Download pdf - Textualscholarship.nl

124
128
132
136
140
144
148
152
156
57 Preek over Johannes 8:59 601
decthede dat es dat daer dat brood ende die wijn verwandelt es int
vleesch ende int bloet ons heeren Jhesus Cristus. Dander bedeckinghe
dat es dat inden scine van also cleenre substancie als eene hostie ons
heeren lichame also groot ende also ghewillich es als hi hinc inden cruce.
Die derde bedeckinghe dat es hoe dat dit sacrament ghedivideert of
ghedeelt ende meneghen ghegheven es, dat het nochtanne in elken deele
als int gheheele vulmaect es, ende int gheheele alst in elken deele es.
De iiii bedeckinghe dat es dat de lachame ons heeren in dit sacrament
also claer es alsi was doe hi verrees vander doot te live. De v bede c -
kinghe dat es dat de lichame ons heeren inden outaer ende in allen
outa ren ghelijc es als hi sit ter rechter hant zijns vaders; ende die wi
aenbeden hier inden outaer, datti de selve die daer es, | hier es, ende
nochtan daer blivende es, ende die daer ende hier es blivende, newaer
een lichame es. De vi bedeckinghe es hoe men dit sacrament breect,
knuwet, zwelghet, dat het nochtan al gheheel blijft. Ende dit zijn vi bedeckinghen
van desen heleghen sacramente.
Jhesus dan bedecte hem ende ghinc uten temple. Goede heere, nu
wilden wi u gherne bidden, om dat wi in verstannessen cleene zijn, dat
ghi ons dese vi subtile pointe verclaret. Want al waren wi logiciene
ende studente van Parijs, so zijn zij ons studiens ghenouch.
Nu, ghi heeren, om de hovessche manighe van hu lieden ende
omme den lof ende prijs ons heeren, ende om uwer lieder instructie of
ghestichtichede, soe willic mi van minnen gherne daer toe pinen. Mijn
heere sente Augustijn die segt dat dit te ghelovene es harde grote salicheit,
newaer dit te gronde of tondersoukene es mijnder zalicheyt.
Nu, ter eeren ons heeren ende tonser alre zalicheit, comende ter eerster
bedeckinghe: dat broot ende die wijn verwandelt int bloet Jhesu
Cristi. Weet, alle mine lieve vriende, dat de nature herde machtich es.
Een mensche die nemet i sticke broots ende eenen toghe wijns, ende
nut het tgheent, soe es eene hitte in de menschelike nature, die gheent
broot ende genen wijn verwandelt in zijn vleesch ende in zijn bloet.
Wel dan mach de almachteghe god, die de nature ghemaect hevet ende
die boven der naturen es, dit broot ende desen wijn verwandelen in
zijn vleesch ende in zijn bloet. Eene andere redene es hier toe, de welke
mijn heere sente Anselmus seghet: Eer eenighe crea|tuere gheworden,
god so makede alle creaturen ende alle dinc. So mach hi wel dan
eene ghemaecte substancie verwandelen in eene die edelre es, nadien
datti alle dinc eer si gheworden, ghemaect heeft. So mach hi dan wel
133rb
133va
V 124 ghewillich: ‘bereidwillig’ 128 lachame, cf. noot 120 149/50 ende nut het tgheent: ‘en dat nuttigt’
150 gheent: variant van aanw. vnw. gene
P 151 Na bloet is Eene andre redene es hier toe doorgestreept (cf. 154).