Download pdf - Textualscholarship.nl

44
48
52
56
60
64
68
72
75 Gerard van Vliederhoven, Cordiale 631
ghescreven in der Coningen boecke: Wi sullen alle sterven ende gaen
inden aerden alse watere die niet weder en comen. Aldus moghen wi
merken dat die doot is dat uterste ende tleste punt al deser dingen.
Daer die poete of spreken: Die doot neemt alle dinc. Dien gheleerden
Catho ende Socrates hevet hi wech ghenomen. Alse spreket die wise
man: Die gheleerde sterft ghelijc den ongheleerden. Aldus sien wi dat
conste noch leringhe nyement vander doot en bewaert. Also sprect
ooc Ysayas die prophete: Waer sijn die gheleerde, waer sijn die die
woirden ewen consten wegen ende die lere der jongher? Of hi
segghen woude: Sy en leven noch sy en sijn hier niet, maer metten anderen
sijn sij wech. Maer of die poeta niet meer dan die twe en noemt
ghestorven, sechtu mi, elke mensche: Waer is Hector ghe|bleven, waer
is Julius, waer is Alexander, die alder mogenste; waer is Judas Machabeus
ende Sampson, die sterke van crachten; waer is *Cresis, die alre
rijcste; waer is Absolon, die alre scoenste; waer is Galienus, die grote
medicus, ende *Avicenna, sijn gheselle; waer is Salomon; waer is Tu -
lius; waer is die geleerste Arystotiles, waer is Plato, waer is Porphyrius,
waer is Virgilius, die geleerste onder alle die poeten? Ende sijn si
niet alle wech ghevaren als pelgryms ende gasten van enen dage? Voer -
waer, jaes. Want een van hem allen en es hier niet ghebleven. Haer
dage sijn wech gegaen in ydelheden ende haer jaren mit groter haesticheden.
Als die prophete seit inden souter: Die mensche gaet wech als
in enen scyen. Nu is hi starc ende machtich al sijnre sinne, morgen is
hi siec ende cranc of begraven inder aerden. Aldus wort gheprovet hoe
glydende, hoe broesch ende onduerich des menschen leven is, niet alleen
des armen menschen, mer oec die alre rijste ende machtichste.
Hier of spreect die heilege man Job vanden hovardigen menschen: Is
dat die hovardige mensche toten hemel opclymmet ende sijn hooft de
wolken raect, int leste sal | hi verloren worden als in een vulnysse.
Ende ghelijc enen droem sal hi wech gaen, ende men en saels niet vinden.
Baruch die prophete sprect: Waer sijn die princen des volcs, die
heerscapie hadden over die beesten op der aerden, die spelen metten
vogelen der luchten, ende die met sorchfuldicheit smeden ende gader-
147vb
148ra
B 42/3 cf. Mik. 1:4 47 Pr. 2:16 49/50 Jes. 19:12 63/4 cf. Ps. 101(102):12, 108(109):23, 38(39):7
68/71 Job 20:6-8 72/7 Bar. 3:16-19
K 49/50 Cf. Dusch, 6, r. 6-7: Wur syn de de worde der ee konden wegen...; hs. 73 F 28: waer sijn die die
woerde der ewe consten weghen 55 hs. tiesis 57 hs. amtema
V 55Cresis: Croesus, de rijke koning van Lydië 57/8 Tulllius: Marcus Tullius Cicero, Romeins redenaar
P 49 Na gheleerde is waer sijn die gheleerde doorgestreept. 73 Tussen hadden en over is op der geëxpungeerd.