen hierdie tyd is u almal bekend met hierdie mense wat die gegewens in
die rekenaar ingevoer het, en dat hulle van een dag nie kon rekenskap gee
nie. Toe het een van die mense wat op die rekenaar gewerk het, gesê: “Ek
het in die Sondagskool geleer van waar die son en maan stilgestaan het.
En toe hulle dit in die rekenaar invoer, toe werk dit nog nie. Toe sê hy: “O,
ja wag, ek onthou ook nog van die son wat ‘n paar grade teruggegaan het
op die sonwyser in die tyd van Hiskía, en toe hulle dit bysit, toe werk die
rekenaar volmaak. So het selfs die wetenskap bewys met al die mens se
berekenings, dat daardie twee gevalle die waarheid is.
Wonderwerke gee dus mag oor die natuur; dit gee mag oor die dood; dit
gee mag oor demone; dit gee aan ons, ons verlore heerskappy terug.
Wonderwerke lei tot die redding van siele.
U onthou in Handelinge 3, waar Petrus vir die verlamde man gesê het:
“Silwer en goud het ons nie, maar dit wat ons het gee ons vir jou. In die
Naam van Jesus staan op en loop”, en hy gryp daardie man aan die hand
en hy rig hom op. Ek glo dit was ‘n wonderwerk, want daardie man het nog
nooit geloop van sy geboorte af nie en hy was oor die 40jaar oud. Daar
spring hy op en huppel van blydskap. Dit het gelei tot die redding van
siele.
Kom ons kyk na ‘n ander geval wat nie so goed bekend is nie, in die
bediening van die Apostel Paulus.
Handelinge 13:6-12;
6 En hulle het die eiland deurgegaan tot by Pafos en ‘n towenaar
gevind, ‘n valse profeet, ‘n Jood met die naam van Bar-Jesus.
7 Hy was by die goewerneur Sérgius Paulus, ‘n verstandige man.
Dié het Bárnabas en Saulus laat roep en het versoek om die woord
van God te hoor.
8 Maar Élimas die towenaar - want so word sy naam vertaal - het
hulle teëgestaan en het probeer om die goewerneur afkerig te
maak van die geloof.
9 Maar Saulus, dit is Paulus, vervul met die Heilige Gees, het die oë
op hom gehou en gesê: Kind van die duiwel, vol van
10 alle bedrog en alle listigheid, vyand van alle geregtigheid, sal jy nie
ophou om die reguit weë van die Here te verdraai nie?
187

11 En nou, kyk, die hand van die Here is op jou, en jy sal blind wees
en die son ‘n tyd lank nie sien nie. En onmiddellik het daar
donkerheid en duisternis op hom geval, en hy het rondgegaan en
gesoek na mense wat hom by die hand kon lei.
12 Toe die goewerneur dan sien wat daar gebeur het, was hy verslae
oor die leer van die Here en het geglo.
Prys die Here! Is dit nie pragtig nie?
As jy ooit ‘n goeie illustrasie wil hê van die werking van kragte - hier is dit!
As hy vir daardie man kon sê: Jou kind van die duiwel en vir hom sê die
hand van die Here sal op jou wees en jy sal blind wees en die son ‘n tyd
lank nie sien nie. Onmiddellik het daar duisternis op hom geval en hy het
rondgegaan en gesoek na mense wat hom by die hand kon lei.
Ek sou wat wou gee om hier teenwoordig te kon gewees het. Waarom sou
ons dit eintlik sê? Hoekom moet ons dit nie vandag in ons lewens sien
nie? Kom laat ons God glo dat ons hierdie dinge baie gaan sien en dat ons
ook die uitwerking daarvan gaan sien - naamlik vers 12, “toe die
goewerneur dan sien wat daar gebeur het was hy verslae oor die leer van
die Here en het geglo”.
Prys die Here!
Ek is daar seker van u sal met my saamstem ons sal baie meer mense kry
wat sal glo as ons weer hierdie gawe in werking het.
Die opwekking van Tabíta of Dorkas uit die dood.
Handelinge 9:36-42;
36 En in Joppe was daar ‘n sekere dissipelin met die naam van Tabíta
wat, as dit vertaal word, beteken Dorkas. Sy was oorvloedig in
goeie werke en aalmoese wat sy gedoen het.
37 En in dié dae het sy siek geword en gesterwe, en hulle het haar
gewas en in ‘n bovertrek neergelê.
38 En omdat Lidda naby Joppe was en die dissipels gehoor het dat
Petrus daar was, het hulle twee manne na hom gestuur wat hom
moes smeek dat hy sonder uitstel na hulle moet oorkom.
39 En Petrus het opgestaan en saam met hulle gegaan. En toe hy
daar kom, bring hulle hom in die bovertrek; en al die weduwees
kom by hom staan en ween en wys hom die onder en bo-klere wat
Dorkas alles gemaak het toe sy nog by hulle was.
40 En Petrus het almal buitentoe gestuur en neergekniel en gebid. En
hy het hom na die liggaam gedraai en gesê: Tabíta, staan op! En
sy het haar oë oopgemaak; en toe sy Petrus sien, het sy regop
gesit.
41 En hy gee haar sy hand en laat haar opstaan. Daarop roep hy die
heiliges en die weduwees en stel haar lewendig voor hulle.
188

