Download pdf - Textualscholarship.nl

108
112
116
120
124
128
132
136
140
75 Gerard van Vliederhoven, Cordiale 633
saligher, welke die droefheden des onsalichs levens verbeiden ende om
die corte vroechde des droefliken levens thant ende onversyenliken
nedervallen selt ter hellen. Als die prophete seyt in den souter: Die
doot sal comen op die ghene, ende levende sullen sij nederclimmen inder
hellen. Soe mochten dese spreken: Die droefheit des doots hebben |
ons omghevaen ende die vrese der hellen hebben ons omghebonden.
Lieve vriende, wat dunct u vanden riken ende machtegen menschen
deser werelt, ende en sterven sij niet als die ander? Vor waer, yae. Alse
seit die wise man: Allen menschen is ghemeyn een inganc toet desen
leven ende oec een uutganc. Oec seyt Job van desen: Die een staerft in
groten rijcheden ende in weelden, sijn lichaem is vol vetheden, sijn
been sijn vol vochticheden ende merchs. Die ander starft in bitterheden
sijnre zielen sonder alle rijcheden. Ende nochtan worden sij ghelijc
in der aerden gheworpen ende van den wormen verteert. Van desen
is ghescreven in de bibel: Sijn glorie en es niet dan wormen ende
*onreynicheit. Heden wert hi zeer gheeert ende vor morghenavont en
selen mens niet vinden. Des hebben wij exemple aen die uutnemende |
prince Alexander, die met machte hem al die werelt onderdanich
maecte, soe dat hi alleen een heer over al die werelt was ende een coninc
der coninghen gheheten was. Sich mensche, wat groetheyt is hem
bleven? Want den ghemeenen doot mytten andren moest hi sterven.
Doe mochte Alexander spreken als Job seegt: Ic ben be [d]roeft van minenre
glorien ende die crone es ghenomen van minen hoefde, ende
haes telijc ben ic nedergheworpen ende verderve altemale. Want sijn re -
gnacie en duyerde niet langher dan xii jaer. Als een poeta scrijft: Ende
hi en behielt niet meer dan een graf cuyme van viii voeten lanc. Nu siet
hoe die coninghen ende princen sterven ende vervaren als een droem.
Als poeta scrijft: Die doot deelt alle dinc. Alle salicheit deser tijt worden
gheeynt ende bescloten metter doot. Want eest alsmen seyt van
Abrahams ghelove, vander goedertierenheyt Josephs, vander karita|ten
Moeyses, vander stercheit Sampsons, vander minnen Finees, vander
saftmoedicheit Davids, vander mieraculen Helyseus, vander wijsheden
ende rijcheden Salomons, van der scoenheit Absolons, altoes es dat
ende der hystoreyen dit: ende hi es doot. Ende dus isset openbaer dat
B 116/7 Wijsh. 7:6 117/21 Job 21:23-26 122/4 1 Makk. 2:62-63 130/1 Job 19:9-10
K 123 Hs. onreyn’cheit (onreynercheit) met een afkortingsstreepje i.p.v. schrapje boven de y.
V 138 Finees: zoon van Eleazar; naam volgens Vulgaat, in Nederlands: Pinechas
148vb
149ra
149rb
P 132 xii: hs.: .xxij. met rasuur van de eerste x. 139 saftmoedicheit: hs. saftmoedicht met etje rechtsboven
de h.