Slingervel September 2011.indd - CJBF

Slingervel, Jaargang 53
Nommer 926, September 2011
in hierdie uitgawe ...
2 Die redakteur skryf ...
3 Oom Nico se Possak
4 Spreuke vir die tiener
verklaar
5 Blokkiesraaisel 429
6 Die 12 seuns van Jakob
(9)
7 Het jy geweet ...?
8 Tina se straf (2)
9 SPOOK in Afrikaanse
idiome
10 Dorpe se name herken
11 Bybelleesrooster vir
Oktober
12 Oordenkings vir
laerskoolkinders
14 Verjaardaghoekie
15 Blokkiesraaisel
Kopkrapper: tabernakel
16 Die monster van
Kalabasfontein (4)
18 Soos 'n boom
20 Oordenkings vir tieners
22 Tienervers
Ons eie Slingervel-
Digtershoekie
23 Die Galileo-ruimteprojek
24 Boekeblad
Die redakteur skryf kryf . ...
Gewoonte wat die afgelope aantal jare al meer in gebruik geraak het, is die dra van
’n ’n aantal ringe aan die ore, neus en naeltjie en knopies in die wenkbroue, lippe of
die tong. Dan is daar ook mense wat op die lyf iets laat tatoeëer.
Die vraag vir elke Slingervellie is: Wat leer ons in die Bybel van hierdie gebruike?
In Levitikus 19:28 lees ons: “Julle mag nie .. .snye en tatoeëermerke op julle liggame
maak nie. Ek is die Here.” Die Here het hierdie dinge vir sy volk verbied omdat dit
deel was van die heidense lewensgewoontes. God se kinders moet weet dat geloof
en gedrag twee kante is van dieselfde munt. Jou geloof in God word sigbaar in jou
alledaagse lewe. Die volk van die Here moet dus weet dat hierdie dinge waarvan die
Here praat, snye en tatoeëermerke op die liggaam, deel was van ’n heidense leefwyse.
Op ’n hele paar plekke in die Bybel word na ringe, oor- en neusringe en juwele verwys
– lees Genesis 35:4, Eksodus 32:2, Numeri 31:50, Spreuke 25:12, 1 Timoteus 2:9 en
1 Petrus 3:3-4.
In die Bybel sê die Here nie dat ’n mens, veral ’n vrou, nie mag juwele dra nie. Maar
as dit by “body piercing” kom, is daar ’n ander aspek wat vir die Christentiener van
belang is. ’n Gelowige se liggaam is ’n tempel van God (1 Kor. 3:16). Dit beteken dat
God die Heilige Gees in jou woon (1 Kor. 6:19) en dat jy jou liggaam moet respekteer.
“As iemand die tempel van God beskadig, sal God hom straf, want die tempel van
God is heilig, en die tempel is julle” (1 Kor. 3:17). Die heidene het in die tyd van die
Bybel hulle liggame gesny en gekerf, getatoeëer en allerlei ringe en knopies aan hulle
liggame gedra ter wille van die afgode. Daar is baie stamme in Afrika, Nieu-Guineë en
die Amasone-oerwoud wat aan hulle liggame insnydings maak en oorringe, neusringe,
tongknopies, veelvuldige deurstekings en tatoeëring toepas.
Jy moet dus baie mooi daaroor dink voordat jy jou gesig vol ringe en knopies hang
en op jou liggaam enigiets laat tatoeëer. Dit mag vir jou nou onskadelik lyk en groot pret
wees. Jy kan voel dat as jy nie ten minste oorringe of wenkbrouringe of ’n knopie in jou
tong of ’n tatoeëermerk op jou liggaam het nie, dat jy uit die mode sal wees, want byna
almal doen dit. Onthou dan, jy is nie sommer maar net een van die “almal” nie. Jy is ’n
kind van God wat deur God gedoop is. Dit is die merkteken wat jy moet dra. Die teken
van die verbond van God. Enigiets anders beteken die “verontreiniging van jou liggaam”
(2 Kor. 7:1).
Jy moet jou liggaam met die nodige agting behandel – dit is nie jou eie waarmee jy
kan maak wat jy wil nie. Dit behoort aan God wat dit geskape het en met sy eie bloed
gered en gereinig het (1 Kor. 6:19-20). Wat vir die wêreld aanvaarbaar is, is nie vir die
geloof aanvaarbaar nie. Die mode en grille van die wêreld kan nie aan die gelowige
voorskryf wat om te doen of nie te doen nie.
Paulus skryf: “As julle dink aan alles wat God in sy groot ontferming vir julle gedoen
het, gee dan julleself aan Hom as lewende en heilige offer. Dit is dié soort offer waarvan
Hy hou en wat julle diens aan God werklik sinvol maak. Moenie julle leefstyl aanpas by
die gedragspatrone van hierdie wêreld nie, maar laat God julle omvorm deurdat Hy julle
denkpatrone vernuwe. Dan sal julle goed kan onderskei wat Hý wil hê julle moet doen,
naamlik dit wat werklik goed en aanvaarbaar en volmaak is” (Rom. 12:1-2). SV
Ringe, knopies en
tatoeëring
2 slingervel september 2011

Liewe Maats,
oom nico se
possak
Weet julle wat is die lekkerste van die Slingervel se possak?... om te weet dat elkeen wat die
brief uit die possak lees, ’n Christen is. Dit sou baie moeilik gewees het om vir die lesers
van die Slingervel ’n brief te skrywe en sommige was glad nie gelowiges nie, of hulle was
Moslems of enige ander heidense godsdiens. ’n Mens sou nie weet waaroor om te skryf nie! Maar
omdat die lesers van die Slingervel almal gelowiges is, kan ’n mens met vrymoedigheid oor die lewe
skrywe.
Om ’n Christen te wees, beteken nie dat jy heeldag met die Bybel onder die arm moet loop en net
oor godsdiens gesels nie. Jou hele lewe staan in die lig van die Bybel. Paulus het op ’n keer geskryf:
“Of julle eet en of julle drink of wat julle ook al doen, doen alles tot eer van God” (1 Kor. 10:31). Dit
beteken dat jy oral en altyd soos ’n Christen sal optree. Dink net aan alles wat jy doen: eet, drink,
slaap, ontspan, skoolgaan, studeer, aan sport deelneem, by jou maats kuier, inkopies doen ens. ens.
Terwyl jy al hierdie dinge doen, moet jy dit doen soos dit ’n gelowige betaam. Daarom sal jy nie steel
as jy in ’n winkel is nie. Jy sal ook nie iemand anders vloek en slegsê nie. Jy sal nie oneerlik wees as
jy eksamen skryf nie. Jy sal nie oneerbiedig en ongehoorsaam aan jou ouers wees nie ... en so kan
ons alles en nog meer opnoem. Dit sal eendag van jou beroepslewe ook geld. Waarvoor jy jou ook
al gaan bekwaam na skool, in watter beroep jy ook al gaan staan, daarin sal jy ook soos ’n Christen
moet optree.
Jy sal in die jare wat vir jou voorlê, móét onthou dat God nie net na gebede luister nie, maar ook
kyk hoe jy die graaf of die naald of die boek of die verfkwas in sý skepping hanteer. In Suid-Afrika
leef ons nie net van goudmyne, bedrywe en uraan-navorsing en parlementsittings en diplomatieke
behendigheid, invoer en uitvoer, wette maak en wette toepas nie. Vir elke Christen is alles wat jy doen
belangrik en vra dit van jou jou uiterste beste.
Weet jy al watter beroep jy eendag gaan volg? Stel jou nou al daarop in om vas te stel watter plek
jou beroep in die ganse skepping van God inneem.
- Oom Nico
slingervel september 2011 3

Spreuke vir die tiener verklaar Dr. Nico van der Merwe
Op Capitoline-heuwel in Rome
is daar ’n reuse marmerkop wat
eeue gelede die kop was van ’n
kolossale standbeeld wat sewe keer
lewensgrootte was. Die beeld was
van Flavius Valerius Constantinus,
wat ons uit die geskiedenis ken as
Konstantyn die Grote.
Hy was die eerste Christelike
keiser van die Romeinse Ryk. Hy is
op 27 Februarie 272 gebore en is
oorlede op 22 Mei 337. Hy was die
57ste keiser van die Romeinse Ryk.
As jy vandag na die beeld se kop kyk, dan sien jy sy oopgesperde
oë wat sonder lewe na die hemel staar. Dit is duidelik dat daardie
starende oë niks kan sien nie. Die simbool van ’n regeerder wat nie
sy wysheid en insig van God gevra het tydens die grootste deel van
sy regering nie. Al die keisers voor hom was heidene wat afgode
aanbid het. Daarby het hulle die Christene wreed vervolg, want hulle
het God nie as die ware God erken nie en betekenisloos na die
hemel bly staar.
Salomo het ook, toe hy koning van Israel geword het, met sy oë na
God gestaar maar hy het iets raakgesien. Hy het God raakgesien
in Wie se Naam hy die volk moet regeer. Daarom vra hy: “Gee
my tog die vermoë om met verstandigheid en regverdigheid oor u volk
te regeer, want wie kan op sy eie oor hierdie groot volk van U regeer?”
(1 Kon. 3:9). Hiermee toon Salomo die beginsel aan dat iemand wat
in ’n regeringsamp is, ’n koning, president, goewerneur of premier, nie
suksesvol kan regeer as hy dit nie doen met sy oë op God gerig nie. Dit
is wat ons in Spreuke 8:15 hoor: “Konings regeer met my hulp. Deur my
maak regeerders die regte wette.”
Van iemand wat in ’n regeringsposisie is, verwag die Here groot integriteit.
Niemand is volmaak nie en daarom sal jy op aarde ook nie ’n volmaakte
regeerder kry nie. Jakobus skryf: “Vra vir God as jy nie kan
agterkom wat Hy wil hê jy moet doen nie. Hy sal jou eenvoudig daardie
wysheid gee en jou nie verwyt dat jy dit gevra het nie” (Jak.1:5). Die
wysheid van God leer regeerders baie dinge:
Konings en regeerders het die Here nodig
om hulle taak suksesvol uit te voer
• Spreuke 8:15 •
die onderskeiding tussen wat reg en verkeerd is (Spr. 20:8 & 26);
die waarde van die waarheid
teenoor die leuen (Spr. 14:35;
16:13).
om armes billik te behandel
(Spr. 29:14; 31:8-9);
die betekenis van alledaagse
dinge (Spr. 25:2);
die verkeerdheid van omkoopgeld
(Spr. 29:4);
om waaksaam te wees vir
drankmisbruik (Spr. 31:4-5);
om versigtig te wees vir
vraatsug en gulsigheid (Pred.
10:16-17);
om te waak teen leuens (Spr.
17:7; 29:12);
om op te pas vir bose raadgewers
(Spr. 25:5).
4 slingervel september 2011
Die volmaakte Koning is Jesus
Christus (Jer. 23:5-6). Hy is getrou
en betroubaar (Openb. 19:11). Hy
regeer met die geheime skatte
van wysheid en kennis (Kol.
2:3). Op sy sterfbed het koning
Dawid geprofeteer van die koms
van God se Seun wat ons met
regverdigheid, in eerbied aan
God, sal regeer (2 Sam. 23:1-
5). Wie ’n land se regering wil
beoordeel, moet dit doen in die lig
van die Skrif. SV
van die Skrif.

