Download pdf - Textualscholarship.nl

574 Het Wiesbadense handschrift folio 123ra-123vb
132
136
140
144
148
152
156
160
164
hongherechen ende cleet den | ghenen die naect es, ende danne sultu
dijn vleesch niet onweert hebben.
De xix es dat wi sullen eeren vader ende moeder, ja beede vleeschelike
ende gheestelike. Onse vader gheestelijc dats Jhesus Kerst, dien wi
zijn sculdich te eerne ende sine ghebode te houdene. Onse moeder dats
de heleghe kerke, die wij zijn sculdich te eerne; die eerse, die hare ghebode
hout. Vanden vader naden vleesche segt sente Pauwels: Bruders,
zijt onderroerech uwen vader na den ghebode ons heeren, want hets
recht. Vaders, no maect u kinders niet gram, ja sonder redene, ne waer
voetse in goeder disciplinen ende inde leeringhe ons heeren.
De xx spurten es dat een can temperen sine tonghe ende sine worden.
Sente Gregorius secht: Doet goede wachte tuwer mont, ende als
tijt es, so swighet; ende alst tijt es, so spreket. Ne sech niet dat te swi -
ghene es ende swijch niet van dinghen die te segghene zijn. Want also
de mensche es ghecondampneert omme sine quade worden ende om
zijn quaet spreken, also es hi ghecondampneert om zijn ombetamelijc
zwighen.
Die xxi es goet raet. Also de scrifture segt: Doe suls doen alle dine
dinghen bi goeden rade, ende alst ghedaen wert en sal di niet berouwen.
De xxii es goet ende recht vonnesse. Sente Gregorius segt: Het ghevallet
dicken dat de ghene jugiert, newaer hi caens hem qualike onderwinden;
bedi hi condamneert den onsculdeghen ende verlost den sculdeghen.
De xxiii spurte es goede exemple. Sente Pauwels seit: Gheeft goede
exemple in hu werke beede voer gode ende voor de liede. |
De xxiiii spurte es te visenteerne de zieke. Also onse heere sprect:
Ic was ziec ende in den kerkere, ende ghine ne quaemt mi niet visenteren;
bedi dat ghi den minsten niet ne daet, hine dedet mi niet. Sente
Ambrosius secht: Heeft hu evenkerstin breke van etene of iewer, of
moghestu hem helpen ende te staden staen, so doet; doestuut niet ende
hi stervet, du sijs mansslachtich.
De xxv es dat men gherne de kerke antiert ende theleghe sacrament
eert ende ontfanghe ten minsten eenewarf of twee tsjaers, in dien dat
si sijn sonder hooftsonde, also sente Augustijn secht.
De xxvi es noyale offerande. Sente Gregorius secht dat de offerande
die met goeden wille es ghedaen, becomt gode.
De xxvii spurte van deser leedere es noyaleke te ghevene sine tien-
B 135/8 Ef. 6:1, 4 146/8 Sir. 32:24(19) 153/4 cf. Tit. 2:7 156 Mat. 25:43 157 Mat. 25:45
123rb
123va
V 136 onderroerech: vermoedelijk Vlaamse spellingvariant van onderhoerech 161 antiert (hantieren): ‘bezoekt’