Download pdf - Textualscholarship.nl

32
36
40
44
48
52
56
60
64
68
42 Antihiërarchische disputatie 545
penitencyen. Doch al sijnre vele gheroepen, si en sijn niet alle vercoren.
Dese vercorne waren vele eer, ja, eer noeyt priester mysse dede,
meer dander nu sijn.
Hi sprac: Ja, en gheloefdi niet dat hem die sondaren bekeeren doer
die misse der priestren, doer die cracht des heileghen sacraments ende
des gebeeds?
Sy sprac: Ic gheloeve dat heilec tsacrament alsoe heilech es ende al -
soe volcomen es in hem selven ende in den heileghen gheloeve, dat
geen sonderen noch gheene sonden en moghen ontheileghen noch
ontmaken sine volmaectheit. Want tsacrament dat es een godlijc wesen
| in der cracht ons gheloven. Nu merct dat sacrament dat Judas
nam ende dat sente Peter nam, dat hadde beide een cracht ende een wesen
in hem selven, maer het wert ontfaen van ongheliken personen.
Sente Peeter ontfinct met heylegher begherten ende met heilegen gheloeve
ende met heilegher minnen tot gode. Daer omme ontfinc hi den
heileghen gheest, ende wert ghesterct in den heilegen gheloeve ende in
te volbringhene die werke des heileghen gheloeven. Maer Judas die
was ongherechtich ende quaet ende vol sonden. Ende daer omme en
ont finc hi niet den heilegen gheest, maer hi ontfinc den quaden gheest
ende wert vol des duvels ende wert ghesterct te volbringene sine
quaetheit ende sine verradenisse. Ende alsoe het doen ghesciede, alsoe
ghesciet noch. Die goede priesteren ende menschen, soe si dickere
ende langher dat heileghe tsacrament ontfaen met heilegen gheloeve
ende met mynnen tot gode, soe si heileger ende oetmoedegher ende afghesceedender
worden, ende soe si stercker worden in den heilegen
gheloeve ende in te werkene die werke des gheloeven. Maer alle die
ghene die dicke tsa crament ontfaen met eenen sondeliken levene, die
worden ghelijc Judase, ende si worden alsoe ghesterct in hare quaetheit,
dat si sonde doen sonder vrese alse Judas | dede.
Hi sprac: Als hem die priesteren biechten ende dan rouwe hebben,
soe vergheeft hem god hare sonden.
Si sprac: Het hoert den priesteren gods toe dat si die sonden om
gode laten ende hem reyne van sonden houden boven alle andre menschen,
om dat si in gods stat gheset sijn over die sacramente ende die
menschen te regerene ende die sonden te verghevene. Want die sonden
sijn vele betre om gode ghelaten dan alle die penitencye diemen voer
de sonden doen mach als men die sonden ghedaen heeft. Want al vergheeft
god die sonden om rouwe ende om penitencye, nochtan blijft
die smette der sonden. Daer omme moet die priester gods reine sijn,
B 31 Mat. 20:16
P 35 tsacrament: hs. tsacrat met superscript atje boven de laatste a.
111va
111vb