Download pdf - Textualscholarship.nl

602 Het Wiesbadense handschrift folio 133va-134rb
160
164
168
172
176
180
184
188
192
dat ghemaect es verwandelen in een ander dat beter es. Eene derde redene
, de welke seghet sente Gregorius, dat god Moysesse om de
bekeeringhe vanden coninc pharaone sine rode huut siere hant werpen
hiet ende soe soude verwandelen in eenen serpente; ende Moyses die
dede alsoe, ende ghene substancie van roede verwandelde inde substancie
van eenen serpente. Ende na dien dat de godlike macht dit in
Moysesse wrochte, so es hi wel machtich huut den pape de verwandelinghe
te makene vanden broede ende vanden wine in sine soete substancie.
Gregorius segt: Eene vierde redene comt hier toe, ende segt dat
god onse donkere lichamen – die wi nu draghen ende die der dood
noch donkere wesen sullen ende daer na noch leliker werden sullen –
verwandelen sal te verrisene, dat also grote claerheyt, dat gheen
oghen die nu zijn, bescouwen mochten. Na dien dat god de donkerheyt
van onsen lichamen in also glorieuser glorien verwandelen zal,
soe eist een cleine dinc te gheloevene ende hem i licht te doene na deser
achterster ghedoechder macht ende al den anderen voerseit, in dese
eerste bedeckinghe de zalighe verwandelinghe te doene.
Jhesus danne bedeckte hem. Dander bedeckinghe dat es dat inden
scine van eere also cleenre substancie als een hostie de lichame ons heeren
also groot es alsi was doe hi hinc inden cruce. Eene redene es hier
toe. Cont ende kenlijc es | den menighen dat god meerre es dan nature
bi gheliken: een man comt die hevet eenen spieghel, ende ga staen
voer eenen torre ende houde ghenen spieghel jeghen ghenen torre.
Ghenen torre sal hem al te male in ghenen spieghel representeren die
nochtanne dusentich werven meerre es dan ghenen spieghel. Ende na
dien danne dat een arem spieghel makerkin bi siere conste vermach, so
eist danne gode eene cleene dinc te doene, die alle conste ghemaect
heeft ende die boven alle consten es.
De derde bedeckinghe dat es hoe dat dit sacrament ghedivideert of
ghedeelt ende menighen ghegheven es, dat het nochtanne in elken deele
als int gheheele vulmaect es, ende int gheheele alst in elken es. Eene
redene in figuren diere verclaerst ons dese bedeckinghe ende segt aldus:
Neemt eenen spieghel ende houtene voer dijn aenscijn. Ghi sulter
in zien al gheheel u ansichte. Breect ghenen spieghel in xx of in xxx
sticken, ghi sult in elken sticke hu aensichte al gheheel aenscouwen, ja,
B 160/5 cf. Ex. 7:8-10
K 170 es: noodzakelijke toevoeging
V 163 roede: ‘staf’ 165 pape (pap): ‘mengsel, brij’ 181 torre (toren): ‘toren’
P 167 segt: interlineair toegevoegd. 168 dood: de tweede d verbeterd uit een t.
133vb