Download pdf - Textualscholarship.nl

124
128
132
136
140
144
148
152
156
160
60 Leer van sint Paulus over de Heilige Geest 615
Merke wat dijn oeffeninghe es ende dijn leven es van buten, ende de
vruchte dijnre werken ende [ende] wat dine meninghe ende dijn onderstant
es van binnen. Merc weder du meer leves na tijtlicheit so na
ewicheit, weder du meer volghes den gheest ocht dine sinlecheit ocht
dine nature, ende ochtu meer oeffens ende minnes gode ofte craturen.
Ay, arm dorre menschen, du leves di selven, du minnes di selven, |
du behaghes dy selven, du soecs di selven ende du besittes di selven; du
heves noch vele onnaerds ende vele middels in di; du best onghelijc der
waerheit ende grof. De waerheit en vint gheene stad in di, want ghi sijt
onghestorven van binnen ende ongheoefent in den sinnen, ende onghelaten
dijns eyghens willen, ongheleert ende ongheleeft ende onverlicht
van godliker waerheit ende van hemelscher dinghen, ende ongherenen
van godliker minen. Du best te male utwendich ende
menichvuldich van binnen, onghestedich van gronde ende ghebreckelec
in allen dinen levene. Aey, du arm grof sondech mensche, du leves
contrarie den godliken wille ende jeghen rechte oerdinancie ende je -
ghen consciencie. Du, arm mensche, beroefs gode sijn loefs ende siere
eren, ende du hinders di selver dinre eewegher salicheit, ende du gheves
dinen naesten quaet exemple ende di selven de meeste scade. Och
mensche, nem di selven dinre ziele waere. | Maer die tijt sal comen dat
di god berespen sal ende saelt voer dijn aenschijn setten. Lieve kindere,
sijt wijs als de serpente ende simpel als de duve, ende vechtet manlec
metten ouden serpente. Uwe lendene selen ghegort sijn ende bernende
lanternen selen sijn in uwen handen. Ende werct manlike, ende
u herte werde ghesterct. Die u aenvochten hebben, si selen u ontsien
ende overmits gode seldi cracht werken. Ende hi sal te nieute maken
die ghene die u tribulacie doen.
Sinte Jan seit: Ghi en selt niet mijnnen die werelt noch die dinghen
die daer in sijn. Want soe wat in die werelt es, dat es ghenoulicheit
des vleeschs oft begheerlicheit der oghen oft hoverdicheit des levens,
die welke niet en sijn uten vader maer uter werelt. Dat sijn drie sonden
daer alle die | werelt mede omme gaet: dat es hoverdicheit, ghiericheit
ende oncuyscheit. Sinte Jan seit in Apocalipsi: Wee, wee, wee, allen den
gheenen die daer wonen in der eerden, dat es in erdschen dinghen. Sinte
Jheronimus seit: Es dat sake dattu dijn leven settes in den monde der
menschen, so bestu nu groot, nu cleine, nu nieman. Noch het es onmoghelec
dat wi souden ghebruken der jeghenwordeghen blijscapen
ende der toecomender. Sinte Augustijn: Si sijn alle verre van gode, die
145rb
145va
145vb
B 144 Mat. 10:16 145/6 Luc. 12:35 146/7 Ps. 30(31):25 150/1 1 Joh. 2:15-16 155/6 Apok. 8:13
P 124 werken: de r is rechtsboven de eerste e toegevoegd. 128 leves: aan het eind van de regel interlineair
toegevoegd. 142 Achter de laatste regel van kol. 145rb heeft hand 7 zijn paraaf geplaatst.