Gemeente Sake - Gereformeerde Kerk Rietvallei

Vandag
5 Augustus
Maandag
6 Augustus
Sondag 12
Augustus
Gemeente
Sake
Deurkollekte: Studentekas
Gasvryheid: Wyke C32 en C84
18:00 Feeskomitee
19:00 Bybelstudie gemeente
Deurkollekte: Uitreikaksies
Meelewing
Br Jan Venter is nie gesond nie.
Jan Greyling (B75) snr. is in ‘n
hospitaal op George opgeneem
met ‘n septiese wond aan sy hand.
Ons dink steeds in die tyd aan
Pattie van Heerden (A87) na die
afsterwe van haar eggenoot.
Gelukwensing
Wessel en Trina du Plessis (B41
0823225343) het weer ‘n kleindogter
ryker geword.
Gesprek oor aanbidding
Hoe loof ons die Here? Met ‘n orrel of
dromme? Of met ons harte? Kom
gesels saam met medegelowiges oor
die hoe van aanbidding en ons
gesindheid wat in ons harte behoort te
wees. Ons sal twee inleiers hê, Ds
Griffel van Wyk en Phia van Helden.
Wanneer: Donderdagaand 16
Augustus 19:00-21:00
Tema: Nie aan ons nie, Here, nie
aan ons nie, maar aan u Naam kom
die eer toe.
Naamplaatjies
Kom haal asb. die naamplaatjies wat u
bestel het by die kerkkantoor, tussen
die twee eredienste. Naamplaatjies
kos R20 elk en kan nog bestel word.
Rietvallei wyne te koop
In die lig van ons 25 jaar feesvieringe,
watter beter manier as om saam met
gelowiges ‘n glasie wyn te drink. Ons
het weereens wyn vanaf die Rietvallei
Kelders (naby Ashton) bestel. Op die
oomblik is daar net witwyn
(Chardonnay en Sauvignon Blanc) en
dit sal teen R40-00 per bottel of R240-
00 per boks verkoop word. Skakel Ds
Werner (0824121415) vir meer
inligting.
KKNK
Kom kuier Sondagaand
na die aanddiens saam
met ander jongmense
(19 – 35jr)
in die kerkhuis!
Bring net jouself...
die koffie is gratis!!!
5 Staanplekke oop vir kampering in
Maart/April 2013 by Maroela kamp -
Wildtuin. As jy wil saam met ‘n hele klomp
gemeentelede wil gaan kamp kontak
Karen in die kerkkantoor dadelik
2012 , Nommer 22 1 5 Augustus 2012

Uitreik
Belangrike inligting rondom
Eljadahuis!
Eljada Huis is nou geregistreer as ‘n
Artikel 21 maatskappy.
Neem asb kennis dat die
bankrekening (nr 9235728935)
gesluit gaan word.
Moet asb geen verdure betalings na
hierdie rekening maak nie! Kanselleer
ook asb aftrekorder/debietorder by u
bank.
Vir die korttermyn kan betalings
gemaak word na die Diakonie se
rekening:
Diakonie Rietvallei, ABSA, tak 632005,
reknommer 4051138620 met
DUIDELIKE VERWYSING:
ELJADA HUIS.
Die nuwe bankbesonderhede sal
binnekort aan u deurgegee word.
2 Augustus 2012
Dagsê Almal
Boekenhoutkloofstraat 949,
Claremont.
012 377 0503 / 072 855 8289
eljadahuis@mweb.co.za
www.eljadahuis.weebly.com
Ek kan maar net in stil dankbaarheid
kniel voor ons Skepper vir die genade
wat ek hierdie week ontvang het.
Voldoende vleis en kos om ons weer
vir die volgende week of twee deur te
sien. BAIE DANKIE aan een en almal
wat ‘n bydrae gelewer het.
Sy staan voor my met haar sagte blou
oë waarin die trane blink en sy sê baie
dankie vir my hulp. Haar jongste
seun(27) is die afgelope 10jaar reeds
aan heroien verslaaf en die aftakeling
van sy liggaam breek haar hart, soos
ook al die kere wat hy haar huis byna
leeggedra het, selfs haar blikkieskos,
om sy verslawing te bevredig. Hy was
al in verskeie sentrums vir hulp maar
keer op keer het hy weggeloop terug
na haar toe. Sy was al verplig om hom
te laat toesluit om haarself te beskerm.
