Download pdf - Textualscholarship.nl

580 Het Wiesbadense handschrift folio 125rb-126r
128
132
136
140
144
148
152
156
160
hadde in dien dat hi gracie hadde benijt, consti nu gheraken an dese oemoedichede,
so soude in hem cesseren alle nijt. Ende dan soudi sinen
evenkerstin jonnen der gracien ghelijc hem selven, ende dan soudem
god sire gracie jonnen.
Die derde ghifte des helichs gheest dat es ontfarmechede. Ontfarmechede
es eene doegt die teerst hare werc heeft op hare selven ende
daer na op sinen evenkerstin, ende dan ontfarmt god des menschen.
Hier af soe heeft god ghesproken inder ewangelien: Salech zijn si die
ontfarmech zijn, want zij selen ontfarmechede vinden. Hoe nu een
mensche ghesondecht hadde in dien dat hi gheestelike kindre in hem
ghedoot | hadde, consti nu gheraken an dese medicine der ontfarmi -
c heit, god die sout hem vergheven, die ontfarmech es, ende gheseit
heeft: Zijt ontfarmech also u hemelsche vader ontfarmech es.
Die vierde ghifte des helichs gheest dats gherechtichede. Gherechtichede
es eene doegt die elken gheeft dat sine es. Die gode nu opdraegt
al dat goet es, die gheeft hem tsine, want al goet van hem comt. Die nu
an hem selven trect dat ghebreckeleec es, die doet recht; ende sinen
evenkerstin minne ende karitate wijst, dats een gherechtich mensche.
Hier af spreect onse heere inder ewangelien: Salich zijn si die hongher
ende dorst hebben om de gherechtichede, want si selen versaet werden.
Die nu ghesondecht hadde op gods ontfarmechede, consti nu
gheraken an dese medicine der ghiften des helichs geests de welke gherechtichede
es, die gherechteghe god die sout hem vergheven.
Die vijfste gave des helichs gheest dat es godertierhede. Hier af heeft
onse heere ghesproken in der ewangelien: Salech zijn si die goedertiere
zijn, want si selen gods kindre heeten. Hoe nu de mensche ghesondecht
hadde met ondanckelicheden, consti nu gheraken an dese
medicine ende an dese ghifte des helichs gheests dewelke goedertierheyt
es, die goedertiere god die sout hem vergheven, die selve heeft
ghesproken: Leer an mi dat ic sachte ben ende goedertiere ende oemoedich
van herten.
Die seste ghifte des helichs gheest dats verduldichede, dwelke Job
hadde, die sprac: God gaeft, god naemt; de name ons heeren si ghebenedijt.
Die nu ghesondecht hadde in onverduldichede, consti gheraken
nu an dese medicine, an dese ghifte des helichs gheest dewelke verduldichede
es, die verduldeghe god die sout hem vergheven, die
verduldechleec voor ons allen ghedoogt heeft.
Die vii ghifte des helichs gheest dats ghewillich aermoede. Hier af
125va
B 133/4 Mat. 5:7 138 Luc. 6:36 144/5 Mat. 5:6 150/1 Mat. 5:9 155/6 Mat. 11:29 158/9 Job 1:21
P 141 Voor nu is op doorgestreept.