Download pdf - Textualscholarship.nl

536 Het Wiesbadense handschrift folio 108vb-109rb
68
72
76
80
84
88
92
1
aensicht moet sijn alle creatueren bedect, want dijn brudegoem es te
mael glorioes. Ende wille van niement dijn aensichte worde ghesien of
keere der dinc dijnre uterste oghe die du gheerne saechts, ende dijre inderst
oghe der dinc die du te minnen plies. Want en es gheen dinc die
lichter levende es dan die minne.
Dat woert goeds saltu altoes neerstelijc horen ende verstaen ende
daer toe vast onthouden ende dat met werken volbringhen alsoe verre
alst dijnre werken toebehoert, altoes peinsende: Die den wille ons heeren
weet ende niet en doet, die es vele slaghen weert.
Pijndi nerenstelike te dogen versmaethede ende wat u bejeghent.
Altoes besie ende merke dijns selves wesen. Eest goet dat u bejeghent
ende du buten sonden sijs, soe peins datti god betre hebbe wille ende
tote yet hoghes trecken wille. Eest quetselijc dat u bejeghent, peins dat
god dine sterchede wille proeven. Bestu in sonden ende di yet goets
bejeghent, soe peinse datti god verleent ende smeect. Eest quetselijc
datti bejeghent in sonden, peins datti god bi gheeselene ende bij vreesen
daer ute wille bringhen ende in doechden keeren.
Eest datmen di yements leven vertrecken wille dat fautelijc sij, daer
of keere dine oren ende di selven. Peins dat sente Beernaert seyt: Ghelike
sonde es quaet van yement te sprekene ende te horen segghen. Altoes
scuwe die di prisen om ydel glorie diemen in prisen bejaghet. Een
woert dat di dwinct ende die di blameeren en saltu niet haten, maer
over hem bidden ende peinsen dat dijn meester Jhesus Cristus blame
ende lachter ghelaten heeft in een arm woert. Eest datti invalt dat | je -
ghen dinen staet es daer di god nu al in gheroepen heeft, dat verstect
als temptacie. Peyns dat sente Pauwels seyt: Elc mensche sal bliven int
roepen daer hi in gheroepen es. Voert saltu voer oghen hebben dat leven
van eenen goeden mensche ende daer na dijn leven leeden, ende altoes
dijn leven merken ende sien waer in ende hoe dijn leven scildet
ende tsine. O mensche, peinse om dese woerde.
[36 PASSIEOVERWEGING]
Lieve vrient in gode, wiltu wesen in contemplacie, dats swighen ende
peinsen om de passie van onsen heere Jhesum Cristum, ende daer in
smaec ontfanghen van hemelscher soetheden, ende uutvloyende tra-
B 91/2 1 Kor. 7:20
V 90 verstect (versteken): ‘verdrijft, verjaagt’ 92 roepen: ‘roeping, levensstaat’; cf. Lat. vocatio.
P [36] 2 om: boven de regel toegevoegd.
[36]
109ra