TERSIA
blokkiesraaisel 429
Pos julle antwoorde aan:
Posbus 6433, Flamwood
2572
DWARS
1. Dit wat hulle praat (enkv.) (Ps. 59:13).
3. Aäron en sy seuns moet hulle hande op hierdie dier se kop sit
(Eks. 29:19).
5. Jaïr se pa (1 Kron. 2:22).
7. Hier was die huis van God (Rigt. 18:31).
8. Seraja se seun (Esra 7:1).
10. Die seun van Dawid en Aginoam (2 Sam. 3:2).
12. Josua se pa (Num. 11:28).
13. Die koning van Moab (Rigt. 3:14).
AF
1. Jesus sê: “My ______ is lig (Matt. 11:30).
2. Die vierde van die nege seuns van Dawid (1 Kron. 3:7).
4. Sy het drie maande by Elisabet gebly (Luk. 1:56).
5. Tubal-Kain se ma (Gen. 4:22).
6. Hierdie plek se koning se naam was Og (Deut. 29:7).
7. Sy ander naam was Petrus (Luk. 6:14).
9. “ …. voor My sal elke ______ buig” (Rom. 14:11).
11. Elimelek was dit van Naomi (Rut 1:3).
Redakteur
Dr Nico vd Merwe
e-pos: slingervel@telkomsa.net
Tipografi e en uitleg
Joey Fourie
e-pos: kerkblad@gksa.co.za
MEDEWERKERS
Dr. Nico van der Merwe
Oordenkings vir tieners en laerskoolkinders
Marina Kotze
Junior Rubrieke en Penmaats
Riana Jonker
Verjaardaghoekie
Susan Lourens
Boekeblad
Tersia van der Merwe en Rina Myburgh
Blokkiesraaisels en Kopkrappers
Attie Venter
Wetenskap-Artikels
Rika du Plessis en Sophia van der Walt
Stories
Artikelskrywers dié uitgawe
Dr. Nico van der Merwe
Nicolaas
Tellie Skoop
Eienaars en uitgewers
Deputate vir Kerklike Tydskrifte
Gereformeerde Kerke in Suid-Afrika
Posbus 20008, Noordbrug 2522
Drukkers
V & R Drukkery
Tel. 012 328 7180
Intekening
Administratiewe Buro
Afdeling Publikasies
Posbus 20008, Noordbrug 2522
Tel: 018 297 3986
Intekengeld
R168,00 per jaar
(posgeld en BTW ingesluit)
Advertensietarief
Op aanvraag beskikbaar
by Wymie du Plessis, tel. 018 297 3986
Die Redakteur
Posbus 6433, Flamwood 2572
Bydraes en briewe
Posbus 6433,
Flamwood 2572
Jaargang 53
Nommer 926, September 2011
ISSN 0037 685 X
slingervel september 2011 5

Die 12 seuns van Jakob – 9
Die naam Issaskar hou verband
met ’n Hebreeuse woord vir loon
of beloning. In werklikheid is die
naam van Issaskar ’n uitdrukking
van die gebeure wat plaasgevind
het rondom sy geboorte.
Issaskar is die negende seun wat
vir Jakob gebore is. Issaskar se
ma was Lea. Haar ander seuns
was: Ruben, Simeon, Levi, Juda
en Sebulon. Jakob het ook
twee seuns, Gad en Aser, by
Lea se slavin, Silpa gehad. By sy
lieflingsvrou Ragel het hy vir
Josef en Benjamin gehad. Dan en
Naftali is die twee seuns wat vir
Jakob uit Ragel se slavin, Bilha,
gebore is.
Die stryd tussen Lea en Ragel
Jakob se probleem was dat
hy van sy twee vroue vir
Ragel die liefste was en nie
vir Lea nie. Ragel het begeer om
die meeste kinders vir haar man
te gee. Ná hulle huwelik blyk dit
egter dat Ragel onvrugbaar is
en nie vir Jakob kinders kan gee
nie. Daarteenoor het Lea al vier
seuns gehad (Ruben, Simeon,
Levi, Juda).
Tussen Lea en Ragel ontstaan
’n geweldige stryd om die
mees te kinders vir Jakob te
gee. Daarom het Ragel ’n desperate
plan gemaak en gereël
dat Jakob by haar slavin, Bilha,
slaap en toe is twee seuns gebore
(Dan, Naftali). Lea het
ISSASKAR
NICOLAAS
be kommerd geraak omdat sy toe nie meer geboorte aan kinders
gegee het nie. Daarom het sy toegelaat dat Jakob by haar slavin,
Silpa, twee seuns kry (Gad, Aser). Lea was toe voor Ragel wat die
getal kinders betref: 6 teen 2.
Die drama rondom Issaskar se geboorte (Gen. 30:14-18)
Die stryd tussen Lea en Ragel het hulle hele lewe in beslag geneem.
In alles wat gebeur het, het hulle ’n geleentheid gesoek om mekaar
te troef. Op ’n dag was Lea se oudste seun, Ruben, in die veld en
het hy liefdesappels gepluk en vir sy ma gebring. In Hebreeus is dit
dudaïm genoem. Dit was ’n narkotiese plant met ’n gevurkte wortel
(ons ken dit as alruin of mandragora). Die vrug van die plant is gelerige,
geurige bessies wat ongeveer so groot soos ’n kleinerige
appel was. Dit het alkaloïde bevat en daar is geglo dat die vrugte
’n geheime liefdeskrag besit; daarom is dit liefdesappels genoem
(Hoogl. 7:13).
Daar is geglo dat hierdie plant onvrugbaarheid by ’n vrou genees
sodat sy kinders kan verwag. Dit blyk net ’n bygeloof te wees. Ragel
het egter vas geglo dat hierdie magiese plant wel die oplossing vir haar
onvrugbaarheid sal wees. Sy “koop” as’t ware die liefdesappeltjies
6 slingervel september 2011

van Lea deur haar toe te laat om die nag by Jakob deur te bring.
Daar kan ook gesê word dat Lea die geleentheid saam met haar
man van Ragel gekoop het met liefdesappeltjies en uit die gekoopte
geleentheid is ’n seun gebore, want daarna het Lea hulle vyfde seun
verwag. Toe sy aan die seun geboorte skenk sê sy: “God het my ’n
loon gegee omdat ek my slavin aan my man gegee het. Toe noem
sy die seun Issaskar” (vs. 18). Issaskar beteken loon of beloning.
Issaskar word ontvang as die kind van ’n “kontrak”. Dit is die seun
van berekende loon of beloning. Issaskar beteken vir Lea wins. Sy
sien dit egter nie as ewige wins nie, maar slegs ’n wins in haar stryd
met Ragel om meer kinders vir Jakob in die lewe te bring. Sy en
Ragel het tot die laagtepunt gedaal dat hulle liefde verskraal het
tot ’n koop- en ruiltransaksie tussen twee mense wat ’n vete teen
mekaar het.
Die seën van Jakob oor Issaskar
Toe Jakob aan die einde van sy lewe sy seën uitspreek oor sy
seuns, sê hy van Issaskar: “Issaskar is ’n sterk pakdier, hy gaan
lê tussen sy twee saalsakke. Hy sien ’n goeie woonplek, ’n mooi
landstreek, en daarvoor onderwerp hy hom aan dwangarbeid, doen
hy slawewerk” (Gen. 49:14-15). Jakob sien Issaskar as ’n sterk pakdier
(donkie). Sterk, maar ’n donkie! ’n Donkie is ’n gemaksugtige
het jy geweet ...
In Engeland, hoor ons oor die TV en die radio,
is hulle besig om sportstadions te bou met
die oog op die Olimpiese Spele in 2012.
Engeland E is aangewys om die Spele van 2012
aan a te bied en met die voorbereiding daarop is
hulle h tans besig.
dier – “hy gaan lê tussen sy
twee saalsakke”. Die laste en
ver antwoordelikheid en roeping
is wel daar, maar hy gaan liewer
tussen die saalsakke lê sonder
om dit op te neem en te dra. As
hy te veel geslaan word, staan
hy op en dra dit om later beloon
te word.
Só sien Jakob vir Issaskar, wat
volgens sy naam by geboorte
net gerig is tot die aardse voordeel
wat verkry kan word. Hy
ge hoorsaam nie vanweë die
roeping nie, maar net met die oog
gerig op die loon wat daaraan
verbonde is. Aan die naam van
Issaskar kleef die getuienis van
aardsheid, die wêreldse. Dan
word God uit die oog verloor en
word jou hele lewe ’n patroon
van verwêreldliking. SV
Maar M het jy geweet … waar die gedagte vir ‘n Olimpiese Spele vandaan
kom? k
Die D Olimpiese Spele word elke vier jaar gehou en elke keer tree ’n ander
land l as gasheer op. Die Olimpiese Spele het in die jaar 776 voor Christus
in n Griekeland ontstaan. ontstaan Dit is gereeld ger aangebied totdat die Romeinse keiser Theodosius I dit in 393 na
Christus afgeskaf het. In die jaar 1896 is daar weer begin met die Olimpiese Spele. Deur al die eeue heen
was daar nog net drie lande wat die spele meer as eenkeer aangebied het. Atene het die Spele in 1896
en weer in 2004 aangebied. Parys in Frankryk het die Spele ook vir twee keer aangebied, 1900 en 1924.
Londen is die derde stad wat vir die tweede keer as gasheer gaan optree. Die Olimpiese Spele is in 1948
ook in Londen gehou en dan nou weer in 2012.
(Bron: Van Lill se Suid-Afrikaanse Trivia. 2004.)
slingervel september 2011 7

deur Rika du Plessis
Hoofstuk 2 van ons nuwe
vervolgverhaal vir tieners -
Gewoonlik is Tina se ma
nog in die kombuis
wanneer Tina soggens
daar instap om haar ontbytgraan
te eet voor sy skool toe met haar
fi ets ry. Vanoggend is die hele
huis egter so stil soos kan kom.
Versigtig loer sy by haar ma
se kamer in, maar die bed is
netjies opgemaak en sy is nie
daar nie. By verdere ondersoek
sien sy haar ma se handsak en
motorsleutels is weg. Natuurlik
was sy vanoggend nog so kwaad
Tina se straf
vir haar dat sy met opset vroeër werk toe is om haar nie te moet sien
nie.
Tina is sommer nie lus vir eet nie. Nou moet sy nog die hele dag
lank wonder met watse straf haar ma vorendag gaan kom. By die
skool kla sy teenoor Ben, haar spesiale vriend oor alles.
“Moet ek nou vir jou jammer wees, Tina? En dit nadat jy my nie
eens van gisteraand se jollery vertel het nie? Wat loop soek jy op so
’n plek sonder my? Wil jy nou met ander outjies uitgaan? Is ek nie
meer goed genoeg vir jou nie?”
“Nou is jy ook nog vir my kwaad. Ek weet ek moes jou sê, maar ek
wou nie, want ek het geweet jy gaan my keer omdat jy nie genooi
was nie.”
“En hoekom is ek nie genooi nie? Omdat ek sommer gesien het
hierdie nuwe outjie beteken moeilikheid en ek het dit vir hom gesê
ook toe ek nou die dag gesien het dat hy ’n dwelmpil sluk. Daarom
wou hy my nie by sy jol hê nie. Moet net nie vir my vertel jy het
saam met die spul van die gemors gesluk nie!”
“Is jy nou simpel, Ben! Ek het nie eens by iemand so iets gesien
nie. Daar … daar was wel alkohol in die pons wat ons gekry het. Ek
he het nie my glas leeggedrink toe ek dit proe nie.”
“ “Wat jou ma ook al met jou gaan doen, ek dink jy verdien dit. Jy
he hhet
’n goeie ma wat hard werk om vir julle ’n ordentlike lewe te laat
ly l ly nadat jou pa dood is. Jy moet haar waardeer en weet dat sy vir jou
ne nnet
goeie raad gee.”
“ “Ag, Ben, kom namiddag saam met my huis toe, asseblief? Sy sal
da ddalk
minder kwaad wees as jy by is.”
“ “Nee, Tina, ek gaan jou ma beslis nie laat dink dat ek goedkeur wat
jy j jy gedoen het nie. Hierdie keer is jy op jou eie. Daar lui die klok, laat
on oons
ingaan vir ons laaste twee periodes.”
LLater
die dag kan Tina nie rustig raak nie. Dis nog net ’n halfuur
vo vvoor
haar ma huis toe kom en haar hart klop reeds in haar keel van
be benoudheid. Toe die motor ’n rukkie later by die hek indraai, gaan
sk ska skakel sy die ketel aan om solank vir haar ma tee te maak, want sy
we weet dit is die eerste ding wat haar ma elke dag doen wanneer sy tuis
ko kkom.
HHaar
ma groet, sê niks en stap na haar slaapkamer toe. Sy gaan nou
ha hhaar
handsak wegsit, haar skoene uittrek en kaalvoet kombuis toe
8 slingervel september 2011

