Download pdf - Textualscholarship.nl

624 Het Wiesbadense handschrift folio 137vb-138vb
8
1
4
8
12
16
20
24
biet ons nydechede. Dat derde was: Wijf, sich hier din kint. Dat beteekent
onsen evenkerstin te paeyse te setten. Dat iiii was: Mi dorst.
Dat beteekent ons evenskerstens salichede te begherne. Dat v was: Vader,
waer hebdi mi ghelaten. Dat verbiet ons traechede. Dat vi
was: Nu eest al voldaen. Dat verbiet ons gulsechede. Dat zevende
woert was: Vader, ic bevele u minen gheest. Dat verbiet ons onsuyverhede.
[70 DE ACHT ZALIGSPREKINGEN VAN CHRISTUS]
Dit es de leeringhe dien Jhesus Cristus, onse lieve heere god, leerde sinen
apostelen ende sine jongheren, alse ons sente Matheus ewangeliste
bescrijft in de ewanghelie. Ende seegt aldus dat ons heere clam op i
berch ende hi begonste aldus, alse hier na coemt.
Dit es dat yerste: Salich sijn si die arm sin van geeste, bedi dat rike
van den heme|le es hare. Hier op seegt de glose: Die es arm van geeste,
die oetmoedich es van herten. Bedi die arm gheest voet oetmoedichede.
Die sijn arem van geeste, al hebsi dat goet van der werelt, die hem
niet en verladet metter zorghen, maer dat si milde sijn ende nemmeer
dan haer noet nemen ende dander gheven doer gode. Ende harde wel
seit de ghelose die beghint van oetmoedicheden: bedi, deerste sonde
was hoverdichede.
Dander es: Salech sijn si die goedertieren sijn, bedi si sullen besitten
al erderike. Dat seit de ghelose: Die goedertiere mensche, die ne verbelghet
niemene, no hi en mach niet belghen, no hine begheert niemen
te derne, bedi die goedertierhede leert hem hoe hi onrecht verdraghen
sal. Dese doegt voet patiencie ende oetmoedichede van geeste.
Dat derde es: Salech sijn si die weenen over mi, bedi si sullen wesen
ghetroest. Dat segt de glose: Die weenen over hare sonden ende over
haren evenkerstins sonden ende om die begherte ende om die minne te
hemelrike | te comene, die sullen werden ghetroest met den heleghen
geest. Dese doegt voet morwede van herten.
Dat iiii es: Salech sijn si die hongher ende dorst hebben om de gherechtichede,
bedi si sullen werden versaet. Dat seit de glose: Dit sijn
die minres van den warachteghen god, die niet ghevoecht ne sijn dat si
selve gherecht sijn, maer altoes onghert hem omme vaert van gherechticheden.
Dese sullen versaet wesen metten goede van der boven, niet
B 5 Joh. 19:26-27 6 Joh. 19:28 7/8 Mat. 27:46 9 Joh. 19:30 10 Luc. 23:46
[70] 5/6 Mat. 5:3 13/4 Mat. 5:5 18/9 Mat. 5:4 23/4 Mat. 5:6
V [70] 26 onghert: i.e. honghert
[70]
138ra
138rb