INHOUD 1. INLEIDING 3 2. EKSTERNE EKSAMENS 3 3. RIGLYNE ...

• Die skryf van artikels vir 'n skoolnuusbrief of 'n tydskrif
• Voorbereiding van ‘n praatjie, vrae vir ‘n onderhoud of punte vir ‘n debat
• Die vergelyking van choreograwe of dansvorms
Beskikbare Hulpbronne:
• Video-opnames is beskikbaar by die WKOD se Edumedia (021) 689-9536.
• Plaaslike dansgeselskappe kan genader word om van hulle videos, resensies
en programme aan die skool te leen.
• WKOD se Edulis (021) 957-9600 sal in die toekoms videos bestel. Bel en vind
uit. Hulle het boeke te doen met Dansgeskiedenis in voorraad
• Lorna Haupt se Dansteorie handboek is beskikbaar vanaf die skrywer.
• ‘n Video en Opvoedersgids vir Ghost Dances deur Christopher Bruce kan met
behulp van die Danskomponent by die WKOD Hoofkantoor verkry word.
Hierdie dokument word hoog aanbeveel. Die uitleg is pragtig en dit gee 'n
duidelike aanduiding van hoe die besigtiging van ‘n danswerk behoort plaas
te vind.
• Verskeie Dansopvoeders besit self kopieë van video-opnames. Hulle sal
miskien gewillig wees om dit uit te leen.
• Die Internet is ook ‘n goeie bron van inligting.
5.2 Teorie
Die doelwitte van die Teoriekomponent omvat die aanmoediging van kritiese
denke en besinning oor die filosofie van dans en die praktiese implikasies of
bydraes daarvan. Hierdie afdeling omvat die funksie en betekenis van dans in
persoonlike, kulturele, gemeenskaplike en omgewings kwessies. Leerders kry
die geleentheid om te besin oor hoe hulle 'n bydrae deur middel van dans kan
lewer.
Dit is nodig dat leerders ‘n begrip van dansterminologie verwerf. Dit verskaf die
vermoë om oor dans te dink, daaroor te praat en daaroor te skryf. Hulle behoort
die algemene beginsels en elemente van dans te kan identifiseer en omskrywe,
spesifiek met betrekking tot die beginsels en kenmerke van hulle gekose
dansvorm.
8