42 En dit het bekend geword in die hele Joppe, en baie het in die Here
geglo.
Een prediker het gesê en ek dink dit is mooi en ek voel daarmee saam.
Petrus het die ander mense uitgestuur. Dit is vir ons baiekeer nodig, om
mense uit te stuur. Hulle ongeloof bind jou só, en selfs hulle verset bind
jou so dat dit die werk van die Gees van die Here bemoeilik. Ek het al
baiekeer in dienste gevind dat jy waarlik voel jy kreun in jou siel. Jy voel
hier is soveel ongeloof, hier is soveel teëstand en weerstand dat jy voel dat
jy niks daar uitgerig sal kry nie.
My eie ondervinding in die grootste en wonderlikste dinge wat in my eie
lewe gebeur het, het geskied waar ek of alleen was met ‘n persoon of met
net ‘n paar mense. Petrus het hulle uitgestuur en hy het opgestaan en na
die liggaam gedraai en gesê: “Tabíta staan op, en sy het haar oë
oopgemaak en toe sy Petrus sien het sy regop gesit”. Dit is ‘n wonderwerk.
Prys die Naam van die Here! Dit is wat die Here gedoen het, en waarom
dan net in die geskiedenis van ‘n Petrus?
Paulus maak vir Eútichus lewendig.
Handelinge 20:7-12;
7 En op die eerste dag van die week, toe die dissipels vergader het
om brood te breek, het Paulus hulle toegespreek, omdat hy die
volgende dag sou vertrek, en hy het sy rede gerek tot middernag
toe .
8 En daar was baie lampe in die bovertrek waar hulle vergader het.
9 En ‘n sekere jongman met die naam van Eútichus het in die venster
gesit en weggesink in ‘n diepe slaap; en toe Paulus nog lank
gespreek het, is hy oorweldig deur die slaap en het van die derde
verdieping afgeval en is dood opgetel.
10 Toe gaan Paulus ondertoe en val op hom en slaan sy arms om
hom en sê: Moenie so te kere gaan nie, want sy lewe is in hom.
11 en hy het boontoe gegaan en brood gebreek en geëet; en nadat hy
nog ‘n geruime tyd gespreek het tot dagbreek toe, het hy vertrek.
12 En hulle het die seun lewendig huis toe weggebring en was
uitermate getroos.
Prys die Here! Is dit nie wonderlik nie?
Ons loof die Here daarvoor. Onthou die Bybel is nie bedoel om as ‘n
geskiedenisboek alleen gelees te word nie. Dit is die lewende Woord van
die lewende God - en daardie dinge moet ook ons ondervinding wees.
Anders help dit vir ons niks. Moenie dat ons, ons laat mislei deur vroom
praatjies en sê dit is godslasterlik, dit is aanmatigend of vermetel van jou of
wat ookal om hierdie dinge vir jou toe te eien nie. Dit is die evangelie.
189

Dit is wat die Here aan ons gegee het en daarmee dank ons die Here en
daarmee moet ons nog die wêreld oorrompel vir onse Here Jesus.
Petrus se skaduwee.
Handelinge 5:14-15;
14 En daar is meer en meer gelowiges in die Here bygevoeg,
menigtes van manne sowel as vroue,
15 sodat hulle die siekes op die strate uitgedra en op bedde en
draagbare gelê het, met die bedoeling dat, as Petrus kom, al was
dit net sy skaduwee op iemand van hulle sou val.
Nog ‘n wonderlike voorbeeld is waar Jesus vir Lasarus uit die dood
opgewek het, die verwysing daar is Johannes 11.
Elía en Elísa - beide van hulle het dooies opgewek.
Is ons nie onder ‘n beter verbond nie? Is ons nie onder beter bloed as die
bloed van stiere en bokke nie? As hulle dit kon doen in die bedeling van
die bloed van stiere en bokke en ons is onder die bedeling van die bloed
van ons Here Jesus, behoort ons nie nog groter dinge te kan doen as dit
nie?
1 Konings 17:21-24;
21 Daarop het hy hom driemaal uitgestrek oor die kind en die HERE
aangeroep en gesê: HERE my God, laat die siel van hierdie kind
tog in hom terugkeer.
22 En die HERE het Elía verhoor; en die siel van die kind het in hom
teruggekeer, sodat hy weer lewendig geword het.
23 Daarop neem Elía die kind en bring hom af uit die bokamer in die
huis en gee hom aan sy moeder; en Elía sê: Kyk, jou seun lewe!
24 En die vrou sê vir Elía: Nou weet ek dit dat u ‘n man van God is en
dat die woord van die HERE in u mond waarheid is.
Elía het daardie seun lewendig gemaak, prys die Here!
Net in ‘n heeltemal ander saak. Waar die Jehova Getuies so erg is oor
hierdie kwessie van as jy dood is, is jy dood, en dat jyself ‘n gees is en dat
ons heeltemal verkeerd is waar ons nou sê; kyk jou siel is in jou en
wanneer jy sterf, sterf jou liggaam: en jou siel gaan uit jou uit. Hier sê dit
duidelik “die kind se siel het uit hom gegaan” en toe Elía vir hom bid dat hy
lewendig word, het sy siel weer in hom teruggekom. Dit is ‘n baie goeie
teks om vir die Jehova Getuies te gebruik. Dit is waar Elía die kind
lewendig gemaak het.
U sal dieselfde vind ook met Elísa, maar ek wil net vir u die verwysing gee,
in 2 Konings 4:32-37. Nog voorbeelde; die welbekende geval waar Jesus
190

