Download pdf - Textualscholarship.nl

164
168
172
176
180
184
55 | Ingevoegd blad 581
so seit onse heere inder ewangelien: Salech zijn de ghene | die arem zijn
van gheeste, want hemelrike es hare. Hoe nu een mensche ghesondecht
hadde in wanhopen, consti gheraken an dese medicine ende an dese
ghifte des helichs gheest dwelke ghewillich aermoede es, so ware hemelrike
zijn, ende soe en haddi niet daer omme te biddene.
Aldus hebbe wi die vii sonden ende die vii ghiften vonden die boeten
zijn jeghen die sonden. Nu bidde wi alle diet sien ofte horen, dat si
hem wachten van desen sonden, want de medicine es quaet te vindene.
Hoe sal nu ons heeren woert waer ghesijn, die ghesproken heeft: Wie
sondecht inden heleghen gheest, en[de] wert hem niet vergheven, no in
dese werelt noch in dandre. Sijn woert sal waer zijn. Nochtan selen wi
ghenade vinden. Daer onse heere spreect van ii weerelden, daer meent
hi dese wide weerelt daer wi in wandelen; die andre weerelt dats de
mensche. Hier af spreken die meesters: De mensche es eene cleyne
weerelt. Dats daer omme dat hi met allen dinghen heeft ghemeenscap.
In desen ii weerelden soe en werden de sonden niet vergheven. Ende
waer werden sij dan vergheven? In den gheest ende inder waerheden.
Hier af heeft onse heere ghesproken toten wivekine van Samarien.
Tote hare so sprac onse heere: Dien tijt so es nu commen dat die ghewareghe
anebeders gode anebeden sullen inden gheeste ende inder
waer heden. Nu bidde wi alle die dit sien ofte horen sullen, dat si onsen
heere bidden die dit te voerscine heeft brocht, dat hi sinen besten
niet en ontblive. Segt amen alle de ghene diet horen. Amen, amen. |
- - - - - - - - - - - - -
/f. 126, ingevoegd blad/
/126r/ /opgeplakte tekening: drie doden die opstaan uit hun lijkkisten/
/tekst onder de tekening:/
1 Och, ghi heren ende vrouwen,
wilt dit ghescrift te recht anscouwen,
ende wilt peinsen in alre tijt
4 wannen ghi comt ende wat ghi sijt.
B 164/5 Mat. 5:3 172/4 Mat. 12:32 182/4 Joh. 4:23
V /126r/ /tekst N/ 2 dit ghescrift: ‘deze afbeelding’
P 186 Tweede amen in rode inkt geschreven.
[N]
125vb