kom net soos elke ander dag, weet Tina. Die koppie tee staan gereed
toe haar ma weer die kombuis binnekom en haar ma gaan sit by die
tafel. Rustig drink sy eers ’n paar slukkies en dan kyk sy streng na
Tina.
“Tina, ek was nog nooit vantevore vir jou so kwaad soos gisteraand
nie. Jy het my al baie keer teleurgestel, maar nie so erg soos gisteraand
nie. Jy het rebels geword, Tina, en daarom verdien jy wat na
jou toe kom. Die dag wanneer die skole volgende week vir die
vakansie sluit, sit ek jou op die trein na jou oom Gys se plaas toe. Jy
sal die hele vakansie daar vir hom werk voordat jy universiteit toe
moet gaan. Gys sal my gedurig op hoogte hou van jou gedrag, so
moenie eens daaraan dink om daar ook jou streke uit te haal nie.”
Tina sak op ’n stoel neer. Oom Gys se plaas is in die boendoes
iewers in die Bosveld. Daar is net doringbome en bosse en lang
grasse rondom sy plek vir so ver as jy kan kyk. Daar gaan absoluut
niks aan nie. Haar oom het ’n vakansieplek vir diere op sy plaas
opgerig. Dit is vir mense wat met vakansie wil gaan en dan ’n
losiesplek vir hulle diere soek. Ook het oom Gys ’n ander deel op sy
plaas waar hy mense se diere gehoorsaamheid leer wanneer mense
self sukkel om hulle troeteldiere maniere en gehoorsaamheid te leer.
Tina sug. Sy was baie jare gelede laas vir ’n naweek saam met haar
ma daar en die plek het haar verveel. Nou moet sy boonop hoor dat
sy daar vir haar oom gaan werk … nie vakansie hou nie, maar werk.
“Ma … Ma is darem seker nie nou heeltemal ernstig nie,” probeer
sy nogtans uitkomkans soek al weet sy dat dit verniet is.
“Ek was nog nooit in my lewe so ernstig nie, Tina. Ek sal veel meer
gerus voel bedags wanneer ek werk en ek weet jy is veilig by Gys se
plek as wat ek moet loop en wonder wat jy bedags hier by die huis
of wie weet waar ook al aanvang. Sorg dat jou denims en bloese
skoon en gepak is saam met jou ander benodigdhede teen Vrydag se
kant, want die Saterdagoggend neem ek jou stasie toe.”
“Maar Ma …”
“Ek het klaar gepraat, Tina. Ek is moeg. Dit is jou beurt om kos te
maak en ek is lus vir ’n lekker pasta. Spring aan die werk, want ek
SPOOK in Afrikaanse idiome
Vir 'n spook moet ’n mens maar versigtig wees Daarom is daar ook nie te veel
spook-idiome in die Afrikaanse taal nie.
• So maer soos 'n spook = Net vel en been wees/Brandmaer
• Spoke opjaag/sien = Vrees vir denkbeeldigde gevare
• Die spook trek saam = 'n Verandering van lewenswyse of gewoonte beteken nie
dat vorige probleme afgeskud is nie
wil vannag die slaap inhaal wat
jy my laasnag laat verloor het.
Ek gaan intussen bad.”
Haar ma staan op, sit haar
koppie in die wasbak en stap
met vaste tred die huis in. Tina
het lanklaas so sleg gevoel. Nie
net is haar ma steeds vir haar
kwaad en met haar ontevrede
nie, sy het niks om na uit te sien
vir hierdie komende vakansie
voor sy moet universiteit toe
gaan nie. Sy gaan die hele tyd
tussen ’n spul stinkende diere
op ’n Bosveldplaas rondploeter.
So baie keer het sy nog nooit
gesug nie, dink Tina toe sy
eindelik die pasta klaar gemaak
het. Sy het net ’n bietjie daarvan
geëet, die res in die warmlaai
vir haar ma gesit en toe kamer
toe gegaan. Sy stort en klim dan
in die bed met die lig vroeg
afgeskakel. Sy het sommer nou
vir niks lus nie. Die slaap kom
egter nie en sy is nog wawyd
wakker toe haar ma soos gewoon
lik by haar kamer inloer
om nag te sê.
Moedswillig maak sy of sy nie
hoor nie en hoor hoe haar ma
verder na haar eie kamer toe
stap. (Vervolg)
Oom Carel
Bron: Idiome-woordeboek. 1988; Spreekwoorde, Anton F. Prinsloo. 2004
slingervel september 2011 9

MARINA
Skryf die eerste letter van elke prentjie neer en kyk of
julle die dorpe se name kan herken
10 slingervel september 2011

Dr. Nico van der Merwe
Bybelleesrooster vir Oktober
Toewyding in die geestelike oefensaal van die geloof
Saterdag 1 Oktober – Lees: 1 Timoteus 4:6-16 (vs. 7-8)
’n Christentiener moet ’n gimnas in godsaligheid wees. Oefen jou in
toewyding aan God.
Sondag 2 Oktober – Lees: Jesaja 40:12-31 (vs. 29)
’n Fiksheidsprogram is vermoeiend. As jy moeg word, vra vir God
om moed en krag.
Maandag 3 Oktober – Lees: 1 Korintiërs 9:1-27 (vs. 24-27)
In die taal van die sportwêreld skryf Paulus oor die geestelike lewe.
Dinsdag 4 Oktober – Lees: Romeine 6:15-23 (vs. 19)
Die mens wat nie sy ganse lewe in diens van God stel nie, is geestelik
onfi ks.
Woensdag 5 Oktober – Lees: Handelinge 24:1-23 (vs. 16)
Die Here ons God is my en jou Verlosser en vra geestelike fi ksheid.
Donderdag 6 Oktober – Lees: Handelinge. 3:11-26 (vs. 21)
Dit is nodig om deur inspanning jouself te oefen tot die nodige geestelike
fi ksheid.
Vrydag 7 Oktober – Lees: Hebreërs 5:11 – 6:12 (vs. 14)
Geestelike fi ksheid groei deur oefening om goed en kwaad te
onderskei.
Saterdag 8 Oktober – Lees: Matteus 6:5-15 (vs. 6)
Die oefenbaan van die geloof om geestelik fi ks te word, is die
binnekamer van die gebed.
Sondag 9 Oktober – Lees: 2 Petrus 2:1-22 (vs. 14)
Wie oefen in geestelike fi ksheid, moet waaksaam wees vir die verkeerde
oefenprogram.
Maandag 10 Oktober – Lees: 1 Kor. 10:23 – 11:1 (vs. 31)
Geestelike fi ksheid stel die gelowige in staat om in sy hele lewe God
te prys en te dien.
Dinsdag 11 Oktober – Lees: Kolossense 3:18 – 4:1 (vs. 23)
Oefeninge om tot geestelike fi ksheid te kom, is noodsaaklik vir jou
verhouding met God.
Woensdag 12 Oktober – Lees: 1 Korintiërs 9:19-27 (vs. 25)
Die Christentiener wat hom instel om geestelik fi ks te word, sal baie
genietinge moet ontbeer.
Donderdag 13 Oktober – Lees: 2 Timoteus 2:1-13 (vs. 5)
Wie geestelik fi ks is en aan die wedloop van die geloof deelneem,
moet die reëls nakom.
Vrydag 14 Oktober – Lees: Filippense 3:1 – 4:1 (vs. 13-14)
Wie fi ks is in die geloof, kyk vorentoe na die wenpaal, want daarheen
is jy op weg.
Saterdag 15 Oktober – Lees: Matteus 6:5-15 (vs. 6)
Die oefenbaan van die geloof om geestelik fi ks te word, is die
binnekamer van die gebed.
Sondag 16 Oktober – Lees: 2 Petrus 2:1-22 (vs. 14)
Wie oefen in geestelike fi ksheid, moet waaksaam wees vir die verkeerde
oefenprogram.
Maandag 17 Oktober – Lees: Romeine 12:1-8 (vs. 1)
Jou geestelike fi ksheidsprogram sal net slaag in volledige oorgawe
aan God die Here.
Dinsdag 18 Oktober – Lees: Matteus 4:1-11 (vs. 4)
Die volmaakte oefenprogram vir geestelike fi ksheid is uitsluitlik die
Woord van God.
Woensdag 19 Oktober – Lees: Efesiërs 6:10-20 (vs. 18)
Uit die Bybel moet die gelowige sy geestelike fi ksheidsoefeninge
bid dend nakom.
Donderdag 20 Okt – Lees: Spreuke 1:1-9 (vs 2a) (1ste doel van
die Spreukeboek)
Oefening uit God se Woord leer jou praktiese wysheid van hoe jy
moet lewe.
Vrydag 21 Oktober – Lees: 1 Konings 3:1-15 (vs. 9; Spr. 1:2b)
(2de doel van die Spreukeboek)
Oefening uit God se Woord leer aan jou om insig in sake van die
lewe te kry.
Saterdag 22 Oktober – Lees: Spreuke 8:1-21 (Spr. 1:3) (3de doel
van die Spreukeboek)
Oefening uit God se Woord leer jou om die regte verhoudinge te
kweek.
Sondag 23 Oktober – Lees: Spreuke 22:1-10 (vs. 3; Spr. 1:4) (4e
doel van die Spreukeboek)
Oefening uit God se Woord leer jou om planmatig en ordelik te
lewe.
Maandag 24 Oktober – Lees: Spreuke 1:1-7 (vs. 5) (5de doel van
die Spreukeboek)
Oefening uit God se Woord kweek geestelike wysheid en verstandigheid
by jou.
Dinsdag 25 Oktober – Lees: Galasiërs 5:13-26 (vs. 24)
Kruisig jou sonde met alle hartstog en begeertes om geestelik fi ks
te wees.
Woensdag 26 Oktober – Lees: Galasiërs 5:13-26 (vs. 16 & 25)
Jou geestelike fi ksheidsprogram sal suksesvol wees as die Heilige
Gees jou Afrigter is.
Donderdag 27 Oktober – Lees: 1 Tessalonisense 5:12-28
Die riglyne van vs. 16-28 is goue reëls om na te kom vir die duur van
die fi ksheidsprogram.
Vrydag 28 Oktober – Lees: Lukas 9:18-27 (vs 23)
Oefen jouself om Christus in geloofsgehoorsaamheid te volg en te
dien in selfverloëning.
Saterdag 29 Oktober – Lees: 2 Konings 4:1-7 (vs. 5)
Jou oefening in die Bybel is ’n krag tot redding vir elkeen in ge loofsgehoorsaamheid.
Sondag 30 Oktober – Lees: Jesaja 40:12-31 (vs. 29)
’n Fiksheidsprogram is vermoeiend. As jy moeg word, vra vir God
om moed en krag.
Maandag 31 Oktober – Lees: Psalm 1 (vs. 6)
Geestelike fi ksheid is nodig vir die lewenspad van die gelowige.
slingervel september 2011 11