die water in wyn verander het. U vind dit in Johannes 2. Onthou net weer
dat Jesus gesê het; die werke wat Ek doen sal julle ook doen en groter
werke as dit.
Party van u het seker gelees van die getuies van die herlewing in Indonesië
waar hulle nie wyn gehad het nie en waar die water verander het in wyn.
So prys die Here: daar het ons ‘n moderne voorbeeld van dit wat gebeur
het.
Die Here Jesus het 5,000 families met 5 brode en 2 vissies gevoed.
In Paulus se geval, en ek dink ons kan dit net lees want hy noem dit self
spesiale wonderwerke.
Handelinge 19:11-16;
11 En God het buitengewone kragte deur die hande van Paulus
gedoen,
12 sodat selfs wanneer doeke of voorskote wat aan sy lyf was, op die
siekes gelê is, die siektes van hulle gewyk en die bose geeste van
hulle uitgegaan het.
13 En sommige van die rondtrekkende Jode, duiwelbesweerders, het
dit gewaag om die Naam van die Here Jesus te noem oor die wat
bose geeste gehad het, en te sê: Ons besweer julle by die Jesus
wat Paulus verkondig!
14 Dit was sekere sewe seuns van Skeva, ‘n Joodse owerpriester, wat
dit gedoen het.
15 Maar die bose gees het geantwoord en gesê: Jesus ken ek, en van
Paulus weet ek, maar julle, wie is julle?
16 Toe spring die man in wie die bose gees was, op hulle, en
oormeester en oorweldig hulle, sodat hulle naak en gewond uit
daardie huis gevlug het.
Nou, die Engelse Bybel sê “special miracles”, met ander woorde,
wonderwerke was taamlik gewoon, daar was selfs nog “special miracles”.
So, asof die dinge hulleself oortref het in die bediening van Paulus. En
ons? Ons weet nie eers van “miracles” nie, waar kom nog die “special
miracles” vandaan? Hoe vêr het ons dan nie agtergeraak nie! Ons moet
inhaal en weer op daardie plek kom. Prys die Here!
En God het buitengewone kragte, die Grieks daarso is “dinamus” weer
dieselfde dinamiet wat ontploffingskrag beteken.
Daar was tekens en wonders in die bediening van Stéfanus en Filippus. As
u Handeling 6 en 8 lees; dit is vir u welbekend, van hoe Stéfanus vol van
die Heilige Gees en krag was. Die Here het groot tekens en wonders deur
hom gedoen. So ook deur Filippus. Jesus het die storm stilgemaak; waar
191

die bere die kinders verslind het in die geval van Elísa; en waar Naäman se
melaatsheid op Gehásie gekom het.
Die Siriërs wat met blindheid geslaan was in die geval van Elísa in 2
Konings 6. Ag, en hoe baie kan ek nie noem in die Woestyn nie, die Here
het water laat vloei uit die rots en so aan.
Nou wil ek u nog hierdie punt omtrent die wonderwerke vertel. Onthou u, in
al die ander Studies wat ons so vêr gedoen het, soos in die gawe van die
woord van kennis, het ek vir u gesê, God het alle kennis en wanneer die
Here nou vir jou die gawe gee van ‘n woord van kennis, dan gee die Here
vir jou ‘n stukkie van daardie algehele kennis van Hom wat nodig is vir
daardie situasie. Dieselfde met die gawe van wysheid. God het alle
wysheid, maar vir die punt en die spesifieke doel waarvoor jy daardie
woord van wysheid nodig het, gee die Here dit vir jou. God het alle geloof,
maar vir daardie spesifieke doel waarvoor jy die geloof nodig het, gee die
Here vir jou daardie spesifieke druppel geloof in jou hart.
So het God alle wonderwerke; God self is bonatuurlik, Hy gee vir jou vir
daardie besonderse situasie, daardie druppel wonderwerk wat jy daarvoor
nodig het. Jy moet ingestem en geoefend wees. Die Here sê “beoefen
julle in die Godsaligheid” want jy sal weet op daardie oomblik, jy sal dit
hierso voel, hier kom dit, loof die Here! en jy sê vir ‘n Tabíta: “Staan op”! Jy
sê vir ‘n verlamde man: “Silwer en goud het ek nie, maar wat ek het gee ek
vir jou”.
Jy sal die Here se Gees leer ken, jy sal weet wanneer die Here op jou kom.
Dit is daar wat jy die geloof en die krag sal hê. Dit is daar waar die “vonk”,
daardie heerlike vonk van God, wanneer hy in jou hart val, en nadat jy hom
gesmaak het sal jy hom vir niks ter wêreld verruil nie.
Dank die Here, God gebruik ook tekens en wonders baie keer vir die
beskerming van sy kinders. Dit was ‘n wonderwerk toe die vuurvlam die
drie Hebreeuse se jongmanne nie geskroei het nie! Dit was ‘n wonderwerk
toe die leeus Daniël nie aangeval het nie. Dit was ‘n wonderwerk ter
beskerming.
So glo ek het die Here baie wonderwerke gebruik om sy dissipels deur die
eeue heen te beskerm. En ek voel ook dat dit vir u en vir my is, as u dit
gaan waag om God op sy Woord te neem, en as u met my saamstem oor
wat ek vir u gesê het, dat as jy weergebore is, is jy nie meer ‘n natuurlike
mens nie. Jy is ‘n bonatuurlike wese. Jy is ‘n nuwe skepsel. Jy is gevul
met die Heilige Gees.
192