Hoe moet ek haar troos want ek was
so bevoorreg in my lewe dat sulke
dinge by my verbygegaan het. My drie
dogters is gelukkig getroud en ek ‘n
ouma van vier kleinkinders wat ook
maar groen koring op my land is, dank
my Hemelse Vader dat ek so beskerm
was tot vandag toe. Vandag is haar eie
liggaam al so gebreek as gevolg van al
die spanning dat sy op 52 nie meer
produktief kan gaan werk nie en kry sy
net ongeskiktheidspensioen. Ons het
haar seun na die KuriakéBediening
geneem in Centurion waar Walther en
sy vrou Thereza met behulp van die
(Gos)pil mense met geloof deur hierdie
stryd help. Ons vra jul voorbidding vir
haar as opregte gelowige wat hierdie
keer werklik glo dat dit met hom sal
goed gaan. Volgens Walther het hy die
afgelope twee nagte deur hel gegaan
maar hulle ondersteun hom al die pad.
Sy moet egter R5000 bymekaarmaak
om die koste van hierdie program te
dek. Sy kan baie goed naaldwerk doen
en is bereid om daarvoor te werk.
Ek staan op die vooraand van reelings
vir Ds Willem – ons geestelike
steunpilaar se afskeid. Hy vertrek na
Potchefstroom waarheen hy beroep is.
Ons gaan hom onbeskryflik baie mis
maar gun hom hierdie nuwe uitdaging
en weet en vertrou dat hy dit met net
soveel passie sal uitvoer as sy
betrokkenheid hier by die Eljada Huis
die afgelope twee en ‘n half jaar. Hy
was een van die stigterslede van die
diensgroep toe die huis aangekoop is
en huidiglik ook nog een van die
direkteure. Ek vra almal se seenbede
vir hom.
2012 , Nommer 22 2 5 Augustus 2012

Met groot opgewondenheid wil ek
graag die skepping van ons webblad
en koppeling met “facebook”
aankondig. Ons webblad adres is
www.eljadahuis.weebly.com en ons
facebookbladsy se naam is eenvoudig
Eljada Huis. Ek is baie dankbaar
teenoor Magda en haar seun Johan
wat dit aan die gang gekry het. Ek is
besig om die ander inligting vir hulle
voor te berei om op die webblad te
plaas.
Soveel dankbaarheid en soveel
genade word ontvang by hierdie huis
en ons begin Maandag 13 Augustus
om dit ook verder uit te brei na ons
bejaardes toe. Liza Roux van
bejaardesorg in die omgewing het
gevra of ons die minder bevoorregte
bejaardes een maal per week kan
ontvang. ‘n Mooi program is
saamgestel wat dan inval met ons
bybelstudie saam met Ds Cobus
Rossouw van GK Daspoort om 10 uur
en dan daarna ‘n paar lekker besigbly
dinge. ‘n Middagete sal dan aan hulle
voorgesit word. Kom kuier gerus en
geniet dit saam met ons.
Eljada Huis groete. Annatjie
Uitreik na Malawi
Studente van GK Cachet beplan om
DV gedurende Desember 2012 ‘n
sendingwerker in Malawi te
ondersteun.
Alhoewel 76 % van Malawi se
inwoners Christene is, beskik die
meeste nie oor hul eie Bybel nie. Daar
is selfs predikante in Malawi wat nie
hul eie Bybel kan bekostig nie. Hulle
gebruik slegs teksverse wat hulle
gememoriseer het.
Ons vra vir voorbidding vir hierdie
aksie, en indien moontlik enige ander
hulp wat voorsien kan word.
Om hierdie aksie te ondersteun word
die volgende benodig:
R55000 vir Bybels (R45 per Bybel)
R15000 vir vervoer in die vorm van
fietse. ( Hierdie fietse word
aan predikante uitgedeel om
by hul wydverspreide
gemeentes uit te kom.)
R70000 Totaal
Studente gaan:
Bybels en fietse versprei onder
betrokke gemeenskappe en predikante
Die sendingwerker help met fisiese
arbeid wat verrig moet word
Tyd onder die kinders in die
gemeenskappe spandeer
Die hoofdoel is om ‘n kultuur van
onafhanklikheid binne gemeentes te
kweek.
Volledige terugvoer sal in kerklike
tydskrifte soos “Die Kerkblad” en
“Kruispad” gegee word.
Baie dankie vir u hulp en voorbidding.
