Download pdf - Textualscholarship.nl

32
36
40
44
48
52
56
60
64
34 | 35 Oefeningen van een geestelijk mens 535
dinghen ten wille gods, als Cristus sprac: Mijn spise es te doene den
wille mijns vaders. Dine lichamelike spise es broet int ghevoech, melc,
visch, selden vleesch. Dijn dranc sal sijn bier, selden wijn; die nem te
diere noet, niet | te diere lust, datmen met groter vreesen ghedinct dat
Job seyt: Eer ic spise neme, versuchtic. Ende David seyt: Ic at asschen
ende brood ende menghede minen dranc met tranen. Eer du eets saltuut
seynen ende daer na gode dancken.
Dijn ghepeins sal sijn op de glorie van daer boven of opt torment
vander hellen of op dine sonden of op dine doet. Als dijn ghepeins
in Cristo, merkene hoe arem gheboren, arm opwassende, prekende,
versmaet, moede van ghane, sprekende metten samaritanen,
verraden, ghegheeselt, ghecroent, ghecruust, verrisende, de Maegdaleene
troestende, sinen jonghers hem toghende, opvarende, sinen
gheest hem sendende. Dine bedinghe sal sijn ghemeene ende nerenst.
Dijn slaep sal sijn cort ende sober, ende soete ruste dijns lichamen niet
versmoere dinen gheest. Alstu slapen suls, doe dattu slaeps met ghepeinse
in gode, dat dijn droem in hem sy ende altoes van hem blive.
Dine sprake sal sijn op oetmoedicheden ende soetheden van herten.
Dine oefeninghe dire sielen sal altoes een vermaken metter lichameliker
oefeninghen nemen, die di wederbringhen in dine inderste oefeninghe.
Ende ghebrake de uterste oefeninghe eer du ledich saets, maect crucen
met dire hant ende cusse. Houti alle daghe int capitel ende besich
weder du voert gaes of ne does, want inden wech niet voert te gane
dats een ontbliven ende achterwaert gaende. Ghevielt datti een goet
mensche toesprake, altoes hore liever dan du spreecs. Ende in alle dine
woerden wacht dattu niet en spreects daer du moghes in schinen alte
gheestelijc of alte rude. Alst ghevalt datti dij ten utersten keers, ghemoetstu
enighe distruberinghe, wacht datsi di niet ter herten en come,
ne waer beletse met redenen. Hebbe voer oghen Davids woerden, die
seit: Sijt gram ende doe gheene sonden. Voert moestu dine minne ende
dijn goet met onderscheedicheden beleden. Sente Beernaert seghet:
Daer meest minnen es, daer es meest noet van onderscheedicheden.
Pijndi altoes te nemene een middel tusschen dinen wille ende te vernemene
| na dijn vermoghen, ende na dat dine minne wast, soe sal dijn
vermoghen daer toe sijn. Ende aldus sal di alle dinc moghelijc sijn, als
dese scriftuere spreect: Alle dinc sijn moghelijc dijnre minnen. Dijn
B 29/30 Joh. 4:34 33 Job 3:24 33/4 Ps. 101(102):10 59 Ps. 4:5 65 cf. Marc. 9:22
K 38 es: noodzakelijke toevoeging omdat een persoonsvorm in de zin ontbreekt.
V 35 seynen: spellingvariant van segenen
108va
108vb