Download pdf - Textualscholarship.nl

566 Het Wiesbadense handschrift folio 120ra-120vb
12
16
20
24
28
32
36
40
1
4
Broeder, berout u des? Dan sal hi antwoerden: Jaet.
O mijn lieve broeder of zuster, belidi en bekendi dat ghi niet alsoe
en hebt ghelevet alse ghi waert sculdich te doene ende ghi wel hadt
ghemoghet; dat es u leet ende rout u zeere? Dan sal hi antwoerden:
Jaet.
Broeder, hebdi wille u te beteren ocht god ons lieve heere *Jhesus
Cristus* u den tijt ghevet ende tleven? Dan sal hi segghen: Jaey ic, met
goeder herten. |
Voert gheloevdi dies, dat onse lieve heere Jhesus Cristus omme
uwen wille staerf? Dan sal hi andwoerden: jaic, volcomelike.
Broeder, gheloevedi dies, dat ghi niet en moecht behouden werden,
het en ware overmyts sine heileghe doot. Dan sal hi andwoerden: Jaic.
O lieve broeder, daer omme dancket gode onsen lieven heere al die
wile dat uwe ziele in u es. In ons heeren doot alleene – soe segt al uwe
gheloeve – ende in ne geenen anderen dinghen, lieve zone, ghetroest u.
In die heyleghe doot ons lief heeren, soe hebt al uwe ghetrouwen. Sijnre
heylegher doot, soe beveelt u altemale; ende met sijnre heylegher
doot, soe bedect u altemale. In sine doot seldi u altemale setten; ende
te sijnre doot seldi u altemale gheven.
Ende wilt u god ordeelen, segt: Heere, die heyleghe doot ons liefs
heeren Jhesu Cristi sette ic tusschen uwe ordeel ende mine sonden.
Ende segt god: Du heeft verdient verdoemt te sine, andwoert: Heere,
die heylege doot uwes werdichs zoens settic tusschen u ende mi,
ende sine heylege verdiente offere ic u voer die verdiente die ic niet en
hebbe maer hebben soude.
Ende seeght god: Ic ben tornich op di, segt: Lieve heere, ic sette die
passye, dat werde cruce ende die doot ons heeren | Jhesu[s] Cristi tusschen
u strenghe ordeel ende mine ziele, nu ende in die ure mijnre
doot. Ende sprect dan: Heere, in dinen handen bevelijc u minen
gheest. Amen. |
[50 RIJMSPREUK]
Biechte sonder rouwe
ende vrient sonder trouwe
ende ghebet zonder ynnicheit,
dats al verloren arbeit,
als die scriftuere seit. |
K 16/7 Jhesus Cristus: hs. ihes xpi 37 Jhesu Cristi: hs. ihesus xpi
P 28 altemale (2): -male is aan het eind van de regel toegevoegd.
[50]
120rb
120va
120vb