Download pdf - Textualscholarship.nl

O Boeteformulier 641
24
28
32
36
40
44
48
52
56
scepen, in onsuverheyden mijns levens, in traecheiden te gods
dienste, in nydicheiden mijnre herten, in overeten, in overdrinken.
Ic gheve mi sculdich in die zeven ghetiden vanden
dage, inden zeven gaven des heilichs gheests, in die zeven sacramenten
der heyligher kerken: tsacrament vanden outare,
tsacrament vanden doopsele, tsacrament vanden vormsele,
tsa crament vanden priesterscepe, tsacrament vanden huweleke,
tsacrament vander biechten ende inden sacramente vanden
olisel. Ic gheve mi sculdich inden zeven werken der ontfarmharticheden:
den hongherighen niet ghespijst en hebbe, den
dorsteghen niet gelavet en hebbe, den naecten niet ghecleet en
hebbe, den elendeghen niet gheherbercht en hebbe, den ghevangen
niet ghetroest en hebbe, den zieken niet ghevisenteert
en hebbe ende den doden niet ghegraven en hebbe. Ic gheve
mi sculdich van te doen dat ic laten soude ende te laten dat ic
doen soude: in ghebroken vastene ende in ghebroken vierten
ende in ghebrokene penitencie; dat ic mijn doopsel ontreynicht
hebbe jeghen den wille gods ons heren: in verzuuimenisse
alder goeder werken, in onverduldicheden, in torni -
ghen moede, in sceldene, in belghene, in vloekene, in lieghene,
in be|drieghene, in sweerne, in versweerne, in spotte, in achterspraken.
Ic gheve mi sculdich dat ic mi alte zeere besondicht
hebbe in etene, in drinkene, in slapene, in wakene, allene
of met yement ghemene, wetende oft onwetende, ende
menich goet gepeins dat ic versumet hebbe, ende menich
quaet ghepeins dat ic geleeft hebbe: in copene, in vercopene,
in weghene, in verweghene, in metene, in vermetene. Van desen
zonden ende van allen zonden daer mi god sculdich in
kent, die ic ye beghinc met minen voeten, ghetast met minen
handen, gehoert met minen oren, ghesien met minen oghen,
ghesproken met minen monde ende gedacht met mire herten
ende volbracht metten werken. Alle sijn si mi leet ende berouwen
mi zere, een werven, ander werven. Ic roepe ghenaden,
heere god, ghenade, weest mijns ghenadich arm sondich
mensche, ende wilt mi so langhe sparen in desen cranken levene,
dat ic mijn leven betren moet ende uwe gracie vercri -
ghen. Des jonne mi die vader, die zone ende die heilighe
gheest. Amen. Amen.
P 33 gheherbercht: hs. gheherbecht 39/40 verzuuimenisse: hs. verzwimenisse
152rb