Download pdf - Textualscholarship.nl

112
116
120
124
128
132
136
140
144
148
42 Antihiërarchische disputatie 547
Hi sprac: Hets ons gheorlovet dat wi van myssen ende van al den sacramenten
moghen nemen onsen loen ende van den ghetyden te helpen
singhene om onse noetdorft.
Si sprac: Wie heeft u dies gheoerloeft?
Hi sprac: Die paus ende onse bisscoppe.
Si sprac: So eest herde seere verwandelt metter heileger kerken, alse
die prelate gheoerloven die dinghen die onse here Jhesus Cristus der
heileghen kerken verboet, dat si silver no gout en souden besitten,
noch ghelt in bighordele. Maer nu willen si hebben den scat deser werelt,
haer onmate ende onghelove ende vele sonden mede te sterckene.
Hi sprac: Het es gheoerloeft der kerken ende den priesteren scat te
hebbene, oft men hem onrecht wilde doen, dat si hem daer mede weren
souden.
Si sprac: Dien oerlof en gaf hem god niet. Maer si meeren vele sonden
ende onrechts, ende stercken hem daer in met haren scatte, ende
sijn ghierijch ende lecker alse woekerare, ende hoverdich ende oncuychs
alse | overspeelders. Si dinghen ende striden ende oerloghen
alse die prinse der werelt, ende maken hem mansclachtich ende vrouwen
crachtich. Dit werct al haer grote scat, die si ghecrighen met symonien
ende met myssen ende met aflate ende met karinen te vercopene.
Ende si gheven alle sonden quite om ghelt, ende zielen quite uten
vaechviere ende van ghesetter penitencie al quite, ende aldus bedrie -
ghen si tvolc. Ende soe wie in haren onghelove niet en willen gheloeven,
dien bannen si oft si willense bernen van ongheloeve.
Hi sprac: Wi sijn sculdich ghehoersam te sine onsen prelaten.
Si sprac: Dats waer also verre alse onse prelate ghehoersam sijn ende
si houden die oerdeneringen gods ende sijn ghebode also, dat wij haers
ghebetert ende ghestichticht sijn. Ende dit hoert allen den prelaten toe.
Hi sprac: Sette wi ons jegen onse prelaten, soe verderven wij ons.
Si sprac: Ons ware betre die doot des lichamen dan verdoemenisse
der zielen. Want eer antkerst coemt in siere groter macht, soe | souden
vele valscher propheten sijn diet tvolc bedrieghen souden. Dat
voersprac Cristus selve, ende dat sprac hi op gheleerde ende op prelate
ende op alle die bedriegers des volcs die scat ende goet ende voerdeel
soeken, gheveynsdelike dat si gheestelijc goet daer omme gheloven
te ghevene. Dese segghen dat si ghesent sijn in den name gods,
maer si comen om meeringhe haers scats.
Hi sprac: Die sonden gaen op hem ende niet op ons.
B 118/9 Mat. 10:9 141/2 Mat. 24:11
112vb
113ra
P 124/5 vele sonden ende onrechts: hs. vele onrechts ende sonden, met tussen vele en onrechts en tussen ende
en sonden twee diagonale streepjes met daarboven een a, in de hand van de kopiist.