nuwe wyn-new wine vir kinders-for kids

Memoriseringsteks: Hand. 2:37 en 38a
Boodskap
Verlede keer het ek jou vertel hoe die Christene in die vroeg-Christelike gemeentes daar in die begin,
in die tyd waaroor die boek, Handelinge en die res van die Nuwe Testament ons vertel, nuwe
gelowiges wat tot bekering gekom het daardie selfde dag wat hulle tot bekering gekom het gedoop
het in water.
Iemand het eenkeer gesê dat wat met ’n nuwe bekeerling of nuwe gelowige daar in die begin van die
kerk gebeur het , alles op die eerste dag van sy/haar nuwe lewe, was soos ’n geboorte wat
plaasgevind het.
As ’n nuwe baba gebore word, is die eerste ding wat gebeur na die geboorte, dat die baba begin
skreeu. En as die baba skreeu, weet almal die baba is reg. Dan word die baba gewas met water en
daarna lekker gesmeer met olie en lekker ruikgoedjies.
Nou ja, as ’n nuwe bekeerling daar in die vroeg-Christelike kerk tot bekering gekom het, het die
mense geweet hier is ’n nuwe gelowige onder hulle gebore as hulle daardie mens se eerste skreeu
hoor. Natuurlik was dit nou nie ’n skreeu soos die van ’n baba nie, maar eerder as daardie mens met
’n gebed of met sy/haar stem sê of vertel dat hulle Jesus aangeneem het as Verlosser en Here.
So weet die mense daar rondom die persoon dan dat hier ’n geestelike geboorte gebeur het in
hierdie mens se lewe. Dit is ook interessant dat die Bybel so ’n pasbekeerde gelowige ook ‘’n
“geestelike baba” noem.
In 1 Pet. 2:2 lees ons bv. die volgende: “Soos pasgebore kindertjies smag na melk, moet julle smag
na die suiwer geestelike melk, sodat julle daardeur kan opgroei en die saligheid verkry.”
Ek het dan vir julle vertel hoe hulle dan daardie nuutgebore geestelike baba op daardie selfde dag
geneem het en gaan doop het. Met ander woorde, net soos wanneer ’n nuwe baba gebore is, word
daardie nuwe geestelike baba ook eers as’t ware gewas met water.
Die Bybel sê dan ook dat die doop ook die prentjie is van hoe die Here daardie mens se sondes en
sondige verlede afwas en wegneem.
Hoe staan daar in 1 Joh. 1:9: “Maar as ons ons sondes bely-Hy is getrou en regverdig, Hy vergewe
ons ons sondes en reinig ons van alle ongeregtigheid.”
Jes. 1:18 sê: “Kom tog, laat ons die saak met mekaar uitmaak, sê die Here: Al was julle skarlakenrooi
van sonde, julle sal wit word soos sneeu. Al was julle purperrooi, julle sal wit word soos wol.”
Hiervan is die doop in water dan die prentjie.
Maar dan het die gelowiges daardie persoon wat pas gedoop is uit die water laat uitkom en daar
langs die water vir hom/haar gebid.
Hulle het hulle hande op daardie persoon se skouers of kop gesit en die volgende gebid: