Download pdf - Textualscholarship.nl

52
56
1
4
8
1
4
8
47 48 | 49 Ps.-Anselmus Cantuariensis, Admonitio morienti 565
node, ende in allen weghen ende sonderlinghe in mijnre lesten noot. So
ontfaet mine ziele in dinen ghebenedide ghelove, ende vercrighe mi,
zoete moeder Gods, warachtighe penitencie voer minen doot van al
minen sonden, ende waer ghelove, hope ende ghewareghe biechte,
ende die heilich olye ende dat helighe sacrement waerdelec tontfane,
also dat mi die duvel niet en wroeghen, ende dat ic quite moghe gaen
dat ewich vier; ende als mijn siele ghepresenteert sal werden voer gode,
dat ic dan niet wech en moete gaen gheconfuust | noch bedroeft, maer
dat ic vroylic comen moet voer dat ghebenedide anschijn ons lief heeren;
ende dat ic dat ewich aenscouwen moet met vruechden, met di,
soete moeder Gods, ende met allen saleghen zielen. Amen.
[48 GEBED TOT MARIA]
God gruetu, Maria, rose der doghet. God groet u, vyolette der oetmoedicheit.
God groet u overscone bloeme, ghelijc die lelye der zoeticheit,
ende al vol van ghenaden, ende al vol van gracien. God groet u,
voledel creatuere, moeder ende maghet, reine ende zuyver boven allen
maegden ende vrouwen. God groet u al vol heilicheden des oversten
keysers. Maria maghet, doer dine grote oetmoet ende grote ontfermicheit
helpt mi, arm zondare, toet uwes liefs zoens Jhesus ende uwer
ewigher salicheit. Amen, dats te segghene, dat moet waer sijn. In gods
namen. Amen, amen, amen. |
[49 PS.-ANSELMUS CANTUARIENSIS, ADMONITIO MORIENTI ET DE
PECCATIS SUIS NIMIS FORMIDANTI, EXCERPT]
Na sente Anselmus leere salmen eenen zieken mensche alse hi sterven
sal toespreken oft als hi cranc es aldus
Broeder, sidi des blide dat ghi in kerstene gheloeve sterven sult? Soe
sal hi andwoerden met goeder meeninghe: Jaey ic.
O lieve broeder oft lieve vrient, sidi des blide dat ghi op dese stede
oft in desen abite sterven sult? Soe sal hi andworden ut minnen: Jaey ic.
O lieve vrient oft broeder, belidi dies dat ghi qualike hebt ghelevet,
alsoe dat u verdiente niet goets en sal worden ghegheven, en si overmids
die ontfarmherticheit ons heeren Jhesu[s] Cristi? Dan sal hi andwoerden
met goeder meenynghe: Ja ic.
K [49] 10 Jhesu Cristi: hs. ihs xpi
P [49] 1/2 Opschrift in zwarte inkt, in een versierd kadertje, door hand 7.
[48]
[49]
119vb
120ra