Download pdf - Textualscholarship.nl

248
252
256
260
1
4
8
1
4
75 76 | 77 Berijmde overweging 637
met groter haesten lopen toet penitencien ende dese bequame tijt ende
daghe ter salicheit niet dus ledichlike, onnuttelike ende sonder vroechde
verliesen. Daer af sprect sinte Jan inder verholentheyt: O mensche,
ghedenct waer du af ghevallen best ende doet penitencie, ende hoet u
voert van sonden.
Daer om so laet ons nu goet werken also langhe als wij den tijt hebben,
op dat wij hier na niet en segghen met groten rouwe, als ons warent
sente Jeremyas ende seyt: Die somer es gheleden, die oechst is
geeynt, ende wij en sijn niet salich gheworden. Hier af vermaent ons
die goede Effrem ende seyt: O mijn alre liefte ende vriende | mijn,
ic bid u oetmoedelike, waket in dese corte tijt, arbeyt in deser elfster
ure; die vespertijt es ghenaect ende die vader des ghesins ende der ghehuyerde
knechte sel te hant comen met groter glorien ende lonen elken
na synen werken. Dus est waer ende openbaer bi veel exempelen
dat ghedenckenysse des doots den mensche leyt tot penitencye.
[76 BERIJMDE OVERWEGING VOOR RECHTERS]
Ghi, die gene die rechteren sijt,
hebt in u ghedachte talre tijt,
dats alse u clachten comen te voren,
soe wilt emmer die wederpartie daerop verhoren
ende dan therecht recht wel overzien
eer ghi vonnis gheeft van dien.
Want sulc vonijs als ghi gheeft nu,
salmen namaels gheven u,
ende oec alle menschen dies ghelike
die haer neringhe doen ongherechtelike.
[77 BERIJMDE OVERWEGING]
Weldaet sal dins verbeiden
als alle dinc van di sal sceyden.
Hebtstu dan wel ghedaen,
so sal weldaet bi di staen.
B 249/51 n.g. 254/5 Jer. 8:20
V 253/4 warent (waernen): ‘waarschuwt’
P 261 Na penitencye heeft hand 7 zijn paraaf geplaatst.
[76]
[77]
151rb