Vir enige navrae kontak gerus:
Marthiens Friedrich de Wet
Heymans
072 934 9135 084 629 7051
23050233@nwu.a
c.za
fwdewetjr@gmail.
com
Bankbesonderhede:
Gereformeerde Kerk
Cachet
Bank: Absa
Rekeningnommer: 06703400232
Takkode: 335138
Verwysing: Malawi
Uitreik
BERIG OOR DIE FRANSE
RADIOBEDIENING
Die Mali fonds wat vroeg vanjaar gestig is
om Christelike radiostasies in daardie land
logisties te versterk, het intussen mooi
gegroei, in besonder te danke aan kollektes
wat in Nieeu-Seeland hiervoor gereel is.
Die Noorde van Mali is vroeër vanjaar
oorgeneem deur radikale Moslem
bewegings wat die Sjaria wette letterlik
implementeer: ‘n paar dae gelede is ’n
jong man en ‘n jong vrou wat beskuldig is
2012 , Nommer 22 3 5 Augustus 2012

dat hulle buite-egtelike kinders saam
gehad het, gestenig terwyl twee honderd
mense in die omgewing gedwing is om
hierdie wrede toneel te kom aanskou. Die
aantal vlugtelinge uit die hele gebied neem
toe (hulle vlug meestal na die naburige
Algerië). Uitsprake van Afrika en
Europese leiers om in die Noorde militêr
in te gryp bly tot dusver net vae planne:
die traagheid van die sentrale regering in
Bamako om vordering te maak met sy eie
konstituering maak dit tans onmoontlik om
konkrete stappe in hierdie verband te
neem. Vir ons Christene bly egter die
sterkste wapen in hierdie stryd die
verkondiging van die Evangelie: dit is mos
die swaard van sy Woord wat Christus as
septer wil gebruik om oor die nasies te
regeer (Op. 19:15, HK Sondag 48). Die
verkondiging van die Evangelie deur
Christelike radios in Mali speel ‘n sentrale
rol in hierdie opsig, waaronder die
radioprogramme wat ons aan hulle gereeld
stuur. Indien ons Mali fonds nog bietjie
groei, kan ons oorweeg om nie net
materiaal (soos sonpanele) te help aankoop
nie, maar selfs om ‘n konsultant soon toe
te stuur teen die einde van die jaar: br
Chris-Johan Fourie en sy vrou Jeanette
was vir lank sendelinge in Madagaskar
waar hulle baie ervaring opgetel het met
die bou, bestuur en instandhouding van
radiostasies. Hulle stel beslis belang om in
hierdie projek deel te neem, en broer
Chris-Johan sien sy weg oop om fisies
daar te gaan help. Dit moet nog alles in
detail bespreek word, maar die vooruitsig
is reeds baie opwindend.
Bid asseblief dat die Here al die nodige
middele sal voorsien sodat ons hierdie
groot en noodsaaklike taak met ywer kan
aanpak tot eer van sy heilige Naam.
Ds Eric
Ander sake
Jannie Moolman
KAAS EN WYN AANSIT ETE
Bespreek 'n tafel vir jou en jou vriende
en kom geniet 'n
gesellige aand saam met ons –
10 mense per tafel
17 Augustus 2012,
18:30 / 19:00
Hoërskool Oos-Moot
R200 per persoon
Besprekings:
Retha vd Merwe - 083 752 0930
Marlene Richardson - 076 751 2235
Ten bate van President Kruger
Kinderhuise
BILTONGFEES!!!!!!
Die Gereformeerde Kerk Pretoria
Brooklyn hou 'n informele biltongfees op
Vrydag 17 Augustus in die DSG
skoolsaal in Duxburyweg om 18:30 vir
19:00. Op die spyskaart is daar baie,
baie biltong met vele variasies saam
met heerlike brode, kaas, konfyt, wyn of
koeldrank. Kaartjies is beskikbaar teen
R100 vir volwassenes, R75 per
hoërskool leerling en R50 per laerskool
leerling. Voorskools is gratis. Kontak
die Kerkkantoor by 012 362 0069.
Biltong om weg te neem sal ook te koop
aangebied word.
BEROEP ONTVANG EN AANVAAR
Ds JP le Roux van De
Aar/Strydenburg/Oranjerivier/
Philippolis-kombinasie na
Aranos/Khomas Hoogland/Namib
Kus-kombinasie.
2012 , Nommer 22 4 5 Augustus 2012

Eredienste
Oggenddiens (8:00 en 10:15)
Gooi alles wat jou terughou af,
volhard en voltooi die wedloop deur
op Jesus te fokus!
Hebreërs 12:1-2 “...laat ons elke las
van ons afgooi, ook die sonde wat ons
so maklik verstrik, en laat ons die
wedloop wat vir ons voorlê, met
volharding hardloop, die oog gevestig
op Jesus, die Begin en Voleinder van
die geloof.”
