Download pdf - Textualscholarship.nl

188
192
196
200
204
208
212
42 Antihiërarchische disputatie 549
Ende oec seget sente Jan dat elken volghen sine *werke, dats opera
enim in lorum secuntur illos. Die goede werke doen, hem
[volheit] den loen; ende die sonde doen, hem volghet die pine. God en
verdoemt die goede niet om die sonden der quadere, noch hi en
maecht die quade niet salich om [die quade noch om] die doghet der
goedere. Hier omme segghet hi: Elken volghet sine werke ende niet
een anders werke. Want elc es dat hi es voer hem selven, es hi goet, es
hi quaet. Maer es hi met heileghen levene ende met ghewaeregher leeren
ende met goeden exemplen ende metter gracien gods, so mach men
menschen bekeeren van haren sonden ter penitencien ende te kennissen,
dat si daer mede behouden bliven. Maer wat die mysse den sielen
oft den zondaren helpt, daer af en seghet ons dat heileghe ewangelie
niet. Daer omme latict sijn alsoet es. Want ic vinde vele ghescreven dat
der | ewagelien niet en bestaet; ende dat stercken si alder meest die
hem selven soeken ende daer omme mysse doen om lijfliken loen, ghelijc
dat elc sijn ambacht doet dat hi gheleert heeft om sine neringhe.
Hi sprac: Waer omme geven dan die lieden haer ghelt ende haer goet
om myssen ende om ghebet?
Si sprac: Om hare blintheit ende om haer onghelove daer si in gheformeert
sijn vanden gheleerden die hem selven zoeken in alle dinc
ende in swaeren sonden leven. Want aelmoesene es men sculdich te
ghevene properlike om gode ende om noetdorft der aermere. Diese
also geeft, sijts seker, hi en sal sinen loen niet verliesen. Maer alle die
gheene die haren loen eyschen te haren wille ende liever hebben haren
wille dan den wille gods, ende gheven om dat haren wille ghescieden
soude, dese veliesen haren loen.
Hi sprac: Noch seghic, dat hoechste werc dat die mensche werken
mach, es dat die priester van brode mach maken den lijchame ons heeren
Jhesu Cristi. Noch die enghele en hebben die mach niet.
Si | sprac: Die macht en hebben si van hem selven niet, maer god hevet
ghegeven den woerden ende den gelove, ende daer om vermach dat
B 185/6 Apok. 14:13
113vb
114ra
K 185 hs. welke 186/7 Een latere hand schreef boven volheit een g. Omdat deze corrector er vermoedelijk
niet zeker van was dat zijn bedoeling werd begrepen, voegde hij ook het woord volghet in de marge
toe. Voor volheit plaatste dezelfde hand twee diagonale streepjes. Bedoeling is dat volheit vervangen
wordt door volghet.
V 185/6 cf. supra tekst 40, r. 7
P 186 volghet: in een cursiva in de marge toegevoegd. 212 dat die – van brode: de kopiist verbeterde met
verschillende tekens de onjuiste woordvolgorde. 214 Vanaf f. 114r wordt het kopieerwerk overgenomen
door hand 8. 215 woerden: de eerste e is boven de regel toegevoegd.