Graansorghum Cover - Pannar Seed
Graansorghum Cover - Pannar Seed
Graansorghum Cover - Pannar Seed
Create successful ePaper yourself
Turn your PDF publications into a flip-book with our unique Google optimized e-Paper software.
-16-<br />
Alle sorghums en veral voersorghums is vatbaar vir hierdie siekte, Ergot<br />
is die belangrikste sorghumsiekte en gaan veral gepaard met laat<br />
aanplantings. Sekere kultivars toon weerstand teen die siekte.<br />
h) Aarbrand (Sphacilotheca reiliana)<br />
Dieselfde swamspesie, maar ʼn ander ras wat Kop- en Pluimbrand in<br />
mielies veroorsaak, kan ook graansorghum besmet. Die siekte staan<br />
bekend as Kopbrand en die hele aar word vernietig. Aanvanklik is die<br />
spore met ʼn dun, wit vlies bedek. Die vlies bars naderhand oop en<br />
miljoene swart spore word vrygestel. Die gebruik van<br />
weerstandbiedende kultivars bied die enigste doeltreffende<br />
beheermaatreël.<br />
i) Fisiologiese Blaarverkleuring<br />
Dikwels word ʼn rooi tot pers verkleuring van die blare van sorghums<br />
waargeneem, wat baie lyk soos die simptome van sekere siektes soos,<br />
onder andere, Antraknose. Hierdie verkleuring is te wyte aan die<br />
chemiese stof Antocyanin, wat gewoonlik in die blare van sorghums<br />
voorkom.<br />
Fisiologiese blaarverkleuring kan deur die volgende faktore veroorsaak<br />
word:<br />
Koue<br />
Sorghums is vatbaar vir koue, veral in die saailingstadium. Die<br />
groeitempo van die plante word onder hierdie toestande vertraag en<br />
die blare word rooi tot pers. Soos die toestande warmer word, herstel<br />
die plante en ontwikkel weer normaal.<br />
Chemiese Bespuiting<br />
Sekere kultivars is meer gevoelig vir die sogenaamde “chemiese<br />
brand” as ander. Die weerstoestande voor en met bespuiting kan ook<br />
die reaksie van die plant beïnvloed. ʼn Algemene pers verkleuring van<br />
die blare vind plaas en is gewoonlik beperk tot die boonste oppervlakte<br />
van die boonste blare. Partykeer kan die verkleuring ook in die vorm<br />
van klein rooipers kolle waargeneem word. Die sorghumplant is die<br />
vatbaarste vir chemiese brand tydens blomstadium.<br />
Fisiese Skade<br />
Fisiese skade deur bewerking of insekte kan ook die verkleuring van<br />
die blare tot gevolg hê.<br />
Oor die algemeen gesproke veroorsaak fisiologiese blaarverkleuring<br />
selde enige oesverliese. Kenners meen dat die sorghumplant tot 50<br />
persent van sy blaaroppervlakte kan verloor sonder dat dit ʼn uitwerking<br />
op die opbrengs het.<br />
Sorghum produksiehandleidingreeks Kopiereg 8 <strong>Pannar</strong> Saad (Edms.) Bpk.