Download pdf - Textualscholarship.nl

52
56
60
64
68
72
76
80
84
88
60 Leer van sint Paulus over de Heilige Geest 613
tere: Gherechticheit ende vonnesse sijn een bereiden of bereidinghe
des stoels gods in ons. Dat es, si bereedt ons dat wi bequame werden
dat god in ons come ende sitte. Ende dit es dat ierste ghebod dat god
van ons wille ghevonnest hebben.
Daer na gherechticheit in ons: dat wi ons selven so rechten dat wi
onsen evenkerstin van allen dat wi hem mesdaen hebben ende van hem
tonrechte hebben, dat wi hem daer af ghenouch doen na onse macht,
wat wi daer omme liden souden, ja al souden wi dan om ons broot
gaen; want dat sal dat ghe|bod gods ende die minne overweghen. Die
minne heischt gherechticheit. Ende god wiltse loenen boven datmen
spreken can. Niet eer en sal een recht kerstin mensche offeren sijn
ghiften op den outaer eer hi dat ghedaen heeft; dats, niet eer en es sine
inwendeghe of ooc sine uutwendeghe offerande die hi gode doet bequame.
Ende dits te wetene dat waer es. Ende sinte Thomaes sprect in
Secunda Secunde dat een mensche die wedergheven sal ende mach
ende wille, maer verhout hijt ende vermerret hijt ende en doets niet,
dat houden ende merren es een dootlike zonde ende een dood der zielen.
Waer omme en mach die minne gods niet wesen metten mensche
in der tijt dat hem enich tidelike goet also verweghet, dat hijt met onrechte
ende jeghen dat ghebod gods begheert te houdene of ghecri ghet,
of neemt daer op eneghen vrede daer hi mach met machte of met behendicheden,
het si heimelic of openbaer? Ende alle die biechters die
de lieden hier in houden, dat sijn sviants voersprekers ende hulpers,
ende hier met bedrieghen si hem selven enten mensche. | Want die valsche
bescuddinghe die doet den mensche daer in te male verblinden
ende bliven. Wouden dese menschen haer leven aensien ende hem selven
niet velaten op haer lesen ende op haer blinde harde leven, si
mochten sien dat si buten minnen staen. Want si moghen vinden hoe
cleene een titelic dinc doetse beweghen jeghen gode ende jeghen rechtverdicheit;
ende hoe cleen occusoen alsi een cleen woordeken horen, si
werden ontset af in haren herten ende in monde; ende hoe lichtelic si
bedrouft werden om een cleen dinc dat hem afgaet jeghen die blijscep
inden heileghen gheest, die enen mensche so vele min bedroeft houdt
van weerleken saken, als hi meer mint dinghen die in der waerheit godlic
sijn. Ende hier omme so sijn dese liede tornich, stridende, murmererende,
volsprekens haestich; si behaghen hem selven, si en hebben
negheene vrede van binnen. Dat bewisen si metten woerden | ende met
werken. Ende ware die vrede inwendich oft uutwendich ghebrecht,
daer es god niet maer de viant. Want die prophete sprect dat gods stad
B 51/2 Ps. 88(89):15 89/90 cf. Ps 120(121):7
V 65 Secunda Secunde: verwijzing naar Summa Theologiae van Thomas van Aquino
144ra
144rb
144va