Download pdf - Textualscholarship.nl

608 Het Wiesbadense handschrift folio 135va-135vb
44
48
52
56
60
64
68
72
schen, sonder om dat ghi de ghelike doen sout? Bi hoverden zij di ghevallen,
ende bi oetmoedecheden moeten wi risen: jeghen onse wonde
en es gheene andre medicine.
Dat derde point principael es een claer bekennen dijns selfs, dwelke
die mensche ghecrijcht alsi dat buten hem es laet, ende merct bloet
beghin zijns levens, middel ende ende. De prophete Missyas segt: Dat
veroemoedeghen dijns rust in dat du kenst di inde middewaert. Dat es
te verstane: Merct wanen dattu comen best: vander massen der verdervenessen,
vanden pulvere ende vanden lime der erden ghewrocht, in
zonden | gheleeft ende ballinc best, versteken uten paradise. Ende
voert merct werwaert trecst te stervene: den wormen, te pulvere, te asschen.
Leefstu nu, bi aventuren du sulst merghen sterven; heden ghe -
sont, marghen ziec; heden rike, merghen arem; hedin vroet, merghin
zinloos; heden gheredent, merghin sonder spreken. Wat menschen
mach dan zijn, die, dit al omtrent aensiende, hem dar roeren te eene -
gher hoverden, sonder die verblent es ende vergheten heeft datti mensche
es?
Dat iiii point principael es dat de mensche in eeren ende in weerdicheden
hebbe zinen evenkerstin, ende sonderlinghe de ghene die meere
zijn van state, ja lachamelike te verstane oec mede van buten. Want
dat es ghebod, also de apostel Paulus ghebied in eere andre maniere,
dat du niemens consciencie en ondervraghes, no en besoucs alse van
ghebreke, nochte en vonnest, sonder selfs die di voer al sculdich es bekent
ende naect *te zine. Ende dit hout over zeker dat elc mensche eeneghe
gracie heeft, bedect ofte openbaren, mids der welkere dat hi in
die oghen gods beter es dan du, ende dit es di boven al in dijn vonnesse
aller zekerst. Kennestu in wat state ende in wat grade van verdienten
dat du ende elc mensche waerst in de oghen van gode, so mochstu
di ofte andre menschen verheffen ofte vernederen naer dat kennen. Nu
en weestu dies niet also claerlike, de scrifture spreekt huten welken ne
gheen dinc zekere no profitelekere en es dan dattu nu na den raet Cris -
tus altoes di veroetmoedichst ende ganc sitten in de nederste stede.
Ende dit es, also seghet sente Augustijn, summe van ewangeliker vulmaectheden.
Also andworde een helich man int leven vanden vaderen,
B 46/7 cf. Mi. 6:14 61/4 cf. 1 Kor. 10:29 70/2 cf. Luc. 14:10
K 64 hs. de
135vb
V 46Missyas: de profeet Micha 48 wanen, ‘waarvandaan, van waar’ 49 vanden lime der erden: ‘uit het
slijk der aarde’
P 41 Bi: hs. heeft een B met een j op rasuur, waarschijnlijk door hand 7.