Download pdf - Textualscholarship.nl

4
8
12
16
20
24
28
32
56 | 57 Preek over Johannes 8:59 595
ghinc uten temple. Dit bescrijft mijn heere sente Jan, die suptile ewangeliste,
in eene ewangelie die men leest vor dese, dat teenen tiden onse
heere Jhesus Cristus stont biden temple, den welken hi voerseit uteghinc.
Ende de meesters vander wet eescheden hem een teekin, ende hi
andworde ende seide: Breect desen tempel ende ic salne binnen iii daghen
wedermaken. De meesters zeiden: In xlvi jaren es desen tempel
ghemaect, ende du segghes: breect desen tempel ende in drie daghen
salickene wedermaken? Segt die ewangelie dat onse heere meende den
tempel van sinen lichame, den welken si doden souden ende hi binnen
dien derden daghe op doen staen soude. De andworde van desen meesteren
die was warachtich, al ne verstonden sise niet selve, doe zi seiden:
In xlvi jaren es desen tempel ghemaect.
Nu comt mijn heere sente Augustijn ende rekent ende aproprieert
dese xlvi jaren ter makinghe stempels dies lichame ons heeren Jhesu
Cristi, ende seit xlvi daghe over de xlvi jaren, also int ghemeene ghe -
seit es dat in elken daghe een jaer ute gaet; ende segt dat binnen xlvi
daghen de materie, die bi menscheliker generacien of winninghen ende
bi natuerlike in den lichame der vrouwen ontfanghen wert, bereet es
die ziele tontfane, die god upten xlvi dach inde bereedde materie |
sent; ende dat dus xlvi daghe sijn eer de ontfanckelike materie bereet
es van gode de ziele tontfane.
Goede heere, ende nu predecte [nu] di op de annunciacie van onser
vrouwen, dat also houde als Maria gheconsenteert ende gheseit hadde
totten inghel: ‘Siet hier die dierne gods; mi ghescie na dinen woerde’,
in hare was de composicie, de vergaderinghe der godliker natueren
metten lichame ende der ziele, vulmaect in eenen persone van Jhesus
Cristus. Waer omme segdi dan dat desen tempel binnen xlvi daghen
ghemaect was? Antwoert een meester in postillen zijn leere ende ze -
ghet dat die zuvere, *pure, cleene substancie die daer van Marien ghenomen
was, aen de welke hare die godlike nature vereenichde, also
cleene was dat onsen oghen hadde ghesijn onsienlijc. Maer dese lette-
B 4/16 cf. Joh. 2:18-21 27 Luc 1:38
K 32 pure: hs. pine
131ra
V 5 vor dese: ‘voor dit (evangelie)’. Het evangelie Joh. 8:46-59 werd gelezen op Passiezondag; een eerder
evangelie, Joh. 2:13-25, werd gelezen op de tweede dag van de voorgaande week (i.e. na de vierde zondag
in de veertigdagentijd).
P 14 verstonden: hs. verstont met den boven de t. 18 Tussen .xlvj en daghen is een woord of zijn enkele
letters uitgewist.