Download pdf - Textualscholarship.nl

604 Het Wiesbadense handschrift folio 134rb-135ra
232
236
240
244
248
252
256
260
264
hebben dat zij sijn ter stede daer si begheeren also houde alsi willen.
Ende dit behoert hem oec toe, soutsi hebben vulmaecte glorie. Ende in
deser manieren dat dingle zijn oft wesen, so sullen de menschen ghestaureert
of hermaect zijn. Heere, behouden uwen woerden, al eest
also ghij gheseit heeft dat de inghele in elke stede daer zi begheeren te
wesene, zijn also varinghe alsi willen, sone zijn si up de zelve wile niet
in de stede die si hebben ghelaten. Andwort mijn heere Anselmi: O,
seit hi, of god de inghele ende den puren mensche dese diviniteit ghe -
gheven heeft, zoude danne niet de lichame ons heeren Jhesus Cristus
hoghere ghepriveligiert zijn, die god ende mensche es? O ja hi, twelke
ons mildelike staet te gheloevene, want anders en ware gheene differencie
of tusschensceet tusschen hem ende den inghelen ende den
mensche. Ende merct, noch meer es hi niet vergadert aen die godlichede
die in allen steden es, bi den welken ic segghe, dat bi deser redene
ende den anderen voerseide van deser vijfster bedeckinghen tonsen
gheloeve ghenouch ghedaen es.
De vi bedeckinghe dat es hoe dat men dit sacrament breect, kuwet
ende swelghet, dat het nochtan al gheheel blivet. O, segt een meester,
van | hoe groter overvloyender minne so es ghegheven dit sacrament.
Want god, die ons niet alleene ghemaect heeft gheestelijc maer oec
vleeschelijc, die wilde oec vleeschelijc in ons comen. Eene redene die
andwort op dese bedeckinghe, ende seit dat onse heere op eenen tijt
vijf dusentich voedde met v gheerstinen brooden ende met ii visschen,
ende datter overbleven xii corve vul reliefs. Segt mijn heere sente Augustijn,
dat na dien dat dit broot tebroken, ghecnuwet ende gheswol -
ghen was, ende nochtanne xii corve alle vul overbleven ende daer
menich gheheel broot in was, dat goet te gheloevene es, soe eist dan
licht te ghelovene vanden lichame ons heeren dat hi te heel ende ontebroken
blijft. Eene andere redene es, hoe dat men vint in de oude wet
van eenen wivekine, die eene mate olyen hadde, twelke wiveken zoe
ende hare kindere elkes daghes namen ende besichden van ghore olye.
Newaer omme de benedictie diere een prophete over ghedaen hadde,
wat dat sire ofnamen ende besichden, gone mate bleef emmer vul ende
gheheel. Ende na dien dan dat dit de benedictie eens menschen vermochte,
so eist claer te gheloevene dat god met sire benedictie den li-
B 252/4 cf. Mat. 14:13-21 260/4 Cf. 2 Kon. 4:1-7
134va
V 233/4 ghestaureert: ‘hersteld, goedgemaakt’ 234 behouden uwen woerden: ‘zonder aan uw woorden
afbreuk te doen’ 261 ghore: dativus van gene, gone
P 233 oft wesen: op rasuur, waarschijnlijk door hand 7. 255 ghecnuwet: de n is boven de regel toegevoegd.
261 Tussen van en ghore is hare doorgestreept.