Download pdf - Textualscholarship.nl

256
260
264
268
272
276
280
284
288
292
42 Antihiërarchische disputatie 551
die correxie die es elx in die borse. Maer mesdoen arme liede, die niet
en hebben te gevene, die setten si swaer penitentie oft si bannense ende
scandeliserense. Maer hoe openbaer sonden dat si selve doen, daer af
en willen si niet berespt sijn.
Hi sprac: Die leeke en souden niet berespen die geleerde, maer die
geleerde selen berespen die leeke.
Si sprac: Die beresperen en souden niet doen dat werc daer si den
andren af berespen willen. Een lantsheere die dieve ende mordeneren
verordeelt ende doetse dooden, hem en behoert niet toe dat hi stele of
morde. Ende alsoe en behoret hen niet toe sonde te doene die andren
lieden willen corrigeren van haren sonden.
Hi sprac: Die heren doen dicke dat si den volke verbieden. |
Si sprac: Daer omme worden si geplaecht ende oec haer volc. Ende
god salse verordeelen ende al dat quade met hem inden dage des ordeels.
Hi sprac: Wi sijn sculdich te gelovene in de heilige kerke.
Sij sprac: Dat es waer. Maer segt: Wie es die heilige kerke?
Hi sprac: Pause, bisscope ende papen, die gewijt ende geset sijn in
die stad gods.
Si sprac: Dat es waer, also verre als si houden die wet gods ende dat
gelove ons heren Jhesu Cristi in reynen levene ende in williger armoeden,
also sinte Peter dede. Dit es die keye ende die steen daer die heilige
kerke op gesticht is, maer niet op silver noch op gout oft op rijc -
heit deser werelt. Want van rijcheiden der werelt comt hoverde ende
nijt ende ghiericheit ende dronkenscap ende oncuyscheit ende man -
slacht ende ledige weeldicheit, die den mensche trage maect tote allen
dogeden. Daer omme verboot onse heere alle dese dinc der heiliger
kerken, om dat gods wet ende tkersten gelove daer mede al te nieute
gaet.
Hi sprac: Oft die cloestren ende die kerken geen goet en hadden,
waer op souden si dan leven ende haren staet houden?
Si sprac: Hilden si den staet der heiligen daer die heilige kerke op gesticht
es, soe en behoefden si niet alsoe vele goets. Maer nu houden si
den staet der hoverden ende der oncuyscheit. Daer omme en mochtse
al tgoet van eertrijc niet versaden; | daer om moet van noode sijn dat
sij van quaden volke geplaecht selen worden. Ende dit sal gescien om
dat si niet en leven alse priestre gods, ende om dat si niet en doen dat
si den volke leeren.
B 276/7 cf. Mat. 16:18
114va
114vb
P 270 Na kerke is hi doorgestreept. 271 Na Sij sprac is pause bisscoppen ende papen doorgestreept.
276/7 heilige: door de kopiist boven de regel toegevoegd, met invoegtekentje op de regel.