Download pdf - Textualscholarship.nl

552 Het Wiesbadense handschrift folio 114vb-115va
296
300
304
308
312
316
320
324
328
332
Hi sprac: Dat volc es quaet ende hart, ende daer omme moet men
hem hardelic leeren om te castiene.
Si sprac: Met al den castiene ende met alden predicatien die ghi alle
doet, soe en castidi die quade nemmermeer voer dat si u sien doen dat
ghi hem leert.
Hi sprac: Wi bidden vore hem in onse missen ende getiden, in psalmen,
in vigilien, in commendatien vor levende ende voer doode.
Si sprac: Ghi houdt vele van u selven ende van uwer bedingen. Maer
god en hoert dien sondere niet; want al beden si vele metter tongen
ende haren lippen, si hebben therte toten sonden die sij minnen ende
oeffenen. Ende oft u misse ende u gebet geen macht en heeft u selven
te bekeerne, hoe souden dan andre lieden daer mede bekeeren van haren
sonden?
Hi sprac: Den rouwe ende die bekeeringe geeft god den goeden dies
werdich sijn, ende die worden gesterct van goeder menscen gebede
ende verlicht van haren leeren.
Si sprac: Dat es waer. Inden tiden der heilighen bekeerden hem vele
menschen van sonden om haer heilich leven, ende worden gesticht in
penitencien ende in heiligen gelove met leeren der heiligen ende met
haren gebede. | Maer die phariseeuse en bekeerden tvolc niet te gode
noch toter wet. Want si en daden selve die wet niet, maer si leerdense
den volke. Ende oec dwongen si tvolc die gebode gods te breken om
haers selfs gebode die si maecten ende selve geboden. Ende alsoot doen
was, alsoe eest nu; want also gierich ende ongerechtich is tpaepscap nu
alst doen was.
Hi sprac: Welc sijn die gebode die si nu gebieden jegen die gebode
gods?
Si sprac: Si doen beelden maken ende bringen tvolc daer toe dat sise
aenbeden ende daer aen geloven dat god ende die heiligen doer die beelden
doen. Dit es jegen tgebod gods. Want dat eerste ende tmeeste gebot
es dat wij minnen ende aenbeden enen god, die Moyses ende die pro -
pheten ende alle gherechtige liede aenbeedden, ende die god Jhesus Cris -
tus ende die apostelen aenbeedden. Want god noch die heiligen en doen
niets niet dor die beelden, maer doer trechte gelove der oetmoedicheit
ende der ontfermicheit werct god dor sine heiligen al sine werke.
Hi sprac: En salmen dan die heligen niet eeren?
Si sprac: Jaet, also si gode hebben geheert met heiligen levene. Maer
niet met beelden, daer die ongelovige gode mede eerden, keysere ende
coningen, die vele heiligen marteliseerden om dat si haer beelden niet
en wilden aenbeden noch eere noch offerande doen en wilden. Ende
oec seget sinte Jan in Apocalipsi: Si die aenbeden den beelden die met
B 313/4 Mat. 23:3 320/1 cf. Ex. 20:4 322/3 cf. Mat. 22:37-38 333/5 cf. Apok. 9:20
115ra