Download pdf - Textualscholarship.nl

68
72
76
80
84
88
92
96
100
57 Preek over Johannes 8:59 597
alsi in presencien saghen, dus dane suptile worden wesen soude, ende
met haren steeninen herten so scoten si den steenen, ende wildene hebben
ghesteent. Ende hier omme soe quaemt dat hem onse heere bedecte
ende ghinc uuyt ten temple. Jhesus die bedeckede hem danne
ende ghinc uut ten tempel.
Nu comt die heleghe kerke die vul van glorien es, ende dese compasselike
of deerlike ende presente of jeghenwoerdeghe bedeckinghe
van haren bequameliken brudegoem, onsen heere Jhesus Kerste, een
goet stic voersach, die heeft hare glorie bedect met eenen nederen
zanghe ende liet uter compassie van haren zoeten brudegome xiiii
nacht of meer voer vastenavond de commune of ghemeene huwelike te
doene ende dat bequame liedekin van Alleluja. Daer na so liet soe uter
grooter compassie tGloria in excelsis deo ende Te deum laudamus.
Ende nu, alse xiiii nacht voer paesschen wesende, so heeft soe ghelaten
uuyt eere overvloyende droufheyt tGloria patri ende beghint nu
hare messe ter ghelike van der messe van requiem. Newaer om dat men
bi alte groeter droufheit in wanhopen vallen mochte, so heeft soe ons
eene dinc ghelaten ons mede te consollatine ofte versolacene ende te
conforteerne, dat es dat glorieuse sacrament vanden lichame ende den
bloede Jhesu Cristi, dat inden scine van brode ten outare bedect es, de
welke bedeckinghe ghemaect was in witte donresdaghe. | In figure van
desen so staet bescreven in Genisi dat die vader van Ezauwe ende van
Jacoppe begheerde tetene van eere maniere van spisen, den welken sinen
sone Ezau hi vermaende dese spise te bereedene ende hem te
bringhene ende daerna van hem sine benedictie tontfane. De moedere
van desen kindren die hadde grote minne an haren jonxten sone Jacoppe
ende ghinc, de wile dat Ezau te woude was, om zijns vaders spise
ende bereede eene spise dewelke haer man plach gherne tetene, dewelke
spise Jacob brochte vor sinen vader, de welke dese goede at over
de spise die hi waende dat hem zijn outste sone bracht hadde, want in
alle sine sinne faelgierde hi sonder alleene int horen. Int sien so faelgierde
hi, want hi niet ne sach; int smaken ende int rieken so faelgierde
hi oec; ende int tasten so faelgierde hi mede, want hem Jacob an halse
ende an handen na der ghelike van Ezau ru ghemaect hadde.
Newaer int horen ne faelgierde hi niet, want hi seide: Dit zijn de han-
B 87/102 cf. Gen. 27 101/2 Gen. 27:22
131vb
V 67 suptile worden: ‘vernuftige, scherpzinnige woorden’ 84 consollatine: ‘vertroosten’; niet in MNW,
infinitief, verwant aan consolatie versolacene (versolasen): ‘opbeuren, bemoedigen’
P 82 der: hs. d’, boven de regel tussen van en messe toegevoegd.