dr. nico van der merwe
97. Die Christenkind is aan God gehoorsaam
Lees in jou Bybel Genesis 12:1-9
Soms trek mense van een huis na ’n ander omdat dit
’n beter huis is. Soms trek mense van een dorp na ’n
an der vanweë hulle werk. In ons tyd trek baie mense na
lan de oorsee omdat Suid-Afrika volgens hulle onveilig is.
Abraham het ook uit sy geboorteland na ’n ander land toe
getrek. Maar Abraham het ’n ander rede gehad. Abraham
het van Ur, ’n plek in die land van die Galdeërs, na Kanaän
toe getrek omdat God vir Hom gesê het om dit te doen. Wat
God vir ons in Genesis 12 van Abraham wil vertel, is dat
hy gehoorsaam gedoen het wat die Here van hom verwag
het.
As jy Bybel lees, hoor jy elke keer van die dinge wat
God vir jou sê om te doen. Die vernaamste is dat God jou
ge red het in Jesus Christus. God het ’n baie goeie rede
waar om Hy dié dinge van jou verwag. Span jou in om aan
God gehoorsaam te wees.
99. God beskerm die Christenkind
Lees in jou Bybel Genesis 14:1-17
Besluite wat jy in die lewe neem, het gevolge vir jou.
Dit sien ons baie duidelik in wat met Lot gebeur. Toe
Lot vir hom land moes kies (Gen. 13:10-11) sodat hy en
Abraham elkeen op sy eie stuk grond kan bly, het Lot net
aan homself gedink en die beste stuk land gekies wat daar
was. Hy kies die landstreek waardeur die Jordaanrivier
vloei en waar die dorpe Sodom en Gomorra was. Onder
tuin verstaan ons die ganse lewe van die mens.
Wat is alles deel van jou lewe? Jou huisgesin, skool,
sport, vriendekring, ontspanning, familie ens. ens. Godsdiens
is om op al hierdie gebiede God te dien (lees ook 1
Kor. 10:31).
Die mens is deur God geskep en word deur God onder
hou sodat jy kan optree om in die lewe van elke dag die
Naam van God te prys.
Doen jy dit?
101. Die Christenkind is aan Jesus gebind
Lees in jou Bybel Efesiërs 2:1-10 (vs. 8)
Julle huis is met kragdrade verbind aan die kragsentrale
en so kry julle in die huis elektrisiteit. Met waterpype is
julle huis verbind met die waterbron en julle het water in
julle huis. Julle telefoon is met kabels verbind aan die telefoonsentrale,
daarom kan julle van julle huis af orals in die
wêreld skakel.
Die vraag is: Hoe is jou hart aan Jesus Christus verbind
deur Wie jy verlos word van jou sonde. Daar moet ook iets
wees wat jou aan Jesus verbind. Daar is!! Dit is geloof.
Geloof is die wyse waarop jy aan Jesus verbind is en
waar deur die verlossing wat Jesus op Golgota bewerk het,
in jou eie lewe kom (vs. 8).
Geloof is die “hande” waarmee jy die genade van God
op vang en in jou eie lewe oorgooi. Die geloof kom egter
van God af (vs. 8). God werk die geloof in jou hart en bind
jou aan Jesus vas.
98. Die Christenkind neem geloofsbesluite
Lees in jou Bybel Genesis 13:1-18
Dink ’n bietjie oor besluite wat jy al geneem het. Dit maak
nie saak waaroor jy al besluite geneem het nie, dink ’n
oomblik daaraan.
Ons kon vir die grootmense ook die vraag gevra het
en dan sal ons agterkom dat ’n mens in die besluite wat
jy neem grotendeels aan jouself dink. Kyk vir Lot in vers
10-11: Lot het vir homself gekies … Abraham, sy oom,
is baie ouer as hy, tog kies hy eerste die beste deel van
die land vir hom. Abraham en Lot se veewagters het stry
gekry, daarom moes Abraham en Lot elkeen hulle eie stuk
grond ontvang. Hy kies die landstreek waarin Sodom en
Gomorra, die twee sondige stede, was. Dit het later vir
hom baie smart ingehou.
God leer in die Bybel dat as ’n mens besluite neem,
moet jy eers dink hoe God oor jou besluit sal oordeel. Dit
is nodig, want God beheer jou hele lewe.
100. Die Christenkind word deur Jesus bedien
Lees in jou Bybel Matteus 20:20-28 (vs. 28)
Ons het in die Bybel geleer dat dit die mens is wat God
moet dien. Dit is immers ons opdrag. In alles wat jy
doen, moet die Naam van God vereer word. Die mens dien
God. Wat sê Jesus in Matteus 20:28? Jesus sê Hy het na
die aarde toe gekom om te dien. By valse godsdienste en
die heidene word na maniere gesoek waardeur die mens
op sy eie manier die afgod moet bereik.
God sê vir almal wat in Hom glo dat Hy vanuit die hemel
na die mens toe kom. Dit het gebeur toe Jesus Christus op
aarde gebore is.
Christus sê Hy het gekom om te dien en sy lewe te gee
as ’n losprys vir baie mense. ’n Mens kan dit omtrent nie
glo nie: Jesus bedien jou! Want Jesus het aan die kruis
die skuld vir jou sonde betaal en aan jou die ewige lewe
gegee. Deur sy werk word jy verlos van die sonde in jou
lewe.
102. Die Christenkind luister na die Here
Lees in jou Bybel Johannes 10:22-30 (vs. 26-27)
In die tyd van die Bybel was ’n skaapwagter noodsaaklik.
Hy het voor die kudde skape geloop en vir hulle die pad
gewys na voer en water toe. Jesus gebruik die beeldspraak
dat gelowiges skape van Hom is. Gelowiges is deel van
Christus se kudde. Hulle ken Hom, daarom volg hulle Hom
getrou.
God het ’n manier gegee waarop jy Hom kan ken. God
het aan die mens die Bybel gegee waardeur ons Hom
kan ken. Dit is waarom Mamma en Pappa jou tuis van
God leer. Dit is die rede waarom jy in die katkisasie in die
Woord van God onderrig word.
Dit is die rede waarom daar Sondag vir Sondag in die
eredienste gepreek word sodat die gemeente God beter
en beter kan leer ken, want dan sal hulle baie makliker
gehoorsaam wees aan God en alles doen wat Hy van
hulle vra.
12 slingervel september 2011

103. Die Christenkind is ’n lig vir die wêreld
Lees in jou Bybel Matteus 5:13-16 (vs. 14-16)
In ons tyd het ons só baie elektriese ligte dat dit maar min
gebeur dat jy heeltemal in die donker is. Partykeer kom
daar fout met die krag en dan is dit in julle huis pikdonker.
Maar dadelik skakel julle ’n fl its of ’n lamp aan of steek
kerse op wat Mamma vir sulke tye in die kas bêre. Dink
net hoe wonderlik is dit as daar ’n lig begin skyn sodat jy
weer in die donker kan sien.
Jesus sê dat dit in die gewone lewe net so gaan. Omdat
die mense so baie sonde doen, is dit stikdonker in
mense se harte. Daarom doen die mense verskriklike sonde.
Maar Jesus het ’n plan. Hy sê dat elkeen wat in Hom
glo, is soos ’n lig in die donkerte van die sonde. As jou
maats iets baie verkeerds wil doen en jy keer hulle, dan
was jy die lig wat die donkerte van die sonde gekeer het.
Dit is wonderlik om te weet dat God jou so gebruik in die
wêreld.
105. Die Christenkind se ware vyand
Lees in jou Bybel Genesis 3:1-5
Mens sien baie dinge as ’n vyand wat aan jou kwaad
’n kan doen. Dink aan die misdadigers, die moor denaars,
die diewe, die kapers, die inbrekers en ons kan nog
baie ander noem.
Is hulle vir jou ’n vyand wat jou daaglikse lewe in gevaar
stel? Dit kan so wees. Maar agter hierdie mense sit
die ware vyand, Satan. Onthou, dat al is jy nog jonk, net
’n kind, wil Satan reeds hê dat jy aan God ongehoorsaam
moet wees, net soos hy dit gedoen het in die lewe van
Eva en Adam.
Om jou ongehoorsaam te maak aan God, kom Satan
op verskillende maniere om jou te verlei. Hy kom deur
die mense waarvan ons hierbo gepraat het, hy kom deur
jou maats wat jou wil verlei om te doen wat verkeerd is,
hy kom deur die televisie en video’s. Jy moet baie goed
onderskei wat in jou lewe gebeur.
107. Die Christenkind se verlossing
Lees in jou Bybel Hebreërs 10:11-18 (vs. 17)
As ’n kind wat nog op laerskool is, weet en sien jy hoe
mense onder mekaar stry en baklei. Jy sien dit nie net
tussen jou maats nie maar ook tussen die tieners en ook in
die lewe van grootmense. Baie keer sê ’n mens vir die een
wat aan jou kwaad gedoen het, ek sal jou vergewe, maar
ek sal nooit vergeet nie.
Doen die Here dit ook? O nee, die Here sê dat Hy jou
sondes vergewe het in Jesus Christus en aan al jou sondes
nie meer sal dink nie. Om dit te hoor, het vir ’n mens baie
betekenis.
As jy in God glo, kan dit nie anders nie as dat jou sonde
jou baie sal hinder. Maar omdat jy in God glo, neem Hy
jou sonde in Jesus Christus weg en dink nie eers meer
daaraan nie. Omdat God dit vir jou gedoen het, moet jy vir
Hom baie dankie sê. Dit doen ’n mens deur te lewe soos
die Here dit van jou verwag en in die Bybel vir jou sê.
104. Die Christenkind se lig skyn in hierdie wêreld
Lees in jou Bybel Lukas 11:33-36
Die vraag is hoe jy ’n lig vir die wêreld kan wees? Die
antwoord is duidelik: Jy kan nie ’n lig vir die wêreld
wees as jy nie self ’n lig is nie. Hoe word jy ’n lig wat jou
strale laat skyn? Dit is wanneer die Gees van die Here in
jou hart is. Namate jy die Bybel lees, gereeld tot die Here
bid, na die eredienste toe gaan, katkisasie gereeld bywoon
en hard probeer om te leef soos God in die Bybel van jou
vra, maak God dit in jou hart al ligter en ligter. En as God
se lig in jou hart skyn, kan jy nie die donkerte van die sonde
verdra nie. God gee sy lig in jou hart sodat jy as kind van
die Here in die donkerte van die sonde soos ’n lig sal kan
skyn wat aan jou maats die regte pad verduidelik. Jy merk
op dat dit nie jou eie, goeie lewe is wat van jou ’n lig maak
nie, maar dat dit God is wat die lig in jou hart gee wat jy na
buite moet uitstraal.
106. Die Christenkind vertel wat God aan hom
ge doen het
Lees in jou Bybel Markus 5:1-20 (vs. 19)
Toe Jesus in die land van die Geraseners kom, storm daar
’n man op hom af. Hierdie man het in die begraafplaas
gebly, want in hom was ’n onreine gees. As hy buite beheer
raak, het die mense nie geweet wat om met hom te doen
nie. Die bose gees het hom verskriklike dinge laat doen.
Jesus is sterker as Satan en sy bose geeste, daarom
beveel Hy die bose gees om uit die man uit te gaan. So
verlos Jesus hierdie man van die inwerking van Satan op
hom. Jesus het jou ook van Satan bevry. Toe Hy aan die
kruis gesterf het en opgestaan het uit die dood, het Hy
Satan oorwin. Toe jy gedoop is, het die Here dit aan jou bevestig.
Nou kan jy nie anders as om vir almal te vertel dat
Jesus Christus jou Verlosser is nie.
Jy moenie daaroor stilbly en skaam wees nie. Vertel vir
mense hoe jy verlos is van die sonde.
108. Die Christenkind behoort aan die Here
Lees in jou Bybel 1 Korintiërs 6:12-20 (vs. 20)
J y besit seker ’n paar dinge. Dalk ’n fi ets, ’n musiekinstrument,
’n krieketkolf of ’n rugbybal, ’n tennisraket of ’n
baie mooi pop. Van al hierdie dinge kan jy sê: Dit is myne!
Dit is my eiendom.
Dit is wonderlik om iets te kan besit. Jou besittings pas
jy op, jy hou dit in ’n goeie toestand, jy bêre dit op ’n veilige
plek. Al is jy net op laerskool, kan jy tog sê: Ek is ’n eienaar
... ek is ’n besitter van ’n paar dinge.
Maar weet jy, jy is nie net ’n besitter nie, jy is ook ’n
be sit ting, ’n eiendom. God het jou gekoop (1 Kor. 6:20).
God het jou vrygekoop uit die mag van Satan. Jesus se
bloed was die geld waarmee God jou gekoop het sodat jy
sy besitting kan wees. Dit is wonderlik om dit te hoor – ek
behoort nie aan Satan nie, maar aan God.
Dit beteken só baie dat mense dit in jou lewe moet kan
sien.
slingervel september 2011 13

