Download pdf - Textualscholarship.nl

606 Het Wiesbadense handschrift folio 135ra-135va
4
8
12
16
20
24
1
eere vander helegher moeder gods, wies helichede dingle loven ende
wonderen van harer hoecheden. Dingle hebben feeste ende yoye van
hare in hemelrike, ende de goede mensche in erdrike. Met allen rechte
verbliden si, want gheboren es de scare van Jacop den patriarche, die
ons brocht heeft de zonne van gherechticheden, dats Jhesus Kerst.
Gheboren es de roede van Jesse, up de welke, so Ysayas seit, sal rusten
de heleghe geest, ja de gheest van vroescepen ende van verstannessen,
de gheest van rade ende van moghentheden, de gheest van consente
ende vander goedertierheyt, ende wert vervullet vander vreesen gods,
dats van Jhesus Kerst. Gheboren es de ghebenedide vrouwe, die vanden
inghelen was gheboedtscap, vanden patriarken ghefigureert, vanden
propheten beheeten, den apostelen ende ons ghegheven, bin wies
tiden dat roude vander weerelt es comen. In also velen als dese feeste
es ghemeene allen kerstinen lieden, zijn wi ons sculdich te verblidene
ende te lovene. Nochtanne moghen wi twifelen van hem te lovene bij
onser ghebreckelicheden, also sente Augustinus secht: De ghene die
gode loft ende hem niet ne wacht van sonden, het ne profiteert hem niet.
Neware eist dat wi willen gode leven of ziere helegher moeder, wi moten
houden sine ghebode. Ic hebbe noot dat soe mi helpe, want ic ben
vul sonden. Ende de mont vanden besondichden ne mach niet loven
gode, het ne si dat soe bi hare grooter ghenaden, daer zoe altoos ghereet
of es te impetreerne van haren lieven kinde helpe. Ende op de hope van
harer hulpe so maghic mi niet onthouden, ic ne moet segghen van desen
woerden diere voerseit | zijn met Salomoene hare te eeren ende te love:
Ortus conclusus, fons signatus etc. Dese woert segt Salomoen.
[59 OVER VIER PUNTEN VAN OOTMOED]
Van IIII pointen van oetmoedicheden
Om dies wille dat die doghet van oemoedicheden so nootdorstich es
ten eeweghen levenne te comenne, hebben die heleghe leeres eeneghe
B [58] 8/11 Jes. 11:1-3
[59]
135rb
K [58] 27 In het handschrift worden de laatste woorden van de tekst, Dese woert segt Salomoen, op dezelfde
regel gevolgd door het opschrift Van iiii pointen van oetmoedicheden. De kopiist heeft ze ten onrechte
bij elkaar getrokken.
V 4 Dingle: ‘de engelen’ 15 roude vander weerelt: ‘de stam, boom van de wereld’, d.w.z. Jezus Christus,
die een tak en bloem is aan de boom van Jesse.
P 18 Augustinus: hs. aug9
[59] 1 Opschrift in dezelfde kleur inkt als de tekst.