Download pdf - Textualscholarship.nl

1
4
8
12
16
20
24
28
32
36
37 38 | 39 Overweging bij de zes dagen voor de Passie 539
[39 OVERWEGING BIJ DE ZES DAGEN VOOR DE PASSIE]
O soete Jhesus, ic bidde u omme die grote minne die u brachte tot Jherusalem,
daer ghi quamet vi daghe voer u ghebenedide doot, dat ghi mi
ghevet te bekennene mine sonden vi daghe voer mine doet.
Inden iersten daghe soe ghevet my, lieve heere Jhesus, alsoe bitterliken
rouwe ende alsoe volcomen biechte alsoe ghi den scaker daet ane
den cruce dien ghi weerdich maket uwes ewichs conincs rijcs.
Inden anderen daghe gheheilicht my, Jhesus, mine wonden ende
laet se mi ghesalvet worden in u eewelike conincrike. Ende ghevet my
uwen heilighen lichame ende u heilich bloet toet eender sekerheit uwes
hemels vaderlijcs lants. Want ghi my niet en hebt ghegeven gheenen
sceppere noch gheenen verlossere dan u selven, soe biddic u dat ghi mi
en gheeft gheenen uutleedere dan u selven.
Inden derden daghe soe ghevet mi, lieve heere Jhesus, alsoe grote
minne tot u dat ic inder selver groter minnen al dat versoene [al] dat ic
jegen u, lieve heere Jhesus, mesdaen hebbe. Ende ghevet miere herten
alsoe vele | loefs ende alsoe vele eeren ende alsoe vele minnen als ic u
sculdich ben te doene ende te minen evenmenschen waert, ende dat mi
aen u verset worde dat u an alle menschen yet mesdaen wert. Ende dat
ic ane u hebben moete des sij an u ontberen, sulke die weenende met
u sijn.
Inden vierden daghe soe ghevet my, lieve heere Jhesus, alsoe grote
begherte tot u, dat die grote begheerte mine siele meer dwinghe uut te
ghane van sonden dan die pine miere doet.
Inden vijften daghe soe ghevet mi, lieve heere Jhesus, die keyserlike
maghet Marie, uwer liever moeder, alsoe groet ende alsoe milde ende
alsoe ontfermhertich alse ghi mi u hebt ghegheven, dat sij mijn voersprekersse
moete wesen ende allen sondaren. Ic bidde u, vrouwe rose,
dat ghi mi onderweghen niet en laet. Des biddic u, wel lieve heere Jhesus
Cristus, doer uwer heiligher doet eere, die u lieve moeder met haren
reynen ogen aenden cruce aensach.
Inden sesten daghe soe gheeft mi, lieve heere Jhesus Cristus, om al
uwen lof ende om al uwer eeren ende om al uwe grote minne, die u
brachte om minen wille ane den cruce toter doet, dat ghi selve, Jhesus,
comt tot miere doet ende ontfaet mine siele in uwen armen, ende ghevet
my al dat ghi met uwer heiligher doet verworven hebt. Dat moet
waer sijn. Amen.
V [39] 12 uutleedere: niet in MNW, cf. uteleiden, in de betekenis ‘ter aarde bestellen’
[39]
109vb
P [39] 33 ane: op rasuur, door hand 7 selve: op rasuur, door hand 7 36 amen: met rood geschreven,
door hand 7.