Download pdf - Textualscholarship.nl

570 Het Wiesbadense handschrift folio 121v-122va
1
4
8
12
16
20
24
/tekst boven de tekeningen:/
Sanctus Gregorius
Sanctus Iheronimus
Sanctus Augustinus
Sanctus Ambrosius |
- - - - - - - - - - - - -
[52 LADDER MET DERTIG TREDEN]
►Dits douwe testament ende dnyewe Jhesus Cristus◄
Sente Jheronimus seit van eenre leere de welke hadde xxx spurten.
Deene side van deser leedere dat es thoude testament, dandre es dnieuwe.
Vanden iersten, dats vanden houden, seghet Ysaias: De ghene die
voert gaet met rechte ende spreect warede, ende die van hem doet alle
vrecheden, ende die sine handen suvert van allen ghiften, ende die zijn
horen luket dat zi gheen quaet ne horen, ende sine oghen dat si gheen
quaet ne sien, dese dien dit doen, sullen sien den coninc van glorien in
sine scoenede. Sente Jheronimus seit dat liede souden maken wonin -
ghen ende niet wone daer in, ende si souden planten wijngaert
ende niet vanden wine drinken. Sente Pauwels seit: Het zijn liede die
hebben facelment of vate goudin ende selveren, houtin ende eerdin.
Wilde wi laten dese vate, wi souden becomen gods vate, ja, ende ghe -
reet tallen goeden werken. Wilden wi laten dese huse ende woninghe,
die zijn brekelijc omme gode, hi soude ons ontfanghen in sijn eewelike
rike.
Deerste sporte van deser leedere es rechtichede ende ghelove. Also
onse heere seegt: Eest dat ghij mi niet ne ghelovet, ghi sult sterven in
uwe sonden.
Dander sporte es hope. Wi zijn sculdich te hopene dat al dat wi
goets doen, god saelt ons lonen in dien dat wi in sinen dienst bliven.
Sente Gregorius seit dat de felle ende de besondeghe die gode niet ontsien
no de heleghe scrifture niet horen ne wille, sine moet niet hopen
op sine vrientscepe, no durren bedi te opene daer mens niet ne verdient,
dats hoverde.
B [52] 4/9 Jes. 33:15-17 11/2 cf. 2 Tim. 2:20-21 14/6 cf. 2 Kor. 5:1 18/9 cf. Joh. 8:24
V [52] 12 facelment: ‘vaatwerk’ 24 opene: West-Vlaamse spellingvariant voor hopene
[52]
122ra
P [52] Tekst geschreven door hand 9. 1 Titel is in een kadertje boven de kolom toegevoegd door hand 7
(textualis).