Graansorghum Cover - Pannar Seed

More documents

Recommendations

Info

-14- Simptome van hierdie siekte varieer van liggroen kolletjies tot groot rooipers verkleurings en van klein ronde, effens langwerpige ligbruin nekrotiese vlekke tot groot nekrose dele, wanneer die vlekke inmekaar vloei. Blaarvlekke begin gewoonlik op die onderste blare en beweeg later na die boonste blare. Op die blaar self begin die vlekke op die punte en beweeg terug op die blaarrand. Die siekte kan ook die jong graankorrels affekteer en het klein, verkrimpte korrels tot gevolg. Graankorrelbesmetting is veral van groot belang in die geval van saadproduksie. Op hierdie stadium is nog geen doeltreffende saadbehandeling teen graansorghumblaarvlek geregistreer nie. Die gebruik van weerstandbiedende kultivars bied tans dus die enigste doeltreffende beheermaatreël. c) Bakteriese Streepsiekte (Xanthomonas holicicola) Hierdie siekte staan ook bekend as “rooidood”. Nat of hoë humiditeitstoestande bevorder die verskyning en ontwikkeling daarvan en oesverliese in nat jare kan aansienlik wees. Simptome kan reeds in die 2-blaarstadium waargeneem word. Dun, ligte rooipers strepies ontwikkel tussen die blaarnerwe en kan van 2 mm tot 25 mm lank wees. Die strepies word groter en breër soos die siekte ontwikkel en vorm naderhand dooie, nekrotiese dele omring deur ŉ dun donker rand. Erg besmette plante bly dwergagtig en vorm gewoonlik geen graankorrels nie. Min is bekend van die oordraagbaarheid en bestryding van Bakteriese Streepsiekte. Saadoordraagbaarheid word egter nie as ŉ belangrike bron van besmetting beskou nie en aanduidings is dat die siekte maklik bestry kan word deur die verbouing van weerstandbiedende kultivars. d) Exclorilium Blaarskroei (Exclorilium turcicum) Soos by mielies, waar dit ook bekend staan as noordelike blaarskroei, kom hierdie siekte gewoonlik net in die natter, oostelike produksiegebiede voor. Onder gunstige toestande kom dit ook in die westelike dele voor. Strawwe bemesting voor blomtyd kan aansienlike oesverliese veroorsaak, maar oesverliese is minimaal indien besmetting matig is of laat voorkom. Hierdie siekte begin deur klein, rooi of wit kolletjies op die blare te vorm wat vinnig ontwikkel en later ovaalvormige vlekke met skerp punte en ŉ rooipers rand word. Soos die vlekke groter word, vloei hulle inmekaar en kan sodoende groot dele van die blare beskadig. Die siekte begin op die onderste blare en versprei later na die boonste blare. Die enigste doeltreffende beheermaatreël is die gebruik van weerstandbiedende kultivars. Sorghum produksiehandleidingreeks Kopiereg 8 <strong>Pannar</strong> Saad (Edms.) Bpk.
-15- e) Antraknose (Collectorichum graminicola) Antraknose is ŉ swamsiekte wat die blare asook die stamme van graansorghum aantas. As net die blom besmet is, word die plante tot ŉ mate verswak, maar die effek hiervan op die opbrengs is selde baie ernstig. Wanneer die siekte egter ook die stamme, veral net onder die aar, besmet, kan dit ernstige gevolge hê. Afgesien van die opbrengsverlies, knak en val die plante om wat meganiese oes uiters bemoeilik. Die swamme wat Antraknose veroorsaak dring die blare in die jong stadium binne. Rooibruin, rooi of pers kolle verskyn op die blaaroppervlakte. Die deursneë van die kolle is gewoonlik ongeveer 3 mm maar kan tot 25 mm wees. Besmette stamme word ook rooi of pers en wanneer hulle oopgesny word, sal die weefsel binne-in die stam ook verkleurd wees. Die enigste doeltreffende beheermaatreël is die gebruik van weerstandbiedende kultivars. Wisselbou kan die siekte binne perke hou, aangesien die spore in die plant oorwinter. f) Bruinroes (Puccinia purpurea) Bruinroes ontwikkel gewoonlik eers gedurende die rypwordingstadium en het selde ŉ groot invloed op die opbrengs. Bruin en bruinrooi kolle verskyn op die blare. Hierdie kolle bars later oop en die tipiese bruinrooi spore word vrygestel, wat maklik van die blare afvryf. Beheermaatreëls is selde nodig. g) Ergot (Sphacelia sorghi) Ergot is ŉ swamsiekte en staan bekend as “Sugary disease”. Koel, nat klimaatstoestande bevorder besmetting en ontwikkeling daarvan. Blomme op die sorghumaar is vatbaar vir besmetting van net voor bestuiwing, tot met bevrugting van die vrugbeginsel. Die swam groei binne die vrugbeginsel en vorm dan ŉ massa swamdrade. Met rypwording van die swam word miljoene spore vrygestel. Dit is gedurende die stadium dat die sogenaamde (sugary) afskeisel sy verskyning maak. Dit tap vrylik van die are af en vertoon spierwit op die grondoppervlakke onder die are. Dikwels skep dit ŉ ideale medium vir die ontwikkeling van sekondêre organismes. Sekondêre besmetting van die siekte word deur middel van spore wat in die taai, gomagtige wit tot pienkerige afskeiding teenwoordig is, versprei. Verspreiding van blom tot blom word veroorsaak deur wind, insekte en reën. Soos die are ryp word, ontwikkel hulle ŉ swart massa spore en vertoon feitlik heeltemal swart. Onder goeie ontwikkelingstoestande vorm spore in die saadknoppe, die harde grysagtige sogenaamde “ergot”, die oorwinteringsliggaam van die betrokke swam. Sorghum produksiehandleidingreeks Kopiereg 8 <strong>Pannar</strong> Saad (Edms.) Bpk.
Page 2 and 3: INHOUDSOPGAWE Pannar Saad (Edms.) B
Page 4 and 5: -2g) Graansorghum besit die vermoë
Page 6 and 7: -4opbrengste lewer op swaar gronde
Page 8 and 9: 5. SAAD BENODIGDHEDE -6- Spasiërin
Page 10 and 11: d) Fosfor -8- Grondontledings word
Page 12 and 13: -10- Tabel 3: Kaliumtoediening vir
Page 14 and 15: -12- Die kringloop van plantluise i
Page 18 and 19: -16- Alle sorghums en veral voersor
Page 20: -18- Voordele wat mielies tans bo g

Graansorghum Cover - Pannar Seed

You also want an ePaper? Increase the reach of your titles

Delete template?

Save as template?