Nou moet jy ook onthou, nou is jy die skyf van Satan! Jy is die skyf van die
twyfelaars; die skindertonge; van alles wat jou sal probeer vernietig. Ek glo
in menige geval in jou lewe sal jy ‘n wonderwerk van God nodig hê om
jouself te beskerm. Daar is vir ons baie bewyse daarvan in die bediening
van die Here Jesus.
God het hierdie gawe gebruik om sy volk te beskerm. Hy het die waters
gekloof; die son laat stilstaan; die byl laat dryf; geld in die vis se bek
geplaas; die krag uit die vuur gehaal; Petrus op die water laat loop; Gideon
die oorwinning laat behaal; die kinders van Israel van siektes beskerm;
hulle klere vir 40 jaar nie laat slyt nie; Moses se oë helder gehou totdat hy
120 jaar oud was; hulle skoene het hulle nie deurgeloop nie.
Dit was ‘n wonderwerk, hulle het dit nodig gehad. Waar sou hulle nuwe
klere en skoene kry in die woestyn? Hulle het wonderwerke nodig gehad.
Ons gaan wonderwerke van God nodig kry, in baie opsigte as jy werklik vir
God gaan uitstaan. Ek het al baie sulke wonderlike getuienisse gehoor.
Ek het gehoor van iemand wat op die lughawe gestaan het, wat deur die
Here oorsee gestuur is, en wat nie ‘n sent in sy sakke gehad het om vir die
kaartjie te betaal nie. Dan daag iemand uit die bloute op en sit die regte
bedrag in sy hand. Daardie deel is nou vir ons duidelik ek hoef nie verder
daarop uit te wy nie.
Meeste van hierdie wonderwerke het God deur mense gedoen. Die Bybel
is ‘n boek vol van wonderwerke. God is die God van wonderwerke!
Sonder wonderwerke sou ons nie ‘n Bybel of vir God gehad het nie. Dit
alles doen Hy deur sy Gees, die Heilige Gees wat Hy ook aan ons gegee
het.
Ek het u alreeds vertel van klein Fanie Goosen en vir party van u, van ons
eie dogter, Anne. Toe ons so pas in hierdie geloof gekom het, en nadat
ons teruggekom het van die dienste van Broers Branham en Bosworth; ek
was so vol van blydskap.
In die middag wanneer ek van die werk af kom, dit was lank voordat ek in
die bediening gegaan het, dan groet ek my vrou en kinders, drink ‘n koppie
tee en dan is ek uit in die strate in om vir mense te gaan vertel van wat ek
gesien het. As hulle my in hul huise wil innooi, dan sê hulle: Wel, hier is
siek mense in die huis, wat hulle baie gedoen het, dan het ek vir hulle
gebid; vir hulle die hande opgelê.
Een môre, toe my vrou in die kombuis besig was om die twee kinders kos
te gee, (die jongste was toe nog nie gebore nie) was ek besig om aan te
trek, is dit asof ‘n stem duidelik vir my sê: “As jy skielik voor ‘n uitdaging te
staan kom, sal jy nóg vir God vertrou?”
193

Die oomblik wat jy jouself aan die Here oorgee dan kom dié uitdaging en
die stryd. Toe die stem klaar gepraat het, hoor ek Anne skree in die
kombuis. En ek staan, ek voel hier is iets aan die kom, en enkele
oomblikke daarna kom Suster Neser met Anne so in haar arms aan. Ek
sien nou nog hoe hang haar haartjies so oor die arm af.
Sy sê: “Frikkie, wat gaan met Anne aan”? en sy gooi haar letterlik so in my
arms; toe ek haar so vang, kom haar water uit. Op daardie oomblik was dit
of die magte van die hel op ons losgelaat was. Dit is of die vyand sê: “Toe
nou, saI jy nóg op die strate uitgaan om vir mense te vertel van hierdie
wonderlike God van jou? Hier is jou kind dood”.
Ons het haar op die bed neergesit en begin bid. Nie ‘n teken van lewe of ‘n
asemhalinkie of ‘n pols nie, niks! Ek kan nie vir u beskrywe wat in my siel
aangegaan het nie. Die hemel is soos koper, dit voel of my gebede nie
verder as die dak gaan nie. Al die twyfel; die aansporing, die aanhitsing
van die vyand om God te begin verwyt. Is dit wat ‘n mens kry vir dit wat jy
vir God doen?
Maar dank die Here ons het dit nie gedoen nie. Ek kan nie onthou hoe lank
ons gebid het nie, vir my het dit vreeslik lank gevoel, maar uiteindelik het
ons die beloftes van die Here begin pleit, want so was ons geleer in
daardie dienste wat ons bygewoon het. Jy moet God se beloftes pleit; jy
moet nie aan gevoel dink nie; jy moet op God se Woord bly staan; jy moet
die duiwel weerstaan; jy moet hom bestraf en vir jou God se Woord toeeien.
Ons het dit gedoen maar elke woord het gevoel asof dit netso van die dak
af teruggegooi word in ons hand, totdat ek een teks in die hande kry, ek
noem dit werklik “in die hande kry” want ek voel ek het kontak gemaak, en
dit is Psalm 50:15 wat sê: “Roep my aan in die dag van benoudheid en ek
sál jou uithelp en jy moet my eer”. Ek sê: “Dankie Here”: en ek kry hom
beet en ek sê hom oor en oor, en sê: Daar staan geskrywe: “Roep my aan
in die dag van benoudheid en ek sal jou uithelp” -- dit staan geskrywe -- dit
staan geskrywe -- en toe ons weer kyk toe sien ek duidelik hoe begin haar
een ooglid so effens te bewe; so stadigaan begin die pols terugkom en
stadigaan begin sy tekens van lewe toon.
Ons het net aangegaan om die Here te prys en die duiwel te weerstaan.
Naderhand het sy haar ogies oopgemaak en begin regop sit. Ek het nog
so ‘n ruk gebly en gesê: Prys die Here, ek sal nie dat dit my uit die werk
hou nie. Ek sal laat wees maar ek gaan werk toe. Later het ek huistoe
geskakel en Suster Neser sê vir my Anne sit daar onder die ou
Jakarandaboom en speel. Daar is niks met haar verkeerd nie. O, ek dank
die Here, ek prys die Here! Sulke ondervindings het ons gehad toe ons
jonk op hierdie weg was. Ek dank die Here dat ek dit kan vertel tot sy eer.
194

