Download pdf - Textualscholarship.nl

540 Het Wiesbadense handschrift folio 109vb-110rb
1
4
1
4
8
12
16
20
[40 GEBED]
O soete heere Jhesus Cristus, ic bidde u bider cracht des gheloeven
ende des godlijcs sacraments, dat ghi alle godlike ghiften van gracien
doet comen in mijn arme siele.
Des moet wesen mijn volleest
die vader, die soen ende die heilighe gheest.
Amen. Amen.
Opera enym in lorum secontra illos |
[41 GEBEDEN TOT JOHANNES DE EVANGELIST]
►Dits een goet ghebet van sente Jan ewangeliste◄
O heileghe Johannes ewangeliste, du best een blickende licht des hemels,
du best eene schinnende sterre ende een voertbrengher des lichtes
der werelt ende een uutvercoren vrient gods boven alle ander heilegen
in heymeliker, ghewaergher trouwen, die hi u cond dede meer
dan enigher anderen creaturen hier op aertrike, als van sijns godlikes
wesens ende die verborghentheit des hemels ende der aerden. Dat was
opten witten donderdachs avonts, doe ghi, lieve werde Johannes, la -
ghes op die minlike zoete borst ons lief heere Jhesu Cristi, daer ghi ute
soghes den godliken schijn ende dou der godliken verborghenthyt, die
niement volgronden noch begripen en can.
O heilech Johannes, ic bidde ende vermane u deser goedertieren minne
ende der groter eeren die u onse heere god heeft bewijst boven anderen
vrienden gods, dat ghi mi vercrighen wilt van gode, dinen lieven
heere, die godlike liefte ende minne, in welke minne ic moet sijn ende
werden ghesterct in alre doghet, ende dat ic af moet laten alle zondeliken
saken die mynre zielen moghen | scaden. Amen, amen.
O helech Johannes, ic bidde u ende vermane om die grote werdicheit
die di onse heere god dede doen hi di riep van tijtliker bruylocht ende
vercoes di tote eenen reynen joncfrouwen staet in een reyn, zuyver le-
[40]
[41]
110ra
110rb
V [40] 4 volleest: ‘hulp, steun, bijstand’ 7 Opera enim illorum sequuntur illos (‘want hun daden vergezellen
hen’). Deze toevoeging heeft inhoudelijk geen band met het voorgaande gebed.
P [40] 7 Toevoeging in een met rood versierd kadertje door hand 7 (cursiva).
[41] Tekst geschreven door hand 7 (cursiva). 1 Opschrift in kader, in zwarte inkt, door hand 7 (tex -
tualis).