Andrea Jansen (Benoni), Chané
1 Grobler (Wapadrant), Henco
Pot gie ter (Boksburg), Henk Buys
(Boksburg), Karla Steyn (Wapadrant).
Almarie Snyman (Krugersdorp),
2 Anzelle de Wet (Derdepoort), Caley-Lee
Daschner (Boksburg), Gustav
van der Westhuizen (Derde poort), Wilmarie
Kruger (Kuruman).
Alexander Visagie (Derdepoort),
3 Bianca Nel (Benoni), Tiaan Bylsma
(Kathu).
Bernard van Krieken (Boksburg),
4 Gerhard Burger (Bethal), Mechiel
Frey (Derdepoort), Rouxne Kruger
(Ver eeniging-Oos).
Marilie Reyneke (Kathu), NJ
5 Wallace (Wolmaransstad).
Anjulee Kruger (Kuruman), Cha-
6 né van den Heever (Krugersdorp),
Christelle Steyn (Kathu), Leandri
Fourie (Kuruman).
Anrike Pienaar (Buffeldoorns),
7 Ockert van Wyk (Waterkloof rand),
Richelle van Kaam (Krugers dorp).
Anri van der Walt (Waterkloof-
8 rand), John-Stephen Turner
(Wapadrant), Lauren Jansen (Elsiesrivier),
Martin de Klerk (Vereeniging-
Oos), Stephie de Klerk (Vereeniging-
Oos), Theunitha van der Walt
(Wa pad rant).
Elmien van Kaam (Krugersdorp),
9 Jana Ferreira (Wapadrant).
Mark Büchner (Wapadrant),
10 Tjaart van der Merwe (Wapad
rant).
Chenike Swart (Hermanus),
11 Hannes Aucamp (Reitz), Pieter
Steenkamp (Wapadrant), Rinaldo
Boersma (Krugersdorp), Ros lyn Cloete
(Heidelberg Gauteng), Suzanne Linde
(Reitz).
André Lategan (Middelburg-
12 Mpumalanga), Nardus Mostert
(Reitz), Shannon Snyman (Dendron),
Tania de Lange (Derdepoort).
Amce du Plessis (Lydenburg),
Lourens Parker (Kuruman).
13
verjaardaghoekie
Die volgende Vellies verjaar gedurende SEPTEMBER 2011. Geluk aan almal van
julle wat ’n jaar ouer gaan word. Mag die nuwe jaar wat kom, net geluk en voorspoed
vir julle bring. Hernu asseblief self julle verjaardae, of vra een van julle kategete om
dit aan my te stuur. My adres is: Posbus 614, Paardekraal 1752, of e-pos jonkerp@
mweb.co.za Groete, Tannie Riana
Fanus van der Walt (Bloem fontein-Noord), Jan-Louis Ras (Bloemfontein-
14 Noord), Jaydene Wiggett (Benoni).
Nicolaas Grobler (Derde poort), NP Linde (Reitz).
15
16
17
18
19
20
21
22
23
24
25
26
27
28
29
30
Gerrit Alberts (Benoni), Gideon Germishuys (Krugersdorp), Magdel Cloe te
(Heidelberg Gauteng).
Cibelle Ferreira (Wapadrant), Jean-Pierre Retief (Krugersdorp), Johanette
Retief (Krugersdorp), Minette Turner (Wapadrant), Tiaan Kruger (Vereeniging-Oos).
Brian Herman (Wapadrant), Carly-Allison Hattingh (Krokodilrivier), Christiaan
van der Merwe (Waterkloofrand), Ethel Coetzee (jnr) (Waterkloofrand),
Kirsten Beyers (Bloemfontien-Noord).
Kara von Maltitz (Wapadrant), Paula le Roux (Lydenburg).
Annerie du Toit (Lydenburg), Kyle Richie (Benoni), Maryna van Zyl (Boksburg),
Wald Grönum (Wapadrant), Willie Boshuisen (Benoni).
Chaney Watt (Benoni).
Charlize Nortje (Buffeldoorns), Jacques de Bruin (Bloemfontein-Noord),
Viebke van Wyk (Krugersdorp).
Dawie Snyman (Pretoria-Wonderboom-Suid), Ristha Ciliiers (Kuruman).
Markus Venter (Vanderbijlpark Trinitas).
Arno Krüger (Benoni), Heino Hoffman (Lydenburg), Willem Kurpershoek
(Middelburg-Mpumalanga).
Pieter Dickson (Middelburg-Mpumalanga).
Kylee van den Berg (Boksburg).
Juan-Mari Vermeulen (Bloemfontein-Noord), Kobus Poolman (Kathu), Mia
Smit (Benoni), Zaanri Smith (Vereeniging-Oos).
Alet Kotze (Kuruman).
Anrich Lessing (Wapadrant), Corne de Villiers (Benoni), Jaco Jacobs (Kuru
man).
14 slingervel september 2011

Blokkiesraaisel
1.
2.
3.
4.
5.
6.
7.
8.
9.
10.
11.
12.
13.
14.
15.
Soek die antwoorde in die berymde Psalms in
die Psalmboek
kopkrapper: tabernakel
RINA
Wat dring en dryf die wilde heidendom ____ volke raas in opgewondenheid
(Ps. 2).
Daar is geen land, so ___ of woes geleë (Ps. 8).
My skild die weerkrag ___ my heil (Ps. 18).
Geloofd sy God ____ diep ontsag (Ps. 68).
U alleen U loof ____ bly (Ps. 75).
Open julle mond ____ van My vrymoedig (Ps. 81).
Van goedertierenheid ____ ek vir ewig sing (Ps. 89).
Wie toevlug neem in veil’ge ____ (Ps. 91).
My tong deur digvuur aangedryf is soos ’n ____ wat vaardig
skryf (Ps. 45_.
As in my angs en teëspoed die krag en moed my ____ begewe
(Ps. 138).
Hoe liefl ik om dié ____ te sing (Ps. 147).
Sing tot Gods ____ met lof en dank (Ps. 149).
Laat berge uit hul stee, wegwankel in die ____ (Ps. 46).
Altyd vir Hom my lof laat ____ (Ps. 34).
Neig o God tot my die ____ (Ps. 61).
Kyk of jy die
volgende
komponente van
die tabernakel
(Eks. 26) kan
kry in die
kopkrapper:
gerubs, lissies,
hakies, tent,
seil, rame,
dwarslatte,
voorhangsel,
tafel, altaar.
RINA
slingervel september 2011 15

Die MONSTER
van Kalabasfontein (4)
Al was die klein brak, Spikkels, so bang die vorige nag, makeer hy niks die volgende môre nie. Opgewonde spring
hy net op sy agterbene rond en maak klein tjankgeluidjies van vreugde toe Johan, Hanlie, Neelsie en Ricka buite
kom. Die klein brak is reg vir avontuur en aksie vir die dag saam met die kinders op die plaas. Eers drentel hulle
almal agter hulle pa aan. Hulle staan op ’n veilige afstand om te kyk hoe hy die ou murasies, wat agter die huis is,
se stukkende mure omstoot.
“Hoekom doen Pappie dit?” vra Johan nuuskierig. “Ek wil nie hê hierdie stukkende mure moet op julle val as julle
heen en weer oor hulle klouter of naby hulle speel nie,” antwoord hy en gaan rustig voort om een na die ander
stukkende muur om te stamp. Digte stofwolke dwarrel hoog in die lug op wanneer die mure met ’n harde geluid
fl enters op die grond val. Toe al die stukkende mure omgestoot is vra Johan: ”Pappie, wat se sinkplate is hier agter
die huis, waar die gras oor groei? As ek deur die gate aan die kante loer, dan lyk dit asof dit ’n diep, donker gat is.”
“Dit is beslis ’n groot, donker gat, want dis die drein. Al die water wat ons in die huis gebruik, loop daarin. Julle moet
liewer nie daar speel nie. Ons weet nie of die sinkplate al vrot is nie, netnou val een van julle in die gat,” waarsku
sy pa en die vier besluit om na hom te luister.
’n Rukkie later kom Borina, die swart vrou wat die kinders al gesien het, om die hoek van die huis. Sy groet hulle
almal en hulle groet haar terug. Hanlie hardloop gou in die huis in om hulle ma te roep. Toe hulle ma uit die huis
uit kom, groet Borina. “Môre, Nooi, ek is Borina en ek kom soek die was- en strykwerk.”
“Môre, Borina, dis al te gaaf. Wil jy sommer vanoggend al begin werk?” vra hulle ma gretig. “Ja, Nooi, ek wil so
maak,” sê sy en maak gereed om met die werk vir die dag te begin.
Die res van die week gaan baie vinnig verby en die kinders geniet elke dag op die plaas. Daar is sulke lekker
plekke waar hulle kan speel. Elke dag is amper te kort vir alles wat hulle wil sien en doen. Die Sondagmiddag ná
ete stop daar ’n motor voor die plaashuis se deur. Dis oom Koot en sy vrou, tannie Corrie en hulle dogter Alta wat
kom kuier. Hulle twee seuns, Boetie en Jorsie (sy naam is George, maar niemand noem hom so nie), het by die
huis gebly.
“Ja, oom Koot,” sê hulle ma en sy kyk hom kwaai aan, “nou weet ek waarom julle nie vir ons die plaas kom wys
het nie. Eers gewag totdat ons veilig hier ingetrek het, nè?”
Oom Koot en tannie Corrie lag lekker. Sy blou oë vonkel ondeund toe hy antwoord: “Ek ken jou mos. Jy sou
nooit hier kom bly het as jy eers die huis gesien het nie. Toemaar,” troos hy, “julle sal nog baie lekker hier bly, jy
sal sien. Môre stuur ek een van my plaasvolk hiernatoe. Hy sal vir julle ’n koei bring, dan het julle sommer lekker
vars melk ook.”
Tannie Corrie druk hulle ma se arm: “Ag, ek is so bly julle is nou so naby aan ons. Ons sal mekaar meer dikwels
kan sien en lekker saam kuier.”
Die grootmense gaan in die sitkamer sit om te gesels en die kinders verdwyn gou na buite toe. Hulle drentel
eers ’n rukkie op die plaas rond en dan gaan sit hulle in die skaduwee van ’n boom om lekker te gesels. Alta is
’n gawe maatjie, hulle hou so baie van haar. Omdat hulle so min van die plaas af weet, vra hulle allerhande vrae
oor Kalabasfontein. Nuuskierig luister hulle toe Alta sê: “Elke Nuwejaarsdag hou die boere wat hier rond bly ’n
boeresportdag op hierdie plaas. Elke huisgesin bring dan ’n piekniekmandjie vol lekker eetgoed om te eet. Die hele
dag deel almal dan in die dag se speletjies en sport. Ons was almal hierdie jaar weer hier. Ek het ook gehardloop.
Nie gewen nie, maar ek het nie omgegee nie. Dit was vet pret om in ’n sak te klim.”
“Wat maak jy in ’n sak?” wil Hanlie weet. “Almal wat aan daardie resies deelneem, klim in goiingsakke. Hulle
noem dit sakresies,” sê Alta. “Wag, ek sal dit mooi vir julle verduidelik. Almal wat deelneem, moet in ’n ry by die
beginpunt staan. ’n Oom skiet dan ’n skoot met sy rewolwer en dan is dit tyd om te beweeg. Tot by die wenstreep
moet almal dan in sy sak spring-spring. Die een wat eerste daar is, wen ’n prys.”
“Wat het julle nog gedoen?” vra Johan. “Ertappel- en eierresies. Om met ’n eier of ’n ertappel op ’n lepel te
hardloop, is nie maklik nie. Dit kan afval en die eier kan breek. Sodra iemand iets laat val, mag hy nie meer
'n Ware verhaal vir laerskoolkinders deur Sophia van der Walt
16 slingervel september 2011