Psalm 104:1,8,9,19,20 Psalm 119:1,3
Psalm 33:5,6 Skrifberyming 74
In Hebreërs 12 leer die Here ons hoe
ons die wedloop van die lewe moet
hardloop.
Die dinge wat ons terughou en
keer om die wedloop te voltooi
Ons weet nie wat in die wedloop alles
op ons wag nie, maar ons weet wat die
einddoel is – om die wedloop klaar te
maak en om ewig by God te wees. Die
laste waarna in Hebreërs 12 verwys
word is dinge wat mens terughou,
ekstra gewig wat die wedloop moeilik
maak. Dit is dinge wat ons aandag
aftrek en wat veroorsaak dat ons fokus
op die verkeerde plek is. Behalwe vir
die laste, lees ons ook van die sonde
wat maklik verstrik in Hebreërs 12. Die
sonde wat uit mens se hart kom en
wat lei tot sondige dade, verstrik ons.
Dit draai so styf om ons bene, dat ons
sukkel om te hardloop.
Gooi hierdie dinge af en volhard
om die wedloop te voltooi
Die Here gee vir ons die opdrag om
elke las af te gooi, ook die sonde wat
ons so maklik verstrik. Gooi dit weg.
Kry dit uit jou pad uit. Kry dit uit jou
lewe uit. Stry elke dag teen die sonde.
Verder kry ons die opdrag om te
volhard. Om aan te hou. Om uit te hou.
Al is dit hoe moeilik. Dit vra groot
inspanning van ons. Maar dit is
moontlik om tot die einde toe te
volhard. Ons het ’n groot skare
geloofgetuies rondom ons wat ons
aanmoedig. Hulle getuig van God se
getrouheid en van ’n lewe in geloof.
Ons kan volhard en ons kan die
wedloop voltooi. Ons kan al die laste
afgooi. Hoe doen ons dit? Ons hou
ons oë op Jesus die Begin en
Voleinder van die geloof.
Doen dit deur jou oog op Jesus,
die Begin en Voleinder van die
geloof te hou!
Hy is die Begin van die geloof. Hy is
die Een wat die weg vir ons gebaan
het. Omdat Hy sy wedloop voltooi het,
kan ons ook ons wedloop voltooi. Hy is
die Begin van ons geloof – Hy maak
dit vir ons moontlik om te glo. Hy is die
Voleinder van die geloof – Hy is die
een wat ons geloof vol maak en perfek
maak, wat dit moontlik maak om
hierdie wedloop van ons te voltooi.
Ons kan volhard en die wedloop
voltooi deur ons oë op Jesus te hou.
Mag Hy ons lei om elke las af te gooi,
ook die sonde wat ons so maklik
verstrik – sodat ons die wedloop met
volharding kan hardloop met ons oë op
Hom! Amen.
2012 , Nommer 22 5 5 Augustus 2012

Eredienste
Aanddiens (18:30)
Teks : Hebreërs 9:1-22
Nederlandse Geloofsbelydenis art 21
Psalm 118:1,10 en 13; Psalm 96:1 en
5 ; Psalm 40:3 en 4
DIE LEWE Lê IN DIE BLOED
Wanneer ons werklik nadink oor die
offerdiens van die Israeliete bring dit
beelde na vore wat vir die
hedendaagse mens eerder afstootlik
is. Lees ‘n mens van al die spesifieke
offers wat gebring moes word, dan
was daar baie bloed wat gevloei het.
Maar vir ons om werklik die diepte van
die Evangelie te verstaan moet ons
ons kan vereenselwig met hierdie
offerdiens. Die kern van die offerdiens
en dan ook die Evangelie lê in
Levitikus 17:11. Vir ons om die
Evangelie te verstaan met ons hart en
verstand moet ons hierdie teks se
implikasies eers verstaan.
Hebreërs 9 is geskryf aan lesers wat
die Israelitiese offerdiens verstaan het,
maar ook die wonderlike vervulling in
Christus begin verstaan het. Die
skrywer van Hebreërs beklemtoon dan
in ons teks die tabernakel se
samestelling en wat die simboliek
daarvan was.
(vul die simboliek in die oop
spasies in)
In die Heilige was die
Kandelaar –
Tafel met offerbrode –
In die Allerheiligste was die
Goue wierookaltaar –
Die Ark –
En dan bring die skrywer van Hebreërs
ons na Levitikus 16, die beskrywing
van die Groot Versoendag. ‘n Gewone
mens, die hoëpriester, moes voor die
Here ingaan en versoening doen vir sy
eie en die volk se sonde, omdat sonde
juis skeiding bring tussen ons en God.