Ek wil u van nog ‘n wonderwerk vertel. Ek het nie die begin van die
wonderwerk gesien nie, maar ek het die uitwerking van die wonderwerk
gesien. Van die man, nou, ek weet dat wanneer ek dit vir julle sê, dié van
julle wat dit nog nie gehoor het nie sal sê; Ongelooflik! Maar ek sê vir u,
hierdie oë van my het dit gesien.
Ek het nou vergeet of sy naam Robert was. Hy was in Vereeniging en hy
het gesien uit ‘n oog wat uitgehaal was. Ek was een van die pastore wat
op die platform was.
Laat ek u vertel, dit is sy getuienis. Hy was ‘n jong seun in Amerika en het
‘n wonderlike gelowige moeder gehad maar ‘n verskriklike ongelowige
vader wat die moeder beveg het op elke gebied. Soos seuns baiekeer rof
speel, het hy met ‘n draad gespeel en die draad het in sy oog gekom en in
die oogappel gehaak sodat hulle dit nie kon uitkry nie. Teen die tyd dat
hulle by die dokter kom, het al die vloeistof al uit die oog uitgeloop.
Die dokter kon vir die oog niks doen nie en hulle het die oog uitgehaal. Die
moeder het maar aangehou om die Here te dien. Eenkeer kom daar ‘n
evangelis, Tommy Osborn, van wie julle miskien baie gehoor het. Tommy
Osborn se vrou het die veldtog gehou. Toe sy die beroep doen vir siekes
het Robert, hy was toe so ‘n jong seun, ‘n vreeslike verkoue en baie slegte
mangels gehad. Sy ma stuur hom toe vorentoe om vir die verkoue en
mangels te laat bid. Toe Suster Osborn vir hom bid, toe lê sy sommer haar
hande op sy oë ook, en sy sê: “Lord, heal this boy”. Toe hy wegloop, toe
sien hy die ligte uit hierdie “uit-oog”. Nou ja, hy sê soos die Amerikaners
sê: “I started hollering and I started shouting, and I started to perform!” Dit
het ‘n geweldige opskudding veroorsaak. Ons het destyds van die jong
seun gelees. Dit was hier in die vyftigerjare. Hy het die hele Amerika
deurgegaan om sy getuienis te lewer. Ek moet sê, soos die Engelsman sê:
“I took it with a pinch of salt” ‘n Klompie jare gelede toe kom Robert ook na
Suid-Afrika toe om sy getuienis te bring en dit te demonstreer.
So het hy ook na Vereeniging gekom, en ek was een van die pastore wat
hom ondersteun het. Hy het eers gevra dat as daar dokters in die gehoor
is, moet die dokters sy oog kom ondersoek. Daar was nie dokters nie maar
daar was mediese Susters, en die een Suster het gekom en hy het sy
glasoog uit sy oog gehaal en in sy sak gesteek. (Ek voel nou nog grillerig
as jy in so ‘n leë oogkas kyk) Hy het rolle rekverband en dik watte by hom
gehad en het vir die Suster gesê, bind jy nou my regte gesonde oog toe.
Sy bind die oog toe met die “Elastoplast”, om en om sy kop gedraai sodat
net die leë oogholte uitsteek. Hy vra toe vir die mense in die gehoor om
hom enige leesstof te bring.
Die mense het tougestaan, met stukke wat hulle uit koerante geskeur het,
en Bybeltjies met kleindruk. Ek het agter Robert gestaan en ek het oor sy
skouer gekyk soos hulle dit voor hom gehou het en gekyk wat hy lees. Hy
195