deelneem nie.” Alta begin lag. “Julle moes gesien het hoe Jorsie en Boetie teen mekaar toutrek, want hulle was in
twee spanne. Boetie se span het gewen. Jorsie was nie gelukkig daaroor nie en Boetie het aangehou spog oor sy
span wat so sterk was.” Omdat Alta so lekker lag, lag hulle maar saam en hulle gesiggies blink. Hulle kan hulle net
voorstel hoe ’n lekker dag dit moes gewees het.
“Gaan julle Dinsdag skool toe?” verander Alta skielik die onderwerp. “Ja, ons gaan.” Johan skop na ’n klip. “Maar
vertel ons liewer nog van die ou plaashuis, asseblief? Vertel ons enigiets, want die ou plek is so oud, alles is al
omtrent stukkend hier.”
“Ek het gehoor in die Boere-oorlog, en julle weet dit was al baie lank terug, is die huis gebruik as ’n hospitaal vir
die mans wat gewond was in die oorlog,” sê Alta en die vier van hulle wat luister, se oë rek groot.
“Vir die Tommies of vir die Boere?” vra Johan en Alta antwoord vinnig: “Ek weet nie, maar kom ons gaan eet
van die lekker pere. Ek is nou lus daarvoor.” “Ja, kom ons gaan. Ons wil vir jou ook iets wys,” sê Johan en hulle
hardloop na die groot peerbome toe. Toe hulle daar kom praat hy weer. “Kyk daar bo op die tak, Alta. Kyk wat hang
daar.”
Alta kyk en haar mond val oop. “So iets het ek nog nie gesien nie. ’n Dooie kalf wat stukkend in ’n boom hang!?
Kom ons loop liewer. Los maar die pere. Ek is nou bang.”
“Kom ons gaan kyk wat is alles in die stoor,” stel Hanlie voor en almal loop na die stoor toe. “Wat is hierdie goed
wat in die dromme is, Alta?” vra Johan. “Dis molasse, vir die beeste. Proe. Dis lekker soet,” antwoord sy. Elkeen
proe en dit is regtig lekker. Hulle sal beslis weer hiervan kom eet. Dit proe dan soos lekkers.
Die volgende oggend is die koei wat oom Koot belowe het, al vroeg daar. Haar naam is Kokaai, want haar een
heup is skeef en kraak vreeslik wanneer sy loop. Vir die eerste keer in haar lewe probeer hulle ma om ’n koei te
melk. Dit gaan maar sukkel-sukkel, maar daar beland darem ’n bietjie melk in die emmer. Gelukkig is ou Kokaai
ook hondmak en sy staan doodstil terwyl die gesukkel om melk uit haar uit te kry, voortgaan. Hulle ma gesels
vriendelik met die koei terwyl sy so sukkel en dit lyk of Kokaai verstaan, want haar groot, ronde, bruin oë lyk rustig.
Johan wens skielik dat hy al groter was, want dan kon hy die koei gemelk het en hy is seker hy sou nie so gesukkel
het soos sy ma nie. Hulle vier kinders staan met verwondering en kyk. Melk uit ’n koei? Dis vreemd. Hulle ken net
melk wat in bottels in die winkels op die dorp gekoop word. Die aand drink hulle yskoue melk en lag vir mekaar se
wit snorre wat die melk om hulle monde maak.
Toe breek die tyd uiteindelik aan dat die nuwe skooljaar begin. Johan,
Hanlie en Neelsie se eerste skooldag in die plaasskooltjie. Hulle ry
saam met hulle ma met hulle motor skool toe. Daar gaan hulle eerste
na die hoof se kantoor toe om hom te ontmoet. Hulle ma gaan toe terug
huis toe en hulle word na hulle klaskamers toe gevat. Hanlie en Neelsie
is in een klas by ’n baie mooi juffrou. Johan kry by die hoof klas, want hy
is saam met die ouer kinders. Alles is nuut en vreemd vir die drie nuwe
leerlinge by die skool. Die oggend gaan dan ook baie vinnig verby en
heel gou is dit pouse. Hulle eet hulle toebroodjies wat in hulle kosblikke is en drink di kdi die koeldrank koeldra k wat th hulle ll ma vir ir
hulle saam gegee het. Vir Hanlie is die klein, ronde skoppelmaai, wat net soos die grote van ’n mallemeule lyk,
op die speelgrond die aantreklikste. Sy gaan sit dan ook dadelik daarop om in die rondte te swaai. Daar is ook ’n
wipplank en Johan en Neelsie klim daarop om te wip. Van die ander kinders begin om met hulle te lag en gesels
en hulle maak sommer nuwe vriende op die speelgrond.
Ná skool die middag wag hulle saam met die ander kinders vir die skoolbus. Opgewonde klim hulle in die bus en
gaan sit naby aan mekaar. Die bus raas vreeslik terwyl hulle ry en almal moet omtrent vir mekaar skree as hulle
met mekaar wil praat. Terwyl hulle ry, wonder Johan of die oom darem sal weet waar om hulle af te laai, maar
gelukkig stop hy reg voor hulle hek. Hulle sê baie dankie vir die oom en toe hardloop hulle al met die paadjie, langs
die bos swartbasbome verby huis toe. Elkeen wil graag eerste by die huis wees om vir hulle ma en Ricka te vertel
wat die dag alles met hulle gebeur het. Hulle kwetter soos voëls toe hulle by die huis kom en hulle ma en Ricka
luister gretig na wat hulle vertel. Later doen Johan en Hanlie hulle huiswerk en Neelsie staan langs sy ma by die
kombuis tafel met sy nuwe leesboek. Omdat sy so gewoond is met Hanlie en Johan, toe hulle in Graad 1 skool toe
is, begin sy om die woorde vir Neelsie te klank.
“Nee, Mammie,” help Hanlie haar reg, “ons juffrou het gesê Neelsie-hulle gaan nie meer leer om te klank nie.
Hulle moet na die prentjie kyk en dan begin lees.”
Hulle ma kyk na die Piet Papegaai-leesboek en probeer om vir Neelsie te leer. Gou kom sy agter hy raai wat die
woorde is en in haar hart weet sy, hierdie nuwe manier wat die skool nou vir haar seuntjie leer, sal nie so goed werk
nie. Die kinders wat so leer, sal moeilik lees en glad nie leer om reg te spel nie. Sy weet ook sy sal maar moet maak
soos wat die juffrou in die skool sê, anders sal haar seuntjie swaar kry as hy nie doen soos wat Juffrou sê nie.
Skielik begin Spikkels om buite agter die huis opgewonde te blaf. Almal spring gelyk op en hardloop by die
agterdeur uit om te kyk. Geskok steek hulle buite in hulle spore vas. Spikkels blaf vir ’n groot, swart slang wat besig
is om na een van die dreingate toe te seil. (Word vervolg)
slingervel september 2011 17

Oom Attie Venter
Soos 'n boom
En die Here het allerhande bome uit die
grond laat uitspruit, begeerlik om te sien
en goed om van te eet (Gen. 2:9). Lees ook
Genesis 1:1 en 12; 2:9 en 15.
Toe die Here die hemel en die aarde gemaak
het, het Hy dit nie kaal en lelik laat staan nie.
Nee, Hy het baie plante uit die aarde laat
groei, onder andere sierbome en vrugtebome.
Die sierbome was van ’n groot verskeidenheid om
vir die Here en die mens mooi te lyk. Hulle versier
die veld en tuine waar hulle geplant is.
Verskeidenheid vorms en soorte
Kyk ’n bietjie mooi na byvoorbeeld ’n boom se
blare. As die blare nog jonk is, is dit gewoonlik
liggroen van kleur, maar later kry dit ’n meer
don ker groen kleur. In die herfs verkleur baie
van die bome se blare en dan sien ons weer ’n
groot verskeidenheid kleure (dink hier self aan
die mooiste herfsblare wat jy al gesien het). Die
vorm van die blare is baie interessant: sommige is
rond, ander weer langwerpig, hartvormig, ovaal,
ensovoorts. Sommige se rande is glad, ander s’n
getand, gekartel, ensovoorts.
Die soorte bome is net so interessant. Party is
groot (het julle al die reuse geelhoutbome gesien?),
ander klein. Party groei regop, ander sprei hulle
takke wyd. Daarom plant mense nie net een soort
boom in ’n tuin nie, maar verskillende soorte sodat
hulle dit kan geniet om daarna te kyk.
Dink ons ooit daaraan dat bome ’n geskenk is
wat die Skepper aan die mens gegee het om te
geniet? Sê ons vir Hom dankie daarvoor? Gebruik
ons dit nuttig of roei ons dit uit?
Vrugte
Daar is egter ander soorte bome wat die Here
gemaak het, hoofsaaklik om vrugte te dra. Dink
hier aan die heerlike perskes, appelkose, vye,
pruime, lemoene en nog baie ander soorte. Ons
het die vrugte nodig nodig as voedsel, vir ons
gesondheid en omdat dit lekker is. Ja, ons hemelse
Vader wil hê ons moet die dinge wat Hy geskep
het, geniet! Van kleins af moet ons leer om die
mooi en goeie dinge raak te sien en ons daarin te
verbly. Dit verryk ’n mens se lewe. Daarom moet
ons ook saamwerk om die bome by die huis,
langs of op die sypaadjies, by die skool en in die
pragtige parke op te pas en te help versorg.
Is daar ’n les wat ons by bome, veral vrugtebome,
kan leer? Lees nou verder.
Dit gaan goed met die mens ... wat in die
woord van die Here sy vreugde vind, dit dag en
nag oordink. Hy is soos ’n boom wat by waterstrome
geplant is, wat op die regte tyd vrugte
dra en waarvan die blare nie verdroog nie. Hy is
18 slingervel september 2011

voorspoedig in alles wat hy aanpak (Ps. 1:1-3).
Lees ook Galasiërs 5:22 en Matteus 5:1-12.
’n Mens vind bome feitlik orals, ook aan die
oewers van riviere en spruite, soos dié waarvan in
Psalm 1 gepraat word. Sommige bome kom met
min water klaar, maar dan word hulle gewoonlik
nie baie groot nie. Waar daar volop water is, word
die bome in die reël dan ook groter.
Die Bybel leer ons in dié Psalm dat die gelowige
mens, die kind van die Here, soos ’n vrugteboom
is wat by ’n waterstroom geplant is. As ons weet
hoe so ’n boom is, weet ons ook hoe ’n kind van
die Here moet wees.
Kom ons vergelyk nou hierdie boom met
’n ware gelowige en kyk in watter opsigte hulle
ooreenkom:
Hierdie boom is deur die eienaar langs die waterstroom
geplant. Hy het nie, soos die wilde
bome, self daar opgekom nie.
So het die hemelse Landbouer die ware geloof
in sy kinders se harte geplant. Watter geloof? Dat
die Here Jesus na die wêreld gekom en aan die
kruis gesterf het om hulle sondes weg te neem.
Hierdie boom is die eiendom van die man wat
hom geplant het. Niemand anders mag oor
hom baasspeel en van sy vrugte eet nie.
So behoort die kinders van die Here ook aan
Hom alleen. Die duiwel mag nie oor hulle baasspeel
nie en hulle mag ook niks vir hom doen
nie.
Die boom is geplant met die doel dat dit vrugte
moet dra. Dit mag nie net daar staan en mooi
lyk nie.
So moet die gelowige ook geestelike vrugte dra,
naamlik liefde, blydskap, gehoorsaamheid, getrou
heid, geduld, vriendelikheid, hulpvaardigheid
(Gal. 5:22).
Die eienaar is nie tevrede as die boom net af
en toe vrugte dra nie – hy verwag dat dit gereeld
vrugte moet dra.
So mag die kind van die Here ook nie byvoorbeeld
net af en toe ander mense liefhê nie. Hy
moet hulle altyd liefhê. Hy mag nie een dag aan
die Here gehoorsaam wees en die ander dag
weer na die duiwel luister nie, of ... nou vriendelik
wees en netnou met ’n nors gesig rondloop nie.
Hy mag ook nie party dae ’n staatmaker wees
en ander dae weer die hemelse Vader, sy ouers,
onderwysers of maats in die steek laat nie.
Die Bybel leer ons in dié Psalm dat die boom
’n baie goeie en verstandige Eienaar het. Hy
sorg goed vir die boom wat hy geplant het. Hy
plant hom in goeie grond, gee hom gereeld en
genoeg water, sodat sy blare altyd groen bly
en hy ook ’n mooi groot boom word. Hy snoei
die onnodige takke af en dien bemesting toe.
Hierdie Eienaar van die boom is onse hemelse
Vader. Hy versorg en bewaar ons as sy kinders:
Hy het sy enigste Seun, ons Here Jesus, na die
wêreld gestuur om ons van ons sonde te verlos,
en ... skenk aan ons die ware geloof in ons hart.
Hy gee aan ons die Bybel om gereeld te lees. Hy
luister na ons as ons in die gebed met Hom praat.
Hy gee gesondheid. Hy gee ’n ouerhuis, ’n kerk,
’n Christelike skool en onderwysers wat hulle bes
doen om julle Christelik op te voed.
Waarlik, die Here sorg vir ons nog baie beter
as die aardse landbouer wat sy boom by die water
stroom geplant het. Daarom moet julle wat so
bevoorreg is, ook julle bes doen om volop geestelike
vrugte te dra. SV
(Verwerk uit SJ Eloff, Skrifl ig by Laerskoolopenings ...)
slingervel september 2011 19

