Download pdf - Textualscholarship.nl

564 Het Wiesbadense handschrift folio 119ra-120ra
12
16
20
24
28
32
36
40
44
48
O *heerde lieve moeder ons heren Jhesu, des overste conincs, uutvercoren
eer die werelt ghemaect waert, du best een tempel ons heeren
ende een screyen des heleghen geest ende een toevlicht der sondaren.
Ic, arme sondaer, ben bedruct om die menichfuldicheit mijnre zonden,
overmits voer den anxt des lesten daghes, des bevenden ordeels des
rechten richters. Ic vlieghe met minre herten tot dijnre groter ontfermicheit
ende tot menichfuldicheit dijnre groter ontfermenisse toter
bescuddinghe den toren | gods. Ende ic en weet gheenen machtigher
den toren ons lief heren u zoens te vermakene dan u, werde Maria.
Ende ghi sijt van gode ghemaket een biddende moeder van ghenaden
ende een mylde vrouwe, also als die ontfermt ende helpes alle onsalige.
Also biddic u, zoete moeder Maria, dattu ontferms mi, arme sondare.
Want ic bekenne dat ic die ghebode ons heren niet ghehouden en
hebbe toet deser tijt, in ghedachten, in werken, in woerden, metten vii
hooftsonden ende met anderen sonden, overmids dat ons heere vertornet
mach sijn op mi.
O alre miltste vrouwe, ic bekenne dattu heves verdient te draghen
in [in] uwen werden lichame die de sonden der werelt droech om onsen
wille. Ic bekenne al mine sonden, also verre alsi mi vore staen, die
ic ghedaen hebbe van minen kintschen daghen tote nu toe, voer u mylde
vrouwe; die sijn mi alle leet ende rouwen mi zeere.
O alre miltste werde maghet, coninghinne, moeder ons lief heren
Jhesu Cristi. Helpt mi, aerm sondare, dat ic overmids di, du die waerdich
best alles loefs ende alder eeren ende alre werdicheit, vercrighe mi
betringhe aen uwen lieven werden zone Jhesus van allen minen sonden,
ende behoet mi voert van allen sonden. Ende ic bidde u dat ghi
niet en laet ghescieden dat ic emmermee come of blive in dat ghewaut |
der duvelen of mijnre vianden.
O alre hertelicste vrouwe, vercrighe mi eenen tijt goets salichs levens
ende hier na die stad des ewichs levens. Amen, dats te segghene,
dat moet waer sijn.
O alre soetste mynlike vrouwe boven allen vrouwen, en verswyme
niet mijn ghebet mer ontfanc mi, arme sondare, toet di vliende. Also
alstu mi broederscap kenst, metten dieren bloede dijns liefs soens verlost,
also helpt mi met meere ontfermicheit. Want ic di ghelove alre
ontfermicheit ende alre mildicheit, daer om bid ic di, edel vrouwe Maria,
dattu mi te hulpen comst in allen minen lidene ende anxt ende
K 12 hs. he eerde
V 16 bevenden: ‘angstaanjagende’ 19 bescuddinghe: ‘bescherming’
P 43 soetste: de eerste t boven de regel toegevoegd.
119rb
119va