Download pdf - Textualscholarship.nl

628 Het Wiesbadense handschrift folio 139vb-140vb | 147ra
24
28
32
36
40
44
48
52
mach spreken, no herte en mach peinsen.
Twee creaturen macti danne omme te verstane hem: om hem te
oeffene, omme hem te aenbedene. Hem ne mochtsi niet verstaen sonder
redene, niet aenbeden sonder kennessen, niet kennen | sonder verstannesse.
Twee creatuyren maecte hi danne, dat es te wetene de in -
ghelike ende die menschelike creature. Ende hi maketse so dat si
redene in hem hadden. Dese redene es eene begherte ende een wille die
alle aerdsche dinghen versmaedt, hemelsche dingen beghert; so ghevoecht
te wesene met den ghenen inden welken te bescouwene alle
begherten sijn vervult. Jeghen dese redene ne hadden dinghele ghee nen
contrarien wille, noch de mensche eer dat hi mesdede, sijns makers
ghebod verbrekende. Ne waer also houde als hi hadde sonde ghedaen
ende hi niet obedient of onderhoerech wilde wesen den oppersten, so
moesti obedient of onderhoerrech wesen sinen nedersten, dats te wetene
zijns selves vleesche. Ende hi ghevoelt in hem selven eene contrarie
begherte, jeghen sijne redene wedervechtende. Dit es de quade wille,
die in ons allen es vander mesdaet ons eersts vaders, de welke | wille
ons doet menich werven begheren dinghen die sijn jeghen onse zalichede.
Hier of seit myn here sente Pauwels, dat hi vant altoes in hem
eene natuyere ende een begherte die was contrarie met den vleessche
jeghen den gheest, de welke begherte es harde pijnlec wech te jaghene
ende te destrueerne, bedi het es een viant die [es] altoes met ons es:
slaep wi, waecken wi, eten wi, nemmer hine sceet van ons. Ne waer om
victorie te hebbene van desen viant, so es noet dat elkerlijc onder alle
dandre duegden hebben in hem caritate sonder de welke caritate niemene
mach sijne ziele behouden. Bedien so wi die caritate hevet, hi es
in state van zalicheden ende hi heeft alle duegeden. Want sone mach
niet staen te gadere met hoeftsonden, want *karitate es minne metter
welker die ghene diese hevet, minnet gode eerst om hem selven, sinen
vrient in gode ende sinen viant | om gode.
Die danne karitate hevet, minnet gode. Ne machne niet minnen, het
ne si dat hi hem becoemt. Hem ne mach hi niet becomen als hi es in
hoeftzonden, bedien god boven allen dinghen haet de sonden. Want de
viant van der hellen haet hi niet zonder om de zonde. Volghende es
B 40/2 cf. Rom. 7:23
K 49 hs. karitarie
V 53 hem becoemt: ‘aan hem (i.e. God) bevalt’
140ra
140rb
140va
P 24 mochtsi: de t interlineair toegevoegd. 46 caritate (1): de eerste t door de kopiist interlineair toegevoegd.
Tussen sonder en de is niemen doorgestreept en geëxpungeerd.