Maar dan die ryke Evangelie in die res
van ons teks (vers 11-22). Christus het
die pad oopgemaak vir die gelowiges
om self in die Allerheiligste in te kan
gaan. Ons Here Jesus het die hoogste
prys betaal, sodat ons gewetes deur
Hom skoongemaak is (vers 14 en 22).
Besef ons die werklikheid hiervan. Ons
mag nie meer toelaat dat
skuldgevoelens ons lewens beheer
nie. Ons nuwe lewens word
gekenmerk deur ‘n vashou en leef
saam met die Een wat die volle prys
betaal het. Dit laat ons besef dat ons
oortredings “so ver soos die ooste van
die weste verwyderd is (Psalm 103)”.
Het ons al hierdie groot genade ons
eie gemaak? Het ons al deel gekry
aan die ware lewe in Christus?
2012 , Nommer 22 6 5 Augustus 2012

KONTAKINLIGTING
PREDIKANTE
Dr. Naas Ferreira 012-345 2049
naas@gkrietvallei.co.za
Ds. Werner van den Heever
(082 4121415) werner@gkrietvallei.co.za
Ds. Gerhard van Rhyn 071 6133160,
gerhard@gkrietvallei.co.za
English Service : Rev. Arthur Miskin
(083 657 4980) agmiskin@gmail.com
Jannie Earle ( 012 997 4228 of
083 457 8075)
FRANSE RADIOBEDIENING:
Ds. Eric Kayayan (012 345-3495) Kantoor
Carlien Visser (012 347 1312)
foietvie@absamail.co.za
TOPIA (Toerusting vir predikante in Afrika):
Ds. Johannes Aucamp (072 815 7375)
johannes.aucamp@gmail.com
Ds. Rajesh Kumar (Bediening In Indië)
rajesh_kumarza@yahoo.com
SKRIBA
Hennie Steenkamp
(012-345 5381), (082 783 6130)
Faks (012-345 2365) skriba@gkrietvallei.co.za
KOSTER
Pieter Hoffman (012-345 2249) (082 898 2330)
ORRELIS
Willem Luitingh
(012 807 5952), (082 8400 644)
wluitingh@hotmail.com
KERKKANTOOR
FINANSIËLE AANGELEENTHEDE
Titus Van Aswegen Tel: 012-347 7362
E-pos: gerfriet@absamail.co.za
Faks: 086 537 7392
ATTESTATE EN ADMINISTRATIEWE
AANGELEENTHEDE
Karen de Lange Tel: 012-347 7362
E-pos: admin@gkrietvallei.co.za
Faks: 086 537 7392
Posadres: Posbus 914-1095, Wingatepark,
0153
ELJADA Mariana Steyn
(082 805 8306) eljada@gkrietvallei.co.za
ELJADI
Deleen Kornelius (012-993 4211)
deleenk@gmail.com
Lynelle Steyn (drsweers@gmail.com)
BIBLIOTEEK
Jannie Earle (012 997 4228 of 083 457 8075)
GEELBLADSYE
Trina du Plessis (082 322 5343)
trinaduplessis@gmail.com
DIAKONIE
Johan De Bruin (082 820 6669)
HOPE COMMUNITY CHURCH
Gerrit Kornelius 082 925 9569
PAUL JUNGNICKELHUIS
Rina Steenkamp (012-345 2365)
ELJADA HUIS - DASPOORT
Annatjie van Schalkwyk (012 377 0503/
072 855 8289)
DOMUS JUVENTUS TRUST (REDDERSBURG)
Johan Beumer (083 285 5511)
KONINGSKINDERS
Jacoba Kotzee (012-993 5560)
BERADINGSPAN
Elsie Ferreira (072 449 1982) :
Eferreira@medihelp.co.za
BANKBESONDERHEDE
Gereformeerde Kerk Rietvallei
Absa Menlyn (Takkode: 355 645)
Lopende Rekeningnommer: 3490 144 306
DIAKONIE
Lopende Rekeningnommer: 4051138620
FRANSE RADIOBEDIENING
Reformed Faith and Life; ABSA Menlyn;
Lopende Rekeningnommer: 40-4878 6755
HOPE COMMUNITY CHURCH
King’s Hope Foundation
Lopende Rekeningnommer: 4054747436
DOMUS JUVENTUS TRUST
Lopende Rekeningnommer: 4059 8178 66
JEUG
Sameroeper: Ds. Werner vd Heever (082
4121415) werner@gkrietvallei.co.za
2012 , Nommer 22 7 5 Augustus 2012