Download pdf - Textualscholarship.nl

56
60
64
68
72
76
80
84
88
92
44 Over vier lichten 559
der ewiger salicheit. Want god en gheeft sijn rike der salicheit niet om
alle die rijcheit van ertrike, dan alleene om doget geeft god hemelrike.
Ende om gheene doget diemen oefenen mach soe en geeft god hemelrike
alsoe gerne als om ghewillich armoede. Want soe wie ghewillich
arm es, hi es hebbelijc ende bereet tot allen godliken dogeden. Die gewillich
arm es, hi scuwet die werelt ende die werelt scuwet hem weder.
Die werelt versmaedt hem ende hi versmaedt die werelt, want sijn rijc -
dom en es niet van deser werelt. Daer om es hem die werelt i cruce
ende bitterhede, ende hem gruwelt vander onsalicheit der werelt, want
die werelt es i doot | der zielen. Dese menscen die glorieren inden liden
ons heren Jhesu Cristi ende in al haren lidene dat hem god oft die werelt
toesent, maer der voerspoedicheit worden si bedroeft, want hem
die niet toe en behoert. In deser wijsen scouwen die vriende gods inden
lichte der glorien. In desen lichte stont sinte Pauwels doen hi
sprac: Dat moete verre van my sijn, dat ic in enigen dingen verblide
dan allene inden cruce ons heren Jhesu Cristi – dat es honger, dorst,
hitte ende coude, versmaetheit der werelt ende zwaren arbeyt. Dit cruce
drouch onse here Jhesus Cristus al sijn leven. Hier op seget sinte
Paulus: Of ic glorieren sal, soe sal ic glorieren in mine crancheit, in
mine siecheit, in al minen vernoye, dat die wille gods in my worde volbracht.
In desen lichte, in deser wijsen, moeten si glorieren in dit leven
die daer selen glorieren met gode inder eewicheit.
Die werelt wille dat licht der glorien hebben in haren sonden, in hoverden,
in ghiericheden, in voerspoede aen alle lijflike dinc, aen eere,
aen voerdeel ende aen alle dat den lichaem genouchlijc es. Ende om
dese glorie te hebbene, soe es si ongerechtich ende ongewarich ende
vol boesheden. Daer omme sal hare glorie verwandelen in groter
droefheit ende in groter sericheit. Haer lachen sal verwandelen in
weenen, in groter bitterheit aen siele, aen lijf. Alse dese die in gruweliken
| sonden te male verblint sijn ende [ende] daer in gestorven sijn,
ende die siele wech es in die ewige verdoemenisse, dan so comt die werelt
ende doet een feestelic uutvaert met dien besondichden lichame,
dien sij den alre vulsten wormen leveren. Hier toe seget onse here: Laet
die dode hare dode graven. Want alle die leven in dootsonden, die sijn
gewortelt ende gevest in deewige doot. Hier op seget onse here: Laet
die dode den doden graven. Nu comt die kerke ende geeft desen haer
gratie, haer missen, haer gebeden, haer aflaet ende pardoen den doden.
Ende den doden die willens in dootsonden leven ende dies niet en willen
laten overmids die willichlike gewoente – soe es die wille verenicht
metter gewoenten ende vest die menschen in die sonden daer hi met
B 62/3 cf. Joh. 18:36 70/1 Gal. 6:14 74 cf. 2 Kor. 11:30, 2 Kor. 12:5 90/1 Mat. 8:22
117vb
118ra