Download pdf - Textualscholarship.nl

168
172
176
180
184
188
192
52 Ladder met dertig treden 575
de. Sente Augustijn secht: Wi sullen moeten laten onse quade be -
gheerte ende gheven dat wi hebben om gode. Ende dan so moghen wi
hopen zekerlike up de hemelsche bliscepe. Om des help ons Jhesus.
De xxviii es vroescepe, vander welkere onse heere secht: Sijt vroet
ghelijc den serpente ende simpel also de duve es. Tserpent es wel vroet,
bedi het gheeft al sine lichame omme thooft te behoudene. Dit serpent
es Jhesus Cristus, die hem selven gaf offerande sinen vader, ja, dor onsen
wille. Ende daer omme zijn wi sculdech ons selven te ghevene
omme hem te behoudene, die ons hooft es, ende sine ghebode met al
onser macht te behoudene. Also sente Pauwels dapostel seit: Jhesus
Kerst es onse hooft, ende hi wart meinsche dor ons; ende wi zijn sine
lede in dien dat wi volghen hem. Bedi de lede zijn sculdich te volghene
haren hoefde, twelke hi es beede vander | zielen ende vanden lichame.
De xxix es goede wille. Sente Gregorius secht: De nijt discordeert
altoos jeghen den goeden wille, want also houde als nijt comt in smenschen
herte, de goede wille moet vlien.
De xxx spurte van deser leedere es te vulstane in doegden toten
ende. Ende onse heere secht: Die ghene die vulstaet toten ende, werden
behouden.
Met deser leedere so ne clemmen niet de hoverdeghe, no die nijt ofte
hatisschepe draghen, no die hoerdome *zijn. Sente Ambrosius
secht dat niemene ne mach met deser leedere clemmen, hine hebbe
bruutcleedere an, dats gheloeve ende caritate. Ende die gheloeve ende
caritate sal hebben, hem wert dese leedere gherecht ende wort van
Ambrosis wint dat Jhesus Kerst ontfanghet *ter brulocht ende ter bliscepen
zonder ende. Daer so moete ons bringhen Jhesus Kerst bider
bede van ziere moeder. Des jonne ons de vader, de zone, de heleghe
gheest. Amen, amen.
B 170/1 Mat. 10:16 176/8 cf. Ef. 5:23, 30 184/5 Mat. 24:13
123vb
K 187 in: noodzakelijke toevoeging Hs. zijt; het onderwerp is derde persoon meervoud. 191 hs. der
V 187 hoerdome (hoerdom): ‘hoererij, overspel’ 190/1 wort – wint: betekenis onduidelijk, zinsdeel mogelijk
corrupt
P 169 Om – Jhesus: toegevoegd door andere hand, waarschijnlijk hand 7. 194 Tweede amen in rode inkt,
waarschijnlijk hand 7.