Download pdf - Textualscholarship.nl

88
92
96
100
104
108
112
116
120
124
55 Zeven zonden 579
es dat hi cranct sine sinne ende sine nature, die hi goet heeft vander
goetheit des helichs gheests. Dander point es, hi destru|eert die stat
daer die helighe gheest zijn werc in werken soude, ware soe bereet. Dat
derde point es dat [ende] hi maect den heleghen gheest onghewillich
sine gaven hem te ghevenne. Aldus hebbe wi gheprouft: die sondecht
met onverduldecheden, dat hi sondecht inden heleghen gheest.
Die sevende sonde es dat men sondecht met wanhopen. Dat dat
ghesondecht es inden heleghen gheest, dat prouve wi met iii redene.
Deerste es dat god alle dinc heeft ghemaect ute siere puerre goetheyt
om smenschen wille, op dat de mensche soude comen mids de creaturen
in kennessen gods. Wanneer dat nu de mensche sondecht in wanhopen,
es dit in hem te vergheefs. Hier omme mesdoet hi inden hele -
ghen gheest. Dander point es dat al dat god mensche es worden ende
hier ghewandelt heeft in dit erderike ende de doot heeft ghesmaect.
Ende alle de minen werken die hi heeft ghedaen, heeft hi ghedaen
ute sire goethede, om dat de mensche berouwenesse in sine goetheit
hebben soude. Alse onse heere seide: Hebt berouwenesse in mi ende
hu ghelove heeft u behouden. Alse nu de mensche valt in wanhopen,
mesdoet hi jeghen de goethede des helichs gheests, die ons dus vrien -
delec ghetroost heeft. Dat derde point es dat god heeft sinen heleghen
gheest ghesent in dapostele, ende alle die minne heeft ghetoegt die ons
nutteleec mochte zijn. Alse nu de mensche valt in wanhopen, so mesdoet
hi alte zeere in die goethede des helichs gheests, die hare selve also
mildelec heeft gheopenbaert. Aldus hebbe wi gheprouft, die sondecht
in wanhopen, dat hi sondecht in die heleghe gheest. Dit zijn de vii sonden
daer men mede sondecht in den heleghen gheest. |
Soe nu onse heere heeft ghesproken: Wie so sondecht inden hele -
ghen gheest en wert hem niet vergheven in dese weerelt noch in dan -
dre. Doch hebbe wi daer jeghen vanden medicine bi siere werdicheden.
Die medicinen zijn die vii ghiften des helichs gheest.
Die eerste dat es voersienechede. Hoe nu de mensche ghesondecht
hadde met voersienecheden, consti comen an dese gave der vorsie -
nicheyt, so soudi onbeeren te sondichene met vorsienicheden. Hier
omme sprac onse heere toten wivekine die men steenen soude: En wille
nemmermeer sonde doen; ic en doeme di niet. Alse hadde nu de
mensche ghesondecht met vorsienecheden ende en wilde hem selven
niet doemen, god en soudene niet doemen; aldus bleve hi onghedomt.
Dander ghifte des helichs gheests dats oemoedechede, die onse lieve
heere hadde ende zijn lieve moeder. Dese oemoedichede es eene
doeght die den mensche doet hem selven versmaden ende alle menschen
houdet beter dan hem selven. Hoe nu de mensche ghesondicht
B 101/2 cf. Luc. 7:50 111/2 Mat. 12:32 119/20 Joh. 8:11
125ra
125rb