Download pdf - Textualscholarship.nl

8
12
16
20
24
28
32
36
56 Palmboomtraktaat 585
contemplacie. Inden palmeboeme der crucen salmen gaderen die
vrucht van den live; in den palmeboem vander penitencien sal men gaderen
vii vruchte: die lichame iiii ende die ziele drie.
Die eerste vruchte die sal hebben die lichame die hevet ghedaen penitencie,
dat sal zijn claerheyt, alsoe die scrifture seghet: Fulgebunt iusti
sicut sol in regno patris eorum. Die gherechteghe liede selen scemeren
als die sonne int rike haers vaders. Daer af seegt sente Pauwels:
Salvatorem expectamus dominum Ihesum Cristum, qui se formabit
corpus humanitatis nostre transfiguratum corpori claritatis sue. Wij
ontbeiden onsen heere Jhesum Cristum, die sal vervormen den lichame
onser oemoedicheyt ende gheliken den lichame zire claerheyt.
Die ander vrocht dat sal zijn lichthede. Want die lichame sal zijn
alse licht alse tghepens. Daer af vintmen van onsen heere dat hi was so
licht in sine opverstannesse doe hij verbaerde den twee jongheren in
Emaus ende al te hant den apostelen in Jherusalem.
De derde vrucht sal zijn subtijlheit. Want sine selen niet wesen van |
grover naturen also si nu sijn, maer zij selen wesen harde subtijl, also
als men vint van onsen heere dat hij ghinc na sijn opverstannesse tote
sinen jongheren in dat huus beslotenre doren, dat hij te voren niet en
wilde doen. Maer doe dede hijt bij ziere grooter cracht.
Die vierde vrucht sal wesen onpilecheyt. Dat es gansheyt omme dat
zij selen zijn so gans, dat hem nemmermeer ne mach deeren noch ziecheyt
no zwaerheyt, no hitte no coude, no hongher no dorst, in lichame
no in ziele.
Dese iiii vruchte sal hebben die saleghe lichame. Die ziele salder hebben
drie. Die eerste sal zijn kinnesse vander godicheyt, daer die apostel
af spreect: Nunc videmus quasi in speculo et in enigmate, tunc autem facie
ad faciem. Nu kenne wine alse bij eere figuren ende bij spieghele, maer
na der verrisenessen sele wine kennen als hi es. Maer wij selene kennen
in waerheden sonder donckerheyt. Dat sal zijn eene groote bliscap die
hebben sal die heleghe ziele. Die andre bliscap sal zijn vander *menscheit
Jhesu Cristi, die si daer sal zien. Dese bliscap ne selen niet hebben die
inghele. Die derde bliscap sal zijn minne. Want hadde die ziele kennesse
in gode ende en minden sine niet, dat en ware hare negheene bliscap.
Maer si salne minnen, sien ende kennen.
B 9/10, 10/1Mat. 13:43 12/3, 13/5 Fil. 3:20-21 31/2, 32/3 1 Kor. 13:12
K 35 hs. mencsheit
127rb
V 25 onpilecheyt: cf. onpijnlicheit. De betekenis die MNW geeft (krachteloosheid), is onjuist. De term onpijnlicheit
is een vertaling van impassibilitas: het vermogen om geen lijden te ervaren. Voor de vier kwaliteiten
van het lichaam na het Laatste Oordeel, cf. CTV, lib. 7, cap. 28: claritas, agilitas, subtilitas, impassibilitas.