Download pdf - Textualscholarship.nl

336
340
344
348
352
356
360
364
368
42 Antihiërarchische disputatie 553
handen gemaect sijn van silvere | ende van goude ende van houte ende
van steenen ende van eerden ende van metale, alle die dese oefenen
ende aenbeden ende chieren, die sijn gelijc ende selen verdoemt sijn
metten prophete antikerste ende metten drogeneren ende metten
manslachtegen ende metten verzwerers ende metten ongelovigen.
Nochtan dat dit die kerke weet ende gewarige scrift hier af heeft dat
ons in onse wet die beelden verboden sijn, soe doen si noch die beelden
menichfuldigen ende verchieren ende dierbaerder maken van tide
te tide, ende doen den lieden groot goet daer toe gheven. Ende dit
comt van ongelove ende om ghiericheit der offeranden. Ende si seggen
dat die beelden grote mirakel doen. Ach, bedrogen volc, ghi hebt ogen
ende en siet niet, oeren ende ghi en hoert niet. Want die u siende ende
horende maken souden, die maken u blint ende doof, want si winnen
meer aen die blinde dan aen die siende. Al siende leyden si die blinde
inden putte ende si winnen der ane; trecken sise weder ute, si winnender
ane.
Hi sprac: Die papen en vertheren niet den offer der afgode.
Si sprac: Alsmen feeste hout vanden heiligen, en doen si niet haer
cassen ende haer beelden vernisscen ende verchieren, ende en doen sise
niet eeren met trompen ende met instrumenten ende met sange, ende
en eten si dan niet ende drinken daermen den worscap houdt metten
offere dat daer geoffert wort, ende dies gelike van gulden die si den lieden
ingheven te houdene met maeltiden? Ende si doen vele outare maken
ende | vele broederscaps, om dat die liede haer ghiften daer toe
gheven ende grote testamente, dat si den armen souden geven te voedene
ende te cledene, die si cout ende hongerich laten gaen, ende cleeden
die beelden. Hier op sijn die papen weeldich ende ledich, ende
dragen diere cledere ende hebben behagelike, costelike wive. Hier af
seget sinte Jan in Apocalipsi vanden wive der oncuyscheit, dat si es
dronken vanden bloede der marteleren ende vanden offre der afgoden.
Nu merct die pause, cardenale, bisscopen ende abde, moneke, dekene,
canoneke ende rike papen, ende en houden si niet behagele wive ende
kindere seere verweent opten offer des bloets der martelaren ende opten
offer der beelden die si na hen doen maken? Ende alle beelden die
met handen gemaect sijn, dat sijn in die heilige scrift ende in die waerheit
afgode. Want si en hebben geest no leven, cracht no macht, ende
B 344/5 Mar. 8:18 347/8 Mat. 15:14 362 Apok. 17:1 367/9 cf. Hand. 19:26
115rb
115va
V 354 worscap (wertscap): ‘feestmaal’ 355/6 gulden ... houdene: ‘broederschap beleven’; cf. MNW gilde:
‘broederschap’
P 354 metten: geschreven boven het doorgestreepte vanden.