het woord vir woord met daardie oog wat nie ‘n oog is nie, gelees wat daar
gestaan het. Dit het my oë gesien, dit kan ek voor die Here verklaar, en ek
kan vir u baie getuies roep in Vereeniging, want dit is nie baie lank gelede
nie. (Francois, uit die groepie teenwoordig, bevestig dat hy ook daar was).
Prys die Here! Wonderwerke, laat die mense maar spot. Ons dien ‘n God
van wonderwerke. Hy het aan ons daardie gawe gegee. Prys die Here!:
Terwyl Evangelis van der Walt hier was, het hy mense genooi om voor te
kom staan en te sien hoe word mense se bene langer voor hulle oë. Ons
het daardie tyd ‘n man daar gehad wat sy been gebreek het en die been
wou nie weer aangroei nie. Na vele werkery aan die been, het die been
aangegroei maar 6 cm. korter as die ander been. Hy het ‘n spesiale
opgeboude skoen gedra. Daardie aand het daardie been net so lank soos
die ander been geword.
Hy het die skoene daar gehad met die opgeboude polvy, (wie van julle was
daar?) Jy, Francois en Jooste ook, in daardie selfde veldtog het hy met
gewone skoene aan gekom en getuienis gegee. Dit was vir my te pragtig
om daardie man met twee gewone skoene daar te sien staan; want ek het
daardie wonderwerk sien gebeur.
‘n Ruk daarna kom ‘n man eendag na my toe en vertel my van sy Pa wat
so verskriklik siek is en of ek nie saam met hom Parys toe sal gaan om vir
sy Pa te bid nie. Die oubaas was heeltemal verlam en in verskriklike pyn.
Toe ek in daardie kamer kom is sy Tannie ook daar en ons dra toe stoele in
die kamer in en ek maak die Woord van die Here vir hulle duidelik. Hulle
moet maar solank eers sit terwyl ek praat. Dan sal ek daarna bid. Toe sê
die een Tannie sy sal liewerste staan, sy het vreeslike rugmoeilikheid en
verskriklike pyn. Sy was al by die dokters.
Ek sê toe wanneer ek klaar vir die Oom gebid het, sal ek vir jou ook bid.
Ek bid vir die ouman, en die Here maak hom onmiddellik volmaak gesond
sodat daardie been wat hy smarte mee gelei het, dat hy hom so op en af
beweeg. ‘n Paar minute daarna toe stap hy saam met sy seun die kamer
uit.
Daarna sê ek toe vir die Tannie: “kom sit nou hier reg voor die oom op ‘n
stoel en kyk na hom”. Ek sê: “Steek uit jou bene”, toe is haar een been ‘n
hele polvy langer as die ander een. Hô, sê die satan toe vir my, jy vat nou
‘n kans. Regtigwaar, die ou oom het nou net gesond geword. As daar nou
niks met hierdie vrou gebeur nie, gaan dit nou sy geloof heeltemal afbreek.
Ek sê dit vir julle sodat julle hierdie dinge kan leer; dat julle nie op
gevoelens moet gaan nie en dat julle mooi moet hoor hoe slim en logies die
Satan redeneer. In my eie gedagte sê ek vir hom: Wyk Satan! Die Here is
hier!
Ek sê vir haar: Mevrou, kyk nou wat God vir jou gaan doen. Die Here het
die rug volmaak gesond gemaak, en vir haar man sê ek: Hou jy haar bene
196

hier onder vas, laat sy so sit. Toe ek begin bid, hier loop die been, en die
man van haar, hy sê: “Hier loop haar been op my hand! (sy trane val op
die mat), totdat die twee bene ewe lank is. Staan nou op, hoe voel jou rug?
Sy sê: Geen pyn nie, my rug is heeltemal gesond. Die laaste keer wat ek
van haar gehoor het, ‘n jaar gelede, is sy nog al die tyd gesond. Die ou
oom is ook nog steeds gesond. Hy is net baie oud en het intussen
longontsteking gehad, maar nog nooit weer iets verkeerd met die been nie.
Ons dank die Here!
Hierdie dinge is geen fanatisme, geen verwaandheid om dit vandag te
verwag nie. God het die towenaars van Egipte met groter wonderwerke
geantwoord. Ons moet die uitdaging vandag op dieselfde grondslag
aanvaar. Satan het sy towenaars vandag, sy dinge wat hy voor die wêreld
hou, as ons dit nie gaan beantwoord met die bonatuurlike krag van die
Heilige Gees, met die krag van tekens en wonders nie, sal ons God en
hierdie geslag miserabel faal. Dit glo ek met my hele hart.
Die Werke van Kragte.
Ons noem met opset die Engelse woord “miracles” omdat in die Engelse
taal verwarring geskep word aangesien die woord op meer as een manier
gebruik kan word.
As gevolg daarvan word die woord se natuurlike karakter mee weggedoen.
In Engels kan gesê word: “That man is a miracle of a Christian; or that man
is a miracle of patience”. Daarby word niks bonatuurliks bedoel nie. Die
woord word slegs op figuurlike wyse gebruik. Wat die “gawe” egter betref
wil ons beweer dat kragte net so bonatuurlik en openbarend van aard is as
enige van die ander Heilige Gees gawes.
Net die Heilige Gees kan hierdie gawe deur ‘n toegewyde mens
manifesteer. ‘n Krag manifestasie geskied afgesien van wat die natuurlike
menslike wette mag inhou. Die vyeboom wat die Here Jesus vervloek het,
het van sy wortels af verdor. Tog gaan die boom in die gang van die
natuur van sy top af dood en nie van sy wortels af nie.
Nog ‘n belangrike feit wat ons wil hê u nie moet miskyk nie is dat alhoewel
die spreek van tale of die uitleg daarvan, of enige van die ander gawes,
wonderwerke is, is dit nogtans nie hierdie gawe van kragte nie. Die
wonders van genesing val nie onder hierdie gawe nie.
Die doel van hierdie gawe is:
1) Deur hierdie gawe van kragte was die volk van God op bonatuurlike
wyse uit die hand van hul vyande verlos; Exodus 14:16. Hierdeur was
die Rooi See en later die Jordaan se waters gekloof. Die Here wat nog
nooit verander het nie, kan ook vandag deur die openbaring van hierdie
gawe op bonatuurlike wyse verlos.
197

