Download pdf - Textualscholarship.nl

144
148
152
156
160
164
168
172
176
56 Palmboomtraktaat 589
uwe zielen. Ende moghe wi segghen met sente Pauwelse: Cristi bonus
odor sumus etc. Wij zijn in allen ziden soet roke ons heere.
Dat vierde telg van contemplacien es compunctie. Compunctie es alse
die ziele werdet ghenopet met pinen ons heeren, ende soe verghetet alderandre
pinen die hare moghen toe comen. Also alse die eenen na ghel
wille driven uuyt eenen houte, dat hine moet verdriven met eenen anderen
naghele, alsoe moet die ziele doen alse beseft nopinghe van vernoye.
Soe es so sculdich te peynsene omme die pine ende omme dat
vernoy dat hare soete amijs Jhesus doghede dore haren wille ander
crucen. Ende dese peinsinghe es hare sculdech alle andere quade | peinsinghen
te verdrivene ute haerre herten.
Op desen telghe maket die harpie haren nest. Dese voghele heeft
mannes ghedane, ende hi es so wreet, dat hi doot den eersten mensche
dien hi siet. Ende alse hine ghedoot heeft, soe drivet hi grooten rouwe
alse dicke alse hine siet die hi ghedodt heeft. Dese voghel beteekent die
ziele die heeft ghedoot hare ghelike. Want onse heere Jhesu Kerst was
ghedoot dore onse sonden, die onse ghelijchennesse nam ane der ma -
ghet sente Marien, siere liever moeder. Hier af es sculdich die ziele te
hebbene grooten rouwe, alse die tortelduve doet die heeft verloren haren
gheselle: alsoe comt op die stat daer hij starf ende soe vindet eene
plume van hem ochte eenich teekin, soe hevet soe seerecheyt dat soe
nemmermeer blide ne wert. Aldus es sculdich te doene die ziele die hevet
verloren Jhesu Kerste, haren lieven gheselle.
Alsoe alse eens conincs dochter was ende bleef weese, so quamen
hare viande ende namen haers heeren herve. Doe dit eens conincs sone
ghesach, doe ontfarmets hem ende quam neder ende huwede aen die
joncvrouwe, ende vacht soe langhe jeghen haer viande, dat hij weder
wan hare herve, ende te lesten bleef hij doot inden stride. Die joncvrouwe
nam des ridders wapene ende zijn ghereyde, die dore haren
wille was doot bleven, ende hevet leit ghehouden, ende alle daghe
ghinc soe weenende op die wapene ende dreef grooten rouwe. Dese
joncvrouwe, die eens conincs dochter was ende weese bleef ende hare
herve verloes, dat was die ziele Adaems, ons eerst vaders. Die was een |
harde hoghe man also langhe als hi was inden paradyse, maer alse hij
was ghesteken uten paradyse, verloes hij zijn herve omme sine mes -
B 143/4, 144 2 Kor. 2:15
128vb
129ra
V 147 alse: samentrekking van als se 155 ghedane: ‘gedaante’ 156 drivet ... rouwe: ‘jammert hartstochtelijk’;
cf. MNW rouwe
P 151 Jhesus: door de kopiist interlineair toegevoegd. 157 die – heeft: op rasuur, waarschijnlijk door
hand 7 (cursiva).