dr. nico van der merwe
129. Die Christentiener lewe volgens God se wil
Lees: 1 Johannes 5:14-17 Teks: 1 Johannes 5:14
Jou gebed moet aan 3 vereistes voldoen om deur God verhoor
te word. 1. Jy moet in Christus bid. 2. Jy moet in ware geloof bid.
3. Jy moet volgens God se wil bid (vs 14). So het Jesus ook gebid
die nag voordat Hy gekruisig is: “Vader, as U wil, neem tog hierdie
lydensbeker van My af weg. Laat nogtans nie my wil nie maar u
wil geskied” (Luk. 22:42).
God maak sy wil in die Bybel bekend. Om volgens God se
wil te bid, moet jy God se Woord ken. As jy gereeld en getrou die
Bybel met volle aandag lees, maak God deur die Heilige Gees jou
gedagtes nuut. Dan sal jy weet hoe om volgens God se wil te bid.
Dan sal jy weet wat vir God belangrik is om in jou lewe te doen.
Kom, span jou in en maak jou gebedslewe soos die Here dit
van jou verwag en God sal dan op jou gebede antwoord (Jes.
15:7).
131. Die Christentiener volhard in die gebed
Lees: Lukas 18:1-8 Teks: Lukas 18:7
Die gelykenis wat Jesus hier vertel, is van die vrou wat nie opgehou
het om by ’n regter te pleit om haar reg nie. Die regter het
geen eerbied vir God gehad nie (vs 2 & 4) en hy het hom ook nie
juis aan mense gesteur nie (vs 4). Derhalwe het hy ook nie geluister
na die dringende versoek van die weduwee nie. Maar sy
het nie teruggedeins en opgehou nie. Later het die regter tog aan
haar versoek toegegee en haar in haar regsaak gehelp.
Christus pas die gelykenis toe op God die Vader. As God se
kinders tot Hom bid om ’n sekere saak en werklik met diepe geloof
aanhou om die saak in die gebed voor God te bring, sal God hulle
gebed verhoor en hulle help.
Wat hier belangrik is, is die volhardende gebed van die gelowi
ge. Jy mag maar aanhou en aanhou om in geloof jou saak in
ge bed voor God te bring.
133. Die Christentiener se onvolmaakte gebede?
Lees: Matt eus 6:5-8 Teks: Matt eus 6:8
Jou gebedslewe is sekerlik vir jou belangrik. Daarom sal jy beslis
daaroor dink of jy dit reg doen soos wat die Here dit van
jou verwag. Het jy dalk ook die vraag gevra: Sê nou net ek bid
nie soos die Here Jesus dit wil hê nie? Sê nou net my gebede
is heeltemal verkeerd, sal God my dan verlaat? Hoor en verhoor
God onvolmaakte gebede? Kom ons vra ’n ander vraag: Red God
onvolmaakte mense? Natuurlik! Daar is mos nie volmaakte mense
op aarde nie! Ons word as onvolmaakte mense verlos, omdat
Jesus wat volmaak is, vir ons sonde aan die kruis betaal het.
Daar is jou antwoord: Jou onvolmaakte gebede word gehoor,
om dat Jesus vir jou by die Vader intree. Daarom kan die Here
vir ons in die Bybel sê: “Julle Vader weet wat julle nodig het, nog
voordat julle dit van Hom vra” (Matt. 6:8).
135. Die Christentiener se fokus in die gebed
Lees: Kolossense 1:15-20 Teks: Kolossense 1:15
Mens se gedagtes dwaal darem baie maklik af onder gebed.
’n Mense erken dat hulle gedagtes onder die lang gebed in die
erediens gereeld afdwaal, sodat hulle nie weet wat die inhoud van
die gebed was nie.
Die vraag is nou: Dwaal jou gedagtes ook af as jý tot God bid?
Jy probeer om te bid, maar jou gedagtes wil net nie gefokus bly op
God en die gebed nie. Satan sal enigiets doen om jou van God te
vervreem. Jy kan die dwaling van jou gedagtes keer deur positief
op God te fokus.
God kan nie gesien word nie (Kol. 1:15), maar jy kan jou gedagtes
wel op God gerig hou. Voor jy bid, lees eers ’n gedeelte uit
die Bybel en oordink dit. Rig jou gedagtes direk daarop dat jy besig
is om met God te praat in die gebed. Onderdruk dan enige ander
gedagtes wat in jou mag opkom tydens die gebed.
130. Die Christentiener se gebed
Lees: Matt eus 18:15-20 Teks: Matt eus 18:19
As jy tot God bid, moet jou gebed aan 4 vereistes voldoen. 1. Jy
moet in Christus bid. 2. Jy moet in ware geloof bid. 3. Jy moet
volgens God se wil bid. 4. Jy moet met gelowiges saamstem oor
die inhoud van die gebed. Dit wys op God se teenwoordigheid
in die gemeente (vs 19-20). Wanneer die gemeente in biddende
afhanklikheid van God na sondaars uitreik, het dit betekenis in die
lewe van die sondaar en dra dit Christus se goedkeuring weg.
Gebed maak dat gelowiges in pas bly met die wil van God.
Gelowiges moet daarom onderling met mekaar oor hulle gebede
praat en deur gesprek tot insig kom oor wat in die gebed van God
gevra sal word.
Die Heilige Gees laat jou ook deur die gesprekke met ge lowiges
tot die sekerheid kom van wat God se wil is. Om saam met
ander te bid, laat jou gebedslewe groei.
132. Die Christentiener is onderworpe aan God
se wil
Lees: Johannes 14:1-14 Teks: Johannes 14:13
Herodes was baie ingenome toe sy stiefdogter vir sy gaste
dans. Hy sê vir haar: “Net wat jy my vra, sal ek vir jou gee”
(Mark. 6:22). Herodes was vrygewig, maar terselfdertyd ook
dwaas, want die dogter vra toe dat hy Johannes die Doper se kop
sal afkap en vir haar gee (vs 25). Sy dwaasheid het hom in ge haal.
Jesus is ook vrygewig, maar glad nie dwaas nie. Hy sê: “Wat julle
ook al in my Naam vra, sal Ek doen” (Joh. 14:13). Jy sal seker nou
sê dat dit nie waar is nie. Hoeveel keer het jy dalk al tot God gebid
en daar het niks van gekom nie? Is jy teleurgesteld in die Here?
Die geheim lê in die woordjie “wat”. God gee vir ons wat ons Hom
vra in ooreenstemming met sy wil.
Die wil van God bewaar ons teen dwase gebede, dat jy ook
dalk in die dwaasheid van Herodes beland.
134. Die Christentiener en gebedsverlamming
Lees: Klaagliedere 3:16-26 Teks: Klaagliedere 3:20
As jy lam word in jou bene, kan jy nie loop nie. As jou arms
verlam is, kan jy hulle nie gebruik nie. Kinderverlamming is ’n
siekte wat kinders kry deur polio, waardeur hulle bene grootliks
verlam is. Maar het jy al ooit gebedsverlamming gehad? Dit is ’n
toestand waarin jy nie kan bid nie. Jy weet jy moet, maar jy kan
nie. Die rede daarvoor is dikwels depressie. Dit is waarvan ons
teks praat. Die lyding van die lewe het vir hom te veel geword
en toe “draai my gedagtes vas”. Depressie maak dat jy in jouself
vasgedraai word.
Gebed is ’n aktiwiteit waarin jy na buite moet kyk. As jy aan
ge bedsverlamming ly, moet jy jou inspan om aan God se liefde te
dink en aan die wonderlike dinge wat die Here vir jou doen. Kyk
na die kruis van Jesus Christus en sien daarin God se liefde in jou
lewe. Bid dan uit dankbaarheid.
136. As jy as Christentiener nie weet wat om te
bid nie Lees: Romeine 8:26-32 Teks: Romeine 8:26
Het jy dit al ervaar dat jy wil bid, maar jy weet nie wat om te bid
nie? Jou oë is toe, jou gedagtes wil die woorde van jou gebed
vorm, maar daar kom niks nie. Jy weet nie wat om te bid nie. Jy
twyfel! Wat moet ek vir God sê? Watter woorde moet ek gebruik?
Hoe moet ek my sinne inspan? In Romeine 8:26 leer die Here
jou dat Hy in sulke oomblikke hulp verleen. “Die Gees staan ons
ook in ons swakheid by: ons weet nie wat en hoe ons behoort te
bid nie, maar die Gees pleit vir ons.” Jy moet die Gees van God
vertrou. Die Heilige Gees sal jou dom tong op die regte spoor kry.
Die Gees sal jou woorde in jou gedagtes ordelik agter mekaar
stel. As jou gebed vanweë jou sonde of die swaarkry van die lewe
uitmekaar wil val, sal die Gees dit vorm in ’n aangename gebed.
Vra in jou hart opreg en oorgegewe dat die Heilige Gees vir jou
sal intree in jou gebedswakheid.
20 slingervel september 2011

137. God se Koninkryk en die Christentiener se
gebed
Lees: Romeine 14:13-18 Teks: Romeine 14:17
Jesus Christus leer ons om ook te bid: “Laat u koninkryk kom”
(Matt. 6:10). In die hele Bybel leer ons dat God Koning is. Die
gebied waaroor God regeer, is die ganse heelal wat Hy geskep
het. Die inwoners van God se Koninkryk is die mense op aarde.
Satan het ook ’n koninkryk, die koninkryk van die sonde. Waar die
sonde hoogty vier, is die koninkryk van Satan aktief teenwoordig.
As jy bid dat God sy Koninkryk moet laat kom, bid jy dat die
Here jou sal gebruik om die sonde en Satan te oorwin. Jy bid
dus wel vir God om sy Koninkryk te laat kom, maar jy stel jouself
beskikbaar in die koms van die Koninkryk. Jy moet die stryd
voer teen elke mag wat teen God in opstand kom en sy Woord
wil vernietig. Jy moet nie net bid vir die Koninkryk nie, maar jou
daadwerklik daarvoor beywer.
139. Die Christentiener praat met aartappels
Lees: Matt eus 6:25-34 Teks: Matt eus 6:11
Man wat baie hard gewerk het en genoeg salaris verdien het
’n dat sy gesin goed kan eet en leef, het sy vrou kwalik geneem
as sy bid voordat hulle eet. Hy het gesê so ’n gebed aan tafel is
onnodig as ’n mens eerlik werk en jou kos kan verdien. Sy kan net
sowel met die aartappels praat, het hy vir sy vrou gesê.
Waarom moet ons dan vir God bid om ons daaglikse brood?
Ons daaglikse kos is nie die resultaat van ons salaris nie. Jou
daag likse kos is eintlik “genadebrood”, want Christus het aan die
kruis vir jou gesterf sodat jy God se genade kan ontvang – en dit
is jou hele lewe, ook die kos wat jy eet. Dat God jou as sy kind in
alles versorg, is net genade.
Daarom moet ons nie oor ons kos kla nie. Dit is nie net ’n paar
Rand nie, dit het Jesus die dood aan die kruis besorg. Bid om God
se genadebrood.
141. Verlos ons van die bose
Lees: Kolossense 1:9-14 en Psalm 91 Teks: Kolossense 1:13
Jy moet nie dink dat Satan en sy duiwels net iets is waarmee jou
ouers jou wil bang maak nie. Satan en sy duiwels is in die lewe
van elke mens teenwoordig (Ef. 6:12). Daarom is die tyd waarin
ons lewe, so vol van boosheid en kwaad. Selfs in die geledere van
jou skool of jou vriendekring ervaar jy die ellende van hoe mense
diep in sonde val en dan geweldig ly daaronder. Jongmense wat
jy ken, se lewe is dalk al verwoes vanweë die sondekwaad waarin
hulle beland het.
Van God lees ons: “Hy het ons uit die mag van die duisternis
weggeruk en ons onder die heerskappy gestel van sy Seun” (Kol.
1:13). Alleen sal jy nie die versoeking en die verleiding van Satan
kan weerstaan nie. Daarom moet jy opreg en dringend tot God bid
om jou van die Bose te bewaar en jou daarvan te verlos.
143. Die Archimedespunt van die gebed
Lees: Johannes 14:1-14 Teks: Johannes 14:14
Julle het seker al by die skool van Archimedes gehoor. Archimedes
was ’n Griekse wiskundige wat gespog het dat hy die hele wêreld
sal kan beweeg met ’n hefboom as hy net ’n steunpunt vir die hefboom
kan kry. Teoreties was hy reg. Die groot probleem was om ’n
steunpunt, ’n Archimedespunt, te kry.
Ons kan Johannes 14:14 die Archimedespunt van die gebed
noem. Waar moet jy staan om die Skepper van die ganse heelal te
beweeg? Op watter steunpunt moet jy kniel as jy bid?
Daniël 9:18 noem die steunpunt: “Ons pleit by U om ontferming,
nie omdat ons regverdig is nie, maar op grond van u groot
barm hartigheid.”
Die Archimedespunt van jou gebed is die kruis op Golgota
waar God se groot barmhartigheid aan jou gegee is. Daarom moet
jy bid – Om Jesus wil ...
138. In die Christentiener se lewe moet God se
wil geskied
Lees: Lukas 22:39-46 Teks: Lukas 22:42 en 44
Jesus leer ons om te bid: “Laat u wil ook op die aarde geskied,
net soos in die hemel” (Matt. 6:10). Daar is seker nie nog ’n
gedagte wat so verkeerd verstaan en aangewend word soos
hierdie een nie. Daar word gesê as jy die bede om God se wil bid,
dan beteken dit “what will be will be”. Dit is so verkeerd soos kan
kom. Toe Jesus bid “Laat u wil geskied”, het Hy bloed gesweet,
so intens is hierdie bede. Baie mense se lewe is soos die liedjie
lui: “I did it my way.” Jesus moes ons sondes, volgens die wil van
die Vader, tot op die plek van teregstelling, Golgota, dra. Daar het
Hy met sy bloed vir jou sondeskuld betaal.
Jy moet bid dat God se wil in jou lewe waar word; dat jy jou
hardkoppige en sondige wil sal oorwin en gehoorsaam sal lewe
volgens God se wil. Dit is wat God van jou vra.
140. Vergifnis
Lees: Romeine 12:7-21 Teks: Matt eus 6:12
Jy kan op twee maniere met jou verlede handel: a. Jy kan dit
onderdruk of b. jy kan dit verswyg. As dit by vergewing kom, is
dit die maklikste uitweg. In albei gevalle ignoreer jy die saak om
iemand te vergewe. Jesus leer ons nie net bid: “vergeef ons ons
oortredings” nie, want dit is vas en seker in Jesus Christus. Hy
leer ons ook om te bid: “soos ons ook dié vergewe wat teen ons
oortree.”
Jesus sê dat as jy nie ander mense hulle oortredings teen jou
ver gewe nie, kan jy nie daarop aanspraak maak om deur God
ver ge we te word nie. “As julle ander mense hulle oortredings ver -
ge we, sal julle hemelse Vader julle ook vergewe. Maar as julle
ander mense nie vergewe nie, sal julle Vader julle ook nie julle
oortredings vergewe nie” (Matt. 6:14-15).
Hierdie is ’n saak waaraan jy elke uur moet werk.
142. Die kern van die saak
Lees: Matt eus 6:5-13 Teks: Matt eus 6:7
Die volmaakte gebed ken ons as die “Ons Vader” (Matt. 6:9-15).
In hierdie voorbeeldgebed wys Jesus aan ons dat dit nie die
getal woorde is wat jy gebruik wat aan jou gebed betekenis gee
nie. In die tyd van Jesus het die Fariseërs lang-lang gebede gebid,
maar dit was valse gebede, omdat hulle hulleself daardeur wou
verheerlik. Ook die heidene bid tot hulle afgode met ’n stortvloed
van woorde en verbeel hulle dan dat dit die regte gebede is (vs 7).
Onthou, bid is ’n gesprek met God. Jy bid nie om iets te kry nie,
maar om jou hart en gedagtes op God te rig en Hom te verheerlik.
Jou hart en gedagtes moet op God gefokus wees, waardeur jy
aan God wys dat Hy die middelpunt van jou lewe is. Dan sal God
weet die woorde van jou gebed kom uit die diepte van jou hart en
deur jou geloof in Hom.
144. Jou geloof en jou gebede
Lees: Markus 11:20-26 Teks: Markus 11:24
I n die hitte van ’n oorlog het ’n man wat nie in God glo nie, in
sy nood hardop geskree: “O God, as daar ’n God is, neem my
hemel toe, as daar ’n hemel is.” In hierdie uitroep weerspreek die
man homself. Want so duidelik soos daglig is daar geen geloof in
sy hart nie, waarom roep hy dan tot God? In jou geloof staan of
val jou gebede. Sonder geloof is gebed geen gebed nie. “Alles wat
julle in die gebed vra, glo dat julle dit al ontvang het, en dit sal vir
julle so wees” (Mark. 11:24) – so het Jesus gesê.
Jy moet glo dat God bestaan en glo dat Hy jou in Jesus Christus
van jou sondes verlos en glo dat Hy almagtig en ewig is. Jy
moet glo dat God jou gebed hoor en jy moet glo dat Hy jou gebed
sal verhoor.
Sonder geloof bid jy tevergeefs. Sonder geloof is jou gebed
niks.
slingervel september 2011 21