2) Om in mense se behoeftes te voorsien. Dink maar net aan die rots in
die woestyn wat water verskaf het aan ‘n dorstige volk, of die kruik van
die weduwee wat die olie gelewer het. In die NT vind ons gevalle soos
die vis wat Petrus uit die see gaan trek het met ‘n geldstuk in sy bek; of
by ‘n ander geleentheid waar vyf brode en twee vissies indermate
vermenigvuldig het dat duisende daarvan kon versadig word.
3) Om straf en dissipline toe te pas. Hier dink ons oor die verskillende
plae wat die Here deur Moses oor die Egiptenaars gebring het. Ook in
die NT het die dood ingetree by Ananías en Saffíra, as gevolg van
hierdie gawes van ‘n woord van kennis en werking van kragte. In ons
moderne tyd dink ons aan iets wat in die Belgiese Kongo gebeur het
tydens die sendeling, William Burton se verblyf aldaar. Een van die
boorlinge was deur die dood gedreig deur ‘n towenaar.
Die towenaar het in die teenwoordigheid van baie inboorlinge voorspel
dat die Christen werker die volgende môre sou dood neerslaan. Die
bygelowige mense het toe vroeg die volgende oggend voor die Christen
werker se hut saamgedrom om te aanskou hoe hy sou sterf. Die
Evangelis het egter op gewone tyd ewe kalm uit sy hut uitgekom om die
klok te gaan lui vir die oggenddiens wat hy sou waarneem. Meteens het
hulle egter geluide van die teenoorgestelde kant van die stat gehoor en
toe hulle daar kom gemerk hoedat hierdie towenaar blykbaar in
geweldige pyn op die grond neerslaan en sterf.
4) Om die gepredikte Woord te bevestig. In Handelinge 13:11-12 (wat ons
gelees het van Élimas wat met blindheid geslaan was). Ons verwys hier
na die geval toe Élimas die towenaar die Goewerneur Sérgius Paulus
probeer verhinder het om die evangelie aan te hoor wat deur Paulus en
Bárnabas verkondig is. Die apostel het deur die openbaring van hierdie
kragte hierdie dissipel van Satan met blindheid geslaan met die gevolg,
dat die Goewerneur in die Woord van die Here geglo het.
5) Om te red uit situasies van groot gevaar. Matthéüs 8:23, die storm op
die see gestil; om dooies op te wek.
6) Om God se almag en grootheid ten toon te stel. Toe Johannes die
Doper in ‘n toestand van vertwyfeling geval het, het die Here Jesus
opdrag gegee aan sy dissipels om aan Johannes te gaan vertel wat
hulle sien en hoor. Dit is waar die Here Jesus gesê het: Blindes sien,
kreupeles wandel, ensovoorts.
Dit is al wat ek vir u het, om te bring oor hierdie wonderlike gawe van die
werking van kragte. Mag die Here dit waarlik ryklik aan julle harte seën!
Ons vra die Here om hierdie gawe en hierdie bediening in ons eie lewens
te bevestig.
198

Onthou, die Here se Woord sê:
Die geloof kom deur die gehoor en die gehoor deur die Woord van God.
Ons het nou vir u die Woord van die Here gebring.
Die Woord van die Here is lewendig en kragtig.
Die Woord van die Here keer nie leeg na Hom terug nie.
Maar u moet die Woord van die Here in u harte bewaar.
U moet dit oordink, U moet die Here daarvoor begin prys.
U moet dit in die geloof begin soek.
U moet u erfenis in besit neem.
U moet ook nie terugdeins wanneer die uitdaging tot u kom nie.
Die Here sal u nooit in die steek laat nie.
U sal in posisies van tydelike verleentheid kom, van benoudheid kom soos
ek u ook vertel het van die ander gawes, maar dit is net om vir God die
kans te gee om vir u op die plek te bring waar u besef en vir die Here kan
sê: “Hierdie ding, hierdie situasie waarin ek nou is, is bokant my”. Dit is
nou God se geleentheid om in te gryp. Solank die mens nog kans sien vir
‘n ding, dit is waar ons, ons probleem lê.
Ons het slim dokters, wonderlike vernuf en daarom is dit die moeilikheid
vandag selfs in die Kerk om hierdie dinge te sien, en te sien daar is ‘n krag
van God wat wag om Homself, aan ons en deur ons te openbaar. As u nie
in u gees hiervoor werk nie, gaan u dit nie kry nie. U moet uself hierop
toespits en u sal sien wat God vir u sal doen.
Amen!
199

Iets oor die Skrywer
F.W.C. Neser is as wetenskaplike opgelei maar is ‘n toegewyde Christen
vanaf sy kinderjare. Vir hom is die Bybel die Woord van God vanaf
Génesis tot Openbaring.
Reeds vroeg in sy lewe was hy daarvan oortuig dat die mens self daarvoor
verantwoordelik is dat daar oorloë, depressies, hongersnood, droogtes.
siektes en ellende op aarde is.
Hy het gesien dat God sy volmaakte Wet aan sy volk Israel gegee het, en
aan hulle gesê het dat as hulle daarvolgens sou lewe, daar nie een van
hierdie rampe sou wees nie; en ook dat Israel as God se Demonstrasie
Volk op aarde is. Dit was egter vir hom duidelik dat hierdie volk nie die
Jood of die Kerk is of kan wees nie. Mettertyd het hy tot sy groot blydskap
ontdek dat die Angel-Saksies, Keltiese en Germaanse nasies inderdaad
die nakomelinge van die Huis van Israel is.
By die Wederkoms van Christus (nou op hande) sal hierdie nasies tot ‘n
ware wedergeboorte kom, met die Heilige Gees vervul word en met Jesus
die Christus as hul Heer en Koning hierdie wêreld teruglei na volkome
harmonie met God.
Met die oog daarop dat die Bybelse boodskap aangaande Israel uitgedra
moet word aan al die nakomelinge van die Huis van Israel, het
F.W.C. Neser die onderstaande werke tot stand gebring sodat ISRAEL
KAN HOOR!
Bylae:
Boeke beskikbaar by Ekklesia kantoor:
No Titel
1 Die Afrikaner -- ‘n Unieke Volk
2 Ander Evangelie
3 Segregasie -- Wat sê die Skrif?
4 Die Bedienings Gawes van Jesus Christus
5 Die Bybel is Waar
6 Christendom en Kommunisme
7 Die Boek van Daniël
8 Daniël se 70ste Week
9 Die Derde dag Opstanding van Christus
10 Deur Lyding na Volmaaktheid
11 Die Brief van die Apostel Paulus aan die Efésiërs
12 Die Bybel Voorspel Atoomoorlog
200

