Graansorghum Cover - Pannar Seed
Graansorghum Cover - Pannar Seed
Graansorghum Cover - Pannar Seed
Create successful ePaper yourself
Turn your PDF publications into a flip-book with our unique Google optimized e-Paper software.
-15-<br />
e) Antraknose (Collectorichum graminicola)<br />
Antraknose is ʼn swamsiekte wat die blare asook die stamme van<br />
graansorghum aantas. As net die blom besmet is, word die plante tot ʼn<br />
mate verswak, maar die effek hiervan op die opbrengs is selde baie<br />
ernstig. Wanneer die siekte egter ook die stamme, veral net onder die<br />
aar, besmet, kan dit ernstige gevolge hê. Afgesien van die<br />
opbrengsverlies, knak en val die plante om wat meganiese oes uiters<br />
bemoeilik.<br />
Die swamme wat Antraknose veroorsaak dring die blare in die jong<br />
stadium binne. Rooibruin, rooi of pers kolle verskyn op die<br />
blaaroppervlakte. Die deursneë van die kolle is gewoonlik ongeveer 3<br />
mm maar kan tot 25 mm wees. Besmette stamme word ook rooi of pers<br />
en wanneer hulle oopgesny word, sal die weefsel binne-in die stam ook<br />
verkleurd wees.<br />
Die enigste doeltreffende beheermaatreël is die gebruik van<br />
weerstandbiedende kultivars. Wisselbou kan die siekte binne perke hou,<br />
aangesien die spore in die plant oorwinter.<br />
f) Bruinroes (Puccinia purpurea)<br />
Bruinroes ontwikkel gewoonlik eers gedurende die rypwordingstadium en<br />
het selde ʼn groot invloed op die opbrengs. Bruin en bruinrooi kolle<br />
verskyn op die blare. Hierdie kolle bars later oop en die tipiese bruinrooi<br />
spore word vrygestel, wat maklik van die blare afvryf.<br />
Beheermaatreëls is selde nodig.<br />
g) Ergot (Sphacelia sorghi)<br />
Ergot is ʼn swamsiekte en staan bekend as “Sugary disease”. Koel, nat<br />
klimaatstoestande bevorder besmetting en ontwikkeling daarvan.<br />
Blomme op die sorghumaar is vatbaar vir besmetting van net voor<br />
bestuiwing, tot met bevrugting van die vrugbeginsel.<br />
Die swam groei binne die vrugbeginsel en vorm dan ʼn massa<br />
swamdrade. Met rypwording van die swam word miljoene spore<br />
vrygestel. Dit is gedurende die stadium dat die sogenaamde (sugary)<br />
afskeisel sy verskyning maak. Dit tap vrylik van die are af en vertoon<br />
spierwit op die grondoppervlakke onder die are. Dikwels skep dit ʼn ideale<br />
medium vir die ontwikkeling van sekondêre organismes.<br />
Sekondêre besmetting van die siekte word deur middel van spore wat in<br />
die taai, gomagtige wit tot pienkerige afskeiding teenwoordig is, versprei.<br />
Verspreiding van blom tot blom word veroorsaak deur wind, insekte en<br />
reën. Soos die are ryp word, ontwikkel hulle ʼn swart massa spore en<br />
vertoon feitlik heeltemal swart. Onder goeie ontwikkelingstoestande vorm<br />
spore in die saadknoppe, die harde grysagtige sogenaamde “ergot”, die<br />
oorwinteringsliggaam van die betrokke swam.<br />
Sorghum produksiehandleidingreeks Kopiereg 8 <strong>Pannar</strong> Saad (Edms.) Bpk.