Download pdf - Textualscholarship.nl

590 Het Wiesbadense handschrift folio 129ra-129va
180
184
188
192
196
200
204
208
daet. Den gods sone ontfarmede dat hi was van hem ghesceeden ende
sine herve hadde verloren ende quam in eerdrike ende huwede aen
dese joncvrouwe. Ende op den selven dach doe hi was gheboren, was
ghemaect dese brulocht, doe hi hem voughede an onse menscheyt,
daer die prophete af seegt: Tanquam sponsus procedens de thalamo suo
etc. Onse heere, seegt hi, quam in siere cameren alse een brudegoem,
ende xxxii 1 ⁄2 jaer vacht hi omme haren wille, ende te lesten bleef hij
doot in die battalie doe hi starf anden cruce dor haren wille. Nu zi wij
sculdich te doene alse die joncvrouwe dede: alle daghe soude wij pensen
omme sine doot ende houden sine wapene in onsen ghedachte.
Sine wapenen waren dat cruce, dat spere, die naghele, die dorine
croone ende alle die andre manieren van siere passien.
Op desen telghe wasset die rose, die beteekent gheestelike materie.
Die ziele die altoos es ontsteken, verghetet lichte al dander vernoy
ende mach wale segghen: Vulnerata sum in caritate. Ic ben ghewont in
caritaten. Alse lief hevet die dronkene mensche den ghenen diene sceldet
alse de ghene diene priset; alsoe doet die heileghe ziele: soone verheeft
hare niet in bliscepen alsoe dronkin es in karitaten, ende soe ne
droevet niet van rouwen.
Dat v telg es alse die ziele hevet groote begheerte ende roupet op onsen
heere.
Op dese telghe waren ghe|clommen die heleghen, die wilen waren
maertelaren. Die begheerden die toecomste ons heeren ende seiden in
hare ghebeden: Veni, domine, et noli tardare etc. Comt, soete heere,
ende en merret niet langhe.
Op desen telghe was opgheclommen David, doe hij seide: Expectans
expectavi dominum. Sicut *cervus desiderat ad fontes aquarum, ita desiderat
anima mea ad te deus. Al beidende ontbeide hi gods ons heeren.
Ende also alse die hert begheert de fonteyne, alsoe begheert mine
ziele tot di, lieve god.
Sente Pauwels was oec gheclommen up desen telghe, doe hi seide:
Cupio dissolvi et esse cum Cristo. Infelix homo! Quis me *liberabit de
corpore mortis huius etc? Ic begheerde dit lijf te latene ende met gode
129rb
B 182, 183 Ps. 18(19):6 192, 192/3 cf. Hoogl. 5:7, 5:8 204/5, 206/7 Ps. 39(40):2, 41(42):2 209/10,
210/2 cf. Fil.1:23, Rom. 7:24
K 188 hs. dorine 204 hs. seruus 209 hs. liberavit
V 195 alsoe: samentrekking van als soe 201, 201/2 Dit is de tekst van een bekende antifoon.
P 207 Tussen tot en di is, aan het begin van de regel, waarschijnlijk ghi uitgewist.