tiener
vers
Vier voëltjies op my werf
Die geelvink kwetter,
kwinkeleer
en kweel die sonlig
gemmergeel.
Die trekswael het sy
nessie leeg
gelaat.
Waarheen?
Geen lied met so 'n
volmaakte treurigheid
as wat die groen
lemoenduif heeldag sing.
Snags roep hy
droef
en sag
- die steenuil in die stilte
op die dak
alleen.
(PW Buys uit
WIT KORBEEL – 1987)
ons eie
Slingervel-Digtershoekie
Aspirant-tienerdigters, julle word uitgenooi om van julle
eie gedigte in te stuur vir publikasie in die Slingervel.
Die adres is:
Slingervel-Digtershoekie, Posbus 6433 Flamwood
2572
Faks 018 468 1782. Julle kan julle gedigte ook met
e-pos stuur: slingervel@telkomsa.net
MARISKA SCHEEPERS
is die skryfster van die volgende gedig:
Ek wil
Ek wil meer dans en minder sit,
ek wil minder tob en meer bid.
Ek wil meer doen, minder sê,
ek wil meer dankbaar wees, minder hê.
Ek wil meer skryf, minder praat,
ek wil meer betyds wees, minder laat.
Ek wil minder suiker en meer wortels eet,
ek wil minder kwaad word, meer vergewe en vergeet.
Ek wil meer Oros drink, minder coke,
ek wil meer bedoel wat ek sê en minder sê: ek joke ...
Ek wil meer lag, minder opkrop,
ek wil meer opreg wees en mense minder drop.
Ek wil meer buite sit, minder binne,
ek wil minder kennisse hê, meer vrinne.
Ek wil meer luister, minder voorgee,
dalk moet ek minder Oros drink, en meer tee?
Ek wil meer lees en minder TV kyk,
ek wil meer eg wees, minder pronk en pryk.
Ek wil meer vrae vra, minder stilbly en inhou,
ek wil bietjie meer nugter wees, minder aan illusies vasklou.
Ek wil meer sê: “Ek het!” en minder: “Ek gaan”
ek wil meer lewe, minder bestaan.
Ek wil meer en nie minder nie,
is dit so vergesog?
Dalk, net so bietjie ...
22 slingervel september 2011

Op 18 Oktober 1989 is ’n
ruimtetuig, Galileo, deur die
pendeltuig Atlantis eers in
’n wentelbaan om die aarde geplaas
en toe met ’n aanjaagvuurpyl na
die planeet Jupiter gelanseer. Dit
was die derde program van NASA
om die ruimte te ondersoek. Voor
dit was daar die Pioneers (1973-
74) en die Voyagers (1979) wat die
ruimtes ondersoek het. Op sy tog
na Jupiter het Galileo ook verby
Venus gevaar (10 Februarie 1990).
Galileo was toegerus met optiese
instrumente, veral ’n hoë-resolusie
kamera en ’n infrarooi spektrometer
met die oog op ’n verskeidenheid
ondersoeke. Galileo het ook verby
die asteroïdes Gaspra (29 Oktober
1991) en Ida (28 Augustus 1993)
gevaar.
Op 13 Julie 1995 het Galileo
’n 339 kg-ondersoektuig na Ju piter
afgevuur. Vyf maande later, 7
Desember 1995, het die on dersoektuig
die atmosfeer van Jupiter
binnegedring. Dit het stadig met ’n
valskerm afgedaal na die planeet se
oppervlakte toe. Vir 58 minute het
die ondersoektuig allerlei opnames
gemaak en na die aarde versend
voordat dit opgehou werk het vanweë
die stygende temperatuur op
die planeet. ’n Paar uur daarna het
Galileo, na ’n reis van 6 jaar en 3.7
biljoen km, in ’n wentelbaan om Jupiter
gegaan. Vir die volgende vyf
Die GALILEO-
ruimteprojek
tellie skoop
jaar het Galileo om Jupiter gewentel en opnames gemaak van Jupiter se
vier grootste mane, Io, Europa, Ganymedes en Callisto.
Daar is ook ondersoek gedoen na die wolklae om die planeet. ’n Besondere
hoogtepunt was die opnames van die ysbedekte oppervlakte van
die maan Europa wat die moontlikheid gelaat het dat daar water op die
maan was.
Op 15 Oktober 1997 is die Cassini-ruimtetuig van die aarde af gelanseer
en het dit in Desember 2000 digby Jupiter verbygevaar op weg na Saturnus.
Daarmee is die Galileo-projek afgehandel. Galileo is in September 2003
toegelaat om op Jupiter neer te stort. (Fotomateriaal: Wikipedia.) SV
slingervel september 2011 23

tannie susan
Wat kan ek lees?
Dirks, Cor. 2011. Die Otters se “fi etstoer”. 2de dr. Pretoria: Protea Boekhuis. 151
p. Prys: R100,00. ISBN: 978-1-86919-416-1. (Die Otters 5.)
Met fyn uitgewerkte manipulasie het die drie Otters, Cassie, Buks en Litte, van hulle
ouers elkeen ’n trapfi ets bekom. Hulle was in die wolke, want horisonne kon nou
verskuif word – onmiddellik, met die aanbreek van die vakansie, moes hulle eenvoudig
op hulle eerste fi etstoer vertrek.
Hulle het gemik om die Limpoporivier oor te steek sodat hulle in die Tuli-blok kon gaan rondry.
Duidelik is daar nie vooraf heeltemal voldoende beplan nie, want hulle was baie ontmoedig
toe hulle sommer vroeg op die toer hoor dat dit meer as 400 km is wat hulle moet afl ê om
eers daar te kom. Saamrygeleenthede in leë beestrokke tot naby Mokopani lyk vir hulle soos
geskenke uit die hemel – maar juis hier begin hulle nagmerrie-ervaring toe hulle paaie met dié
van beessmokkelaars, ’n bloeddorstige boer en ’n deurwinterde spoorsnyer kruis. Hulle land ook
in ondergrondse tonnels met wrede en genadelose barbare. Hulle vernuf en vasberadenheid
om te ontsnap en te oorleef, is egter hulle redding.
Die vyfde boek in die Otters-reeks is ook ’n naelbytavontuurverhaal. Die boek lees gemaklik en die humoristiese
taalgebruik en situasies verskaf heerlike ontlading, sonder om aan die spanningslyn afbreuk te doen. Wanneer ’n
mens eers hierdie boek begin lees het, sit jy dit moeilik neer voordat dit klaar gelees is. Die Otters se “fi etstoer” is
nog ’n uitstekende boek in hierdie reeks waaroor jong tieners gek gaan wees.
Burger, Isak. 2009. Die eerste 5 minute na die dood vir kinders. Vanderbijlpark:
Carpe Diem Media. 77 p. ISBN: 978-1-77031-122-0.
Om die moeilike onderwerp van die dood Skrifgetrou en bevatlik aan laerskoolkinders oor
te dra, het Isak Burger hierdie boek geskryf. Sy twee boeke, Die eerste 5 minute na die
dood en Die laaste 5 minute vóór die dood, was op volwassenes gerig. Daar was só ’n
geweldige positiewe reaksie van oraloor oor hierdie boeke dat hy besluit het om ook aan tieners
(Die eerste 5 minute na die dood vir tieners) en laerskoolkinders lig op die onderwerp van die
dood te werp. Vanuit die gebeure van Lukas 16:19-31 (die ryk man en Lasarus) poog hy om die
konsep van die dood aan kinders te verduidelik. Hy beklemtoon dit dat dit normaal is om bang
te wees en dat selfs grootmense en geleerdes nie alles verstaan nie en dat daar nog steeds
baie onbeantwoorde vrae bly. Die groot troos is egter dat ’n kind van die Here seker kan wees
dat hy dadelik by Jesus sal wees na sy dood. Daaroor hoef nooit enigsins twyfel te bestaan nie.
Burger dring sterk by sy lesers aan dat hulle hul lewe sodanig sal inrig dat hulle gereed sal wees s om by Jesus in
die hemel te wees Om hulle lewens met Jesus “reg te maak”, is egter ’n saak wat hulle voortdurend biddend met
die hulp van die Heilige Gees moet doen. Uit eie krag kan hulle niks doen om dit reg te kry nie.
Hierdie boek kan ’n groot vertroosting bied vir laerskoollesers wat met die dood gekonfronteer word of daaroor
wonder. Dit is in eenvoudige taal geskryf en lees maklik. Vir ouers wat graag met hulle kinders hieroor wil gesels,
bied dit uitstekende riglyne en antwoorde gegrond op die Bybel.
Norac, Carl & Cneut, Carll (illus.). 2010. O monster, moenie my
opeet nie! Pretoria: Protea Boekhuis. Prys: R100,00. ISBN: 978-1-
86919-408-6.
Alex is ’n gulsige varkie en hy wil aanhoudend tussen etenstye peusel. Al
raas sy ma met hom daaroor, luister hy nie – hy is ’n regte vreetvarkie!
Dit is nou totdat sy pad op ’n dag kruis met ’n vreetmonster wat dieselfde
probleem het! Die dilemma is, die monster wil vir Alex as ’n peuselhappie eet. Alex
moet allerhande slim planne beraam om nie deur die monster opgeëet te word
nie. Teks en illustrasies vul mekaar pragtig aan. Die fyn detail in die illustrasies is
humoristies en sorg ook vir heerlike kykgenot. In die persverklaring word hierdie
prenteboek aanbeveel vir “Kinders tussen 5 en 8 jaar en volwassenes met ’n
humorsin”. SV
24 slingervel september 2011