Download pdf - Textualscholarship.nl

28
32
36
40
44
48
52
56
60
52 Ladder met dertig treden 571
De derde sporte es caritate. Sente Augustijn seit: Het nes so rike
man in de werelt, heefti niet caritate, hi es arem; ende het nes so | arem,
heeftise, hi es rike. Ende so es de lichame doot sonder de ziele, es dese
mensche doot die sonder caritate es.
Die iiii spurte es ghedoechsamhede, so onse heere segt, want si sijn
salech diese hebben ende gods kindre. Sente Augustijn seeghet: Eer dat
de quade mensche die quaet doet, so es hi ghewont selve also houde als
hijt peinsde in sine herte; bedi al tquade dat hi wille te di waert, comt
up hem.
De v es oemoedichede. Also onse heere seit: Leert van mi te sine oemoedech
ende goedertiere, so suldi vinden ruste tuwer zielen behouf.
De vi spurte es doghet. Also sente Ambrosius secht: Also de ghene
es te blameerne die becomt quaet onder de goede, so es de ghene te prisene
die goet es metten quaden.
De vii es te verghevene dat men hem mesdoet. Also sente Sepeliens
secht: Het nes in de weerelt so arem, hine mach doen aelmoesene. Hets
groote aelmoesene te verghevene dat men mesdoet, ende dit mach elc
meinsche doen.
De viii spurte es berouwenesse. De scrifture secht: Al ghelijc dat
water al verwint dat jeghen hem comt, also verwint berauwenesse al de
zonden die so vint inden mensche. Danne es rechte berouwenesse in
ons als wi besien de heleghe scrifture omme te doene de ghebode ons
heeren. In de maniere dat twijf haer besiet inden spieghel of soe iet
heeft in hare aensichte dat haren brudegoem mochte vernoyen, also
zijn wi ons sculdich te besiene inde scrifture ons heeren of wi besmit
zijn of ne zijn int aensichte ons brudegoems, dats Jhesus Kerst.
De ix spurte es bedinghe. Also sente | Pauwels secht: De weduwen
zijn sculdich te sine in bedinghen ende te hopene an gode; want twijf
die leeft in weelden es doot. Sente Ysidorus secht: Wat doestu ter kerken,
dune bringhes niet dine herte met di? Hets in dine kisten daer dijn
ghelt in es, dat so es; hets an dine perche met dinen cleederen, dat soe
es, ende inde poort harentare, daer men di sculdich es. Hoe waendi dat
god u bede hoert die ghi selve niet verstaet?
Die x spurte van deser leedere es biechte. Also sente Augustijn
seegt: Al de moneke ende al de canoneke ende alle clerke ende papen
die willen behouden zijn, si moten hebben ghelove, hope ende caritate,
ende hier mede volghet naer ghedoechsamhede, omoedichede ende
noyale biechte, ende penitencie om gode te doene met al siere herten.
B 30/1 cf. Mat. 5:8-9 35/6 Mat. 11:29 44/6 n.g. 52/4 cf. 1 Tim. 5:5-6
122rb
122va
V 32 also houde als: ‘zo snel als’; cf. MNW houde 63 noyale: ‘eerlijk, oprecht’; hetzelfde als MNW loyael