Download pdf - Textualscholarship.nl

586 Het Wiesbadense handschrift folio 127rb-128rb
40
44
48
52
56
60
64
68
72
Nu gawi ten palmboome van contemplacien. Die palmboom es
cleene ende | [ende] smal beneden ende groot ende breet boven. Also
sal zijn die ziele die wille clemmen in contemplacien. Soe es sculdich
te sine cleene ende *smal tote alle eerdschen dinghen ende tote allen
vleescheliken sinnen, ende groot ende wijt boven inder minnen gods
ende des evenkerstins. Want alse hare die ziele meer opwaert recket
alse die palmboom, so zij meer wasset in minnen. Dese palmboom es
sculdich te hebbene vii telgheren, ende op elke telghe eenen voghel
ende eene bloume.
Dat eerste telg es dat die ziele bescouwe haer selven. Want als die ziele
hare bekennet ende soe met goeder trouwen ondersceedet hare
consciencie, dat daer ne gheene dinc inne blivet dat gode mach meshaghen.
Op desen telghe maket die paeu sinen nest. Die paeu es van diere natueren,
alse hi slaept ontwaecht hij haestelike ende screiet vele zeere,
omme dat hij wanet hebben verloren sine scoenheyt. Dese voghel beteekint
de ziele, die altoos es sculdich tontsiene vander nacht deser
weerelt dat soe niet en verliese hare scoenheyt – dat es die joghet ende
die gracie ende dat goet dat hare god hevet ghedaen – ende met groo -
ter cracht screyet te onsen heere, alsoe mesgripet eeneghe zake van
sonden. Ende soe kennet ende ondersceedet dat hare gheberst.
Op desen telghe wasset eene harde scoone bloeme, die es van goeden
roeke ende hevet hemelsche verwe ende heet violette. Dese bloeme
beteekent omoedicheyt; want die gherne zijn onderhoerech, zij
gheven goeden roeke. Also es die narde een cruut cleene ende nedere
ende heet | van naturen: dat es oemoedicheyt, die es ontsteken metter
hitten van caritaten. Dus ghedane omoedicheyt ghevet grooten roke in
hemelrike. De omoedicheyt dede den gods sone comen in eerderike,
also alse onse vrouwe daer soe seide: Quia respexit humilitatem ancille
sue; ecce enim ex hoc etc. God bescouwe die omoedicheyt zijns jon -
ghes wives. Soe en seide niet haren maegdom noch hare edelheyt noch
hare caritate noch hare vele andre doegden daer so hare mochte af hebben
beromt, maer soe seide hare oemoedicheyt, omme dat eist eene die
speciaelste doegt ende principaelste, daer die gods sone omme quam
B 68/9, 69/70 Luc. 1:48
K 43 hs. zin al
V 59 alsoe: samentrekking van als soe 60 gheberst (gebersten): ‘ontbreekt’
P 44 Voor sinnen is het woord dinghen doorgestreept.
127va
127vb