Download pdf - Textualscholarship.nl

558 Het Wiesbadense handschrift folio 117ra-118ra
20
24
28
32
36
40
44
48
52
men vervolgen alle dogeden op dat alre hoechste. Die dit licht edelec
ontfaen ende edelijc oefenen, die comen te groter rijcheit ende hoecheit
der dogeden. In desen lichte woent oetmoedicheit met alre salicheit,
met allen godliken doechden, die den mensce trecken | te gode
ende ute allen toevalleken dingen in een eenvoldege ruste, in godliker
eeren, in godliken scouwene, in godliker aendacht. In desen lichte
scouwen alle salige creaturen die behouden selen sijn.
Tderde es dat licht des geloven. Daer in stonden die salige propheten
ende die apostelen. In desen lichte bekenden si boven nature ende
wrachten boven nature ende geloefden boven nature. In desen lichte
mach die mensce comen boven nature ende werken wonderlike werken
boven alle werke der naturen. In desen lichte werket god inden
mensce sonder des menscen toedoen ende sonder sijn weten. Dat es
ons bewijst aen die apostelen, aen die marteleren ende aen menigen
heiligen, ende aenden woerden ende werken ons heren Jhesu Cristi.
Maer inden lichte der gratien en werct god niet sonder medewerken
des menscen. Daer omme es dat *weert meerder inden lichte des geloven
dan inden lichte der gratien. Doch en mach niement staen inden
lichte des geloven sonder dat licht der gratien, noch oec in dat licht der
gratien sonder dat licht des geloven. Tgelove werct ondertiden dat gratie
niet doen en mach, alse mirakelen. Maer gratie en mach niet goets
doen noch gratie sijn sonder gerecht gelove.
Tvierde licht volget hier naer, dat es dat licht der glorien. Dat seggen
selke datmen sal gebruken na dit leven inder ewicheit. Maer selke
seggen ons ende makens ons vroet dats niement en sal gebruken inder
ewicheit, hi en hebs hier eer een voersmake in desen levene, alsoe | dat
si worden begaeft met godliken gaven, alsoe dat si selken tijt droncken
schinen, alse sinte Peter geschiede; die sprac uter volheit des heilichs
geests ende doen seiden die Joden dat hi dronken ware. Doen hem
onse here transfigurerde, doen bat hi om iii tabernaculen: Jhesum i,
Elyam i, ende Moyses i. Ende van rechter volheit der glorien en eyschede
hi hem selven niet. Echter vinden wi van vele martelaren, ende
oec van sinte Petren, dat si blidelic ghingen te harer doet waert, want
si hadden voersmaec gehadt des ewichs levens. Alse goede menscen
hebben jegenspoet ende ongeval, liden ende vernoy ende versmaetheit
deser werelt, soe glorieren si vele meer dan si hem bedroeven, alssi
pensen dat haer rike niet en es van deser werelt. Ende dit es een glorie
B 45/7 cf. Hand. 2:13-15 47/9 Mat. 17:4
K 35 hs. weerc
P 54 Na soe is een woord doorgestreept.
117rb
117va