Download pdf - Textualscholarship.nl

556 Het Wiesbadense handschrift folio 116rb-117ra
448
452
456
460
464
468
472
476
480
Hi sprac: Dit en staet u niet te oordeelne.
Si sprac: Si sijn geordelt uten monde | Cristi des gods soens, ende
sijn oordeel staet my te wetene ute sinen monde; want die hi vloect
metten eweliken wee, die ordeelt hi. Dat sijn alle die sitten opten stoel
tsher Moyses ende die wet leren ende selve niet en doen; ende alle die
hem heilich ende afgesceiden veinsen, ende minnen prelatie ende hoecheit
ende tvoersitten ter tafelen ende der liede gruete ‘meester ende
heere’. Dese die vorsluten dat huys der weduwen met haren geveinsden
gebeden. Daer met verslinden si datmen den armen geven soude.
Van buten sijn si gecleet met stoolen ende met fringien, maer binnen
sijn si gelijc den graven der doder, daer die liede al over gaen; ende si
en weten niet watter binnen es, want si sijn vol doder liede gebeente
ende groter onreynicheit. Ende also sijn die ypocriten. Oec gaen sij om
die werelt omme te soekene eenen clusenare; ende alssine vonden hebben,
soe maken sine der hellen kint tweewerf meer dan si selve [selve]
sijn. Die clusenare bediet een paus of een groot prelaet, dien si setten
in sinte Peters stede.
Nu merct hoe datten nu die coninge ende die princen der werelt
tweevout arger maken dan si selve sijn. Want het es nu al meest symonie
dat nu die pause ende die prelate doen, want si vercoopen al tgeestelic
goet ende die sacramente subtijlike onder eenen geveynsden mantel.
Ende alsoe scriven sij den volke grote pardoene ende aflate ende
vele sonden quite, daer sij groten scat uut trecken; ende senden santen
van houte | ende van verwen gemaect achter lande, daer si groten scat
mede bejagen; ende seggen dat si comen inden name Jhesu Cristi, maer
en dade dat si halen, si en quamen niet. Daer omme sijn si drogenaren.
Want die Cristus sent, die en comen om silver no om gout. Met desen
ende met vele andre saken bedriegen si tvolc op ende neder. Ende dese
dingen die nu gescien, die comen al van plagen der sonden. Ende dat
eynde en es noch niet, alse onse heere selve voerseide. Want hoverdige
drogenaren ende leckeraren ende oncuyschenaren verslinden al
gheestelic goet alse helsce draken. Ende dit soe merct ende siet nu al
die werelt dore. Ende hier op sal comen swaer plage ende swaer slage.
Hier af ware noch vele te sprekene, ende dit laten wij nu hier aldus.
Want dat paepscap en wille des niet horen noch weten dat si onrecht
doen. Si slachten die van Jherusalem: si souden ons haten ende doen
B 453/4 cf. Luc. 20:47 474/5 Mat. 24:6 481/2 Mat. 23:37
116va
116vb
V 453 Op basis van de Latijnse brontekst zou verslinden i.p.v. versluten/vorsluten op zijn plaats zijn (cf.
Luc. 20:47: qui devorant).
P 480 Tussen si en onrecht is sonde doen ende doorgestreept.