No Titel
13 Die Doop, in watter Naam (pamflet)
14 Die Duiwel
15 Engele
16 Die Fondament van die Christelike Lewe
17 Die Gawes van die Heilige Gees
18 God se Groot Week
19 Goddelike Genesing
20 Die Profeet Hoséa
21 In die Oppersaal
22 Insig in die Verlede en die Hede bring Uitsig op die Toekoms
23 Israel in die Nuwe Testament
24 Die Israelwaarheid - TV Onderhoud
25 Die Boek van Jesaja
26 Jesus van Nasaret
27 Die Boek van Joël
28 Die Kerk van Rome en die Mens van Sonde
29 Krag van die dwaling
30 Die Kruis
31 Moses en sy “Kusitiese” Vrou
32 Mure van Jerusalem
33 Na die Dood – Wat Dan?
34 Die Name van God
35 Die Nuwe Hemel en die Nuwe Aarde
36 Die Boek van Openbaring
37 Die Openbaringe van die Apostel Paulus
38 Die Opraping
39 Die Brief aan die Romeine
40 Rusland in Profesie
41 Die Sabbat
42 Die Slang van Génesis 3
43 Sommige Aspekte van die Werk van die Heilige Gees
44 Tempel van God
45 Terwille van die Engele
201

No Titel
46 Troos, troos my Volk sê julle God
47 Die Twee Sade op Aarde.
48 Die Tyd van die Heiden
49 Verblinding van Sinne
50 Verdrukking Die Groot
51 Die Verlore Tien Stamme van Israel Deel 1
52 Die Verlore Tien Stamme van Israel
53 Versterk mekaar in ‘n tyd soos hierdie
54 Die Vrug van die Heilige Gees
55 Waar het Kain sy Vrou Gekry?
56 Waarom die Bybel die Eet van Varkvleis Verbied
57 Wat die Bybel ons Leer Aangaande die Heilige Gees
58 Wat die Bybel ons Leer Aangaande die Mens
59 Wat die Bybel ons Leer Aangaande God
60 Die Wederkoms van Christus
61 Wêreldgebeure
62 Die Wet van die Here
63 Wie is my Naaste?
64 Wie was Hulle?
Nuwe Byvoegings:
No Titel
65 Hoe sal ons ontvlug
66 Wat ek vrees kom oor my
67 Laat U wil geskied
68 Die Arsenale van God
69 Die kinders van God
70 Noag die Opregte
71 Ken U Vyand
72 Die Groot Opdrag
73 Die wonderlike wêreld van môre
74 Die volk en verootmoediging
75 Die Troon van Dawid
76 Die Huidige Wêreldstelsel
202

No Titel
77 Galásiërs 3
78 Uitlander en Vreemdeling/Griek of Jood
English books available
No Titel
1 After Death What Then?
2 Segregation – What saith the Scripture?
3 The Bible Predicts "Atomic War"
4 The Book of Joel
5 The Book of Revelation
6 Christianity and Communism
7 Daniel’s 70 th week
8 The Great Tribulation
9 The Israel Truth T.V. Interview
10 The Lost Ten Tribes Of Israel Part 1
11 The Lost Ten Tribes of Israel
12 The New Heavens and the New Earth
13 The Origin, History and Destiny of the White Race
14 The Past the Present and the Future in the Light of Scripture
15 The Rapture
16 Russia in Prophecy
17 The Serpent of Genesis 3
18 Why the Bible Prohibits Pork
19 World Affairs
New Additions:
No Titel
20 Sons of God
21 The Two Seeds Upon Earth
22 The Bible is True
23 Noah the Man without Blemish
24 Israel in the New Testament
25 Moses and his “Cushite” Wife
203

26 Unpublished Writings
27 The Wonderful World of Tomorrow
28 The Book of Isaiah
29 Who is Thy Neighbour
30 The Book of Romans
Naslaan Biblioteek: Boeke oor verskillende onderwerpe is beskikbaar
‘n Biografie van F.W.C. Neser
Vir diegene wat meer oor F.W.C. Neser te wete wil kom is daar ‘n biografie
beskikbaar wat deur Richard Searle geskryf is.
Oudiokassette / CD’s en Videobande
Daar is sowat 2000 oudiokassette / CD’s en videobande beskikbaar waarin
pastoor F.W.C. Neser se boodskappe vasgelê is.
Webtuiste:
Besoek ook ons webtuiste: www.israelmusthear.co.za waar u bykans
1500 preke/leringe van Pastoor Neser en ± 100 Afr. en Eng. boeke wat
deur Pastoor Neser geskryf is, volledig kan aflaai. Hierdie diens is gratis.
E pos Adres: ekklesiekassetfonds.neser@gmail.com
Gebruik die adres om u bestelling van boeke/CD’s/of DVD’s te plaas of om
met ons in die kantoor kontak te maak.
204